Update event

&P237924 = RINAP 5/2 Ashurbanipal 072, ex. 001
#atf: lang akk
@tablet
@obverse
1. {iri}limmu2-dingir szu-bat {d}isz-tar _e2_ i-sin-na-a-ti u3# [nin-gu-ti?]
2. sza ul-tu ul-la _bad3_-szu2 la ep-szu2 la szuk-lu-la# szal#-[hu-u-szu2]
3. _bad3_-szu2 ar-s,ip-ma u2-szak-lil szal-hu-u-szu2 lu-le-e# usz#-[mal-li]
4. _e2 {d}inanna gaszan_-ia ina _ku3-babbar ku3-sig17 uruda_ u2-nam-mir _gin7_ u4-mi#
5. {gesz}szu-ri-in-ni _ka2 e2_ {d}isz-tar _ku3-babbar ku3-sig17_ u2-za-'i-in-ma az-qup
6. {iri}mil-qi2-a _e2-gal edin_ mu-szab {d}isz-tar an-hu-us-su ud-disz
7. _e2_ a2-kit-su ar-s,ip _iri_ ana gi-mir-ti-szu2 u2-szak-lil
8. ina ta-di-ir-ti u3 bi-ki-ti sza2 u2-szal-pi-tu2-szu2 _{lu2}kur2_ / _szu-min_-ia5 um-mid ina _hul2-mesz_ u2-szak-lil
9. {gesz}szu-ri-in-ni _e2_ {d}u-gur sza2 {iri}tar-bi-s,i sza2 ul-tu2 u4-um pa-ni la _gal2_-u / ana-ku az-qup
10. ul-tu an-na-a e#-tap-pu-szu2 ag-mu-ru szip-ri a-mat _ad_ ba-ni-ia2 ul _pad asz?_ / at-ta-s,ar ana-ku
11. {disz}{d}gesz-nu11-mu-gi-na _szesz_-ia5 ta-li-me ana _lugal_-ut {kur}kar2#-{d}dun#-ia2#-[asz3] / u2-szad-gi-la pa-nu-usz#-szu2#
12. {disz}an-szar2-mu-kin_-bala-mesz_-ia2 _szesz_-ia5 tar-den-ni ana _{lu2}szesz-gal_-tu2 ug-dal-lib ina _igi an-[szar2?]_
13. {disz}an-szar2-e-tel_-an-ki-ti-la-bi szesz_-ia5 _tur_ ana _{lu2}szesz-gal_-tu2 ina _igi_ {d}sin# / a-szib {iri}kaskal ug-dal-lib#
@reverse
1. a-di ki-is-pi na-aq _a-mesz_ a-na _gidim-mesz lugal-mesz du_-ut mah#-[ri] / sza2 szub-t,u-lu ar2-ku-us#
2. a-na _dingir_ u a-me-lu-tum ana _usz2-mesz_ u _ti-mesz mun du3_-usz#
3. am-mi3-ni _gig hul_ lib3-bi _e3_ u hu-lu-uq-qu-u rit-ku-sa _ki_-ia2
4. ina _kur_ s,al-ta ina _e2_ pu-uh-pu-uh-hu-u la ip-par-ra-su _a2#-[min_-ia2]
5. du-lu-uh-hu-u a-mat _hul_-tim su-ud-du-ru-u-ni ka-a-a-an
6. la _du10-ga_ lib3-bi la _du10-ga uzu <<min asz>>_ ik-ta-pa-ap la-a-ni
7. ina u8-a a-a ag-da-mar u4-me
8. ina u4-um _dingir iri_ u4-um isz-szin-ni ana-ku dal-ha-ku
9. u2-kal-la-an-ni _usz2_ u2-szap-sza2-aq
10. ina ku-u-ri ni-is-sa-ti ur-ra u _ge6_ a-na-as-su-us
11. a-ta-na-ah _dingir_ ana la pa-li-hi _sum_-in lu-mur _zalag2_-ka#
12. _en_ im-mat _dingir_ an-na-a te-ep-pu-sza2-an-ni#
13. ki-i la pa-li-ih _dingir_ u3 {d}inanna ana-ku ep-sza2-ku#

&P516957 = RINAP 5/2 Ashurbanipal 074 composite
#atf: lang akk
@object composite text
@surface a
$ beginning broken
1'. [...] x x [...]
2'. _sza3-bala-bala_ {disz}{d}sin-pap-mesz-su _man kur_ asz-szur{ki} _dumu_ {disz}lugal-gi-na _man kur_ asz-szur{ki}
3'. ul-tu _dingir-mesz gal-mesz_ e?-pesz mal?-ku-u2-ti? iq-bu-u?-in-ni x [...]
4'. _kur-kur_ a-na sza2-pa-ri? na-ki-ri a-na kun-nu-szi u2-mal-lu-u2 _szu-min_-u-a
5'. _lugal-mesz_ s,i?-it _{d}utu_-szi u e-reb _{d}utu_-szi il-lik-u2-nim-ma u2-na-asz2-szi-qu _giri3-min_-ia
6'. {disz}tar-qu-u2 ba-lu _dingir-mesz_ a-na e-kem {kur}mu-s,ur usz-tam-s,a-a a-na _da_ [...]
7'. da-na-an an-szar2 _en_-ia e-mi3-isz-ma it-ta-kil a-na e-muq ra-ma-ni-szu2
8'. ep-szet ma-ru-usz-tu2 sza _ad_ ba-nu-u-a e-pu-szu2-usz ul ib-bal-kit ina lib3-bi-szu2
9'. il-li-kam-ma qe2-reb {iri}me-em-pi e-ru-um-ma _iri_ szu-a-tu u2-ter ra-ma-nu-usz
10'. e-li _ug3-mesz kur_ asz-szur{ki} sza qe2-reb {kur}mu-s,ur _ARAD-mesz_-ni da-gil2 pa-ni-ia
11'. sza {disz}asz-szur-pap-asz _man kur_ asz-szur{ki} ba-nu-u2-a a-na _lugal_-u2-ti ip-qi2-du ina lib3-bi
12'. a-na da-a-ki ha-ba-a-te sza2-la-a-li u2-ma-'e-e-ra um-man-szu2
13'. al-la-ku ha-an-t,u a-na qe2-reb nina{ki} il-li-kam-ma u2-sza2-an-na-a ia-a-szi
14'. e-li ep-sze-e-ti an-na-a-ti lib3-bi i-gu-ug-ma is,-s,a-ri-ih ka-bat-ti
15'. al-si-ma {lu2}tur-tan _{lu2}nam-mesz_ a-di _erin2-mesz szu-min_-szu2-nu e-mu-qi2-ia _mah-mesz_
16'. a-na na-ra-ru-ti ha-mat _lugal-mesz {lu2}nam-mesz ARAD-mesz_-ni da-gil2 pa-ni-ia
17'. ur-ru-hisz t,e3-e-mu asz2-kun-szu2-nu-ti har-ra-an {kur}mu-s,ur u2-sza2-asz2-ki-na _giri3-min_-szu2-un
18'. szam-risz ha-an-t,isz ir-du-u2 il-li-ku a-di {iri}kar-ba-ni-ti
19'. {disz}tar-qu-u2 _man_ {kur}ku-u-si sza a-lak _erin2-hi-a_-ia qe2-reb {iri}me-em-pi isz-me-ma
20'. a-na e-pesz _muru2 {gesz}tukul edin erin2-hi-a_-szu2 id-ka-a is-di-ra me2-eh-ret _erin2-hi-a_-ia
21'. ina tu-kul-ti an-szar2 {d}sin _dingir-mesz gal-mesz en-mesz_-ia a-lik i-di-ia
