RINBE 2, Nabonidus 24, ex. 01 (P518977)
Official or display cylinder excavated in Sippar-Yahrurum (mod. Tell Abu Habbah), dated to the Neo-Babylonian (ca. 626-539 BC) period and now kept in British Museum, London, UKMetadata / catalogue
Flat catalogue
As CSV As TSVExpanded catalogue
As JSONLinked catalogue
As TTL As JSON-LD As RDF/JSON As RDF/XMLText / annotations
Text data
As ATF As JTFLinked annotations
As TTL As JSON-LD As RDF/JSON As RDF/XML
Museum Collection(s)
British Museum, London, UKMuseum Number
BM 091140Provenience
Sippar-Yahrurum (mod. Tell Abu Habbah)Artifact Type
CylinderMaterial(s)
ClayGenre / Subgenre(s)
Official or display (witness)Language(s)
AkkadianMeasurements
-Witness
object cylinder
surface a
column 1
1. {d}na-bi-um-na-'i-id _lugal_ babila2{ki} et,-lam# ki#-num# sza# a#-na# t,e3#-me# _dingir#-mesz#_ pu#-u2#-qu#
2. asz-ri ka-an-szu pa-li-ih _dingir-mesz gal-mesz_
3. _nun_ e-em-qa2 ha-sis mim-ma szum-szu _ensi2_ s,i-i-ri mu-ud-di-isz kal ma-ha-zu
4. ma-al-ku it-pe-szu mu-szak-<<li>>-lil esz-re-e-ti mu-t,ah-hi-id sat-tuk-ku
5. _sipa_ ni-szi3 _dagal-mesz_ ra-'i-im mi-sza-ri mu-kin kit-ti
6. lu-li-mu szu-pu-u2 e-tel-lu _lugal-mesz_ bi-nu-tu qa2-at sza2 {d}na3 u {d}marduk
7. mu-us,-s,ir u2-s,u-ra-a-ti _e2-mesz dingir-mesz_ mu-szar-szid gesz-hur-ri
8. na-asz2-pa-ri ha-an-t,u sza _dingir-mesz gal-mesz_ mu-szal-lim kal szip-ri mu-t,i-ib lib3-bi-szu2-un
9. _dumu_ {disz}{d}na3-tin-su-iq-bi _szagina!_ qit-ru-du pa-li-ih _dingir-dingir_ u {d}1(u)-5(disz) a-na-ku
text has GAN-NITA2
10. a-na {d}utu! _en an-ta-mesz_ u3 _ki-ta-mesz di-ku5-gal an_-e u _ki_-tim
text has E
11. da-a-a-nu s,i-i-ri sza2 _dingir-mesz gal-mesz#_ pa-ri-is pu-ri-se-e
12. ha-'i-it, lib3-ba _ug3-mesz_ ba-ru-u2 te-re#-e-ti ra-'i-im _lugal_-u2-ti-ia
13. na-s,ir na-pisz-ti-ia ka-szid a-a-bi-ia mu-hal-liq za-'i-i-ri-ia
14. a-szi-ib e2-babbar-ra sza qe2-reb zimbir{ki} _en gal en_-ia ina mi-gir lib3-bi-ia2 ki-nim
15. pal-hi-isz usz-te-mi-iq-ma asz2-ra-a-ti _dingir_-u2-ti-szu2 _gal_-ti asz2-te-'e-e-ma
16. e2-babbar-ra _e2_-su sza qe2-reb zimbir{ki} at-ma-nu s,i-i-ri si-mat _dingir_-u2-ti-szu2
17. ki-is,-s,i el-lu szu-bat tap-szu-uh-ti mu-szab be-lu-ti-szu2
18. sza u4-mi ma-a'-du-tu ub-bu-tu te-me-en-szu2 su-uh-ha-a u2 s,u-ra-tu-szu2
19. _lugal_ ma-ah-ri te-me-en la-bi-ri u2-ba-'i-i-ma la i-mu-ru
20. i-na ra-man-ni-szu2 _e2_ esz-szu2 a-na {d}utu u2-sze-pisz-ma la szu-pu-szu a-na be-lu-ti-szu2
