Update event

&P478912 = CDLI Literary 000694 (Nergal B) composite
#atf: lang sux
@object composite text
@surface a
1. ur-sag dumu mah ni2 gur3-ru {d}en-lil2-la2
2. u4-gin7 ra-ra ki-bala-sze3 gu3 gar-ra
3. igi-ni-sze3 u18-ru bar-ra-ni-sze3 mar-uru5 zi-ga
4. [...] x-ba-ni ki-bi x-ge
5. en {d}mesz3-lam-ta-e3-a ni2 husz gur3-ru
6. x x-a-ni kur erim2-gal2 nu-e3-de3
7. si ma-az-za-ni kalam-ma [...]-la
8. [...] {gesz}tukul bi-in-sag3
9. [...] x IM {d}en-lil2-le u3-tu-da
10. [...] gal x x mar-uru5 x x x
11. [...] x x [...]-gar-re-en6
12. a2 nam-ur-sag-ga2-zu mu-gub-be2-en6
13. sag il2-la gu3 ra-bi-da nir-gal2
14. lu2 zu-me dingir-re-e-ne-ke4
15. e2 |GA2xX|-e ba-x-ar kalam-ma-ka
16. an-ne2 mu-nigin2 nig2-nam-ma a2 mu-un-kin
17. u4 nam-x mu-x x x
18. a-ma-ru kur se3-se3-ge5 mu-ni-du11-ga
19. nig2 hul-gal2-bi kusz7 su3-su3-me-en
20. en-na nu-sze-ga-sze3 su3-su3-me-en
21. ur-sag gal kur-kur-ra-me-en
22. SZESZ-a dub2-dub2-e gu3 ba-an-de2-de2
23. giri3 nu-ni-gub x x-ni-du-un
24. szagan 7(disz)-gin7 x x-e ba-an-dib
25. sag ge6 tesz2 an-sze3 gu2 bi2-in-gar
26. tu{muszen}-bi-a lal3-da za3 mi-ni-dib-be2
27. sim?{muszen} babbar ge6-bi-a za3 mi-ni-dib-be2
28. x x sila si-si-ga x [...]
29. ni2 x-zu iri mu-un-dul
30. men zi mah ni2-zu [...]
31. x x u18-lu lu2-u3 gaba nu-mu-gi4
32. ki nin ki kal-kal nam-{d}en-lil2 sza-ba-ak-e
33. igi sag il2 kalam-ma nam-lugal sza-ba-ak-e
34. a-a-ni-ra ug3 su3-u4-bi-ta mi-ni-ib-e3
35. kur-ra e2? x x x ki di?-bi-sze3 i3-szi-de6 {d}nergal-ke4
36. {d}er3-ra lugal-ni mi2 na-mu-un-e
37. sug2-sug2-ge-esz-am3 an-ra dirig-ga-me-en
38. an lugal-e szid du3-mu-na-ab
39. nam tar-re nam mu-un-di-ni-ib-tar-re {d}nergal-ka-me-en
40. {d}nin-szubur sukkal ki gal kur-ra-ke4 {d}nergal-ka-ke4 silim-bi ba-ni-in-du11
41. en-e hur-sag-ta lu2-sa-gaz ki mu-e3-a-me-en
42. {d}en-lil2-gin7 ki x kur tesz2-a a2-zu nu-e3-de3
43. ur-sag x gu2? du3 {d}en-lil2-la2
44. zar-re-esz {d}en-lil2-ra u4 1(asz)-a du8-du8
45. [...] hul gig {d}nergal i-zi-gin7
46. [...] kur u4 e3 zi-ga-me-en
47. {d}a-nun-na mu-un-sug2-ge-esz
48. [...] ki-in-dar su3-su3-gin7
49. [...] x-a-ni {d}nergal-ka-me-en
50. [...] in-ga-[...] x
51. [...] x [...]
52. [...] x x
53. [...] tu-da
54. [...] zar-re-esz2 du8
55. [...] dumu {d}en-lil2-la2
56. [...] {d}lugal-er9-ra
57. za3-mi2-zu du10-ga-am3

&P478914 = CDLI Literary 000733 (Nisaba A) composite
#atf: lang sux
@object composite text
@surface a
1. nin mul-an-gin7 gun3-a dub za-gin3 szu du8
2. {d}nisaba immal2 gal {d}urasz-e tu-da
3. szeg9-bar naga ku3-ga ga zi gu7-a
4. gi DI 7(disz)-e ka ba-a
5. me gal 5(u)-e szu du7-a
6. nin-gu10 a2-nun-gal2 e2-kur-ra
7. uszumgal ezem-e dalla e3-a
8. da-ru-ru kalam-ma im-ta KA-KA du11
9a. ki im-si u4-da sza3 kusz2-u3
9b. _da?-ti x x sza?-am-sza?-x x_
10. kur i3-he-nun-ta mi2 zi du11-ga
11. gesztu2 gar kur gal-e tu-da
12. munus zi dub-sar mah an-na sag-tun3 {d}en-lil2-la2
13. gal-zu igi-gal2 dingir-re-e-ne
14. ab-sin2-na sze gu mu2-mu2-de3
15. {d}ezina2 nam-en-na u6 di-de3
16. bara2 gal 7(disz)-e mi2 zi di?-dam
17. gu zi-zi-dam sze zi-zi-dam
18a. buru14 ezem gal {d}en-lil2-la2-ke4
18b. _x-im x x-a_
19. nam-nun gal-la-ni su nam-mi-in-su-ub
20. tug2-ba13 ku3 sza3-ge nam-mi-in-mur10
21. nidba nu-gal2-la ga2-ga2-de3
22. ne-sag gal kurun2-na de2-e-de3
23. dingir nam2-nir-ra {d}en-lil2 hun-e-de3
24. {d}ku3-su3 arhusz su3 {d}ezina2 hun-e-de3
25. en gal mu-un-hun-e ezem mu-un-hun-e
26. en gal kalam-ma im-ma-hun-e
27. ki-sikil {d}nisaba szudu3-de3 mu-un-gub
28a. nidba sikil-la si nam-mi-in-sa2
28b. _ni-in-da-ba el-la-am [...]_
29a. e2-|GISZ.TUG2.PI.AN.NISABA|-ke4 gal2 nam-mi-in-tak4
29b. _bi-it [...]_
30. dub za-gin3 du10-ba nam-mi-in-gar
31. dub mul-an ku3-ta sza3 im-ma-da-kusz2-u3
32a. aratta{ki} e2-za-gin3-na szu-ni-sze3 mu-un-gar
32b. _i-na [...] bi-tim i-na qa2-ti-sza i-[...]_
33a. erisz2{ki} he-nun-na mu-un-du3-u3-nam
33b. _e-re-esz i-na t,u3-uh-di-im i-pe-esz15_
34a. szeg12 naga di4-di4-la2 ki gar-ra
34b. _i-na li-bi-it-tim el-le-tim a-na asz-ri ta-sza-ak-ka-an_
35a. gesztu2 nam-galam-ma sa12-e-esz rig7-ga
35b. _uz-[...] x ru bu [...]_
36. abzu men gal eridu{ki} esz3 hal-ha-la
37. nun [...] nun hal-ha-la
38. engar gal nam-nun-na e2 ni2 gur3-ru nagar eridu{ki}-ga
39. lugal szu-luh-luh-ha-ke4 en musz3 en gal-la {d}en-ki-ke4
40a. e2-engur-ra ki-tusz-a-ni
40b. _a-gu-ur i-na wa-sza-bi-szu_
41a. abzu eridu{ki}-ga du3-du3-a-ni
41b. _ap-sa3-am e-ri-du i-na e-pe-szi-i-szu_
42a. hal-an-ku3 sza3 kusz2-u3-da-ni
42b. _i-na ha-al-la-an-ku i-na mi-it-lu-ki-szu_
43a. e2 {gesz}taskarin tun3 bar-ra-ni
43b. _bi-it ti-is-ka-ri-in-ni-im i-na szu-pe-el-ti-i-szu_
44a. abgal siki bar-ra du8-a-ni
44b. _ab-gal-lum sza pe-re-et-su2 a-na wa-ar-ki-i-szu i-na wu-usz-szu-ri-im_
45a. e2 gesztu2-ga-ke4 gal2 tak4-a-ni
45b. _bi-it uz-ni-im i-na pe-te-e-sza_
46a. {gesz}ig gesztu2-ga sila-ba gub-ba-ni
46b. _da-la-at uz-ni-im [...]_
47a. unu2 gal {gesz}erin-a ti-la-ni
47b. _x-li-isz ra-bi-isz [...] x-li i-na_
48. szita {gesz}geszimmar szu du8-a-ni
49. szita-ba tug2-ba13 sag3-sag3-a-ni
50. {d}nisaba um-me gal-gal-la x 7(disz) mu-un-na-du11
51a. {d}nisaba munus zi munus sa6-ga munus kur-ra tu-da
51b. _x x ul-du-u2_
52a. {d}nisaba tur3-ra i3 he2-me-en amasz-a gara2 he2-me-en
52b. _{d}nisaba i-na ta-ar-ba-s,i-im lu-u2 sza-am-nu-um at-ti i-na su-pu-ri-im lu-u2 li-isz-du-um at-ti_
53a. e2 nig2-gur11-ra kiszib3-gal2 he2-me-en
53b. _i-na bi-it ma-ku-ri-im ka-ni-ik-ta-szu at-ti_
54. e2-gal-la agrig zi he2-me-en
55a. guru7-du6 guru7-masz-a guru7 gu2 gur he2-me-en
55b. _ka-re-e ti-li ka-re-e ma-a-szi ka-re-e ki-sza-da-ti-szu-nu [...]-ba-ri_
56a. nun-e {d}nisaba-ra mi2 du11-ga
56b. _ru-bu-u2 {d}x u2-ki-in [...]_
57a. a-a {d}en-ki za3-mi2-zu du10-ga-am3
57b. _a-bu-um [...] x [...]_
@surface b
$ (version x)
1. nin mul-an gun3-a
2. dub za-gin3 szu du8
3. {d}nisaba gal immalx(TUR3) urasz-sze3 tu-da
4. GI naga ku3-ge ga zi gu7-a
5. gi SZID 7(disz)-na ka ba-a
6. me gal 5(u) szu du7-a
7. nin-gu10 a2-nun-gal2 e2-kur-ra
8. a-ru12-ru12 kalam-ma
9. im-da KA-KA du11

&P478915 = CDLI Literary 000734 (Nisaba B) composite
#atf: lang sux
@object composite text
@surface a
1. [...]-ba x-ra ba-gul
2. [...] gul-gul ba-gul
3. [...] {d}nisaba ba-gul
4. e2 {d}nisaba mu-lu2 dub-ba-ka ba-gul
5. e2 {d}asznan-ma ba-gul
6. e2 {d}nun-bar-sze-gu-nu ba-gul
7. x x x e2-ha-mun ba-gul
8. u2-a-nir ba-am3-mu2 szu-mu ba-am3-mu2
9. bad3-bi u2 gid2-da ba-am3-mu2
10. sza3-ba u2 mu gen-na-ke4 szu mu-un-ni10-ni10-e
11. e-ne-eg3 an-na e-ne-eg3 {d}mu-ul-lil2-la2 re
12. sza3 ib2-ba an gu-la-ke4 szu mu-un-ni10-ni10-e
13. sza3-ab hul-gal2-la {d}mu-ul-lil2-la2-ke4 szu mu-un-ni10-ni10-e
14. ma-gu10-a iti6 ma-gu10-a
15. iti6 ag2 giri17-zal ma-gu10-a
16. iti6 ge6 giri17-zal ma-gu10-a
17. ag2 giri17-zal ge6 giri17-zal ma-gu10-a nam-mu-un-e3-de3-en
18. mu-lu-gu10-ra iti6 mu-lu-gu10-ra bad3-de3 mu-na-ab-la2
19. iti6 ag2 giri17-zal mu-lu-gu10-ra
20. iti6 ge6-a giri17-zal mu-lu-gu10-ra
21. ag2 giri17-zal ge6 giri17-zal mu-lu-gu10-ra bad3-de3 mu-na-ab-la2
22. iti6-sze3 ki sikil iti6-sze3 1(asz)-sza mu-un-nu2-en
23. iti6 hur-sag ki sikil-la si-a-sze3 1(asz)-sza mu-un-nu2-en
24. kur {gesz}erin-na {d}mu-ul-lil2 nu2-a-sze3 1(asz)-sza mu-un-nu2-en
25. [...] er2 gig i3-sze8-sze8
26. [...] iti6-sze3 nu2-a er2 gig i3-sze8-sze8
27. [...] i3-zalag-ga-am3 i-e3 me-e ba-ge6-ge-en
28. iti6 ag2 giri17-zal i-zalag-ga-am3 i-e3 me-e ba-ge6-ge-en
29. iti6 ge6 giri17-zal i-zalag-ga-am3 i-e3 me-e ba-ge6-ge-en
30. ag2 giri17-zal ge6 giri17-zal i-zalag-ga-am3 i-e3 me-e ba-ge6-ge-en
31. ki sikil u4 zu ni2 me-lam2-ma-na er2-sze3 ba-sze8-sze8
32. ama {d}ezina2-{d}ku3-su3 ni2 me-lam2-ma-na er2-sze3 ba-sze8-sze8
33. nam-tar mu-szub-ba ni2 me-lam2-ma-na er2-sze3 ba-sze8-sze8
34. szir3-nam-szu-ub {d}nisaba

&P478916 = CDLI Literary 000697 (Ninazu A) composite
#atf: lang sux
@object composite text
@surface a
1. lugal iri ab2-gin7 lu-a unu3 x x za-e-me-en
2. {d}nin-a-zu iri ab2-gin7 lu-a unu3 x x za-e-me-en
3. en {d}nin-a-zu-gu10 iri ab2-gin7 lu-a unu3 x x za-e-me-en
4. {gi}kid za-gin3-na-gin7 x x x ad-kup4 x-bi za-e-me-en
5. udu-gin7 amasz?-e ri-a dur2-ru-na-dur2-ru-na na-gada-bi za-e-me-en
6. hur-sag sukux(SUKUD)-ra2 ul gur3-ru en {d}nin-a-zu-me-en
7. en {d}nin-a-zu ki-in-du ha-ba-dim2-ma {d}nanna he2-e-da-hul2
8. uru17 umusz gal-la {d}nanna tu-da-me-en
9. pa mul-zu {d}asz-im2-babbar-re a2 he2-em-mi-ni-in-rin2-rin2-ne2?
10. {gesz}gu-za an-ne2 ma-ra-an-szum2-ma-zu suhusz-bi nam-mi-in-gen6
11. za3 an ki-sze3 giri3 si he2-da-ab-sa2 u4-gin7 si he2-da-ab-sa2
12. en {d}nin-a-zu-gu10 u4-gin7 si ha-ra-ab-sa2 u4-gin7 si ha-ra-ab-sa2
13. {d}suen-e szibir? nam-en-na-zu szu im-mi-du7
14. {gesz}gidru mah kur-kur-ra pa e3 ug3-e im-mi-lah6
15. {d}lamma-zu e2-kisz-nu-gal2-la a2 gal ha-ra-an-x-a?
16. {d}nin-a-zu uri2{ki}-ma tu-da {d}nanna he2-e-da-hul2
17. en {d}nin-a-zu uri2{ki}-ma tu-da {d}nanna he2-e-da-hul2
18. a-a ugu-zu kur gal {d}en-lil2-le mu-zu pa bi2-in-e3
19. ama ugu-zu nin mah ki-ur3-ra nam-zu mu-ra-ni-tar
20. e2-zu iri-zu kur ki sikil-ta ki-tusz-bi hu-mu-un-ga2-ga2
21. enegir{ki} iri-zu kur ki sikil-ta ki-tusz-bi hu-mu-un-ga2-ga2
22. en {d}nin-a-zu-gu10 ki-tusz-bi hu-mu-un-ga2-ga2 ki-tusz-bi hu-mu-un-ga2-ga2
23. aga ku3-sig17 sag-za ma-ra-ni-in-gen6 szu zi ma-ra-ni-in-du7
24. dumu nir-gal2 a-a ugu-na-ke4 sza3 ki ag2-ga2 bi2-x
25. x-ni? igi sag-ga2 mu-szi-in-bar
26. an-ne2 nam du10 mu-ri-in-tar
27. dumu {d}en-lil2 lugal kur-kur-ra-ka me-lam2-zu he2-e3
28. en {d}nin-a-zu-gu10 me-lam2-zu he2-e3 me-lam2-zu he2-e3
29. nitalam-zu ki-sikil munus sa6-ga nin {d}nin-girid2-da
30. e2-zu iri-zu hu-mu-ra-ab-be2 szita-sze3 sza-ra-da-gub
31. dingir kalam-ma en {d}nin-a-zu-gu10
32. bala-bala-e {d}nin-a-zu-kam