22'. ina _me3 edin bad5-bad5_-szu2 isz-ku-nu _erin2-mesz_ tuk-la-ti-szu2 u2-ra-as-si-bu ina _{gesz}tukul_
23'. sza2-a-szu hat-tu pu-luh-tu im-qut-su-ma il-li-ku mah-hu-tisz2
24'. ul-tu {iri}me-em-pi _iri lugal_-ti-szu2 a-szar tu-kul-ti-szu2 us,-s,i-ma
25'. a-na szu-zu-ub na-pisz-ti-szu2 qe2-reb _{gesz}ma2_ ir-kab-ma
26'. _karasz_-su u2-masz-szir3-ma e-disz ip-par-szid-ma qe2-reb {iri}ni-i' e-ru-ub
27'. _{gesz}ma2-mesz_ qa-ra-bi ma-la it-ti-szu2 _erin2-mesz me3_-szu2 u2-s,ab-bi-tu2 ina _szu-min_
28'. _{lu2}a kin_ pu-us-su-rat ha-de-e sza a-tam-ra iq-ba-a ia-a-szi
29'. _{lu2}gal sag {lu2}nam-mesz_ u3 _lugal-mesz_ e-ber _id2 ARAD-mesz_ da-gil2 pa-ni-ia _du3_-szu2-un
30'. a-di e-mu-qi2-szu2-nu _{gesz}ma2-mesz_-szu2-nu
31'. _lugal-mesz_ {kur}mu-s,ur _ARAD-mesz_ da-gil2 pa-ni-ia a-di e-mu-qi2-szu2-nu _{gesz}ma2-mesz_-szu2-nu
32'. a-na hul-lu-uq {disz}tar-qu-u2 ul-tu qe2-reb {kur}mu-s,ur {kur}ku-u-si
33'. _ugu_ e-mu-qi2-ia mah-ra-a-ti u2-rad-di-ma asz2-pur
34'. a-na {iri}ni-i' _iri_ dan-nu-ti {disz}tar-qu-u2 _man_ {kur}ku-u-si il-li-ku ma-lak _iti_ 1(u) u4-me
35'. {disz}tar-qu-u2 sza a-lak _erin2-hi-a_-ia isz-me-ma {iri}ni-i' _iri_ dan-nu-ti-szu2 u2-masz-szir3-ma
36'. {i7}ia-ru-'u-u2 e-bir-ma a-he-en-na-a isz-ku-na ma-dak-tu2
37'. {disz}ni-ik-ku-u2 {disz}lugal-lu-da3-ri {disz}pa-aq-ru-ru _lugal-mesz_ sza2 qe2-reb {kur}mu-s,ur isz-ku-nu _ad_ ba-nu-u-a
38'. a-de-e an-szar2 u _dingir-mesz gal-mesz en-mesz_-ia e-ti-qu-ma ip-ru-s,u ma-mit-sun2
39'. _du10-ga_-ti _ad_ ba-ni-ia im-szu-ma lib3-ba-szu2-nu ik-pu-ud _hul_-tum
40'. da-bab-ti sur-ra-a-ti id-bu-bu-ma mi-lik la ku-sziri4 im-li-ku ra-man-szu2-un
41'. um-ma {disz}tar-qu-u2 ul-tu qe2-reb {kur}mu-s,ur i-na-sah-u2-ma at-tu-ni a-sza2-ba-ni mi-i-nu
42'. e-li {disz}tar-qu-u2 _man_ {kur}ku-u2-si a-na sza2-kan a-de-e u sa-li-me u2-ma-'e-e-ru {lu2}rak-be2-szu2-un
43'. um-ma su-lum-mu-u2 ina bi-ri-ni lisz-sza2-kin-ma ni-in-dag-ga-ra a-ha-mesz
44'. _kur_ a-he-en-na ni-zu-uz-ma a-a ib-ba-szi ina bi-ri-ni sza2-nu-um-ma be-lum
45'. sza _erin2-hi-a kur_ an-szar2{ki} gap-sza2-a-ti e-muq _en_-ti-ia isz-te-ne2-'u-u2 a-mat _hul_-tim
46'. a-na na-kas na-pisz-ti-szu2-un ik-pu-du is,-ri-mu hul-lu-qu a-di la ba-sze-e
47'. {lu2}szu-ut _sag-mesz_-ia a-ma-a-ti an-na-a-ti isz-mu-ma ik-ki-lu nik-lat-sun2
48'. {lu2}rak-be2-szu2-un a-di szip-ra-ti-szu2-nu is,-ba-tu-nim-ma e-mu-ru ep-szet sur-ra-a-ti-szu-un
49'. {disz}lugal-lu-da3-ri {disz}ni-ku-u2 is,-ba-tu-nim-ma ina bi-re-ti isz-qa-te u2-tam-me-hu _szu-min_ u _giri3-min_
50'. ma-mit an-szar2 _lugal dingir-mesz_ ik-szu-us-su-nu-ti-ma sza ih-t,u-u2 ina a-de-e _gal-mesz_
51'. t,a-ab-ti qa-tusz-szu2-un u2-ba-'i-i-ma sza2 e-pu-us-su-nu-ti du-un-qu
52'. u3 _ug3-mesz iri-mesz_ ma-la it-ti-szu2-nu isz-szak-nu ik-pu-du a-mat _hul_-ti
53'. _tur_ u _gal_ ina _{gesz}tukul_ u2-szam-qi2-tu-u2-ma e-du a-me-lu la e-zi-bu ina lib3-bi
54'. u3 sza2-a-szu2-un a-di nina{ki} _iri_ be-lu-ti-ia a-di mah-ri-ia ub-lu-u-ni
55'. u3 a-na-ku {disz}asz-szur-du3-a _man kur_ asz-szur{ki} _sza3_ rap-szu2 e-pisz _mun_ sa-hi-ru dam-qa-a-ti
56'. a-na {disz}ni-ik-ku-u2 _ARAD_ da-gil2 _igi_-ia sza2 _ad du3_-u-a a-na _lugal_-u-te ip-qi2-qu ina {iri}kar-en-kur-kur
57'. re-e-mu ar-szi-szu2-ma u2-kab-bi-sa hi-t,i-is-su
58'. a-de-e? ni-isz _dingir-mesz ugu_ sza2 mah-ri u2-sza2-tir-ma it-ti-szu2 asz2-pur
59'. lib3-bu u2-szar-hi-is-su-ma lu-bul-tu2 bir-me u2-lab-bi-su-ma
60'. al-lu _ku3-sig17_ si-mat _lugal_-ti-szu2 asz2-kun-szu2
61'. _har-mesz ku3-sig17_ u2-rak-ki-sa rit-ti-szu2
62'. _gir2_ szib-bi sza2 ih-zu-szu2 _ku3-sig17_ ni-bit _mu_-ia ina muh-hi asz2-t,ur-ma a-din-szu2
63'. _{gesz}gigir-mesz ansze-kur-ra-mesz ansze-kunga-mesz_ a-na ru-kub _en_-ti-szu2 a-qis-su
64'. {lu2}szu-ut _sag-mesz_-ia _{lu2}nam-mesz_ a-na kit-ri-szu2 it-ti-szu2 asz2-pur
65'. a-szar _ad du3_-u-a ina {iri}sa-a-a sza2 {iri}kar-en-kur-kur _mu_-szu2
66'. a-na _lugal_-u-te ip-qid-du-szu2 a-na masz-kan2-i-szu2 u2-ter-szu2
67'. t,a-ab-tum _saga_-tum e-li sza2 _ad_ ba-ni-ia u2-sza2-tir-ma e-pu-us-su
68'. u3 {disz}{d}muati-sze-zib-an-ni _dumu_-szu2 ina {iri}ha-at-ha-ri-ba
69'. sza {iri}li-mir_-ensi2_-asz-szur _mu_-szu2 a-na _lugal_-u2-te asz2-kun
