&P270899 = EA 114 #atf: lang akk @tablet @obverse 1. [{disz}ri-ib-{d}iszkur isz-ta-par] a-na _en_-[szu] 2. [_lugal kur-mesz lugal gal lugal_] ta#-am-ha-ar# 3. _{d}nin#_ sza# _iri#_ gub#-la ti-di-in4 4. _kal-ga_ a-na _lugal en_-ia a-na _giri3-mesz_ 5. _en_-ia _{d}utu_-ia 7(disz)-szu 7(disz)-ta-an 6. am-qu2-ut lu-u2 i-de _lugal en_-ia 7. i-nu-ma nu-kur2 {disz}a-zi-ru it#-ia 8. u3 s,a-bat 1(u) 2(disz) _lu2-mesz_-ia u3 sza-ka-an 9. ip-t,i3-ra be-ri-nu 5(u) _ku3-babbar_ u3 10. _lu2-mesz_ sza-a usz#-szi-ir-ti a-na 11. _iri_ s,u-mu-ra s,a-ab-bat i-na 12. _iri#_ ya-a'2-li-ia _{gesz}ma2-mesz lu2-mesz_ 13. _iri_ s,ur#-ri _iri_ be-ru-ta _iri_ s,i2-du-na 14. gab2-bu i-na _kur_ a-mur-ri szal-mu szu-nu 15. a-na-ku-mi nu#-kur2 u3 an-nu-u2 i-na-na 16. nu-kur2 {disz}ia-pa-{d}iszkur it-ti {disz}a-zi-ri 17. a-na ia-szi u3 al-lu-u2 s,a-bat _{gesz}ma2_-ia 18. u3 al-lu-u2 ki-na-na-ma yi-te9-lu 19. i-na lib3#-bi a-ia-ba asz-szum s,a-ba-at 20. _{gesz}ma2-mesz_-ia u3 ya-am-lik _lugal_ 21. a-na _iri_-szu u3 _ARAD2_-szu u3 _lu2-mesz_ 22. hu--szi-ia pa-t,a2-ra-ma tu-ba-u2-na 23. szum-ma la-a ti-le-u2 la-qa-ia# 24. isz-tu qa-at na-ak-ri-ia u3 25. te-ra-ni a-wa-ta5 u3 i-de 26. ip-sza sza i-pu-szu a-nu-ma 27. ki-ma isz-[tap]-ru a-na ka-ta5 _ugu_ 28. _iri_ s,u-mu-ra a-nu-ma i-ti-lik 29. u3 ah#-ta-ni _erin2-mesz#_ a-na 30. [na-s,a-ri]-szi# u3 a-nu- i-te9-zi-ib-szi 31. [u3 pa-at,-ru] _un_-tu3 u3 32. [ki-na-na isz-tap]-ru a-nu-ma @reverse 1. [...] _dumu_ szi-ip-ri-[ia] 2. [usz]-szi-ir-ti-szu u3 asz-ta-ni 3. ma#-ni _u4-kam2-mesz_ u2-wa-szi-ru-szu 4. u3 la-a yi-le-u2 5. i-re-ba a-na _iri_ s,u-mu-ra s,a-ab-tu 6. ka-li _kaskal-mesz_ a-na sza-a-szu 7. a-na nu-kur2 sza-a _ugu_-ia u3 _ugu_ 8. _iri_ s,u-mu-ra szu-ut i-da-gal 9. 2(disz) _iti_ a-szi-ib it-ti-ia _ugu_ 10. sza ma#-an-ni yu-pa-szu ki-a-ma 11. _ARAD2_ ki-ti-ka _ugu_ a-ra-di-ka 12. szum-ma la-a ti-li-u2 la-qi2 _ARAD2_-ka# 13. u3 usz-szi-ra _erin2-mesz_ pi2-t,a2-ti 14. ti-il3-qi2-ni da-mi-iq it-ta-ka 15. a-ia-bu _lugal nu-kur2_ it-ia u3 _lu2-mesz_ 16. ha-za-nu-szu sza-a yi-ma-li-ku# 17. a-na sza-a-szu-nu ki-na-na-ma 18. ma-ri-is, ma-gal a-na ia-szi 19. al-lu {disz}a-ma-an-ma-sza sza-nu 20. sza-al-szu szum-ma la-a _kur_ a-la-szi-ia 21. usz-szi-ir-ti-szu# a-na mu-hi-ka 22. mi-lik a-na _ARAD2_ ki-ti-ka# pa#-na#-nu 23. isz-tu _kur_ ia-ri-mu-ta 24. tu-ba-li-t,u2-na _lu2-mesz_ 25. hu-up-szi-ia u3 an-nu-u2 26. an-nu-u2 la-a ia-di-nu-szu-nu# 27. {disz}ia-pa-{d}iszkur a-la-kam a-[na] 28. [mi-ni qa]-la#-ta _lu2-mesz_ ma-s,a-ar#-[ti] 29. [_lugal_-ru iu2]-wa-szi-ru-na 30. [a-na na-s,a-ar _ARAD2_ ki]-ti#-ka# 31. [u3 x _lu2-mesz kur_ me-lu]-ha# 32. [...] x x [...] @left 1. a-ia-bi# _lugal#_-[ri] u3 ti-da-lu-na 2. ha-za-na sza-a yu-ra-du-ka i-na 3. ki-ti sza-ni-tam mi-lik a-na ia-szi# 4. mi#-ia i-ra-mu u3 a-mu-ta# 5. al-lu {disz}ia-pa-{d}iszkur it-ti {disz}a-zi-ri#