21. la szu-lu-ku a-na si-ma-at _dingir_-u2-ti-szu2
22. i-na la a-dan-ni-szu2 sza _e2_ szu-a-ti re-sza-a-szu iq-du-du ut-tab-bi-ka me2-la-szu2
23. ia-a-ti ap-pa-lis-su-ma ma-a'-disz ap-lah3-ma ni-qit-ti ar-szi
24. a-na szu-ur-szu-du te-me-en u2-s,u-ra-at _e2_-szu szu-ul-lu-mu
25. pa-pa-hu u3 _du6-mesz_ a-na si-mat _dingir_-u2-ti-szu2 e-pe-sza
26. u4-mi-szam-ma ut-nen-szum-ma a-na sza-at-ti ni-qa-a aq-qi2-szum-ma _esz-bar_-a ap-ru-us-su
27. {d}utu _en_ s,i-ri ul-tu _u4-me_ ru-qu-tu ia-a-szi u2-qa-wa6-an-ni
28. an-na sza2-lim-ti _esz-bar_-a ki-nim sza sza-la-mu szip-ri-ia2 u kun-nu esz-re-e-ti
29. {d}utu u3 {d}iszkur u2-sza2-asz2-ki-nu i-na te-er-ti-ia
30. a-na _esz-bar_-szu-nu ki-nim sza2 la in-<nen>-nu-u2 ma-gal at-kal-ma ti {d}utu _en_-ia as,-bat-ma
31. i-na _e2 u4 1(disz)-kam_ sza2-na-at u2-sze-szib-szu2 im-nu u szu-me-lu pa-ni u ar2-ku sza pa-pa-hu u lib3-bi _du6-mesz_
32. hi-it,-t,a-tu2 at,-t,u-ut,-ma u2-pa-ah-hi-ir-ma!(SZU) szi-bu-ut _iri dumu-mesz_ babilax(|TIN.TIR|){ki} _dub-sar_ mi-na-a-ti
33. en-qu-u2-tu a-szi-ib _e2_ mu-um-mu na-s,ir pi-risz-ti _dingir-mesz gal-mesz_ mu-kin _garza lugal_-u2-tu
34. a-na mi-it-lu-uk-ti asz2-pur-szu-nu-ti-ma ki-a-am az-kur-szu-nu-ti um-ma te-me-en la-bi-ri szi-te-<'e>-ma
35. pa-pa-hu {d}utu da-a-a-nu na-pa-li-sa-ma _e2_ da-ri2-a a-na {d}utu u {d}a-a _en-mesz_-a lu-pu-usz
36. ina te-me5-qu {d}utu _en_-ia ina su-pe-e-szu sza2 _dingir gal-gal ukken dumu-mesz um-me-a_ te-me-en la-bi-ri
37. ip-pal-su-ma pa-pa-hi u _du6-mesz_ i-hi-t,u-ma za-mar i-tu-ru-nim ia-a-ti iq-bu-nu
38. ap-pa-lis-ma te-me-en la-bi-ri sza2 na-ram-{d}sin _lugal_ ul-lu pa-pa-hi {d}utu ka-a-a-nu mu-szab _dingir_-u2-ti-szu2
39. lib3-bi ih-de-e-ma im-me-ri pa-nu-u2-a pa-pa-hi be-lu-ti-szu2 u _du6-mesz_ u2-s,a-ab-bi-ma
40. ina hi-da-a-ti u ri-sza2-a-ti _ugu_ te-me-en la-bi-ri ad-da usz-szu-sza
column 2
1. i-szid-su u2-dan-nin-ma!(SZU) ki-ma _kur_-i zaq-ru ul-la-a re-sza2-a-szu2 e2-babbar-ra _e2_-su!(SZU) sza2 szu-pu-szu
2. a-na be-lu-ti-<szu2> szu-lu-ku a-na si-mat <_dingir_-u2>-ti-szu2 a-na {d}utu _en_-ia2 esz-szi-isz u2-sze-pisz-ma
3. ki-ma szu-u2 u4-mi-<isz> u2-nam-mir-szu2 1(disz) _lim_ 5(u) _{gesz}erin_ pa-ag-lu-tu2 la mi-nu _{gesz}u3-suh5_!(SZU) szi-hu-ti#
4. {gesz}szur-i-ni is,-s,i dam-qu-tu _{gesz}mes-<ma2>-kan-na_ is,-s,i da-ri2-a ana szi-i-pu {gesz}tal-lu
5. _{gesz}gan-du7_ gesz-sza3-ka2-na-ku u s,u-lul-tu4 _e2_ u2-szat-<mi>-ih-ma!(SZU) ki-ma _{gesz}tir_!(LI) _ha-szur_ i-ri-is-su usz-t,i-ib
