CDLI Literary 000333 (Enki and Ninmah) composite (P469515)

Literary artifact dated to the Old Babylonian (ca. 1900-1600 BC) period

Metadata / catalogue

Flat catalogue


Expanded catalogue


Linked catalogue


Text / annotations

Text data


Linked annotations


Related publications

As CSV As BibTeX

Chemical Data

Seal Chemistry


Museum Collection(s)


Museum Number



Old Babylonian (ca. 1900-1600 BC)



Artifact Type




Genre / Subgenre(s)

Literary (ETCSL 1.01.02 Enki and Ninmah (composite))






object composite text
surface a
1. u4 re-a-ta u4 an ki-bi-ta ba-an-dim2-ma-ba
2. ge6 re-a-ta ge6 an ki-bi-ta ba-an-dim2-ma-ba
3. mu re-a-ta mu nam ba-tar-ra-ba
4. da-nun-na-ke4-ne ba-tu-u4-da-a-ba
5. {d}ama-{d}inanna nam-|NIR.PA|-sze3 ba-tuku-a-ba
6. {d}ama-{d}inanna an ki-a ba-hal-hal-la-a-ba
7. {d}ama-{d}inanna [...] ba-a-pesz u3-tu-da-a-ba
8. dingir kurum6-ma-bi A x x unu2?-bi-sze3 ba-ab-kesz2-a-ba
9. dingir szar2-szar2 kin-ga2 al-sug2-ge-esz dingir tur-tur du2-lum im-il2-il2-e-ne
10. dingir i7 im dun-dun-u3-ne sahar-bi ha-ra-li im-dub-dub-be2-ne
11. dingir im ar3-ar3-re-ne zi-bi inim am3-ma-gar-re-ne
12. u4-ba gesztu2 dagal mud dingir szar2-szar2 gal2-gal2
13. {d}en-ki-ke4 engur buru3 a-sur-ra ki dingir na-me sza3-bi u6 nu-um-me
14. ki-nu2-ni i3-nu2 u3 ku nu-um-zi-zi
15. dingir er2-ra im-pad-pad-ne a-nir gal2 i3-ak im-me-ne
16. lu2 ku-ra i3-nu2-a-ra ki-nu2-bi nu-um-zi-zi-ra
17. {d}namma-ke4 ama igi-du u3-tu dingir szar2-szar2-ra-ke4-ne
18. er2-ra dingir-re-e-ne dumu-ni-ir ba-szi-in-de6
19. x mu-un-szi-nu2-u3-nam u3 mu-un-szi-ku-ku-na-nam
20. x TE ba [...] nu-mu-un-zi-zi
21. dim3-me2-er szu dim2-dim2-ma-zu x gu2?-bi im-tu10-tu10-ne
22. du5-mu-gu10 ki-nu2-zu zi-ga i-bi2 ma-al-la-zu-ta na-ag2-ku3-zu u3-mu-e-kin-ga2
23. kin-se3 dim3-me2-er-e-ne-ke4 u3-mu-e-dim2 du2-lum-bi ha-ba-tu-lu-ne
24. {d}en-ki-ke4 inim ama-na {d}namma-ke4 ki-nu2-na ba-ta-zi
25. hal-an-ku3 nigin2 sza3 kusz2-u3-da-na hasz im-mi-ni-ra
26. gesztu2 gizzal en3 tar [...] nam-ku3-zu mud me-dim2 nig2-nam-ma SIG7-EN SIG7-HI im-ta-an-e3
27. {d}en-ki-ke4 a2-ni ba-szi-in-de6 gesztu2 i3-ni10-ni10-e
28. {d}en-ki-ke4 mud me-dim2 ni2-te-a-na sza3-bi gesztu2-ta u3-mu-ni-de5-ge
29. ama-ni {d}namma-ra gu3 mu-un-na-de2-e
30. ama-gu10 mud mu-gar-ra-zu i3-gal2-la-am3 zub-sag3 dingir-re-e-ne kesz2-i3
31. sza3 im ugu abzu-ka u3-mu-e-ni-in-szar2
32. SIG7-EN SIG7-HI im mu-e-kir3-kir3-re-ne za-e me-dim2 u3-mu-e-ni-gal2
33. {d}nin-mah-e an-ta-zu he2-ak-e
34. {d}nin-imma3 {d}szu-zi-an-na {d}nin-ma-da {d}nin-bara2
35. {d}nin-mug {d}SAR-SAR-GAB {d}nin-gun3-na
36. tu-tu-a-zu ha-ra-gub-bu-ne
37. ama-gu10 za-e nam-bi u3-mu-e-tar {d}nin-mah zub-sag3-bi he2-kesz2
38. [...] i3-du3 nam-lu2-ulu3 [...]
39. [...]-ke4? nam-lu2-ulu3 am3-ma-[...]
