&P366185 = CT 47, 63 #atf: lang akk @tablet @obverse 1. ap-lu!-ut be-le-su-nu _lukur_ {d}utu _dumu-munus_ ma-ni-um 2. {disz}geme2-{d}ma-mu _lukur_ {d}utu _dumu-munus_ sin-dingir 3. re-di-it wa-ar-ka-ti-sza _5(iku) GAN2 a-sza3 a-gar3_ puzur4-il3-a-ba4 4. i-ta _a-sza3_ {d}suen-na-s,ir _dumu_ sin-ma-gir u3 _a-sza3 a-gar3_ du-um-mu-qa2 5. _dumu-munus_ nu-ur2-i3-li2-szu u3 i-ta _a-sza3_ szu-i3-li2-szu _dumu_ u2-s,i2-ia-tum 6. _sag-bi 1(disz)-kam-ma_ a-tap _a-gar3 sag-bi 2(disz)-kam sag-du3_ 7. _1(bur3) 2(iku) GAN2 a-sza3 a-gar3_ puzur4-il3-a-ba4 i-ta nu-ur2-i3-li2-szu sza _siki-hi-a_ 8. u3 i-ta _a-sza3_ be-le-su-nu _lukur_ {d}utu _dumu-munus_ 9. _sag-bi 1(disz)_-kam-ma_ a-tap _a-gar3-sag-bi-2(disz)-kam a-sza3_ ur-{d}lugal-banda3{da} 10. _1(esze3) 3(iku) GAN2 a-sza3 a-gar3_ ak-ba-rum i-ta _a-sza3_ mu-na-wi-rum _dumu_ lu2-dingir 11. u3 i-ta _a-sza3 lukur_ {d}utu sza i-ta _a-sza3_ {d}suen-eri-ba _dumu_ dumu-zimbir{ki} 12. _sag-bi 1(disz)-kam-ma_ {i7}nu-ra-tum _sag-bi 2(disz)-kam-ma e_ sa-mu-um 13. _2(esze3) GAN2 a-sza3 a-gar3_ pa-hu-s,um{ki} 14. i-ta 15. _sag-bi 1(disz)-kam-ma sag-bi 2(disz)-kam-ma_ {i7}za-bu-um 16. ($ blank space $) _szunigin 2(bur3) 1(esze3) 4(iku) GAN2 a-sza3 a-gar3_-ri-sza-am 17. _1(disz) 1/3(disz) sar e2 du3-a u3 ki-gal2_ i-na _ga2-gi-a{ki}_ 18. _da e2_ geme2-kal-la-tim u3 _da e2 dumu-munus_ da-qum 19. _6(disz) sar e2 ki-gal2_ i-na zimbir{ki}-gal i-na _sila {d}imin-bi_ 20. _1(disz) sag-nita2_ {d}suen-ma-asz-ma-asz u3 _szesz-ni_ 21. _1(disz) sag-nita2_ a-na-pa-ni-{d}utu-na-di x _aszgab_ 22. _2(disz) {uruda}szen-hi-a_ mi-im-ma-an-nu-um bu-szu-sza sza wa-ar-ka-sa3 23. s,u2-lu-sza sza i-na i-ga-ri-im za-aq-pa-at 24. isz-tu pe2-e a-di _ku3-sig17_ sza be-le-su2-nu _dumu-munus_ ma-ni-um 25. ir-szu-u2 u3 i-ra-asz-szu-u2 sza geme2-{d}ma-mu-ma a-pil-ti-sza 26. _dumu-munus_ sin-dingir a-di be-le-su2-nu _lukur_ {d}utu ba-al-t,a3!