Search the CDLI collection

Search Guide
Search parameters
Simple search Search settings
Showing 25 entries of 803 results found in 0.624 s

Filters

Artifact

Textual

Publication

Credits

Data

No image available

CDLI Seals 024396 (physical) (P546959)

Seal

Seal No.: S024396

Primary Publication: Feingold, Rony (2014) Engraved on stone pl. 20, no. 833

Collection: Israel Antiquties Authority, Jerusalem, Israel

Museum no.: IAA 65-149

Provenience: uncertain (mod. uncertain)

Period: Old Babylonian (ca. 1900-1600 BC)

Object Type: seal (not impression) > Cylinder seal

Material: stone > mineral > chalcedony

Transliteration:
 atf: lang akk
object seal
surface a
column 1
1. a-bi2-DINGIR
2. _ARAD_ {d}utu
column 2
1. a-bi2-DINGIR
2. _dumu_ e-tel-KA-szu-nu
3. _ARAD_ {d}he?-li2
4. u3 {d}nisaba

No image available

ZA 111, 036 113 (P529613)

Has seal impression(s)

Impressed with seal(s): S003775

Primary Publication: Ozaki Tohru; Sigrist, Marcel; Steinkeller, Piotr (2021) Ozaki et al. ZA 111 036 113

Collection: anonymous

Museum no.: Anonymous 529613

Provenience: Irisagrig (mod. uncertain)

Period: Early Old Babylonian (ca. 2000-1900 BC)

Object Type: tablet or envelope > tablet

Material: clay

Transliteration:
 atf: lang sux
tablet
obverse
1. 1(disz) masz2-gal [...]
2. [...]
3. [...]
4. 1(disz) [...]
5. 1(disz) [...]
6. {d}nin-[...]
7. gudu4 {d}inanna
8. u-bar-{d}inanna
9. an-na-en-[...]
10. {d}suen
11. {d}dam-gi!-na
12. [...]
13. [...]
14. {d}ul-[...]
15. {d}nin-IN-[...]
16. {d}nin-[...]
17. {d}nin-hur-sag
18. {d}[...]
19. {d}nisaba
20. {d}gesztin-an-na
reverse
1. 1(disz) masz2-gal nu x x [...]
2. 1(disz) udu a-lum {d}nin-e2-gal
3. 1(disz) masz2-gal {d}nin-[...]
4. 1(disz) masz2-gal {d}nin-{si}isin2-na
5. 1(disz) masz2-gal {d}pa5-szu-gi4-tum
6. esz3-esz3 e2 u4 1(u) 5(disz)
7. 7(disz) masz2-gal e2 [...]
8. giri3 hur-sag?-[...]
9. ki be-li2-i3-li2 nu-banda3-ta
10. ba-[zi]
11. iti a2-ki-ti
12. u4 1(u) [ba-zal]
13. mu us2-sa [...]
14. lugal [...]
15. mu-[...]
seal 1
1. ma-at-i3-li2
2. dumu ba-ba

No image available

Al-Adab 125, p. 368 no. 4 (P521759)

Primary Publication: Ali, Munther (2018) Ali Al-Adab 125 p. 368 no. 4

Collection: National Museum of Iraq, Baghdad, Iraq

Museum no.: IM 214456

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šū-Suen.07.00.00 (us2 year)

Transliteration:
 atf: lang sux
tablet
obverse
1. [n] 3(disz) sila3 zi3 sig15
2. [n?] 2(disz) [sila3] zu2-lum
3. 6(disz) sila3 zi3#-gu#
4. 2(disz) sila3 esza#
5. 2(disz) sila3 zi3 dub-dub
6. 1(ban2) kasz du
7. [n] sila3# i3-nun
reverse
1. 1/2(disz)# sila3 [zi3] ISZ
2. 1(u) gin2 x hi-a
3. siskur2 {d}nisaba
4. ezem sze-sag11-ku5
5. ki {d}szara2-kam-ta
6. szu ur-e2#?-mah
7. [mu] us2#-sa# {d}szu-{d}suen lugal-e na-ru2-a mah ba-du3

No image available

MDP 24, 393 (P524455)

Primary Publication: Scheil, Vincent (1933) MDP 24 393

Collection: National Museum, Tehran, Iran

Museum no.: NMI BK — ?

Provenience: Susa (mod. Shush)

Period: Old Babylonian (ca. 1900-1600 BC)

Object Type: tablet or envelope > tablet

Material: clay

Transliteration:
 atf: lang akk
tablet
obverse
1. asz-szum _e2 du3-a_ sza3 i-na te-em-[ti-ra-ap-ta-asz]
2. u3 ku-du-zu-lu-usz ra-bi-[a-ni]
3. {disz}a-bi-i3-li2 a-na ku-uk-a-da#-[ar]
4. a-na szi2-mi ga-am-ri id-di-nu#
5. {disz}puzur2-{d}te-ep-pu-na _dumu_ a-bi-i3-li2
6. u3 ap-lu-szu
7. a-na i-qi2-szu-ni a-na di-nim it-te-[bu]
8. um-ma szu-nu-ma _e2 du3-a_ a-bu-ni
9. a-na a-bi-ka u-ul id-di-im-mi
10. tup-pa-ka sa3-ar-ra-at-mi
11. a-wi-lu-u2 ma-du-tu iz-zi-zu-ma
12. da-a-a-nu-us-su2-nu i-pu-szu-ma
13. ni-isz _dingir_ i-qi2-szu-ni i-mi-du-szu-ma#
14. i-na _e2_ {d}inanna {disz}i-qi2-szu-ni
15. ka-a-am it-ma um-ma szu-ma
16. at-ta {d}inanna lu ti-de
17. tup-pi sa3-ar-ti la e-pu-szu
18. u3 tup-pa an-ni-ta a-bi lu-zi-ba-am-ma
19. {disz}i-qi2-szu-ni it-ma-ma
20. _e2 du3-a_ u2-bi-bu-szu
21. _igi#_ {d}iszkur-ba-ni _dumu_ ip-qi2-{d}|MUSZ3.EREN|
22. [_igi_] ma#-an-nu-ba-lu#-i3-li2
23. [_igi_ ...]-qi2-isz _dumu_ {d}|MUSZ3.EREN|-mu-[...]
24. [_igi_ {d}]iszkur#-ba-ni pa#-[szi2]-szi2 sza3 {d}[...]
25. [_igi_ u2]-s,i2-i-na#-pu-usz{ki}
26. [_igi_ ...] pa-szi2-szi2 sza3# {d#}inanna#
27. [_igi_ x]-x-{d}nisaba#?
reverse
1. [_igi_ {d}]|MUSZ3#.EREN|-x-x a-hi-szu
2. [_igi_] sin-sze-mi _dumu_ a-na-[{d}]utu-lu-s,i2!(RI)
3. _igi_ {d}utu-mu-ba-li-it, _dumu_ li-ib-szi?
4. _igi_ el-me-szi2 ha-tan a-da-ra
5. _igi_ {d}|MUSZ3.EREN|-<mu>-sze-zi-ib _dumu_ dam-qi2-ia
6. _igi_ dam-qi2-ia _dumu_ sza3-ab-re-e
7. _igi_ hu-un-di-la-tu _dumu_ ra-bi#-bi
8. _igi_ be-li-i _dumu_ {d}|MUSZ3.EREN|-dingir _muhaldim_
9. _igi_ sza3-al-lu-uh _dumu_ tu-uk-ki-ia
10. _igi_ i3-li2-AB-ru-u2 a-hi-szu _igi_ i-lu-KU-ti-ia#
11. _igi_ li-isz-li-mu-ni _dumu_ zi-zi-i
12. _igi_ i-ri-szu-szu _igi_ ta-at-ta-a _szu-ku6#_
13. _igi_ a-hu-um-ma-a-a _dumu_ tu-uk-ki-ia
14. _igi_ ra-bi-{d}isztaran _dumu_ ap-li-ia
15. _igi_ sin-i-qi2-sza3 _dumu_ ik-szu-di
16. _igi_ szu-la-ni _igi_ bi-tu-x x x x x _szu-ku6_
17. _igi_ dingir-lum-ba-ni-ma _igi_ dam-[...]
18. _igi_ isz-me-an-ni _dumu_ be-li-[...]
19. _igi_ {munus}a-da-ri-ti _dumu-munus_ dam-[...]
20. _igi_ ip-di-{d}iszkur _dumu_ u2-ku-un-[...]
21. _igi 3(u) 4(disz)? ab-ba-mesz_ an-nu-ti x
22. {disz}i-qi2-szu-ni i-na _e2#_ {d}inanna# [it-ma-ma]
23. {disz}[puzur2]-{d}te-ep-pu-[na u3 ap-lu-szu]
24. u2-[ta-am]-mu-szu [...]
25. _e2# du3-a_ u2-bi-[bu-szu]

No image available

Mohammed diss, SM 1185 (P521801)

Primary Publication: Mohammed, Fatima Kazem Abbas (2018) Mohammed diss, SM 1185

Collection: Sulaimaniya Museum, Sulaimaniya, Iraq

Museum no.: SM 1185

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šū-Suen.04.00.00

Transliteration:
 atf: lang sux
tablet
obverse
1. 1(gesz'u) 4(gesz2) 2(u) 6(asz)# 1(barig) sze gur lugal
2. ki {d}nisaba-an-dul3 szabra-ta
3. {d}nisaba-an-dul3 szabra
reverse
1. szu ba-ti
2. giri3 ma-szum
3. sze i-ISZ-gu-la
  blank space
4. mu us2-sa si-ma-num2{ki} ba-hul

No image available

CUSAS 40, 1230 (P516014)

Has seal impression(s)

Impressed with seal(s): S999999

Primary Publication: Sigrist, Marcel; Ozaki Tohru (2019) CUSAS 40 1230

Collection:

Museum no.: IM —

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šū-Suen.04.00.00 (us2 year)

Transliteration:
 atf: lang sux
tablet
obverse
1. 2(u)! 5(asz) 3(barig) sze gur lugal
2. ki {d}nisaba-an-dul3-ta
3. {d}nisaba-an-dul3
4. szu ba-ti
5. kiszib3 ur-{d}en-lil2-la2
6. giri3 ur-[...]
reverse
1. a-sza3 esz3 gu-la
2. mu us2-sa si-ma-num2{ki} ba-hul
seal 1
1. ur-[{d}en]-lil2-[la2]
2. [dub-sar]
3. [...]

No image available

CUSAS 40, 1708 (P516492)

Primary Publication: Sigrist, Marcel; Ozaki Tohru (2019) CUSAS 40 1708

Collection:

Museum no.: IM —

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Amar-Suen.08.01.00 (us2 year)

Transliteration:
 atf: lang sux
tablet
obverse
1. 1(u) 2(disz) dug-gal 2(ban2)-ta
2. 8(disz) dug za3-sze3-la2 5(disz@t) sila3-ta
3. ma2-a ba-a-gar
4. ad-da2-ge-en6
5. u3 ma-ar-hu-ni
6. ensi2 ha-ar-szi{ki}-me
reverse
1. u4 ha-ar-szi{ki}-ta
2. ki lugal-[sze3 im-e-re-sza-a]
3. giri3 ur-{d}nisaba lu2 kin-gi4-a lugal
4. zi-ga
5. iti szu-gar-ra
6. mu us2-sa hu-uh2-nu-ri{ki} ba-hul

No image available

CUSAS 40, 2029 (P516813)

Has seal impression(s)

Impressed with seal(s): S003775

Primary Publication: Sigrist, Marcel; Ozaki Tohru (2019) CUSAS 40 2029

Collection:

Museum no.: IM —

Provenience: Irisagrig (mod. uncertain)

Period: Old Babylonian (ca. 1900-1600 BC)

Object Type: tablet or envelope > tablet

Material: clay

Date: Šu-Kakka.n.07.06 (us2 year) ?

Transliteration:
 atf: lang sux
tablet
obverse
1. 2(disz) udu 1(disz) masz2-gal
2. {d}nisaba
3. giri3 a-da-lal3
4. 1(disz) udu e2-munus-sze3
5. giri3 bad3-mu-ti
6. ki be-li2-i3-li2-ta
reverse
1. ba-zi
2. iti a2-ki-ti u4 6(disz)-kam
3. mu us2-sa bad3 gal {d}iszkur-ra ba-dim2
seal 1
1. ma-at-i3-li2
2. dumu [ba]-ba

Anonymous 519297 unpublished unassigned (P519297)

Primary Publication:

Collection: anonymous

Museum no.: Anonymous 519297

Provenience: Umma (mod. Tell Jokha)

Period: Ur III (ca. 2100-2000 BC)

Object Type: tablet or envelope > tablet

Material: clay

Transliteration:
 atf: lang sux
tablet
obverse
  beginning broken
column 1'
  beginning broken
1'. [...] x
2'. [...] x
3'. [...] x
4'. [...] x
5'. [...] x
6'. [...] x
7'. [...] x
8'. [...] x
  rest broken
column 2'
  beginning broken
1'. x x x
2'. x x x
3'. ki# x-na-ta
4'. e2 {d}szara2
5'. 1(asz) 1(disz) tug2 ur-{d}gu-nu-um
6'. x inim-{d}utu dub-sar
7'. ki lugal-me-a-ta
8'. 1(asz) 2(ban2)? tug2 {d}szul-gi-ha-ma-ti
9'. ki lugal-mu-x-x-ta
10'. 1(asz) tug2 x-{d}szul-gi u4 a-ru-a {d}nin-sun2
  (to be completed)
column 3'
  beginning broken
1'. 1(asz) 3(ban2)# [...]
2'. e2 {d#}szara2#?
3'. 1(asz) 3(ban2) tug2 {d}szara2-ma-x-du
4'. 1(asz) 3(ban2) tug2 ur-{d}hal-mu-du
5'. 1(asz) 3(ban2) tug2 ur-{d}utu
6'. e2 {d}szara2
7'. ki lugal-me-a-ta
8'. 1(asz) 3(ban2) tug2 szesz-a-ni
9'. 1(asz) 3(ban2) tug2 ur-{d}nisaba
10'. 1(asz) 3(ban2) tug2 lugal-si-sa2
11'. e2 {d}szara2
12'. ki szesz-kal-la-ta
13'. 1(asz) 3(ban2) tug2 szesz-kal-la
14'. 1(asz) 3(ban2) tug2 im-ti-dam
15'. 1(asz) 3(ban2) tug2 a-kal-la
16'. 1(asz) 3(ban2) tug2 szesz-a-ni
17'. 1(asz) 3(ban2) tug2 {d}szara2-mu-dah
18'. 1(asz) 3(ban2) tug2 nam-lugal-i3-du10
19'. dumu geme2-{d}szara2 le-la?
20'. e2 {d}szara2
21'. 1(asz) 3(ban2) tug2 ur-gu2-edin#-na dumu nin-{d}lamma#?
column 4'
  beginning broken
  (to be completed)
column 5'
  beginning broken
  blank space
  (to be completed)
reverse
column 1
  (to be completed)

Fs Sommerfeld & Krebernik 240-258 02 (P519406)

Primary Publication: Cavigneaux, Antoine (2020) Fs Sommerfeld & Krebernik 240-258 02

Collection: anonymous

Museum no.: Anonymous 519406

Provenience: Shuruppak (mod. Fara)

Period: ED IIIa (ca. 2600-2500 BC)

Object Type: tablet or envelope > tablet

Material: clay

Transliteration:
 atf: lang sux
tablet
obverse
column 1
1. 1(u@c) ku3 luh-ha gin2
2. sa10 e2
3. 2(asz@c) e2-bi sar
4. 1(u@c) ku3 luh-ha gin2
5. nig2-diri
6. 2(asz@c) sze lid2-ga
7. nig2-ba
8. 2(asz@c) siki ma-na
column 2
1. tug2
2. 1(asz@c) gal2 ME tug2
3. 4(ban2@c) sze ninda
4. 1(gesz2@c) gug2
5. 5(asz@c) kur2 tu7(|HIxDISZ|)
6. 5(asz@c) kur2 edakuax(|GA2xHA|)
7. 1(asz@c) i3 sila3
8. u3-mu-NI-NI
9. szagan(|ASZ+GAN|)-{d}tu
10. {d}sud3-ra-mu-gi4
column 3
1. ur-{d}nin-unu
2. lu2 sa10 gu7
3. 1(disz@c) u2-da-ur4-ra
4. nimgir
5. 1(disz@c) HAR-TU
6. dumu szesz-ama-na
7. sipa
8. 1(disz@c) ur-{d}sud3
9. bahar4(|BAR.LAK742|)
10. 1(asz@c) ur-nab
column 4
1. gala
2. 1(asz@c) sag-dingir-tuku
3. 1(asz@c) il2
4. dub-sar
5. lu2-ki-inim
6. 1(asz@c) uruda ma-na
7. 4(ban2@c) sze ninda
8. 1(gesz2@c) gug2
9. 5(asz@c) tu7#
10. 5(asz@c) edakua(|GA2xHA.A|)
column 5
1. ur-{d}nisaba
2. um-mi-a
3. lu2 e2 esz2 gar
4. 1(ban2@c) sze
5. 1(u@c) gug2
6. 1(asz@c) kur2 tu7
7. 1(asz@c) kur2 edakuax(|GA2xHA.A|)
8. amar-{d}asznan
9. nimgir:sila
reverse
column 1
  blank space
1. x [...]
2. x [...]
3. x [...] x gudu4# [...]
4 [lu2] e2# [sa10]
5. [...]
6. NAR [x]
7. DAG-DA#?
  blank space
column 2
  blank space

No image available

New IM 3, 044 (P519852)

Primary Publication: Abid, Basima Jaleel (2017) New IM 3 044

Collection: National Museum of Iraq, Baghdad, Iraq

Museum no.: IM 221926

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Transliteration:
 atf: lang sux
tablet
obverse
1. 1(ban2) 7(disz) sila3 zi3
2. ur-{d}nisaba
reverse
1. kisib3 a-bu-um-DINGIR
2. iti sze-kig2-ku5

No image available

CUSAS 40, 1623 (P516407)

Has seal impression(s)

Impressed with seal(s): S003775

Primary Publication: Sigrist, Marcel; Ozaki Tohru (2019) CUSAS 40 1623

Collection:

Museum no.: IM —

Provenience: Irisagrig (mod. uncertain)

Period: Old Babylonian (ca. 1900-1600 BC)

Object Type: tablet or envelope > tablet

Material: clay

Date: Šū-Suen.02.10.16 ?, Šū-Suen.02.10.18 ?

