CDLI Literary 000334 (Enki and World Order) composite (P469516)

Literary artifact excavated in Nippur (mod. Nuffar), dated to the Old Babylonian (ca. 1900-1600 BC) period

Metadata / catalogue

Flat catalogue

As CSV As TSV

Expanded catalogue

As JSON

Linked catalogue

As TTL As JSON-LD As RDF/JSON As RDF/XML

Text / annotations

Text data

As ATF As JTF

Linked annotations

As TTL As JSON-LD As RDF/JSON As RDF/XML

Related publications

As CSV As BibTeX

Chemical Data

Seal Chemistry

As CSV

Museum Collection(s)

-

Museum Number

-

Period

Old Babylonian (ca. 1900-1600 BC)

Provenience

Nippur (mod. Nuffar)

Artifact Type

-

Material(s)

-

Genre / Subgenre(s)

Literary (ETCSL 1.01.03 Enki and World Order (composite))

Language(s)

Sumerian

Measurements

-

Composite

object composite text
surface a
1. en mah-di an ki nir-gal2 ni2-te-na
2. a-a {d}en-ki gu4-dam a ri-a am gal-e tu-da
3. mi2 du11-ga kur gal {d}en-lil2-le ki ag2 an ku3-ga
4. lugal {gesz}mesz3 abzu-a du3-a kur-kur-ta il2-la
5. uszumgal mah eridu{ki}-ga gub-ba
6. gissu-bi an ki-a dul-la
7. {gesz}tir {gesz}gesztin-na kalam-ma la2-a
8. {d}en-ki en he2-gal2-la {d}a-nun-na-ke4-ne
9. {d}nu-dim2-mud pesz10-gal2 e2-kur-ra gaba-gal2 an ki-a
10. e2-zu mah abzu-ta si-ga dim gal an ki-a
11. {d}en-ki igi 1(disz) il2-la-ni kur-sza3-ge di-di
12. alim u3-tu lu-lim u3-tu-da
13. szeg9 u3-tu szeg9-bar u3-tu-da
14. x sza3-tum2-ma si-du11-ga sza3 hur-sag-ga2-ka
15. x x sig7-ga-ba lu2 nu-ku4-ku4-da
16. sza3 kalam-ma gi hal-hal-la-gin7 igi-zu im-szi-gal2
17. u4 szid-e iti e2-ba ku4-ku4 mu szu du7-du7-da
18. mu szu du7 ukken-e esz-bar szum2-mu-da
19. esz-bar kin u4-da si sa2-sa2-e-da
20. a-a {d}en-ki ug3 sag si-a-ba lugal-bi za-e-me-en
21. ka ba-a-zu nig2 im-lu-lu he2-gal2 ki bi2-ib-us2
22. pa-zu gu gurun-ba sig7-ga gada ha-ad-e du7-a
23. x dingir-re-e-ne-ka me-te-asz im-mi-ib2-gal2
24. x x gesz {gesz}tir-ba du3-a {tug2}zulumhi-e na-nam
25. u8 zi sila4 zi na-su8-e me-te-asz im-mi-ib2-gal2
26. x x GAN2 zi-da x [...] um-mi-in-ra
27. [...] guru7-du6 guru7-masz-e gu2 im-da-gur-re
28. x x x i3 na-nam ga na-nam tur3 amasz-e nam-de6
29. sipa-de3 i-lu-lam-ma-na du10-ge-esz im-mi-ib-be2
30. unu3-de3 dun5-dun5 {dug}szakir-ra-ka-na u4 im-di-ni-ib-zal-e
31. kin-sig unu2 gal dingir-re-e-ne-ka me-te-asz im-mi-ib-gal2
32. inim-zu gurusz-e usu-ni-gin7 sza3-ga mu-ni-gal2
33. gu4 a2 gur-ra-gin7 kisal-a mu-un-du7-du7
34. inim-zu ki-sikil-e hi-li-a-ni-gin7 sag-ga2 mu-ni-in-gal2
35. iri{ki} gar-gar-ra-bi ug3-e u6 mu-e
36. x x x se3-ga-am3 kaskal-e am3-ra
37. x x x |DAG.(KISIM5xAB2)| du3-a a2-bi na-su3-e
38. en-en-e-ne bara2-bara2-ge2-e-ne
39. sza3-bi hul2-hul2-la-da silim di-e-de3
40. za-a-da kur gal {d}en-lil2-le a2 mu-un-da-an-ag2
41. {d}en-ki en he2-gal2-la en gesztu2-ga
42. en an-ne2 ki ag2 he2-du7 eridu{ki}-ga
43. du11-ga esz-bar ki-bi-sze3 gar nam tar-re gal-zu
44. x x u4-de3 sag ba-ab-gi4 iti e2-ba ba-an-ku4
45. [...] ba-e-a-e11-de3 szid-bi sa2 ba-ab-du11
46. [...] ug3 ki-tusz-ba bi2-in-tusz
47. [...] KA? TAR na-gada-bi bi2-in-us2
48. [...] x szu du7-a
49. [...] su na ba-an-gi4
50. [...] e TAR {gesz}tukul e2-ba bi2-in-gi4
