&P270898 = EA 074 #atf: lang akk @tablet @obverse 1. {disz}ri-ib-ad-da iq-bi a-na _en_-li#-[szu] 2. _lugal kur-kur lugal gal lugal_ ta-am-ha-ar _{d}[nin_] 3. sza _iri_ gub-la ti-di-in _ga-kal_ a-na [_lugal_] 4. _en_-ia a-na _giri3-mesz en_-li-ia _{d}utu_-ia 5. 7(disz)-szu 7(disz)-a-an am-qu2-ut lu-u2 i-de _lugal_-ru 6. _en_ i-nu-ma szal-ma-at _iri_ gub-la _geme2_ 7. ki-it-ti sza _lugal_-ri isz-tu _u4-kam2-mesz_ 8. sza ab-bu-ti-szu u3 an#-nu-usz i-na-an-na 9. i-te-zi-ib _lugal_-ru _iri_ ki-it-ti-szu 10. isz-tu qa-ti-szu li-da#-gal _lugal_ t,up-_pi2#-mesz_ 11. sza _e2_ a-bi-szu i-nu-ma u2-ul _ARAD2_ ki-ti 12. _lu2_-lim sza i-ba-asz-szi i-na _iri_ gub-la 13. u2-ul ta-qa-al-mi a-na _ARAD2_-ka szum-ma 14. _ga-kal_ nu-kur2-tum sza _erin2-mesz gaz ugu_- u3 15. _dingir-mesz kur_-ka# _ti#_ ga-am-ru _dumu-mesz_-nu {munus}_dumu-munus-mesz_- 16. qa-du#-_gesz!? e2!_-nu i-na# na-da-nim i-na _kur_ ia-ri-mu-ta 17. i-na ba-la#-t,a2 _zi_-nu _a-sza2_-ia asz-sza-ta 18. sza la mu#-ta ma-szi-il3 asz-szum ba-li 19. i-re-szi-im# gab2- _iri-mesz_-ia sza i-na 20. _hur-sag_ :" ha-ar-ri u3 i-na a-hi a-ia-ab 21. i-ba-asz-szu i-ne2-ep-szu a-na _erin2-mesz gaz_ 22. _iri_ gub- qa-du 2(disz) _iri-mesz_ ir-ti-hu a-na ia-szi 23. u3 an-nu-usz i-na-an-na il3-ti-qe2 24. {disz}ARAD2-a-szi-ir!-ta _iri_ szi-ga-ta a-na sza-a-szu 25. u3 iq-bi a-na _lu2-mesz iri_ am-mi-ia du-ku-mi 26. _en#_-la-ku-nu u3 i-ba-sza-tu-nu ki-ma ia-ti-nu 27. u3 pa-asz-ha-tu-nu u3 ti-ne2-ep-szu ki-ma 28. [a]-wa#-te-_mesz_-szu u3 i-ba-asz-szu ki-ma 29. _lu2-mesz gaz_ u3 an-nu-usz i-na-an-na 30. isz-tap-pa-ar {disz}ARAD2-a-szi-ir-ta a-na _erin2-mesz_ 31. ina? e2 nin-urta_ pu-hu-ru-nim-mi u3 @reverse 1. ni-ma-qu2-ut _ugu iri_ gub-la szum-ma ia-[nu] 2. _lu2_-li3 sza u2-sze20-ze-bu-sze# isz-tu qa-ti-nu# 3. u3 nu-da-bir5 _lu2-mesz_ ha-za-nu-ta isz-tu 4. lib3-bi _kur-kur{ki}_ u3 ti-ne2-pu-usz ka-li _kur-kur-mesz{ki}_ 5. a-na _lu2-mesz gaz#_ u3 ki#-tu# ti-in--ma 6. a-na ka-li _kur-kur{ki}_ u3 pa-asz-hu _dumu-mesz_ 7. u3 {munus}_dumu-munus-mesz_ a- da-ri-ti _u4-kam2-mesz_ 8. u3 szum-ma ap-pu-na-ma yu-s,a-na _lugal_-ru 9. u3 ka-li _kur-kur{ki}_ nu-kur2-tu4 a-na sza-szu 10. u3 mi-na yi-pu-szu a-na ia-szi-nu 11. ki-na-na ti-isz3-ku-nu _nam-erim2#_ a-na be-ri-szu-nu 12. u3 ki-na-na pa-al-ha-ti ma-gal ma-gal <> 13. [i]-nu-ma ia-nu _lu2_ sza u2-sze-ze-ba-an-ni 14. [isz]-tu qa-ti-szu-nu ki-ma _muszen-mesz_ sza 15. i-na lib3-bi hu-ha-ri :" ki-lu-bi 16. sza-ak-na-at ki-szu-ma a-na-ku i-na 17. _iri_ gub#-la# am-mi-ni ta-qa-al-mi a-na _kur_-ka 18. a-nu-ma ki-a-ma asz-ta-pa-ar a-na _e2-gal_ 19. u3 u2-ul ti-isz3-mu-na a-wa-tu-ia 20. a-nu-ma {disz}a-ma-an-ap-pa it-ti-ka sza-al-szu 21. szu-ut yi-de u3 ia-ta-mar pu-usz-[qa] 22. sza _ugu_-ia li-isz3-me2 _lugal_-ru a-wa-te _ARAD2_-szu 23. u3 ia-di-na ba-la-t,a2 _ARAD2_-szu 24. u3 yu-ba-li-it, _ARAD2_-szu u3 25. a-na-s,a-ra# [_iri_] ki#-it-ti-szu a-di _nin#_-nu 26. _dingir-mesz_-nu a-[na ka-ta5] u3 yi-da-gal# [_lugal_] 27. [_kur_]-szu u3 [_ARAD2_-szu yi-im]-lik a-na _kur#_-[szu] 28. u3 szu-up#-[szi-ih _kur_]-ka#-ma li-it-ri-is,# 29. i-na pa-ni _lugal# en#_-ia yu-wa-szi-ra @left 1. _lu2#_-szu u3 yi-zi-iz i-na-an-na u3 ak-szu-ud# 2. a-na-ku a-na _ugu lugal_-ri _en_- da-mi-iq it-ti-ka 3. a-na ia-szi mi-na i-pu-szu-na a-na-ku i-na 4. [i]-de-ni-ia a-nu-ma ki-a-ma u2-ba-u2 ur-ra 5. mu-sza#