-at! 27. mi-im-ma-sza qa2-ti geme2-{d}ma-mu u2-ka-al-ma 28. i-na _mu 1(disz)-kam 6(asz) sze gur 1(u) 2(disz) ma-na siki-ba_ 29. _2(ban2) 4(disz) sila3 i3-ba 6(disz) ezem-hi-a 2(ban2) zi3-da-hi-a_ 30. _2(disz) uzu-ta-a_ {disz}geme2-{d}ma-mu _lukur_ {d}utu dumu-munus_ sin-dingir i-pa-aq-qi2-si 31. _2/3(disz) ma-na 6(disz) gin2 ku3-babbar_ hu-bu-li {disz}be-le-su2-nu 32. {disz}geme2-{d}ma-mu _dumu-munus_ sin-dingir i-pu-ul 33. {disz}be-le-su2-nu u2-ul ih-ta-ba-al 34. mi-im-mu-sza an-nu-um a-na hu-bu-li-sza u2-ul iz-za-az 35. sza sze-a-am u3 _ku3-babbar_ i-qi2-pu-szi i-na mi-im-mu-sza i-te-el-li 36. isz-tu be-le-su2-nu ap-lu-sa3 an-ni-tum a-na geme2-{d}ma-mu 37. _dumu-munus_ sin-dingir id-di-nu-ma _mu 2(disz)-kam_ i-pe2-ru-szi 38. {disz}geme2-{d}utu _dumu-munus_ i3-li2-i-qi2-sza {disz}ni-szi-i-ni-szu _dumu-munus_ dingir-pi2-{d}utu 39. _dumu-munus-mesz_ a-ah-hi a-bi-sza a-na _a-sza3_-am sza pi2-i t,up-pi2 40. an-ni-im ir-du-ma-ma# t,up-pa-at nu-du-ni {disz}be-le-su2-nu 41. sza a-bu-sza id-di-nu-szi-im t,up-pa-at ap-lu-ut 42. {disz}na-ra-am-tum a-ha-at a-bi-sza @reverse 1. sza ap-lu-sa3 id-di-nu-szi-im-ma ma-li _sza3_ sza ma-s,i2-a-at 2. u3 t,up-pa-at _dumu-munus-mesz_ ah-hi a-bi-sza sza ir-gu-ma-szi-im 3. {disz}zi-im-ri-e-ra-ah ra-bi-a-an zimbir{ki} 4. u3 _kar_ zimbir{ki} i-na _ka2_ {d}utu i-mu-ru-ma 5. a-na pi2-i t,up-pa-ti-sza mi-im-ma-sza an-ni-a-am u2-bi-ir-ru-ma 6. a-na be-le-su2-nu id-di-nu asz-szum geme2-{d}utu u3 ni-szi-i-ni-sza 7. i-na la i-di-im ir-gu-ma-szi-im sze-er-tam i-mi-du-szi-na-ti 8. u3 t,up-pi2 la ra-ga-mi-im u2-sze-zi-bu-szi-na-ti 9. u3 be-le-su2-nu a-na szi-ma-ti-sza il-li-ku 10. t,up-pi2 ap-lu-tim t,up-pa-at um-ma-tim sza _a-sza3_-im u3 _e2_ 11. sza be-le-su2-na a-na geme2-{d}ma-mu _dumu-munus_ sin-dingir id-di-nu 12. u3 t,up-pi2 la ra-ga-mi-im sza _dumu-munus-mesz ah-hi a-bi-sza szu-zu-ba 13. {disz}{d}suen-dingir [a]-na ma-s,a-ar-tim i-na _e2_ i-ku-un#-pi4-sin a-hi-sza i-zi-ba 14. t,up-pa-tum szi-na i-na _e2_ i-ku-un-pi4-sin ih-li-qa2-ma 15. {disz}sin-dingir ma-har sin-isz-me-a-ni u3 _kar zimbir{ki}_ isz-ku-ma 16. i-ku-un-pi4-sin ki-ma t,up-pa-tum szi-na hal-qa2-a 17. [a]-na# sin-[isz]-me-a-ni u3 _kar_ zimbir{ki} iq-bi 18. i-na qa2-be2-e sin-isz-me-a-ni u3 _kar_ zimbir{ki} 19. t,up-pa-am an-ni-a-am u2-ba-al-li-t,u2-ma 20. t,up-pi2 ap-lu-tim t,u-pi2 um-ma-tim u3 t,up-pi2 la ra-ga-mi-im 21. sza geme2-{d}ma-mu _dumu-munus_ sin-dingir it-ti be-le-su2-nu la-qi2-a-at 22. i-na _e2_ i-ku-un-pi4-sin u3 e-ma