40. [...] HA? sag-e sag am3-ma-[...]
41. [...] dim2-zu unu6 RI-zu ga-a-am3
42. [...] SAR-e gesz-nu11 mi-ni-in-il2 nam-lu2?-ulu3 [...]
43. [...] sag2 numun2-e mi-ni-in-ri u3-tu na-bi mu-de5
44. {d}en-ki-ke4 kin ni10-ni10-da x mi-ni-in-la2 sza3-bi ba-hul2
45. ama-ni {d}namma {d}nin-mah-sze3 geszbun na-am3-ma-ni-in-gar
46. gu2 SIG7-EN SIG7-HI nun-ne-ke4 nam-tar gi sag ninda i-im-gu7-e
47. an-e {d}en-lil2-bi en {d}nu-dim2-mud-e masz ku3 i-im-sze6-sze6
48. dingir szar2-szar2-ra-ke4-e-ne ka tar i-im-si-il-le-ne
49. en gesztu2 dagal-la a-ba-a gesztu2 i3-de5-ge
50. en gal {d}en-ki-ke4 nig2 ak-ak-zu-sze3 a-ba-a i3-se3-ge
51. a-a tu-da-gin7 me nam tar-tar-ra me za-e al-me-en-na
52. {d}en-ki-ke4 {d}nin-mah-e kasz im-na8-na8-ne sza3-bi ul mu-un-te
53. {d}nin-mah-e {d}en-ki-ra gu3 mu-na-de2-e
54. me-dim2 na-ag2-lu2-ulu3-ta sa6-ge hul ma-al-la-a-kam
55. ki sza3 gi4-a-gu10 na-ag2-tar bi2-ib-se3-ge bi2-ib-hul-e
56. {d}en-ki-ke4 {d}nin-mah-e mu-na-ni-ib-gi4-gi4
57. nam-tar sza3-ge de6-a-zu sa6-ge hul ma-al ga-am3-szi-ib2-la2
58. {d}nin-mah-e im ugu abzu-a szu-ni mu-ni-in-ti
59. lu2 gi szu szu2-szu2 sa2-sa2-de3 nu-gam lu2-u3 am3-ma-ni-in-dim2
60. {d}en-ki-ke4 lu2 gi szu szu2-szu2 sa2-sa2-de3 nu-gam igi du8-a-ni-ta
61. nam-bi i-ni-in-tar sag lugal-la-ke4 am3-ma-ni-in-gub
62. gi4-bi gesz-nu11 gi4-gi4 lu2 u6-e am3-ma-ni-in-dim2
63. {d}en-ki-ke4 gesz-nu11 gi4-gi4 lu2 u6-e igi du8-a-ni-ta
64. nam-bi i-ni-in-tar nam-nar mi-ni-in-ba
65. x gal uszumgal-la igi lugal-la-ke4 am3-ma-ni-in-gub
66. pesz-bi giri3 2(disz) hum giri3 dab5-ba-a am3-ma-ni-in-dim2
67. {d}en-ki-ke4 giri3 2(disz) hum giri3 dab5-ba igi du8-a-ni-ta
68. kin [...] ku3-babbar-dim2 me-lam2-ma-ni am3-ma-ni-in-x
69. pesz-gi lu2 a sur-sur-ra am3-ma-ni-dim2
70. {d}en-ki-ke4 lu2 a sur-sur-ra igi du8-a-ni-ta
71. a mu7-mu7 mi-ni-in-tu5 nam-tar su-bi am3-ma-ni-in-zi
72. pesz-pesz-gi munus nu-u3-tu am3-ma-ni-in-dim2
73. {d}en-ki-ke4 munus nu-u3-tu igi du8-a-ni-ta
74. nam-bi mi-ni-in-tar e2-mi2-a-ke4 am3-ma-ni-in-du3
75. pesz-bala-gi lu2 su-ba gesz3 nu-gar gal4-la nu-gar am3-ma-ni-dim2
76. {d}en-ki-ke4 lu2 su-ba gesz3 nu-gar gal4-la nu-gar igi du8-a-ni-ta
77. {d}nibru{ki} tiru?-e mu-e mu-ni-in-sa4-a
78. igi lugal-la-ke4 gub-bu-de3 nam-bi a-ma-ni-in-tar
79. {d}nin-mah-e im nigin2 szu-na ki-a mu-un-szub lul-asz lib mu-un-gar
80. en gal {d}en-ki-ke4 {d}nin-mah-a-ra gu3 mu-un-na-de2-e
81. lu2 szu dim2-ma-zu-sze3 nam-bi i-ni-in-tar ninda i-ni-in-szum2
82. ge26-e ga-na ga-mu-ra-ab-dim2 za-e u3-tu-bi nam-bi tar-ra-ab
83. {d}en-ki-ke4 me-dim2 sag-ga2 x-ga? ka sza3-ba a-ma-ni-dim2
84. {d}nin-mah-a-ra gu3 mu-un-na-de2-e
85. a gesz3 ak sza3 munus-a-ka ri-a
86. {d}nin-mah [...] u3-tu-bi-sze3 am3-mi-ni-gub
87. munus-bi u4-bi [...] ga asz x KA sza3-ba i-in-szub