Transliteration:
 atf: lang sux
tablet
obverse
1. 5(disz)? udu {d}[...]-zi-da
2. 1(disz) masz2-gal {d}na-na#-<a>
3. 1(disz) udu {d}asz3-gi5#
4. 1(disz) udu {d}nin-lil2 {d}[...]-x-ti?
5. 1(disz) udu {d}nisaba
6. sza3 udu {d}x-an-um#?
7. 1(disz) udu de2-szi-x
8. 1(disz) udu {d}nin-sun2
9. 1(disz) masz2-gal {d}nin-urta
10. 2(disz) udu {d}szakkan2-ab
11. sza3-ge guru7-a lugal
reverse
1. 1(disz) udu e2 x x
2. giri3 a-hu-wa-qar
3. 2(disz) sila4 tag-gi4-a
4. u4 1(u) 6(disz)-kam
5. 1(disz) udu e2-muhaldim-sze3 giri3 lu2-dingir-ra#?
6. 1(disz) udu e2-munus-sze3 giri3 a-hu-wa-qar
7. 1(disz) udu ge6 {d}iszkur-ra2-gaba
8. giri3 e2-a-ri-zi-zi?
9. 3(disz) udu {d}dam-gal-nun-na
10. u4 1(u) 8(disz)-kam
11. ki be-li2-i3-li2-ta ba-zi
12. iti ezem-mah
13. mu {d}[szu-{d}]suen# lugal ma2-dara3-abzu! {d}en-ki-ra mu-na#-dim2
seal 1
1. ma-at-i3-li2
2. dumu ba-[ba]

No image available

RINAP 5/3 Sîn-šarru-iškun 18 composite (P516912)

Composite

Composite No.: Q003879

Primary Publication: Novotny, Jamie; Jeffers, Joshua; Frame, Grant (2023) RINAP 5/3 Sîn-šarru-iškun 18 composite

Collection:

Museum no.:

Provenience: Assur (mod. Qalat Sherqat)

Period: Neo-Assyrian (ca. 911-612 BC)

Object Type:

Material:

Date: Sin-sharru-ishkun.00.00.00

Transliteration:
 atf: lang akk
object composite text
surface a
1. a-na {d}sza-la szur-bu-tu2 hi-rat {d}iszkur sza2-ga-pi2-ri sza2 _kasz4_ mur-ta-as,-nu
2. [...] a x _dingir-mesz gal-mesz_ mu-x-x-a-ti _illu du3_-at ni a bi x
3. x x x-na-ti t,uh-di mu-kil-lat _zi_-ti3 _ug3-mesz_
4. mu-bal-li-t,a-at
5. ka-la mim-ma-ma
6. x x _numun kur_ rag-gi na-si-ih na-gab za-ma-ni a-li-kat3 _a2-min lugal_ mi-gir-sza2
7. x x da-na-ni u li-i-ti s,a-bi-ta-at ab-bu-ti qa-bat _{munus}saga_
8. a-szi-bat qe2-reb bal-til{ki} _gaszan gal_-tu2 _gaszan_-szu2 {disz}{d}sin-man-gar _man kur_ asz
9. _a_ {disz}asz-szur-du3-a _a_ {disz}asz-szur-pap-asz _a_ {disz}sin-pap-mesz-su
10. u2-sze-pisz-ma _{gesz}banszur {gesz}mes-ma2-kan-na gesz_ da-re-e esz-ma-ra-a eb-bu u2-szal-bisz-ma
11. a-na ra-kas nap-tan eb-bi si-mat _dingir_-ti-sza2 sza2 ka-a-a-an la na-par-ka-a i-mah-ha-ru-ma
12. a-na u4-me s,a-a-ti u2-kin ma-har-sza2
13. a-na szat-ti {d}sza-la _gaszan gal {gesz}banszur_ szu2-a-tu ina nap-lu-si-ki
14. ia-a-ti {disz}{d}sin-man-gar _man kur_ asz
15. _si-sa2 buru14_ na-pa-asz2 {d}nisaba szat-ti-szam la na-par-ka-a pah?-ri-i ina re-szi-ia
16. ina qi2-bit-ki s,ir-ti ina _he2-nun_ t,uh-di szal-mesz la-ar-te-'a-a ba-'u-lat _kur_ asz-szur
17. ina e2-szar2-ra _e2-gal dingir-mesz_

No image available

Nisaba 33, 41 (P517238)

Primary Publication: Ozaki Tohru (2020) Nisaba 33 41

Collection: Adolph Schrijver, New York, USA

Museum no.: Schrijver 20-017

Provenience: Umma (mod. Tell Jokha)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šū-Suen.02.00.00

Transliteration:
 atf: lang sux
tablet
obverse
column 1
1. 1(disz) tug2 mu-kux(DU)
2. mu-zu engar
3. 1(disz) e2-sahar-ta
4. 1(disz) ur-{gesz}gigir
  blank space
5. ugula ab-ba-gi-na
6. 1(disz) gu-da-da
7. 1(disz) ur-kun
  blank space
8. [ugula] ur-saga
9. 1(disz) ur-{u2}gug4
10. 1(disz) ur-{d}gesztin-an-ka
11. 1(disz) da-da dub-sar kasz
  blank space
12. ugula ba-saga sagi
13. 1(disz) ARAD2 lunga
  blank space
14. ugula bi2-du11-ga
column 2
1. 1(disz) ur!-gu4-nu2!
2. 1(disz) szesz-a-ni
  blank space
3. ugula sza3-ku3-ge iszib
4. 1(disz) ma-an-szum2 lunga?
5. 1(disz) {d}szara2-i3-sa6
6. 1(disz) lu2-dingir-ra baharx(EDIN)
  blank space
7. ugula kas4
8. 2(disz) da-da sza13#-dub#-ba
9. 1(disz) tug2! nimgir-sa2-bi2#
10. 1(disz) ur-{d}szul-pa-e3 szesz kas4
  blank space
11. lu2 didli-me
12. 1(disz) du-du-mu sagi
13. 1(disz) ur-mes kasz-de2-de2
14. 1(disz) ARAD2-hu-la muhaldim
15. 1(disz) a-lu5-lu5 lunga
  blank space
16. ugula ad-da-kal-la
reverse
column 1
1. [1(disz)?] gu#-na engar
2. [1(disz)? ur?]-{d}dumu-zi-da
  blank space
3. ugula lugal-ku3-zu
4. 1(disz) lu2-{d}suen nagar
  blank space
5. ugula ur-{d}szul-pa-e3
6. 1(disz) ur-{d}nisaba
  blank space
7. ugula {d}szara2-a-mu
8. 1(disz) ur-{d}en-lil2-la2 agar4-nigin2
9. 1(disz) ur-am3-ma dumu na-silim
10. ugula ur-{gesz}gigir szabra
11. 1(disz) tug2 ur-e2-gal
  blank space
12. ugula ba-sa6
13. 1(disz) ha-ba-lu5-ge2
  blank space
14. ugula lugal-nesag-e
15. 1(disz) ur-dingir-ra szusz3
  blank space
16. ugula lugal-a2-zi-da gudu4
column 2
  beginning broken
1'. [ugula?] szu-esz18-dar
2'. [1(disz)? ur?]-{d}en#-lil2-la2
3'. [1(disz)? lugal]-za3-ge-si
4'. [1(disz)? ur?]-{d}nin-ur4-ra
5'. [1(disz)?] lu2#-u18
6'. [1(disz)? ...]-{d}utu# dumu ur-e2-nun
  blank space
7'. ugula ur-mes nu-banda3-gu4
8'. 2(disz) a-kal-la ugula
9'. 1(disz) ur-nigar gudu4 {d}nansze
10'. ugula a-kal-la
11'. 1(disz) sza3-ku3-ge engar
  blank space
12'. ugula lugal-iti-da
13'. 1(disz) szesz-kal-la dumu inim-ma-ni-zi nu?-ga2-ra
14'. 1(disz) ur-{d}suen bahar3
  blank space
15'. ugula lu2-sa6-i3-zu
16'. tug2 mu-kux(DU)
17'. mu ma2 {d}en-ki ba-ab-du8

No image available

Nisaba 33, 1143 (P518313)

Primary Publication: Ozaki Tohru (2020) Nisaba 33 1143

Collection: anonymous

Museum no.: Anonymous 518313

Provenience: Umma (mod. Tell Jokha)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šulgi.46.00.00 (us2 year) ?

Transliteration:
 atf: lang sux
tablet
obverse
1. 4(u) 5(asz) 2(barig) 2(ban2) sze gur lugal
2. ra-szi-be-li2
3. 1(u) 9(asz) 3(ban2) ur-{d}asznan
4. 2(u) 9(asz) 2(barig) 3(ban2) ni-da-mu
5. 8(asz) 2(barig) 3(ban2) a2-szum2-ma
6. 6(asz) 4(ban2) ur-{d}nin-tu
7. 6(asz) lu2-eb-gal
8. 8(asz) 3(ban2) ba-an-sa6 muhaldim gudu4
9. 2(asz) 3(ban2) nigar{+gar}-ki-du10
10. 3(asz) 4(barig) 3(ban2) nig2-lagar-e
11. 4(asz) 2(barig) 3(ban2) nig2-u2-rum dub-sar
12. 2(asz) 3(ban2) szesz-a-ni unu3
13. 7(asz) 4(barig) dam lu2-{d}suen
14. 6(asz) 3(barig) 1(ban2) [...] usz-bar
15. [...]-{d}nisaba
16. [...] da#!-a-gi4
reverse
1. [...] lu2#-sza-lim
2. 3(barig) da-da dub-sar
3. 2(asz) 4(barig) 3(ban2) a-ra2 1(disz@t)-kam
4. 8(asz) 3(barig) 3(ban2) a-ra2 2(disz@t)-kam
5. ur-dun dub-sar
6. 2(asz) 3(ban2) ur-ge6-par4!(GISZ) dub-sar
7. 1(u) 5(asz) 2(barig) 3(ban2) da-a-ga szabra
8. 3(u) 4(asz) 1(barig) a-kal-la nu-banda3
9. 6(asz) 1(barig) 3(ban2) ur-e11-e unu3
  blank space
10. szunigin 4(gesz2) 4(u) 6(asz) 4(barig) 1(ban2) sze gur
11. sze apin-<la2>-da ba-a
12. ki-su7 da bara2-ga
13. giri3 a-kal-la nu#!-banda3#?
14. mu us2-sa ur-bi2-[lum{ki}] ba-hul#
  blank space

No image available

RINBE 2, Nabonidus 44 composite (P519072)

Composite

Composite No.: Q005441

Primary Publication: Weiershäuser, Frauke; Novotny, Jamie (2020) RINBE 2 Nabonidus 44 composite

Collection:

Museum no.:

Provenience: uncertain (mod. uncertain)

Period: Neo-Babylonian (ca. 626-539 BC)

Object Type:

Material:

Date: Nabonidus.00.00.00

Transliteration:
 atf: lang akk
object composite text
surface a
1. [...] ti-ri-is, _szu-min_ {d}nisaba
2. [...] ni-bi-it {d}na-bi-um
3. [...] _dingir-mesz_ u {d}isz-tar
4. [...] sza2 ra-szu-u2 pu-luh-ti _dingir_-ti-szu2 _gal_-tu2
5. [...] {d}isz-tar sza2-ah-t,u
6. [...] x si-iq-ra-szu2-un
7. [...] {d}nanna x x an-ni-ta
8. [...] ip?-tiq2? / ib?-ni? pa-da-at-ti
9. [...] x a-a it-ba2-al
10. x x _szu-min_-su? ta-ap-ri-ik pa-nu-u2-a
11. x x sza2 mam-ma-an la? i-lam-ma-du ina hu-t,u3-ri
12. [...] szu-ru-ba _da la iri bisz szi bisz_ ma-na-ma
13. [...]-ti ra-bi-isz u2-mal2-la
14. x _mi na ir be si du_ sza2 {d}utu u {d}marduk
15. ina na-gab te-ne2-sze-e-ti ma-la ib-na-a qa-ta-a-szu2
16. a-na be-lu-ut _kur_ isz-sza2-an-ni x x _lugal_-u2-ti-ia
17. id-di-na _{gesz}nig2-gidri_ i-szar-ti mu-ra-ap-pi-szat _kur_ x x-ne2-e-ti
18. usz-pa-ra mu-kan-nisz za-i-ri u2-sza2-at-mi-ha qa2-tu-u2-a
19. re-e-u2-ut _kur_-szu2-un ia-a-ti isz-ru-kam
20. _dumu_ {d}ag_-ba-lat-su-iq-bi _nun_ pa-lih _dingir-mesz gal-mesz_ a-na-ku
21. i-nu-um {d}marduk _lugal?_-u2-ti3 ba-u2-la-a-ti
22. e-pe-szu2 ana da-ri2?-a-ti ia-a-ti isz-ru-kam
23. a-na ud-du-szu2 tal-lik-ta e2-zi-da na-sza2-an-ni lib3-bi
24. a-na szi-te-e'-u2 esz-re-e-ti _dingir-mesz_ ba-sza2-a uz-na-a-a
25. pa-li-ih-ma lib3-bi a-na e-pe-esz szi-ip-ri-szu2-un
26. a-na la ra-sze-e hi-t,i-ti gi-na-a u2-sa-ap-pa-a
27. e2-sag-il2 a-na szu-ul-lu-mi i3-li2 _gal-mesz_
28. a-szi-bu-tu2 sza2 si-hi-ir-ti e2-temen-an-ki esz-szisz
29. e-pu-usz [...]-li gi-nu-u2 a-na na-x x
30. [...] x x _it am_ x x
31. [...] x x x x x
  n lines broken
32'. x x x
33'. x x x
34'. x x x
35'. x x x
36'. x x x
37'. x x x
38'. x x x
39'. x x x
40'. x x x
41'. x x x
42'. x x x
43'. x x x
44'. x x x
45'. x x x
46'. x x x
47'. x x x
48'. x x x
49'. x x x
50'. x x x
51'. x x x
52'. [...] a-na u2-na-a-ti

No image available

RINAP 5/1 Ashurbanipal 003 composite (P514712)