6. _{gesz}ig-mesz {gesz}erin-mesz mah-mesz nu-kusz2-u3 uruda_ dan-nu-tu me-de-lu szu-pu-tu e-ma _ka2-mesz_-szu2 u2-rat-ti-ma
7. ki-ma ne2-re-bi kin-ne2-e u2-dan-nin ri-kis _e2_ pa-pa-hi be-lu-ti-szu2 <a-na> mu-sza-bu _dingir_-u2-ti-szu2
8. sza-lum-ma-at u2-szal-bisz u2-nu-tu _e2_ ina _ku3-babbar_ u _ku3-sig17_ u2-za-'i-in-ma
9. a-na tab-rat-<<a-ti>> ni-szi3 la-la-a usz-ma-al-<la-a> szi-t,ir szu-mi-ia u s,a-lam _lugal_-u2-ti-ia
10. _da-ri2-a_ u2-kin qe2-reb-szu2 masz!(PA) ta-ku la-le-szu2 pa-pa_-hi-mesz_ u3 _du6-mesz_ ina szi-ip-ri
11. {d}kulla ud-di-isz-ma zi-i-me nam-ru-tu u2-sza2-asz2-szi-ma szu-bat _di-ku5-gal dingir-dingir_ da-ri-ti
12. u2-kin qe2-reb-szu2 a-na {d}utu u {d}a-a _en_-u2-a _e2_ ta!(DA) na-da-a-tu2 u2-sze-pisz
13. sip-pu szi-ga-ri me-de-lu u _{<gesz>}ig-mesz_ i3-gu-la-a u2-t,ah-hi-id-ma ana ne2-re-bi _dingir_-u2-ti-szu-nu
14. s,i-ir-ti si-mat _e2_ u2-mal2-la-a i-ri-szu t,a-a-bi _e2_ a-na e-re-bi {d}utu _en_-ia
15. szu-pal-ka-a _ka2-mesz_-szu ma-li ri-sza-a-ti {d}utu _en_ s,i-i-ri ana e2-babbar-ra szu-bat
16. <<szu-bat>> tap-szu-uh-ti#-ka# ina e-re-bi-ka _ka2-mesz_ ne2-re_-bi-mesz_ pa-pa-hi u _du6-mesz_
17. lih-du-u2 pa-nu-uk-ku ki-ma a-a-ri li-ri-szu-ku ina pa-pa-hi be-lu-ti-ka
18. szu-bat da-a-a-nu-ti-ka ina a-sza2-bi-ku _dingir-mesz iri_-ka u _e2_-ka li-szap-szi-hu
19. kab-ta-at-ka _dingir-mesz gal-mesz_ lib3-ba-ka li-t,i-ib-bi {d}a-a _e2!(KAL)-gi4-a gal_-ti
20. a-szi-bat e2-ki-nu2 ka-a-a-nam-ma pa-nu-ka lisz-nam-mir u4-mi-szam da-mi-<iq>-ta-a liq!(IB) bi-ku#
21. i-na bu-ni-ka nam-ru-tu hi-du-tu pa-ni-ka li-pit qa2-ti-ia2 szu-qu-ru
22. e-ep-sze-tu-u2-a dam-qa-a-ta szi-t,ir szu-mi-ia u s,a-lam _lugal_-u2-ti-ia
23. ha-di-isz na-ap-<li>-sa-a-ma _saga-mesz_-u2-a lisz-sza2-kin szap-tuk-ku i-bi szu-mi ana du-ru _u4-mesz_
24. _e2_ e-pu-usz-szu lu-bi-ir ina qe2-re-bi-szu li-ku-un szu-bat-ka
25. _dingir e2_ u2-s,u-rat _e2_ tal-lu _{gesz}gan-du7_ gesz-sza3-ka2-na-ku sip-pu szi-ga-ri _kun4 e2-me_!(BAR) u _{gesz}ig-mesz_
26. ki-ib-su li-is,-s,i-ru lisz-te-szi-ru tal-la-ak-ka
27. i-na mah-ri-ka li-sza-qi2-ri e-ep-sze-tu-u2-a
28. ur-ra u3 mu-szu lit-taz-ka-ar dum-qu-u2-a
29. {d}kit-tum {d}mi-sza2-ri u3 {d}da-a-a-nu _dingir-mesz_ a-szib mah#-ri-ka
30. ina qi2-bi-ti-ka s,i-ir-ti sza2 la ut-tak-ka-ri ina a-mat <_dingir_>-ti-ka _gal_-ti
31. sza <la> usz-te-pe-lu _kaskal_ szul-lum u mesz-re-e ur-ru-uh kit-ti <<u>> u3 mi-sza-ri