&P478917 = CDLI Literary 000699 (Ningeshzida A) composite
#atf: lang sux
@object composite text
@surface a
1. ur-sag en sza3-tum2 a-gar3 ur-mah kur su3-da
2. {d}nin-gesz-zi-da musz-mah uszumgal-a-da tab-ba
3. am gal szen-szen-na gaba guz-a-ba a-ge6 x [...]
4. ama-ni ki ag2 {d}nin-girid2-da-a sza3 hi-li-a tu-da
5. ubur ku3-ga-na ga zi gu7-a usz11 pirig sub-sub-ba
6. abzu-a bulug3-ga2 iszib mah-am3 esz2-da ku3 szu du8
7. sag5-ga2 dub kal-ga-ba nig2-zi zu2 kesz2-da
8. lugal am ur5 un3 eme si sa2 nig2-erim2-e hul gig
9. uru2 idim hur nu-mu-un-gi4-gi4 szu suh3-a di-de3
10. {d}nin-gesz-zi-da idim hur nu-mu-un-gi4-gi4 szu suh3-a di-de3
11. erim-erim-ma szu-zu ma-ra-szi-gal2
12. sipa sag ge6-ga szid-bi mu-e-zu
13. u8 sila4-bi kin-kin-de3 ma-ra-szi-gen
14. ud5-de3 masz2-bi gidru u4 su3-ra2 tum2-tum2-mu-bi mu-e-zu
15. {d}nin-gesz-zi-da gidru u4 su3-ra2 tum2-tum2-mu-bi mu-e-zu
16. lugal sza3-la2 sug4 sza3-ta e3-a inim szudu3-zu szu-a he2-eb-gi4
17. nam-ti u3-tu za-da sza-mu-un-gal2
18. nun hi-li su3-su3 {d}nin-gesz-zi-da
19. bara2 ki-tusz mah-a tusz-a-ni en dingir szul a2 zi-da
20. x x-zu-ur tug2 mur10 gidru za-gin3 szu u3-mu-e-ti
21. szir3-nam-szub ad mi-ri-ib-du11 ni2-te-na mi-ni-ib-be2
22. [...]
23. [...]-bi ka lul-la bala-bala-am3 sza3 mu-na-te-en-te-en
24. x x szar2-szar2-ra sza-mu-szub{ub}-be2-en izi-gin7 ba-ra-ma5-ma5-an
25. lugal en sza3 su3-ra2 bara2 mah-za nam du10 mu-ri-in-tar
26. dingir nig2-si-sa2-e ki ag2-e inim du10-bi mu-un-e
27. palil gal-zu ukken-na PA-PA-a he2-du7
28. lugal ni2 ri-a ildum2 u4-bi sag-ba du-a
29. an-bar an-ta a-ba de-gen-ne2 a-na an-da-sa2-a
30. ur-sag me3 igi gal2 tak4-a kur un3-na i3-a-e3
31. {d}nin-gesz-zi-da me3 igi gal2 tak4-a kur un3-na i3-a-e3
32. lugal ki gu-la a2 ag2-ga2 tum2 ki DU-bi tum2-mu-de3
33. szul dingir tuku ki a2 ag2-ga2-ni igi-bi ma-ra-szi-gal2
34. lugal ka lal3 dingir-re-e-ne {d}en-ki za3-mi2
35. {d}nin-gesz-zi-da dumu {d}nin-a-zu
36. a-a {d}en-ki za3-mi2
37. bala-bala-e {d}nin-gesz-zi-da-kam

&P478918 = CDLI Literary 000700 (Ningeshzida B) composite
#atf: lang sux
@object composite text
@surface a
1. en me-te ku3-ga ni2 husz gal gur3-ru
2. lugal-gu10 en {d}nin-gesz-zi-da ni2 husz gal gur3-ru
3. ur-sag sur2-du3{muszen} dingir-re-e-ne
4. lugal-gu10 giri17-zal igi gun3 ti mar-uru5 szu du7
5. nemurx(|PIRIG.TUR|) ban3-da sag gesz ra-ra musz-husz szeg11 gi4-gi4
6. |DU.DU|-ma bi-HI uszumgal ambar-ra gurusz3 bur2-ra u18-lu lu2-ra te-a
7. nun sag mah kur-sza3-ga lug-ga edin DIB sag dub2-dub2 x
8. lugal ka-zu masz-masz masz en {d}nin-gesz-zi-da ki ra ki ra-ra
9. {d}nin-gesz-zi-da ka-zu masz-masz masz en {d}nin-gesz-zi-da ki ra ki ra-ra
10. gada la2-a-gu10 a-gin7 gar-ra-zu sza3-zu a-ba mu-un-zu
11. {d}nin-gesz-zi-da a-gin7 gar-ra-zu sza3-zu a-ba mu-un-zu
12. inim ku3-zu mu-un-zu-ra mu-un-zu nu-mu-un-zu-ra nu-mu-un-zu
13. nu-mu-un-zu-ra nu-mu-un-zu-ra me-dim2 mu-un-na-x
14. {d}nin-gesz-zi-da nu-mu-un-zu-ra me-dim2 mu-un-na-x
15. inim mah-zu ki-sze3 du-a-ba musz-husz na-nam KA? x x
16. i7-da a-ge6-am3 na-szub-szub
17. a-sza3-ga mar-uru5-am3 na-zi-zi
18. ma2-gi-lum a-u3 me ku5-ku5-ru im-me
19. x x x sza3 ni2-te-na-ka mu-un-[...]
20. [...] x ki? RA x me-a za3? gar e [...]
21. x x x lu2 ug5-ga-gin7 x [...]
22. [...] x [...] x [...]
23. AN AL? x AN x x
24. en {d}nin-gesz-zi-da za3-mi2-zu du10-ga-am3
25. bala-bala-e {d}nin-gesz-zi-da-ka

&P478919 = CDLI Literary 000701 (Ningeshzida C) composite
#atf: lang sux
@object composite text
@surface a
$ beginning broken
1'. x x x x x ma-ra-x [...]
2'. x x-da a-ge6 i7-da kusz7 su-gin7 su-su
3'. lugal-gu10 SZID-zu-ta im-mi-ni-DU [...]
4'. lugal u3-tu-zu-ta he2-gal2-la sag [...]
5'. {d}nin-gesz-zi-da za3-mi2-zu du10-ga-am3 x x
6'. ki-ru-gu2 1(disz)-kam-ma-am3
7'. en {d}nin-gesz-zi-da x x [...]
8'. x [...] x [...] x [...]
9'. ur-sag x ki ag2 an ku3-ga
10'. AN? en x [...]-da kur szuba4 gal u3-tu-da
11'. en x x x igi gun3-nu hi-li nam-gurusz-a
12'. ur-sag gal me3 sahar-ra-ka a2 zi-da lugal-la
13'. en {d}nin-gesz-zi-da za3-mi2-zu du10-ga szir3-re-esz am3-mi-ni-in-ne
14'. ki-ru-gu2 2(disz)-kam-ma
15'. ur-sag ki?-a kul-lu-de3
16'. {d}nin-gesz-zi-da ki ag2 an ku3-ga
17'. i7-da a-esztub he2-e-da-gal2 {d}en-ki he2-e-da-hul2
18'. a-sza3-ga sze gu-nu he2-e-da-gal2 x x x he2-e-da-hul2
19'. x x an-sze3 sag il2-la en {d}nin-gesz-zi-da
20'. x x he2-e-da-de2 en {d}nin-gesz-zi-da
21'. [...] he2-e-da-su3-u4-de3 umbin he2-e-da-gid2-de3
22'. en {d}nin-gesz-zi-da za3-mi2-zu du10-ga-am3 x x
23'. ki-ru-gu2 3(disz)-kam-ma-am3
24'. x x a zi mu-ri-in-ri
25'. {d}nin-gesz-zi-da-ra {d}en-lil2-le silim-ma mu-na-ab-be2
26'. x x-ga?-ke4 mu-un-zu-zu kalam-ma mu-e-szi-u3-tu
27'. x x x SAR-gin7 u3-tu-da
28'. x x x x hul2?-la-zu mu-un-szi-bar-bar-re
29'. en {d}nin-gesz-zi-da za3-mi2-zu du10-ga szir3-re-esz
# (lines 30 and 31 are written as one line in source)
30'. am3-mi-ni-in-ne
31'. ki-ru-gu2 4(disz)-kam-ma
32'. ur-sag u3-ma sa2-sa2 x nam-nun-na x x
33'. x x x NAM [...] x x x ku3 AN x [...]
34'. x x x x x x GA2 e pa3 lugal-gu10 x [...]
35'. x zi [...] mu-un-szi-[...]
36'. x x x [...] igi-nim [...]
37'. [...] x x x x [...]
38'. en {d}nin-gesz-zi-da za3-mi2-zu du10-ga szir3-re-esz
# (lines 39 and 40 are written as one line in source)
39'. am3-mi-ni-in-ne
40'. ki-ru-gu2 5(disz)-kam-ma
41'. x x x RA-RA DA? ma [...]
42'. x x e2 AN-za-ka nam-ti [...]
43'. {d}nin-gesz-zi-da e2 AN-za-ka [...]
44'. [...] x x ki gal-ta [...]
45'. [...] x bara2 x [...]

&P478920 = CDLI Literary 000702 (Ningeshzida D) composite
#atf: lang sux
@object composite text
@surface a
1. x x il2 nir-gal2 an ku3-ga bara2 mah-a IM il2 x x
2. x x x gal2-la en {d}nin-gesz-zi-da-ke4 en x [...]
3. KA x x {d}a-nun-ke4-ne dingir ki-a [...]
4. {d}nin-gesz-zi-da {d}a-nun-ke4-ne dingir ki-a [...]
5. dumu nun an-ne2 a2 ma-ra-an-szum2 x [...]
6. {d}nin-gesz-zi-da a2 an-ne2 ma-ra-an-szum2 [...]
7. [...] da-nun-ke4-ne [...]
$ rest broken

&P478952 = CDLI Literary 000756 (Edubba C) composite
#atf: lang sux
@object composite text
@surface a
1. dumu e2-dub-ba-a u4 ul-la ga2-nu ki-gu10-sze3
2. nig2 um-mi-a-gu10 mu-un-pa3-da za-e ga-ra-pa3-pa3
3. za-e-gin7-nam nam-lu2-tur i3-ak szesz-gal i3-tuku-am3
4. um-mi-a lu2-ta kin-ga2-am3 a2 ag2-ga2 gesz bi2-in-gar
5. gi al-gu4-u4-da-gin7 i3-gu4-u4-de3-en kin-ga2 bi2-in-se3-ge-en
6. inim um-mi-a-gu10 nu-un-tak4 nig2 ni2-ga2 li-bi2-ak
7. szesz-gal-gu10 a2 gesz gar-ra-ga2 sza3-ga-ni i-ni-in-du10
8. i3-sun5-ne na-mu-da-szi-hul2 silim-ga2 i-ni-in-du11
9. gesz ma-an-hur-ra na-an-dim2 ki-bi-sze3 al-gar-gar
10. na de5-ga-ni-ta lu2 hu-ru-um szu bar dib-ba-e
11. im-ma szu-gu10 si ba-ni-in-sa2 us2 zi mu-un-dab5
12. ka-gu10 inim-ma gal2 ba-ni-in-tak4 ad gi4-gi4 ma-an-pa3
13. gesz-hur lu2 a2 ag2-ga2 si sa2-e igi ma-ni-in-si-si
14. gu2 zi-zi-i ha-la a2 ag2-ga2-kam u4 zal-le nig2-gig-ga
15. lu2 ki a2 ag2-ga2-ni-sze3 u4 zal-la a2 ag2-ga2-ni ab-tak4
16. nig2-zu-a-ni pa nu-um-e3 ka-ka-ni ba-an-la2
17. tukum-bi nig2-zu-a-ni pa ba-an-e3 igi mu-un-suh-suh-u3-ne
18. u4 na-ab-zal-e-en ge6 na-ab-sed4-e-en a2-bi-sze3 gen-na
19. szesz-gal szesz-ban3-da hi-li-a-bi na-an-na-ni-ib-gi4-gi4
20. sag-ki gal-gal-la um-ma-te inim-zu ba-dugud-de3-en
21. 2(disz)-kam-ma-sze3 igi kesz2-da-zu-sze3 nu-ra-ni-ib-gi4-gi4
22. ki za-za tesz2 lu2-u18-lu-ka mah-bi gu2 he2-ri-du3
23. u2 tesz2-a-ka sza3 ab-sed4-de3 nam-tag-ga al-du8-e
24. lu2 szu sug4-ga-ka kadra-ni ur5-sze3 nir mu-un-gal2
25. lu2 nig2 nu-tuku masz2 gur-ra-na gaba-na i-im-tab
26. lu2-garza2-ra ki he2-en-ne-za he2-kesz2 ba-sed4-de3
27. nig2 um-mi-a-gu10 mu-un-pa3-de3 e-ra-szid nu-mu-ra-ab-tak4
28. gizzal he2-bi2-ak sza3-sze3 gid2-i-de3 sa6-ge-zu mu-da-an-gal2
29. dub-sar umun2 ak sun5-na-bi ugula-a-ni mu-un-na-ni-ib-gi4-gi4
30. u4 mu7-mu7-gin7 ab-szid-en-na-a ba-an-gi4-bi a-ra-ab-ha-za-an
31. mu gu4-gin7 i-lu du10-ga-zu-sze3 gesz i3-la2-a-bi
32. lu2 nu-zu nam-mu-ni-ib-ku4-ku4 1(disz)-am3 ga-ra-ni-ib-gi4
33. ur-gi7 tur-gin7 igi mu-e-bad-bad nam-lu2-ulu3 mu-e-ak
34. a-na-asz-am3 lu2 ga2-la dag-ga-gin7 gesz ma-ab-hur-hur-re-en
35. lu2 inim-zu gesz ba-ni-in-tuku-a szu am3-ma-kar2-kar2
36. nam-dub-sar-ra a-na mu-e-pa3-da-zu szu-za ba-ni-in-szum2
37. e2-za he2-bi2-gub-be2-en u4 na-me nig2 ga2-la dag-ga-gu10-usz sa2 ba-ra-am3-mu-ri-ib-du11
38. geme2 arad2 giri3-se3-ga e2-za kin-gi4-a he2-bi2-ne-gi4
39. szukur2-bi tug2-bi u3 i3-ba-bi sza3-bi ha-ma-du10-ga
40. a-ra2-bi-sze3 kin-gi4-a he2-bi2-in-ne-gi4 e2 lugal-ka arad2 ba-ra-bi2-in-us2
41. gaba u4-ga2 he2-bi2-ak udu-gin7 he2-eb-us2-u3-nam
42. siskur2 sa gi4-gi4-da he2-mu-e-du11 u4-bi sa2 he2-ri-ib-du11
43. udu-bi u2-gu7-bi ha-ma-sa6-sa6 dingir-zu he2-hul2
44. u4 ma2 dingir-za us2-sa-bi giri17 szu ha-ra-ab-tag-ge-ne
45. gaba a-sza3-ga-sze3 a2 he2-mu-e-da-a-a-ag2 erin2-e kin he2-bi2-ak
46. kin a-da-min3-na ge6 an-bar7-ba u3 ba-ra-bi2-ku-am3
47. us2-a-DU dumu engar-ra-ke4-e-ne sag hu-mu-un-kal-le-ne
48. a-sza3-za szu nam-sa6-ga he2-bi2-gi4 ug3-e u6 di he2-ri-ib-du11
49. gu4-de3 a-na-am3 gub-zu dirig he2-em-tum3 gu2-un-bi ha-ra-ab-silim-ma-am3
50. tur-ra-gu10-ta he2-em-ma-dim4-e-en a-ra2-gu10 igi he2-bi2-du8
51. ku3 sa6-ga-gin7 kurum7 he2-bi2-ak ki-szer11 la-ba-an-tuku
52. gal-bi nu-di nig2-gig-zu-gin7 e-ra-da-tusz-u3-nam
53. ni2 tur-tur-re e-ra-da-sah6-sah6-na pa ga-ra-ab-e3 zu-a
54. u4-bi-ta lu2-tur he2-me-en-na i3-ne-esz2 sag-zu il2
55. szu-zu lu2-ra mu-da-an-gi4-gi4-in a-ra2-bi-sze3 DU-mu-un
56. szudu3 he2-mu-e-sza4 nam mu-tar-ra
57. na de5-ga ga i3 gu7-a-gin7 su-ga2 i-ni-in-ku4-ra
58. gub-bu ga2-la nu-dag-ge pa3-da-zu
59. ki sa6-ga-bi sa2 he2-ri-ib-du11 nig2-hul-bi li-bi2-in-ak
60. um-mi-a lu2 inim zu-u3-ne sag hu-mu-un-kal-le-ne
60a. e2-bi-a ki sag-kal-la-ba DI-DI hu-mu-un-e-ne
60b. mu-zu du10-ge-esz pa3-de3-da-bi sag-ki-bi ma-gal2
60c. um-mi-a sza3 hul2-la-ni-ta szudu3 mu-na-an-sza4
61. lu2-tur inim-gu10-sze3 ba-tusz-u3-nam sza3-gu10 bi2-du10-ga-am3
62. {d}nisaba dugud-da um-mi-a szu-za i-ni-in-gar-ra
63. nam i-ri-tar-ra mu-na-ra-kur2-ru szu zi ha-ra-an-ga2-ga2
64. sza3 hul2-la nam-sze3 he2-bi2-tar sza3 sag3 he2-da-zi
65. e2-dub-ba-a ki-umum-ma a-na gal2-la [...]
66. nam-mah {d}nisaba nig2-me-gar pa3-pa3 di-da-bi?
67. gu4-us2 szir3 du10-du10-ga-zu-sze3 gesz la2-bi mah
68. szir3 du10-ga-zu-sze3 gesz ga-mu-ni-in-la2 MUNUS-zu-gin7 ga-mu-ni-tag-tag
69. nig2 gesztu2-ga nu-u18-lu-me-en hu-mu-un-pa3-pa3-de3-ne
70. di4-di4-la2 inim-inim-ma he2-du7 kasz hu-mu-un-ku7-ku7-de3-ne
71. gaszam ki ku10-ku10-ga u4 ga2-ga2
72. sila sag gi4-a sila-a ba-an-ga2-ga2
73. us2 tesz2-ba ri-a si sa2-e in ki-bi sur-sur
74. nin me-ni-da me nu-sa2-a {d}nisaba za3-mi2

