Transliteration
&P516895 = RINAP 5/2 Sîn-šarru-iškun 01 composite
#atf: lang akk
@object composite text
@surface a
1. a-na-ku {disz}{d}suen-lugal-gar-un _lugal gal lugal_ dan-nu _lugal szu2 lugal kur_ an-szar2{ki}
2. ni-isz _igi-min an-szar2 {d}en-lil2 {d}nin-lil2 szagina_ mut-nen-nu-u2 {lu2}x x e2-szar2-ra
3. ma-al-ku szuk-nu-szu i-tu-ut kun lib3-bi {d}sin {d}nin-gal {d}utu u {d}a-a na-ram {d}marduk {d}numun-du3-tum {d}ag {d}lal2
4. tab-szu-ut {d}isz-tar a-szi-bat {iri}nina {d}isz-tar a-szi-bat limmu2-dingir{ki} mi-gir {d}u-gur u3 {d}nusku
5. sza2 an-szar2 {d}nin-lil2 u3 _dingir-mesz gal-mesz_ i-na bi-rit masz-szi-ia ke-nisz ip-pal-su-ni-ma is-su-qu-ni a-na _lugal_-u-ti
6. za-ni-nu-u2-ti kisz-szat ma-ha-zi _e2-bar_-u2-ti gi-mir esz-re-e-ti re-'u-u2-ut nap-har s,al-mat _sag-du_ e-pe-szu iq-bu-u-ni
7. ki-ma _ad_ u _ama_ it-ta-nar-ru-in-ni-ma i-na-ru a-a-bi-ia u2-szam-qi2-tu2 ga?-re-ia
8. t,a-bisz u2-sze-szib-u-in-ni ina _{gesz}gu-za lugal_-u-ti _ad du3_-ia
9. {d}e2-a {d}be-let_-dingir-mesz_ a-na e-nu-ti kisz-sza2-ti ib-nu-in-ni ina nap-har x x u2-sza2-ti?-ru nab-ni-ti
10. {d}sin _lugal_ a-ge-e a-na kun-ni _suhusz kur_ szu-te-szur ba-'u-la-a-ti a-ge-e _en_-u-ti e-pir-an-ni _{gesz}gidri lugal_-u-ti u2-szat-me-eh rit-tu-u-a
11. {d}nin-lil2 a-szi-bat nina{ki} an-tum [...] x _sag-mesz_-ia
12. et,-lu szu-pu-u2 a-a-ru szu-tu-ru a-hi-iz t,e3-e-me u3 mil-ki mu-ta-mu-u2 dam-qa-a-ti
13. lib3-bu rap-szu2 ka-rasz ta-szim-ti sza2 at-mu-szu2 _ugu ug3-mesz_ ar-ma-nisz _du10-ga_
14. sza2? u2-sa-a-ti u ta-ha-zu [...]-ru du-un-qu-szu
15. [...] x zik-ri-szu2-un
16. [...] _sag-mesz_-szu2
17. _dumu_ {disz}an-szar2-du3-ibila _lugal gal lugal_ dan-nu _lugal szu2 lugal kur_ an-szar2 _lugal kur eme-gi7_ u uri{ki} _lugal_ kib-rat _limmu2_-tim
18. _dumu_ {disz}an-szar2-szesz-szum2-na _lugal gal lugal_ dan-nu _lugal szu2 lugal kur_ an-szar2{ki} _szagina_ babila2{ki} _lugal kur eme-gi7_ u3 uri{ki}
$ n lines broken
19'. [...] x _du10-ga_ ih-ti-x x x x x x ban? ni ki? [...]
20'. [...]-u2-tu _dingir-mesz gal-mesz_ pit-lu-ha-ku asz2-ra-te-szu2-nu asz2-te-'u-u2 u2-sal-lu-u2 _en_-ut-su-nu
21'. [...] i-da?-a-a i-zi-zu-ma u2-sa-at dum-qi2 e-pu-szu-u2-ni ke-mu-u2-a i-tap-pa-lu i-na-ru a-a-bi-ia [...]
22'. [...] _{lu2}kur2-mesz_-ia ik-mu-u2 a-a-ab _kur_ asz-szur{ki} la ma-gi-ru-ti _lugal_-ti-ia is,-ba-tu4 [...]
23'. [...] x x _im-mesz_ ti-bu-ti-ia u2-szab-bi-ru kab-[...]
24'. ina _sag? lugal_-u-ti-ia i-na mah-re-e _bala_-ia sza ina _{gesz}gu-za lugal_-u2-ti ra-bisz u2-szi-bu
25'. sza za-na-an ma-ha-zi szuk-lul esz-ret _bad3-mesz_-ni da-ad2-me _kur_ asz-szur{ki} [...]
26'. [...] x-e-ri ka-a-a-an usz-ta-da-na kar-szu2-u-a
27'. _dingir-mesz gal-mesz_ sza2 ap-tal-la-hu-szu2-nu-ti _dingir_-us-su-nu [...]
28'. x x en-ne2-ti-ia de-e-ni i-pu-szu-ma _ugu edin_ x [...] x-in-ni
29'. ina u4-me-szu2 _e2 {na4}gesz-nu11-gal_ ne2-reb _{tu15}mar-tu_ sza a-na _e2_ [...]
30'. sza {disz}{d}sin-pap-mesz-su _man kur_ asz-szur{ki} _ad ad du3_-ia e-pu-szu e-na-ah-ma la-ba-risz il-lik
31'. an-hu-us-su ad-ke ul-tu _usz8_-szu2 a-di gaba-dib-bi-szu2 ar-s,ip u2-szak-lil
32'. _ugu_ sza2 pa-ni-ti-im-ma szi-kit-ta-szu2 u2-rab-bi? [...]
33'. _nun egir_-u2 ina _lugal-mesz_-ni _dumu-mesz_-ia e-nu-ma _e2_ szu-a-tu2 il-la-ku la-ba-risz
34'. an-hu-us-su lu-ud-disz _mu-sar_-u2 szi-t,ir _mu_-ia
35'. u3 _mu-sar_-u2 szi-t,ir szu-me sza {disz}{d}sin-pap-mesz-su _man kur_ asz-szur{ki?} _ad? ad? du3?_-ia? li-mur-ma
36'. _i3-gesz_ lip-szu-usz _{udu}siskur bala_-qi2 it-ti _mu-sar_-e szi-t,ir _mu_-szu2 lisz-kun
37'. an-szar2 {d}nin-lil2 ik-ri-bi-szu i-szem-mu-u2
38'. _{iti}szu-gar-numun-na_ li-mu {disz}{d}ag-tap-pu-ti-a-lik