70'. {disz}tar-qu-u2 _man_ {kur}ku-u-si hat-tu pu-luh-ti _en_-ti-ia is-hup-szu-ma il-lik nam-mu-szi-szu2
71'. {disz}ur-da-ma-ne2-e _dumu nin9_-szu2 ina _{gesz}gu-za_-szu2 u2-szib-ma u2-ma-'e-er ma-a-tum
72'. {iri}ni-i' a-na dan-nu-ti-szu2 isz-kun-ma u2-pa-hir el-lat-su
73'. a-na e-pesz _muru2_ u _me3 ugu erin2-hi-a_-ia _{gesz}tukul-mesz_-szu2 u2-szat-ba-a is,-ba-ta har-ra-na
74'. ina tu-kul-ti an-szar2 {d}sin u3 _dingir-mesz gal-mesz en-mesz_-ia
75'. ina _me3 edin_ rap-szi _bad5-bad5_-szu2 isz-ku-nu u2-par-ri-ru el-lat-su
76'. {disz}ur-da-ma-ne2-e e-disz ip-par-szid-ma e-ru-ub a-na {iri}ni-i' _iri lugal_-ti-szu2
77'. ma-lak _iti_ 1(u) _u4-mesz_ ur-hi pa-asz2-qu-u2-ti _egir_-szu2 il-li-ku a-di qe2-reb {iri}ni-i'
78'. _iri_ szu-a-tu a-na si-hir-ti-szu2 ik-szu-du is-pu-nu a-bu-bisz
79'. _ku3-babbar ku3-sig17_ e-per _kur_-szu2 ni-siq-ti _na4-mesz_ mim-ma aq-ru ni-s,ir-ti _e2-gal_-szu2
80'. lu-bul-ti bir-me _gada-mesz ansze-kur-ra-mesz gal-mesz un-mesz nita_ u _munus_
81'. _za-za_-a-ti pa-ge-e u2-qu-pe tar-bit szad-de-szu2-un
82'. ina la mi3-ni a-na mu-'u-de-e _ta_ qe2-reb-e-szu2 u2-sze-s,u-nim-ma im-nu-u2 szal-la-tisz
83'. a-na nina{ki} _iri_ be-lu-ti-ia szal-mesz isz-szu-nim-ma u2-na-asz2-szi-qu _giri3-min_-ia
84'. {iri}qir-bit2 sza qe2-reb {iri}ha-le-e-ha-as-ta na-da-ta szu-bat-su
85'. _ug3-mesz_ a-szib _sza3_-szu2 _ugu kur-mesz_-szu2-nu mar-s,u-u2-ti tak-lu-ma la pit-lu-hu be-lut _kur_ asz-szur
86'. {disz}ta-an-da-a-a _{lu2}en-iri-mesz_-szu2-nu sza2 a-na _lugal-mesz ad-mesz_-ia la kit-nu-szu2 a-na ni-i-ri
87'. hu-bu-ut {kur}ia-mut-ba-la ka-a-a-an ih-ta-nab-ba-tu u2-szah-ri-bu na-me-e-szu2
88'. asz2-szu2 ep-sze-e-ti an-na-a-ti _dumu-mesz_ |BAD3.AN|{ki} im-da-ha-ru-ni-ma u2-s,al-lu-u be-lu-ti
89'. {lu2}szu-ut _sag-mesz_-ia _{lu2}nam-mesz ugu_-szu2-nu u2-ma-'e-er {iri}qir-bit2 ik-szu-du isz-lu-la _ug3-mesz_-szu2
90'. _ug3-mesz iri-mesz_ sza2-tu-nu ki-szit-ti _szu-min_-ia as-suh-ma qe2-reb {kur}mu-s,ur u2-sza2-as,-bit
91'. {disz}gu-gu _lugal_ {kur}lu-ud-di na-gu-u2 ne2-ber-ti _a-ab-ba_ asz2-ru ru-u-qu
92'. sza _lugal-mesz_ a-li-kut mah-ri _ad-mesz_-ia la isz-mu-u2 zik-ri _mu_-szu2
93'. ni-bit _lugal_-ti-ia kab-ti ina _masz2-ge6_ u2-szab-ri-szu2-ma an-szar2 _dingir_ ba-nu-u2-a
94'. um-ma sza {disz}asz-szur-du3-a _lugal kur_ asz-szur{ki} hi-szih-ti an-szar2 _lugal dingir-mesz en_ gim-ri
95'. _giri3-min-mesz_ ru-bu-ti-szu2 s,a-bat-ma _lugal_-su pit-luh-ma s,u-ul-la-a be-lut-su
96'. sza e-pisz _ARAD_-u-ti u na-din man-da-at-ti lil-li-ku-usz su-up-pu-ka
97'. u4-mu _masz2-ge6_ an-ni-tu e-mu-ru a-na sza2-'a-al szul-mi3-ia _{lu2}ra-gaba_-u2-szu2 isz-pu-ra a-di mah-ri-ia
98'. {lu2}gi-mir-ra-a-a mu-dal-li-pu-u-ti _ug3-mesz kur_-szu2 sza2 ina qer-bi tam-ha-ri bal-t,u-us-su ik-szu2-da _szu-min_-szu2
99'. it-ti ta-mar-ti-szu2 ka-bit-tu2 a-na nina{ki} _iri_ be-lu-ti-ia u2-sze-bil-am-ma u2-na-asz2-sziq _giri3-min_-ia
100'. {disz}mu-gal-li _lugal_ {kur}tab_-iri_ a-szib hur-sza2-a-ni sza2-di-i pa-asz2-qu-u-ti
101'. sza a-na _lugal-mesz ad-mesz_-ia _{gesz}tukul-mesz_ szit-pu-ru e-tap-pa-lu da-s,a-a-ti
102'. qe2-reb _kur_-szu2 hat-ti im-qut-su-ma pu-luh-ti _lugal_-ti-ia is-hup-szu2-ma
103'. ba-lu e-pesz _muru2 {gesz}tukul me3_ a-na nina{ki} isz-pu-ram-ma u2-s,al-la-a be-lu-u2-ti
104'. _ansze-kur-ra-mesz gal-mesz_ man-da-at-tu na-dan szat-ti-szu2 u2-kin s,e-ru-usz-szu2
105'. {disz}ik-ki-lu-u2 _lugal_ {kur}ar-u2-a-da a-szib ra-pa-asz2-ti _muru2_ tam-tim
106'. sza ki-ma _ku6_ ina _a-mesz_ la ni-i-bi gi-pisz e-de-e dan-ni szit-ku-nu szub-tu
107'. sza _ugu_ tam-tim gal-la-ti tak-lu-u2-ma la kit-nu-szu2 a-na ni-i-ri
108'. be-lu-u-ti ip-lah3-ma a-na e-pesz _ARAD_-ti-ia ik-nu-usz-ma i-szu-t,a ab-sza2-a-ni
109'. _ku3-sig17-mesz sig2 sa5-mesz sig2 ge6-mesz ku6-mesz muszen-mesz_ szat-ti-szam-ma u2-kin e-li-szu2
110'. ina tu-kul-ti _dingir-mesz gal-mesz_ u3 {d}sin? a-szib {iri}har-ra-na _en_-ia
111'. rag-gi ik-nu-szu2 szi-ip-s,i mit-ru-ti? u2-na-asz2-szi-qu _giri3-min_-ia
112'. _kur-kur_ la ma-gi-re-ia ak-szu-ud asz2-lu?-la? szal-lat-su-nu ka-bit-tu
113'. _sag-mesz ku3-babbar ku3-sig17_ mim-ma aq-ru ni-s,ir-ti _nig2-szu_ na-ki-ri szad-lu-u2-ti