&P478953 = CDLI Literary 000788 (Man and his God) composite
#atf: lang sux
@object composite text
@surface a
1. lu2-ulu3 nam-mah dingir-ra-na zi-de3-esz-sze3 he2-em-me
2. gurusz-e inim dingir-ra-na ku3-ge-esz he2-em-i-i
3. kalam zi?-de-a ug3 dur2-ru-na-bi gu-gin7 ha-ba-si-il-e
4. {gesz}balag di uszur gu5-li-ni ur5 hu-mu-un-na-bur2-e
5. sza3 x he2-eb-hun-e
6. x he2-ni-in-e3 [...]-bi he2-ni-ib-be2
7. x x x he2-ag2-e
8. ka i-si-isz gal2-la-ni sza3 dingir-ra-na he2-em-hun-e
9. lu2-ulu3 dingir-da nu-me-a u2-gu7 la-ba-ak-e
10. gurusz-e a2-ni ki-lul-la hul la-ba-e-ga2-ga2
11. a-nir a2-sag3 du-lum gig-ga u4 im-ma-ni-in-zal
12. x x RA nam-tar-e? su-gu7-e x-ge mu-un-ni-ib-te
13. x x gig-ga umusz?-bi mu-suh3 x x x-na mu-un-dul
14. a-ga-e szu hul mu-ni-ib-du11 x x-sze3
15. szul-e igi dingir-ra-na
16. gurusz-e a2 hul gar-ra-na er2 gig i3-sze8-sze8
17. ni2 mu-un-tuku szu-kin si bi2-in-sa2
18. [...] du-lum-ma-ni KA? A? mi-ni-ib-be2
19. [...] sza3 kusz2 si-a-na
20. x x-ni er2 mu-ni-in-gar
21. [...] kar-ra [...]
22. [...] er2 gig-ga? mu-un-ga2-ga2
23. [...] mu-na-da-si
24. [...] mu-na-an-DU mu-na-ab-be2
25. [...] a-nir mu-ne-du3
26. [...] ur5 usz2-a [...] x |DU.DU|
27. [...] mi-ni-in-gar?
28. gurusz-me-en zu-me-en nig2-zu-gu10 si nu-mu-da-sa2-e
29. zi du11-ga-gu10 lul-sze3 i3-ku4
30. lu2-lul-la-ke4 u18-lu mu-un-dul szu-kin mu-un-na-dab5
31. a2 nu-zu-gu10 ma-ra-pe-la2-en
32. du-lum-ma ki gibil-gibil-la-bi sa12-e-esz mu-e-rig7
33. e2-a u3-mu-un-ku4-re-en ur5 mu-usz2
34. gurusz-me-en sila-sze3 um-e3-en sza3 mu-un-sag3
35. szul-me-en sipa zi-gu10 mu-da-ib2 igi erim2 mu-un-du8
36. na-gada-gu10 lu2-erim2 nu-me-en-na a2 hul ma-kin-kin
37. du10-sa-gu10 inim gen6-na na-ma-ab-be2
38. gu5-li-gu10 inim zi du11-ga-gu10-usz lul ma-szi-ga2-ga2
39. lu2-lul-la-ke4 inim tesz2 mu-un-du11
40. dingir-gu10 nu-mu-na-ni-ib-gi4-gi4-in
41. umusz-gu10 ba-an-ta-DU-un
42. hul-gal2-e inim tesz2 mu-du
43. mu-un-ib2-en u4-gin7 mu-un-du3 sza3 hul mu-un-dim2
44. gal-an-zu-me-en szul nu-zu-ra a-na-asz mu-un-na-la2-en
45. zu-me-en murub4 lu2 nu-zu-ka a-na-asz mu-un-na-la2-en
46. ninda i3-gal2-gal2 su-gu7 ninda-gu10-um
47. u4 ug3 szar2-re ha-la ba-ba du-lum ha-la ba-gu10-um
48. szesz x x in mu-un-dub2 sza3 hul mu-un-dim2
49. [...] x-ga-gu10 [...] x
50. [...] x HU? szu mu-un-zi?-zi?
51. [...] an-da-tum2-mu
52. [...] erim2? igi-gal2 nu?-tuku?-e im mu-sar-sar-re
53. har-ra-an-na DI sumur?-bi x-kin-kin
54. kaskal-la DI? x-la-bi gesz-gin7 mu-un-ku5-e
55. ugula-a a-ga [...] x x [...]
56. nu-banda3-gu10 [...] x [...] GA2? [...]
57. dingir-gu10 x [...] igi-zu-sze3 [...]
58. ga-mu-ra-ab-du11 er2-gu10 dirig? inim-gu10 sza3-ne-sza4
59. ga-ra-ni-ib-du11 a-ra2-ga2 nig2-hul?-bi? gu-gin7 ga-mu-ra-si-il
60. nig2 ak-en suh3-a-bi x x [...]
61. gesz-hur-ga2 gal-an-zu hu-mu-un-x nig2 er2 nu-gul-lu-dam
62. gu5-li-gu10-ur2 mu-na-an-la2-en
63. du10-sa-gu10-ur2 a-ga-sze3 mu-un-szi-gi4-in
64. a2-sze ama ugu-gu10 er2-gu10 igi-zu-sze3 na-an-gul-e
65. nin9-gu10 balag di ad du10 na-nam?
66. nig2 ak szu hul du11-ga-gu10 er2-ra ha-ra-ni-ib-be2
67. dam-gu10 du-lum-gu10 girid2 x ha-ra-ni-ib-pa3-pa3-de3
68. nar szir3 zu-e nam-tar gig-ga-gu10 gu-gin7 ha-ra-si-il-e
69. dingir-gu10 kalam-e u4 ba-zalag ga2-ar u4 ma-ku10-ku10
70. u4 zalag-ga u4 hi-da-gin7 x DU x
71. er2 a-nir sza3 sag3 ur5 usz2-a sza3-ga mu-un-ga2-ga2
72. du-lum-e dumu er2 pa3-da-gin7 szu mu-un-dul-dul-e
73. nam-tar-ra szu-ba igi mi-ni-in-kur2 zi-gu10 mi-ni-tum3-tum3
74. su-ga2 a2-sag3 nig2 hul gal2-e a im-ma-ni-ib-tu5
75. a-ra2-ga2 nig2-gig-ga-bi szu hul du11-ga-bi
76. ma-mu2-da sa6-ga igi li-bi2-du8-ru-un
77. u4 szu2-usz-e masz2-ge6 nu-gar-ra ga2-la nu-mu-ta-dag-ge
78. sza3 sag3-e dam-bi nu-me-en-na gu2-da in-da-la2 a im-mi-x
79. zarah-e dumu tur-bi nu-me-en-na ur2 mu-ub-tal2-tal2
80. a-nir ulu3 ak-gin7 mu-un-se3 szu nu-mu?-[...]
81. szesz-gu10 u8-e-a im-ma-ab-du11
82. [...] x [...]
83. [...] x x ma? DU [...] x x x x AN [...]
84. [...] x x HA? x x I?
85. [...] x x x ba?-sag3-ge-en
86. [...] x x x x sag? mu-il2
87. [...] zi? mu-ni-in-tum3-tum3?
88. [...] x mu-ni-x [...]
89. [...] x NIG2? x x x x-en
90. [...] x x-pa3-de3?
91. [...] x im-mi-ib-DU
92. [...]
93. [...]
94. [...]
95. [...]
96. [...]
97. [...]
98. [...] mu?-sze8-sze8 [...]
99. dingir-gu10 za-e a-a ugu-gu10-me-en igi-gu10 he2-szi-[...]-il2
100. ab2 zi dingir? arhusz-a sza3-ne-sza4 a2 nun he2-[...]
101. en-na-me-sze3 en3-gu10 nu-tar-re-en ki-gu10 nu-kin-kin-en
102. gu4-gin7 ga?-szi-ib-zi nu-mu-ra-ab-zi-ge-en6
103. us2 zi nu-mu-ub-dab5-be2-en
104. mi-ni-ib-be2-ne szul gal-an-zu-ne inim zi si sa2
105. u4 na-me dumu nam-tag nu-tuku ama-a-ni nu-tu-u4
106. kusz2 la-ba-sa2 erin2 nam-tag nu-tuku ul-ta nu-gal2-la-am3
107. dingir-gu10 ha-lam-ma nig2 sag-bi-sze3 mu-da-ab-su3-da-gu10
108. nig2 bur2-ra x-bi igi-zu-sze3 ge26-e bi2-ak-a-gu10
109. gurusz na-an-sze6-ge26 ku3-zu-a inim hi-li-a he2-ni-be7
110. u4 nu-sikil a2-ga2 nu2-a-ga2 igi-zu-sze3 ha-ba-ab-dib-be2-en
111. nu-ku3-ug nu-dadag-gu10-ne iri silim-ba ha-ba-tag-ge-en
112. u4 ib2-ba sza3 hul du3-a zu inim hi-li-a he2-ni-be7
113. u4 su-mu-ug x tab2-tab2-ba zu e-ne hul2-la hu-mu-du11
114. dingir-gu10 x x nam-tag-gu10 igi-gu10 u3-mi-zu
115. ka2 iri?-ka ha-lam-ma-bi dili bad-bi ga-am3-du11
116. gurusz-me-en ka tar nam-tag-gu10 igi-zu-sze3 ga-si-il
117. ukken-e u2-KU muru9-gin7 hu-mu-ub-szeg3-szeg3-e
118. e2-zu ama sza3-ne-sza4-gu10 er2-gu10 he2-sze8-x [...]
119. szul-me-en arhusz sza3-ne-sza4-a-gu10 sza3? ku3-zu he2-em-mi-tuku
120. gurusz-me-en sza3 i-zi ni2 ri-a-zu ki-bi ha-ma-gi4-gi4
121. lu2-ulu3 er2 gig-ga szesz2-a-ni dingir-ra-ni gesz ba-an-tuku-am3
122. gurusz-ra a-nir gal2 i-si-isz la2-la2-a-ni sza3 dingir-ra-na u3-mu-un-na-hun
123. inim zi inim ku3-ga du11-ga-ni dingir-ra-ni szu ba-szi-in-ti
124. gurusz-e inim a-ra-zu-a mi-ni-in-zu-a-ni
125. szudu3 ku3-ug su dingir-ra-na-ka i3 li i3-ak
126. dingir-ra-ni inim hul-gal2-ta szu-ni ba-ra-an-gid2
127. sza3 sag3-ge dam-bi nu-me-en-na gu2 in-da-la2-e a szegx(|IM.A|) im-ma-ab-x
128. zarah-e a2 mu-ni-tal2-tal2-la lil2-sze3 im-mi-in-sag3
129. a-nir URU{ki} ak-gin7 mu-un-se3-ga sug-ge4 im-mi-in-gu7
130. nam-tar-ra su-a-na mu-un-gal2-la bu3 mu-na-an-ak
131. gurusz-a du-lum-ma-ni hul2-la mu-ni-in-ku4
132. {d}udug saga ka?-e en-nu-ug3 ak maszkim mu-un-da-an-tab
133. {d}lamma-{d}lamma igi sa6 mu-na-an-szum2
134. gurusz-e nam-mah dingir-ra-na zi-de3-esz-sze3 im-me
135. [...] x mi-ni-ib-e3-esz? [...] e? bi2-zu-zu [...]
136. [...]-te-en-te-en
137. za-da nir ha-ba-an-gal2 [...]-ba zi-bi ga-i-i?
138. x x za-ra {d}utu e3-gin7 igi-gu10 he2-mu-e-szi-ni-gal2
139. {d}nin-mah UN geszkim ti-la-gin7 a2 nun he2-me-te-gal2
140. dingir-gu10 igi zi nam-ti-la-zu su3-u4-sze3 he2-me-du8
141. x x nam-kal? ku3-ku3-ga-zu du10-ge?-esz2 ga-an-pa3-pa3
142. sza3 x x a zi-zu ki?-bi ha-ma-gi4-gi4
143. nam-tag-gu10 he2-mu-e-du8
144. sza3-zu? ha-ma-hun?-e
145. gesz-gi4-gal2
146. er2-sza3-ne-sza4
147. dingir lu2-ulu3-kam

&P478954 = CDLI Literary 000789 (Poem of Early Rulers) composite
#atf: lang sux
@object composite text
@surface a
1. [...]
2. [...]
3. [...]
4. [...]
5. [...]
6. [...] x li-bi-in-du3-a
7. [...] x-am3 lu2-be2-ne szu bala ak-a
8. [...] lugal-e mu 1(szar'u)-am3 in-ak
9. [...] lugal-e lu2 an-sze3 bi2-in-e3-de3
10. [...] zi-u4-su3-ra2-gin7 nam-ti i3-kin-kin
11. [...] ba-an-za-za dab5?-ba?-ta
12. [...] kalam?-ma? nu?-dar-ra-ke4
13. [...] lugal-e-ne dub-sag u4 ul-le2-a-ke4-ne
14. [...]-un-pesz4-pesz4-a nu-un-tu-u4-da
15. [...]-gin7 szu-gu10 sa2 bi2-in-du11-ga
16. [...] na-me nu-mu-un-zu-a
17. [...]-a-bi [...] x igi nigin2-na-kam
18. [...] nu-zalag-ga [...] ugu nam-usz2-a-kam a-ba-am3 bi2-in-dirig-ga
19. [...] il2-la u4 sza3 hul2-la x nig2-me-gar mu 1(szar'u)-am3 in-ak
20. [...] dingir-re-e-ne bi2-in-szum2-ma-am3 [...]-ra?-ra nam-ti i3-kin-kin
21. [...] ha-la lu2-u18-lu-kam [...] ti-a e2 gurusz-ke4

