Transliteration
&P450509 = RINAP 4 Esarhaddon 113, ex. 01
#atf: lang akk
@tablet
@obverse
1. {disz}an-szar2-szesz-szum2-na _lugal gal_-u2 _lugal_ dan-nu _lugal_ kisz-szat _lugal kur_ asz-szur{ki}
2. _szagina_ babila2{ki} _lugal kur eme-gi7_ u3 uri{ki} ni-bit {d}marduk {d}numun-du3-tu
3. _sipa_ ke-e-nu mi-gir _an-szar2_ u3 {d}nin-lil2
4. _lugal_ sza2 ul-tu s,e-he-ri-szu2 a-na {d}ag {d}tasz-me-tum u3 {d}na-na-a it-tak-lu-ma
5. e-mu-ru da-na-an-szu2-un _a_ {disz}{d}3(u)-szesz-mesz-su _lugal gal_-u2 _lugal_ dan-nu
6. _lugal_ kisz-szat _lugal kur_ asz-szur{ki} _a_ {disz}man-gin _lugal gal_-u2 _lugal_ dan-nu _lugal_ kisz-szat _lugal kur_ asz-szur{ki}
7. _szagina_ babila2{ki} _lugal kur eme-gi7_ u3 uri{ki} _sza3-bal-bal_ {disz}en-ba-ni
8. _numun_ da-ru-u2 sza du-rug-szu2 bal-til{ki} ul-la-nu-u2-a _en gal_-u2 {d}marduk
9. it-ti e2-sag-gil2 u3 babila2{ki} e-zi-iz _sza3_-szu2 ze-nu-tu ir-szi
10. _ug3-mesz_-szu2 an-na ul-la a-ha-mesz e-tap-pa-la i-dab-bu-ba la sza2-lim-tu
11. a-na _nig2-gur11 en gal_-i {d}marduk _szu-min_-su-nu u2-bi-lu-ma a-na {kur}elam-ma{ki} id-di-nu t,a-a'-tu2
12. ep-sze-ti-szi-na _ugu_ {d}marduk {d}numun-du3-tu im-ra-s,a-ma iq-bu-u2 sa-pah-szin
13. _ugu iri a-mesz_ usz-bi-i'-ma u2-sze-me ki-szub-bi-isz3
14. _dingir-mesz_-szu2 _{d}1(u)-5(disz)-mesz_-szu2 ip-ri-du-ma e-lu-u2 sza2-ma-mesz szu-bat _iri_ in-na-si-ih-ma
15. ul in-na-t,al te-me-en-szu2 i-na re-esz _lugal_-u2-ti-ia ina mah-ri _bala_-ia
16. sza i-na _{gesz}gu-za lugal_-u2-ti ra-bisz u2-szi-bu re-me-nu-u2 {d}marduk
17. _sza3_-szu2 i-nu-uh-ma it-ti _iri_ sza2 iz-nu-u2 sa-li-mu ir-szi
18. e2-sag-gil2 u babila2{ki} esz-szisz u2-sze-pisz s,a-lam _dingir-mesz gal-mesz_ ud-disz ina _ki-tusz_-szu2-nu
19. u2-szar-ma-a szu-bat da-rat _e2_ an-szar2 u2-szak-lil ina kul-lat ma-ha-zi asz2-tak-ka-nu si-ma-a-te
20. i-na u4-me-szu2-ma e2-nig2-gidru-kalam-ma-szum2-ma _e2_ {d}ag sza2 ha-re-e sza a-szar-szu2 ik-kam-ru-ma
21. e-mu-u2 ti-la-nisz s,e-er usz-sze-szu2 la in-na-t,a-lu la us,-s,ab-bu-u2 nab-nit-su
22. a-na-ku {disz}an-szar2-szesz-szum2-na _lugal kur_ asz-szur{ki} sza _an-szar2_ {d}3(u) {d}utu {d}en {d}ag
23. a-na szuk-lu-lu ma-ha-zi ud-du-sze esz-re-e-ti ip-tu-u2 ha-si-su-usz
24. e-pesz e2-nig2-gidru-kalam-ma-szum2-ma ina lib3-bi-ia ib-szi-ma usz-ta-bil ka-bat-ti ep-ri-szu2 kam-ru-te
25. u2-pat-ti-ma szi-kit-ta-szu2 us,-s,ab-bi-ma a-hi-it, te-me-en-szu2 ki-i pi-i _gesz-hur_-szu2 mah-ri-te
26. am-szu-uh-ma e-du _sig4_ la u2-rad-di ina muh-hi ina _iti_ szal-me u4-me _sze-ga_ usz-sze-szu2 ad-di-ma
27. u2-kin _sig4_-su _e2_ sza-a-szu2 ul-tu usz-sze-szu2 a-di gaba-dib-bi-szu ar-s,ip u2-szak-lil
28. ki-ma u4-me u2-nam-mir [szip-ru sza2-a-szu2] {d}ag _ibila_ s,i-i-ru ha-disz li-pal-lis
29. i-na kun-ni _sza3_-szu2 lik-tar-[rab _lugal_-u2]-ti _{gesz}gidru_ i-szar-tu mu-rap-pi-szat _kur_ li-szat-me-eh rit-tu-u-a
30. a-na {disz}asz-szur-du3-a _dumu_ ri-du-tu2 _kur_ asz-szur{ki} u3 {disz}{d}gesz-nu11-mu-gi-na _dumu_ ri-du-te babila2{ki}
31. _szesz-mesz_ ki-lal-la-an s,i-it lib3-bi-ia szim-tu t,a-ab-tu szim-tu _munus-saga_ sza ur-ruk u4-me
32. _bala-mesz_-szu2-un na-s,ir _{gesz}gu-za_ sza2-an-gu-ti-szu2-un li-szi-mu szi-mat-su-un
33. _lugal_-su-un x x x x x x x ina kit-ti u3 mi-sza2-ri li-ir-du-u2
34. ma-ti ru?-bu-u2 ke-e-nu-tu2 {d}3(u) u {d}utu an-nu ke-e-nu li-tap-pa-lu a-ha-mesz
35. a-na _egir-mesz_ u4-me a-na u4-me s,a-a-ti e-nu-ma _e2_ sza2-a-szu2 e-na-hu-ma la-ba-risz il-la-ku
36. ru-bu-u2 ar-ku-u2 sza an-hu-us-su ud-da-szu2 szu-mi3-ia2 szat,-ru it-ti _mu_-szu2 lisz-kun
37. {d}ag _ibila_ s,i-i-ru na-din _{gesz}gidru {gesz}gu-za bala_-e ik-ri-bi-szu2 i-szem-me
