&P270901 = EA 073 #atf: lang akk @tablet @obverse 1. a-na {disz}a-ma-an-ap-pa a-bi-ia 2. um-ma {disz}ri-ib-ad-da _dumu_-ka-ma 3. a-na _giri3-mesz_ a-bi-ia am-qu2-ut 4. _{d}nin_ sza _iri_ gub-la ti-din 5. ba-asz-ta-ka# i-na pa-ni 6. _lugal_-ri _en_-ka a-na mi-nim 7. qa-la-ta u3 la-a taq2-bu 8. a-na _lugal_-ri _en_-li-ka 9. u3 tu-s,a-na qa-du _erin2-mesz_ 10. pi2-t,a2-ti u3 ti-ma-qu2-tu 11. _ugu kur_ a-mur-ri szum-ma 12. ti-isz3-mu-na a-s,e2-mi _erin2-mesz_ 13. pi2-t,a2-ti u3 i-zi-bu _iri-mesz_-szu-nu 14. u3 pa-at,-ru at-ta u2-ul 15. ti-i-de _kur_ a-mur-ri i-nu-ma 16. a-szar da-an-ni ti-la-ku-na 17. u3 an-nu-usz i-na-an-na 18. [u2]-ul i-ra-a-mu a-na {disz}ARAD2-a-szi-ir-ta 19. mi#-na yi#-pu-szu a-na sza-szu#-nu 20. [u3] tu-ba-u2-na ur-ra @reverse 1. [u3] mu-sza-am a-s,e2 _erin2-mesz_ 2. pi2-t,a2-ti u3 ni-te9-pu-usz 3. a-na sza-a-sze u3 ka-li 4. _lu2-mesz_ ha-za-nu-ti7 tu-ba-u2-na 5. i-pe2-esz an-nu-tu4 a-na {disz}ARAD2-a-szi-ir-ta 6. i-nu-ma yi-isz3-ta-par2 a-na _lu2-mesz_ 7. _iri_ am-mi-ia du-ku-mi _en_-ku-nu 8. u3 in-ne2-ep-szu a-na 9. _lu2-mesz gaz_ ki-na-na ti-iq-bu-na 10. _lu2-mesz_ ha-za-nu-tu4 ki-na-na 11. yi-pu-szu a-na ia-szi-nu 12. u3 ti-ne2-pu-szu ka-li _kur-mesz_ 13. a-na _lu2-mesz gaz_ u3 qi2-ba-mi 14. a-wa-ta5 an-ni-ta a-na pa-ni 15. _lugal_-ri _en_-li-ka i-nu-ma 16. a-bu u3 be-lu at-ta-ma 17. a-na ia-szi u3 a-na ka-ta5 18. pa-ni-ia na-ad-na-ti 19. ti-i-de pa-ar-s,a-ia 20. i-nu-ma i-ba-sza-ta i-na 21. _iri#_ s,u#-mu-ra i-nu-ma 22. _ARAD2_ ki#-it-ti-ka a-na-ku 23. u3 qi2-bi a-na _lugal_ be-li-[ka] 24. u3 tu#-wa-sza- til-la-tu a-[na] 25. ia-szi ki-ma ar-hi-isz3