87a. {d}nin-mah [...] i3-si-ig
88. gi4-bi u4-mu-ul a-za-ad-bi gig-ga ki nam-x-bi gig-ga igi-bi gig-ga gu2-bi gig-ga
89. zi til-til ti sur-sur mur gig-ga sza3 gig-ga lipisz gig-ga
90. szu-bi a-za-ad la2-la2 ka-bi-sze3 ninda nu-gar murgu2 sag-du ze2-re
91. za3-sze sur giri3 sur-sur a-gar3 nu-DU am3-ma-ni-in-dim2
92. {d}en-ki-ke4 {d}nin-mah-ra gu3 mu-na-de2-e
93. lu2 szu dim2-ma-zu nam i-ni-in-tar ninda mi-ni-szum2
94. za-e lu2 szu dim2-gu10-usz nam-bi tar-ra-ab ninda he2-[...]-szum2
95. {d}nin-mah-e u4-mu-ul igi du8-a-ni-ta e-ne-sze3 ba-e-gi4
96. u4-mu-ul mu-na-te en3 mu-na-tar-tar-re du11-ga nu-zu-e
97. ninda gu7-a-ni-sze3 mu-na-ab-de6 szu nu-mu-na-da-gid2-de3
98. {gesz}gur8-u6 sza3? nu-mu-na-nu2 nu-mu-da-an-gal2-gal2
99. gub nu-mu-da-tusz nu-mu-da-nu2 e2 nu-mu-da-x ninda nu-mu-da-gu7
100. {d}nin-mah-e {d}en-ki-ra inim-ma mu-[...]-gi4-gi4
101. lu2 szu dim2-ma-zu lu2 ti-la in-nu lu2 ug5-ga in-nu il2-bi nu-mu-da
102. {d}en-ki-ke4 {d}nin-mah-e mu-na-ni-ib-gi4-gi4
103. lu2 gi szu sig-ra nam mi-ni-tar ninda mi-ni-in-szum2
104. lu2 gesz-nu11 gi4-gi4-ra nam mi-ni-tar ninda mi-ni-in-szum2
105. lu2 giri3 hum dab5-ra nam mi-ni-tar ninda mi-ni-in-szum2
106. lu2 a sur-sur-ra nam mi-ni-tar ninda mi-ni-in-szum2
107. munus nu-u3-tu-ra nam mi-ni-tar ninda mi-ni-in-szum2
108. lu2 su-ba gesz3 nu-gar gal4-la nu-gar-ra nam mi-ni-tar ninda mi-ni-in-szum2
109. nin9-gu10 [...]
110. [...]
111. A [...]
112. {d}nin-mah-e {d}en-ki-ra gu3 mu-na-de2-e
113. ag2-ga2 [...]
114. ag2-ga2 [...]
115. ma A [...]
116. ag2-ga2 [...]
117. ag2-ga2 [...]
118. ag2-ga2 x [...]
119. [...]
120. [...]
121. [...] x x DU [...]
122. [...] NI DU ag2 TAG-sze3 mu-ni-in-ku4-re
123. a2-sze3 an nu-mu-e-tusz ki nu-mu-e-tusz i-bi2 il2-la-zu ka-na-ag2-ga2 nu-e3-en
124. ki za-e nu-tusz-en e2-gu10 du3-a inim-zu mu nu-tuku
125. ki za-e nu-ti-en iri-gu10 du3-a nig2-gu10 lib ba-si-ge-en
126. iri-gu10 gel-le-eg3-ga2 e2-gu10 gul-la du5-mu-gu10
127. lu2-kar-ra-gen e2-kur-ta e3-gen
128. u4 me-e nig2-gu10 szu-zu-ta szu la-ba-ra-e3
129. {d}en-ki-ke4 {d}nin-mah-ra mu-na-ni-ib-gi4-gi4
130. inim ka-zu e3-a a-ba-a i3-kur2-re
131. u4-mu-ul x TU dab5-ba ur2-zu-ta szu gal2-ab-ta
132. {d}nin-mah? kin-ga2-zu he2-bi2-la2-la2 szu nu-du7 ma-dab5 a-ba-am3 sag mu-un-ga2-ga2
133. lu2 me?-dim2?-gu10 egir-zu-sze3 tuku-a ka-bi szu he2-bi2-gal2
134. u4-da gesz3-gu10 me-tesz2 ha-ba-i-i gesztu2 de5-ge-zu he2-gal2
135. enkum ninkum
136. u4 x giri3 szub-szub gu2 nam-bi-[...] ka tar-zu he2-si-il-le-ne
137. nin9-gu10 a2 nam-ur-sag-ga2 [...] DU
138. szir3 [...] nam-dub? [...]
139. dingir gesz tuku-a-bi u4-mu-ul du3? [...] e2-gu10 he2-ak-e
140. {d}nin-mah-e en gal {d}en-ki-ke4 za3 nu-mu-ni-in-sza4
141. a-a {d}en-ki za3-mi2-zu du10-ga

