&P271089 = EA 288 #atf: lang akk @tablet @obverse 1. [a]-na# {disz}lugal-ri _en_-ia _{d}utu#_-[ia] qi2#-[bi-ma] 2. um-ma {disz}ARAD2-hi-ba _ARAD2_-ka-ma 3. a-na 2(disz) _giri3-mesz lugal en_-ia 7(disz)-ta-a-an 4. u3 7(disz)-ta-a-an am-qut-mi 5. a-mur _lugal_-ri _en_-ia sza-ka-an 6. szum3-szu a-na mu-s,i _{d}utu_-szi 7. u3 ir-bi _{d}utu_-szi ha-an-pa 8. sza ih-nu-pu a-na mu-hi-ia 9. a-mur a-na-ku la-a _lu2_ ha-zi-a-nu 10. _lu2_ u2-e-u2 a-na _lugal_-ri _en_-ia 11. a-mur a-na-ku _lu2_ ru-'i3 _lugal_-ri 12. u3 u2-bi-il _gun lugal_-ri a-na-ku 13. ia-a-nu-mi _lu2_ ad-da-a-ni ia-a-nu-mi 14. _munus#_ um-mi-ia zu-ru-uh _lugal_-ri _kal-ga_ 15. sza#-ak-na#-[an-ni] i-na _e2 lu2_ ad#-da-[a-ni] 16. [...] 17. ka#-sza-ad a-na mu-hi-ia qa#-a [...] 18. na-ad-na-ti 1(u) _{lu2}ARAD2-mesz_ [a-na] qa#-ti#-[szu] 19. {disz}szu-u2-ta _{lu2}maszkim2 lugal_-ri ka-sza#-[ad] 20. [a]-na mu-hi-ia 2(u) 1(disz) _munus dumu-munus-mesz_ 21. 1(gesz2) 2(u)# _lu2-mesz_ a-szi2-ri na-ad-na-ti 22. [a]-na qa-ti {disz}szu-u2-ta _nig2-ba lugal en_-ia 23. li-im-li-ik-mi _lugal_-ri a-na _kur_-szu 24. hal-qa3-at _kur lugal_-ri gab2-ba-sza 25. s,a-ba-ta-ni nu-kur2-tu2 a-na ia-a-szi 26. a-di _kur-hi-a_ sze-e-ri{ki} a-di _iri_ gin2-ti-ki-ir-mi-il 27. szal-mu a-na gab2-bi _lu2-mesz_ ha-zi-a-nu-ti 28. u3 nu-kur-tu2 a-na ia-a-szi 29. ip-sza-ti e-nu-ma _lu2_ ha-pi2-ri 30. u3 la-a a-mar 2(disz) _igi-mesz lugal_ 31. _en_-ia ki-i nu-kur2-tu2 @reverse 1. a-na _ugu_-hi-ia sza-ak-na-ti 2. e-nu-ma _{gesz}ma2_ i-na lib3-bi _a-ab-ba_ 3. _szu_ zu-ru-uh _lugal kal-ga_ 4. ti-li-iq-qi2 _kur_ na-ah-ri-ma{ki} 5. u3 _kur_ ka-{ki} x ka-a-si{ki} u3 i-na-an-na 6. _iri-didli-hi-a lugal_-ri 7. ti-le-qe2-u2 _lu2-mesz_ ha-pi2-ru 8. ia-a-nu-mi 1(disz)-en _lu2_ ha#-zi-a-nu 9. a-na _lugal_-ri _en_-ia hal-qu gab2-bu 10. a-mur {disz}tu-ur-ba-zu _gaz#_ de4-ka 11. i-na _ka2-gal iri#_ si2-lu-u2{ki} qa-al _lugal_-ru 12. a-mur {disz}zi-im-ri-da _iri_ la#-ki#-si{ki} 13. ig-gi-u2-szu _ARAD2-mesz_ ip-szu a-n a _lu2#-mesz_ ha#-pi2#-ri# 14. {disz}ia-ap-ti-ih-{d}iszkur _gaz_ te-ka# 15. [i]-na# _ka2-gal iri_ zi-lu-u2 ka-al 16. [a-mi]-nim# la#-a i-sza-al-szu-[nu _lugal_-ru] 17. [u3 li]-is-kin2 _lugal_-[ru a-na _kur_-szu] 18. [u3] li#-din _lugal_-ru pa-ni-szu u3# [lu-s,i]-mi# 19. [_lu2-mesz] erin2-mesz_ pi-t,a-ti a-na _kur_-szu# 20. [u3] szum-ma ia-a-nu-mi _erin2-mesz_ pi-t,a-tu4 21. i-na _mu_ an-ni-ti hal-qa-at a-ba-da-at 22. :" gab2-bi _kur-hi-a lugal_-ri _en_-ia 23. la-a i-qa-bi-u2 a-na pa-ni _lugal en_-ia 24. e-nu-ma hal-qa-at _kur lugal en_-ia 25. u3 hal-qu gab2-bi _lu2-mesz_ ha-zi-a-nu-ti 26. szum-ma ia-a-nu-mi _erin2-mesz_ pi-t,a-tu4 27. i-na _mu_ an-ni-ti lu-ma-sze-er 28. _lugal_-ru _{lu2}maszkim2_ u3 li-il-qe2-a-ni 29. a-na ia-a-szi a-di _szesz-mesz_ u3 _ba-usz2_ 30. ni-mu-tu4 it-ti _lugal_-ru _en_-nu 31. [a-na] _{lu2#}dub-sar lugal_-ri _en_-ia 32. [um-ma] {disz}ARAD2-hi-ba _ARAD2_-ma a-na 2(disz) _giri3-mesz#_ 33. [am]-qut#-mi sze-ri-ib a-wa-_ta5-mesz#_ 34. ba#-na-ti a-na _lugal_-[i] 35. [ma-gal _{lu2}]ARAD2_-[ka u3] _{lu2#}dumu_-ka a-na-ku