Composite

Composite No.: Q003702

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 003 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
1. a-na-ku {disz}an-szar2-du3-a _lugal gal lugal_ dan-nu
2. _lugal szu2 lugal kur_ an-szar2{ki} _lugal_ kib-rat _limmu2_-tim
3. s,i-it lib3-bi {disz}an-szar2-pap-asz _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _sza3-bala-bala_ {disz}{d}sin-pap-mesz-su _lugal szu2 lugal kur_ asz-szur{ki}
6. _dingir-mesz gal-mesz_ ina _ukken_-szu2-nu szi-mat _saga_-tim i-szim-mu szim-ti
7. uz-nu ra-pa-asz2-tum isz-ru-ku-u-ni
8. kul-lat t,up-szar-ru-ti u2-sza2-hi-zu ka-ra-szi
9. ina _ukken_ lu-li-me zi-kir _mu_-ia u2-szar-ri-hu
10. u2-szar-bu-u2 _lugal_-u2-ti
11. du-un-nu zik-ru-u-tu e-mu-qa-an s,i-ra-a-ti
12. u2-szat-lim-u-ni ma-ta-a-ti la ma-gi-re-ia
13. ina _szu-min_-ia im-nu-u u2-szam-s,u-in-ni ma-la lib3-bi-ia
14. {lu2}sza2-an-gu-ti ih-szu-hu
15. na-dan zi-bi-ia i-t,ib _ugu dingir_-ti-szu2-un
16. esz-ret _dingir-mesz gal-mesz en-mesz_-ia u2-szak-lil
17. u2-szal-bi-sza2 _ku3-sig17 ku3-babbar_
18. {d}lah3-me anzu{muszen}-mesz tim-me _mah-mesz_
19. ina _ka2_-szu2-un ul-ziz e2-szar2-ra
20. e2-masz-masz e2-gaszan-kalam-ma e2-hul2-hul2
21. ki-ma szi-t,ir sza2-ma-me u2-ban-ni
22. mim-ma si-mat e2-kur sza2 _ku3-sig17 ku3-babbar_ e-pu-usz
23. e-li sza _lugal-mesz ad-mesz_-ia u2-rad-di
24. sat-tuk-ku gi-nu-u2 _ugu_ sza2 u4-me ul-lu-u-ti
25. u2-sza2-tir-ma u2-kin asz2-rat _dingir-mesz_ asz2-te-'a-a
26. at-tal-la-ka al-ka-ka-te-szu2-un
27. {d}iszkur _szeg3-mesz_-szu2 u2-masz-sze-ra
28. {d}e2-a u2-pat,-t,i-ra _idim-mesz_-szu2
29. 5(disz) _kusz3 sze-am_ isz-qu ina _ab-sin2_-ni-szu2
30. e-ri-ik szu-bul-tu2 5/6(disz) _kusz3_
31. _si-sa2 buru14_ na-pa-asz2 {d}nisaba ka-a-a-an u2-szah-na-bu
32. gi-pa-ru s,ip-pa-a-ti szu-um-mu-ha in-bu _masz2-ansze_ szu-te-szur
33. ina ta-lit-ti ina _bala_-ia _he2-nun_ t,uh-du
34. ina _mu-an-na-mesz_-ia ku-um-mu-ru _he2-gal2_-lum
35. 1(u) _ansze sze-pad-mesz_ 1(disz) _ansze gesztin-mesz 2(ban2) i3-mesz_ 1(disz) _gun sig2-mesz_
36. ina nap-har _kur_-ia _ki-lam_ nap-szu2 i-szam-mu ina 1(disz) _gin2_ kas-pi
37. szat-ti-szam-ma ina t,uh-di u mi-sza2-ri
38. ar-te-'a-a ba-'u-u2-lat {d}en-lil2
39. ul-tu tam-tim e-liti a-di tam-tim szap-liti a?-bel-ma?
40. _lugal-mesz_ s,i-it _{d}utu_-szi u e-reb _{d}utu_-szi
41. isz-szu2-u-ni _gun_-su-nu ka-bit-tu2
42. _ug3-mesz muru2_ tam-tim a-szib szad-de-e sza2-qu-te
43. u2-szak-ni-sza2 a-na _{gesz}szudun_-ia
44. ina qi2-bit an-szar2 u {d}1(u)-5(disz) _lugal-mesz_ a-szib pa-rak-ki
45. u2-na-asz2-sza2-qu _giri3-min_-ia
46. mal-ki _gal-mesz_ sza2 s,i-tasz u szi-la-an
47. a-na kit-ri-szu2-nu u2-pa-qu-u-ni
48. i-na mah-re-e ger-ri-ia
49. a-na {kur}ma2-kan u {kur}me-luh-ha lu-u al-lik
50. {disz}tar-qu-u _lugal_ {kur}mu-s,ur u {kur}ku-u-si
51. sza2 {disz}an-szar2-pap-asz _man kur_ an-szar2{ki} _ad_ ba-nu-u-a _bad5-bad5_-szu2 isz-ku-nu
52. i-be-lu _kur_-su da-na-an an-szar2 {d}1(u)-5(disz) u _dingir-mesz gal-mesz en-mesz_-ia
53. im-szi-ma it-ta-kil a-na t,e3?-em ra-ma-ni-szu2
54. _ugu lugal-mesz_ {lu2}qe-pa-a-ni sza2 qe2-reb {kur}mu-s,ur
55. u2-pa-qi2-du _ad_ ba-nu-u-a
56. a-na da-a-ki ha-ba-a-ti u e-kem {kur}mu-s,ur
57. il-li-ka _edin_-usz-szu2-un
58. e-ru-um-ma u2-szib qe2-reb {iri}me-em-pi
59. _iri_ sza _ad_ ba-nu-u-a ik-szu-du
60. a-na mi-s,ir _kur_-szu2 u2-ter-ru al-la-ku ha-an-t,u
61. ina qe2-reb nina{ki} il-lik-am-ma
62. u2-sza2-an-na-a ia-a-ti
63. _ugu_ ep-sze-e-ti an-na-a-ti
64. lib3-bi i-gug-ma is,-s,a-ru-uh ka-bat-ti
65. ad-ke-e-ma {lu2}e-mu-qi-ia _mah-mesz_ sza an-szar2 u {d}1(u)-5(disz)
66. u2-mal-lu-u qa-a-tu-u-a a-na na-ra-ru-ti ha-mat
67. sza _lugal-mesz_ {lu2}qe-pa-ni sza qe2-reb {kur}mu-s,ur
68. _ARAD-mesz_ da-gil2 pa-ni-ia
69. ur-ru-hi-isz ar-de-e-ma
70. al-lik a-di {iri}kar-{d}ba-ni-ti
71. {disz}tar-qu-u _man_ {kur}mu-s,ur {kur}ku-u-si
72. qe2-reb {iri}me-em-pi a-lak ger-ri-ia isz-me-e-ma
73. a-na e-pesz _muru2 {gesz}tukul-mesz me3_ a-na mah-ri-ia
74. id-ka-a _erin2-mesz me3_-szu2 ina tu-kul-ti an-szar2 {d}en {d}ag _dingir-mesz_
75. _gal-mesz en-mesz_-ia a-li-kut i-di-ia ina _me3 edin_ rap-szi
76. asz2-ku-na _bad5-bad5 erin2-hi-a_-szu2 {disz}tar-qu-u2 ina qe2-reb {iri}me-em-pi
77. isz-ma-a tah-te-e _erin2-hi-a_-szu2 nam-ri-ri an-szar2 u {d}1(u)-5(disz)
78. is-hu-pu-szu-ma il-li-ka mah-hu-tisz2 me2-lam-me _man_-ti-ia2
79. ik-tu-mu-szu-ma sza2 u2-za-'i-i-nu-u-ni _dingir-mesz_ szu-ut _an ki_
80. {iri}me-em-pi u2-masz-szir-ma a-na szu-zu-ub _zi_-ti3-szu2
81. in-na-bit a-na qe2-reb {iri}ni-i' _iri_ szu-a-tu2 as,-bat
82. _erin2-hi-a-mesz_-ia u2-sze-rib u2-sze-szib ina lib3-bi _lugal-mesz_
83. _{lu2}nam-mesz_ sza2 qe2-reb {kur}mu-s,ur u2-pa-qi-du _ad_ ba-nu-u-a
84. sza la-pa-an ti-bu-ti {disz}tar-qu-u pi-qit-ta-szu2-un
85. u2-masz-sze-ru im-lu-u2 _edin_
86. u2-ter-ma a-szar pi-qit-ti-szu2-un
87. ina masz-kan2-i-szu-nu ul-zi-is-su-nu-ti
88. {kur}mu-s,ur {kur}ku-u-si sza2 _ad_ ba-nu-u-a ik-szu-du
89. a-na esz-szu-ti as,-bat _en-nun-mesz_-szu2 _ugu_ u4-me pa-ni u-da-nin
90. u2-rak-ki-sa rik-se-szu2
91. {iri}sa-a-a {iri}bi-in-t,i-t,i {iri}s,a-a'-nu sza ib-bal-ki-tu2
92. it-ti {disz}tar-qu-u isz-ku-nu pi-i-szu2-un
93. _iri-mesz_ sza2-a-tu-nu ak-szu-ud
94. _ug3-mesz_ a-szib lib3-bi-szu2-nu a-ni-ir
95. ina _{gesz}tukul-mesz adda-mesz_-szu2-nu ina {gesz}ga-szi-szi a-lul _kusz-mesz_-szu2-nu asz2-hu-ut, _bad3 iri_
96. u2-hal-lip2 {disz}lugal-lu-da3-ri sza2 _ad_-u-a ina {kur}mu-s,ur isz-ku-nu-usz
97. a-na _lugal_-ti sza2 _hul_-tu ik-pu-du ana _dumu-mesz kur_ asz-szur{ki}
98. ina qa-ti as,-bat u2-ra-a ana _kur_ asz-szur{ki}
99. {disz}tar-qu-u a-szar in-nab-tu ra-szub-bat _{gesz}tukul_ an-szar2 _en_-ia
100. is-hu-pu-szu-ma il-lik nam-mu-szi-szu2 _egir_-nu {disz}ur-da-ma-ne2-e
101. _dumu nin9_-szu2 u2-szib ina _{gesz}gu-za lugal_-ti-szu2 {iri}ni-i' {iri}u2-nu
102. a-na dan-nu-ti-szu2 isz-kun u2-pah-hi-ir el-lat-su
103. a-na mit-hu-s,i _erin2-hi-a dumu-mesz kur_ asz-szur{ki} sza2 qe2-reb {iri}me-em-pi
104. id-ka-a qa-bal-szu2 _ug3-mesz_ sza2-a-tu-nu e-si-ir-ma
105. is,-ba-ta mu-us,-s,a-szu2-un _{lu2}a_ szip-ri ha-an-t,u
106. a-na _nina_ il-li-kam-ma iq-ba-a ia-a-ti
107. asz2-ni-ma a-na {kur}mu-s,ur u {kur}ku-u-si usz-te-sze-ra har-ra-nu
108. {disz}ur-da-ma-ne2-e a-lak ger-ri-ia isz-me-ma
109. sza ak-bu-su mi-s,ir {kur}mu-s,ur
110. {iri}me-em-pi u2-masz-szir-ma a-na szu-zu-ub _zi_-ti3-szu2
111. in-na-bit a-na qe2-reb {iri}ni-i'
112. _lugal-mesz {lu2}nam-mesz_ {lu2}qe-pa-a-ni
113. sza qe2-reb {kur}mu-s,ur asz2-ku-nu
114. ina ir-ti-ia il-lik-u-nim-ma u2-na-asz2-szi-qu _giri3-min_-ia
115. _egir {disz}ur_-da-ma-ne2-e har-ra-nu as,-bat
116. al-lik a-di {iri}ni-i' _iri_ dan-nu-ti-szu2
117. ti-ib _me3_-ia e-mur-ma {iri}ni-i' u2-masz-szir
118. in-na-bit a-na {iri}ki-ip-ki-pi
119. _iri_ szu2-a-tu ana si-hir-ti-szu2
120. ina tu-kul-ti an-szar2 u {d}1(u)-5(disz) ik-szu-da _szu-min_-a-a
121. _ku3-babbar ku3-sig17_ ni-siq-ti _na4-mesz_
122. _nig2-szu e2-gal_-szu2 ma-la ba-szu-u
123. lu-bul-tu bir-me _gada-mesz ansze-kur-ra-mesz gal-mesz_
124. _ug3-mesz_ zik-ra u3 sin-nisz
125. 2(disz) tim-me _mah-mesz_ pi-tiq za-ha-le-e eb-bi
126. sza 2(disz) _lim_ 5(disz) _me gun ki?-la2_-szu2-nu man-za-az _ka2_ e2-kur
127. ul-tu man-zal-ti-szu2-nu as-suh-ma al-qa-a ana _kur_ asz-szur{ki}
128. szal-la-tu ka-bit-tu2 a-na la mi3-ni asz2-lu-la
129. ul-tu qe2-reb {iri}ni-i' _ugu_ {kur}mu-s,ur u {kur}ku-u-si
130. _{gesz}tukul-mesz_-ia u2-szam-ri-ir-ma
131. asz2-ta-kan li-i-tu2 it-ti _szu-min_ ma-li-te
132. szal-mesz a-tu-ra a-na nina{ki} _iri en_-ti-ia
133. ina szal-szi ger-ri-ia _ugu_ {disz}ba-'a-li _man_ {kur}s,ur-ri
134. a-szib _muru2_ tam-tim lu-u al-lik asz2-szu2 a-mat _lugal_-ti-ia
135. la is,-s,u-ru la isz-mu-u zi-kir _nundum_-ia
136. {iri}hal-s,u-_mesz ugu_-szu u2-rak-kis
137. a-na la a-s,e-e _ug3-mesz_-szu2 u2-dan-nin ma-s,ar-tu
138. ina tam-tim u na-ba-li ger-re-ti-szu2 u2-s,ab-bit
139. a-lak-ta-szu2 ap-ru-us
140. _a-mesz_ te-'u-u2-ta ba-lat, _zi_-ti3-szu2-nu
141. a-na pi-i-szu-nu u2-sza2-qi2-ir
142. ina me-se-ri dan-ni sza la na-par-szu-di e-si-ir-szu2-nu-tu2
143. nap-szat-su-nu u2-si-iq u2-kar-ri
144. a-na _{gesz}szudun_-ia u2-szak-ni-is-su-nu-ti
145. _dumu-munus_-su s,i-it lib3-bi-szu2 u3 _dumu-munus szesz-mesz_-szu2
146. a-na e-pesz _{munus}agrig_-u2-ti u2-bi-la a-di _igi_-ia2
147. _dumu_-szu2 sza2 ma-ti-ma _a-ab-ba_ la e-bi-ra
148. isz-sza2-a a-na e-pesz _ARAD_-ti-ia
149. _dumu-munus_-su u3 _dumu-munus-mesz szesz-mesz_-szu2
150. it-ti ter-ha-ti ma-a'-as-si am-hur-szu2
151. re-e-mu ar-szi-szu2-ma _dumu_ s,i-it lib3-bi-szu2
152. u2-ter-ma a-ri-im-szu2 {iri}hal-s,u-_mesz_
153. sza2 _ugu_ {disz}ba-'a-li _lugal_ {kur}s,ur-ri
154. u2-rak-ki-su ap-t,ur ina tam-tim u na-ba-li
155. ger-re-ti-szu2 ma-la u2-s,ab-bi-tu ap-ti
156. ma-da-at-ta-szu2 ka-bit-tu2 am-hur-szu2
157. szal-mesz a-tu-ra a-na nina{ki} _iri en_-ti-ia
158. ma-al-ki _muru2_ tam-tim u3 _lugal-mesz_
159. a-szi-bu-ti sza2-de-e sza2-qu-u-ti
160. da-na-an ep-sze-ti-ia an-na-a-ti
161. e-mu-ru-ma ip-la-hu _en_-u-ti {disz}ia-ki-in-lu-u
162. _man_ {kur}a-ru-ad-da {disz}mu-gal-lu _lugal_ {kur}tab_-iri_-a-a
163. {disz}sa-an-di-szar-me {kur}hi-lak-ka-a-a sza a-na _lugal-mesz_
164. _ad-mesz_-ia la kan-szu2 ik-nu-szu2 a-na _{gesz}szudun_-ia
165. _dumu-munus-mesz_ s,i-it lib3-bi-szu2-nu it-ti nu-dun-ne2-e ma-a'-di
166. u3 ter-ha-ti ma-a'-as-si a-na e-pesz _{munus}agrig_-u-ti
167. a-na nina{ki} u2-bi-lu-nim-ma u2-na-asz2-szi-qu _giri3-min_-ia
168. _ugu_ {disz}mu-gal-li _ansze-kur-ra-mesz gal-mesz_
169. ma-da-at-tu2 szat-ti-szam u2-kin _edin_-usz-szu2
170. ul-tu {disz}ia-ki-in-lu-u _lugal_ {kur}a-ru-ad-da
171. il-li-ku ana szim-ti
172. {disz}a-zi-ba-al {disz}a-bi-ba-al {disz}a-du-ni-ba-al
173. _dumu-mesz_ {disz}ia-ki-in-lu-u a-szib _muru2_ tam-tim
174. ul-tu _muru2_ tam-tim e-lu-nim-ma
175. it-ti ta-mar-ti-szu2-nu ka-bit-ti il-lik-u-nim-ma
176. u2-na-asz2-szi-qu _giri3-min_-ia
177. {disz}a-zi-ba-a'-al ha-disz ap-pa-lis-ma
178. a-na _lugal_-ti {kur}a-ru-ad-da asz2-kun
179. {disz}a-bi-ba-a'-al {disz}a-du-ni-ba-a'-al lu-bul-ti bir-me
180. u2-lab-bisz _har-mesz ku3-sig17_ asz2-kun ina mah-ri-ia
181. ul-zis-su-nu-ti {disz}gu-ug-gu _man_ {kur}lu-ud-di
182. na-gu-u2 sza2 ne2-ber-ti _a-ab-ba_ asz2-ru ru-u-qu
183. sza2 _lugal-mesz ad-mesz_-ia la isz-mu-u zi-kir _mu_-szu2
184. ni-bit _lugal_-ti-ia ina _masz2-ge6_ u2-szab-ri-szu2-ma
185. an-szar2 ba-nu-u-a u4-mu _masz2-ge6_ an-ni-tu e-mu-ru
186. {lu2}rak-bu-szu2 isz-pu-ra a-na sza2-'a-al szul-mi3-ia
187. {lu2}gi-mir-a-a _{lu2}kur2_ ek-s,u sza2 la ip-tal-la-hu
188. _ad-mesz_-ia u3 ia-a-szi la is,-ba-tu2 _giri3-min lugal_-ti-ia
189. ina tukul-ti an-szar2 u {d}marduk _en-mesz_-ia
190. ina {gesz}s,i-is,-s,i {gesz}szat qa-ti {gesz}szi-ga-ri u2-tam-me-eh-ma
191. it-ti ta-mar-ti-szu2 ka-bit-ti u2-sze-bi-la
192. a-di mah-ri-ia a-tam-ma-ru da-na-an an-szar2 u {d}szu2
193. ina 4(disz)-e ger-ri-ia a-na {iri}qir-bit2
194. sza2 qe2-reb {iri}ha-re-e-ha-as-ta lu-u al-lik
195. sza {disz}ta-an-da _{lu2}en-iri_-szu2-nu ana _lugal-mesz ad-mesz_-ia
196. la ik-nu-szu2 a-na _{gesz}szudun_ u _ug3-mesz_ a-szi-bu-ti {iri}qir-bit2
197. ka-a-a-an ih-ta-nab-ba-tu hu-bu-ut {kur}ia-mut-ba-li
198. _iri_ szu-a-tu ina tu-kul-ti an-szar2 {d}en u {d}ag
199. _dingir-mesz en-mesz_-ia2 ak-szu-ud asz2-lu-la szal-lat-su
200. {disz}ta-an-da _{lu2}en-iri_-szu2-nu
201. it-ti szal-lat _iri_-szu2 al-qa-a a-na _kur_ asz-szur{ki}
202. _ug3-mesz_ {iri}qir-bit2 ma-la asz2-lu-lu
203. u2-bil-ma qe2-reb {kur}mu-s,ur u2-sza2-as,-bit
204. ina 5(disz)-szi ger-ri-ia _ugu_ {disz}ah-sze-e-ri
205. _lugal_ {kur}man-na-a-a lu-u al-lik
206. sza a-na _lugal-mesz ad-mesz_-ia la kit-nu-szu2
207. i-tap-pa-lu da-s,a-a-ti
208. ad-ke _erin2-mesz me3_-ia a-na ka-sza2-ad {kur}man-na-a-a
209. usz-te-sze-ra har-ra-nu al-lik-ma qe2-reb {iri}bad3-asz-szur
210. usz-man-nu ad-di-ma asz2-ku-na ka-ra-szi
211. {disz}ah-sze-e-ri a-lak ger-ri-ia isz-me-ma
212. u2-ma-'e-e-ra um-man-szu2
213. ina szat mu-szi ina szi-pir ni-kil-ti a-na e-pesz _me3_ it-bu-u-ni
214. a-na mit-hu-s,i _erin2-hi-a_-ia
215. _erin2-mesz me3_-ia it-ti-szu2-un im-da-ha-s,u
216. isz-ku-nu _bad5-bad5_-szu2-un
217. ma-lak 3(disz) _danna a-sza3_ szal-ma-ti-szu2-nu
218. u2-ma-al-lu-u2 _edin_ rap-szu2
219. ina qi2-bit an-szar2 {d}sin {d}utu _dingir-mesz gal-mesz en-mesz_-ia
220. sza2 u2-tak-ki-lu-in-ni qe2-reb {kur}man-na-a-a e-ru-ub-ma
221. at-tal-lak szal-t,isz ina me-ti-iq ger-ri-ia {iri}a-a-u2-si-asz2
222. {iri}hal-s,u {iri}asz2-sza2-asz2 dan-na-su {iri}bu-su-ud {iri}asz2-di-asz2
223. {iri}ur-ki-ia-mu-un {iri}up-pi-isz {iri}si-hu-u-a
224. {iri}na-zi-ni-ri 8(disz) _iri-mesz_ dan-nu-ti
225. u3 a-di s,e-eh-ru-ti sza2 ni-ba la i-szu-u
226. a-di qe2-reb {iri}i-zir-ti ak-szu-ud
227. ap-pul aq-qur ina {d}gesz-bar aq-mu
228. _ug3-mesz ansze-kur-ra-mesz ansze-mesz gu4-mesz_ s,e-e-ni
229. ul-tu qe2-reb _iri-mesz_ sza2-a-tu-nu
230. u2-sze-s,a-am-ma szal-la-tisz am-nu
231. {disz}ah-sze-e-ri a-lak ger-ri-ia isz-me-ma
232. u2-masz-szir {iri}i-zir-tu2 _iri lugal_-ti-szu2
233. a-na {iri}at-ra-a-na _iri_ tukul-ti-szu2 in-na-bit
234. e-hu-uz mar-qi2-tu2 {iri}i-zir-tu2 {iri}ur-me-e-te
235. {iri}uz-bi-a _iri-mesz_ dan-nu-ti-szu2 al-me
236. _ug3-mesz_ a-szi-bu-ti _iri-mesz_ sza2-a-tu-nu
237. e-si-ir-ma nap-szat-su-nu u2-si-iq u2-kar-ri
238. na-gu-u szu-a-tu ak-szu-ud ap-pul aq-qur ina {d}gesz-bar aq-mu
239. ma-lak 1(u) u4-me 5(disz) u4-me u2-szah-rib-ma sza2-qu-um-ma-tu2
240. at-bu-uk ina me-ti-iq ger-ri-ia _iri-mesz_ sza2 li-me-et {iri}pad-di-ri
241. sza2 ina ter-s,i _lugal-mesz ad-mesz_-ia {kur}man-na-a-a e-ki-mu
242. a-na i-di ra-ma-ni-szu2-nu u2-ter-ru
243. ak-szu-ud ina {d}gesz-bar aq-mu asz2-lu-la szal-lat-sun2
244. _iri-mesz_ sza2-a-tu-nu a-na mi-s,ir _kur_ an-szar2{ki} u2-ter
245. na-gu-u sza2 {iri}ar-si-ia-ni-isz
246. sza bi-rit {iri}a-za-qa-na-ni
247. sza {kur}ha-ar-si sza2-di-i
248. sza _sag_ {kur}ku-mu-ur-da-a-a sza2 qe2-reb {kur}man-na-a-a
249. as-pu-un ina {d}gesz-bar aq-mu
250. {disz}ra-a-a-di-sza2-di-i _{lu2}gal {iri}hal-s,u_-szu2-nu a-duk
251. asz2-lu-la szal-lat-su
252. na-gu-u sza2 {iri}e-ri-is-te-ia-na ak-szu-ud
253. _iri-mesz_-szu2 as-pu-un ina {d}gesz-bar aq-mu asz2-lu-la szal-lat-sun2