in-nam-ma-ra 23. sza geme2-{d}ma-mu _dumu-munus_ sin-dingir _u4-kur2-sze3_ sza pi2-i t,up-pi2 an-ni-im 24. {disz}i-ku-un-pi4-sin _dumu-mesz_-szu u3 ni-szu-ut be-le-su2-nu 25. nita u munus_ ma-li i-ba-asz-szu-u2 a-na geme2-{d}ma-mu _dumu-munus_ sin-dingir 26. u2-ul i-ra-gu-um 27. _mu_ {d}utu {d}marduk u2 sa-am-su-i-lu-na _lugal_ it-mu-u2 $ single ruling 28. _igi_ sin-isz-me-a-an-ni ra-bi-a-an zimbir{ki} 39. _igi_ nu-ra-tum _dumu_ sin-an-nu-ni-tum 30. _igi_ sig-i3-li2-su _ugula dam-gar3-mesz_ 31. _igi_ akszak{ki}-i-din-nam _dumu_ ki-{d}en-lil2-qi2-in-ni 32. _igi_ sin-na-s,ir u3 ARAD-sin _dumu-me_ sin-i-din-nam 33. _igi_ dingir-lu-lim _dumu_ li-pi2-it-isz8-tar2 34. _igi_ sin-i-din-nam _dumu_ {d}utu-illat-su2 35. _igi_ i-ku-un-pi4-sin _dumu_ sin-ta-ia-ar 36. _igi_ ri-isz-{d}utu _dumu_ im-gur-akszak{ki} 37. _igi_ nu-ra-tum _dumu_ i-bi-{d}nin-szubur 38. _igi_ {d}utu-ba-ni _dumu_ sig-{d}iszkur 39. _igi_ ri-isz-{d}utu _dumu_ sig-{d}iszkur 40. _igi_ pa-le-e-{d}utu _dumu_ {d}utu-na-ap-sze-ra-am 41. _igi_ sig-an-nu-ni-tum 42. _igi_ i-bi-{d}nin-szubur _dumu_ nu-ur2-i3-li2-szu 43. _igi_ {d}iszkur-ma-an-szum2 _dumu_ ARAD-i3-366li2-szu _i3-du8 ka2 ga-gi-a_ 44. _igi_ geme2-{d}utu _dumu-munus sin-i3-qi2-sza _igi_ ni-szi-i-ni-szu _dumu-munus_ dingir-pi2-sza 45. _igi _sig-{d}a-a _dub-sar_ 46. iti gan-gan-e3 u3 2(u)-kam_ 47. _mu lugal im-gi4 gu2 bar-ra-na_ @envelope @obverse 1. [ap-lu-ut be-le-su2-nu _lukur_ {d}utu _dumu-munus_ ma-ni-um] 2. [{disz}a-ma]-at#-{d}ma-mu _lukur_ {d}utu _dumu-[munus_] {d}suen-[dingir] 3. [re-di]-it# wa-ar-ka-ti-sza# 4. [_5(iku)] GAN2# a-sza3 a-gar3_ puzur4-il3-a-ba4 i-ta {d}suen#-[na-s,ir _dumu_ sin-ma-gir] 5. u3 _a-sza3_ du-um-mu-qa2 _dumu-munus_ nu-ur2-i3-li2-[szu] 6. u3# i-ta _a-sza3_ szu-i3-li2-szu _dumu_ u2-s,i2-ia-tum 7. _sag-bi 1(disz)-kam-ma_ a-tap _a-gar3 sag-bi 2(disz)-kam sag-du3_ 8. _1(bur3)# 2(iku) GAN2 a-sza3 a-gar3_ puzur4-il3-a-ba4 i-ta nu-ur2-[i3-li2-szu sza _siki-hi-a_] 9. u3# i-ta geme2-{d}utu u3 ni-szi-i-ni-szu _dumu-munus-mesz_ ah-hi a-[bi-sza] 10. [_sag-bi] 1(disz)#-kam-ma_ a-tap _a-gar3 sag-bi-2(disz)-kam a-sza3_ [ur-{d}lugal-banda3{da}] 11. [_1(esze3) 3(iku) GAN2] a#-sza3 a-gar3_ ak-ba-ri i-ta mu-na-wi-[rum _dumu_ lu2-dingir] 12. [u3 i-ta {d}]suen#-i-qi2-sza-am _dumu_ {d}utu-kam u3 a-[sza3 lukur_ {d}utu] 13. [sza i-ta {d}suen]-eri#-ba-am _dumu_ dumu-zimbir{ki} 14. [_sag-bi 1(disz)-kam-ma_ {i7}nu]-ra#-tum _sag-bi 2(disz)-kam e_ sa-mu#-[um] 15. [_usz 1(disz)]-kam-ma ib? im usz 2(disz)-kam-ma [...] 