51. [...] x x en ug3 ki-tusz-ba bi2-in-ge-en
52. a-a {d}en-ki ug3 numun-a e3-ni numun zi he2-i-i
53. {d}nu-dim2-mud u8 zi GA2 e3-ni sila4 zi he2-u3-tu
54. ab2 numun e3-ni amar zi he2-u3-tu
55. ud5 zi GA2 e3-ni masz2 zi he2-u3-tu
56. gan2-ne2 GAN2 zi GA2 u3-un-e3-en
57. guru7-du6 guru7-masz-e an-edin-na gu2 hu-mu-un-gur-gur-re
58. kalam-ma ki tab-ba-a u3-ba-e3?-en
59. [...]
60. [...]-a-ni [...]
61. {d}en-ki lugal abzu-ke4 ni2 gal na-kur-ku silim zi-de3-esz na-e
62. a-a-gu10 lugal an ki-ke4
63. an ki-a pa e3 ma-ni-in-ak
64. pap-gu10 lugal kur-kur-ra-ke4
65. me mu-un-ur4-ur4 me szu-gu10-sze3 mu-un-gar
66. e2-kur-re e2 {d}en-lil2-la2-ta
67. abzu eridu{ki}-gu10-sze3 nam-galam mu-de6
68. a zi am gal-e ri-a-me-en dumu-sag an-na-me-en
69. u4 gal ki gal-la e3-a-me-en en gal kalam-me-en
70. gu2-gal bara2-bara2-ge2-ne-me-en a-a kur-kur-ra-me-en
71. szesz-gal dingir-re-e-ne-me-en he2-gal2 szu du7-me-en
72. kiszib3-gal2 an ki-bi-da-me-en
73. gesztu2 gizzal kur-kur-ra-me-en
74. an lugal-da bara2 an-na-ka di si sa2-e-me-en
75. {d}en-lil2-da kur-ra igi gal2-la-ka nam du10 tar-ra-me-en
76. nam tar-ra ki u4 e3-a-ke4 szu-ga2 mu-un-gal2
77. {d}nin-tu-re mi2 zi du11-ga-me-en
78. {d}nin-hur-sag-ga2-ke4 mu du10 sa4-a-me-en
79. igi-du {d}a-nun-na-ke4-ne-me-en
80. u3-tu-da dumu-sag an ku3-ga-me-en
81. en-e nam-mah mu-un-du-a-ta
82. nun gal-e ni2-te-ni za3-mi2 mi-ni-in-du11-ga-ta
83. {d}a-nun-na szudu3 a-ra-zu-a szi-im-ma-an-sug2-sug2-ge-esz
84. en nam-galam-ma giri3 gub-ba
85. esz-bar kin-ga2 za3-mi2 du11-ga {d}en-ki za3-mi2
86. 2(disz)-kam-ma-sze3 nam gal hul2-la-da
87. {d}en-ki lugal abzu-ke4 ni2 gal na-kur-ku silim zi-de3-esz na-e
88. en-me-en du11-ga zi-da-me-en sag-bi-sze3 e3-a-me-en
89. du11-ga-gu10 tur3 im-szi-du3-du3 amasz im-szi-nigin2-nigin2
90. an-e um-ma-te im he2-gal2-la an-ta szeg3-ga2
91. ki-e um-ma-te a-esztub u3-ba gal2-la-am3
92. a-gar3 sig7-sig7-ga-bi um-ma-te
93. inim-gu10-ta guru7-du6 guru7-masz-e gu2 im-da-gur-re
94. e2-gu10 esz3 ki sikil-la bi2-du3 mu du10-ga bi2-sa4
95. abzu-gu10 esz3 KA-a bi2-du3 nam du10-ga bi2-tar
96. e2-gu10 gissu-bi ambar musz-a i-ni-in-la2
97. e2-gu10 suhur{ku6}-e u2-lal3-e sun4 im-szi-su3-e
98. esztub{ku6} gi-zi di4-di4-la2 kun mu-na-su3-e
99. buru5{muszen} gud3-ba szeg11 mu-da-an-gi4-gi4
100. en AB [...] gesz ma-an-la2-esz
101. {d}en-ki-me-en za3-mi2-ga2 szi-im-ma-sug2-sug2-ge-esz
102. abgal abrig lu2 igi x [...]
103. |A.ZI&ZI|{sar} u4? su3-ra2-ga2 szi-im-ma-an-sug2-sug2-ge-esz
104. enkum ninkum-e-ne szu si sza-ma-an-sa2-e-esz
105. i7 sza-ma-ab-ku3 esz3 sza3-ga sza-ma-ab-la2
106. abzu-ga2 szir3 ku3 nam-szub ma-an-la2
107. ma2-gur8-gu10 men dara3 abzu
108. sza3-ba hul2-hul2-la sza-ma-ni-ib-de6
109. ambar mah ki sza3-ge pa3-da-ga2
110. a2-bi sza-ma-an-su3-e gu2 sza-ma-an-mar-mar-e
111. gu3 ra-e-ne {gesz}gisal szu sza-ma-an-du7-usz
112. szir3 sza-ma-ab-du10-ge-ne i7 sza-ma-ab-hul2-le-ne
113. {d}nimgir-sig7 ensi2 {gesz}ma2-gur8-ra-ke4
114. gidru ku3-sig17 szu sza-ma-ab-du8
115. {d}en-ki-me-en ma2 dara3 abzu-ga2 a2 sza-ma-ni-ib-ag2-e
116. en-me-en ge26-e ga-gen
117. {d}en-ki-me-en kalam-ga2-asz ga-an-e3
118. en nam tar-tar-re-gu10 ge26-e ga-am3-[...]