114'. a-na _dingir-mesz kur_ asz-szur{ki} _dingir-mesz kur eme-gi7 kur uri_ a-qisz a-na qisz-ti
115'. ina u4-me-szu2 e2-hul2-hul2 _e2_ {d}sin sza qe2-reb {iri}har-ra-na
116'. sza {disz}{d}sal2-ma-nu_-masz dumu_ {disz}asz-szur-pap-ibila _lugal_ pa-ni mah-ri-ia e-pu-szu2
117'. e2-kur szu-a-tu la-ba-risz il-li-ku i-qu-pa _e2-gar8-mesz_-szu2
118'. an-hu-us-su am-si ad-ke tem-me-en-szu2 u2-ma?-asz2?-szi-szu2? du-rug-szu2
119'. si-hir-ti _e2_ szu-a-tu 3(u) ti-ib-ki u2-szaq-qi ap-ti-qa pi-ti-iq-szu2
120'. 3(disz) _me_ 5(u) _gid2-da_ 1(gesz2) 1(u) 2(disz) _dagal_ ti-ib _{tu15}kur-ra_ x [...] u2-rad-di ina muh-hi
121'. 1(disz) _me_ 3(u) ti-ib-ki _ta_ ku-tal _iri_ u2-mal-li [...] x qe2-reb _muru2 iri_
122'. ina esz-qi2 _na4-mesz kur_-i dan-ni _usz8_-szu2 ad-di tem-me-en-szu2 u2-kin? szu?-bat?-su? u2-rap-pisz
123'. _{gesz}eren-mah-mesz_ sza2 qe2-reb {iri}lab-na-na ik-bi-ru i-szi-hu la-a-nu
124'. _{gesz}szur-min3_ e-re-szu2 _du10-ga_ sza2 qe2-reb {iri}si-ra-ra u2-sza-az?-ni-nu {d}iszkur
125'. sza _lugal-mesz_ ki-szad tam-tim _ARAD-mesz_ da-gil2 pa-ni-ia ik-ki-su ina t,e3-e-me-ia
126'. _ta_ szad-de-szu2-nu a-szar nam-ra-s,i pa-asz2-qisz u2-szal-di-du-u-ni a-na {iri}har-ra-na
127'. s,e-er e2-hul2-hul2 szu-bat _hul2-mesz_ u2-s,a-lil-ma u2-kin ta-ra-nu
128'. _{gesz}ig-mesz {gesz}szur-min3_ rab-ba-a-ti me-ser _ku3-babbar_ u2-rak-kis u2-rat-ta-a _ka2-mesz_-szu2
129'. _sag lugal_-ti-ia e2-kur szu2-a-tu2 a-na si-hir-ti-szu2 u2-szar-ri-ih-ma u2-szak-lil
130'. at-man {d}sin _en_-ia 1(gesz2) 1(u) _gun_ za-ha-lu-u2 eb-bu u2-szal-bisz
131'. 2(disz) _am-mesz ku3-babbar_ ek-du-u-ti sza2 mal-ma-lisz pat-qu ti-is,?-bu-ti? [...]
132'. ina 2(u) _gun_ esz-ma-re-e mesz-re-te-szu2-nu nak-lisz ap-tiq [...]
133'. a-na it-ku-up za-ma-a-ni da-a-isz a-a-bi-ia [...]
134'. 2(disz) {d}lah3-me _ku3-babbar_ tam-szil szu-ut _a-ab-ba_ sza ziq-ni? [...]
135'. ina a-tu-li-ma-ni-szu2-nu {gesz}szu-ri-in-ni tam-hu [...] x
136'. ina 3(u) _gun_ gat-ta-szu2-nu ap-ti-iq u2-szar-ri-ih si-ma-a-ti
137'. a-na mu-ter-risz _ti-la_-ia ina _ka2_ pa-pa-hi s,i-it _{d}utu_-szi u2-kin-szu2-nu-ti
138'. ina a-gur2-ri _{na4}zu2 {na4}za-gin3_ ne2-be2-hu e-bi-ih-szu2 u2-szak?-li-lu
139'. e2-kur szu-a-tu2 a-na si-hir-ti-szu2 ina ep-szet {d}nu-dim2-mud ag-mu-ra? szi-pir-szu2
140'. _szu-min_ {d}sin _en_-ia as,-bat-ma ina _hul2-mesz_ u2-sze-rib-szu2 u2-szar-me-szu2 pa-rak da-ra?-a-ti
141'. _{udu}siskur-mesz_ tasz-ri-ih-ti _ku3-mesz_ ma-har-szu2 aq-qi2-ma u2-szam-hi-ra kad3-ra-a-a
142'. {d}sin {d}nin-gal u {d}nusku ep-sze-ti-ia dam-qa-a-ti ha-disz? lit-tap-la?-su
143'. [...] x x-e i-da-at dum-qi li-sza2-pa-a [...]-ia
144'. [...] bu-un-ni-szu2? nam-ru-u2-ti it-ti _{d}utu_-szi [...]-ti-szu2
145'. [...] szul-bur isz-di _{gesz}gu-za lugal_-ti-ia li-tap-pa-lu a-ha-mesz
146'. [...] x _esz-bar_-szu2 sza2 szum-qut na-ki-ri-ia li-szak-li-im s,a-ad-du
147'. [...] _szu-min_-ia re-e-mu li-ir-szi-ma li-im-gu-ra qa-ba-a-a
148'. [...] _mu-an-na-mesz_ t,u-ub _uzu-mesz_ hu-ud lib3-bi li-szim szim-ti
149'. {d}nin-gal [...] a-na {d}sin na-ram-i-sza2 li-ha-as-si-sa _saga-mesz_-ia
150'. [...]_-ad?_ u4-me-szam la na-par-ka-a li-is,-bat ab-bu-ut-ti
151'. a-na _egir_ u4-me _lugal-mesz_-ni _dumu-mesz_-ia sza2 an-szar2 {d}sin a-na be-lut _kur_ i-nam-bu-u zi-kir-szu2
152'. e-nu-ma e2-kur szu-a-tu la-ba-risz il-la-ku i-lab-bi-ru e-na-hu
153'. an-hu-us-su ud-da-szu-u2-ma u2-tar-ru szip-ru szu-a-tu esz-szisz i-ban-nu-u
154'. szu-mi3 it-ti _mu_-szu2 lisz-t,ur sza szu-mi3 _mu ad_-ia _ad ad_-ia i-pa-asz2-szi-t,u-u-ma _mu_-szu2 i-szat,-t,a-ru
155'. {d}sin _en gal_-u2 ar-nu kab-tu sze-er-ta-szu _gal_-tum li-sza2-asz2-szi-szu2-u-ma a-a ir-szi-szu2 re-e-mu
156'. [...] x kam-mu _e2_ {d}sin sza {iri}kaskal

&P516958 = RINAP 5/2 Ashurbanipal 075 composite
#atf: lang akk
@object composite text
@surface a
1. x x x
2. [...] u2-szar-bi-s,a par-ga-nisz ($over ersaure$)
3. [...] hur-ba-sza ina _edin_
4. [...] aq-bi szul-me
5. [...] it-ta-na-al-la-ku bi-bil _sza3_-szu2
6. [...] x x? _x-mesz muszen-mesz_ u _ku6-mesz_
@surface b
1. a-na-ku {disz}an-szar2-du3-a _lugal gal_-u _lugal_ dan-nu _lugal szu2 lugal kur_ an-szar2{ki} _lugal_ kib-rat _limmu2_-tim