32. li-sza2-asz2-ki-na a-na sze-pi-ia suk-kal-la-ku _mah_ mu-uz-zi-iz mah-ri-ku
33. {d}bu-ne-ne sza2 mi-lik-szu dam-qa ra-kib _{gesz}gigir_ a-szib sa-as-si sza2 la im-mah-<ha>-ri
34. qa-bal-szu s,a-mi-id pa-re-e qar-du-tu sza la in-na-hu bir-ka-szu-<un>
35. ina a-la!(KA) ku u ta-a-ri sza i-sza-ad-<di>-hu a-na mah-ri-ka
36. ina su-u2-qu u su-la-a' li-da-am-mi-qu e-ger-ra-a-a
37. a-ra-ku _u4-me lugal_-u2-ti-ia lim-ta-al-lik-<ka> ka-a-szu
38. i-na szi-ip-ri-ka szu-qu-ru lil-lik-ki re-s,u-u2-tu
39. me-lam-mu bir-bir-ru-ka zi-i-me be-lu-tu sza2-lum-ma-at _lugal_-u2-tu
40. a-na sza-la-la _kur {lu2}kur2_-ia szu-lik-ki i-da-a-a lu-ur-hi-is, _kur_ a-a-bi-ia
41. lu-nar za-'i-ri-ia szil-lat na-ki-ri-ia lu-ku!(SZU) ul bu-sze-e ma-ti-tan
42. lu-sze-ri-bi a-na qe2-reb ma-ti-ia a-na-ku lu-u2 _lugal_ za-ni-in
43. mu-disz ma-ha-zu mu-szak-lil esz-re-e-ti a-na _u4-mesz_ da-ru-tu
44. a-na zi-kir szu-mi-ia kab-tu kul-lat na-ki-ri lit-tar-ri li-nu-szu
45. lik-ni-szu a-na sze-e-pi-ia a-na _u4-me_ s,a-a-ti lisz-du-du ni-i-ri
46. bi-lat-su-nu ka-bit-ti a-na qe2-reb _iri_-ia babilax(|TIN.TIR|){ki} li-bil-<lu>-nu ana mah-ri-ia2
47. ina qe2-reb babilax(|TIN.TIR|){ki} li-kun szu-ub-ti ina su-le-e-szu a-tal2-lu-ku lu-usz-bu
48. i-na e2-sag-il2 u e2-zi-da sza2 a-ram-mu lu-lab-bi-ir man-za-za
49. i-na mah-ri be-lum {d}na-bi-um u {d}nergal
50. _dingir-mesz_-e-a u _dingir-mesz_ si-hi-ir-<ti> a2-ki-it sza2 {d}en-lil2 _dingir-mesz {d}szu2_
51. a-na ni-qi2-i ma-as,-ha-ti pa-qa-du e2-da-di-he2-gal2 u3 ut-nen-ni _en en-en#_
52. lu-u2 sa-ad-ra-ak tal-lak-ti a-na da-ri2-a-ti
surface a
column 1
1. {d}na-bi-um-na-'i-id _lugal_ babila2{ki} et,-lam# ki#-num# sza# a#-na# t,e3#-me# _dingir#-mesz#_ pu#-u2#-qu#
2. asz-ri ka-an-szu pa-li-ih _dingir-mesz gal-mesz_
3. _nun_ e-em-qa2 ha-sis mim-ma szum-szu _ensi2_ s,i-i-ri mu-ud-di-isz kal ma-ha-zu
4. ma-al-ku it-pe-szu mu-szak-<<li>>-lil esz-re-e-ti mu-t,ah-hi-id sat-tuk-ku
5. _sipa_ ni-szi3 _dagal-mesz_ ra-'i-im mi-sza-ri mu-kin kit-ti
6. lu-li-mu szu-pu-u2 e-tel-lu _lugal-mesz_ bi-nu-tu qa2-at sza2 {d}na3 u {d}marduk
7. mu-us,-s,ir u2-s,u-ra-a-ti _e2-mesz dingir-mesz_ mu-szar-szid gesz-hur-ri
8. na-asz2-pa-ri ha-an-t,u sza _dingir-mesz gal-mesz_ mu-szal-lim kal szip-ri mu-t,i-ib lib3-bi-szu2-un
9. _dumu_ {disz}{d}na3-tin-su-iq-bi _szagina!_ qit-ru-du pa-li-ih _dingir-dingir_ u {d}1(u)-5(disz) a-na-ku
text has GAN-NITA2
10. a-na {d}utu! _en an-ta-mesz_ u3 _ki-ta-mesz di-ku5-gal an_-e u _ki_-tim
text has E