119. [...] ra ga-an-[...]
120. [...] x-e u6-e ga-am3-[...]
121. [...] x x ma-ab-szum2 he2-gu7-e
122. [...] sikil-la ga-an-[...]
123. {gesz}erin sig7-sig7-ga-bi u6 ga-am3-du11
124. kur me-luh-ha{ki} ma2-gan{ki} dilmun{ki}-bi
125. {d}en-ki-me-en igi he2-em-da-a-du8
126. {gesz}ma2 dilmun{ki}-na gesz he2-en-du3
127. {gesz}ma2 ma2-gan{ki}-na an-za3 he2-en-la2
128. {gesz}ma2-gi4-lum me-luh-ha{ki}-a-ke4
129. ku3-sig17 ku3-babbar bala-sze3 he2-ak-e
130. {d}en-lil2 lugal kur-kur-ra-ra nibru{ki}-sze3 he2-na-ab-tum2
131. iri nu-tuku-ra e2 nu-tuku-ra
132. mar-tu masz2-ansze sa12-e-esz mu-ni-rig7
133. nun gal kalam-ma-na e3-a-ra
134. {d}a-nun-na-ke4-ne mi2 zi mu-un-ne-ne
135. en me gal me sikil-la u5-a
136. me gal me szar2-ra giri3 gub-ba
137. an ki nig2-dagal-ba za3 sza4-a
138. eridu{ki} ki ku3 ki kal-kal-la-asz me mah szu ti-a
139. {d}en-ki en an ki za3-mi2
140. nun gal kalam-ma-na e3-a-ra
141. en-en-e-ne bara2-bara2-ge2-ne
142. ka-mu7-gal2 eridu{ki}-ga-ke4-ne
143. sza3-gada-la2 ki-en-gi-ra-ke4-ne
144. nam-iszib abzu mu-na-ab-be2-ne
145. a-a {d}en-ki ki ku3 ki kal-la giri3 im-mi-ib-gub-bu-ne
146. dag agrun-na in-[...]-ge-ne
147. ki-gub-ba mu [...]-sa4-e-ne
148. esz3 mah abzu [...]-sikil-e-ne
149. sza3-ba li an-na u2 sikil-la im-mi-ib2-e3-ne
150. x x ku3 ki-en-DU mah [...] {d}en-ki-ka-ke4 si im-sa2-e-ne
151. kun-sag eridu{ki}-ga kar du10-ga im-mi-ib2-galam-e-ne
152. dara3 abzu kar du10 kar mah im-mi-ib-dub-e-ne
153. uz-ga ku3 mu-na-ga2-ga2-ne
154. a-ra-zu-a-ra-zu mu-na-ab-be2-ne
155. [...]-ne
156. [...]-ne
157. [...]-ne
158. [...] x
159. [...]
160. {gesz}ma2-gur8-ra [...] x
161. a-ge6 uru16 [...]-ga2?
162. {d}en-ki-ra A x [...] DU a-da-min3-na mu-na-ab-sag3-ge
163. suhur-masz{ku6}-e u2-lal3-e sun4 mu-na-su3-e
164. nun gal-ra 2(disz)-kam-ma a-da-min3 mu-na-e
165. esztub{ku6}-e gi-zi di4-di4-la2-bi kun mu-na-su3-e
166. urin gal abzu-ta si-ga an-dul3-e-esz ak-e
167. gissu-bi ki-szar2-ra la2-a ug3-e ni2 te-en-ten
168. us2-sag dimgul ambar musz-a du3-a kur-kur-ta il2-la
169. en ensi2 gal abzu-ke4
170. dara3 abzu-ka a2 sza-mu-un-ag2-e
171. mesz3 abzu-ta sze-er-ka-an du11-ga
172. eridu{ki} ki ku3 ki kal-kal-la-asz me mah szu ti-a
173. nu-banda3 mah kur-ra dumu {d}en-lil2-la2-ke4
174. gi-musz ku3-ga szu im-mi-in-du8
175. ur-sag abzu-sze3 sag im-mi-ib-il2-il2-e
176. [...] x x
177. [...]
178. [...]
179. [...]
180. an [...]
181. lu2 [...] EN [...]
182. {d}sirsir [...] ma2-lah5 {gesz}ma2-gur8-ra-ke4
183. en-ra {gesz}ma2 szu [...]
184. {d}nimgir-sig7 ensi2 ma2-gur8-ra-ke4
185. en-ra gidru ku3 szu sza-ma-ab-du8
186. la-ha-ma engur-ra 5(u)-bi mi2 zi mu-un-ne-ne
187. gu3 ra-e-ne gam4-gam{muszen} an-na-gin7 [...]
188. lugal u3-na gub a-a {d}en-ki kalam-ma [...]
189. nun gal kalam-ma e3-a-ra
190. he2-gal2 an ki-a pa e3 mu-na-ab-ak
191. {d}en-ki-ke4 nam im-mi-ib-tar-re
192. ki-en-gi kur gal ma-da an ki
193. sze-er-zi gur3-ru u4 e3-ta u4 szu-usz ug3-e me szum2-mu
194. me-zu me mah szu nu-tu-tu
195. sza3-zu galam kad5 lu2 nu-pa3-de3
196. umun2 zi ki dingir u3-tu-za an-gin7 szu nu-te-ge26
197. lugal u3-tu suh zi kesz2-de3
198. en u3-tu sag-men ga2-ga2
199. en-zu en idim an lugal-da bara2 an-na i-im-tusz