2. _e3_ lib3-bi {disz}an-szar2-pap-asz _lugal kur_ an-szar2{ki} _szagina_ babila2{ki} _lugal kur eme-gi7_ u uri{ki}
3. _sza3-bala-bala_ {disz}{d}sin-pap-mesz-su _lugal gal lugal_ dan-nu _lugal szu2 lugal kur_ an-szar2{ki}-ma
4. an-szar2 _{d}en-lil2-la2 dingir-mesz_ isz-di _{gesz}gu-za_-e u2-kin ih-szu-ha {lu2}sza2-an-gu-ti
5. {d}nin-lil2 _ama dingir-mesz gal-mesz_ ki-ma _ama_ a-lit-ti u2-rab-ban-ni ina ki-rim-mi3-sza2 _du10-ga_
6. {d}sin {d}utu ina an-ni-szu2-nu ke-e-ni _iti_-szam isz-ta-nap-pa-ru-u-ni i-da-at dum-qi2
7. {d}marduk _abgal dingir-mesz_ sza2 qi2-bit-su la ut-tak-ka-ru szi-mat la-ba-ri i-szim szim-ti
8. {d}ag _dub-sar_ gim-ri ih-ze ne2-me-qi2-szu2 sza2 i-ram-mu u2-szak-mi3-sa kar-szu-u-a
9. {d}isz-tar a-szi-bat {iri}limmu2-dingir ka-bit-ti _dingir-mesz gal-mesz_ s,il-la-sza2 da-ru-u it-ru-s,a _ugu_-ia
10. {d}u-gur dan-dan-ni _dingir-mesz_ dun-nu zik-ru-tu e-mu-qi2 la sza2-na-an isz-ru-ka szi-rik-ti
11. ul-tu s,e-he-ri-ia _dingir-mesz gal-mesz_ a-szib _an_-e u _ki_-tim szi-ma-ti i-szi-mu a-na _lugal_-u-ti
12. ki-ma _ad_ ba-ne2-e u2-rab-bu-in-ni al-ka-kat3-e-szu2-nu s,i-ra-a-ti u2-mal-lu-u qa-a-tu-u-a
13. u2-lam-mi3-du-in-ni e-pesz _muru2_ u _me3_ di-ku-ut a-na-an-ti se-de-ru u mit-hu-s,u-ti
14. u2-szar-bu-u _{gesz}tukul-mesz_-ia _ugu {lu2}kur2-mesz_-ia sza2 ul-tu s,e-he-ri-ia a-di ra-be2-ia ig-ru-in-ni a-na s,a-al-ti
15. i-di-nu de-e-ni it-ti {disz}ur-ta-ki _man_ {kur}elam-ma{ki} sza2 la ag-ru-u-szu2 ig-ra-an-ni a-na qab-li
16. ke-e-mu-u-a _bad5-bad5_-szu2 isz-ku-nu im-ha-s,u pa-na-as-su it,-ru-du-szu2 a-di mi-s,ir _kur_-szu2
17. ina _mu-an-na_ szu2-a-tu ina _usz2_ lem-ni u2-hal-li-qu nap-szat-su ip-qi2-du-szu2 a-na _kur-nu-gu4-a_ a-szar la ta-a-ri
18. lib3-bi _dingir-mesz gal-mesz en-mesz_-ia ul i-nu-uh ul ip-szah sza2 e-zu-zu ka-bat-ti _en_-ti-szu2-nu
19. _lugal_-us-su isz-ki-pu _bala_-szu2 e-ki-mu be-lut {kur}elam-ma{ki} u2-szal-qu-u sza2-nam-ma
20. {disz}um-man-i-gasz {disz}um-man-ap-pa {disz}tam-ma-ri-tu _dumu-mesz_ {disz}ur-ta-ki _lugal_ {kur}elam-ma{ki}
21. {disz}ku-dur2-ru {disz}pa-ru-u _dumu-mesz_ {disz}um-man-al-da-si _lugal_ a-lik pa-ni {disz}ur-ta-ki
22. 1(gesz2) _numun lugal_ ina la mi3-ni _{lu2}erin2-mesz {gesz}pan dumu-mesz_ ba-ne2-e sza2 {kur}elam-ma{ki}
23. la-pa-an da-a-ki {disz}te-um-man _szesz ad_-szu2-nu in-nab-tu-nim-ma is,-ba-tu2 _giri3-min lugal_-ti-ia
24. ul-tu ina _{gesz}gu-za ad_ ba-ni-ia u2-szi-bu {d}iszkur _szeg3-mesz_-szu2 u2-masz-szi-ra {d}e2-a u2-pat,-t,i-ra _idim-mesz_-szu2
25. _{gesz}tir-mesz_ ma-gal isz-mu-ha _{gesz}gi-mesz_ s,u-s,e-e usz-te-li-pu la i-szu2-u ne2-re-bu u tal-lak-tu2
26. ta-lit-ti _ur-mah-mesz_ qe2-reb-szi-in i-szir-ma ina la-a mi3-ni ik-s,u-ru el-la-tu2
27. ina u2-kul-ti _gu4-mesz_ s,e-e-ni u a-me-lu-ti in-na-ad-ru-ma e-zi-zu isz-mu-hu la-a-nu
28. ina rig-me-szu2-nu hur-sza2-a-ni i-ram-mu-mu ig-da-na-lu-du u2-ma-am _edin?_
29. bu-ul _edin_ ka-a-a-an u2-szam-qa-tu i-tab-ba-ku _usz2-mesz_ a-me-lu-ti ip-ru-su a-lak-tu
30. ki-ma dab2-de-e {d}er3-ra tab-kat3 sza2-lam-tu _adda-mesz gu4-mesz_ s,e-e-ni? ina? _edin?_ u ba-ma-a-ti
31. i-bak-ku-u2 _{lu2}sipa-mesz_ {lu2}na-qi2-di sza2 la-ab-bi ik-ka-lu ina tar-ba-s,i u su-pu-ru
32. i-sa-ap-pi-du da-ad-me ur-ru u mu-szu2 x x? x [...] ina _{gesz}gi_ u _{gesz}tir_ szit-ku-na-at szu-bat-sun2
33. ep-szet _ur-mah-mesz_ sza2-a-tu-nu iq-bu-nim-ma ki-i mul-ta-'u-u-ti al-li-ka _edin_-usz-szu2-un
34. ina me-ti-iq ger-ri-ia qe2-reb _{gesz}gi_ u _{gesz}tir-mesz_ sza2-a-ti-na e-ru-um-ma _bad5-bad5_-szu2-nu asz2-kun
35. qin-na-a-ti-szu2-nu u2-par-ri-ir [...]-szu2-nu bal-t,u-u-ti u2-s,ab-bi-ta ina qa-a-ti
36. _ug3-mesz_ a-szi-bu-ut _iri-mesz {lu2}sipa-mesz_ {lu2}na-qi2-di u2-pa-asz2-szi-ih-ma bu-ul _edin_ u2-szar-bi-s,a par-ga-nisz
37. ina u4-me-szu2 _lugal-mesz_ [...] mun-nab-ti sza2 {kur}elam-ma{ki} sza2-le-e _gesz-pan_-szu2-un u2-na-'i-i-du-in-ni
38. sza ul-tu im-ma-x [...] x la-ab-nisz u2-kas,2-s,i-s,u s,u-up-ra-te
39. x x x x [...] i-sa-al-lu-u2 i-na mah-ri-ia
40. [...]-nu is-lu-u2 x x x-ne2-e
41. [...] {gesz}szil-ta-hi-szu2-nu szam-ru-u-ti
42. [...] {gesz}szil-ta-hi-ia szam-ri x x x
43. [...] x x x x x x x x x x x
44. [...] x x x x x x x x x
45. [...] {d}u-gur dan-dan-ni _dingir-mesz_ {d}x x?