&P473753 = CDLI Literary 000760 (Debate between Hoe and Plough ) composite
#atf: lang sux
@object composite text
@surface a
1. e {gesz}al-e {gesz}al-e {gesz}al-e sa la2-e
2. {gesz}al-e {gesz}asal2-e zu2 {gesz}ma-nu-e
3. {gesz}al-e {gesz}szinig-e zu2 gesz-ab-ba-ke4
4. {gesz}al-e zu2 2(disz)-e zu2 4(disz)-e
5. {gesz}al-e dumu ukur3-ra sza3 {tug2}nig2-dara2 kar-re
6. {gesz}al-e {gesz}apin-na du14 ga-na nam-mi-gar
7. {gesz}al-e {gesz}apin-na a-da-min3 du11-ga
8. {gesz}al-e {gesz}apin-na gu3 am3-ma-de2-e
9. {gesz}apin i3-gid2-de3-en gid2-da-zu nam-gu10
10. i3-lagab-be2-en lagab-ba-zu nam-gu10
11. a u3-ba-ni-ib-e3 nu-mu-e-da-an-usz2-en
12. sahar {gesz}dusu-e nu-mu-e-da-an-si-si
13. im nu-bara2-e-en szeg12 nu-du3-e-en
14. usz ki nu-ga2-ga2-an e2 nu-du3-du3-en
15. e2-gar8 sumun-na ur2-bi nu-us2-en
16. ur3 lu2 zi-da-ke4 e2 nu-um-ga2-ga2-an
17. {gesz}apin sila dagal-la si nu-um-sa2-sa2-en
18. {gesz}apin i3-gid2-de3-en gid2-da-zu nam-gu10
19. i3-lagab-be2-en lagab-ba-zu nam-gu10
20. {gesz}apin-e {gesz}al-e gu3 am3-ma-de2-e
21. ge26-e {gesz}apin-e a2 gal-e dim2-ma szu gal-e kesz2-da
22. sag-tun3 mah a-a {d}en-lil2-la2-me-en
23. engar zi nam-lu2-ulu3-me-en
24. ezem-gu10 iti szu-numun-a a-sza3-ga ak-da-bi
25. lugal-e gu4 im-ma-ab-gaz-e udu im-ma-ab-szar2-re
26. kasz bur-ra-am3 mu-e-de2
27. lugal-e a ur4-a mu-e-de6
28. {kusz}ub3 {kusz}a2-la2-e szeg11 szi-im-ma-gi4-gi4
28a. [...] x-na-DI-e-en
29. lugal-e a2-gu10 szu bi2-in-du8
30. gu4-gu10 {gesz}szudul-e si ba-ni-in-sa2
31. bara2-bara2 gal-gal za3-gu10-ta im-da-sug2-sug2-ge-esz
32. kur-kur-re u6 du10-ge-esz mu-e
33. ug3-e igi hul2-la mu-un-szi-bar-bar-re
34. ab-sin2 gub-ba-gu10 edin me-te-asz bi2-ib-gal2
35. iszin-na a-sza3-ga gal2-la-gu10-usz
36. masz2-ansze lu-a {d}szakkan2-na im-szi-gam-e-de3-esz
37. sze sze6-ga2 kin-ga2 gub-ba-gu10-usz
37a. {uruda}bulug-gur10 nig2 kal-ga a-da-min3 mu-e
37b. x x gur10 sze ba-ur4-a-ta
38. {dug}szakir3 {lu2}sipa-da du10 gar-ra-am3
39. zar-masz-gu10 a-gar3-ra sal-la-a-bi
40. udu {d}dumu-zi-da du10 gar-ra-am3
41. du6-gu10 edin-na du8-du8-a-bi
42. hur-sag sig7-ga hi-li gur3-ru-am3
43. guru7-du6 guru7-masz-a {d}en-lil2-ra gu2 mu-un-na-ab-gur-re
44. ziz2 gig-bi gu2 mu-un-na-ra-dub-dub-be2
45. arah4 nam-lu2-ulu3-ka sze mi-ni-ib2-si-si-en
46. nu-siki nu-mu-un-su {lu2}ki-gul-la
47. gi-gur{ur3}-ra szu um-ma-ab-ti-esz
48. an pad-pad-ra2-gu10 im-de5-de5-ge-ne
49. in-nu a-sza3-ga dub-dub-ba-gu10
50. nam-lu2-ulu3 im-da-gid2-gid2-de3-en
51. masz2-ansze {d}szakkan2-na lu-a-bi a2 mu-da-an-e3
52. {gesz}al hul-bi buru3-da zu2 hul-bi bur12-ra
53. {gesz}al im-ma kin-ga2 la2-a
54. {gesz}al a-sza3-ga sag-bi im gar-ra
55. {gesz}al u3 {gesz}u3-szub-ba im-ma u4 zal-la lu2-ulu3 nu-luh-ha
56. pu2 ba-al sur3 ba-al lu2 en3-{d}ur-ra ba-al
57. gesz szu ukur3-ra-ba szu nam-bara2-ga-ka nu-tum2-ma
58. szu arad lu2-ka sag me-te-asz bi2-ib-gal2
59. za-e ga2-ra in gig mu-e-dub2
60. ni2-zu ga2-da mu-da-ab-sa2-e-en
61. edin-sze3 e3-gu10-da igi hu-mu-un-du8-a
61a. {gesz}al-e {gesz}apin-na gur4?-ra-ni-sze3 nu-mu-un-x
62. {gesz}apin sur3 ba-al-ba-al in-sze3 mu-e-dub2
63. {gesz}al-e {gesz}apin-na gu3 am3-ma-de2-e
64. {gesz}apin tur-ra-gu10 nam-gu10 bulug3-ga2-gu10 nam-gu10 pesz10-gal2-la-gu10 nam-gu10
65. ki {d}en-lil2-la2-ka dub-sag-zu ge26-e-me-en
66. e2 {d}en-lil2-la2-ka igi-sze3 ma-ra-ab-gub-be2-en
67. e i3-ak-en pa5 i3-ak-en
68. a-gar3-a-gar3-re a um-ma-si-si-in
69. gesz-gi-gesz-gi-a a u3-mu-ni-in-de2-de2
70. {gesz}dusu tur-gu10 mu-da-ab-ri
71. i7 u3-mu-e-ku5 pa5 u3-mu-e-ku5
72. i7 mah zi-ga-sze3 a um-ma-ni-ri
73. ambar-ra da um-da-ak-e
74. ge26-e {gesz}al nigin2-bi im-da-gub-be2-en
75. {tu15}u18-lu {tu15}mir-ra nu-mu-un-si-il-si-il-le
76. muszen-du3-e nunuz ib2-de5-de5-ge
77. {lu2}szu-ku6-de3 ku6 mi-ni-ib-dab5-dab5-be2
78. ug3-e {gesz}har-muszen-na szu im-ma-an-ti
79. e-ne-esz2 he2-gal2-gu10 kur-kur-ra szu-bi he2-ni-ib-su3-su3
80. a-gar3-ta a um-ta-hasz-a-ta
81. ki duru5 kin-ga2 ba-gal2-la-ta
82. {gesz}apin igi-zu-sze3 a-sza3-ga ge26-e ma-an-e11-de3
83. a-sza3 gal2 da13-da13 ge26-e ma-ra-ra-an-du8-e
84. a2-ur2 e-ga ge26-e ma-ra-ra-an-ze2-en
85. u2-kul a-sza3-ga ge26-e ma-ra-ra-an-ga2-ga2-e-en
86. {gesz}mud {gesz}i-ri9-na-bi a-sza3-ga ge26-e ma-ra-de5-de5-ge-en
87. a-sza3 kin a-ak us2-sa gar-ra-am3
88. gu4-zu 6(disz)-am3 lu2-zu 4(disz)-am3 u3 za-e sza3 1(u) 1(disz)-kam-ma-bi-me-en
89. a2 sa gi4-a GAN2-ta mi-ni-ib-kar-kar-re
90. ni2-zu ga2-a-da mu-da-ab-sa2-e
91. bar-gu10-ta a-sza3-ga e3-de3-da-zu-ne
92. ab-sin2-zu dili-am3 igi x x-da-ab-sa6-ge
93. sag-zu kin-ga2 u3-mu-e-ni-ri-en
94. {gesz}i-ri8-na {gesz}kiszi16 u3-mu-e-ni-la2
95. {gesz}zu2-zu mu-e-ku5 {gesz}zu2-zu u3-mu-e-du3
96. {gesz}zu2-zu szu-zu-sze3 nu-im-mi-la2
97. engar-zu {gesz}apin-bi til-la mu-sze3 mi-ri-ib2-sa4-sa4
98. 2(disz)-kam-ma-sze3 nagar ma-ra-hun-e lu2 ma-ra-ab-x
99. e2 nam-gaszam-ke4 ma-ra-ab-ni10-ni10-e
100. tug2-du8 bar SZUL ma-ra-ra-an-ze2-en
101. nig2-bar-sur-ra ma-ra-ra-an-e11-ne
102. {kusz}bar-e11-da-bar-e11-da szu-mu-ra-an-kusz2-u3-ne
103. kusz nu-du10 sag-du-zu bi2-ib-gar
104. il2-la-zu tur-ra-am3 a-ra2-zu mah-am3
105. u4 za3-gu10 iti 1(u) 2(disz)-am3
106. u4 gub-ba-zu iti 4(disz)-am3
107. u4 sah6-zu iti 8(disz)-am3
108. gub-ba-zu-gin7 2(disz)-am3 ba-du-un
109. {gesz}ma2-la2-za e2 i3-du3-du3-e-en
110. u3-mu-e-ni-ri-en szu-zu {gesz}dal-a u3-mu-e-ni-bur12
111. igi-zu dug gesztin-na-gin7 a im-ta-suh-en
112. {gesz}dal-ta kur-ra um-ta-ak-en
113. i-bi2-gu10 e2-a mu-ni-in-sig7-sig7-en
114. {gesz}ninda2-zu me-am3 gurud-da-bi
115. lu2 gurud-da-zu gu2-guru5 ba-ab-du11
116. {gesz}szu-kar2 sug-za3-ge4 gu7-a
117. ge26-e {gesz}al-me-en iri{ki}-a ga-an-ti
118. lu2 nam-me dugud-da-me-en
119. arad lugal-a-ni-ir us2-sa-me-en
120. e2 lugal-a-ni-ir du3-du3-a-me-en
121. e2 tur3 gid2-da-me-en amasz dagal-la-me-en
122. im i3-bara2-en szeg12 i3-du3-du3-en
123. usz ki i3-ga2-ga2-an e2 i3-du3-du3-en
124. e2-gar8 sumun-na ur2-bi i3-us2-en
125. ur3 lu2 zi-da-ka e2 im-ma-ga2-ga2-an
126. {gesz}al-me-en sila dagal-la si im-ma-sa2-sa2-e-en
127. iri{ki} u3-mu-nigin2 bad3 gen6 um-mi-du3
128. e2 dingir gal-gal-e-ne-ka pa e3 u3-ba-ni-ak
129. im su4 im sig7 im dal-ha-mun-na mi2 um-ma-ni-in-du11
130. iri{ki} e2-gal-la-ka i3-du3-e-en
131. ugula nu-banda3-e-ne dur2 i-im-ga2-ga2-ne
132. im gig-bi du3-a im BU-bi dugud-da
133. e2 du3-du3-a-ga2 a2 sed4-bi-sze3 ni2 he2-em-szi-ib-te-en-te-en
134. gu2 izi-ka {gesz}al um-ma-zal-la za3 gu2 um-ma-ab-la2
135. e-ne sug4-ga-ni nu-mu-e-szi-du-un
136. mu-ni-ib-gu7-u3-ne mu-ni-ib-na8-na8-ne
137. addir-ra-ni mu-na-ab-szum2-mu-ne
138. gurusz-ra dam dumu-ni a2 mu-un-da-an-e3
139. ma2-lah5-ra gir4 mu-na-du3-e esir2 mu-na-bil-bil
140. {gesz}ma2-gur8 {gesz}ma2-gi4-lum u3-mu-na-du3
141. ma2-lah5-ra dam dumu-ni a2 mu-un-da-an-e3
142. lugal-ra {gesz}kiri6 mu-un-na-ab-gub-be2-en
143. {gesz}kiri6 u3-mu-un-nigin2 im-du3-a za3-bi u3-bi2-in-dab5 gu3 tesz2-a u3-bi2-in-se3-ge5
144. ug3-e {gesz}al-e szu im-ma-an-ti-esz
145. pu2-ba u3-mu-ba-al mu-gu2 um-mi-du3
146. {gesz}zi-ri2-gum u3-bi2-in-du3 mu2-sar-re si im-sa2-sa2-e-en
147. ge26-e-me-en mu2-sar-ra a bi2-ib2-se3-se3-ge-en
148. {gesz}haszhur u3-mu-bulug3-ge26 nig2-sa-ha am3-e3
149. nig2-sa-ha-bi e2 dingir gal-gal-e-ne-ka me-te-asz im-mi-ib-gal2
150. nu-{gesz}kiri6-ke4 dam dumu-ni a2 mu-un-da-an-e3
151. i7-da gesz-kesz2-da um-mi-ak giri3 si um-mi-sa2
152. ki-ba an-za-gar3 gu2-ba um-mi-du3
153. lu2 a-sza3-ga u4 ba-an-da-zal-la
154. gurusz a-sza3-ga ge6 ba-an-da-sa2-a
155. an-za-gar3-ba um-mi-e11-de3
156. lu2-bi iri{ki} du3-a-ni zi-ni ba-szi-in-tum3
157. {kusz}ummu u3-mu-dim2 a mu-na-de2-e
158. zi-ni sza3-ba mu-na-ga2-ga2-an
159. {gesz}apin sur3 ba-al-ba-al in-sze3 mu-e-dub2
160. edin bar-rim4 ki a nu-gal2-la
161. a du10-ga-bi u3-mu-ba-al
162. lu2 enmen tuku gu2 pu2-ga2-sze3 zi-ni ba-szi-in-tum3
163. i3-ne-esz2 lu2-u3-ra a-na na-an-du11
164. lu2 lu2-u3-ra dili a-na na-an-tah
165. sipa-de3 u8 sila4-a-ni edin me-te-asz bi2-ib-gal2
166. u4 an-ne2 sag2 ba-ab-du11-ga-ta
167. ki-en-gi a gig ba-ab-du11-ga-ta
168. e2 du3 i7-da szu mu-ni-in-la2-a-ba
169. {d}en-lil2-le ma-da sag-ki ba-da-gid2-da-a-ba
170. buru14 {d}en-lil2-le mu-un-su-a-ta
171. mah {d}en-lil2-le mu-un-ak-a-ta
172. {d}en-lil2-le szu nu-me-en-dag
173. {gesz}al zu2 dili bar-rim4-sze3 ba-an-szum2
174. me-en-de3 en-te-en buru14-gin7 mu-e-la2
175. szu e2-me-esz en-te-na-ke4 mu-na-kar-kar-re-en-de3-en
176. {gesz}al-e a2 la2-e garadinx(|GAD&GAD.NIG2&NIG2|) mu-un-la2
177. {gesz}har-muszen-na a2 la2-e gi-gur{ur3}-ra mu-un-la2
178. gurusz sag-dili {lu2}ki-gul-la a2 mu-un-da-an-e3
178a. an pad-pad-ra2 im-de5-de5-ge-ne
179. u4-bi-a u4-de3 gu3 he2-eb-be2
180. {na4}kikken ma-nu2 {gesz}naga4 ma-du7-du7
181. gesz-gan-na-ta tu10 mu-un-ak-e
182. {gesz}ag4-sur {gi}ma-an-sim-bi a-da-min3 mu-da-ak
183. lu2 sumur-ra-sze3 a-na-am3 ab-ak
184. {d}ezina2 gu2-zu a-na-asz mu-ni-in-szub
185. sze sze6-ga2 a-na-asz mu bi2-ib-su-su-un
186. {d}en-lil2-le {gesz}al gu3 am3-ma-de2-e
187. {gesz}al mah-bi nam-ba-e-de3-sumur-re-de3-en
188. mah-bi gu2-zu nam-ba-e-de3-szub-ba
189. {gesz}al-e {d}nisaba ugula-a-ni na-nam {d}nisaba nu-banda3-a-ni na-nam
190. dub-sar-e kin szu-mu-un-il2 kin szu-mu-un-il2
191. {gesz}al-e 5(disz) gin2 {gesz}al-e 1(u) gin2 nig2-ka9 ha-ra-ab-ak
192. {gesz}al-e 1/3(disz) ma-na {gesz}al-e 1/2(disz) ma-na nig2-ka9 ha-ra-ab-ak
193. geme2-gin7 gub-ba esz2-gar3 i3-ga2-ga2-an
194. {gesz}al-e {gesz}apin-na a-da-min3 du11-ga
195. {gesz}al-e {gesz}apin-na dirig-ga-ba
196. {d}nisaba za3-mi2

