&P270889 = EA 010 #atf: lang akk @tablet @obverse 1. [a-na na-ap]-hur#-ra-re#-ia# _lugal kur_ mi#-[is,-ri-i qi2-bi2-ma] 2. um#-ma bur-ra-bu-ri-ia-asz _lugal kur_ ka-ra-an-du#-ni#-[ia-asz] 3. a-na ia-a-szi szu-ul-mu# 4. a-na ka-a-sza a-na bi-ti-ka a-na asz-sza-ti-ka a-na# [_dumu-mesz_-ka] 5. a-na ra-ab-bu-ti-ka a-na s,a-bi-ka 6. a-na _{gesz}gigir-hi-a_-ka a-na si-si-ka u3 a-na ma-ti-ka 7. da-an-ni-isz lu szu-ul-mu $ single ruling 8. isz-tu ka-ra-in-da-asz isz-tu _dumu-mesz_ szi-ip-ri 9. sza ab-bi-ka a-na mu-uh-hi ab-bi-ia it-ta-al-la-ku-ni 10. a-di i-na-an-na t,a-bu-tu szu-nu 11. i-na-an-na a-na-ku u3 ka-sza t,a-bu-tu ni-nu 12. _dumu-mesz_ szi-ip-ri-ka a-di 3(disz)-szu it-ta-al-ku-ni 13. u3 szu-ul-ma-na ba-na-a mi-im-ma ul tu-sze-bi-lam 14. u3 a-na-ku-ma szu-ul-ma-na ba-na-a 15. mi-im-ma ul u2-sze-bi-la-ku 16. a-na ia-a-szi-ma mi-im-ma ul aq-ra 17. u3 a-na ka-sza-ma mi-im-ma ul a-qar-ku 18. _dumu_ szi-ip-ri-ka sza ta-asz-pu-ra 19. 2(u) _ma-na ku3-sig17_ sza na-sza-a ul ma-li 20. u3 a-na u2-tu-ni ki-i isz-ku-nu 5(disz) _ma-na ku3-sig17_ ul i-la-a 21. [...] sza# i-la-a i-na s,a-la-mi pa-an di-ki-ni sza#-ki#-in 22. [_ku3-sig17_ im-ma]-ti#-ma-a u'-e-du 23. [... ni]-nu# t,a-bu-tu it-ti a-[ha-mi-isz] 24. [...] ul# ip-pu# [x x] $ rest broken @reverse $ beginning broken 1'. [...]-e sza ri-mi a-na x x [...] 2'. [x (x)] x x-i-mu-szu-nu-ti _dumu_ szi-ip-ri-ka ki-i il-x x 3'. li-il-qa-a 4'. u3 _nagar-mesz_ le-u2-tu i-tu-ka i-ba-asz-szu-u2 5'. u2-ma-ma lu sza ta-ba-li lu sza _i7_ 6'. a-na#-pi#-i ba-al-t,i li-ma-asz-szi-lu-ma ma-asz-ku 7'. ki-i sza ba-al-t,i-ma lu e-pu-usz _dumu_ szi-ip-ri-ka li-il-qa-a 8'. u3 szum-ma la-bi-ru-tu ep-szu-tu i-ba-asz-szu-u2 9'. ki-i {disz}szi-in-di-szu-ga-ab _dumu_ szi-ip-ri-ia ik-ta-al-da!#-ku 10'. _{gesz}gigir-mesz#_ ki-i ka-al-li-e ha-mu-ut-ta li-isz-sza-am-ma 11'. a-na mu-uh#-hi-ia li-ik-szu-da 12'. u3 esz#-szu#-ti ar-ku-ti li-pu-szu-ma 13'. ki-i _dumu_ szi-ip-ri-ia u3 _dumu_ szi-ip-ri-ka il-la-ka 14'. it-ti a-ha-mi-isz li-il-qu2-ni 15'. a-na szu-ul-ma-ni-ka 2(disz) _ma-na {na4}za-gin3_ ul-te-bi-la-ku 16'. u3 asz-szu _dumu#-munus_-ka {munus}ma-i-ia-at# ki-i esz-mu-u2 17'. 1(disz) _{na4}gu2#_ sza ti-im-bu#-e-ti sza _{na4}za-gin3_ 18'. 1(disz) lim 4(u) u3 8(disz) mi-nu-szi-na 19'. a-na szu-ul-ma-ni-sza ul-te-bi-la-asz-szi 20'. u3 ki-i _dumu_ szi-ip-ri-ka it-ti {disz}szi-in-di-szu-ga-ab 21'. [il-la-ka x-x-x] e-pu-usz-ma u2-sze-ba-la#-asz#-szi#