11. da-a-a-nu s,i-i-ri sza2 _dingir-mesz gal-mesz#_ pa-ri-is pu-ri-se-e
12. ha-'i-it, lib3-ba _ug3-mesz_ ba-ru-u2 te-re#-e-ti ra-'i-im _lugal_-u2-ti-ia
13. na-s,ir na-pisz-ti-ia ka-szid a-a-bi-ia mu-hal-liq za-'i-i-ri-ia
14. a-szi-ib e2-babbar-ra sza qe2-reb zimbir{ki} _en gal en_-ia ina mi-gir lib3-bi-ia2 ki-nim
15. pal-hi-isz usz-te-mi-iq-ma asz2-ra-a-ti _dingir_-u2-ti-szu2 _gal_-ti asz2-te-'e-e-ma
16. e2-babbar-ra _e2_-su sza qe2-reb zimbir{ki} at-ma-nu s,i-i-ri si-mat _dingir_-u2-ti-szu2
17. ki-is,-s,i el-lu szu-bat tap-szu-uh-ti mu-szab be-lu-ti-szu2
18. sza u4-mi ma-a'-du-tu ub-bu-tu te-me-en-szu2 su-uh-ha-a u2 s,u-ra-tu-szu2
19. _lugal_ ma-ah-ri te-me-en la-bi-ri u2-ba-'i-i-ma la i-mu-ru
20. i-na ra-man-ni-szu2 _e2_ esz-szu2 a-na {d}utu u2-sze-pisz-ma la szu-pu-szu a-na be-lu-ti-szu2
21. la szu-lu-ku a-na si-ma-at _dingir_-u2-ti-szu2
22. i-na la a-dan-ni-szu2 sza _e2_ szu-a-ti re-sza-a-szu iq-du-du ut-tab-bi-ka me2-la-szu2
23. ia-a-ti ap-pa-lis-su-ma ma-a'-disz ap-lah3-ma ni-qit-ti ar-szi
24. a-na szu-ur-szu-du te-me-en u2-s,u-ra-at _e2_-szu szu-ul-lu-mu
25. pa-pa-hu u3 _du6-mesz_ a-na si-mat _dingir_-u2-ti-szu2 e-pe-sza
26. u4-mi-szam-ma ut-nen-szum-ma a-na sza-at-ti ni-qa-a aq-qi2-szum-ma _esz-bar_-a ap-ru-us-su
27. {d}utu _en_ s,i-ri ul-tu _u4-me_ ru-qu-tu ia-a-szi u2-qa-wa6-an-ni
28. an-na sza2-lim-ti _esz-bar_-a ki-nim sza sza-la-mu szip-ri-ia2 u kun-nu esz-re-e-ti
29. {d}utu u3 {d}iszkur u2-sza2-asz2-ki-nu i-na te-er-ti-ia
30. a-na _esz-bar_-szu-nu ki-nim sza2 la in-<nen>-nu-u2 ma-gal at-kal-ma ti {d}utu _en_-ia as,-bat-ma
31. i-na _e2 u4 1(disz)-kam_ sza2-na-at u2-sze-szib-szu2 im-nu u szu-me-lu pa-ni u ar2-ku sza pa-pa-hu u lib3-bi _du6-mesz_
32. hi-it,-t,a-tu2 at,-t,u-ut,-ma u2-pa-ah-hi-ir-ma!(SZU) szi-bu-ut _iri dumu-mesz_ babilax(|TIN.TIR|){ki} _dub-sar_ mi-na-a-ti
33. en-qu-u2-tu a-szi-ib _e2_ mu-um-mu na-s,ir pi-risz-ti _dingir-mesz gal-mesz_ mu-kin _garza lugal_-u2-tu
34. a-na mi-it-lu-uk-ti asz2-pur-szu-nu-ti-ma ki-a-am az-kur-szu-nu-ti um-ma te-me-en la-bi-ri szi-te-<'e>-ma
35. pa-pa-hu {d}utu da-a-a-nu na-pa-li-sa-ma _e2_ da-ri2-a a-na {d}utu u {d}a-a _en-mesz_-a lu-pu-usz
36. ina te-me5-qu {d}utu _en_-ia ina su-pe-e-szu sza2 _dingir gal-gal ukken dumu-mesz um-me-a_ te-me-en la-bi-ri
37. ip-pal-su-ma pa-pa-hi u _du6-mesz_ i-hi-t,u-ma za-mar i-tu-ru-nim ia-a-ti iq-bu-nu
38. ap-pa-lis-ma te-me-en la-bi-ri sza2 na-ram-{d}sin _lugal_ ul-lu pa-pa-hi {d}utu ka-a-a-nu mu-szab _dingir_-u2-ti-szu2