&P478957 = CDLI Literary 000762 (Debate between Winter and Summer) composite
#atf: lang sux
@object composite text
@surface a
1. an-ne2 nam-nir-ra sag mi-ni-in-il2 u4 du10 am3-mi-e3
2. [...]-ke4 gesz-hur ba-an-se3 ug3-e dagal bi2-in-tag
3. {d}en-lil2-le ki-a gu4 gal-gin7 giri3-ni nam-mi-in-gub
4. u4 du10 nam-he2-a bulug3-e-de3
5. ge6 x x giri17-zal-e pa e3 ak-de3
6. gu mu2-mu2-de3 sze dagal-e-de3
7. a-esztub{ku6} kar-ra gen6-ne2-de3
8. x x-e nam-he2-a u4 sud4-su13-ru-de3
9. e2-me-esz an-na nig2-kesz2 ak-de3
10. en-te-en a he2-gal2-la kar-ra gen6-ne2-de3
11. {d}en-lil2 lugal kur-kur-ra-ke4 gesztu2-ga-ni na-an-gub
12. hur-sag gal-gal-la gesz3 bi2-in-du11 kur-re ha-la ba-an-szum2
13. e2-me-esz en-te-en he2-gal2 zi kalam-ma sza3-ga mu-ni-in-ri
14. {d}en-lil2-le ki gesz3 du11-ga-ni am-gin7 mur im-sza4
15. hur-sag-e u4 ki-bi-sze3 nam-zal ge6 hasz4 nam-mi-ib-du11
16. e2-me-esz en-te-en i3-he-nun-na-gin7 szu nam-ta-ab-us2
17. am gal-gin7 temen-na hur-sag-ga2-ka u2 sikil mu-un-gu7-e
18. sza3-tum2-sza3-tum2 hur-sag-ga2-ka gu2 mu-un-pesz-pesz-e
19. {d}en-lil2-le e2-me-esz en-te-en-bi-da nam am3-mi-ib2-tar-re
20. e2-me-esz-ra iri a2-dam ki ga2-ga2
21. kur gal {d}en-lil2-ra buru14 he2-gal2-la ku4-ku4
22. a-gar3 gal-gal-e kin-gi4-a-asz gi4-gi4 gu4-de3 GAN2 ga2-ga2
23. en-te-en-ra he2-gal2 a-esztub nam-he2 zi kalam-ma
24. gan2-ne2 GAN2 zi-de3 sze ga2-ga2 nig2-nam gar-gar-re
25. {d}en-lil2-le e2-me-esz en-te-en-bi-da nam-sze3 im-mi-in-tar
26. en-te-en-e gaba hur-sag-ga2-ta
27. a-esztub{ku6} nam-he2 zi kalam-ma szu-sze3 im-ma-ab-la2
28. {i7}idigna {i7}buranuna-bi-da gu4 gal-gin7 giri3-bi nam-mi-in-gub
29. gan2-ne2 GAN2 zi-de3 {d}en-lil2-la2-ka szu ba-ni-in-ba-ba
30. a-ab-ba-ka ambar ba-ni-ib2-dim2-dim2
31. ab-ba ku6 muszen ni2-ba mu-un-u3-tu
32. gesz-gi ki-szar2-ba gi sumun gi henbur2 gi BAD ba-ni-ib2-gur-gur
33. e2-me-esz dumu ur-sag {d}en-lil2-la2-ke4
34. a-gar3 gal-gal-ta a nam-ta-an-gar
35. gan2-ne2 GAN2 zi-de3 x-gin7 a sed4 [...]
36. GAN2 lu2? bala-a szu mu-un-ak-da
37. mu ge?-en-ge-en-bi-sze3 x x nam-tu11
38. x x [...]-ib2-du7
39. [...]-in?-gi
40. [...] UD x nam-mi-in-lu?-x
41. [...] x numun? kal? nam-ta-gar
42. [...]-in-DI
43. [...]
44. [...] x e x [...]
45. en-te-en ku3 nam-ta-[...]
46. gu4-de3 {gesz}szudul-a sag [...]
47. {d}nin-urta dumu {d}en-lil2-la2-ke4 GAN2 zi na-an-x
48. a-gar3 gal-gal sze x x x
49. gan2-ne2 GAN2 zi {d}en-lil2-la2-ka nig2 mu-ni-in-gar-gar?
50. en-te-en-e u8-e sila4 bi2-in-tu-u4 ud5-de3 masz2 ba-an-szum2
51. ab2 amar-bi-ta im-da-an-lu-lu i3 ga mu-un-gar-gar
52. an-edin-na szeg9-bar lu-lim-e sza3 ba-ni-in-hul2-hul2
53. muszen an-na-ke4 ki dagal-la gud3 ba-ni-in-u2-us2
54. ku6 ambar-ra-ke4 gesz-gi-a nunuz mu-ni-ib2-nu2-nu2
55. pu2-{gesz}kiri6-pu2-{gesz}kiri6-a lal3 gesztin ki ba-ni-in-tag-tag
56. gesz ki mu2-a gurun bi2-in-il2
57. sar-sar-re gu im-mi-in-tag-tag nisi mu-un-gar-gar
58. sze ab-sin2-na gu2 ba-ni-in-pesz
59. {d}ezina2-e ki-sikil sa6-ga-gin7 ni2 pa e3 bi2-in-ak
60. buru14 ezem gal {d}en-lil2-la2-ke4 sag an-sze3 nam-mi-il2
61. e2-me-esz-e e2 e2-duru5 ki bi2-in-gar tur3 amasz mu-un-dagal-dagal
62. a-gar3 gal-gal-e hi-li mi-ni-in-szar2-szar2
63. gaba-ba gada gu2-na ki ba-ni-in-tag-tag
64. buru14 he2-gal2-la e2-a mu-ni-in-ku4 guru7 gu2 bi2-in-gur-gur
65. iri a2-dam ki-a bi2-in-gar-gar e2 kalam-ma mu-un-du3
66. e2 dingir-re-e-ne hur-sag-gin7 ki sikil-la bi2-in-mu2
67. e2-nam-ti-la ki-tusz ku3 nam-lugal-la bara2 mah-a tum2-ma
68. kur gal {d}en-lil2-ra nam-he2-a ki mu-na-ni-in-us2
69. e2-me-esz dumu ur-sag {d}en-lil2-la2-ke4
70. e2-nam-ti-la e2 {d}en-lil2-la2-sze3 nidba na-gid2-i
71. masz2-ansze gu4 udu hur-sag-ga2
72. szeg9 szeg9-bar {lu-lim}lulim sza3-gan
73. udu bar-sal udu a-lum niga udu gukkal-ib2-la2-e
74. szah2 sza3 gesz-gi-a gu2 pesz-a ze2-da uh ba-al-gi4
75. muszen gud3-ba nam-a-a ak nunuz-bi-da dab5-ba
76. nig2 buru14 zid2 munu4 hi-hi-a i3 ga tur3 amasz-a
77. gib gu2-nida gu2 tur gu2 gal-bi gi-gur dub-e dab5-ba
78. szum2-sikil{sar} ab-sin2-ba dur dab5-ba za-ha-din{sar} szum2-sikil-lum{sar}
79. numun lu-ub2{sar} za3-hi-li-a{sar} x x x dim-gi4{sar} x x{sar}
80. [...]
81. [...]
82. [...]
83. [...]
84. [...]
85. [...]
86. [...]
87. [...]
88. e2-me-esz dumu ur-sag {d}en-lil2-la2-ke4 gesz im-ma-ni-in-tag-tag
89. en-te-en dumu nir-gal2 {d}en-lil2-la2-ke4 x x-sze3 szu dadag-e
90. a nam-ti-la-ke4 tak4 bi2-in-la2-la2 x x NI gal2 im-tak4
91. gu4 ZUM? bi2-in-gur-gur KA gu4 bi2-in-se3-se3
92. udu a-da-min3 gar-ra niga bar-ba giri2-tab-ba
93. {na4}du8-szi-a ku3-sig17 ku3-babbar {kusz}lu-ub2 {kusz}lu-ub2-szir-e pa3-da
94. {gesz}erin {gesz}szu-ur2-men5 {gesz}x x {gesz}taskarin {gesz}x [...] gid2?-da?
95. na4 x GAG bi2-ib?-te x gu2-un x kalam-ma
96. {gesz}pesz3 ma2?-ri2 pa [...] sze-er-gu [...]
97. a sed4 gu2-un hur-sag-ga2 [...] {gesz}x [...]
98. lal3 hab2-hab2 kasz dida [...] a2-dam [...]
99. bibra{muszen} e-sig{muszen} x x szu-ur3-ra{muszen} bibad{muszen} niga
100. suhur{ku6} KA x x-le U x-gi-ka en-te-en-e bulug3-ga2
101. {gesz}nu-ur2-ma gal pu2-ta szu su-ub-ba gesztin ga-ra-an gal nim
102. u2-kusz8 en-te-en-na x sza3-sug4 im sag-ga2 x [...] e3-a
103. lu-ub2{sar} gal-gal AGA? gal-e ku5-da du5-la2 ga-rasz{sar} gid2-da
104. en-te-en-e gu2-un gar-ra-bi-sze3 ni2-ba mi-ni-in-gar-gar
105. e2-nam-ti-la e2 {d}en-lil2-la2-sze3
106. e2-me-esz en-te-en-bi-da masz2 kadra si ba-ni-in-sa2-sa2-esz
107. 2(disz)-na-ne-ne am gal du7-du7-gin7 u3-na ba-an-sug2-ge-esz
108. en-te-en a2 kusz2-a za3-sze kusz2-a-ni-sze3
109. sze ab-sin2-na gu2 pesz-a-ni-sze3
110. gib ziz2 a szu-ta im-mi-in-du11-ga-na
111. nu-erim2-gin7 bar-ta im-ta-gub da-bi nu-mu-un-tag-ge
112. ur5-da en-te-en-ra ninim mu-na-te e2-me-esz-ra du14 bi2-in-gar
113. e2-me-esz szesz-gu10 ni2 silim-esz na-an-e-en
114. nig2 buru14 kadra e2-gal-sze3 a-na mu-e-de6-a-zu
115. a2 kusz2-a-zu-gin7 na-ra-dim2 ni2 na-an-bur2-bur2-en
116. lu2 du-lum-bi mu-e-il2-a-gin7
117. nam-engar-bi mu-e-ak-a-gin7
118. a-esztub{ku6}-ba nam-ku3-gal2-bi mu-e-dim2-dim2-ma-gin7
119. sze x a-gar3-a-gar3-ra im-du8 an-na-ka mi-ni-in-e3-a-gin7
120. a2 kusz2-a-gu10-ta e2-gal-la a-gin7 im-da-ku4-re-en
121. masz2-ansze gu4 udu hur-sag-ga2 a-na mu-e-de6-a-zu
122. [...] x x KASZ4?-a-gu10-usz nam [...]
123. [...]
124. [...]
125. [...]
126. [...]
127. [...]
128. [...]
129. [...]
130. [...]
131. [...]
132. [...]
133. [...]
134. [...] SAR u2 x [...]
135. [...] bi2-in-[...]
136. SAR [...] szu-ta ba-ra-[...]
137. nu-{gesz}kiri6-zu sa2-du11 ba-ra-[...] e2-gal ba-ra-mu-[...]
138. pu2-{gesz}kiri6 lal3 gesztin ba-ra-mu-x x
139. {gesz}al gul-la-bi ki-in-[...] ba-ra-am3-mi-x x
140. nisi gar-ra-zu babbar-hi{sar} gu3 de2-bi ba-ra-[...]
141. ka2 e2-gal-la-ka a-na PA sza [...] a-na am3-[...]
142. a-sza3-ga a2-zu dugud-bi mu-un-[...]
143. sze mu-e-de6 in-nu-bi me-a gu4-de3 a-na KA [...]
144. kislah-zu gesz u3-um-me-ra-ah gu4 sze10-bi u3-mu-[...]
145. sa-hir-ra-zu szu im-ti [...] in-nu-zu il2 [...]
146. masz2-ansze na-kam-tum nig2-bi [...]
147. e2 e2-duru5-zu udu u3-mu-[...] gu4?-zu-ta x [...]
148. gesz-gi-bi u3-[...] x x x [...]
149. {gesz}dehi3 sig7-sig7 szu-zu u3-bi2-[...] {gesz}ad5-da u3-bi2-ku5
150. ur3-ur3-ra na-kam-tum gar [...] szurum gu4 du8-du8 [...]
151. e2-me-esz arad2 lu2 kin-ga2 gub-ba a2-ni musz3 nu-tum3-mu
152. lu2 hun-ga2 sza3-gal ni2-ba-sze3 GAN2 kalam-ma ni10-ni10
153. u4-bi-a en-te-en-e e2-me-esz-ra in-sze3 mu-ni-in-dub2
154. e2-me-esz ur-sag du14 nu-mu-un-gar in la-ga ba-an-kin-kin
155. u4 buru14-a ur5-da nir mu-un-gal2 da-ni bi2-in-tak4
156. gu4 mah-gin7 u2 hi-a mu-un-gu7-e sag im-il2-il2-e
157. 2(disz)-kam-ma-sze3 e2-me-esz en-te-en-ra mu-na-ni-ib-gi4-gi4
158. en-te-en da gir4-da hu-mu-tusz-en x sag e-ne-sze3 u3-tu-u4-da
159. in-ta dugud-bi ki nam-us2-en tusz-bi szu nu-mu-un-ti
160. HI-HI-bi-ra kin-ga2 nig2-gig-bi-da kalam-ma du8-du8-usz
161. gu3 ra-ah gu2-NE-ta nu-mu-e-zi-zi-i e2-sze3 igi nu-mu-un-bar-re
162. dub-sar-tur bar-am3 nig2-gig-ga {u2}numun2 ki-nu2-bi-sze3 nu-ze2
163. nar geszbun-na szu nu-bar-re za3-bi-a ni10-ni10
164. en-te-en in-ta ki nam-us2-en edin-sze3 mu-un-ti?
165. a2 kal-ga-ga2 e2-e ga-mu-ni-e3 igi hu-mu-un-de3-du8
166. bala gub-ba-gu10 mu-a iti 7(disz)-am3 kin-ga2-ka
167. [...]-ra si-ga nu-mu-un-szi-ib-be2
168. [...]
169. [...]
170. TUR? x [...] a2-gu10 [...] ti
171. nu-kusz2-u3 sag us2 a-sza3-ga la-la mu-gub-be2-en
172. numun ka-ba numun-gu10 um-da-an-[...]-ge?-esz
173. en-te-en nam-gu3-ra ki nu-um-di-ni-ib-gar-ra