Consult previous versions and their differences
Consult sign list of Old Babylonian (ca. 1900-1600 BC)
Consult word list of Old Babylonian (ca. 1900-1600 BC)

  • Artifact type: Artifact type comments:

    composite text

  • Material:
  • Measurements (mm):
  • Weight:
  • Artifact Preservation:
  • Condition Description:
  • Join Information:
  • Seal no.:
  • Seal information:
  • Artifact comments:

    composite text

  • Genre(s): Literary (ETCSL 1.01.02 Enki and Ninmah (composite))
  • Language(s): Sumerian

  • history: ETCSL, 1.1.2 Enki and Ninmah

    [BlackETCSL] Black, Jeremy A. 1998-2006. “Electronic Text Corpus of Sumerian Literature.” 1998-2006.

  • Composite No.: Q000333
  • Museum No.:
  • Accession No.:

  • Provenience:
  • Elevation:
  • Stratigraphic Level:
  • Excavation No:
  • Findspot Square:
  • Findspot Comments:

Created Creator Type Authors Project Reviewer Status Action
2024-06-07 at 13:32:34 Firth, Richard Artifact Firth, Richard Firth, Richard approved View
2024-06-07 at 13:24:18 Firth, Richard Artifact, Other Entity Firth, Richard Firth, Richard approved View
2016-07-28 at 16:33:56 CDLI Atf CDLI CDLI approved View
2016-04-23 at 16:27:08 Englund, Robert K. Atf Englund, Robert K. CDLI approved View
2016-04-23 at 10:18:23 Englund, Robert K. Atf Englund, Robert K. CDLI approved View
2016-01-03 at 09:09:13 Dahl, Jacob L. Atf Dahl, Jacob L. CDLI approved View
2014-09-08 at 00:00:00 CDLI Artifact Wagensonner, Klaus CDLI approved View

Consult this artifact as presented on the website of collections and projects:

    There is no external resource for this artifact yet.

General Notes: -
CDLI Notes: -
Cite this Artifact
“CDLI Literary 000333 (Enki and Ninmah) Composite Artifact Entry.” (2014) 2024. Cuneiform Digital Library Initiative (CDLI). June 7, 2024.
CDLI Literary 000333 (Enki and Ninmah) composite artifact entry (No. P469515). (2024, June 7). Cuneiform Digital Library Initiative (CDLI). (Original work published 2014)
CDLI Literary 000333 (Enki and Ninmah) composite artifact entry (2024) Cuneiform Digital Library Initiative (CDLI). Available at: (Accessed: June 13, 2024).
	note = {[Online; accessed 2024-06-13]},
	year = {2024},
	month = {jun 7},
	title = {CDLI {Literary} 000333 ({Enki} and {Ninmah}) composite artifact entry},
	url = {},
	howpublished = {},

DA  - 2024/6/7/
PY  - 2024
ID  - P469515
LB  - CDLI:P469515
M1  - 2024/6/13/
TI  - CDLI Literary 000333 (Enki and Ninmah) composite artifact entry
UR  -
ER  - 
This website uses essential cookies that are necessary for it to work properly. These cookies are enabled by default.