39. lib3-bi ih-de-e-ma im-me-ri pa-nu-u2-a pa-pa-hi be-lu-ti-szu2 u _du6-mesz_ u2-s,a-ab-bi-ma
40. ina hi-da-a-ti u ri-sza2-a-ti _ugu_ te-me-en la-bi-ri ad-da usz-szu-sza
column 2
1. i-szid-su u2-dan-nin-ma!(SZU) ki-ma _kur_-i zaq-ru ul-la-a re-sza2-a-szu2 e2-babbar-ra _e2_-su!(SZU) sza2 szu-pu-szu
2. a-na be-lu-ti-<szu2> szu-lu-ku a-na si-mat <_dingir_-u2>-ti-szu2 a-na {d}utu _en_-ia2 esz-szi-isz u2-sze-pisz-ma
3. ki-ma szu-u2 u4-mi-<isz> u2-nam-mir-szu2 1(disz) _lim_ 5(u) _{gesz}erin_ pa-ag-lu-tu2 la mi-nu _{gesz}u3-suh5_!(SZU) szi-hu-ti#
4. {gesz}szur-i-ni is,-s,i dam-qu-tu _{gesz}mes-<ma2>-kan-na_ is,-s,i da-ri2-a ana szi-i-pu {gesz}tal-lu
5. _{gesz}gan-du7_ gesz-sza3-ka2-na-ku u s,u-lul-tu4 _e2_ u2-szat-<mi>-ih-ma!(SZU) ki-ma _{gesz}tir_!(LI) _ha-szur_ i-ri-is-su usz-t,i-ib
6. _{gesz}ig-mesz {gesz}erin-mesz mah-mesz nu-kusz2-u3 uruda_ dan-nu-tu me-de-lu szu-pu-tu e-ma _ka2-mesz_-szu2 u2-rat-ti-ma
7. ki-ma ne2-re-bi kin-ne2-e u2-dan-nin ri-kis _e2_ pa-pa-hi be-lu-ti-szu2 <a-na> mu-sza-bu _dingir_-u2-ti-szu2
8. sza-lum-ma-at u2-szal-bisz u2-nu-tu _e2_ ina _ku3-babbar_ u _ku3-sig17_ u2-za-'i-in-ma
9. a-na tab-rat-<<a-ti>> ni-szi3 la-la-a usz-ma-al-<la-a> szi-t,ir szu-mi-ia u s,a-lam _lugal_-u2-ti-ia
10. _da-ri2-a_ u2-kin qe2-reb-szu2 masz!(PA) ta-ku la-le-szu2 pa-pa_-hi-mesz_ u3 _du6-mesz_ ina szi-ip-ri
11. {d}kulla ud-di-isz-ma zi-i-me nam-ru-tu u2-sza2-asz2-szi-ma szu-bat _di-ku5-gal dingir-dingir_ da-ri-ti
12. u2-kin qe2-reb-szu2 a-na {d}utu u {d}a-a _en_-u2-a _e2_ ta!(DA) na-da-a-tu2 u2-sze-pisz
13. sip-pu szi-ga-ri me-de-lu u _{<gesz>}ig-mesz_ i3-gu-la-a u2-t,ah-hi-id-ma ana ne2-re-bi _dingir_-u2-ti-szu-nu
14. s,i-ir-ti si-mat _e2_ u2-mal2-la-a i-ri-szu t,a-a-bi _e2_ a-na e-re-bi {d}utu _en_-ia
15. szu-pal-ka-a _ka2-mesz_-szu ma-li ri-sza-a-ti {d}utu _en_ s,i-i-ri ana e2-babbar-ra szu-bat
16. <<szu-bat>> tap-szu-uh-ti#-ka# ina e-re-bi-ka _ka2-mesz_ ne2-re_-bi-mesz_ pa-pa-hi u _du6-mesz_
17. lih-du-u2 pa-nu-uk-ku ki-ma a-a-ri li-ri-szu-ku ina pa-pa-hi be-lu-ti-ka
18. szu-bat da-a-a-nu-ti-ka ina a-sza2-bi-ku _dingir-mesz iri_-ka u _e2_-ka li-szap-szi-hu
19. kab-ta-at-ka _dingir-mesz gal-mesz_ lib3-ba-ka li-t,i-ib-bi {d}a-a _e2!(KAL)-gi4-a gal_-ti
20. a-szi-bat e2-ki-nu2 ka-a-a-nam-ma pa-nu-ka lisz-nam-mir u4-mi-szam da-mi-<iq>-ta-a liq!(IB) bi-ku#
21. i-na bu-ni-ka nam-ru-tu hi-du-tu pa-ni-ka li-pit qa2-ti-ia2 szu-qu-ru