46. [...]_-ha?_ ina pa-an _{gesz}pan_-ia
47. [...]-pal-la-su-usz ni-isz-ti
48. [...] _a?_ ik-ta-na-ra-bu u2-na-sza2-qu _giri3-min_-ia
49. [...] x _na_ e-mu-ru _igi-min_-x
50. [...] x x x x x x x x x
51. [...]-gi la ta-szak-kan
52. [...] x-na-nu li-szar-szi-ka
53. [...] a-me-lu-u2-tim-ma
54. [...] {kur}elam-ma{ki}
55. [...] x x x x x?
56. [...] _a_ x _la_ x x x x _nu_
57. [...] _a_
58. [...] x x x-ra-nu
59. [...] x x-en-szu2
60. [...] x-e-szu2
61. [...] x
62. [...] x x u2-tak-kil-an-ni iq-ba-a sa-pa-ah {kur}elam-ma{ki}

&P516955 = RINAP 5/2 Ashurbanipal 072 composite
#atf: lang akk
@object composite text
@surface a
1. {iri}limmu2-dingir szu-bat {d}isz-tar _e2_ i-sin-na-a-ti u3 nin-gu-ti?
2. sza ul-tu ul-la _bad3_-szu2 la ep-szu2 la szuk-lu-la szal-hu-u-szu2
3. _bad3_-szu2 ar-s,ip-ma u2-szak-lil szal-hu-u-szu2 lu-le-e usz-mal-li
4. _e2 {d}inanna gaszan_-ia ina _ku3-babbar ku3-sig17 uruda_ u2-nam-mir _gin7_ u4-mi
5. {gesz}szu-ri-in-ni _ka2 e2_ {d}isz-tar _ku3-babbar ku3-sig17_ u2-za-'i-in-ma az-qup
6. {iri}mil-qi2-a _e2-gal edin_ mu-szab {d}isz-tar an-hu-us-su ud-disz
7. _e2_ a2-kit-su ar-s,ip _iri_ ana gi-mir-ti-szu2 u2-szak-lil
8. ina ta-di-ir-ti u3 bi-ki-ti sza2 u2-szal-pi-tu2-szu2 _{lu2}kur2 szu-min_-ia5 um-mid ina _hul2-mesz_ u2-szak-lil
9. {gesz}szu-ri-in-ni _e2_ {d}u-gur sza2 {iri}tar-bi-s,i sza2 ul-tu2 u4-um pa-ni la _gal2_-u ana-ku az-qup
10. ul-tu an-na-a e-tap-pu-szu2 ag-mu-ru szip-ri a-mat _ad_ ba-ni-ia2 ul x x at-ta-s,ar ana-ku
11. {disz}{d}gesz-nu11-mu-gi-na _szesz_-ia5 ta-li-me ana ($erased$) _lugal_-ut {kur}kar2-{d}dun-ia2-asz3 u2-szad-gi-la pa-nu-usz-szu2
12. {disz}an-szar2-mu-kin_-bala-mesz_-ia2 _szesz_-ia5 tar-den-ni ana _{lu2}szesz-gal_-tu2 ug-dal-lib ina _igi an-szar2?_
13. {disz}an-szar2-e-tel_-an-ki-ti-la-bi szesz_-ia5 _tur_ ana _{lu2}szesz-gal_-tu2 ina _igi_ {d}sin a-szib {iri}kaskal ug-dal-lib
14. a-di ki-is-pi na-aq _a-mesz_ a-na _gidim-mesz lugal-mesz du_-ut mah-ri-ia2? sza2 szub-t,u-lu ar2-ku-us
15. a-na _dingir_ u a-me-lu-tum ana _usz2-mesz_ u _ti-mesz mun du3_-usz
16. am-mi3-ni  _gig hul_ lib3-bi _e3_ u hu-lu-uq-qu-u rit-ku-sa _ki_-ia2
17. ina _kur_ s,al-ta ina _e2_ pu-uh-pu-uh-hu-u la ip-par-ra-su _a2-min-mesz_-a-a
18. du-lu-uh-hu-u a-mat _hul_-tim su-ud-du-ru-u-ni ka-a-a-an
19. la _du10-ga_ lib3-bi la _du10-ga uzu_ ik-ta-pa-ap la-a-ni
20. ina u8-a a-a ag-da-mar u4-me
21. ina u4-um _dingir iri_ u4-um isz-szin-ni ana-ku dal-ha-ku
22. u2-kal-la-an-ni _usz2_ u2-szap-sza2-aq
23. ina ku-u-ri ni-is-sa-ti ur-ra u _ge6_ a-na-as-su-us
24. a-ta-na-ah _dingir_ ana la pa-li-hi _sum_-in lu-mur _zalag2_-ka
25. _en_ im-mat _dingir_ an-na-a te-ep-pu-sza2-an-ni
26. ki-i la pa-li-ih _dingir_ u3 {d}inanna ana-ku ep-sza2-ku

&P516956 = RINAP 5/2 Ashurbanipal 073 composite
#atf: lang akk
@object composite text
@surface a
1. a-na-ku {disz}an-szar2-du3-a _lugal gal lugal_ dan-nu _lugal szu2 lugal kur_ asz-szur _lugal_ kib-rat _limmu2_-tim
$ n lines broken
2'. _szagina_ babila2{ki} _lugal kur eme-gi7_ u uri{ki}
3'. _dumu dumu_ {disz}{d}sin-pap-mesz-su _lugal gal lugal_ dan-nu _lugal szu2 lugal kur_ asz-szur
4'. li-ib-li-bi {disz}lugal-gi-na _lugal gal lugal_ dan-nu _lugal szu2 lugal kur_ asz-szur
5'. _szagina_ babila2{ki} _lugal kur eme-gi7_ u uri{ki}
6'. an-szar2 _ad dingir-mesz_ ina lib3-bi _ama_-ia szi-mat _lugal_-u-ti i-szim? szim-ti?
7'. {d}nin-lil2 _ama gal_-tu a-na be-lut _kalam_ u _ug3-mesz_ taz-ku-ra szu-mi3?