254. ina ti-ib _me3_-ia na-gu-szu2 u2-szah-rib
255. u2-s,a-ah-hir nap-har _kur_-szu2
256. it-ti hu-ub-ti ma-a'-di szal-la-ti ka-bit-te
257. szal-mesz a-tu-ra ak-bu-sa mi-s,ir _kur_ asz-szur{ki} {iri}bi-ir-ru-a
258. {iri}lugal-iq-bi {iri}gu-si-ne2-e _iri-mesz_ mah-ru-u-te sza2 mi-s,ir _kur_ asz-szur{ki}
259. sza ina ter-s,i _lugal-mesz ad-mesz_-ia e-ki-mu {kur}man-na-a-a da-ad2-me
260. sza2-a-tu-nu ak-szu-ud {kur}man-na-a-a _ta_ lib3-bi as-suh
261. _ansze-kur-ra-mesz_ til-li u2-nu-ut _me3_-szu2-nu asz2-lu-la ana _kur_ asz-szur{ki}
262. _iri-mesz_ sza2-a-tu-nu a-na esz-szu-ti as,-bat
263. u2-ter-ra a-na mi-s,ir _kur_ asz-szur{ki}
264. {disz}ah-sze-e-ri la pa-lih _en_-ti-ia
265. an-szar2 u {d}1(u)-5(disz) im-nu-szu2 ina _szu-min ARAD-mesz_-szu2
266. _ug3-mesz kur_-szu2 si-hu _ugu_-szu2 u2-szab-szu2-u
267. ina _sila iri_-szu id-du-u pa-gar-szu2
268. _egir_-nu {disz}u2-al-li-i _dumu_-szu2 u2-szib ina _{gesz}gu-za_-szu2
269. da-na-an an-szar2 {d}en {d}ag {d}1(u)-5(disz) sza2 {iri}nina{ki}
270. {d}1(u)-5(disz) sza2 {iri}limmu2-dingir _dingir-mesz gal-mesz en-mesz_-ia
271. e-mur-ma ik-nu-sza2 a-na _{gesz}szudun_-ia
272. asz2-szu2 ba-lat, _zi_-ti3-szu2 up-na-a-szu2 ip-ta-a
273. u2-s,al-la-a be-lu-u-ti {disz}e-ri-si-in-ni
274. _dumu usz_-ti-szu2 a-na nina{ki} isz-pur-am-ma u2-na-sziq _giri3-min_-ia
275. _arhusz_ ar-szi-szu2 _{lu2}a kin_-ia sza2 szul-me u2-ma-'e-er _edin_-usz-szu2
276. _dumu-munus_ s,i-it lib3-bi-szu2 u2-sze-bi-la ana e-pesz _{munus}agrig_-u-ti
277. ma-da-at-ta-szu2 mah-ri-tu2 sza2 ina tar-s,i _lugal-mesz ad-mesz_-ia
278. u2-szab-t,i-lu isz-szu-u-ni a-di mah-ri-ia
279. 3(u) _ansze-kur-ra-mesz ugu_ ma-da-at-ti-szu2 mah-ri-te u2-rad-di-ma
280. e-mid-su ina u4-me-szu2-ma {disz}bi-ri-is-ha-at-ri _{lu2}en-iri_ sza mad-a-a
281. {disz}sar-a-ti {disz}pa-ri-hi 2(disz) _dumu-mesz_ {disz}ga-gi
282. _{lu2}en-iri_ {kur}sa-hi sza is,-lu-u _{gesz}szudun en_-ti-ia
283. 1(gesz2) 1(u) 5(disz) _iri-mesz_-szu2-nu dan-nu-ti ak-szu-ud asz2-lu-la szal-la-sun2
284. sza2-a-szu-nu bal-t,u-su-nu ina _szu-min_ as,-bat
285. u2-bi-la ana {iri}nina{ki} _iri en_-u-ti-ia
286. {disz}an-da-ri-a _{lu2}en-nam_ {kur}ur-ar2-t,i
287. sza2 a-na ka-sza2-ad {kur}up-pu-um-me u {kur}kul-li-im-me-ri
288. ir-da-a il-li-ka qe2-reb mu-szi-ti
289. _ug3-mesz_ a-szi-bu-ti {iri}kul-li-im-me-ri
290. _ARAD-mesz_ da-gil2 pa-ni-ia
291. ina szat mu-szi di-ik-ta-szu2 ma-as-su i-du-ku
292. la iz-zi-bu a-a-um-ma
293. _sag-du_ {disz}an-da-re-e ik-ki-su-nim-ma
294. a-na {iri}nina{ki} ina mah-ri-ia u2-bil-u-ni
295. ina 6(disz)-szi ger-ri-ia _ugu_ {disz}ur-ta-ki _man_ {kur}elam-ma{ki}
296. lu-u al-lik sza _mun ad du3_-ia la ha-as-su
297. la is,-s,u-ru ib-ru-ti ul-tu2 ina {kur}elam-ma{ki}
298. su-un-qu isz-ku-nu ib-ba-szu2-u ne2-eb-re-tu
299. {d}nisaba ba-lat, _zi_-tim _ug3-mesz_ u2-sze-bil-szu2-ma
300. as,-bat _szu-min_-su _ug3-mesz_-szu2 sza2 la-pa-an su-un-qi2
301. in-nab-tu-u-nim-ma u2-szi-bu qe2-reb _kur_ asz-szur{ki}
302. a-di zu-un-nu ina _kur_-szu2 iz-nu-nu ib-ba-szu-u _buru14_
303. _ug3-mesz_ sza2-a-tu-nu sza2 ina _kur_-ia ib-lu-t,u u2-sze-bil-szu2-ma
304. _{lu2}elam-ma_-a-a sza2 ti-bu-us-su it-ti lib3-bi-ia la da-ba-ku
305. la ha-as-sa-ku s,e-let-su {disz}en-ba-sza2 {kur}gam-bu-la-a-a
306. {disz}{d}muati-mu-kam-esz _{lu2}gu2-en-na ARAD-mesz_ da-gil2 pa-ni-ia
307. {disz}{d}marduk-mu-du3 {lu2}szu-ut _sag-mesz_ sza2 {disz}ur-ta-ki sza2 it-ti-szu2-nu
308. isz-ku-nu pi-i-szu ana mit-hu-s,i _kur eme-gi7_ u uri{ki}
309. ina pi-ir-s,a-a-ti id-ku-u-ni {disz}ur-ta-ki _man_ {kur}elam-ma{ki}
310. {disz}ur-ta-ki sza2 la ag-ru-szu2 qa-bal-szu2 id-ka-a
311. a-na {kur}kar2-{d}dun-ia2-asz3 ur-ri-ha ta-ha-zu
312. asz2-szu2 _zi?_-ut {lu2}e-la-me-e _{lu2}a kin_
313. a-na nina{ki} il-li-kam-ma iq-ba-a ia-a-te
314. a-ma-ti sza2-a-ti-na sza ti-bu-ti {disz}ur-ta-ki
315. ul asz2-du-ud ina lib3-bi-ia
316. szu-ut _{lu2}mah-mesz_-szu2 sza2 su-lum-me-e
317. isz-ta-nap-pa-ra ina mah-ri-ia
318. a-na a-mar _man {kur}elam-ma{ki} {lu2}a kin_-ia u2-ma-'e-er
319. ha-an-t,isz il-lik i-tu-ram-ma
320. a-ma-a-te ka-a-a-ma-na-ti u2-sza2-an-na-a ia-a-te
321. um-ma {lu2}e-la-mu-u _gin7 zi_-ut _buru5-hi-a_
322. ka-tim _kur_ uri{ki} ka-li-sza2 s,e-er babila2{ki}
323. usz-man-nu sza2-kin-ma na-di ma-dak-tu2 ana na-ra-ru-ti
324. {d}en u {d}ag _dingir-mesz_-ia sza2 ap-tal-la-hu _dingir_-us-su-un
325. _erin2-mesz me3_-ia ad-ke-e-ma as,-ba-ta har-ra-nu
326. a-lak ger-ri-ia isz-me-ma hat-tu is-hup2-szu2-ma
327. i-tur ana _kur_-szu2 _egir_-szu2 as,-bat a-bi-ik-ta-szu2 asz2-kun
328. at,-ru-us-su a-di mi-s,ir _kur_-szu2
329. {disz}ur-ta-ki _lugal_ {kur}elam-ma{ki} sza2 la is,-s,u-ru ib-ru-ti
330. ina u4-me la szim-ti-szu2 mu-u2-tu u2-ga-ru-u
331. ina ta-ne2-hi iq-tu-u i-zu-bu
332. ina qaq-qa-ri ba-la-t,i _giri3-min_-szu2 ul isz-kun
333. ina _mu-an-na_-szu2 na-pisz-ta-szu2 iq-ti
334. il-lik nam-mu-szi-szu2 {disz}en-ba-sza2 {lu2}gam-bu-la-a-a
335. sza is,-lu-u2 _{gesz}szudun en_-u-ti-ia ina ni-szik _pesz2_ isz-ta-kan na-pisz-tu2
336. {disz}{d}muati-mu-kam-esz _{lu2}gu2-en-na_ la na-s,ir a-de-e
337. isz-szi a-ga-nu-til-la-a _a-mesz sa5-mesz_
338. {disz}{d}marduk-mu-du3 {lu2}szu-ut _sag_-szu2 mu-szad-bi-ib-szu2
339. sza _munus-hul_ u2-szak-pi-du a-na {disz}ur-ta-ki
340. e-mid-su {d}marduk _man dingir-mesz_ sze-er-ta-szu2 _gal_-tu2
341. ina 1(disz)-et _mu-an-na_ me2-eh-ret a-ha-mesz
342. isz-ku-nu na-pisz-tu2 lib3-bi an-szar2 ag-gu
343. ul i-nu-uh-szu-nu-ti
344. ul ip-szah-szu-nu-ti ka-bit-ti {d}isz-tar
345. sza u2-tak-kil-an-ni
346. _bala_-e _lugal_-ti-szu2 isz-ki-pu
347. be-lut {kur}e-lam-ti u2-szal-qu-u sza2-nam-ma
348. ar-ka {disz}te-um-man tam-szil _gal5-la2_ u2-szib ina _{gesz}gu-za_
349. {disz}ur-ta-ki a-na da-a-ki _dumu-mesz_ {disz}ur-ta-ki
350. a-na _dumu-mesz_ {disz}um-man-al-da-sze _szesz_ {disz}ur-ta-ki
351. isz-te-ne2-'a-a _munus-hul_
352. {disz}um-man-i-gasz {disz}um-man-ap-pa {disz}tam-ma-ri-tu
353. _dumu-mesz_ {disz}ur-ta-ki _lugal_ {kur}elam-ma{ki}
354. {disz}ku-dur2-ru {disz}pa-ru-u2 _dumu-mesz_ {disz}um-man-al-da-sze
355. _lugal_ a-lik pa-ni {disz}ur-ta-ki
356. u3 1(gesz2) _numun lugal_ ina la mi3-ni _erin2-mesz {gesz}pan_
357. _dumu_ ba-ne2-e sza {kur}elam-ma{ki}
358. la-pa-an da-a-ki {disz}te-um-man
359. in-nab-tu-nim-ma is,-ba-tu2 _giri3-min lugal_-ti-ia
360. ina 7(disz)-e ger-ri-ia _ugu_ {disz}te-um-man _man_ {kur}elam-ma{ki}
361. lu-u al-lik sza2 _ugu_ {disz}um-man-i-gasz {disz}um-man-ap-pa
362. {disz}tam-ma-ri-tu _dumu-mesz_ {disz}ur-ta-ki _lugal_ {kur}elam-ma{ki}
363. {disz}ku-dur2-ru {disz}pa-ru-u2 _dumu-mesz_ {disz}um-man-al-da-sze
364. _szesz_ {disz}ur-ta-ki _lugal_ {kur}elam-ma{ki}
365. _{lu2}mah-mesz_-szu2 isz-ta-nap-pa-ra ana sze-bu-li
366. _ug3-mesz_ sza2-a-tu-nu sza2 in-nab-tu-nim-ma
367. is,-ba-tu2 _giri3-min_-ia sze-bul-szu2-nu ul aq-bi-szu2
368. ina _ugu_ me-re-he-e-ti ina _szu-min_ {disz}um-ba-da-ra-a
369. u3 {disz}{d}muati-saga-iq isz-ta-nap-pa-ra _iti_-szam
370. qe2-reb {kur}elam-ma{ki} usz-tar-ra-ah ina _ukken erin2-hi-a_-szu2
371. at-kil a-na {d}1(u)-5(disz) sza2 u2-tak-kil-an-ni
372. qi2-bit pi-i-szu er-hu ul am-gur2 ul a-din-szu2
373. mun-nab-ti sza2-a-tu-nu {disz}te-um-man le-mut-tu2
374. isz-te-ne2-'a-a {d}sin isz-te-ne2-'a-szu2
375. _geszkim-mesz munus-hul_ ina _{iti}szu an-mi_ szat ur-ri _en zalag2_
376. usz-ta-ni-ih-ma {d}utu _igi_-szu2-ma ki-ma szu-a-tu-ma
377. kal u4-me usz-ta-ni-ih a-na qi2-it _bala-mesz_
378. _man {kur}elam-ma{ki} zah2 kur_-szu2
379. u2-kal-lim-an-ni _gurun esz-bar_-szu2 sza la in-ne2-nu-u
380. ina u4-me-szu2-ma mi-ih-ru im-hur-szu-ma
381. _nundum_-su uk-tam-bil-ma _igi-min_-szu2 is-hur-ma
382. ga-ba-s,u isz-sza2-kin ina lib3-bi-szu
383. it-ti ep-sze-e-ti an-na-a-ti sza2 an-szar2 u {d}1(u)-5(disz)
384. e-pu-szu2-usz ul i-ba-asz2 id-ka-a _erin2-hi-a_-szu2
385. ina _{iti}ne iti_ na-an-mur-ti _mul-pan_
386. i-sin-ni szar-ra-ti ka-bit-ti _dumu-munus_ {d}en-lil2
387. a-na pa-lah _dingir_-ti-sza2 _gal_-ti asz2-ba-ak
388. ina {iri}limmu2-dingir _iri_ na-ram lib3-bi-sza2
389. asz2-szu2 ti-bu-ut {lu2}e-la-me-e sza2 ba-lu-u _dingir_ it-ba-a
390. u2-sza2-an-nu-u-ni t,e3-e-mu um-ma {disz}te-um-man
391. ki-a-am iq-bi sza2 {d}1(u)-5(disz) u2-sza2-an-nu-u mi3-lik t,e3-me-szu2
392. um-ma ul u2-masz-szar a-di al-la-ku it-ti-szu2
393. ep-pu-szu2 mit-hu-s,u-tu2 szu-ut me-re-eh-te an-ni-te
394. sza2 {disz}te-um-man iq-bu-u am-hur sza2-qu-tu2 {d}isz-tar
395. a-zi-iz ana tar-s,i-sza2 ak-mi3-is sza2-pal-sza2
396. _dingir_-us-sa u2-sap-pa-a il-la-ka di-ma-a-a
397. um-ma {d}be-let {iri}limmu2-dingir{ki} a-na-ku {disz}asz-szur-du3-a _man kur_ asz-szur{ki}
398. bi-nu-ut _szu-min_-ki sza2 ih-szu-hu-szu2 an-szar2 _ad_ ba-nu-ki
399. a-na ud-du-usz esz-re-e-ti szul-lum par-s,e-szu2-un
400. na-s,ir pi-risz-te-szu2-un szu-t,u-ub lib3-bi-szu2-un
401. im-bu-u zi-kir-szu2 a-na-ku asz2-re-e-ki asz2-te-ne2-'i-i
402. al-li-ka a-na pa-lah _dingir_-ti-ki szul-lum par-s,e-e-ki
403. u3 szu-u2 {disz}te-um-man _man_ {kur}elam-ma{ki} la mu-sza2-qir _dingir-mesz_
404. ku-s,ur ka-li a-na mit-hu-s,i _erin2-hi-a_-ia
405. um-ma at-ti {d}be-let be-le-e-ti i-lat qab-li be-let _me3_
406. ma-li-kat3 _dingir-mesz ad-mesz_-sza2 sza2 ina ma-har an-szar2 _ad du3_-ki
407. _saga_-ti3 taq-bi-i i-na ni-isz _igi-min_-szu2 _ku3-mesz_ ih-szu-ha-an-ni
408. a-na _lugal_-u-ti asz2-szu2 {disz}te-um-man _man_ {kur}elam-ma{ki}
409. sza2 ana an-szar2 _man dingir-mesz ad du3_-ki ih-tu-u bil-tu
410. id-ka-a _erin2-hi-a_-szu2 ik-s,u-ra ta-ha-zu
411. u2-sza2-'i-i-la _{gesz}tukul-mesz_-szu2 a-na a-lak _kur_ asz-szur{ki}
412. um-ma at-ti qa-rit-ti _dingir-mesz_ ki-ma _gun_
413. ina qa-bal tam-ha-ri pu-ut,-t,i-ri-szu2-ma di-kisz-szu2 me-hu-u
414. _im_ lem-nu in-he-ia szu-nu-hu-ti {d}1(u)-5(disz) isz-me-ma
415. la ta-pal-lah iq-ba-a u2-szar-hi-s,a-an-ni lib3-bu
416. a-na ni-isz _szu-min_-ka sza2 tasz-sza2-a _igi-min_-ka im-la-a di-im-tu2
417. ar-ta-szi re-e-mu ina szat mu-szi szu-a-tu sza2 am-hur-szi
418. 1(disz)-en {lu2}szab-ru-u u2-tu-ul-ma i-na-at,-t,al _masz2-ge6_
419. i-gi-il-ti-ma tab-rit mu-szi sza {d}1(u)-5(disz) u2-szab-ru-szu2
420. u2-sza2-an-na-a ia-a-ti um-ma {d}1(u)-5(disz) a-szi-bat {iri}limmu2-dingir
421. e-ru-ba-am-ma 1(u)-5(disz) u 2(disz)-3(u) tu-ul-la-ta isz-pa-a-ti
422. tam-ha-at _{gesz}pan_ ina i-di-sza2 szal-pat nam-s,a-ru zaq-tu2 sza2 e-pesz ta-ha-zi
423. ma-har-sza2 ta-zi-iz szi-i ki-ma _ama_
424. a-lit-ti i-tam-ma-a it-ti-ka
425. il-si-ka {d}1(u)-5(disz) sza2-qut _dingir-mesz_ i-szak-kan-ka t,e3-e-mu
426. um-ma ta-na-at,-t,a-la a-na e-pesz sza2-asz2-me
427. a-szar pa-nu-u-a szak-nu te-ba-ku a-na-ku
428. at-ta ta-qab-bi-sza2 um-ma a-szar tal-la-ki
429. it-ti-ki lul-lik {d}be-let _gaszan-mesz_
430. szi-i tu-sza2-an-nak-ka um-ma at-ta a-kan-na lu asz2-ba-ta
431. a-szar masz-kan2-i-ka a-kul a-ka-lu szi-ti ku-ru-un-nu
432. nin-gu-tu2 szu-kun nu-'i-id _dingir_-ti
433. a-di al-la-ku szip-ru szu-a-tu ep-pu-szu2 u2-szak-sza2-du
434. s,u-um-me-rat lib3-bi-ka
435. pa-nu-u-ka ul ur-raq ul i-nar3-ru-t,a _giri3-min_-ka
436. ul ta-szam-mat, zu-ut-ka ina _muru2_ tam-ha-ri
437. ina ki-rim-mi3-sza2 _du10-ga_ tah-s,i-in-ka-ma tah-te-na gi-mir la-ni-ka
438. pa-nu-usz-sza2 {d}gesz-bar in-na-pi-ih
439. szam-risz ta-at-ta-s,i a-na a-ha-a-ti
440. e-li {disz}te-um-man _man_ {kur}elam-ma{ki}
441. sza ug-gu-ga-ta pa-nu-usz-sza2 tasz-kun
442. ina _{iti}kin_ szi-pir _{d}inanna-mesz_ i-sin-ni an-szar2 s,i-i-ru
443. _iti_ {d}sin na-an-nar3 _an_-e u _ki_-tim at-kil ana _esz-bar_
444. {d}nanna-ri nam-ri u3 szi-pir {d}1(u)-5(disz) _gaszan_-ia sza2 la in-nen-nu-u
445. ad-ke _erin2-mesz me3-mesz_-ia mun-dah-s,e sza2 ina qi2-bit an-szar2 {d}sin u {d}1(u)-5(disz)
446. it-ta-na-asz2-ra-bi-t,u ina _muru2_ tam-ha-ri
447. e-li {disz}te-um-man _man_ {kur}elam-ma{ki} ur-hu as,-bat-ma
448. usz-te-sze-ra har-ra-nu el-la-mu-u-a {disz}te-um-man _man_ {kur}elam-ma{ki}
449. ina {iri}e2-{disz}im-bi-i na-di ma-dak-tu2 e-reb _lugal_-ti-ia
450. sza2 qe2-reb |BAD3.AN|{ki} isz-me-e-ma is,-bat-su hat-tu {disz}te-um-man ip-lah3-ma
451. ana _egir_-szu2 i-tur e-ru-ub qe2-reb {iri}szu-sza2-an
452. _ku3-babbar ku3-sig17_ a-na szu-zu-ub _zi_-ti3-szu2 u2-za-'i-iz a-na _ug3-mesz kur_-szu2
453. re-s,e-e-szu a-lik _a2-min_-szu pa-nu-usz-szu2 u2-ter-ram-ma
454. ug-dap2-pi-sza2 a-na mah-ri-ia
455. {i7}u2-la-a-a ana dan-nu-ti-szu2 isz-kun-ma is,-bat pa-an masz-qe2-e
456. ina qi2-bit an-szar2 {d}marduk _dingir-mesz gal-mesz en-mesz_-ia2 sza2 u2-tak-kil-u2-in-ni
457. ina _geszkim-mesz munus saga masz2-ge6 inim-gar_ szi-pir mah-he-e
458. qe2-reb _du6-{iri}tu_-ba _bad5-bad5_-szu2-nu asz2-kun
459. ina _adda-mesz_-szu2-nu {i7}u2-la-a-a
460. as-ki-ir szal-ma-ti-szu2-nu ki-ma _{gesz}dih3_ u _{gesz}kiszi16_
461. u2-mal-la-a ta-mir-ti {iri}szu-sza2-an
462. _sag-du_ {disz}te-um-man _lugal_ {kur}elam-ma{ki} ina qi2-bit
463. an-szar2 u {d}marduk _dingir-mesz gal-mesz en-mesz_-ia
464. ak-kis ina _ukken erin2-hi-a_-szu2 me-lam-me an-szar2 u {d}1(u)-5(disz)
465. {kur}elam-ma{ki} is-hu-up-ma ik-nu-szu2 a-na ni-ri-ia2
466. {disz}um-man-i-gasz sza2 in-nab-tu is,-ba-tu _giri3-min_-ia2
467. ina _{gesz}gu-za_-szu2 u2-sze-szib {disz}tam-ma-ri-tu _szesz_-szu2 szal-sza2-a-a
468. ina {iri}hi-da-lu a-na _lugal_-u2-ti asz2-kun
469. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
470. s,i-mit-ti ni-i-ri {gesz}til-li si-mat _me3_
471. sza2 ina tukul-ti an-szar2 {d}1(u)-5(disz) _dingir-mesz gal-mesz en-mesz_-ia
472. bi-rit {iri}szu-sza2-an u {i7}u2-la-a-a ik-szu-da _szu-min_-a-a
473. ina qi2-bit an-szar2 u _dingir-mesz gal-mesz en-mesz_-ia
474. ul-tu qe2-reb {kur}elam-ma{ki} ha-disz u2-s,a-am-ma
475. a-na gi-mir _erin2-hi-a_-ia sza2-lim-tu szak-na-at
476. ina 8(disz)-e ger-ri-ia _ugu_ {disz}du-na-nu _dumu {disz}en-ba_-sza2
477. a-na {kur}gam-bu-li lu-u al-lik
478. sza2 a-na _lugal_ {kur}elam-ma{ki} it-tak-lu
479. la ik-nu-szu2 a-na ni-ri-ia
480. ta-ha-zi dan-nu {kur}gam-bu-lu a-na si-hir-ti-szu2
481. ki-ma _muru9_ ak-tum3
482. {iri}sza2-pi-i-{d}en _iri_ dan-nu-ti-szu2
483. sza qe2-reb _id2-mesz_ na-da-at szu-bat-su ak-szu-ud
484. {disz}du-na-nu _szesz-mesz_-szu2 ul-tu qe2-reb _iri_ szu-a-tu
485. bal-t,u-su-un u2-sze-s,a-a
486. _dam_-su _dumu-mesz_-szu2 _dumu-munus-mesz_-szu2 {munus}sek-re-ti-szu2