22. e-ep-sze-tu-u2-a dam-qa-a-ta szi-t,ir szu-mi-ia u s,a-lam _lugal_-u2-ti-ia
23. ha-di-isz na-ap-<li>-sa-a-ma _saga-mesz_-u2-a lisz-sza2-kin szap-tuk-ku i-bi szu-mi ana du-ru _u4-mesz_
24. _e2_ e-pu-usz-szu lu-bi-ir ina qe2-re-bi-szu li-ku-un szu-bat-ka
25. _dingir e2_ u2-s,u-rat _e2_ tal-lu _{gesz}gan-du7_ gesz-sza3-ka2-na-ku sip-pu szi-ga-ri _kun4 e2-me_!(BAR) u _{gesz}ig-mesz_
26. ki-ib-su li-is,-s,i-ru lisz-te-szi-ru tal-la-ak-ka
27. i-na mah-ri-ka li-sza-qi2-ri e-ep-sze-tu-u2-a
28. ur-ra u3 mu-szu lit-taz-ka-ar dum-qu-u2-a
29. {d}kit-tum {d}mi-sza2-ri u3 {d}da-a-a-nu _dingir-mesz_ a-szib mah#-ri-ka
30. ina qi2-bi-ti-ka s,i-ir-ti sza2 la ut-tak-ka-ri ina a-mat <_dingir_>-ti-ka _gal_-ti
31. sza <la> usz-te-pe-lu _kaskal_ szul-lum u mesz-re-e ur-ru-uh kit-ti <<u>> u3 mi-sza-ri
32. li-sza2-asz2-ki-na a-na sze-pi-ia suk-kal-la-ku _mah_ mu-uz-zi-iz mah-ri-ku
33. {d}bu-ne-ne sza2 mi-lik-szu dam-qa ra-kib _{gesz}gigir_ a-szib sa-as-si sza2 la im-mah-<ha>-ri
34. qa-bal-szu s,a-mi-id pa-re-e qar-du-tu sza la in-na-hu bir-ka-szu-<un>
35. ina a-la!(KA) ku u ta-a-ri sza i-sza-ad-<di>-hu a-na mah-ri-ka
36. ina su-u2-qu u su-la-a' li-da-am-mi-qu e-ger-ra-a-a
37. a-ra-ku _u4-me lugal_-u2-ti-ia lim-ta-al-lik-<ka> ka-a-szu
38. i-na szi-ip-ri-ka szu-qu-ru lil-lik-ki re-s,u-u2-tu
39. me-lam-mu bir-bir-ru-ka zi-i-me be-lu-tu sza2-lum-ma-at _lugal_-u2-tu
40. a-na sza-la-la _kur {lu2}kur2_-ia szu-lik-ki i-da-a-a lu-ur-hi-is, _kur_ a-a-bi-ia
41. lu-nar za-'i-ri-ia szil-lat na-ki-ri-ia lu-ku!(SZU) ul bu-sze-e ma-ti-tan
42. lu-sze-ri-bi a-na qe2-reb ma-ti-ia a-na-ku lu-u2 _lugal_ za-ni-in
43. mu-disz ma-ha-zu mu-szak-lil esz-re-e-ti a-na _u4-mesz_ da-ru-tu
44. a-na zi-kir szu-mi-ia kab-tu kul-lat na-ki-ri lit-tar-ri li-nu-szu
45. lik-ni-szu a-na sze-e-pi-ia a-na _u4-me_ s,a-a-ti lisz-du-du ni-i-ri
46. bi-lat-su-nu ka-bit-ti a-na qe2-reb _iri_-ia babilax(|TIN.TIR|){ki} li-bil-<lu>-nu ana mah-ri-ia2
47. ina qe2-reb babilax(|TIN.TIR|){ki} li-kun szu-ub-ti ina su-le-e-szu a-tal2-lu-ku lu-usz-bu
48. i-na e2-sag-il2 u e2-zi-da sza2 a-ram-mu lu-lab-bi-ir man-za-za
49. i-na mah-ri be-lum {d}na-bi-um u {d}nergal
50. _dingir-mesz_-e-a u _dingir-mesz_ si-hi-ir-<ti> a2-ki-it sza2 {d}en-lil2 _dingir-mesz {d}szu2_
51. a-na ni-qi2-i ma-as,-ha-ti pa-qa-du e2-da-di-he2-gal2 u3 ut-nen-ni _en en-en#_
52. lu-u2 sa-ad-ra-ak tal-lak-ti a-na da-ri2-a-ti
Consult previous versions and their differences