174. a-gar3-a-gar3-ta a um-ta-hasz bur u3-mu-ni-ib-nu2-nu2
175. ki nam-szu-ku6-da um-mi-gar-gar ku6 guru7 u3-mu-dub-dub
176. sag-tun3 mah a-a {d}en-lil2-la2-me-en
177. gan2-ne2 GAN2 zi-de3 esz2 mi-ni-ib-ur3-ur3-en
178. gu4-de3 GAN2 szu-ta a-ba-gar-gar
179. ki duru5-a a2 um-mi-|DU.DU| GAN2 kin geszkim u3-mu-ak
180. a-gar3 gal-gal GAN2 zi szu-nim-ta kin nu-mu-ra-ab-ak-en
181. sze-esztub a-tur3-ra gu2 he2-ni-in-gid2 dub-ba-an ba-ra-ni-in-tuku
182. engar-zu gu4-de3 a-na du-u3 gu4 ba-ra-mu-da-ab-sumur-re
183. en-te-en gu4-ra igi-nim-ma a2 im-da-x
184. lu2 ki-nu2-a ki-nu2-da KA x x-bi-da nu-DI
185. u4-bi-a e2-me-esz en-te-en-ra in-sze3 mu-ni-dub2
186. igi-gal2-tuku gesz-hur-e kin-ga2 [...]-ba-ab
187. in-ta dugud [...] x x x x gub-bu
188. nu-mu-un-na-x [...] KA mu-[...]
189. 2(disz)-kam-ma-sze3 en-te-en-e e2-me-esz-ra mu-na-ni-ib-gi4-gi4
190. e2-me-esz dusu2 u2 ki-buru14 gu7-a ka si-il-la2 gu3 di
191. kunga ki u2 zar-ra ga NE HA KIB la2 da kar-kar-re
192. gu4 buru14 {gesz}gag-sila3-ta gu2 ze2-a saman-e sag bala-e
193. lu2-kurun-na ki-buru14-sze3 gen-na {dug}sila3 szu-sze3 la2
194. lu2 zid2 sze sa-a KA ha-ab-lum ak sag e-ne du11-ga
195. szar2-ra-ab-du8 ni2 bur2-bur2-ra sza3 a-sza3-ga nu-zu
196. e2-me-esz szesz-gu10 a2 kusz2-a-gu10-a ni2 bulug5 u3-mu-ni-e3
197. za3-mu-ka sze e2-a u3-mu-ni-in-ku4 guru7 gu2 bi2-in-gur-gur
198. dirig u3-me-de6 {tug2}bar-dul5 {tug2}nig2-lam2-zu bala-a-kam
199. {uruda}ha-zi-in 2(disz) ma-na lu2 u3-mu-ra-an-szum2 edin-zu-sze3 ba-du-un
200. e2-me-esz szesz-gu10 a-sza3-ga du8 ki duru5 nam-ta-szub-bu
201. lu2 ga2-nun-na sag-zu-sze3 i3-gub a2 mu-da-an-ag2-e
202. an-edin-na {gesz}ma-nu gesz gal x x x SZU? KISAL? um-ma-szi-x
203. gu-ru-um ni2-zu u3-[...] tir-tir [...]
204. [...]
205. {gesz}ma2-la2-za gu2-un u3-mu-ni-de6 ni2-zu nam?-mu-ni-gid2
206. u2 ga2-nun-na sa2 u3-bi2-du11 x igi-gu10-usz [...]
207. udu ur3-ra-ke4 a-na-a i3-gu7-e {gi}ub4-zal-zu kusz2-u3
208. lu2-gi-ze bar-hu-da ze2-de3 gen gi sumun-e dar-dar
209. szidim ug3-il2 e2-a gub-ba a2-ni musz3 nu-tum2-mu
210. bahar2 im ba-al izi il2 gesz il2 dug x x-bu-u3
211. usz-bar {tug2}aktum-za a2-gar-bi {tug2}bar-dul5-zu tuku5-u3
212. {lu2}lunga bappir szu-kin-zu ki-buru14-ta du8-i3
213. muhaldim ninda geszbun gal-gal-la e2-me-esz-e e3-ni-ib
214. szidim gal ur3-ur3-ra a2-gar-bi IM KA ba mu-un-ri
215. lu2 {kusz}suhub2 {kusz}e-sir2-e-sir2 libir sed4 im-ma-DU
216. e2-me-esz szesz-gu10 bala gub-ba-gu10-sze3 en-na u3-mu-du-un
217. tur mah-e a2 mu-e-da-an-ag2-e sa-zu nu-TAR-e
218. kalam-ma nig2-gur11 u3-mu-e-ni-gar-gar na-kam-tum u3-mu-e-gar
219. a2-ga2-a za3-sze kusz2-a-za ge26-e lugal-bi-me-en
220. u4 muru9-e he2-gal2 an-na-ke4 ki um-ma-ni-us2
221. a numun sag-ga2-ke4 hur-sag-ta za3 um-mi-tag-tag
222. sze nim-e sze sig a-ba-ab-tah e2-sag LU u3-mu-un-szub
223. engar zi gan2-ne2 igi tab-ba a2 hul2-la i-i
224. ansze il2-il2-la i3-gub-gub-be2 iri-sze3 nir mu-un-gal2
225. szesz-gu10 {gesz}apin ku3 e2 dal-la u3-mu-ni-gar
226. na-kam-tum a-na gar-gar-ra-zu izi-gin7 gu3 mi-ni-in-e3-en
227. gu7 nag gal-gal-e ba-tusz-en
228. kalam-ta sag-a im-ta-ab-e11-de3-en
229. lugal-gu10 mu pa3-da {d}nanna dumu {d}en-lil2-la2-ra
230. di-bi2-{d}suen {tug2}szutur {tug2}hur-sag u3-mu-ni-in-mur10
231. {tug2}bar-dul5 {tug2}nig2-lam2-ma mi2 u3-ba-ni-du11
232. ezem dingir-re-e-ne-ke4 szu u3-mu-szi-ib-du7-du7
233. {d}a-nun-na-ke4-ne bar ku3-ba tug2 u3-mu-ne-gal2-gal2
234. e2-nam-ti-la ki-tusz ku3 nam-lugal-la an-ne2 gar-ra-na
235. ki ur5 sa6-ge geszbun nig2 du10-ga si ba-ni-sa2-sa2-esz
236. szem3 {kusz}a2-la2 si-EZEN gesz-gu3-di ni2-ba u3-mu-na-du12
237. tigi za-am-za-am nig2 sza3 hul2-la-zu u4 mi-ni-ib-zal-zal-e
238. ge26-e gesztin lu-lu-me-en gu7 nag gal-gal-me-en
239. tug2 i3 du10-ge ba-ab-du7-me-en
240. nig2-tug2-ba {tug2}szutur {tug2}aktum-ma a2 ba-ni-e3-a-me-en
241. kum2-ma dugud e2-me-esz sag ki-en-gi-ra zi-bi tum2-tum2-de3
242. ug3 sag ge6-ga ur2-bi-a ki-nu2 gar-gar-ra-bi
243. {tug2}nig2-bara2 nim mu-ra-be4-be4 {tug2}aktum mu-ra-sah6
244. {gesz}nig2-kesz2-da a2 mu-ra-ab-kusz2-u3 e2-gal ma-ra-SZESZ-SZESZ
245. {gesz}gu2-ne-sag-ga2-ke4 mu-un-kin-kin en3 tar mu-ni-gal2
246. {d}nin-ka-si-ke4 a2-tah-a-ni-me-en kasz mu-un-na-ab-du10-ge-en
247. a sed4 gu2-un hur-sag-ga2 a-na mu-e-tum2-tum2-mu
248. dug ma2-asz-gan-na um-mi-in-[...]
249. dug pu2 dug hu-ru-um x x HAR-bi gaba-ba u3-bi2-[...]
250. gesztin gur4-gur4-ra tum9 sed4-de3 um-ma-ni-in-se3-se3
251. lugal-gu10 e2-gal mah-a-ni [...] mu-ni-in-du10-du10-ge-en
252. lu2 ni2 sed4-da lugal-ga2-me-en
253. {gesz}gag-ku6-la2-e nig2 ma-ab-si-si
254. an-ta-gu10 {kusz}a-ga2-la2-zu szu te-ba-ab [...] e3-ba-ra
255. engar sze SI x x-ga du-lum-ma [...] nu-du8-u3
256. engar [...] LAGAB im 2(disz) szeg3 x hul gig
257. nu-{gesz}kiri6 babbar-hi{sar} dim nu-zu gi-gur guru5-zu x x
258. za-e ga2-a-da a-na mu-da-ab-sa2-e-en ur3 ki-nu2-zu kin-ga2
259. 2(disz)-kam-ma-sze3 en-te-en-e e2-me-esz-ra in-sze3 mu-ni-in-dub2
260. e2-me-esz dumu ur-sag {d}en-lil2-la2-ke4
261. a2 kal-ga-na sza3-ga-a mu-un-zu ur5-da nir mu-un-gal2
262. in en-te-en-e a-na mu-ni-in-dub2-ba-asz
263. i-gi4-in-zu mi2-am3 na-mu-ni-in-du11
264. 2(disz)-kam-ma-sze3 e2-me-esz-e en-te-en-ra mu-na-ni-ib-gi4-gi4
265. en-te-en a2 dirig ni2 na-ab-gur4-re-en ki gur4-zu u3-mu-zu
266. iri-a ki-ur3-zu ga-mu-ra-ab-du11 nam-ba-an-SZESZ-SZESZ-e-de3-en
267. za-e lu2 mar-za i3-me-en-na-gin7 lu2 hu-nu in-ga-me-en
268. da gir4 gu2 izi udun sa-du3-zu-um
269. na-gada sipa u8 sila4 dugud-da-gin7
270. lu2 hu-hu-nu da gir4-ta udun-sze3 udun-ta da gir4-sze3
271. udu-gin7 igi-za mu-un-sub2-sub2-be2-esz
272. gaba u4-da da-gum-da-gum-ma di ba-ni-ib-dab5-be2-en
273. iri-a zu2 ur5 zu2 ra-ah ma-ra-an-gar-re-esz
274. u4 a-ba-sa9-a-e e-sir2-e-sir2-ra lu2 nu-mu-ni-in-dib-be2
275. arad2 lu2 da gir4-ta hul2-la e2-a u4 szu2-szu2-u3
276. geme2 lu2 a-ge6 {gesz}epir-a nu-gub-bu tug2-da u4 zal-zal-e
277. a-sza3 en-te-en-e kin nu-ak-e
278. ab-sin2-bi sza3-sze3 nu-gid2-da
279. sze-bi ki-szar2-ba nu-szub-ba buru4{muszen}-dugud-de3 de6-a
280. nisi gu2-guru5 lu2 du5-la2 nisi-bi ganba-ka nu-du7
281. gi sumun il2 {gi}dusu du10-sa-dar-a lu2 ma-an-zi-la2
282. a2 dirig ka du8-zu na-an-bi2-ib-be2 gesz-hur me ga-zu
283. 2(disz)-kam-ma-sze3 e2-me-esz-e en-te-en-ra in-sze3 mu-ni-in-dub2
284. u4-bi-a e2-kur ezem-ma ki-en-gi he2-gal2-la
285. 2(disz)-na-ne-ne x du10 bi2-in-gal2-le-esz u3-na ba-an-sug2-ge-esz
286. e2-me-esz en-te-en-bi-da gu4 mah-gin7 tesz2-bi a2 si-il-le-de3
287. kisal mah-a am-gin7 du10 i-ni-ib2-gar ki ki ba-ni-ib-us2
288. en-te-en-e inim-ma gu4 mah-gin7 sag im-il2-il2-e
289. a-a {d}en-lil2 nam-ku5-gal2 mu-e-szum2 a he2-gal2-la mu-e-de6
290. a-gar3-a-gar3-ra za3 ba-ni-tag-tag guru7 gu2 bi2-gur-gur
291. sze ab-sin2-na gu2 ba-ni-in-pesz
292. {d}ezina2-e ki-sikil sa6-ga-gin7 ni2 pa e3 bi2-ak
293. e2-me-esz szar2-ra-ab-du ni2 bur2-bur2-ra sza3 a-sza3-ga nu-zu
294. a2 kusz2-a za3-sze kusz2-a-gu10 za3 ma-ra-an-tag
295. e2-gal lugal-la-ke4 gu2-un x-ne2-esz si ba-ni-x-sa2-sa2
296. en-te-en-e sza3 [...]-a-zu inim-ma nir mi-ni-in-gal2
297. e2-me-esz sag-ki nig2-nam mu-un-kin zi im-ma-da-ab-gi4
298. e2-me-esz {d}en-lil2-ra ni2 te-bi-a inim mu-na-ni-ib2-be2
299. {d}en-lil2 di-zu nig2 kal-kal-la-am3 inim ku3-zu inim mah-am3
300. di dab5-ba-zu nig2 nu-kur2-ru-dam a-ba szu mi-ni-ib2-bala-e
301. szesz szesz-da du14 mu2-mu2 i3-gal2 u3 du10-ge i3-gal2
302. en3-tukum-sze3 e2-gal-la u3-mu-e-|DU.DU| ug3-e u6-e me-e
303. u3-mu-e-tusz ni2 na-an-pi-il-pi-il-le-de3-en tesz2-bi ga-ba-ra-si-il
304. {d}en-lil2-le e2-me-esz en-te-en-bi-da mu-ne-ni-in-gi4-gi4
305. a zi-sza3-gal2 kur-kur-ra-ka en-te-en ku3-gal2-bi-im
306. engar dingir-re-e-ne-ke4 nig2-nam mu-un-na-gar-gar
307. e2-me-esz dumu-gu10 en-te-en szesz-zu-da a-na mu-e-da-ab-sa2-e-en
308. {d}en-lil2-le inim mah du11-ga-ni sza3-bi galam kad4-dam
309. di dab5-ba-ni nig2 nu-kur2-ru-dam a-ba-a szu mi-ni-ib-bala-e
310. e2-me-esz en-te-en-ra im-ma-an-szi-in-gam u3-gul mu-na-an-ga2-ga2
311. e2-a-na kasz uluszin kurun si ba-ni-in-sa2-sa2
312. za3-bi-a geszbun nig2 du10-ge u4 mi-ni-ib-zal-zal-e-ne
313. e2-me-esz en-te-en-ra ku3-sig17 ku3-babbar za-gin3 mu-un-na-ba-ba-e
314. nam-szesz nam-du10-sa i3 li-gin7 i-im-bala-bala-e-ne
315. murub4-ba inim du10-ga ga2-ga2-de3 tesz2-bi ba-du10-ge-esz
316. e2-me-esz en-te-en-bi-da a-da-min3 du11-ga
317. en-te-en engar zi {d}en-lil2-la2 e2-me-esz-ra dirig-ga-ba
318. kur gal a-a {d}en-lil2 za3-mi2