200. lugal-zu kur gal a-a {d}en-lil2
201. {gesz}erin-gin7 szar2 du11-ge sza-mu-ra-an-gi16-ib a-a kur-kur-ra-ke4
202. {d}a-nun-na dingir gal-gal-e-ne
203. sza3-za ki-ur3-ra szu ba-ni-in-ti-esz
204. gi-gun4-na gesz dili gesz dili-za u2 mi-ni-ib-sug4-sug4-ne
205. e2 ki-en-gi tur3-zu he2-du3-du3 ab2-zu he2-lu-lu
206. amasz-zu he2-gar-gar udu-zu he2-szar2-szar2
207. gi-gun4-na-zu an-ne2 he2-em-us2
208. e2 zi-zu szu an-sze3 he2-em-il2
209. {d}a-nun-na-ke4-ne sza3-zu-a nam he2-em-da-ab-tar-re-ne
210. esz3 uri2{ki}-e nam-mi-ib-dib
211. {d}en-ki lugal abzu-ke4 nam im-mi-ib-tar-re
212. iri me-te-gal2-la a tu5-tu5 gu4 silim-ma gub-ba
213. bara2 nam-he2 kur-ra du10 ba9-re6 hur-sag-gin7 il2-la
214. {gesz}tir ha-szu-ur2-ra gissu dagal-la ne3-ni-ta nir-gal2
215. me szu du7-a-zu si he2-em-sa2
216. kur gal {d}en-lil2-le an ki-a mu mah-zu mi-ni-in-pa3
217. iri nam tar-ra {d}en-ki-ka3-me-en
218. esz3 uri2{ki} gu2 an-sze3 he2-zi
219. kur me-luh-ha{ki} nam-mi-ib2-dib
220. {d}en-ki lugal abzu-ke4 nam nam-mi-ib2-tar-re
221. kur ge6 gesz-zu gesz gal he2-em {gesz}tir-zu mesz3 kur-ra he2-em
222. {gesz}gu-za-bi e2-gal lugal-la-ke4 me-te he2-em-mi-ib-gal2
223. gi-zu gi gal he2-em gi [...] he2-em
224. ur-sag-e ki me3-ka {gesz}tukul [...]
225. gu4-zu gu4 gal he2-em gu4 kur-ra he2-em
226. gu3-bi gu3 am kur-ra-ka he2-em
227. me gal dingir-re-e-ne-ke4 szu he2-em-mi-du7
228. dar{muszen}-dar{muszen} kur-ra sun4 {na4}gug he2-em-la2
229. muszen-zu {d}ha-ia3{muszen} he2-em
230. mu7-mu7-bi e2-gal lugal-la-ka me-te he2-em-mi-ib-gal2
231. ku3-zu ku3-sig17 he2-em
232. uruda-zu nagga zabar-ra he2-em
233. kur nig2-nam-zu he2-gal2 he2-em
234. nam-lu2-ulu3-zu he2-x [...]
235. nita2-zu nita2 tab-ba-ni-ir gu4-gin7 he2-en-e3-de3
236. x x ki A iri{ki} AN x-na-ke4
237. x x TU-gin7 HAR ba-an-ak
238. kur dilmun{ki}-na mu-un-sikil mu-un-dadag
239. {d}nin-sikil-la za3-ba nam-mi-in-gub
240. x x x esz3 agargara-sze3 ba-an-szum2 ku6 x BI i3-gu7-e
241. {gesz}nimbar GAN2 zi-sze3 ba-an-szum2 zu2-lum-bi i3-gu7-e
242. x x elam{ki} mar-ha-szi{ki} [...]
243. |HA.IB|-gin7 tesz2-bi gu7-u3-dam
244. lugal {d}en-lil2-le a2 szum2-ma
245. e2-bi mu-un-hul bad3-bi mu-un-gul
246. ku3 {na4}za-gin3-bi e2 nig2-gur11-bi
247. {d}en-lil2 lugal kur-kur-ra-ra nibru{ki}-sze3 he2-na-ab-tum2
248. iri nu-tuku e2 nu-tuku-ra
249. {d}en-ki-ke4 mar-tu masz2-ansze sa12-e-esz mu-ni-rig7
250. ki-bi-ta igi-ni gar-ra-ta
251. a-a {d}en-ki {i7}buranun-na nam-mi-in-il2-a-ta
252. gu4 du7-du7-gin7 u3-na mu-un-na-gub
253. gesz3 im-zi-zi du10 im-nir-re
254. {i7}idigna a zal-le im-ma-an-si
255. szilam u2-numun-na amasz giri2-tab-ba amar-bi gu3 di-dam
256. {i7}idigna gu4 du7-gin7 a2-na mu-na-ab-[...]
257. gesz3 im-zi nig2-mussa nam-de6
258. {i7}idigna am gal-gin7 sza3 im-hul2 u3-tu-ba mu-ni-[...]
259. a nam-de6 a zal-le na-nam kurun2-bi na-du10-ge
260. sze nam-de6 sze gu-nu na-nam ug3-e na-gu7-e
261. e2-kur-re e2 {d}en-lil2-la2-ke4 nig2 gal2-la nam-si
262. {d}en-ki-da {d}en-lil2 mu-un-da-hul2 nibru{ki} giri17-zal-am3
263. en-e nam-en-sze3 suh mu-un-kesz2
264. nam-lugal-sze3 aga zi mu-un-ak
265. a2 gab2-bu-na ki nam-mi-in-us2
266. he2-gal2 ki-ta mu-na-ra-gen