487. _{lu2}nar-mesz {munus}nar-mesz_ u2-sze-s,a-am-ma szal-la-tisz am-nu
488. _ku3-babbar ku3-sig17 nig2-szu_ na-kam2-ti _e2-gal_-szu2 u2-sze-s,a-am-ma szal-la-tisz am-nu
489. {lu2}szu-ut _sag-mesz_ man-za-az pa-ni-szu2 {lu2}kit-ki-tu-u mu-sza2-ki-le-szu2 u2-sze-s,a-am-ma
490. szal-la-tisz am-nu gi-mir um-ma-a-ni ma-la ba-szu-u
491. mar-kas _iri_ u _edin_ u2-sze-s,a-am-ma szal-la-tisz am-nu
492. _gu4-mesz_ s,e-e-ni _ansze-kur-ra-mesz ansze-kunga-mesz_
493. sza ni-ba la i-szu2-u u2-sze-s,a-am-ma szal-la-tisz am-nu
494. _ug3-mesz kur_-szu2 zi-kir u sin-nisz _tur_ u _gal_
495. e-du ul e-zib u2-sze-s,a-am-ma szal-la-tisz am-nu
496. {disz}mas-si-ra-a _{lu2}gal {gesz}pan_ sza2 {disz}te-um-man _man_ {kur}elam-ma{ki}
497. sza2 a-na kit-ri {kur}gam-bu-li ma-s,ar-tu {disz}du-na-nu
498. asz2-bu qe2-reb {iri}sza2-pi-i-{d}en
499. bal-t,u-us-su ina qa-ti as,-bat
500. _sag-du_-su ak-kis2
501. it-ti pa-ni {disz}du-na-nu kit-ri la mu-sze-zib-i-szu2 ar-pi-is
502. _iri_ szu-a-tu2 ap-pul aq-qur ina _a-mesz_ usz-har-mit,
503. a-di la ba-sze-e u2-sza2-lik
504. na-gu-u2 szu-a-tu u2-szah-rib
505. ri-gim a-me-lu-ti ap-ru-sa _edin_-usz-szu2
506. ina tu-kul-ti an-szar2 {d}en {d}ag _dingir-mesz gal-mesz en-mesz_-ia
507. _{lu2}kur2-mesz_-ia a-ni-ir szal-mesz a-tu-ra a-na nina{ki}
508. _sag-du_ {disz}te-um-man _man_ {kur}elam-ma{ki} ina _gu2_ {disz}du-na-nu a-lul
509. it-ti ki-szit-ti {kur}elam-ma{ki}
510. szal-la-at {kur}gam-bu-li
511. sza ina qi2-bit an-szar2 ik-szu-da _szu-min_-a-a
512. it-ti _{lu2}nar-mesz_ e-pisz nin-gu-ti
513. a-na nina{ki} e-ru-ub ina _hul2-mesz_
514. {disz}um-ba-da-ra-a {disz}{d}muati-saga-iq
515. _{lu2}mah-mesz_ sza2 {disz}te-um-man _lugal_ {kur}elam-ma{ki}
516. sza {disz}te-um-man ina _szu-min_-szu2-nu isz-pu-ra
517. szi-pir me-re-eh-ti sza ina mah-ri-ia ak-lu-u
518. u2-qa-'u-u2 pa-an szi-kin t,e3-me-ia
519. ni-kis _sag-du_ {disz}te-um-man _en_-szu2-nu qe2-reb nina{ki}
520. e-mu-ru-ma sza2-ne2-e t,e3-e-me is,-bat-su-nu-ti
521. {disz}um-ba-da-ra-a ib-qu-nu ziq-na-a-szu
522. {disz}{d}ag-saga-iq ina _gir2 an-bar_ szib-bi-szu2 is-hu-la kar-as-su
523. ni-kis _sag-du_ {disz}te-um-man ina _gaba abul muru2 iri_
524. sza nina{ki} u2-mah-hi-ra mah-hu-risz
525. asz2-szu2 da-na-an an-szar2 u {d}1(u)-5(disz) _en-mesz_-ia _ug3-mesz_ kul-lu-me
526. ni-kis _sag-du_ {disz}te-um-man _lugal_ {kur}elam-ma{ki}
527. {disz}ibila-a-a _dumu_ {disz}{d}muati-sa-lim _dumu dumu {disz}{d}szu2-a-asz_
528. sza la-pa-an _ad ad_ ba-ni-ia _ad_-szu2 in-nab-tu
529. a-na {kur}elam-ma{ki} ul-tu {disz}um-man-i-gasz qe2-reb {kur}elam-ma{ki}
530. asz2-ku-nu ana _lugal_-u2-ti {disz}ibila-ia _dumu_ {disz}{d}ag-sa-lim
531. is,-bat u2-sze-bi-la a-di mah-ri-ia
532. {disz}du-na-nu {disz}sa-am-gu-na _dumu-mesz {disz}{d}en-ba_-sza2
533. {kur}gam-bu-la-a-a sza2 _ad-mesz_-szu2-un a-na _lugal-mesz ad-mesz_-ia2
534. u2-dal-li-pu-ma u3 szu-nu u2-nar3-ri-t,u e-pesz
535. _lugal_-ti-ia qe2-reb bal-til{ki} u3 {iri}limmu2-dingir
536. a-na da-lal2 ah-ra-a-te u2-bil-szu-nu-ti
537. sza2 {disz}man-nu-ki-pap-mesz {lu2}2(disz)-u sza2 {disz}du-na-ni
538. u3 {disz}{d}muati-u2-s,al-li {lu2}sza2 _ugu iri_ {kur}gam-bu-li
539. sza _ugu dingir-mesz_-ia iq-bu-u szil-la-tu2 _gal_-ti
540. qe2-reb {iri}limmu2-dingir _eme_-szu2-un asz2-lu-up asz2-hu-t,a _kusz_-szu2-un
541. {disz}du-na-nu qe2-reb nina{ki} _ugu_ {gesz}ma-ka-s,i id-du-szu2-ma
542. it,-bu-hu-szu2 as-lisz si-it-ti _szesz-mesz_-szu2 sza2 {disz}du-na-ni
543. u3 {disz}ibila-a-a a-ni-ir _uzu-mesz_-szu2-nu u2-na-kis
544. u2-sze-bil a-na ta-mar-ti ma-ti-tan
545. {disz}{d}muati-i {disz}{d}en-kar-ir _dumu-mesz {disz}{d}muati-mu-kam_-esz _{lu2}gu2-en-na_
546. sza2 _ad_ ba-nu-szu2-un {disz}ur-ta-ku id-ka-a a-na
547. mit-hu-s,i _kur uri{ki} giri3-pad-da-mesz {disz}{d}muati-mu-kam_-esz
548. sza2 ul-tu qe2-reb {kur}gam-bu-li il-qu-u-ni a-na _kur_ asz-szur{ki}
549. _giri3-pad-da-mesz_ sza2-a-ti-na me2-eh-ret _abul muru2 iri_
550. sza2 {iri}ni-na-a
551. u2-szah-szi-la _dumu-mesz_-szu2
552. {disz}um-man-i-gasz sza2 t,a-ab-tu2 ma-a'-as-su e-pu-szu2-usz
553. asz2-ku-nu-usz a-na _lugal_-u-ti {kur}elam-ma{ki}
554. sza _saga_-ti3 la ha-as-su
555. la is,-s,u-ru a-de-e ma-mit _dingir-mesz gal-mesz_
556. ul-tu _szu-min {lu2}a kin-mesz {disz}{d}gesz-nu11-mu-gi-na_
557. _szesz_ la ke-nu _{lu2}kur2_-ia im-hu-ru t,a-a'-tu2
558. e-mu-qi-szu2 it-ti-szu2-un isz-pu-ra
559. a-na mit-hu-s,i _erin2-hi-a_-ia
560. _erin2-mesz me3_-ia sza2 ina {kur}kar2-{d}dun-ia2-asz3
561. it-ta-na-al-la-ku u2-kab-ba-su {kur}kal-du
562. ina la i-de s,e-er {disz}un-da-si
563. _dumu_ {disz}te-um-man _lugal_ {kur}elam-ma{ki}
564. u3 {disz}za-za-az _{lu2}en-iri_ {kur}pil-la-te
565. {disz}pa-ru-u2 _{lu2}en-iri_ {kur}hi-il-mu
566. {disz}at-ta-me-tu _{lu2}gal {gesz}pan_
567. {disz}ne2-e-szu2 a-lik pa-ni _erin2-hi-a_ sza2 {kur}elam-ma{ki}
568. a-na mit-hu-us,-s,i it-ti _erin2-hi-a kur_ asz-szur{ki}
569. u2-ma-'e-er-szu2-nu-ti isz-kun-szu2-nu-te t,e3-e-mu
570. {disz}um-man-i-gasz a-na {disz}un-da-si ki-a-am iq-bi
571. um-ma a-lik _ta kur_ asz-szur{ki} ter-ra
572. tuk-te9-e _ad_ ba-ni-ka
573. {disz}un-da-a-su? {disz}za-za-az {disz}pa-ru-u {disz}at-ta-me-tu {disz}ne2-e-szu2
574. it-ti _{lu2}a kin-mesz {disz}{d}gesz-nu11-mu-gi-na szesz_ nak-ri
575. ur-hu is,-ba-tu-nim-ma usz-te-sze-ru-ni har-ra-nu
576. _erin2-mesz me3_-ia ina {iri}man-gi-si sza2 qe2-reb {iri}su-man-dir
577. _edin_-usz-szu2-un e-lu-nim-ma isz-ku-nu tah-ta-szu2-un
578. sza {disz}un-da-si _dumu_ {disz}te-um-man _lugal_ {kur}elam-ma{ki}
579. sza {disz}za-za-az {disz}par-ru-u2 {disz}at-ta-me-tu
580. _sag-du-mesz_-szu2-nu ik-ki-su-nim-ma u2-bil-u-ni a-di mah-ri-ia
581. szu-ut a-ma-a-ti an-na-a-ti _{lu2}a kin_-ia
582. u2-ma-'e-er s,e-er {disz}um-man-i-gasz
583. {lu2}szu-ut _sag_-ia sza2 asz2-pu-ru ik-la-ma
584. la u2-ter-ra tur-tu2 a-mat-ia
585. an-szar2 {d}sin {d}utu {d}en {d}muati {d}u-gur _dingir-mesz_ ti-ik-le-ia
586. di-in kit-ti it-ti {disz}um-man-i-gasz i-di-nu-in-ni
587. {disz}tam-ma-ri-tu _edin_-usz-szu2 ib-bal-kit-ma sza2-a-szu2 ga-du kim-ti-szu2 u2-ra-sib
588. ina _{gesz}tukul-mesz_ {disz}tam-ma-ri-tu2 sza2 e-la sza2-a-szu2 ek-s,u u2-szib ina _{gesz}gu-za_
589. {kur}elam-ma{ki} ki-ma sza2-a-szu2-ma t,a-'a-a-tu2 im-hur
590. ul isz-al szu-lum _lugal_-ti-ia
591. a-na kit-ri {disz}{d}gesz-nu11-mu-gi-na _szesz_ la ke-e-nu il-lik-am-ma
592. a-na mit-hu-s,i _erin2-hi-a_-ia ur-ri-ha _{gesz}tukul-mesz_-szu2
593. ina su-up-pe-e sza2 an-szar2 u {d}1(u)-5(disz) u2-sap-pu-u
594. ta-ne2-hi-ia im-hu-ru isz-mu-u zi-kir _nundum_-ia
595. _ARAD-mesz_-szu2 _edin_-usz-szu2 ib-bal-ki-tu-ma
596. a-ha-mesz u2-ra-si-bu _en hul_-ti3-ia
597. {disz}in-da-bi-bi _ARAD_-su sza2 si-hu
598. _ugu_-szu2 u2-szab-szu-u u2-szib ina _{gesz}gu-za_-szu2
599. {disz}tam-ma-ri-tu _lugal_ {kur}elam-ma{ki}
600. sza me-re-eh-tu2 iq-bu-u
601. e-li ni-kis _sag-du_ {disz}te-um-man
602. sza2 ik-ki-su a-hu-ru-u _erin2-hi-a_-ia
603. u3 _szesz-mesz_-szu2 qin-nu-szu2 _numun e2 ad_-szu2
604. it-ti 1(gesz2) 2(u) 5(disz) _nun-mesz_ sza2 {kur}elam-ma{ki} a-li-kut _a2-min-mesz_-szu2
605. sza la-pa-an _{gesz}tukul-mesz_ an-szar2 u {d}1(u)-5(disz) ip-par-szu-nim-ma
606. a-na da-lal2 _dingir_-ti-szu2-nu _gal_-ti
607. it-ti {disz}{d}marduk-man-pap {lu2}szu-ut _sag_-ia
608. sza ib-szi-mu-szu2 ina da-na-ni
609. mi-ra-nu-usz-szu2-un ina _ugu_ lib3-bi-szu-nu
610. ip-szi-lu-nim-ma is,-ba-tu _giri3-min lugal_-ti-ia
611. {disz}tam-ma-ri-tu a-na e-pesz _ARAD_-ti-ia ra-man-szu2 im-nu-ma
612. a-na kat3-a-ri-szu2 u2-s,al-la-a _en_-u-ti
613. szu-ut 1(disz)-en szu-ut _sag_-ia an-szar2 {d}sin {d}utu {d}en {d}ag
614. _dingir-mesz_ tik-le-ia 1(disz) _lim-a-a_ ri-bi-ia i-ri-bu-u-ni
615. {disz}tam-ma-ri-tu _ug3-mesz_ ma-la it-ti-szu
616. qe2-reb _e2-gal_-ia ul-zi-is-su-nu-ti
617. {disz}in-da-bi-bi sza2 _egir_ {disz}tam-ma-ri-ti
618. u2-szi-bu ina _{gesz}gu-za_ {kur}elam-ma{ki}
619. da-na-an _{gesz}tukul-mesz_-ia i-de-e-ma
620. sza u2-szam-ri-ru _ugu_ {kur}elam-ma{ki}
621. _dumu-mesz kur_ asz-szur{ki} sza2 asz2-pu-ru
622. a-na kit-ri {disz}{d}muati-en-mu-mesz _dumu_ {disz}{d}marduk-a-asz
623. sza _gin7_ ib-ri u tap-pe-e na-s,ar _kur_-szu2
624. it-ta-na-al-la-ku it-ti-szu2
625. sza2 {disz}{d}muati-en-mu-mesz ina pi-ir-s,a-a-ti ina szat mu-szi
626. us,-s,ab-bi-tu ik-lu-u2 ina ki-li
627. {disz}in-da-bi-bi _lugal_ {kur}elam-ma{ki}
628. ul-tu _e2_ s,i-bit-ti u2-sze-s,a-asz2-szu2-nu-ti
629. ki-i s,a-bat ab-bu-ut-ti qa-be2-e _munus saga_-szu2
630. la ha-t,e-e mi-s,ir _kur_-szu2
631. ina _szu-min {lu2}a kin_-szu2 sza2 t,u-u2-bi u3 su-lum-me-e
632. u2-sze-bi-la a-di _igi_-ia
633. {disz}ia-u-ta-a' _dumu_ {disz}ha-za-a-dingir _lugal_ {kur}qa-da-ri
634. e-pisz _ARAD_-ti-ia asz2-szu2 _dingir-mesz_-szu2 im-hur-an-ni-ma
635. u2-s,al-la-a _lugal_-u2-ti
636. _mu dingir-mesz gal-mesz_ u2-sza2-az-kir2-szu2-ma
637. {d}a-tar-sa-ma-in u2-ter-ma a-din-szu2
638. _egir_-nu ina a-de-ia ih-t,i-ma
639. _mun_ la is,-s,ur-ma is,-la-a _{gesz}szudun_ be-lu-ti-ia
640. a-na sza2-'a-al szul-mi3-ia _giri3-min_-szu2 ip-ru-us-ma
641. ik-la-a ta-mar-ti
642. _ug3-mesz_ {kur}a-ri-bi it-ti-szu2 u2-sza2-bal-kit-ma
643. ih-ta-nab-ba-tu hu-bu-ut _kur_ mar-tu{ki}
644. _erin2-hi-a_-ia sza2 ina mi-s,ir _kur_-szu2 asz2-bu
645. u2-ma-'e-e-ra s,e-ru-usz-szu
646. _bad5-bad5_-szu2-nu isz-ku-nu _ug3-mesz_ {kur}a-ri-bi
647. ma-la it-bu-u-ni u2-ra-si-bu ina _{gesz}tukul-mesz_
648. _e2 edin_ kul-ta-ri mu-sza2-bi-szu2-nu
649. _izi_ u2-sza2-hi-zu ip-qi2-du a-na {d}gesz-bar
650. _gu4-mesz_ s,e-e-ni _ansze-mesz ansze-gam-mal-mesz_
651. a-me-lu-tu isz-lu-lu-u-ni ina la mi3-ni
652. se-he-ep _kur_ ka-la-mu a-na si-hir-ti-szu2
653. um-da-na-al-lu-u a-na pat, gim-ri-sza2
654. _ansze-gam-mal-mesz_ ki-ma s,e-e-ni u2-par-ri-is
655. u2-za-'i-iz a-na _ug3-mesz kur_ asz-szur{ki}
656. qa-bal-ti _kur_-ia _ansze-gam-mal_ ina 1(disz) _gin2_ ina 1/2(disz) _gin2_ kas-pi
657. i-szam-mu ina _ka2_ ma-hi-ri
658. {munus}asz2-tam-mu ina ni-id-ni _{lu2}lunga2_ ina {dug}ha-be2-e
659. _{lu2}nu-{gesz}kiri6_ ina ki-i-szi im-da-na-ha-ru
660. _ansze-gam-mal-mesz_ u3 a-me-lu-tu
661. si-it-ti {lu2}a-ri-bi sza2 la-pa-an _{gesz}tukul-mesz_-ia
662. ip-par-szi-du u2-szam-qit {d}er3-ra qar-du
663. su-un-qu ina bi-ri-szu2-un isz-sza2-kin-ma
664. a-na bu-ri-szu2-nu e-ku-lu _uzu-mesz dumu-mesz_-szu2-un
665. ar-ra-a-ti ma-la ina a-de-szu2-un szat,-ru
666. ina pi-it-ti i-szi-mu-szu2-nu-ti an-szar2 {d}sin {d}utu
667. {d}en u {d}ag {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir{ki}
668. _dingir-mesz gal-mesz en-mesz_-ia
669. {disz}ia-u-ta-a' ma-ru-usz-tu2 im-hur-szu2-ma
670. e-disz-szi-szu2 in-na-bit {disz}a-bi-ia-te-e' _dumu_ {disz}te-e'-ri
671. a-na nina{ki} il-li-kam-ma u2-na-sziq _giri3-min_-ia
672. a-de-e a-na e-pesz _ARAD_-ti-ia it-ti-szu2 asz2-kun
673. ku-um {disz}ia-u-ta-a' asz2-kun-szu2 ana _lugal_-u-ti
674. _ku3-sig17 {na4}igi-min-mesz {na4}babbar-dili_ gu-uh-lu _ansze-gam-mal-mesz_
675. _ansze-mesz_ bit-ru-tu2 man-da-at-tu2 szat-ti-szam-ma
676. u2-kin _edin_-usz-szu
677. {disz}am-mu-la-di-in _lugal_ {kur}qa-ad-ri sza2 ki-ma sza2-a-szu2
678. ik-ki-ru ih-ta-nab-ba-tu hu-bu-ut _kur_ mar-tu{ki}
679. ina zi-kir _mu_-ia sza2 an-szar2 {d}sin {d}utu {d}en {d}ag
680. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} u2-szar-bu-u2
681. {disz}ka-ma-as-hal-ta-a _lugal_ {kur}ma-'a-a-ba
682. _ARAD_ da-gil2 pa-ni-ia
683. ina _me3_ isz-ku-nu _bad5-bad5_-szu2
684. {disz}am-mu-la-di? si-it-ti _ug3-mesz_-szu2
685. sza la-pa-an da-a-ki i-szi-tu-u-ni u2-s,ab-bit ina _szu-min_
686. _szu-min_ u _giri3-min_ bi-re-tu2 _an-bar_ id-di-ma
687. a-na {iri}nina{ki} a-di mah-ri-ia u2-sze-bi-la
688. {disz}na-at-nu _lugal_ {kur}na-ba-a-a-ti
689. sza a-szar-szu ru-u-qu
690. isz-ma-a da-na-an an-szar2 u {d}marduk sza2 u2-tak-kil-u2-in-ni
691. sza ma-ti-ma a-na _lugal-mesz ad-mesz_-ia
692. _{lu2}a kin_-szu2 la isz-pu-ra
693. la isz-a-lu4 szu-lum _lugal_-ti-szu2-un
694. e-nen-na ia-a-ti _{lu2}a kin_-szu2 sza2 szul-me
695. isz-pu-ra u2-na-sziq _giri3-min_-ia
696. a-na sza2-kan a-de-e su-lum-me-e e-pesz _ARAD_-ti-ia
697. u2-s,a-na-al-la-a be-lu-u-ti
698. a-na-ku ha-disz ap-pa-lis-szu-ma
699. pa-ni-ia _saga-mesz ugu_-szu2 asz2-kun
700. _gun_ man-da-at-tu szat-ti-szam-ma u2-kin _edin_-usz-szu2
701. ina u4-me-szu2-ma _e2-gal_ ma-szar-ti sza qe2-reb nina{ki}
702. sza {disz}{d}sin-pap-mesz-su _man kur_ asz-szur{ki} _ad ad du3_-ia e-pu-szu2
703. la-ba-risz il-lik-am-ma tem-me-en-szu2 ir-bu-ub-ma
704. i-qu-pa _e2-gar8-mesz_-szu2
705. _e2-gal_ ma-szar-ti szu-a-tu sza la-ba-risz il-la-ku
706. e-na-hu _usz8_-szu2 mi-qit-ta-szu ad-ke
707. ak-szu-da a-sur-ru-szu ul-tu _usz8_-szu2
708. a-di gaba-dib-be2-e-szu2 ar-s,ip u2-szak-lil
709. _ugu_ sza2 u4-me pa-ni u2-dan-ni-na tem-me-en-szu2
710. _mu-sar_-u2 szi-t,ir _mu_-ia u ta-nit-ti qar-ra-du-ti-ia
711. sza2 ina tukul-ti an-szar2 {d}sin {d}utu {d}en {d}ag
712. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir {d}masz {d}nusku {d}u-gur
713. ina _kur-kur_ at-tal-la-ku asz2-ku-nu da-na-an u li-i-tu2
714. asz2-t,ur-ma ana? ah-rat u4-me e-zib
715. a-na _egir_ u4-me ina _dumu-mesz dumu dumu-mesz dumu-mesz_
716. u3 _dumu-mesz_ ina _lugal-mesz dumu-mesz_-ia
717. sza an-szar2 u {d}1(u)-5(disz) a-na be-lut _kur_ u _ug3-mesz_
718. i-nam-bu-u zi-kir-szu2 e-nu-ma _e2-gal_ ma-szar-te
719. szu-a-tu2 i-lab-bi-ru-ma en-na-hu
720. an-hu-us-su lu-ud-disz
721. _mu-sar_-u2 szi-t,ir _mu_-ia li-mur-ma
722. _i3-mesz_ lip-szu-usz _{udu}siskur bala_-qi2
723. a-na asz2-ri-szu lu-ter ki-i sza a-na-ku
724. _mu-sar_-u2 szi-t,ir szu-me {disz}{d}sin-pap-mesz-su _ad ad du3_-ia
725. a-mu-ru _i3-mesz_ ap-szu-szu2 _{udu}siskur_ aq-qu-u
726. it-ti _mu-sar_-e szi-t,ir _mu_-ia asz2-ku-nu
727. at-ta ki-ma ia-a-ti-ma _mu-sar_-a-a a-mur-ma
728. _i3-mesz_ pu-szu-usz _{udu}siskur bala_-qi2
729. it-ti _mu-sar_-e szi-t,ir _mu_-ka szu-kun
730. _dingir-mesz gal-mesz_ ma-la ina _mu-sar_-e an-ne2-e szat,-ru
731. _lugal_-ut-ka lik-tar-ra-bu li-is,-s,u-ru _bala-mesz_-ka
732. sza _mu-sar_-u2 szi-t,ir _mu_-ia
733. u3 szi-t,ir szu-me _ad ad_-ia? ib-ba-tu2
734. ina mim-ma szi-pir ni-kil-ti u2-hal-la-qu
735. it-ti _mu-sar_-e szi-t,ir _mu_-szu2 la i-szak-ka-nu
736. _dingir-mesz gal-mesz_ sza2 _an_-e u _ki_-tim _lugal_-su lis-ki-pu
737. _mu_-szu2 _numun_-szu2 ina _kur_ lu?-hal-li-qu