8'. {d}e2-a _dingir-mah alam-dim2_-me-e _en_-u-ti u2-s,ab-bu-u nak-lisz
9'. {d}sin _dingir_ el-lu asz2-szu2 e-pesz _lugal_-ti-ia usz-tak-li-ma _munus saga_ it-tum
10'. {d}utu {d}iszkur ba-ru-tu2 szi-pir la in-nen-nu-u2 u2-mal-lu-u _szu-min_-u-a
11'. {d}marduk _abgal dingir-mesz_ uz-nu ra-pa-asz2-tu ha-si-su pal-ku-u isz-ru-ka szi-rik-te
12'. {d}ag _dub-sar_ gim-ri ih-ze ne2-me-qi-szu2 i-qi2-sza2-an-ni a-na qisz-ti
13'. {d}nin-urta {d}u-gur dun-ni zik-ru-te e-mu-qi2 la sza2-na-an u2-szar-szu-u gat-ti
14'. szi-pir ap-kal-li a-da-pa3 a-hu-uz ni-s,ir-tu2 ka-tim-tu2 kul-lat t,up-szar-ru-tu2
15'. _geszkim-mesz an_-e u _ki_-tim am-ra-ku szu-ta-du-na-ku ina _ukken_ um-ma-a-ni
16'. szu-ta-bu-la-ku 1(disz) _ba3_-ut ma-at,-lat _an_-e it-ti _abgal i3-mesz_ le-'u-u-ti
17'. u2-pa-t,ar _i-gi-a-ra2_-e et-gu-ru-ti sza2 la i-szu-u pi-it pa-ni
18'. asz2-ta-si kam-mu nak-lu sza2 _eme-gi7_ s,u-ul-lu-lu ak-ka-du-u ana szu-te-szu-ri asz2-t,u
19'. hi-t,a-a-ku _gu3-sum_ ab-ni sza2 la-am a-bu-bi sza2 kak-ku sa-ak-ku bal-lu
20'. it-ti il-li na-as-qi2 an-na-a sza2 ep-pu-sza2 gi-mir u4-me-ia
21'. szi-tah-hu-t,a-ku mur-ni-is-qi2 rak-pa-ak hi-isz-sza2-me-e szit-ma-ru-ti
22'. tam-ha-ak til-pa-na u2-s,u u2-szap-ra-asz2 si-mat qar-ra-du-ti
23'. a-szal-lu ki-ma szil-ta-hi az-ma-ra-ne2-e nu-ur-ru-t,u-u-ti
24'. s,ab-ta-ku {kusz}a-sa-a-ti ki-ma as-sa-ri u2-sza2-as-har se-he-er {gesz}ma-gar-ri
25'. usz-ta-na-as,-bar ki-ma kisz-kat3-te-e {gesz}a-ra-a-te {gesz}ka-ba-ba-te
26'. le-'a-a-ku sza gi-mir um-ma-ni ka-li-szu2-nu i-nu-szu2-nu ra-bu-u
27'. isz-te-nisz a-lam-mad si-mat _en_-u-ti al-ka-ka-te at-ta-na-lak sza2 _lugal_-te
28'. u2-szu-za-ku ma-har _lugal_ ba-ni-ia t,e3-e-me asz-ta-nak-kan a-na _gal-mesz_
29'. ba-lu-u-a _{lu2}nam_ ul ip-pa-qid _{lu2}gar_-nu ul isz-sza2-kan ul-la-nu-u-a
30'. it-ta-nap-la-as _ad_ ba-nu-u-a qar-ra-du-tu2 sza2 i-szi-mu-in-ni _dingir-mesz gal-mesz_
31'. ina qi2-bit _dingir-mesz gal-mesz ukken szesz-mesz_-ia ma-a'-disz i-ra-man-ni
32'. asz2-szu2 e-pesz _lugal_-ti-ia im-hur an-szar2 _lugal dingir-mesz en_ gim-ri
33'. u2-s,al-li {d}nin-lil2 {d}sze-ru-u-a ru-bat i-la-a-ti be-let _gaszan-mesz_
34'. u2-sa-ap-pi {d}utu {d}iszkur ba-re-e sza2-ma-me qaq-qar _di-ku5_ kib-ra-a-te
35'. usz-te-mi3-iq {d}ag {d}marduk na-di-nu-te _{gesz}gidri {gesz}gu-za_ mu-kin-nu _lugal_-u-ti
36'. um-ma ina ukken-ni-ku-nu ib-ba-a ina _dumu-mesz_-ia te-nu-u2-a
37'. [...] x [...]
38'. [...]
$ n lines broken
39'. ina _igi dingir-mesz gal-mesz_ sza2 _an_-e u _ki_-tim
40'. u2-dan-nin isz-t,ur isz-kun a-de-e a-na u4-me s,a-a-ti
41'. ina _{iti}gu4 iti_ {d}e2-a _en_ te-ne2-sze-e-ti pa-ti-qu nab-nit _lugal_-ti-ia
42'. e-ru-um-ma ina _e2_ ri-du-u-ti a-szar t,e3-e-me u mil-ki
43'. ina qi2-bit an-szar2 _ad dingir-mesz_ {d}marduk _en en-en lugal dingir-mesz_
44'. u2-sza2-qa-an-ni _ugu dumu-mesz lugal_ szu-mi3 iz-kur ana _lugal_-u-ti
45'. _e2-gal_ ina e-re-bi-ia i-ra-asz2 gi-mir _karasz_ ma-li ni-gu-tu
46'. ha-du-u2 _nun-mesz_ {lu2}szu-ut _sag_ u2-pa-qu zi-kir szap-ti-ia
47'. ma-har _lugal ad_ ba-ni-ia s,ab-tak ab-bu-su-nu pu-su-sak hi-t,i-szu2-nu?
48'. _dingir-mesz gal-mesz_ ep-sze-te-ia _saga-mesz_ ha-disz ip-pal-su-ma
49'. ina qi2-bi-ti-szu2-nu s,ir-ti u2-szib t,a-a-bisz ina _{gesz}gu-za ad du3_-ia
50'. ru-be2-e {lu2}szu-ut _sag en_-u-ti ih-szu-hu i-ra-mu e-pesz _lugal_-ti-ia
51'. ina zi-kir _mu_-ia kab-ti ha-du-u2 i-ri-szu2 kib-rat _limmu2_-tim
52'. _lugal-mesz_ sza2 ti-amti e-liti szap-liti _ARAD-mesz_ da-gil2 pa-ni _ad_ ba-ni-ia
53'. asz2-szu2 e-pesz _lugal_-ti-ia pu-su-rat ha-de-e isz-tap-pa-ru ana a-a-szi
54'. _{gesz}tukul-mesz_ na-ki-ri ti-bu-te ir-tab-s,u rak-su ip-t,u-ru ta-ha-za-szu2-un
55'. i-nu-hu ul-me-szu2-un sze-lu-u-ti u2-szap-szi-hu _{gesz}pan_-szu2-un ma-la-ti
56'. ir-bu-bu ak-s,u-ti a-na la ma-gi-re-szu2-un tu-qu-un-tu2 hasz-hu
57'. bi-rit _iri_ u _e2_ a-me-lu mim-mu-u tap-pe-e-szu2 ul e-kim ina da-na-ni
58'. se-he-ep _kur_ ka-la-ma et,-lu e-du hi-bil-tu ul e-pu-usz
59'. a-lik ur-hi e-disz-szi-szu2 ina szul-me ib-'a har-ra-nu ru-qe2-e-ti
60'. ul ib-szi szar-ra-qu ta-bik da-me ul ip-pa-rik pi-rik-tu2
61'. asz2-ba _kur-kur_ szub-tu ne2-eh-tu2 ki-ma u2-lu szam-ni taq-na kib-rat _limmu2_-tim
62'. {lu2}e-la-mu-u szip-ra-a-ti a-na sza2-'a-al szul-mi3-ia isz-pu-ru-nim-ma na-szu2-u?