&P478958 = CDLI Literary 000764 (Debate between Bird and Fish) composite
#atf: lang sux
@object composite text
@surface a
1. u4 ul re-ta nam du10 tar-ra-a-ba
2. an {d}en-lil2 an ki gesz-hur-bi mu-un-gar-re-esz-a-ba
3. [...] en gesztu2 dagal-la-ke4
4. {d}en-ki lugal nam-tar-ra 3(disz)-kam-ma-bi na-nam
5. x x NI x mu-un-ur4-ur4 dur2 ki ba-an-gar
6. a zi-sza3-gal2 numun zi u3-tu szu-sze3 im-ma-ab-la2
7. {i7}idigna {i7}buranun-na za3-ga ba-an-la2 a kur-kur-ra mi-ni-in-tum3-usz
8. i7 tur-tur-ra szu luh ba-an-ak sur3-sur3 mi-ni-gar-gar
9. x x {d}en-ki-ke4 tur3 amasz szu bi2-in-dagal sipa unu3 bi2-in-tuku
10. iri{ki} a2-dam ki-a bi2-in-gar-gar sag ge6 mi-ni-in-lu
11. lugal-e nam-sipa-bi-sze3 mu-un-tuku nam-nun-bi-sze3 mu-un-il2
12. lugal u4-dam kur-kur-ra mu-un-e3
13. x x {d}en-ki-ke4 ambar-ambar-ra zu2 bi2-in-kesz2 gi sumun gi henbur2 bi2-in-mu2
14. x x pu2 umah{mah} ku6 muszen mi-ni-lu-ug
15. x x ki nig2 zi pa-an-pa-ne-ne gu7 nag-bi-sze3 ba-an-szum2
16. x x he2-gal2-la dingir-re-e-ne-ke4 za3-bi-a szi-in-gub
17. {d}nu-dim2-mud nun mah en gesztu2 dagal-la-ke4
18. [...]-bi-ta u3-mu-un-dim2-dim2
19. ku6 muszen-bi gesz-gi ambar-ra im-mi-in-si
20. ki-gub-bi in-ne-en-pa3
21. gesz-hur-bi igi-bi im-mi-in-zu
22. u4-bi-a ku6-e ambar-ra nunuz ki ba-ni-in-tag
23. muszen-e ka gesz-gi-a-ka gud3 im-ma-ni-ib-us2
24. muszen-e ku6 engur-ra-ke4 [...]-bi-ta mi-ni-ib-hu-luh
25. ku6-e im-ma-gub gu3 im-ma-de2-e
26. ni2 i3-bulug5 ga-ba-al mu-ni-in-du3
27. du14-sze3 sila ba-zi u3-na-bi ba-an-gub
28. ku6-e muszen-ra bir-ra-bi inim mu-na-ni-ib2-be2
29. muszen du8-du8 KA [...] su-lum mar nu-gal2
30. ze2-za engur-ra za-pa-ag2 ([...]) nundum bur2-re bulug5-ga2
31. mah-bi gu7-gu7 ba-zal sza3-za hul-bi sur-sur
32. edin gub-ba-za zu2 mu-e-da-ra-ah mi-ni-ib-sar-sar-re-ne
33. ab-sin2-na dumu engar-ra-ke4-ne gu2 sa nam-mi-ri-ak
34. nu-{gesz}kiri6-ke4 pu2-{gesz}kiri6-pu2-{gesz}kiri6-a sa na-mu-e-ri-gub
35. {kusz}da-lu-usz2-ta a2-ni nu-ga2-ga2 du10 nu-mu-e-szi-ib-gam-e
36. mu2-sar-ra nig2 mu-ni-ib-hul-hul su nu-mu-un-da-du10-ge
37. a-sza3 ki duru5 gal2-gal2-la-ba giri3-zu nu-zil2-zil2-i
38. muszen tesz2 nu-zu kisal-e sze10 su3-su3
39. kisal-luh tur e2-a sa la2-e esz2 hub2 mi-ni-in-sar-re
40. za-pa-ag2-zu-ta e2-e im-suh3-suh3 gu3 mu-e-szi-ib-szub-be2
41. e2 kuruszda-ka mu-ni-ib-ku4-ku4-ne
42. gu4 udu-gin7 mi-ni-ib-mu7-e-ne
43. a sed4 {dug}a-sig-ga ma-ra-de2-e-ne
44. za-e sa2-du11-sze3 mu-e-da-an-gid2-i-ne
45. muszen-du3-e a2 la2-ta mu-ni-ib-tum2-tum2-mu
45a. szu-ku6-de3 e2-gal-am3 mu-ni-ib-ku4-ku4
46. pa-zu igi-zu i3-im-kesz2-kesz2-re-ne
47. gu3 de2-de2-zu ki-sze-er nu-tuku dal-dal-zu a-na-am3
48. gu3 hul-zu-ta ge6 hu-luh-en u3 du10 nu-mu-un-ku-ku-ne
49. muszen ambar-ta e3-ba-ra za-pa-ag2-zu ugu-gu10-ta
50. pu2-sag sahar-dub-ba-ka e3-ni-ib ur5-ra-am3 me-te-zu-um
51. u4-bi-a ku6-e muszen-ra in-sze3 mu-ni-in-dub2
52. muszen bar gun3-gun3 igi gun3-gun3 sa6-ga-ni-sze3 mu-un-zu
53. in ku6-e a-na mu-ni-ib-dub2-ba sza3-sze3 nu-mu-un-gid2-de3
54. i-gi4-in-zu emeda{da} u5-a-asz mu-ni-in-du11
55. inim-sze3 gu2-ni nu-mu-na-ab-szum2-mu gu3 hul mu-un-ta-an-e3
56a. u4-bi-a muszen-e ku6-ra mu-na-ni-ib-gi4-gi4
56b. ku6-ra im-[...] DU NE mu-un-na-dub2-e
56c. x x x x [...] ga NE gu3 mu-na-ni-ib-be2
57. a-gin7 sza3-zu sza3 gur4-ra im-de6 ni2-zu mu-e-sun5-sun5
58. ka-zu du6-dam ka im-ta-ab-nigin2 egir-zu-sze3 igi nu-bar-re
59. tugul ku5 a2-szu-giri3 ku5 giri3-zu gu2 bala-zu-sze3
60. ir nu-du10-ga a-ha-an szi-du3-du3 ugu-za giri17 ur5-ur5
61. gu2-a-zu si sa2-bi {gi}buginx(|A.SUG|) nu-ub-dab5-be2
62. lu2 lah4-a-zu szu-ni su-ni-sze3 nu-ub-tag-ge
63. engur mah sug dagal-la-ba ge26-e gal5-la2-zu-me-en
64. u2 du10-ga-bi nu-mu-e-szi-ib-gu7-en gu3-gu10 mu-un-te-te
65. i7-da nir-gal2-la-bi nu-mu-un-|DU.DU| u18-lu-gu10 mu-e-dul-dul
66. igi-gu10-ta gesz-gi-gesz-gi-a mu-un-gir5-gir5-re-de3-en
67. di4-di4-la2-zu-ta sa2-du11-sze3 ma-a-an-gar sza3-gal-gu10-sze3 mu-e-szum2
68. gal-gal-zu ki geszbun-na-ka x su-bur2-gu10 na-nam
69. pu2? ab? zu x x [...] mu-e-da-BAD-en
70. ge26-e muszen sa6-ga gal-zu-me-en
71. kin sa6-ga u-gun3 tag-ga-gu10-sze3
72. lal3-har ku3-zu kin li-bi2-ib-se3-ga
73. e2-gal lugal-la-ka |DU.DU| he2-du7-me-en
74. kisal-a mu7-mu7-gu10 me-te-asz im-mi-in-gar
75. akkil gar-ra-ga2 nig2 ku7-ku7-da-bi?
76. su-bar szul-gi dumu {d}en-lil2-la2-ra du10-ge-esz im-mi-gal2
77. gurun nig2-du8-hum {gesz}kiri6-{gesz}kiri6 pu2-{gesz}kiri6-a sa2-du11 gal-gal-gu10-sze3
78. ba-ba zid2 munu4 gu2-nida imgaga nig2 ka du10-ge-ga2
79. ur5-ta nam-mah-gu10 a-gin7 nu-e-zu gu2 ki-sze3 la2-a-ni
80. u4-bi-a muszen-e ku6-ra in-sze3 mu-ni-in-dub2
81. ku6 lipisz-tuku a2 nam-ur-sag-ga2 gur4-ra nir-gal2
82. muru9 dugud-gin7 ki nam-mi-in-us2 a-da-min3-e ba-an-gub
83. in muszen-e a-na-am3 mu-ni-in-dub2-ba sza3-sze3 nu-mu-un-na-an-gid2
84. gu2 ki-sze3 la-ba-an-da-an-gar inim bur2-bi im-me
85. 2(disz)-kam-ma-sze3 ku6-e muszen-ra mu-na-ni-ib-gi4-gi4
86. ka ur2 gu2-guru5 giri3 su-ul-su-ul ka ha-la eme sal-sal
87. nam nu-zu-a-ta gu3 e-da-ra-ah ni2-zu ad li-bi2-gi4
88. mah gu7-gu7 sag szu zi bi2-ib2-du11-ga kisal-e sze10 si-si
89. kisal-luh tur e2-e sa la2-e esz2 mu-ri-ib2-sar-re
90. muhaldim {lu2}lunga3-e i3-du8 e2-a ti-la zi mu-e-da-an-ni-re-esz
91. muszen nam-mah-gu10 egir-bi nu-e-zukum-zukum bar-ga2 en3 li-bi2-in-tar
92. si-ga kal-ga-ga2 nu-mu-e-de3-zu inim u3-bu-bu-ul i3-bala
93. nig2 ak-ga2 ki-bi u3-mu-e-kin dirig-sze3 ni2 sun5-ni-ib
94. inim-zu nam-tag dugud im-ma-ab-tum3 ni2-zu ad li-bi2-gi4
95. ge26-e ku6-me-en he2-gal2 esz3 sikil-la tesz2-ba gar-a-me-en
96. nidba gal-gal e2-kur za-gin3-sze3 sag il2-la du-me-en
97. {d}ezina2-gin7 sza3-gar kalam-ma-sze3 ba-gal2-le-en a2-tah-ni ge26-e-me-en
98. ug3-e gesztu2-ga ma-an-du3-du3 igi-bi mu-szi-gal2
99. buru14 ezem-gin7 mu-da-hul2-le-esz en3 tar-gu10 i3-gal2
100. muszen nig2 gal-gal a-na mu-e-dim2-ma-zu gur4-ra-ba ga-ri-ib-zu
101. sun7-na ka lul-la bala-e-zu szu-za ga-ba-ni-ib-si
102. u4-bi-a ku6-e muszen-ra sa2 im-se3-se3-ge
103. si-ga lul-ba _sza-qum-mi-isz sa-ri-isz_ a2-ba mu-un-|DU.DU|
104. u4 muszen gud3 ba-zi-ga-gin7 amar-bi-sze3 nig2-gu7-bi tum3-de3
105. ku6-e ki si-ga _asz-ra-am sza-qum-mi-isz_ a2-ba mu-un-kin-kin
106. gud3 gar-ra u2 se3-se3-ga-ni esz3 lil2-la2 mu-un-sag3
107. e2 du3-du3-a-ni mu-un-gul-gul erim3-ma-ni mu-un-bu
108. nunuz gar-gar-ra-ni bi2-in-gaz-gaz ab-ba im-mi-in-szu2
109. ku6-e muszen-ra mu-ni-in-se3-se3 _i-sze-er-ma_ a-e ba-da-an-kar
110. u4-bi-a muszen igi pirig-ga2 umbin hu-ri2-in{muszen}-na
111. gud3-bi-sze3 a2 dub2 i3-ak-e dal-le-bi sag im-gi4 _a-na qi2-ni u2-ur2-ri2 szar-hi-isz ip-pa-ra2-asz_
112. {tu15}mar-uru5 an-sza3-ga-sze3 bu4-bu4-gin7 _i-sza-a_ an-na mu-un-ni10-ni10 _u2-na-ra-t,isz?_
113. muszen-e gud3-bi-sze3 igi tab-ba a2-ur2 ba-bur2-bur2 _usz-ta-pa-ri-ir_
114. gud3 gar-ra u2 se3-se3-ga-ni edin dagal i3-zukum-e
115. ka-bi nu-gig-gin7 an-sza3-ga gu3 mu-un-dub2-dub2-be2 _i-sza-gu-um_
116. muszen-e ku6-ra mu-un-ni10-ni10 ambar i3-kin-kin
117. muszen-e ku6-ra engur-ra igi im-ma-an-du8 gesztu2 ba-szi-in-gub
118. i-gi4-in-zu a-e ba-da-kar umbin mu-ni-in-la2
119. agargara tur-tur-bi tesz2-bi bi2-in-gar-gar zar-re-esz mu-un-du8-du8
120. muszen-e szu gar-bi im-mi-in-gi4 sza3-bi mu-[...]
121. 2(disz)-kam-ma-sze3 muszen-e ku6-ra mu-un-na-ni-ib-gi4-gi4
122. galam-ma hu-ru u2 hub2 galga suh3 ku6 nam-ta-e3-x
123. kar x ni10-ni10 ka-ka-bi nu-gu7 sza3-gal u4 szu2-usz-e
124. szah2 is-hab2 sze10 ni2-bi gu7-gu7 sag szu bi2-in-du11-ga
125. lu2 en-nu-ug3 ga2-ga2 bad3-da ti-la ni2-bi-ta sur-ra
126. ku6 ga2-ra izi-gin7 mu-un-bar7 ki szakir3 mu-un-gar
127. nu-zu-a-zu sag szu bala ba-ab-gid2 szu usz2-a i-ni-su3
128. sza3 gur4-ra ni2-bi ak-a-ba ni2-bi mu-un-gul-gul
129. ge26-e muszen an-na dal-dal-me-en ki-a du-du-me-en
130. |DU.DU|-gu10-sze3 an mu sa4-a-ba a-la mu-un-szi-gal2-le-me-en
131. [...] ku6-e nun-gal-e-ne ba-szum2-mu-usz
132. numun sag-ga2-me-en amar-gu10 amar sag-ga2-am3
133. x [...] e2-kur za-gin3-sze3 x sag il2-la mu-un-gen
134. [...] ki x [...] u4 ul-le2-a-sze3
135. x IN-bi si?-ga-gin7 ug3 szar2-re im-me
136. ur5-ta nam-mah-gu10 egir-bi nu-zu gu2 ki-sze3 la2-a-ni
137. 2(disz)-kam-ma-sze3 muszen-e ku6-e in-sze3 mu-ni-in-dub2
138. u4-bi-a ku6-e muszen-ra ka ba-ab-du8 igi husz um-mi-in-szi-il2
139. ka lul-la-ta ni2 na-an-sukud-de3 di-ku5-me i3-dab5
140. di-ku5 ka-asz bar-me {d}en-ki-ke4 di-me ga-ba-an-na-gub
141. 2(disz)-na-ne-ne za3 sag11-be2-esz du14 hul mu2-be2-esz
142. gur4-ra nam-mah-bi zu-zu-u3-de3
143. murub4 eridu{ki}-ga du14 ki ba-ni-ib2-us2 a-da-min3 i3-ak-e-ne
144. x NE e za-pa-ag2 gu4-gin7 lum-lum-e
145. [...] x [...]-gin7 {kusz}um i3-tag-tag-ge
146. lugal {d}szul-gi dumu {d}en-lil2-la2-ra
147. [...] sag? il2? ni2 mu?-te-en di-da-am3 i3-kin-kin
148. [...] en du11-ga zi-da inim-gu10-usz gesztu2-zu
149. [...] x mu-e-re?-se3 nunuz ki ba-ni-in-tag
150. x x x sa12-e-esz mu-un-rig7 gu7 nag-bi-sze3 ba-an-szum2
151. [...] mu-e-ni-gar-ra
152. [...] e2-gu10 ba-gul-gul
153. gud3 u2 se3-se3-ga-gu10 esz3 lil2-e bi2-in-sag3
154. e2-gu10 mu-un-gul-gul erim3-ma-gu10 mu-un-bu
155. nunuz-gu10 mu-ni-in-gaz-gaz ab-e um-mi-ib-szu2
156. [...] du11-ga-gu10 en3 tar-re di-gu10 gur?-a-ni
157. [...] igi tab-ba ni2 ki-sze3 ba-ab-la2
158. [...]-bi inim mu-un-dab5-ba-e
159. [...] mah-am3 sza3-ta im-mi-ib2-du11
160. inim-zu inim ku3-ga-am3 nig2 sza3 du10-ge-dam
161. en-na-me-sze3 du14-da mu2-mu2-de3 ba-an-dab5-dab5-be2-esz
162. [...] x dab5-ba-gin7 dalla mu-na-ta-e3
163. [...] u4 du7-du7-gin7 tesz2-bi mu-un-du7-du7
164. [...] si sa2 ba?-na?-x-am3 du10-ge-esz ha-ma-ga2-ga2
165a. gesz-hur me si sa2 ki-ur3-me ga-ba-e-zu
165b. _du-ru-szi-ni ki [...]_
166a. {d}en-ki lugal abzu-ke4 sa2 pa3-de3 inim-ma gal-zu-me-en
166b. _ka-asz-du wa-tu-u2 mu-di_
167. ku6 muszen-bi-da im-ma-ni-ib2-gi4-gi4
168. muszen e2-kur-ra |DU.DU|-bi he2-du7 mu7-mu7-bi du10-ga-am3
169. {gesz}banszur ku3 {d}en-lil2-la2-ta muszen palil-zu x [...]
170. e2 dingir gal-gal-e-ne-ka za-pa-ag2 mu-un-na-ga2-ga2 [...]
171. za-pa-ag2-bi-sze3 dingir {d}a-nun-na im-szi-hul2-hul2-le-esz
172. kin-sig unu2 gal dingir-re-e-ne-ke4 me-te-asz im-mi-ib-gal2
173. e2-gal lugal-la-ke4 mur sza4-bi du10-ga [...]
174. {gesz}banszur szul-gi dumu {d}en-lil2-la2-ka sag an-sze3 [...]-il2
175. lugal zi su3-u4-gal2 [...] x x x [...]
176. x pirig-bi PAD? [...]-ge-esz [...]
177. ku6 nam-nun-na x [...] x x
178. u4-bi-a ku6 muszen [...] x x x
179. [...]
180. [...] dub2?
181. [...]
182. [...] i-ni-in-x
183. [...] kalam-ma mu-un-x x
184. [...] he2-gal2 ab sikil [...]
185. [...]-na {d}en-ki [...] sa12-e-esz mu-un-rig7
186. [...]-dab5?-be2-en x [...]-ni10-ni10
187. abzu? eridu{ki}-ga [...] muszen IGI x x
188. ku6 muszen-bi-da a-da-min3 du11-ga
189. muszen-e ku6-e dirig-ga-a-ba
190. a-a {d}en-ki za3-mi2