No image available

RINAP 5/1 Ashurbanipal 004 composite (P514713)

Composite

Composite No.: Q003703

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 004 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
1. a-na-ku {disz}an-szar2-du3-a _lugal gal lugal_ dan-nu
2. _lugal szu2 lugal kur_ an-szar2{ki} _lugal_ kib-rat _limmu2_-tim
3. s,i-it lib3-bi {disz}an-szar2-pap-asz _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _sza3-bala-bala_ {disz}{d}sin-pap-mesz-su _lugal szu2 lugal kur_ asz-szur{ki}
6. _dingir-mesz gal-mesz_ ina _ukken_-szu2-nu szi-mat _saga_-tim i-szim-mu szim-ti
7. uz-nu ra-pa-asz2-tu2 isz-ru-ku-u-ni kul-lat t,up-szar-ru-ti u2-sza2-hi-zu
8. ka-ra-szi ina _ukken_ lu-li-me zi-kir _mu_-ia u2-szar-ri-hu
9. u2-szar-bu-u2 _lugal_-u-ti du-un-nu zik-ru-u-tu
10. e-mu-qa-an s,i-ra-a-ti u2-szat-lim-u-ni ma-ta-a-ti
11. la ma-gi-re-ia ina _szu-min_-ia im-nu-u u2-szam-s,u-in-ni
12. ma-la lib3-bi-ia {lu2}sza2-an-gu-ti ih-szu-hu
13. na-dan zi-bi-ia i-t,ib _ugu dingir_-ti-szu2-un
14. esz-ret _dingir-mesz gal-mesz en-mesz_-ia u2-szak-lil
15. u2-szal-bi-sza2 _ku3-sig17 ku3-babbar_ {d}lah3-me anzu{muszen}-mesz
16. tim-me _mah-mesz_ ina _ka2_-szu2-un ul-ziz e2-szar2-ra e2-masz-masz
17. e2-gaszan-kalam-ma e2-hul2-hul2 ki-ma szi-t,ir _an_-e u2-ban-ni
18. mim-ma si-mat e2-kur sza2 _ku3-sig17 ku3-babbar_ e-pu-usz _ugu_ sza2 _lugal-mesz_
19. _ad-mesz_-ia u2-rad-di sat-tuk-ku gi-nu-u2
20. _ugu_ sza2 u4-me ul-lu-u-ti u2-sza2-tir-ma u2-kin
21. asz2-rat _dingir-mesz_ asz2-te-'a-a at-ta-la-ka al-ka-ka-te-szu2-un
22. {d}iszkur _szeg3-mesz_-szu2 u2-masz-sze-ra {d}e2-a u2-pat,-t,i-ra _idim-mesz_-szu2
23. 5(disz) _kusz3 sze-am_ isz-qu ina _ab-sin2_-ni-szu2 e-ri-ik szu-bul-tu2 5/6(disz) _kusz3_
24. _si-sa2 buru14_ na-pa-asz2 {d}nisaba ka-a-a-an u2-szah-na-bu
25. gi-pa-ru s,ip-pa-a-ti szu-um-mu-ha in-bu _masz2-ansze_ szu-te-szur
26. ina ta-lit-ti ina _bala_-ia _he2-nun_ t,uh-du
27. ina _mu-an-na-mesz_-ia ku-um-mu-ru _he2-gal2_-lu
28. 1(u) _ansze sze-pad-mesz_ 1(disz) _ansze gesztin-mesz 2(ban2) i3-mesz_ 1(disz) _gun sig2-mesz_
29. ina nap-har _kur_-ia _ki-lam_ nap-szu2 i-szam-mu ina x x x
30. szat-ti-szam-ma ina t,uh-di u mi-sza2-ri ar-te-'a ba-'u-u2-lat {d}en-lil2
31. ul-tu2 tam-tim e-liti a-di tam-tim szap-liti a?-bel-ma?
32. _lugal-mesz_ s,i-it _{d}utu_-szi u e-reb _{d}utu_-szi
33. isz-szu2-u-ni _gun_-su-nu ka-bit-tu2 _ug3-mesz muru2_ tam-tim
34. a-szib szad-de-e sza2-qu-te u2-szak-ni-sza2 a-na _{gesz}szudun_-ia
35. ina qi2-bit an-szar2 u {d}1(u)-5(disz) _lugal-mesz_ a-szib pa-rak-ki u2-na-asz2-sza2-qu
36. _giri3-min_-ia mal-ki _gal-mesz_ sza2 s,i-tasz u szi-la-an
37. a-na kit-ri-szu2-nu u2-pa-qu-u-ni
38. i-na mah-re-e ger-ri-ia a-na {kur}ma2-kan u3 {kur}me-luh-ha
39. lu-u al-lik {disz}tar-qu-u _man_ {kur}mu-s,ur u {kur}ku-u-si sza {disz}an-szar2-pap-asz
40. _man kur_ an-szar2{ki} _ad_ ba-nu-u-a _bad5-bad5_-szu2 isz-ku-nu i-be-lu _kur_-su
41. da-na-an an-szar2 {d}1(u)-5(disz) u _dingir-mesz gal-mesz en-mesz_-ia
42. im-szi-ma it-ta-kil a-na t,e3-em ra-ma-ni-szu2
43. _ugu lugal-mesz_ {lu2}qe-pa-a-ni sza2 qe2-reb {kur}mu-s,ur
44. u2-pa-qi2-du _ad_ ba-nu-u-a a-na da-a-ki ha-ba-a-ti
45. u e-kem {kur}mu-s,ur il-li-ka _edin_-usz-szu2-un
46. e-ru-um-ma u2-szib qe2-reb {iri}me-em-pi
47. _iri_ sza _ad_ ba-nu-u-a ik-szu-du a-na mi-s,ir _kur_-szu2
48. u2-ter-ru al-la-ku ha-an-t,u ina qe2-reb nina{ki}
49. il-li-kam-ma u2-sza2-an-na-a ia-a-ti _ugu_ ep-sze-e-ti
50. an-na-a-ti lib3-bi i-gug-ma is,-s,a-ru-uh ka-bat-ti
51. ad-ke-e-ma {lu2}e-mu-qi-ia _mah-mesz_ sza an-szar2 u {d}1(u)-5(disz)
52. u2-mal-lu-u qa-tu-u-a a-na na-ra-ru-ti ha-mat
53. sza _lugal-mesz_ {lu2}qe-pa-a-ni sza qe2-reb {kur}mu-s,ur _ARAD-mesz_
54. da-gil2 pa-ni-ia ur-ru-hi-isz ar-de-e-ma al-lik
55. a-di {iri}kar-ba-ni-ti {disz}tar-qu-u2 _man_ {kur}mu-s,ur u {kur}ku-u-si
56. qe2-reb {iri}me-em-pi a-lak ger-ri-ia isz-me-ma
57. a-na e-pesz _muru2 {gesz}tukul-mesz me3_ a-na mah-ri-ia
58. id-ka-a _erin2-mesz me3_-szu2 ina tu-kul-ti an-szar2 {d}en {d}ag
59. _dingir-mesz gal-mesz en-mesz_-ia a-li-kut _a2-min_-ia ina _me3 edin_ rap-szi
60. asz2-ku-na _bad5-bad5 erin2-hi-a_-szu2 {disz}tar-qu-u2 ina qe2-reb {iri}me-em-pi
61. isz-ma-a tah-te-e _erin2-hi-a_-szu2 nam-ri-ri an-szar2 {d}1(u)-5(disz)
62. is-hu-pu-szu-ma il-li-ka mah-hu-tisz2 me2-lam-me _lugal_-ti-ia
63. ik-tu-mu-szu2-ma sza2 u2-za-'i-i-nu-u-ni _dingir-mesz_ szu-ut _an ki_
64. {iri}me-em-pi u2-masz-szir-ma ana szu-zu-ub _zi_-ti3-szu2
65. in-na-bit a-na qe2-reb {iri}ni-i' _iri_ szu-a-tu
66. as,-bat _erin2-hi-a-mesz_-ia u2-sze-rib u2-sze-szib ina lib3-bi
67. _lugal-mesz {lu2}nam-mesz_ sza2 qe2-reb {kur}mu-s,ur u2-pa-qi2-du
68. _ad_ ba-nu-u-a sza la-pa-an ti-bu-ut {disz}tar-qu-u
69. pi-qit-ta-szu2-un u2-masz-szi-ru im-lu-u _edin_
70. u2-ter-ma a-szar pi-qit-ti-szu2-un
71. ina masz-kan2-i-szu2-nu ul-zi-is-su-nu-ti
72. {kur}mu-s,ur {kur}ku-u-su sza _ad_ ba-nu-u-a
73. ik-szu-du a-na esz-szu-ti as,-bat
74. _en-nun-mesz_-szu2 _ugu_ sza2 u4-me pa-ni u2-dan-nin
75. u2-rak-ki-sa rik-se-e-szu2
76. {iri}sa-a-a {iri}bi-in-t,i-t,i {iri}s,a-a'-nu sza ib-bal-ki-tu2
77. it-ti {disz}tar-qu-u isz-ku-nu pi-i-szu2-un
78. _iri-mesz_ sza2-a-tu-nu ak-szu-ud
79. _ug3-mesz_ a-szib lib3-bi-szu2-un a-ni-ir ina _{gesz}tukul-mesz_
80. _adda-mesz_-szu2-nu ina {gesz}ga-szi-szi a-lul
81. _kusz-mesz_-szu2-nu asz2-hu-ut, _bad3 iri_ u2-hal-lip2
82. {disz}lugal-lu-da3-ri sza2 _ad_-u-a ina {kur}mu-s,ur
83. isz-ku-nu-usz a-na _lugal_-ti
84. sza2 _hul_-tu ik-pu-du a-na _dumu-mesz kur_ asz-szur{ki}
85. ina qa-ti as,-bat u2-ra-a a-na _kur_ asz-szur{ki}
86. {disz}tar-qu-u a-szar in-nab-tu
87. ra-szub-bat _{gesz}tukul_ an-szar2 _en_-ia is-hup-szu-ma
88. il-lik nam-mu-szi-szu2
89. _egir_-nu {disz}ur-da-ma-ne2-e _dumu nin9_-szu2
90. u2-szib ina _{gesz}gu-za lugal_-ti-szu2
91. {iri}ni-i' {iri}u2-nu a-na dan-nu-ti-szu2 isz-kun
92. u2-pah-hi-ir il-lat-su
93. a-na mit-hu-s,i _erin2-hi-a dumu-mesz kur_ asz-szur{ki} sza2 qe2-reb {iri}me-em-pi
94. id-ka-a qa-bal-szu2 _ug3-mesz_ sza2-a-tu-nu e-si-ir-ma
95. is,-ba-ta mu-us,-s,a-szu2-un _{lu2}a_ szip-ri ha-an-t,u
96. a-na nina{ki} il-lik-am-ma iq-ba-a ia-a-ti
97. asz2-ni-ma a-na {kur}mu-s,ur {kur}ku-u-si usz-te-sze-ra har-ra-nu
98. {disz}ur-da-ma-ne2-e a-lak ger-ri-ia isz-me-ma
  n lines broken
99'. in-na-bit a-na {iri}ki-ip-ki-pi _iri_ szu-a-tu
100'. a-na si-hir-ti-szu2 ina tukul-ti an-szar2 u {d}1(u)-5(disz) ik-szu-da
101'. _szu-min_-a-a _ku3-babbar ku3-sig17_ ni-siq-ti _na4-mesz nig2-szu e2-gal_-szu2
102'. ma-la ba-szu-u lu-bul-tu bir-me _gada-mesz ansze-kur-ra-mesz gal-mesz_
103'. _ug3-mesz_ zik-ra u3 sin-nisz 2(disz) tim-me _mah-mesz_ pi-tiq za-ha-le-e
104'. eb-bi sza 2(disz) _lim_ 5(disz) _me gun ki-la2_-szu2-nu man-za-az _ka2_ e2-kur
105'. ul-tu man-zal-ti-szu2-nu as-suh-ma al-qa-a a-na _kur_ asz-szur{ki}
106'. szal-la-tu2 ka-bit-tu2 a-na la mi3-ni asz2-lu-la ul-tu qe2-reb
107'. {iri}ni-i' _ugu_ {kur}mu-s,ur u {kur}ku-u-si _{gesz}tukul-mesz_-ia
108'. u2-szam-ri-ir-ma asz2-ta-kan li-i-tu2 it-ti qa-ti
109'. ma-li-ti szal-mesz a-tu-ra a-na {iri}nina{ki} _iri en_-ti-ia
110'. ina szal-szi ger-ri-ia _ugu_ {disz}ba-'a-li _lugal_ {kur}s,ur-ri
111'. a-szib _muru2_ tam-tim lu-u al-lik
112'. asz2-szu2 a-mat _lugal_-ti-ia la is,-s,u-ru
113'. la isz-mu-u zi-kir _nundum_-ia
114'. {iri}hal-s,u-_mesz ugu_-szu2 u2-rak-kis a-na la a-s,e-e _ug3-mesz_-szu2
115'. u2-dan-nin ma-s,ar-tu2 ina tam-tim u na-ba-li
116'. ger-re-ti-szu2? u2-s,ab-bit a-lak-ta-szu2 ap-ru-us
117'. _a-mesz_ te-'u-u2-ta ba-lat, _zi_-ti3-szu2-nu a-na pi-i-szu2-nu
118'. u2-sza2-qir ina me-se-ri dan-ni sza2 la na-par-szu-di e-si-ir-szu2-nu-ti
119'. nap-szat-su-nu u2-si-iq u2-kar-ri
120'. a-na _{gesz}szudun_-ia u2-szak-ni-is-su-nu-ti
121'. _dumu-munus_ s,i-it lib3-bi-szu2 u _dumu-munus-mesz szesz-mesz_-szu2
122'. a-na e-pesz _{munus}agrig_-u-ti u2-bi-la a-di _igi_-ia
123'. _dumu_-szu2 sza ma-ti-ma _a-ab-ba_ la e-bi-ra isz-sza2-a
124'. a-na e-pesz _ARAD_-ti-ia _dumu-munus_-su u _dumu-munus-mesz szesz-mesz_-szu2
125'. it-ti ter-ha-ti ma-a'-as-si am-hur-szu2
126'. re-e-mu ar-szi-szu2-ma _dumu_ s,i-it lib3-bi-szu2
127'. u2-ter-ma a-ri-im-szu2 {iri}hal-s,u-_mesz_ sza2 _ugu_ {disz}ba-'a-li
128'. _lugal_ {kur}s,ur-ri u2-rak-ki-su ap-t,ur
129'. ina tam-tim u na-ba-li ger-re-ti-szu2 ma-la u2-s,ab-bi-tu2
130'. ap-ti ma-da-at-ta-szu2 ka-bit-tu2 am-hur-szu2
131'. szal-mesz a-tu-ra a-na nina{ki} _iri en_-u-ti-ia
132'. ma-al-ki _muru2_ tam-tim u _lugal-mesz_
133'. a-szib szad-de-e sza2-qu-u-ti
134'. da-na-an ep-sze-ti-ia an-na-a-ti
135'. e-mu-ru-ma ip-la-hu _en_-u-ti
136'. {disz}ia-ki-in-lu-u _lugal_ {kur}a-ru-ad-da
137'. {disz}mu-gal-lu _lugal_ {kur}tab_-iri_-a-a
138'. {disz}sa-an-di-szar-me {kur}hi-lak-ka-a-a
139'. sza a-na _lugal-mesz ad-mesz_-ia la kan-szu2
140'. ik-nu-szu2 a-na ni-ri-ia _dumu-munus-mesz_
141'. s,i-it lib3-bi-szu2-nu it-ti nu-dun-ne2-e
142'. ma-a'-di u3 ter-ha-ti ma-a'-as-si
143'. a-na e-pesz _{munus}agrig_-u-ti a-na nina{ki}
144'. u2-bi-lu-nim-ma u2-na-asz2-szi-qu _giri3-min_-ia
145'. e-li {disz}mu-gal-li _ansze-kur-ra-mesz gal-mesz_
146'. ma-da-at-tu szat-ti-szam u2-kin _edin_-usz-szu2
147'. ul-tu {disz}ia-ki-in-lu-u _lugal_ {kur}a-ru-ad-da
148'. il-li-ku a-na szim-ti
149'. {disz}a-zi-ba-al {disz}a-bi-ba-al {disz}a-du-ni-ba-al
150'. _dumu-mesz_ {disz}ia-ki-in-lu-u a-szib _muru2_ tam-tim
151'. ul-tu _muru2_ tam-tim e-lu-nim-ma
152'. it-ti ta-mar-ti-szu2-nu ka-bit-ti il-lik-u-nim-ma
153'. u2-na-asz2-szi-qu _giri3-min_-ia2
154'. {disz}a-zi-ba-al ha-disz ap-pa-lis-ma
155'. a-na _lugal_-u-ti {kur}a-ru-ad-da asz2-kun
156'. {disz}a-bi-ba-al {disz}a-du-ni-ba-al
157'. lu-bul-ti bir-me u2-lab-bisz _har ku3-sig17_ asz2-kun
158'. ina mah-ri-ia ul-zis-su-nu-ti
159'. {disz}gu-ug-gu _lugal_ {kur}lu-ud-di
160'. na-gu-u sza2 ne2-ber-ti _a-ab-ba_ asz2-ru ru-u-qu
161'. sza _lugal-mesz ad-mesz_-ia la isz-mu-u zi-kir _mu_-szu2
162'. ni-bit _lugal_-ti-ia ina _masz2-ge6_ u2-szab-ri-szu2-ma
163'. an-szar2 _dingir_ ba-nu-u-a u4-mu _masz2-ge6_ an-ni-tu2 e-mu-ru
164'. {lu2}rak-bu-szu2 isz-pu-ra a-na sza2-'a-al szul-mi3-ia
165'. {lu2}gi-mir-a-a _{lu2}kur2_ ek-s,u sza2 la ip-tal-la-hu
166'. _ad-mesz_-ia u3 ia-a-szi la is,-ba-tu _giri3-min lugal_-ti-ia
167'. ina tukul-ti an-szar2 {d}marduk _en-mesz_-ia ina {gesz}s,i-is,-s,i
168'. {gesz}szat qa-ti {gesz}szi-ga-ri u2-tam-me-eh-ma
169'. it-ti ta-mar-ti-szu2-nu ka-bit-ti u2-sze-bi-la
170'. a-di mah-ri-ia a-tam-ma-ra da-na-an an-szar2 u {d}szu2
171'. ina 4(disz)-e ger-ri-ia a-na {iri}qir-bit2 sza2 qe2-reb
172'. {iri}ha-re-e-ha-as-ta lu-u al-lik sza {disz}ta-an-da
173'. _{lu2}en-iri_-szu2-nu a-na _lugal-mesz ad-mesz_-ia la ik-nu-szu2
174'. a-na _{gesz}szudun_ u _ug3-mesz_ a-szi-bu-ti {iri}qir-bit2
175'. ka-a-a-an ih-ta-nab-ba-tu hu-bu-ut {kur}ia-mut-ba-li
176'. _iri_ szu-a-tu2 ina tukul-ti an-szar2 {d}en {d}suen? _dingir-mesz en-mesz_-ia
177'. ak-szu-ud asz2-lu-la szal-lat-su {disz}ta-an-da _{lu2}en-iri_-szu2-nu
178'. it-ti szal-lat _iri_-szu2 al-qa-a a-na _kur_ asz-szur{ki}
179'. _ug3-mesz_ {iri}qir-bit2 ma-la asz2-lu-lu u2-bil-ma
180'. qe2-reb {kur}mu-s,ur u2-sza2-as,-bit
181'. ina 5(disz)-szi ger-ri-ia _ugu_ {disz}ah-szi-ra _man_ {kur}man-na-a-a lu-u al-lik
182'. sza2 a-na _lugal-mesz ad-mesz_-ia la kit-nu-szu2 i-tap-pa-lu da-s,a-a-ti
183'. ad-ke _erin2-mesz me3_-ia a-na ka-sza2-ad {kur}man-na-a-a
184'. usz-te-sze-ra har-ra-nu al-lik-ma qe2-reb {iri}bad3-asz-szur
185'. usz-man-nu ad-di-ma asz2-ku-na ka-ra-szi {disz}ah-sze-e-ri
186'. a-lak ger-ri-ia isz-me-ma u2-ma-'e-e-ra um-man-szu2
187'. ina szat mu-szi ina szi-pir ni-kil-ti a-na e-pesz _me3_ it-bu-u-ni
188'. a-na mit-hu-us,-s,i _erin2-hi-a_-ia
189'. _erin2-mesz me3_-ia it-ti-szu2-un im-da-ha-s,u
190'. isz-ku-nu _bad5-bad5_-szu2-un
191'. ma-lak 3(disz) _danna a-sza3_ szal-ma-ti-szu2-nu u2-mal-lu-u _edin_ rap-szu2
192'. ina qi2-bit an-szar2 {d}sin {d}utu _dingir-mesz gal-mesz en-mesz_-ia sza u2-tak-ki-lu-in-ni
193'. qe2-reb {kur}man-na-a-a e-ru-ub-ma at-tal-lak szal-t,isz
194'. ina me-ti-iq ger-ri-ia {iri}a-a-u2-si-asz2 {iri}hal-s,u
195'. {iri}asz2-sza2-asz2 dan-na-su {iri}bu-su_-ud_ {iri}asz2-di-asz2
196'. {iri}ur-ki-ia-mu-un {iri}up-pi-isz {iri}si-hu-u-a {iri}na-zi-ni-ri
197'. 8(disz) _iri-mesz_ dan-nu-ti u3 a-di s,e-eh-ru-ti
198'. sza2 ni-ba la i-szu-u2
199'. a-di qe2-reb {iri}i-zir-ti ak-szu-ud ap-pul aq-qur
200'. ina {d}gesz-bar aq-mu _ug3-mesz ansze-kur-ra-mesz ansze-mesz_
201'. _gu4-mesz_ s,e?-e-ni ul-tu qe2-reb _iri-mesz_ sza2-a-tu-nu
202'. u2-sze-s,a-am-ma szal-la-tisz am-nu {disz}ah-sze-e-ri