16. [_2(esze3)] GAN2# a-sza3 a-gar3_ IRI-hu#-[s,um{ki}] 17. [_1(disz) 1/3(disz) sar e2 du3-a] u3 ki-gal2_ i-na ga2-gi-im 18. [_da e2_ geme2]-ka-al-la-tim u3 _da e2 dumu-munus#_ [da-qum] 19. _6(disz) sar# [e2 ki]-gal2_ i-na zimbir{ki}-gal i-na _sila [{d}imin-bi_] 20. _1(disz) sag-nita2_ {d}suen-ma-asz-ma-asz u3 _1(disz) sag-nita2 dumu-mesz_ [...] 21. _1(disz) sag-nita2_ a-na-pa-ni-{d}utu-na-di _aszgab#_ x [...] 22. _2(disz) {uruda}szen-hi-a_ mi-im-ma-an#-[nu-um bu]-szu#-sza# [wa-ar-ka-sa3] 23. s,u2-lu-sza sza i-na i-ga-ri#-[im za-aq-pa-at] 24. isz-tu pe2-e a-di _ku3-sig17_ sza be-[le-su2-nu _dumu-munus_ ma-ni-um] 25. sza a-ma-at-{d}ma-mu-ma _dumu-munus_ {d}suen-a-pil#-[ti-sza] 26. a-di-be-le-su2-nu ba-al-t,a3-at mi-im-mu-sza 27. qa2-ti {disz}a-ma-at-{d}ma-mu-ma u2-ka-al-ma 28. i-na _mu 1(disz)-kam 6(asz) sze gur 1(u) 2(disz) ma-na siki-hi-a <2(ban2)> 4(disz) [sila3 i3-ba_] 29. 6(disz) ezem-hi-a 2(ban2) zi3-da-ta-a u3 2(disz) uzu-ta-a#_ 30. {disz}a-ma-at-{d}ma-mu a-na be-le-su2-nu i-na-ad-di#-[isz-szi-im] 31. _2/3(disz) ma-na 6(disz) gin2 ku3-babbar_ hu-bu-li be-le-su2-nu 32. {disz}a-ma-at-{d}ma-mu _dumu-munus_ {d}suen-dingir i-pu-ul 33. {disz}be-le-su2-nu u2-ul ih-ta-ba-al 34. mi-im-mu-sza an-nu-um a-na hu-bu-li-sza u2-ul iz-za-az 35. sza sze-a-am u3 _ku3-babbar_ i-qi2-ip-pu-szi i-na mi-im-mu-sza# i-te-el-li 36. isz-tu be-le-su2-nu ap-lu-sa3 an-ni-tam 37. a-na a-ma-at-{d}ma-mu id-di-nu-ma _mu 2(disz)-kam_ i-pe2-ru-szi 38. {disz}geme2-{d}utu _dumu-munus_ i3-li2-i-qi2-sza-am u3 ni-szi-i-ni-szu _dumu-munus_ dingir-pi4-{d}utu 39. _dumu-munus-mesz_ ah-hi a-bi-sza a-na _a-sza3_ sza pi2-i t,up-pi2 an-ni-im 40. a#-na# be-le-su2-nu ir-gu-ma-ma 41. {disz}zi-im-ri-e-ra-ah ra-bi-a-an zimbir#{[ki]} 42. u3# _kar_ zimbir{ki} i-na _ka2_ {d}utu i#-mu#-ru#-[ma] 43. t,up-pa-at nu-du-ne2-e be-le-su2-nu _lukur_ {d}utu 44. sza a-bu-sza ma-la _sza3_-sza u2-sza-am-s,u2-u2-szi 45. t,up#-pa#-at ap-lu-ut na-ra-am-tum a-ha-at a-bi-sza 46. [sza ap]-lu-sa3 id-di-ni-szi-im-ma 47. [e-ma] e#-li-sza t,a3-bu ap-lu-sa3 na-da-nam isz-t,u2-ru-szi @reverse 1. u3 t,up-pa-at _dumu-munus-mesz_ ah-hi a-bi-sza sza ir-gu-ma-szi-im 2. i-mu-ru-u2-ma a-na pi4 t,up-pa-ti-sza mi-im-ma-sza an-ni-a-am 3. a-na [be]-le-su2-nu-ma u2-bi-ir-ru 4. asz-szum {disz}geme2-{d}utu u3 ni-szi-i-ni-szu i-na la i-di-im ir-gu-ma-szi 5. sze-ri-it {d}utu i-mi-du-szi-na-ti 6. u3 t,up-pi2 la ra-ga-mi-im u2-sze-zi-bu-szi-na-ti 7. isz-tu t,up-pi2 la ra-ga-mi-im u2-sze-zi-bu-szi-na-ti 8. u3 be-le-su2-nu a-na szi-ma-ti-sza il-li-ku 9. t,up-pi2 ap-lu-tim t,up-pa-at um-ma-tim sza _a-sza3 u3 e2_ 10. sza be-le-su2-na a-na a-ma-at-{d}ma-mu _dumu-munus_ sin-dingir id-di-nu 11. u3 t,up-pi2 la ra-ga-mi-im sza _dumu-munus-mesz ah-hi a-bi-sza szu-zu-ba 12. {disz}{d}suen-dingir a-na _e2_ i-ku-un-pi4-{d}suen# a-hi-sza 13. a-na ma-s,a-ar-tim i-zi-ba t,up-[pa-tum szi-na] 14. i-na _e2_ i-ku-un-pi4-{d}suen ih-li#-[qa2-ma] 15. {disz}sin-dingir ma-har {d}suen-isz-me-[a-ni] 16. u3 _kar zimbir{ki}_ isz-ku-ma# [ki-ma t,up-pa-tum szi-na hal-qa2-a] 17. i-ku-un-pi4-{d}suen a-na {d}suen#-[isz-me-a-ni u3 _kar_ zimbir{ki} iq-bi] 18. [i]-na# qa2-be2-e {disz}{d}suen-isz-me-a-[ni u3 _kar_ zimbir{ki}] 19. [t,up]-pa-szu an-ni-a-am a-na pi2-i szi-[bu-tim u2-ba-al-li-t,u2-ma] 20. [t,up]-pi2 ap-lu-tim t,up-pa-at um-[ma-tim u3 t,up-pi2 la ra-ga-mi-im] 21. [sza] a-ma-at-{d}ma-mu _dumu-munus_ {d}suen#-[dingir it-ti be-le-su2-nu la-qi2-a-at] 22. [i]-na# _e2_ i-ku-un-pi4-{d}suen [u3 e-ma in-nam-ma-ra] 23. [sza] a-ma-at-{d}ma-mu-ma# [_dumu-munus_ {d}suen-dingir ...] $ rest broken @seal 1 1. [...] 2. _dumu_ er3-ra-ba-ni @seal 2 1. [...] 2. _dumu_ [...] 3. _ARAD_ sza {d}[...] @seal 3 1. dingir-szu-ba-ni _dumu lugal_ @seal 4 1. {d}nin-szubur 2. _dumu an-na_ @seal 5 1. i-bi-[{d}nin-szubur] 2. _dumu_ nu-[ur2-i3-li2-szu] @seal 6 1. ri-isz-{d}utu 2. _dumu_ im#-gur#-[akszak{ki}] @seal 7 1. {d}utu-ba-ni 2. _dumu_ i-pi2-iq-{d}iszkur @seal 8 1. i-din-er3-ra 2. [_dumu_ ta]-pi2-gi-ri-{d}utu @seal 9 $ (uninscribed, with caption:) 1. _kiszib_ ARAD-sin @seal 10 $ (uninscribed)