&P478959 = CDLI Literary 000765 (Debate between Copper and Silver) composite
#atf: lang sux
@object composite text
@surface a
$ beginning broken
1'. [...] x
2'. [...] su3
3'. [...] szesz4
4'. [...]-an-tah
5'. nig2 x x x NE?-gin7 x mu-ni-ib-tar-re
6'. a2-tuku a2 gal-gal-la gaba-ri ba-an-tuku-tuku-u2
7'. na4-1(disz)-szu sag-kal {na4}esi il2?-la i3-gen
8'. x mu-un-da-an-u3-tu pesz-e ha-ba-a-gub-be2
9'. [...] szesz a2 zi-da-zu-um
10'. [...] agarinx(NINA) gub-ba-a-zu-um
11'. [...] mu-un-u3-tu pa e3 he2-a-ak-ke4
12'. [...] ba-al-ba-al-e nig2 he2-em-gar-gar-e
13'. [...] mah-di a i3-ni-ri
14'. [...]-e ubur-gin7 ama-ni bi2-dun5
15'. [...] abzu-sze3 u3-mu-u3-du8?
16'. [...] za3 an-ur2-ra-sze3
17'. [...] hu-mu-ra-a-du
18'. [...] u3-mi-ak
19'. [...] x x x
20'. [...]-a
21'. [...]
22'. [...]
23'. [...]
24'. [...]
25'. [...]
26'. [...]
27'. [...]
28'. [...]
29'. [...]
30'. [...]
31'. [...]
32'. [...]
33'. [...]
34'. [...]
35'. [...]
36'. [...]
37'. [...]
38'. [...]
39'. [...]
40'. [...]
41'. [...]
42'. [...]
43'. [...]
44'. [...]
45'. [...]
46'. [...]
47'. [...]
48'. [...]
49'. [...]
50'. [...]
51'. [...]
52'. du6 dul2 u3-[...]
53'. {gesz}GAN2-ur3-gu10 x [...]
54'. du6?-du6 gul-e [...]
55'. uruda nig2 kal-ga-a giri3 SI [...]
56'. uszumgal-e [...]
57'. uruda nig2 kal-ga-a a-sza3 [...]
58'. a sumur-ra2 u8 KAB [...]
59'. uruda nig2 kal-ga-a a mah [...]
60'. {d}en-lil2-le MU [...]
61'. su en-bi x x x [...]
62'. ku3 uruda nig2 kal-ga mu-[...]
63'. {d}en-lil2-le [...]
64'. {d}en-lil2-le sza3 [...]
65'. x x an ki-a pa [...]
66'. a2 ba-an-da-ag2? [...]
67'. x ki x [...]
68'. MU? [...]
69'. NIG2 [...]
70'. AN [...]
71'. AN [...]
72'. uruda [...]
73'. [...]
74'. [...]
75'. [...]
76'. [...]
77'. [...]
78'. [...]
79'. [...]
80'. [...]
81'. {d}en-lil2-le [...]
82'. sukkal-a-ni {d}nuska-ar gu3 mu-na-de2-e
83'. sukkal {d}nuska-gu10 u4-ul-la a-ra-zu
84'. {gesz}gu-za uruda nig2 kal-ga-a x x x-e IM x x i3-gub x-x-ni-sze3 he2-tusz
85'. ur5-gin7 hu-mu-na-ab-be2-a-ka
86'. {d}nuska-a-ke4 a-ga sukkal ki mar-za-a-sze3
87'. giri3-ni 2(disz)-a-bi mu-|DU.DU|
88'. uruda nig2 kal-ga-ar ku4-mi-ni mu-na-ab-be2
89'. u4-ba uruda nig2 kal-ga kin a2 gal-gal-a-na
90'. he2-gal2 an ki masz2 kadra-sze3 gaba-na i3-im-tab
91'. u3 ku3-ga masz2 gu4 udu mu-gaz-gaz-e gaba-na i3-im-tab
92'. x [...] x-ka gesz ki nu-ga2-ga2
93'. ku3 ku3 tur-tur [...] BI HI IM HI-a ZAR HI-sze3 AN? x x
94'. egir-a-ni x-da?-ni mu tuku? nig2 du10-du10-ga-x
95'. uruda nig2 kal-ga-ar gu2-na? [...]
96'. ku3 {gi}pisan libir x [...]
97'. sza3-bi-a HI x ba-ni-x x
98'. ku3 ku3 tur-tur x x im-ma-[...]
99'. ibila kal-ga a-a {d}en-lil2-ra
100'. uruda nig2 kal-ga in la-ga mu-tu-ub-be2 asz2 la-ga im-da-an-DU
101'. ug3-ga6-ga6{ga} kin a2 za3 HAR di
102'. al ki ba-al bahar2 u4 1(u)-sze3 im-ma szu e3-e3
103'. he2-dab5 u4 zal-le-da pu2-sag luh a tu5-a nu-du7
104'. ma2-gin2 ma2 du8 i3 ku6-da kum2-ma tug2 dan4-na-a nu-du7
105'. muhaldim i3 kum2 a sag il2-la ki inim-ma-e gub-ba
106'. lunga u4 NE-a {tug2}ib2-la2 nu-u3-du8 szu im nu-szarag-ge
107'. |MUNU4.SAR| en-te-en ni2 nu-ten-ten uzu nig2 |DU.DU| x
108'. lu2-kin-na-tum sa-par4 la2 pu2-sag-e gub-ba
109'. szu-i pesz?-sza-a KA ku5-a suhusz la DU suh-suh
110'. gu4 {gesz}mar gu2-un-na-ka sag bala-e
111'. ansze ki {gesz}szu-dul4-sze3 gu2 x x KAL? u2 il2-il2
112'. sag ur3-ur3?-ba KA SA ga mu-[...]
113'. mar sze ur3 {gesz}li-li [...]
114'. ga2-la nu-dag A [...]
115'. SU HI {u2}|KI.KAL| HI [...]
116'. IM HI ZAR HI [...]
117'. x x HI nagar x [...]
118'. [...] x-e KA? [...]
119'. [...]
120'. [...]
121'. [...]
122'. [...]
123'. [...]
124'. [...]
125'. [...]
126'. gir4 [...] ninda kum2 [...]
127'. gesz [...]
128'. x [...]
$ rest missing
@surface b
1. [...]-ke4-en6
2. [...] x [...]-ak-am3
3. [...] x [...] ba-DU
4. [...]-ba gal2 im-du8-a ak
5. [...] nig2 sag? [...] x-du8?-u3
6. [...] DI-DI
7. [...] x DU [...]-a-ba
8. [...] x bi2-ib2-tuku x x [...]
9. [...] KAL x SAR-za x ur?-mah nu-BAD szi-im-SAR-e
10. usz ba-ra-x-a u3 gi-sig7 ba-ra-du3-a
11. e3-ba-ra [...] x szu im-dag?
12. e2-a e2 x x {gesz}bunx(|KI.BI|) esz-gar3-gu10-um
13. ku3-ge [...]-in-si-ig-ga-na MUNUS? nu-mu-ni-in-tu-ub
14. nam-kal-ga [...] ur5-sze3 mu-ni-in-du11
15. u4-ba uruda nig2 kal-ga ur-sag an-na-kam
16. su in-kal x x nu-mu-dab5 gig sza3 nu-hul x sag3
17. gu2 in-kal tug2-ga nu-gig-ge-bi nu-mu-na-an-du3
18. dingir-re-ne-er tug2 igi hul2-la-ni mu-ne-[...]
19. uruda nig2 kal-ga-a KA [...]
20. {d}a-nun-na-ke4-ne-er gu3 mu-ne-de2-e
21. {d}nin-sumun2 munus nam-nam-ma-ke4 szu dagal [...]-ni-in-x
22. du11?-ga-am3 x IN [...] gu sa-sa-sa
23. x NIG2 gesztu2 [...] ha?-lam?
24. x KA LUL-LUL-na suhusz?-gin7 bur12 [...] x
25. x GAN AN sza3? kusz2-gu10 [...]
26. e2-a izi-bi igi {d}en-lil2-la2-sze3 x [...]
27. NI x a kum2-ma AN sag-ga2 ga-an-[...]
28. uruda nig2 kal-ga ku3-ra mu-na-ni-ib2-gi4-gi4
29. ku3 a-gar5 LUL-LUL-na a2 kin nu-sukux(SUKUD)-ra2
30. lul-gu dub-ba kin uruda nu-ak-e
31. szu kiszib3-la2 nu-tuku kin x [...] du3?
32. gu2 si-ig nig2 nu-il2 gun2?-na nig2 nu-[...]
33. sza3 tukul-la su nu-tuku lu2-ulu3? a nu-e3 [...]
34. ma2 esir2 a-na i7-de3 lu2 nu?-mu?-[...]
$ rest broken
@surface c
1. [...] i3 im-ti-x
2. [...] la2 szagan i3 im-ti-ti
3. [...] pu2 lu2 szu du3-a
4. [...] szu lul-la du11-du11
5. [...]-ga szu-ni nig2-ku5-ra2 tum2-ma
6. [...] x lul-gu ur3 szu ur3-ur3
7. [...] x lu2-ta DI lu2-lul ba-si-si
8. x x bi2-in-kesz2-ra2-zu edin-na in-DU nu-un-DU he2-a
9. x x e3-a-zu da-ga-na lu2 ba-ra-ba-an-ga2-ga2
10. x x-da-zu-u3 a2 ki-in-du-ka sze ba-ra-ni-ib2-bulug3-e
11. sze guru7 ba-ra-dub-dub-be2 lu2 ba-ra-mu-hul2-le
12. bara2-ge guz-za sze ba-ra-am3-si-ge
13. {gesz}ma2-gur8 dim2-ma-za lugal ba-ra-am3-u3
14. {gesz}gigir-zu har-ra-an nig2 su3-ra2-ba lu2 ba-ra-mu-il2-le
15. x x gu7-a-zu e2-gal-la {gesz}banszur ba-ra-am3-gub-be2
16. x x gurusz-bi sze sur-ra-zu ur5 ba-ra-am3-sa6-ge
17. x gesz hi-a i3 du10-ga-zu sila-a ba-ra-gub-gub-be2
18. gesz ba-ra-ak-ke4-en6 gi ba-ra-ak-ke4-en6
19. [...] x-le
20. [...]-bi
21. [...] x
$ rest broken
@surface d
1. [...] an ki-ta ba9-ra2-ta
2. x x a na8-na8 nu-gal2-la-am3
3. x ug3-e u2 gu7-de3
4. a-a-gu10 {d}en-lil2-le u4 dili-a mu-tu-de3-en6-na-ta
5. {i7}idigna am gal-gin7 he2-ma-a-du7-u3
6. u4-ba giri3-zu nu-bad nu-u3-gub-gub
7. x x-e {d}en-lil2-la2-ka
8. x-e?-ta? nu-bad mu-da-a-zi
9. e2-ni-sze3 giri3-zu mu-szi-gub-gub
10. a2 sa gi4-a-ga2 ze2 ma-an-gar3-re-ne
11. he2-gal2 ug3-e ba-szum2-ma-ga2 x-ma ba-ni-ib2-du8-e
12. ku3 e2-gal-sze3 igi-zu bar-ra
13. x x-ke4 an mul gur5-a-gin7 x szu mi-ni-ib2-du7
14. ga-na kin a2-zu-a bi2-ak {d}en-lil2-ra mu-na-a-tah-ha
15. masz2-ud5-da-gin7 eme-bi u3-mu-u3-su3 igi ha-bi2-in-tu-u3-gin7
16. sza3-ba e2-gal-la-am3 ki-gub-zu-um {gesz}bunx(|KI.BI|) esz-gar3-zu-um
17. ku3 e2-gal nu ki-gub-zu nu ki-tusz-zu ga-ra-ab-pa3
18. lu2-u3-ne pisan tur-tur kal-kal-ga ma2-gin7 a-ra-an-du8-usz
19. {tug2}nig2-dara2 sumun-sumun-na-ni za-ra a-ra-ni-in-sub6-esz
20. sza3 e2 tur3-ra-ka lu2-u3 a2 a-ra-ni-in-ra
21. dug ka-bi usz2-sza-a-gin7 ugu2-za im i3-bi2-in-du8-esz2
22. e2 sza3-ga ki ku10-ku10-ga-ba
23. ki-tum2 ki sah6-sah6-a-bi-a lu2-u3 ki a-ra-ni-in-tum2
24. u4 ki duru5-u3 u3-ma-ti-a-ta
25. {uruda}ha-bu3-da u2 ki kal-ga szar2 nu-u3-da-gal2
26. ur5-ta en3-zu lu2-u3 nu-tar-re
27. u4 numun-ne2 u3-ma-ti-a-ta
28. {uruda}gin2 {gesz}apin dim2 nu-u3-da-gal2
29. ur5-ta en3-zu lu2-u3 nu-tar-re
30. en-te-ne2-e u3-ma-ti-a-ta
31. {uruda}ha-zi-in u2 ku5 nu-u3-da-gal2
32. ur5-ta en3-zu lu2-u3 nu-tar-re
33. u4 buru14-e u3-ma-ti-a-ta
34. {uruda}gur10 sze gur10-gur10 nu-u3-da-gal2
35. ur5-ta en3-zu lu2-u3 nu-tar-re
36. buru14 en-te-en-za {uruda}gin2 {uruda}bulug nig2 e2 du3-du3 u3 kir11 za-da nu-mu-da-gal2
37. ur5-ta en3-zu lu2-u3 nu-tar-re
38. ku3 sahar e2 sza3-ga gesztu2-ga u9-lu-a-me-en3
39. pesz2 ku4-kur e2 si-ga eme LI-LI sag3-ge
40. ku3 e2-gal nu ki-gub-zu-um
41. ki sah6 ki-tum2-ma-am3 ur5-ra-am3 ki-gub-zu-um
42. ku3 {gesz}bunx(|KI.BI|) nu esz2-gar3 nu sza3-ga tab esz2-gar3-zu-um
43. ku3 a-gar5 LUL-LUL-na a2 kin nu-sukux(SUKUD)-ra2
44. kin-gi4-a dingir dim2 szu-zu la-ba-tig4-ge26-da-a
45. ze2 ur-gin7 a-na-asz ma-an-du7-du7-de3-en
46. ku4-ba-ni musz e2 ku10-ku10-ga ki-tum2-za nu2-i3
47. uruda nig2 kal-ga-a ku3-ra
48. i-in gen6-na-ni mu-ni-in-dub2 sza3 hul mu-ni-in-dim2
49. i-in ur hul ti-a a pu2 mun-na-gin7
50. szu mu-na-ni-in-de6 igi mu-ta-an-lib4-lib4
51. ku3 ur-da igi lib4-lib4 nig2 gur4-ra-ni-sze3 nu-tum2
52. ku3-ge uruda nig2 kal-ga-a-ar mu-na-ni-ib-gi4-gi4
53. {gesz}al x x sag ki gul-la? zu2 ba-ra-a-ba-en6
54. {gesz}sumun-gi4 x x ki hi-hi mu-x sag-gag ba-ra-da-an-sar-sar
55. {gesz}sze-gesz-ra-ah garadin10 du6 gidru LAGAB-bi-ke4 lid2-da-ga-zu sa2-ma-ab
56. ma2 gu2-na pesz10 mu-x x he2-a-tig4-tig4-ge26
57. {gesz}ig gal e2 ge6-e he2-a-ra-ra-ra
58. tibira na4-da du7-du7 nunuz-da i3-kal ha-ra-ab-DU
59. gir4 si-zu-ta sahar ak
60. ki-gub kal lul-la mu-dub-dub
61. pesz2 ha-mu-du11 ki esz5-gar3 gi7-ra-ni
62. zu2-zu ki ba-al-la eme?-zu sahar bala-sze3 ak
63. {uruda}ha-bu3-da {gesz}al ki kal-ga-ke4 du5-bi dab5-ba-a
64. {uruda}gur10 u2 kal-ga-a izi dub-dub-ba
65. {uruda}ha-zi-in gesz sag szar2-re {gesz}szinig ma-nu zil bur12-e? zu2-bi gul-gul-la
66. {uruda}szum gesz hur-sag-ga2-ke4 gu2-ba nu2-nu2-a
67. lu2 ur3-ta szub-ba-gin7 ki?-du-e u3-um-ra-ra-an
68. ur erina8? tuku-gin7 {gesz}kiszi17 gal ad5 ha-ah-e u3-ma-a-ta-ab-guru6-guru6
69. nu-zuh ge6 an-na szu u3-mu-un-sar-ra-gin7
70. a lu3 gal-gal sag us2-sa mu a-ri u3-um-ta-a-si
71. sze bar-rim4-ma-a gu2 i7-da-asz u3-mu-il2
72. sze-gesz-i3 sur3-sur3-ra gu2 i7-da-asz u3-mu-il2
73. szum2-husz szum2-sikil szum2-za-ha-din gu7-a
74. lu-ub2{sar} absin3-na la gur-gur-ra x x x-le u3-mu-il2
75. mun gazi gu2 a-sza3-ga-ka gal2-la bala u3-mu-ak
76. gu4 udu sze hi-a u3-mi-gu7
77. szah2 kuruszda tu-tu x x MUNUS u3-mu-il2
78. ze2-da tur-tur-bi nig2-silag i3-bi2-gu7
79. szah2 gesz gal-gal-be2-e zid2-ku-ku u3-mi-tukur2
80. kun-zid{ku6} IL{ku6} suhur{ku6}-ra ku6 sza3 gal2-la
81. giraba{ku6} dun-a nunuz-bi gar-gar-gar-gar-a
82. gur8-gal{muszen} sud3-da u5{muszen} gal ab-sza3-ga
83. nunuz uz-a muszen hi-hi-a
84. nig2 du10-du10 edin-na i3-lu-a ne-ne-ha
$ rest broken
@surface e
1. x x PAD [...]
2. uruda nig2 kal-ga [...]
3. ku3 tur-tur 1(disz) gin2-a ga-mu-u3-szum2
4. 3(disz) ma-na 4(disz) ma-na sag he2-a-ag2?
5. lu2-ulu3 bulug3-e-de3 gesztu2 u3-mu-gub
6. ku3 tur-tur 5(disz) ma-na 1(u) ma-na mu-ur2-ra
7. u2 igi-a sa6 x-le e2-gal-la u3-[...]
8. lu2 SZIM mar-za-am3 x KA ha-ba-[...]
9. nam-ugula nu-banda3 gu2 mu-na-[...]
10. GAN2-am3 KA ha-ba-[...]
11. a-zu 3(disz) ma-na ge26-e ga-mu-na-[...]
12. gurusz tur3 i3 ga-gin7 gu2-ni u3-[...]
13. ku3 tur-tur 5(disz) ma-na 1(u) ma-na mu-u3-[...]
14. [...]-a e2-a-ka
$ rest broken
@surface f
1. [...] x [...]
2. x kin-gi4-a x [...]
3. {d}en-lil2-la2 dugud-a [...]
4. ku3 tur-tur 1(u) gin2 mu-ur2-ra [...]
5. hur-sag-ga2 kur ki nu-zu-u3 [...]
6. nag sze-gar ba-ra-[...]
7. u2 ga-mu-ni-ib2-gu7 [...]
8. kur-ta x [...]
9. sag-gu4-gal2 [...]
10. x x [...]
$ rest broken
@surface g
1. [...] x BI [...] su gal2 [...]
2. [...] IL? ma A na A [...]
3. [...] tesz2-a u4-sakar-ra ha-mu-x-[...]
4. [...] x a2 nam-szita4-a-ke4 szu ha-mu-[...]
5. [...] {d}en-lil2 am3-ga2-ga2
6. [...] x-na i3 szim {gesz}erin-na-ka ha-mu-ni-in-x
7. [...] lu2-ulu3 ug3 sag ge6-ge
8. [...] i3 szim {gesz}erin-na-ga2-ta-am3 ha-mu-ta-szesz4-e
9. [...] HI-bi-ra lugal-ga2 nig2-gig-bi-im
10. [...] x am3 da A [...]
11. [...] lu2-ulu3 mu-[...]
$ rest broken
@surface h
1. [...]-da sag?-ga2 szu [...]
2. [...] x RA AD ZU ha-mu-ni-ib2-x
3. [...] mul-e nu-zu-gin7 he2-em-[...]
4. [...] x NE sza3-gal-la-ni A ba la A
5. [...] x a-a-gu10 {d}en-lil2-ra mu-na-da-a-[...]
6. [...] igi nigin2-na-sze3 x bi2-se3-ge [...]
7. [...] 2(disz)? ma-na x [...]
$ rest broken
@surface i
1. [...] NIG2 [...]
2. [...] ma AB RA x x x x IL2? [...]
3. [...] UD AN nesag zu2 kesz2-ra2-gin7 [...]
4. {d}en-lil2-le dingir-ra x [...]
5. [...] x-gin7? MU u3 NE ib2-[...]
6. [...] {d}a-nun-na [...]
7. [...]-ga-ni in-LU? [...]
8. [...]-a u4 mi-ni-ib2-zal-zal-le
9. [...] ku4 [...]
10. ku3 uruda nig2 kal-ga-bi a-da-min mi2 du11-ga
11. uruda nig2 kal-ga ku3-ra e2 {d}en-lil2-la2-ka dub-sag-am3
12. a-a {d}en-lil2 za3-mi2
13. u4-ba u4 ba-zal-zal mu ba-su3-su3
14. guru7 x gu2 im-ma-dub gu szu ra [...]
15. mu u4 ul x e2-ba ba-an-x
16. an mul [...] gissu la2 [...]
17. ra? x [...] NE? gissu im-ma-x
18. mul-an-na [...]-ra nu-um-x
19. gesz-szudum-ma dub mul ku3-ta pa3-de3 x [...]
20. an ki-ta e11 x ba9-ra2 [...]
21. x x-ga ba-[...]
22. x x gu2-ni-a sza [...]
23. [...] ga a a ki?-ta i7 [...]
24. [...] sze gu-nu ha-mu-[...]
25. x-ta kur ha-mu-NE-in?-[...] du3?
26. x ha-mu-NE-in-gar e2-gal? ha-[...] gu2 ba-ra-ni-in-gar
27. [...] x x [...] x-in
28. [...]-a
29. [...]
30. {d}en-lil2-le ki-en-gi-ra gu3 hul2-la ba-an-de2
31. x x he2-gal2-la-ke4 nam-sipa-sze3 ba-an-il2
32. e2-kur {d}en-lil2-le du3-u3-de3
33. e2 dingir gal-gal-e-ne-ke4 pa e3 ak-ak-de3
34. e pa5-bi gu2-bi zi-zi-de3
35. {d}en-lil2-le sipa ur-{d}namma-ra
36. kal-ga a2 mah-a-ni-sze3 mu-na-da-an-szum2-mu
37. x x nam-lugal szu ti-a-na
38. x x du10-ga bi2-in-x-a-ta
39. uruda nig2 kal-ga szu mah mu-na-ab-du11
40. sipa ur-{d}namma-ke4 dugud-bi im-ta-an-x
41. uri2{ki}-ma e2-gal {d}suen-na im-ta-an-x
42. nibru{ki} e2-kur e2 {d}en-lil2-la2 im-ta-an-x
43. e2 dingir gal-gal-e-ne-ka pa e3 im-mi-in-ak
44. e pa5-re x gu2 an-sze3 bi2-in-zi
45. iri-ni x x mu-da-[...]
46. siki x [...] mu-da-[...]
47. i3 x [...] mu-da-[...]
48. ug3-e u2 nir-gal2 mu-da-gu7-u3-ne
49. ur-{d}namma gesztu2 dagal-la [...]
50. x gal-gal uruda nig2 kal-ga x x
51. x x bi2-ib2-il2-a-ka sza3 KA ki ba-an-[...]
52. x x nar-x-ni-sze3 ba-a-ar gu3 mu-na-de2-e
53. x x x x babbar-re-ke4 [...]
54. [...] uruda nig2 kal-ga-ke4 sag en im-ma-an-tar
55. [...] a2-tah-a-ne-ne [...]
56. [...]-a-ni du3-u3-de3 [...]
57. [...] nu-tak4 [...]
58. [...]-in-x-[...]
$ rest broken