203'. a-lak ger-ri-ia isz-me-ma u2-masz-szir
204'. {iri}i-zir-tu2 _iri lugal_-ti-szu2 a-na {iri}at-ra-a-na
205'. _iri_ tukul-ti-szu2 in-na-bit e-hu-uz
206'. mar-qi2-tu {iri}i-zir-tu2 {iri}ur-me-e-te
207'. {iri}uz-bi-a _iri-mesz_ dan-nu-ti-szu2 al-me
208'. _ug3-mesz_ a-szi-bu-ut _iri-mesz_ sza2-a-tu-nu
209'. e-si-ir-ma nap-szat-su-nu u2-si-iq u2-kar-ri
210'. na-gu-u2 szu-a-tu ak-szu-ud
211'. ap-pul aq-qur ina {d}gesz-bar aq-mu
212'. ma-lak 1(u) u4-me 5(disz) u4-me u2-szah-ri-ir-ma sza2-qu-um-ma-tu2
213'. at-bu-uk ina me-ti-iq ger-ri-ia _iri-mesz_
214'. sza2 li-mi-it {iri}pad-di-ra sza2 ina ter-s,i _lugal-mesz_
215'. _ad-mesz_-ia {kur}man-na-a-a e-ki-mu
216'. a-na i-di ra-ma-ni-szu2-nu u2-ter-ru
217'. ak-szu-ud ina {d}gesz-bar aq-mu asz2-lu-la szal-lat-sun2
218'. _iri-mesz_ sza2-a-tu-nu a-na mi-s,ir _kur_ an-szar2 u2-ter
219'. na-gu-u2 sza2 {iri}ar-si-ia-ni-isz
220'. sza bi-rit {iri}a-za-qa-ia-ni
221'. sza ha-ar-si sza2-di-i
222'. sza _sag_ {kur}ku-mu-ur-da-a-a
223'. sza qe2-reb {kur}man-na-a-a as-pu-un ina {d}gesz-bar aq-mu
224'. {disz}ra-a-a-di-sza2-di-i _{lu2}gal hal-s,u_-szu2-nu
225'. a-duk asz2-lu-la szal-lat-su na-gu-u sza2 {iri}e-ri-is-te-ia-na
226'. ak-szu-ud _iri-mesz_-szu2 as-pu-un ina {d}gesz-bar aq-mu
227'. asz2-lu-la szal-lat-sun2 ina ti-ib ta-ha-zi-ia na-gu-u-szu2
228'. u2-szah-rib u2-s,a-ah-hi-ir nap-har _kur_-szu2
229'. it-ti hu-ub-ti ma-a'-di szal-la-tu2 ka-bit-tu2
230'. szal-mesz a-tu-ra ak-bu-sa mi-s,ir _kur_ asz-szur{ki}
231'. {iri}bi-ir-ru-u-a {iri}lugal-iq-bi {iri}gu-si-ne2-e
232'. _iri-mesz_ mah-ru-u-ti sza2 mi-s,ir _kur_ asz-szur{ki}
233'. sza ina ter-s,i _lugal-mesz ad-mesz_-ia e-ki-mu
234'. {kur}man-na-a-a da-ad2-me sza2-a-tu-nu ak-szu-ud
235'. {kur}man-na-a-a _ta_ lib3-bi as-suh
236'. _ansze-kur-ra-mesz_ til-li u2-nu-ut _me3_-szu2-nu
  n lines broken
237'. ina _sila iri_-szu id-du-u pa-gar-szu2
238'. _egir_-nu {disz}u2-al-li-i _dumu_-szu2 u2-szib ina _{gesz}gu-za_-szu2
239'. da-na-an an-szar2 {d}en {d}ag {d}1(u)-5(disz) sza {iri}nina{ki}
240'. {d}1(u)-5(disz) sza {iri}limmu2-dingir{ki} _dingir-mesz gal-mesz en-mesz_-ia
241'. e-mur-ma ik-nu-sza2 a-na ni-ri-ia
242'. asz2-szu2 ba-lat, _zi_-ti3-szu2 up-na-a-szu2 ip-ta-a
243'. u2-s,al-la-a _en_-u-ti
244'. {disz}e-ri-si-in-ni _dumu usz_-ti-szu2
245'. a-na nina{ki} isz-pur-am-ma u2-na-asz2-sziq _giri3-min_-ia
246'. re-e-mu ar-szi-szu2 _{lu2}a kin_-ia sza2 szul-me u2-ma-'e-er _edin_-usz-szu2
247'. _dumu-munus_ s,i-it lib3-bi-szu2 u2-sze-bi-la ana e-pesz _{munus}agrig_-u-ti
248'. ma-da-at-ta-szu2 mah-ri-tu2 sza2 ina tar-s,i _lugal-mesz ad-mesz_-ia
249'. u2-szab-t,i-lu isz-szu-u-ni a-di mah-ri-ia
250'. 3(u) _ansze-kur-ra-mesz ugu_ ma-da-at-ti-szu2
251'. mah-ri-ti u2-rad-di-ma e-mid-su
252'. ina u4-me-szu2 {disz}bi-ri-is-ha-at-ri _{lu2}en-iri_ sza mad-a-a
253'. {disz}sar-a-ti {disz}pa-ri-hi
254'. 2(disz) _dumu-mesz_ {disz}ga-a-gi _{lu2}en-iri_ {kur}sa-hi
255'. sza is,-lu-u _{gesz}szudun en_-ti-ia
256'. 1(gesz2) 1(u) 5(disz) _iri-mesz_-szu2-nu dan-nu-ti ak-szu-ud asz2-lu-la szal-la-sun2
257'. sza2-a-szu2-nu bal-t,u-su-nu ina _szu-min_ as,-bat
258'. u2-bi-la a-na nina{ki} _iri en_-u-ti-ia
259'. {disz}an-da-ri-a _{lu2}en-nam_ {kur}ur-ar2-t,i
260'. sza a-na ka-sza2-ad {iri}up-pu-um-me u {kur}kul-li-im-me-ri
261'. ir-da-a il-li-ka qe2-reb mu-szi-ti
262'. _ug3-mesz_ a-szi-bu-ti {iri}kul-li-im-me-ri _ARAD-mesz_ da-gil2 pa-ni-ia
263'. ina szat mu-szi di-ik-ta-szu2 ma-a'-as-su i-du-ku
264'. la iz-zi-bu a-a-um-ma
265'. _sag-du_ {disz}an-da-ri-a ik-ki-su-nim-ma
266'. a-na nina{ki} ina mah-ri-ia u2-bil-u-ni
267'. ina 6(disz)-szi ger-ri-ia _ugu_ {disz}ur-ta-ki _man_ {kur}elam-ma{ki} lu-u al-lik
268'. sza _mun ad du3_-ia la ha-as-su la is,-s,u-ru ib-ru-ti
269'. ul-tu ina {kur}elam-ma{ki} su-un-qu isz-ku-nu ib-ba-szu2-u ne2-eb-re-tu
270'. {d}nisaba ba-lat, _zi_-tim _ug3-mesz_ u2-sze-bil-szu2-ma
271'. x x x x [...]
  n lines broken
272'. x x [...]
273'. {disz}ur-ta-ki ul asz2-du-ud ina lib3-bi-ia
274'. szu-ut _{lu2}mah-mesz_-szu2 sza2 su-lum-me-e
275'. isz-ta-nap-pa-ra ina mah-ri-ia
276'. a-na a-mar _lugal {kur}elam-ma{ki} {lu2}a kin_-ia
277'. u2-ma-'e-er ha-an-t,isz il-lik i-tu-ram-ma
278'. a-ma-a-te ka-a-a-ma-na-ti u2-sza2-an-na-a ia-a-te
279'. um-ma {kur}e-la-mu-u _gin7 zi_-ut _buru5-hi-a_
280'. ka-tim _kur_ uri{ki} ka-li-sza2 s,e-er babila2{ki}
281'. usz-man-nu sza2-kin-ma na-di ma-dak-tu2? a-na na-ra-ru-ti
282'. {d}en u {d}ag _dingir-mesz_-ia
283'. sza ap-tal-la-hu _dingir_-su-un
284'. _erin2-mesz me3_-ia ad-ke-e-ma as,-ba-ta har-ra-nu
285'. a-lak ger-ri-ia isz-me-ma
286'. hat-tu is-hup-szu2-ma i-tur a-na _kur_-szu2
287'. _egir_-szu2 as,-bat a-bi-ik-ta-szu2 asz2-kun
288'. at,-ru-us-su a-di mi-s,ir _kur_-szu2
289'. {disz}ur-ta-ku _lugal_ {kur}elam-ma{ki} sza la is,-s,u-ru ib-ru-ti
290'. ina u4-me la szim-ti-szu2 mu-u-tu u2-gar-ru-u
291'. ina ta-ne2-hi iq-tu-u2 i-zu-bu
292'. ina qaq-qa-ri ba-la2-t,i _giri3-min_-szu2 ul isz-kun
293'. ina _mu-an-na_-szu2 na-pisz-ta-szu2 iq-ti
294'. il-lik nam-mu-szi-szu2 {disz}en-ba-sza2 {lu2}gam-bu-la-a-a
295'. sza is,-lu-u2 _{gesz}szudun en_-ti-ia
296'. ina ni-szik _pesz2_ isz-ta-kan na-pisz-tu
297'. {disz}{d}ag-mu-kam-esz _{lu2}gu2-en-na_ la na-s,ir a-de-e
298'. isz-szi a-ga-nu-til?-la-a _a-mesz sa5-mesz_
299'. {disz}{d}marduk-mu-du3 {lu2}szu-ut _sag_-szu2? mu-szad-bi-ib-szu2
300'. sza _munus-hul_ u2-szak-pi-du a-na {disz}ur-ta-ki
301'. e-mid-su {d}marduk _lugal dingir-mesz_ szi-ir-ta-szu2 _gal_-tu2
302'. ina 1(disz)-et _mu-an-na_ me2-eh-ret a-ha-mesz
303'. isz-ku-nu na-pisz-tu2
304'. lib3-bi an-szar2 ag-gu ul i-nu-uh-szu2-nu-ti
305'. ul ip-szah-szu2-nu-ti ka-bit-ti {d}isz-tar sza u2-tak-kil-an-ni
306'. _bala_-e _lugal_-ti-szu2 isz-ki-pu
307'. be-lut {kur}elam-ma{ki} u2-szal-qu-u sza2-nam-ma
308'. _egir_ {disz}te-um-man tam-szil _gal5-la2_
309'. u2-szib ina _{gesz}gu-za_ {disz}ur-ta-ki
310'. a-na da-a-ki _dumu-mesz_ {disz}ur-ta-ki
311'. a-na _dumu-mesz_ {disz}um-man-al-da-sze _szesz_ {disz}ur-ta-ki
312'. isz-te-ne2-'a-a _munus-hul_
313'. {disz}um-man-i-gasz {disz}um-man-ap-pa {disz}tam-ma-ri-tu2
314'. _dumu-mesz_ {disz}ur-ta-ki _lugal_ {kur}elam-ma{ki}
315'. {disz}ku-dur2-ru {disz}pa-ru-u2
316'. _dumu-mesz_ {disz}um-man-al-da-sze _lugal_ a-lik pa-ni
317'. {disz}ur-ta-ki u3 1(gesz2) _numun lugal_ ina la mi3-ni
318'. _erin2-mesz {gesz}pan dumu_ ba-ne2-e sza2 {kur}elam-ma{ki}
319'. la-pa-an da-a-ki {disz}te-um-man
320'. in-nab-tu-nim-ma is,-ba-tu2 _giri3-min lugal_-ti-ia
321'. ina 7(disz)-e ger-ri-ia _ugu_ {disz}te-um-man
322'. _man_ {kur}elam-ma{ki} lu-u al-lik
323'. sza2 _ugu_ {disz}um-man-i-gasz {disz}um-man-ap-pa
324'. {disz}tam-ma-ri-tu _dumu-mesz_ {disz}ur-ta-ki _lugal_ {kur}elam-ma{ki}
325'. {disz}ku-dur2-ru {disz}pa-ru-u2
326'. _dumu-mesz_ {disz}um-man-al-da-sze _szesz_ {disz}ur-ta-ki
327'. _lugal_ {kur}elam-ma{ki}
328'. _{lu2}mah-mesz_-szu2 isz-ta-nap-pa-ra a-na sze-bu-li
329'. _ug3-mesz_ sza2-a-tu-nu sza2 in-nab-tu-nim-ma
330'. is,-ba-tu2 _giri3-min_-ia sze-bul-szu2-nu ul aq-bi-szu2
331'. ina _ugu_ me-re-he-e-ti ina _szu-min_ {disz}um-ba-da-ra-a
332'. u3 {disz}{d}muati-saga-iq isz-ta-nap-pa-ra _iti_-szam
333'. qe2-reb {kur}e-lam-ti usz-tar-ra-ah ina _ukken erin2-hi-a_-szu2
334'. at-kil a-na {d}1(u)-5(disz) sza u2-tak-kil-an-ni
335'. qi2-bit pi-i-szu er-hu ul am-gur2 ul a-din-szu2
336'. mun-nab-ti sza2-a-tu-nu
337'. {disz}te-um-man le-mut-tu2 isz-te-ne2-'a-a
  n lines broken
338'. um-ma {disz}te-um-man ki-a-am iq-bi
339'. sza {d}1(u)-5(disz) u2-sza2-an-nu-u mi-lik t,e3-me-szu2
340'. um-ma ul u2-masz-szar a-di al-la-ku
341'. it-ti-szu2 ep-pu-szu2 mit-hu-s,u-tu2
342'. szu-ut me2-re-eh-ti an-ni-te sza2 {disz}te-um-man
343'. iq-bu-u am-hur sza2-qu-tu2 {d}isz-tar
344'. a-zi-iz a-na tar-s,i-sza2 ak-mi3-is sza2-pal-sza2
345'. _dingir_-us-sa u2-sap-pa-a il-la-ka di-ma-a-a
346'. um-ma {d}be-let {iri}limmu2-dingir{ki} a-na-ku {disz}asz-szur-du3-a
  n lines broken
347'. 1(disz)-en {lu2}szab-ru-u u2-tu-ul-ma i-na-t,al _masz2-ge6_
348'. i-gi-il-ti-ma tab-rit mu-szi sza {d}1(u)-5(disz) u2-szab-ru-szu2
349'. u2-sza2-an-na-a ia-a-ti
350'. um-ma {d}1(u)-5(disz) a-szi-bat {iri}limmu2-dingir e-ru-ub-am-ma
351'. 1(u) 5(disz) u 2(gesz2) 3(u) tu-ul-la-a?-ta isz-pa-a-ti
352'. tam-ha-at _{gesz}pan_ i?-na i-di-sza2
353'. szal-pat nam-s,a-ru zaq-tu sza e-pesz ta-ha-zi
354'. ma-har-sza2 ta-zi-iz szi-i ki-ma _ama_
355'. a-lit-ti i-tam-ma-a it-ti-ka
356'. il-si-ka {d}1(u)-5(disz) sza2-qu-ut _dingir-mesz_ i-szak-kan-ka t,e3-e-mu
357'. um-ma ta-na-at,-t,a-la a-na e-pesz sza2-asz2-mi
358'. a-szar pa-nu-u-a szak-nu te-ba-ku a-na-ku
359'. at-ta ta-qab-bi-szi um-ma a-szar tal-la-ki
360'. it-ti-ki lul-lik be-let _gaszan-mesz_
361'. szi-i tu-sza2-an-nak-ka um-ma at-ta a-kan-na
362'. lu-u asz2-ba-ta a-szar masz-kan2-i-ka
363'. a-kul a-ka-lu szi-ti ku-ru-un-nu
364'. nin-gu-tu2 szu-kun nu-'i-id _dingir_-u2-ti
365'. a-di al-la-ku szip-ru szu-a-tu2 ep-pu-szu2
366'. u2-szak-sza2-du s,u-um-me-rat lib3-bi-ka
367'. pa-nu-u-ka ul ur-raq ul i-nar3-ru-t,a _giri3-min_-ka
368'. ul ta-szam-mat, zu-ut-ka ina _muru2_ tam-ha-ri
369'. ina ki-rim-mi-sza2 _du10-ga_ tah-s,i-in-ka-ma
370'. tah-te-na gi-mir la-a-ni-ka
371'. pa-nu-usz-sza2 {d}gesz-bar in-na-pi-ih
372'. szam-risz ta-at-ta-s,i a-na a-ha-a-ti
373'. e-li? {disz}te-um-man _lugal_ {kur}elam-ma{ki}
374'. sza ug-gu-ga-at pa-nu-usz-sza2 tasz-kun
375'. ina _{iti}kin_ szi-pir _{d}1(u)-5(disz)-mesz_ i-sin-ni an-szar2 _mah_
376'. _iti_ {d}sin {d}na-an-nar3 _an_-e u _ki_-tim
377'. at-kil a-na _esz-bar {d}nanna_-ri nam-ri
378'. u3 szi-pir {d}1(u)-5(disz) _gaszan_-ia sza la in-ne2-nu-u
379'. ad-ke _erin2-mesz me3_-ia mun-dah-s,e
380'. sza ina qi2-bit an-szar2 {d}sin u {d}1(u)-5(disz)
381'. it-ta-na-asz2-ra-bi-t,u ina qa-bal tam-ha-ri
382'. e-li {disz}te-um-man _lugal_ {kur}elam-ma{ki} ur-hu as,-bat-ma
383'. usz-te-szi-ra har-ra-nu el-la-mu-u-a {disz}te-um-man
384'. _lugal_ {kur}elam-ma{ki} ina e2-{disz}im-bi-i na-di mad-dak-tu2
385'. e-reb _lugal_-ti-ia sza2 qe2-reb {iri}|BAD.AN|{ki}
386'. isz-me-e-ma is,-bat-su hat-tu
387'. {disz}te-um-man ip-lah3-ma a-na _egir_-szu2 i-tur
388'. e-ru-ub qe2-reb {iri}szu-sza2-an
389'. _ku3-babbar ku3-sig17_ a-na szu-zu-ub _zi_-ti3-szu2
390'. u2-za-'i-iz a-na _ug3-mesz kur_-szu2
391'. re-s,e-e-szu2 a-lik _a2-min_-szu2 pa-nu-usz-szu2 u2-ter-ram-ma
392'. ug-dap2-pi-sza2 a-na mah-ri-ia
393'. {i7}u2-la-a-a a-na dan-nu-ti-szu2 isz-kun
394'. is,-bat pa-an masz-qe2-e
395'. ina qi2-bit an-szar2 {d}marduk sza2 u2-tak-kil-u2-in-ni
396'. ina _geszkim-mesz saga-mesz masz2-ge6 inim-gar_ szi-pir mah-he-e
397'. qe2-reb {iri}du6-tu-ba _bad5-bad5_-szu2-nu asz2-kun
398'. ina _adda-mesz_-szu2-nu {i7}u2-la-a-a as-ki-ir
399'. szal-ma-a-te-szu2-nu ki-ma _{gesz}dih3_ u _{gesz}kiszi16_
400'. u2-ma-al-la-a ta-mar-ti {iri}szu-sza2-an
401'. _sag-du_ {disz}te-um-man _lugal_ {kur}elam-ma{ki}
402'. ina qi2-bit an-szar2 {d}marduk _dingir-mesz gal-mesz en-mesz_-ia _ku5_-is ina _ukken erin2-hi-a_-szu2
403'. me2-lam-me an-szar2 u {d}1(u)-5(disz) {kur}elam-ma{ki}
404'. is-hu-up-ma ik-nu-szu2 a-na ni-ri-ia
405'. {disz}um-man-i-gasz sza2 in-nab-tu
406'. is,-ba-tu _giri3-min_-ia ina _{gesz}gu-za_-szu2 u2-sze-szib
407'. {disz}tam-ma-ri-tu _szesz_-szu2 szal-sza2-a-a
408'. ina {iri}hi-da-lu a-na _man_-u2-ti asz2-kun
409'. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
410'. s,i-mit-ti ni-i-ri {gesz}til-li si-mat _me3_
411'. sza2 ina tukul-ti an-szar2 {d}1(u)-5(disz) _dingir-mesz gal-mesz en-mesz_-ia
412'. bi-ri-it {iri}szu-sza2-an {i7}u2-la-a-a
413'. ik-szu-da _szu-min_-a-a
414'. ina qi2-bit an-szar2 u _dingir-mesz gal-mesz en-mesz_-ia
415'. ul-tu qe2-reb {kur}elam-ma{ki} ha-disz u2-s,a-am-ma
416'. a-na gi-mir _erin2-hi-a_-ia sza2-lim-tu szak-na-at
417'. ina 8(disz)-e ger-ri-ia _ugu_ {disz}du-na-nu _dumu {disz}en-ba_-sza2
418'. a-na {kur}gam-bu-li lu-u al-lik
419'. sza2 a-na _lugal_ {kur}elam-ma{ki} it-tak-lu
420'. la ik-nu-szu2 a-na ni-ri-ia
421'. ta-ha-zi dan-nu {lu2}gam-bu-lu a-na si-hir-ti-szu2
422'. ki-ma _muru9_ ak-tum3 {iri}sza2-pi_-en iri_ dan-nu-ti-szu2
423'. sza qe2-reb _id2-mesz_ na-da-at szu-bat-su ak-szu-ud
424'. {disz}du-na-nu _szesz-mesz_-szu2 ul-tu2 qe2-reb _iri_ szu-a-tu
425'. bal-t,u-su-un u2-sze-s,a-a
426'. _dam_-su _dumu-mesz_-szu2 _dumu-munus-mesz_-szu2 {munus}sek-re-ti-szu2
427'. _{lu2}nar-mesz {munus}nar-mesz_ u2-sze-s,a-am-ma szal-la-tisz am-nu
428'. _ku3-babbar ku3-sig17 nig2-szu_ na-kam2-ti _e2-gal-mesz_-szu2
429'. u2-sze-s,a-am-ma szal-la-tisz am-nu
430'. {lu2}szu-ut _sag-mesz_ {lu2}man-za-az pa-ni-szu2 {lu2}kit-ki-tu-u