267. zi-da-na gidru gal2-la-bi
268. {i7}idigna {i7}buranun-na tesz2 gu7-u3-da
269. ka giri17-zal-ta kab2 di-da-bi
270. he-nun e2-gal-ta i3-gin7 lah4-am3
271. en nam tar-ra {d}en-ki lugal abzu-ke4
272. {d}en-bi2-lu-lu ku3-gal2 i7-da-ke4
273. {d}en-ki-ke4 za3-ba nam-mi-in-gub
274. ambar-re gu3 ba-an-de2 |SUHUR.HI|{ku6} suhur{ku6} ba-an-szum2
275. gesz-gi gu3 ba-an-de2 gi sumun gi henbur ba-an-szum2
276. [...]
277. [...]
278. [...] a-da-min3 mu-ni-[...]
279. sa-par4-ra-ni ku6 nu-e3
280. nig2-kesz2-da-ni u3-tu nu-e3
281. gu la2-a-na muszen nu-e3
282. |EZENxKU3|? lu2? a2 mah dumu ezem sur12?-a
283. {d}har-sza lu2? ku6-e ki ag2-ga2
284. {d}en-ki-ke4 za3-ba nam-mi-in-gub
285. en-e esz3 mu-un-gar esz3 ku3-ga-am3 sza3-bi galam kad5-am3
286. a-ab-ba esz3 mu-un-gar esz3 ku3-ga-am3 sza3-bi galam kad5-am3
287. esz3 sza3-bi gu suh3-a nig2 lu2 nu-zu-a
288. esz3 ki-gub-bi {mul}GAN2 DU-a
289. esz3 ku3-ga igi-nim-ma gub-bi mul {gesz}gigir-sze3 i3-DU
290. x ab hu-luh-ha i-zi zi-ga-am3 me-lam2-bi husz-a
291. {d}a-nun-na dingir gal-gal-e-ne sag nu-mu-un-ga2-ga2-ne
292. sza3-be2-ne te-en-ten im-szi-ga2-ga2 e2-gal hul2-le-dam
293. {d}a-nun-na-ke4-ne szudu3 a-ra-zu-a szi-im-ma-sug2-sug2-ge-esz
294. {d}en-ki-ra e2-engur-ra-ka bara2 mah? mu-na-ri-e-ne
295. en-ra zal-le [...] x [...]
296. nun gal x x x u3-tu [...]
297. u5{muszen} a-ab-ba bulug |KAxX| [...]
298. esz3 nig2 du10 esz3 nig2 u3-tu [...]
299. e2-kur-re e2 {d}en-lil2-la2-ke4 nig2 gal2-la nam-si
300. {d}en-ki-da {d}en-lil2 mu-hul2-hul2 nibru{ki} giri17-zal-am3
301. [...] x esz3 ku3-ga u5-a
302. [...] e-ne su3-u4 di [...] gar-ra
303. a-ge6 uru16 gal-la engur-ra-ke4
304. i-zi hu-luh-ha kur-ku ab-ba [...] x [...]
305. zi-pa-ag2-ta e3 [...] x
306. in-nin9 sirara2{ki}-a x x ku6 x {d}nansze
307. a-ab-ba ki nig2-dagal-la-ba
308. {d}en-ki-ke4 za3-ba nam-mi-in-gub
309. szeg14 an-na-ka gu3 ba-an-de2
310. dungu dirig-ga-gin7 bi2-in-us2
311. an-ur2-sze3 zi-ga [...] im-sar-re
312. du6-du6 GAN2-sze3 [...] i3-ga2-ga2
313. u4 gal-la u5-a nig2-gir2-da du7-du7
314. {gesz}si-gar ku3 an-sza3-ge gib-ba
315. dumu an-na ku3-gal2 an ki-a
316. {d}iszkur lu2 he-gal2 dumu an-na-ke4
317. {d}en-ki-ke4 za3-ba nam-mi-in-gub
318. {gesz}apin {gesz}szudul2 erin2-bi si ba-an-sa2
319. nun gal {d}en-ki-ke4 gu4 si-par4 us2-a ba-an-szum2
320. ab-sin2 ku3-ge ka ba-an-du8
321. gan2-ne2 zi-de3 sze ba-an-mu2
322. en suh-gir11 he2-du7 an-edin-na
323. a2-szita4 engar {d}en-lil2-la2
324. {d}en-ki-im-du lu2 e pa5-ra-ke4
325. {d}en-ki-ke4 za3-ba nam-mi-in-gub
326. en-e GAN2 zi-de3 gu3 ba-an-de2 sze gu-nu ba-an-szum2
327. {d}en-ki-ke4 gig-zid2 gu2-gal-la sa-zid2 ba-an-e3
328. sze-esztub sze gu-nu sze in-nu-ha-bi guru7-sze3 mu-un-dub-dub
329. {d}en-ki-ke4 guru7-du6 guru7-masz-e im-ma-da-an-tab-tab
330. {d}en-lil2-da ug3-e he2-gal2-la szu mu-un-di-ni-ib-pesz-e
331. sag bar gun3-gun3 igi lal3 szu2-szu2
332. in-nin9 e-ne su3-u4 gal2 usu kalam-ma zi sag ge6-ga
333. {d}ezina2 ninda du10 nig2 ki-szar2-ra-ke4
334. {d}en-ki-ke4 za3-ba nam-mi-in-gub
335. nun gal-e {gesz}al-e sa bi2-in-se3 {gesz}u3-szub-ba si bi2-in-sa2
336. agarin4-e i3-he-nun-na-gin7 gesz3 im-ma-an-du11
337. {gesz}al zu2 si-ga-ni musz ad6 gu7 nig2 szu gal2