63'. ina qi2-bit {d}marduk _en gal?_-e? ul ar-szi sza2-ni-na ul ib-szi ge-ra-a-a
64'. ina mah-re-e _bala_-ia sza2 {d}marduk _lugal_ gim-ri _en_-ut x x? x u2-mal-lu-u2 _szu-min_-u-a
65'. _{tug2}sig2 dingir_-ti-szu2 _gal_-ti as,-bat asz2-te-'a-a asz2-ra-te-e-szu2
66'. sza a-lak _dingir_-ti-szu2 kak-da3-a u2-sa-al-la u2-sa-ap-pa _gal_-tu2 _dingir_-u-su
67'. hu-su-us babila{ki} sza ina ug-gat lib3-bi-ka ta-bu-tu-szu2 at-ta
68'. a-na e2-sag-gil _e2-gal en_-ti-ka ki-szad-ka ter-ra su-uh-hi-ra pa-an-ka
69'. ma-s,i _iri_-ka te-e-zib a-szar la si-ma-te-ka ra-ma-ta szub-tu2
70'. at-ta-ma {d}en-lil2-la2 _dingir-mesz_ {d}marduk qi2-bi a-lak szu-an-na{ki}
71'. ina pi-i-ka el-li sza2 la szu-un-ne2-e lisz-sza2-kin e-reb e2-sag-gil
72'. man-nu [...]
$ n lines broken
73'. 5(disz)? ia-a-ti [...]
74'. 9(disz) _{lu2}ka-pirig_ x x [...]
75'. 1(u) _{lu2}gala-mesz_ ina man-zi-i hal-hal-la-ti [...]
76'. 1(u) 1(disz) _{lu2}nar-mesz_ ina _{gesz}za3?-mi2_ ta?-nit?-ti _en_-ti-szu2 i-za-am-mu-ru?
77'. 7(disz) {disz}{d}gesz-nu11-mu-gi-na _szesz_ ta-li-me-ia sza2 asz2-ru-ku a-na {d}marduk
78'. 8(disz) _szu-min dingir_-ti-szu2 _gal_-ti s,a-bit-ma i-szad-di-ha ma-har-szu2
79'. 1(u) 3(disz) ul-tu _kar_ bal-til{ki} a-di _kar_ babila{ki} a-szar i-szak-ka-nu nu-bat-tu2
80'. as-li t,u-ub-bu-hu le-e pu-ul-lu-ku ar-man-ni sur-ru-qu e-x x? _x-ga-mesz_
81'. mim-ma szum-szu2 nap-tan sze-e-ri li-la-a-ti u2-t,ah-hu-u-ma ma-har-szu2
82'. ab-ri nu-up-pu-hu di-pa-ri qe2-e-du a-na 1(disz) _danna-am3_ na-mir-tu2 szak-nat
83'. gi-mir _erin2_-ni-ia ki-ma {d}tir-an-na szu-tas-hu-ru u4-mu u _ge6_ szit-ku-nu nin-gu-tu2
84'. {d}gaszan sza2 a-ga-de3{ki} {d}na-na-a {d}u2-s,ur-a-mat-sa {d}ha-ni-bi-ia {d}a-da-pa3?
85'. ina kib-ri _i7_ szub-tu szit-ku-na-ma u2-qa-'u-u2 _lugal dingir-mesz en en-en_
86'. {d}u-gur dan-dan-ni _dingir-mesz_ it-ta-s,a-a ul-tu e2-mes-lam szu-bat ru-bu-ti-szu2
87'. ina ul-s,i ri-sza2-a-ti ina _kar_ babila{ki} iq-rib-ma i-t,e-ha-a ina szul-me
88'. {d}ag _ibila_ szit-lu-t,u ul-tu qe2-reb bar2-sipa{ki} usz-te-esz-sze-ra _kaskal_
89'. {d}utu ul-tu si-par{ki} i-hi-szam-ma a-na babila{ki} um-dasz2-szi-ra sza2-ru-ri
90'. _dingir-mesz kur eme-gi7_ u uri{ki} ki-ma mu-re-e an-hu-te pa-nu-usz-szu2 it-ta-nak-ka-ru
91'. ina s,ip-pat mu-sza2-re-e ku-uz-bi sza2 kar-za-gin3-na asz2-ri el-li
92'. ma-har _mul-mesz_ sza2-ma-mi {d}e2-a {d}utu {d}asal-lu2-hi _dingir-mah_ {d}ku3-su3 {d}nin-a-ha-kud-du
93'. ina szi-pir _abgal ka-luh-u3-da ka-du8-u3-da_ rim-ki te-lil-te
94'. e-ru-um-ma qe2-reb-szu2 ir-ma-a pa-rak da-ra-a-ti
95'. _gu4-mah_-hi bit-ru-te szu-'e-e ma-ru-ti aq-qa-a ma-har-szu2
96'. _ku6_ u _muszen he2-gal2 zu-ab_ u2-t,ah-ha-a pa-nu-usz-szu2
97'. [...] _lal3 i3-mesz_ u2-sza2-az-ni-na ki-ma ra-a-di
98'. [...] _igi-sa2_-e szad-lu-u-ti u2-szam-hi-ra kad3-ra-a
99'. {lu2}ra-am-ki {lu2}pa-szi-szu2 _{lu2}an-gub-ba-mesz_ ma-har-szu2 ul-ziz
100'. _ka-pirig-mesz gala-mesz nar-mesz_ sza2 ga-mir um-ma-nu-ti ha-am-mu ul-ziz ma-har-szu2 x x
101'. [...]-un-nu ip-par-di [...]
102'. [...] x ki-ma x [...]
$ n lines broken
103'. ina u4-me-szu-ma u2-sze-pisz-ma _{na4}na-ru2-a_ szi-t,ir _mu_-ia
104'. s,a-lam _dingir-mesz gal-mesz en-mesz_-ia e-si-qa s,e-ru-usz-szu2
105'. s,a-lam _lugal_-ti-ia mu-sa-ap-pu-u _dingir_-ti-szu2-un ma-har-szu2-un ul-ziz
106'. ta-nit-ti {d}marduk _en_-ia ep-sze-ti-ia _saga-mesz_
107'. s,e-ru-usz-szu2 u2-sza2-asz2-t,ir-ma a-na ar2-kat3 u4-me e-zib
108'. ia-a-ti {disz}an-szar2-du3-a szi-mat _saga_-tim? x i-szim szim-ti
109'. x x [...]
110'. _ta_ e2-hur-sag-gal-kur-kur-ra
111'. re-ha-a-ti x [...]
112'. _dingir-mesz kur eme-gi7_ u uri{ki}
113'. ki-sza2-di-szu2
114'. ia-a-ti {disz}asz-du3-a
115'. ik-ru-ub
116'. {disz}{d}gesz-nu11-mu-gi
117'. _szu-min dingir_-ti-szu2
118'. _{lu2}ka-pirig_
119'. _{lu2}gala-mesz_
120'. _{lu2}nar-mesz_
121'. [...] {gesz}ma2-umusz-a
122'. ul-tu? _kar?_ bal-til{ki}