Consult sign list of Neo-Babylonian (ca. 626-539 BC)
Consult word list of Neo-Babylonian (ca. 626-539 BC)
- Artifact type: Cylinder
- Material: Clay
- Measurements (mm):
- Weight:
- Artifact Preservation:
- Condition Description:
- Join Information:
- Seal no.:
- Seal information:
- Artifact comments:
- Genre(s): Official or display (witness)
- Language(s): Akkadian
-
primary: RINBE 2, Nabonidus 24, ex. 01
[Novotny2020RINBE2] Weiershäuser, Frauke, and Jamie Novotny. 2020. The Royal Inscriptions of Amēl-Marduk (561-560 BC), Neriglissar (559-556 BC), and Nabonidus (555-539 BC), Kings of Babylon. Royal Inscriptions of the Neo-Babylonian Empire, vol. 2. Eisenbrauns.
-
history: AOAT 256, 2.09, ex. 01
[Schaudig2001AOAT256] Schaudig, Hanspeter. 2001. Die Inschriften Nabonids von Babylon Und Kyros’ Des Grossen Samt Den in Ihrem Umfeld Entstandenen Tendenzschriften : Textausgabe Und Grammatik. Vol. 256. Alter Orient Und Altes Testament.
- Composite No.:
- Museum No.: BM 091140
- Accession No.:
- Provenience: Sippar-Yahrurum (mod. Tell Abu Habbah)
- Elevation:
- Stratigraphic Level:
- Excavation No:
- Findspot Square:
-
Findspot Comments:
Ebabbar, Room 170, near the main cella
- Period: Neo-Babylonian (ca. 626-539 BC)
- Dates Referenced: Nabonidus.00.00.00
- Alternative Years:
- Date Comments:
- Accounting Period: 0
| Created | Creator | Type | Authors | Project | Reviewer | Status | Action |
|---|---|---|---|---|---|---|---|
| 2024-06-26 at 10:23:14 | Firth, Richard | Artifact, Other Entity | Firth, Richard | Firth, Richard | approved |
 |
|
| 2023-09-10 at 21:32:33 | Rattenborg, Rune | Artifact | Rattenborg, Rune | Geomapping Landscapes of Writing | Rattenborg, Rune | approved |
|
| 2023-06-19 at 09:29:48 | Rattenborg, Rune | Artifact | Rattenborg, Rune | Geomapping Landscapes of Writing | Rattenborg, Rune | approved |
|
| 2023-06-01 at 18:47:18 | Rattenborg, Rune | Artifact | Novotny, Jamie | Rattenborg, Rune | approved |
|
|
| 2020-03-27 at 16:08:21 | Englund, Robert K. | Atf | Englund, Robert K. | CDLI | approved |
|
|
| 2020-01-05 at 00:00:00 | CDLI | Artifact | Foxvog, Daniel A.; Novotny, Jamie; Weiershäuser, Frauke | CDLI | approved |
|
Consult this artifact as presented on the website of collections and projects:
This artifact is a witness to the following composite(s):
| Composite | Score |
|---|---|
| RINBE 2, Nabonidus 24 composite (P518976) | View the score |
General Notes:
-
CDLI Notes:
-