338. {gesz}u3-szub gar-ra-ni zar gu2-nida u8-e si sa2-am3
339. {d}kulla lu2 szeg12-e kalam-ma KAM
340. {d}en-ki-ke4 za3-ba nam-mi-in-gub
341. gu mu-un-gar us2-e si bi2-in-sa2
342. a2 ukken-na-ka e2 bi2-in-gar szu-luh-e si bi2-in-sa2
343. nun gal-e usz ki nam-mi-in-tag szeg12 ki nam-mi-in-us2
344. usz ki tag-ga-ni nu-silig-ge
345. e2 zi du3-a-ni nu-kar2-kar2-re
346. nir-gam-ma-ni {d}tir-an-na-gin7 an-sza3-ge us2-sa
347. {d}musz-dam-ma szidim gal {d}en-lil2-la2-ke4
348. {d}en-ki-ke4 za3-ba nam-mi-in-gub
349. edin uru16-na men ku3 nam-mi-in-guru3
350. an-edin-na sun4 {na4}za-gin3 am3-la2 suh10 {na4}za-gin3 am3-kesz2
351. ki du10-ga u2-szim giri17-zal-am3 szu gal mu-un-du7-du7
352. masz2-ansze an-edin-na mi-ni-in-lu me-te-asz bi2-ib-gal2
353. szeg9 szeg9-bar u2-numun-na mu-un-lu e-ne su3-u4-bi mu-un-e
354. ur-sag an-edin-na men-bi-im edin-na lugal-bi-im
355. pirig gal an-edin-na a2-tuku gal? a2 mah {d}en-lil2-la2-kam
356. {d}szakkan2 lugal hur-sag-ga2-ke4
357. {d}en-ki-ke4 za3-ba nam-mi-in-gub
358. tur3 mu-un-du3 szu-luh-e si bi2-in-sa2
359. amasz mu-un-gar i3 gara2 sag bi2-in-szum2
360. ki ninda gu7 dingir-re-e-ne-ke4 giri17-zal-la mi-ni-in-gi4
361. edin u2-szim-gin7 du3-a he2-gal2 sa2 bi2-in-du11
362. lugal u2-a zi e2-an-na gu5-li an-na
363. mussax(|MUNUS.USZ.DAM|) ki ag2 szul {d}suen-na dam ku3 {d}inanna
364. in-nin9 nin me gal-gal-la-ke4
365. sila dagal-la kul-ab{ki}-ka e-ne su3-u4-bi du11-du11
366. {d}dumu-zi-{d}uszumgal-an-na gu5-li an-na-kam
367. {d}en-ki-ke4 za3-ba nam-mi-in-gub
368. e2-kur-re e2 {d}en-lil2-la2-ke4 nig2 gal2-la nam-si
369. {d}en-ki-da {d}en-lil2 mu-un-da-hul2 nibru{ki} giri17-zal-am3
370. in mu-un-dub bulug-ga mu-un-si-si
371. {d}en-ki-ke4 {d}a-nun-na-ke4-ne-er
372. iri{ki}-a ki-ur3-ra sza-mu-un-di-ni-in-gar
373. a-sza3-ga gan2-ne2 sza-mu-un-de3-ni-in-gar
374. ur-sag gu4 ha-szu-ur2-ta e3-a gu3 husz de2-de2-e
375. szul {d}utu gu4 silim-ma gub-ba u3-na silig gar-ra
376. ad-da iri-gal ki u4 e3-a nimgir gal an ku3-ga
377. di-ku5 ka-asz bar kin dingir-re-e-ne
378. sun4 {na4}za-gin3 la2 an ku3-ga an-ur2-ta e3-a
379. {d}utu dumu {d}nin-gal-e tu-da
380. {d}en-ki-ke4 an ki nigin2-na-ba za3-ba nam-mi-in-gub
381. mug mu-un-dun temen si bi2-in-sa2
382. {d}en-ki-ke4 nig2 nam-munus-a szu gal ba-ni-in-du7
383. {d}en-ki-ra ug3-e {tug2}|SIG2.ZI&ZI|-a mu-un-da-an-[...]-e
384. tesz2 e2-gal me-te lugal-la
385. {d}uttu munus zi nig2-me-gar-ra
386. {d}en-ki-ke4 za3-ba nam-mi-in-gub
387. u4-ba dili-ni garza2 tak4-am3
388. munus gal an-na-ke4 {d}inanna garza2 tak4-am3
389. {d}inanna a-a-ni {d}en-ki-ra
390. e2-a ba-szi-in-ku4 er2 mu-na-sze8-sze8 di-bi nam-mu-na-ab-be2
391. {d}a-nun-na dingir gal-gal-e-ne nam tar-tar-ra-bi
392. {d}en-lil2-le szu-za ma-ra-ni-in-ge-en
393. munus-me-en dili-gu10-ne a-na bi2-du11
394. ku3 {d}inanna-me-en mar-za-gu10 me-a
395. da-ru-ru nin9 {d}en-lil2-la2-ke4
396. {d}nin-tu nin tu-tu-da
397. szeg12 tu-tu ku3 nam-en-na-ni szu he2-em-ma-an-ti
398. gi-dur ku5 im-ma-an ga-rasz{sar}-a-ni he2-em-ma-da-an-ri
399. sila3-gar-ra {na4}za-gin3 duru5-ni szu he2-em-ma-an-ti
400. a-la2 ku3 na de5-ga-ni szu he2-em-ma-da-an-ri
401. sza3-zu kalam-ma he2-em
402. lugal u3-tu en u3-tu-bi szu-ni-a he2-en-gal2
403. nin9 e-gu10 ku3 {d}nin-isin2{si}-na-ke4
404. unu2 szuba-a szu he2-em-ma-an-ti nu-gig an-na he2-em
405. an-e he2-em-ma-gub kurku2-a he2-em-ma-ab-be2
406. nin9 e-gu10 ku3 {d}nin-mug-ke4
407. bulug ku3-sig17 ma-an-ga-ra ku3-babbar szu he2-em-ma-an-ti
408. {na4}giri2-zu2-gal an-ta-sur-ra-ni he2-em-ma-da-an-ri
409. tibira kalam-ma he2-em
410. lugal u3-tu suh zi kesz2-de3
411. en u3-tu sag-men ga2-ga2 szu-na he2-en-gal2
412. nin9 e-gu10 ku3 {d}nisaba-ke4
413. gi-1(disz)-ninda szu he2-em-ma-an-ti
414. esz2 za-gin3 a2-na ha-ba-an-la2
415. me gal-gal-e gu3 ha-ba-an-de2-e
416. in he2-dub-e ki he2-sur-re dub-sar kalam-ma he2-em
417. nag gu7 dingir-re-e-ne-ke4 szu-ni-a he2-en-gal2
418. {d}nansze nin uru16-e u5{muszen} ku3-ga giri3-ni-sze3 ba-an-gub
419. enku a-ab-ba-ka he2-em
420. ku6 nig2 du10-du10 muszen nig2 ku7-ku7
421. a-a-ni {d}en-lil2-ra nibru{ki}-sze3 szu hu-mu-na-ra-gid2-i
422. munus-me-en dili-gu10-ne a-na bi2-ak
423. ku3 {d}inanna-me-en mar-za-gu10 me-a
424. {d}en-ki-ke4 dumu-ni ku3 {d}inanna-ra mu-na-ni-ib2-gi4-gi4
425. a-na a-ra-an-la2
426. in-nin9 a-na a-ra-an-la2 a-na a-ra-ab-tah-e-de3-en
427. ki-sikil {d}inanna a-na a-ra-an-la2 a-na a-ra-ab-tah-e-de3-en
428. munus gu3? sa6-ge gu3 ha-ba-e-de2
429. a2-bi-sze3? ha-ba-e-re-a-e11
430. a2 ur-sag-ba tug2 he2-em-mi-dul
431. za3 zi-da-bi za3 gab2-bu-bi szu bala he2-ba-e-ni-in-ak
432. tug2 a2 munus-a he2-em-mi-mur10
433. eme munus-a ka-ba ha-ba-e-ni-gar
434. {gesz}bala {gesz}kirid szu-sze3 he2-em-mi-szum2
435. munus sze-er-ka-an-bi? x-sze3? ha-ba-e-ri-a-du11
436. eszgiri2 szibir {gesz}ma-nu nam-sipa-da za3-ba he2-em-de3-gub
437. ki-sikil {d}inanna a-na-ra-la2 a-na-ra-ab-tah-e-en-de3-en
438. me3 szen-szen-na inim-gar-ra-ba inim ti-a he2-ne-de3-en
439. murub4-ba a12-ra2-bu{muszen} nu-me-en-na inim hul hu-mu-ne-de3-en
440. gu si sa2-a hu-mu-e-suh3-suh3
441. ki-sikil {d}inanna gu suh3-a si hu-mu-e-ni-sa2
442. tug2 hu-mu-e-ni-gar gada hu-mu-e-ni-mur10
443. mug hu-mu-e-ni-dun {gesz}bala hu-mu-e-ni-NU
444. tug2 guz-za gu-du gun3-a hu-mu-e-ni-gun3
445. {d}inanna sag sahar-re-esz he2-mu-e-dub sag numun-e-esz he2-mu-e-gar
446. {d}inanna nig2 nu-gul-u3 he2-mu-e-gul nig2 nu-se3-ge5 he2-mu-e-se3
447. szem3 a-nir-ra-da tug2 he2-em-mi-si-ig
448. ki-sikil {d}inanna tigi a-da-ab e2-ba he2-em-mi-gi4
449. lu2 u6 di igi nu-kusz2-u3-me-en
450. ki-sikil {d}inanna pu2 su3-ra2 esz2 la2 nu-zu-me-en
451. i3-ne-esz2 sza3 gu2-bi nam-gi4 kalam ki-bi he2-em-gi4
452. sza3 {d}en-lil2-la2 gu2-bi nam-gi4 kalam ki-bi he2-em-gi4
453. sza3 gu2-bi gi4-a nam-lu2-u18-lu-ka
454. [...] x e x x nig2 nam-ba-e-ga2-ga2
455. [...] tab-ba-zu he2-a
456. [...] mu-e-da-an-ti
457. [...]-ne-ke4
458. [...] suh10 za-gin3 [...] nam-en-na-zu-um
459. [...] x A [...] nam-en-na-zu-um
460. [...] gu3 de2-de2-bi [...] nam-en-na-zu-um
461. [...] x GI EN [...] nam-en-na-zu-um
462. [...] x da [...]-da-an-DU
463. [...]-un-da-sa2-sa2-e-ne
464. [...] mu-ra-ni-ib-x
465. [...]-ra-te-ge26-ne
466. [...] gar-ra-a
467. [...]-ab-SAR-SAR-ne
468. [...]-ge-ne
469. [...] tuku
470. [...] x-a
471. [...] x-ba
472. a-a {d}en-ki za3-mi2

Consult previous versions and their differences
Consult sign list of Old Babylonian (ca. 1900-1600 BC)
Consult word list of Old Babylonian (ca. 1900-1600 BC)

  • Artifact type: Artifact type comments:

    composite text

  • Material:
  • Measurements (mm):
  • Weight:
  • Artifact Preservation:
  • Condition Description:
  • Join Information:
  • Seal no.:
  • Seal information:
  • Artifact comments:

    composite text

  • Genre(s): Literary (ETCSL 1.01.03 Enki and World Order (composite))
  • Language(s): Sumerian


  • history: ETCSL, 1.1.3 Enki and the World Order

    [BlackETCSL] Black, Jeremy A. 1998-2006. “Electronic Text Corpus of Sumerian Literature.” https://etcsl.orinst.ox.ac.uk. 1998-2006.

  • citation: Mittermayer, Catherine, Fs. Attinger (2012) 244 - 258 (ll. 250-262)

    [sec121560] N.d.

  • Composite No.: Q000334
  • Museum No.:
  • Accession No.:

  • Provenience: Nippur (mod. Nuffar)
  • Elevation:
  • Stratigraphic Level:
  • Excavation No:
  • Findspot Square:
  • Findspot Comments:

Created Creator Type Authors Project Reviewer Status Action
2024-06-07 at 13:32:34 Firth, Richard Artifact Firth, Richard Firth, Richard approved View
2024-06-07 at 13:24:18 Firth, Richard Artifact, Other Entity Firth, Richard Firth, Richard approved View
2016-07-28 at 16:33:58 CDLI Atf CDLI CDLI approved View
2016-04-23 at 16:27:08 Englund, Robert K. Atf Englund, Robert K. CDLI approved View
2016-04-23 at 10:23:32 Englund, Robert K. Atf Englund, Robert K. CDLI approved View
2016-01-03 at 09:09:13 Dahl, Jacob L. Atf Dahl, Jacob L. CDLI approved View
2014-09-08 at 00:00:00 CDLI Artifact Wagensonner, Klaus CDLI approved View

Consult this artifact as presented on the website of collections and projects:

    There is no external resource for this artifact yet.

This artifact is a composite text. View the score of CDLI Literary 000334 (Enki and World Order) composite. See below for a list of its witness(es):

Witness Period Provenience
CDLI Literary 000334, ex. 001 (P259249) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 002 (P356814) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 003 (P256818) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 004 (P256910) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 005 (P280053) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 006 (P256916) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 007 (P259277) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 008 (P343171) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 009 (P343338) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 010 (P263331) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 011 (P268928) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 012 (P343403) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 013 (P343519) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 014 (P343541) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 015 (P343608) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 016 (P343609) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 017 (P343711) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 018 (P461090) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 019 (P260876) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 020 (P260907) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 021 (P345164) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 022 (P345335) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 023 (P345380) Old Babylonian (ca. 1900-1600 BC) uncertain (mod. uncertain)
CDLI Literary 000334, ex. 024 (P356549) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 025 (P356577) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 026 (P461091) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 027 (P255892) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 028 (P278587) Old Babylonian (ca. 1900-1600 BC) Nippur (mod. Nuffar)
CDLI Literary 000334, ex. 029 (P251674) Old Babylonian (ca. 1900-1600 BC) uncertain (mod. uncertain)

General Notes: -
CDLI Notes: -
Cite this Artifact
“CDLI Literary 000334 (Enki and World Order) Composite Artifact Entry.” (2014) 2024. Cuneiform Digital Library Initiative (CDLI). June 7, 2024. https://cdli.ucla.edu/P469516.
CDLI Literary 000334 (Enki and World Order) composite artifact entry (No. P469516). (2024, June 7). Cuneiform Digital Library Initiative (CDLI). https://cdli.ucla.edu/P469516 (Original work published 2014)
CDLI Literary 000334 (Enki and World Order) composite artifact entry (2024) Cuneiform Digital Library Initiative (CDLI). Available at: https://cdli.ucla.edu/P469516 (Accessed: June 20, 2024).
@misc{2024CDLI,
	note = {[Online; accessed 2024-06-20]},
	year = {2024},
	month = {jun 7},
	title = {CDLI {Literary} 000334 ({Enki} and {World} {Order}) composite artifact entry},
	url = {https://cdli.ucla.edu/P469516},
	howpublished = {https://cdli.ucla.edu/P469516},
}

TY  - ELEC
DA  - 2024/6/7/
PY  - 2024
ID  - P469516
LB  - CDLI:P469516
M1  - 2024/6/20/
TI  - CDLI Literary 000334 (Enki and World Order) composite artifact entry
UR  - https://cdli.ucla.edu/P469516
ER  - 
This website uses essential cookies that are necessary for it to work properly. These cookies are enabled by default.