431'. mu-sza2-ki-le-szu2 u2-sze-s,a-am-ma szal-la-tisz am-nu
432'. gi-mir um-ma-a-ni ma-la ba-szu-u
433'. mar-kas _iri_ u _edin_ u2-sze-s,a-am-ma szal-la-tisz am-nu
434'. _gu4-mesz_ s,e-e-ni _ansze-kur-ra-mesz ansze-kunga-mesz_
435'. sza2 ni-ba la i-szu2-u u2-sze-s,a-am-ma szal-la-tisz am-nu
436'. _ug3-mesz kur_-szu2 zi-kir? sin-nisz _tur_ u _gal_
437'. e-du ul e-zib u2-sze-s,a-am-ma szal-la-tisz am-nu
438'. {disz}mas-si-ra-a _{lu2}gal {gesz}pan_ sza {disz}te-um-man _lugal_ {kur}elam-ma{ki}
439'. sza a-na kit-ri {kur}gam-bu-li ma-s,ar-tu2 {disz}du-na-nu
440'. asz2-bu qe2-reb {iri}sza2-pi-i-{d}en bal-t,u-us-su ina qa-ti as,-bat
441'. _sag-du_-su ak-kis2 it-ti pa-ni {disz}du-na-nu kit-ri la mu-sze-zib-i-szu2
442'. ar-pi-is _iri_ szu-a-tu ap-pul aq-qur ina _a-mesz_ usz-har-mit,
443'. a-di la ba-sze-e u2-sza2-lik na-gu-u2 szu-a-tu
444'. u2-szah-rib ri-gim a-me-lu-ti ap-ru-us-sa _edin_-usz-szu2
445'. ina tu-kul-ti an-szar2 {d}en {d}ag _dingir-mesz gal-mesz en-mesz_-ia
446'. _{lu2}kur2-mesz_-ia a-ni-ir
447'. szal-mesz a-tu-ra a-na nina{ki}
448'. _sag-du_ {disz}te-um-man _lugal_ {kur}elam-ma{ki}
449'. ina _gu2_ {disz}du-na-nu a-lul
450'. it-ti ki-szit-ti {kur}elam-ma{ki} szal-la-ti {kur}gam-bu-li
451'. sza ina qi2-bit an-szar2 ik-szu-da _szu-min_-a-a
452'. it-ti _{lu2}nar-mesz_ e-pisz nin-gu-ti
453'. a-na nina{ki} e-ru-ub ina _hul2-mesz_
454'. {disz}um-ba-da-ra-a {disz}{d}muati-saga-iq
455'. _{lu2}mah-mesz_ sza2 {disz}te-um-man _lugal_ {kur}elam-ma{ki}
456'. sza {disz}te-um-man ina _szu-min_-szu2-nu isz-pu-ra szi-pir me-re-eh-tu2 sza2 ina mah-ri-ia
457'. ak-lu-u u2-qa-'u-u pa-an szi-kin t,e3-e-me-ia
458'. ni-kis _sag-du_ {disz}te-um-man _en_-szu2-nu
459'. qe2-reb nina{ki} e-mu-ru-ma
460'. sza2-ne2-e t,e3-e-me is,-bat-su-nu-ti
461'. {disz}um-ba-da-ra-a ib-qu-ma ziq-na-a-szu2
462'. {disz}{d}muati-saga-iq ina _gir2 an-bar_ szib-bi-szu2
463'. is-hu-la ka-ra-as-su
464'. ni-kis _sag-du_ {disz}te-um-man ina _gaba abul muru2 iri_
465'. sza nina{ki} u2-mah-hi-ra mah-hu-risz
466'. asz2-szu2 da-na-an an-szar2 u {d}1(u)-5(disz) _en-mesz_-ia _ug3-mesz_ kul-lu-me
467'. ni-kis _sag-du_ {disz}te-um-man _lugal_ {kur}elam-ma{ki}
468'. {disz}ibila-a-a _dumu_ {disz}{d}muati-sa-lim _dumu dumu_ {disz}{d}marduk-a-asz
469'. sza la-pa-an _ad ad_ ba-ni-ia _ad_-szu2 in-nab-tu
470'. a-na {kur}elam-ma{ki} ul-tu {disz}um-man-i-gasz
471'. qe2-reb {kur}elam-ma{ki} asz2-ku-nu a-na _lugal_-u-ti
472'. {disz}ibila-a-a _dumu_ {disz}{d}muati-sa-lim
473'. is,-bat u2-sze-bi-la a-di mah-ri-ia
474'. {disz}du-na-nu {disz}sa-am-gu-nu
475'. _dumu-mesz {disz}en-ba_-sza2 {kur}gam-bu-la-a-a
476'. sza2 _ad-mesz_-szu2-un a-na _lugal-mesz ad-mesz_-ia
477'. u2-dal-li-pu-ma u3 szu-nu
478'. u2-nar3-ri-t,a e-pesz _lugal_-ti-ia
479'. qe2-reb bal-til{ki} u3 {iri}limmu2-dingir
480'. a-na da-lal2 ah-ra-a-te? u2-bil-szu-nu-ti
481'. sza {disz}man-nu-ki-pap-mesz {lu2}2(disz)-u sza2 {disz}du-na-nu
482'. u3 {disz}{d}muati-u2-s,al-li {lu2}sza2 _ugu iri_ {kur}gam-bu-li
483'. sza _ugu dingir-mesz_-ia iq-bu-u szil-la-tu _gal_-tu2
484'. qe2-reb {iri}limmu2-dingir _eme_-szu2-un asz2-lu-up
485'. asz2-hu-ut, _kusz_-szu2-un {disz}du-na-nu qe2-reb nina{ki}
486'. _ugu_ {gesz}ma-ka-a-s,i id-du-szum-ma
487'. it,-bu-hu-usz as-lisz
488'. si-it-ti _szesz-mesz_-szu2 sza2 {disz}du-na-nu
489'. u3 {disz}ibila-a-a a-ni-ir _uzu-mesz_-szu2-nu u2-nak-kis
490'. u2-sze-bil a-na ta-mar-ti ma-ti-tan
491'. {disz}{d}muati-i {disz}en-kar-ir
492'. _dumu-mesz {disz}{d}muati-mu-kam_-esz _{lu2}gu2-en-na_
493'. sza2 _ad_ ba-nu-szu2-un {disz}ur-ta-ki id-ka-a
494'. a-na mit-hu-s,i _kur_ uri{ki}
495'. _giri3-pad-da-mesz {disz}{d}muati-mu-kam_-esz sza2 ul-tu qe2-reb {kur}gam-bu-li
496'. il-qu-u-ni a-na _kur_ asz-szur{ki}
497'. _giri3-pad-da-mesz_ sza2-a-ti-na
498'. me2-eh-ret _abul muru2 iri_ nina{ki}
499'. u2-szah-szi-la _dumu-mesz_-szu2
500'. {disz}um-man-i-gasz sza2 t,a-ab-tu2 ma-a'-as-su e-pu-szu2-usz
501'. asz2-ku-nu-usz a-na _lugal_-ut {kur}elam-ma{ki}
502'. sza _saga_-ti3 la ha-as-su
503'. la is,-s,u-ru a-de-e ma-mit _dingir-mesz gal-mesz_
504'. ul-tu _szu-min {lu2}a kin-mesz {disz}{d}gesz-nu11-mu-gi-na_
505'. _szesz_ la ke-nu _{lu2}kur2_-ia im-hu-ru t,a-a-tu2
506'. e-mu-qi-szu2 it-ti-szu2-un isz-pu-ra a-na mit-hu-s,i _erin2-hi-a_-ia
507'. _erin2-mesz me3_-ia sza2 ina {kur}kar2-{d}dun-ia2-asz3
508'. it-ta-na-al-la-ku u2-kab-ba-su {kur}kal-du
509'. ina la i-de s,e-er {disz}un-da-si
510'. _dumu_ {disz}te-um-man _lugal_ {kur}elam-ma{ki}
511'. u3 {disz}za-za-az _{lu2}en-iri_ {kur}pil-la-ti
512'. {disz}pa-ru-u2 _{lu2}en-iri_ {kur}hi-il-mu
513'. {disz}at-ta-me-tu2 _{lu2}gal {gesz}pan_
514'. {disz}ne2-e-szu2 a-lik pa-ni _erin2-hi-a_ sza2 {kur}elam-ma{ki}
515'. a-na mit-hu-s,i it-ti _erin2-hi-a kur_ asz-szur{ki}
516'. u2-ma-'e-er-szu2-nu-ti asz2-kun-szu2-nu-ti t,e3-e-mu
517'. {disz}um-man-i-gasz a-na {disz}un-da-si ki-a-am iq-bi
518'. um-ma a-lik _ta kur_ asz-szur{ki} ter-ra
519'. tuk-te9-e _ad_ ba-ni-ka
520'. {disz}un-da-su {disz}za-za-az {disz}pa-ru-u {disz}at-ta-me-tu2 {disz}ne2-e-szu2
521'. it-ti _{lu2}a kin-mesz {disz}{d}gesz-nu11-mu-gi-na szesz_ nak-ri
522'. ur-hu is,-bat-u-nim-ma usz-te-sze-ra har-ra-nu
523'. _erin2-mesz me3_-ia ina {iri}man-gi-si sza2 qe2-reb {iri}su-man-dir
524'. _edin_-usz-szu2-un e-lu-nim-ma isz-ku-nu tah-ta-szu2-un
525'. sza {disz}un-da-si _dumu_ {disz}te-um-man _lugal_ {kur}elam-ma{ki}
526'. sza {disz}za-za-az {disz}par-ru-u {disz}at-ta-me-tu2
527'. _sag-du-mesz_-szu2-nu ik-ki-su-nim-ma
528'. u2-bil-u-ni a-di _igi_-ia
529'. szu-ut a-ma-a-ti an-na-a-te
530'. _{lu2}a kin_-ia u2-ma-'e-er s,e-er {disz}um-man-i-gasz
531'. {lu2}szu-ut _sag_-ia sza2 asz2-pu-ra ik-la-ma
532'. la u2-ter-ra tur-ti a-mat-ia
533'. an-szar2 {d}sin {d}utu {d}en {d}ag {d}u-gur
534'. _dingir-mesz_ ti-ik-le-ia di-in kit-ti
535'. it-ti {disz}um-man-i-gasz i-di-nu-in-ni
536'. {disz}tam-ma-ri-tu _edin_-usz-szu2 ib-bal-kit-ma
537'. sza2-a-szu2 ga-a-du kim-ti-szu2 u2-ra-sib ina _{gesz}tukul-mesz_
538'. {disz}tam-ma-ri-tu sza2 e-la sza2-a-szu2 ek-s,u
539'. u2-szib ina _{gesz}gu-za_ {kur}elam-ma{ki}
540'. ki-ma sza2-a-szu2-ma t,a-'a-a-tu2 im-hur
541'. ul isz-al szu-lum _lugal_-ti-ia
542'. a-na kit-ri {disz}{d}gesz-nu11-mu-gi-na
543'. _szesz_ la ke-e-nu il-lik-am-ma
544'. a-na mit-hu-s,i _erin2-hi-a_-ia ur-ri-ha _{gesz}tukul-mesz_-szu2
545'. ina su-up-pe-e sza2 an-szar2 u {d}1(u)-5(disz) u2-sap-pu-u
546'. ta-ne2-hi-ia im-hu-ru isz-mu-u zi-kir _nundum_-ia
547'. _ARAD-mesz_-szu2 _edin_-usz-szu2 ib-bal-ki-tu-ma
548'. a-ha-mesz u2-ra-si-bu _en hul_-ti3-ia
549'. {disz}in-da-bi-bi _ARAD_-su sza si-hu
550'. _ugu_-szu2 u2-szab-szu-u2 u2-szib ina _{gesz}gu-za_-szu2
551'. {disz}tam-ma-ri-tu _lugal_ {kur}elam-ma{ki}
552'. sza2 me-re-eh-tu2 iq-bu-u
553'. _ugu_ ni-kis _sag-du_ {disz}te-um-man
554'. sza2 ik-ki-su a-hu-ru-u _erin2-hi-a_-ia
555'. u3 _szesz-mesz_-szu2 qin-nu-szu2 _numun e2 ad_-szu2
556'. it-ti 1(gesz2) 2(u) 5(disz) _nun-mesz_ sza2 {kur}elam-ma{ki} a-li-kut _a2-mesz_-szu2
557'. sza2 la-pa-an _{gesz}tukul-mesz_ an-szar2 u {d}1(u)-5(disz) ip-par-szu-nim-ma
558'. a-na da-lal2 _dingir_-ti-szu2-nu _gal_-ti it-ti {disz}{d}marduk-man-pap {lu2}szu-ut _sag_-ia
559'. sza ib-szi-mu-szu2 ina da-na-ni mi-ra-nu-usz-szu2-un ina _ugu_ lib3-bi-szu2-nu
560'. ip-szi-lu-nim-ma is,-ba-tu _giri3-min lugal_-ti-ia
561'. {disz}tam-ma-ri-tu2 a-na e-pesz _ARAD_-ti-ia ra-man-szu2 im-nu-ma
562'. a-na kat3-a-ri-szu2 u2-s,al-la-a _en_-u-ti
563'. szu-ut 1(disz)-en szu-ut _sag_-ia an-szar2 {d}sin {d}utu {d}en {d}ag
564'. _dingir-mesz_ tik-le-ia 1(disz) _lim-a-a_ ri-bi-ia i-ri-bu-u-ni
565'. {disz}tam-ma-ri-tu _ug3-mesz_ ma-la it-ti-szu2
566'. qe2-reb _e2-gal_-ia ul-zi-is-su-nu-ti
567'. {disz}in-da-bi-bi sza2 _egir_ {disz}tam-ma-ri-tu
568'. u2-szi-bu ina _{gesz}gu-za_ {kur}elam-ma{ki}
569'. da-na-an _{gesz}tukul-mesz_-ia i-de-e-ma
570'. sza u2-szam-ri-ru _ugu_ {kur}elam-ma{ki}
571'. _dumu-mesz kur_ asz-szur{ki} sza2 asz2-pu-ru
572'. a-na kit-ri {disz}{d}muati-en-mu-mesz
573'. _dumu {disz}{d}marduk-a-szum2-na_ sza _gin7_ ib-ri u tap-pe2-e
574'. na-s,ar _kur_-szu2 it-ta-na-al-la-ku it-ti-szu2
575'. sza2 {disz}{d}muati-en-mu-mesz ina pi-ir-s,a-a-ti ina szat mu-szi
576'. us,-s,ab-bi-tu ik-lu-u2 ina ki-li
577'. {disz}in-da-bi-bi _lugal_ {kur}elam-ma{ki}
578'. ul-tu _e2_ s,i-bit-ti u2-sze-s,a-asz2-szu2-nu-ti
579'. ki-i s,a-bat ab-bu-ut-ti qa-be2-e _munus saga_-ti-szu2
580'. la ha-t,e-e mi-s,ir _kur_-szu2
581'. ina _szu-min {lu2}a kin_-szu2 sza2 t,u-u2-bi u su-lum-me-e
582'. u2-sze-bi-la a-di mah-ri-ia
583'. {disz}ia-u-ta-a' _dumu_ {disz}ha-za_-dingir_
584'. _lugal_ {kur}qa-ad-ri e-pisz _ARAD_-ti-ia
585'. asz2-szu2 _dingir-mesz_-szu2 im-hur-an-ni-ma
586'. u2-s,al-la-a _lugal_-u2-ti
587'. _mu dingir-mesz gal-mesz_ u2-sza2-az-kir2-szu2-ma
588'. {d}a-tar-sa-ma-in u2-ter-ma a-din-szu2
589'. _egir_-nu ina a-de-ia ih-t,i-ma
590'. _mun_ la is,-s,ur-ma
591'. is,-la-a _{gesz}szudun en_-ti-ia
592'. a-na sza2-'a-al szul-mi3-ia _giri3-min_-szu2 ip-ru-us-ma
593'. ik-la-a ta-mar-ti _ug3-mesz_ {kur}a-ri-bi
594'. it-ti-szu2 u2-sza2-bal-kit-ma
595'. ih-ta-nab-ba-tu hu-bu-ut _kur_ mar-tu{ki}
596'. _erin2-hi-a_-ia sza2 ina mi-s,ir _kur_-szu2 asz2-bu
597'. u2-ma-'e-e-ra s,e-ru-usz-szu2
598'. _bad5-bad5_-szu2-un asz2-kun _un-hi-a_ {kur}a-ri-bi
599'. ma-la it-bu-u-ni u2-ra-si-bu ina _{gesz}tukul-mesz_
600'. _e2 edin_ kul-ta-ri mu-sza2-bi-szu2-nu
601'. _izi_ u2-sza2-hi-zu ip-qi2-du a-na {d}gesz-bar
602'. _gu4-mesz_ s,e-e-ni _ansze-mesz ansze-gam-mal-mesz_
603'. a-me-lu-tu2 isz-lu-lu-u-ni ina la mi3-ni
604'. se-he-ep _kur_ ka-la-mu a-na si-hir-ti-sza2
605'. un-da-al-lu-u? a-na pat, gim-ri-sza2
606'. _ansze-gam-mal-mesz_ ki-ma s,e-e-ni u2-par-ri-is
607'. u2-za-'i-iz a-na _ug3-mesz kur_ asz-szur{ki}
608'. qa-bal-ti _kur_-ia _ansze-gam-mal_ ina _gin2_ ina 1/2(disz) _gin2_ kas-pi
609'. i-szam-mu ina _ka2_ ma-hi-ri
610'. {munus}asz2-tam-mu ina ni-id-ni _{lu2}lunga2_ ina {dug}ha-be2-e
611'. _{lu2}nu-{gesz}kiri6_ ina ki-i-si im-da-na-ha-ru
612'. _ansze-gam-mal-mesz_ u3 a-me-lu-ti
613'. si-it-ti {lu2}a-ri-bi sza2 la-pa-an _{gesz}tukul-mesz_
614'. ip-par-szi-du u2-szam-qit {d}er3-ra qar-du
615'. su-un-qu ina bi-ri-szu2-un isz-sza2-kin-ma
616'. a-na bu-ri-szu2-nu e-ku-lu _uzu-mesz dumu-mesz_-szu2-un
617'. ar-ra-a-ti ma-la ina a-de-szu2-un szat,-ru
618'. ina pi-it-ti i-szim-szu2-nu-ti an-szar2 {d}sin {d}utu
619'. {d}en u {d}ag {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir{ki}
620'. _dingir-mesz gal-mesz en-mesz_-ia2
621'. {disz}ia-u-ta-a' ma-ru-usz-tu2 im-hur-szu2-ma
622'. e-disz-szi-szu2 in-na-bit
623'. {disz}a-bi-ia-te-e' _dumu_ {disz}te-e'-ri
624'. a-na {iri}nina{ki} il-li-kam-ma u2-na-sziq _giri3-min_-ia2
625'. a-de-e a-na e-pesz _ARAD_-ti-ia it-ti-szu2 asz2-kun
626'. ku-um {disz}ia-u-ta-a' asz2-kun-szu2 a-na _lugal_-u-ti
627'. _ku3-sig17 igi-min-mesz {na4}babbar-dili_ gu-uh-lu _ansze-gam-mal-mesz_
628'. _ansze-nita2-mesz_ bit-ru-ti man-da-at-ti szat-ti-szam-ma
629'. u2-kin s,e-ru-usz-szu2
630'. {disz}am-mu-la-di-in _lugal_ {kur}qa-ad-ri sza2 ki-ma sza2-a-szu2 ik-ki-ru
631'. ih-ta-nab-ba-tu hu-bu-ut _kur_ mar-tu{ki}
632'. ina zi-kir _mu_-ia sza2 an-szar2 {d}sin {d}utu {d}en {d}ag
633'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir{ki} u2-szar-bu-u2
634'. {disz}ka-ma-as-hal-ta-a _lugal_ {kur}ma-'a-a-bi
635'. _ARAD_ da-gil2 pa-ni-ia
636'. ina _me3_ isz-ku-nu _bad5-bad5_-szu2
637'. {disz}am-mu-la-di si-it-ti _ug3-mesz_-szu2
638'. sza2 la-pa-an da-a-ki i-szi-tu-u-ni u2-s,ab-bit ina _szu-min_
639'. _szu-min_ u _giri3-min_ bi-re-tu2 _an-bar_ id-di-ma
640'. a-na {iri}nina{ki} a-di mah-ri-ia u2-sze-bi-la
641'. {disz}na-at-nu _lugal_ {kur}na-ba-a-a-ti sza a-szar-szu2 ru-u-qu
642'. isz-ma-a da-na-an an-szar2 {d}marduk sza2 u2-tak-kil-u-in-ni
643'. sza ma-ti-ma a-na _lugal-mesz ad-mesz_-ia _{lu2}a kin_-szu2 la isz-pu-ra
644'. la isz-a-lu4 szu-lum _lugal_-ti-szu2-un
645'. e-nen-na ia-ti _{lu2}a kin_-szu2 sza2 szul-me
646'. isz-pu-ram-ma u2-na-asz2-sziq _giri3-min_-ia
647'. a-na sza2-kan a-de-e su-lum-me-e e-pesz _ARAD_-ti-ia
648'. u2-s,a-na-al-la-a be-lu-u-ti
649'. a-na-ku ha-disz ap-pa-lis-szu-ma
650'. pa-ni-ia _saga-mesz ugu_-szu2 asz2-kun
651'. _gun_ man-da-at-tu szat-ti-szam-ma u2-kin _edin_-usz-szu2
652'. ina u4-me-szu2-ma _bad3 muru2 iri_ sza nina{ki}
653'. sza {disz}{d}sin-pap-mesz-su _man kur_ asz-szur{ki} _ad ad_ ba-ni-ia _du3_-szu2
654'. ina _a-mesz_ t,ah_-tu_-ti ra-a-di gap-szu-ti
655'. sza szat-ti-szam-ma ina _bala_-ia {d}iszkur u2-sad-di-ra ina _kur_-ia
656'. tem-me-en-szu2 ir-bu-ub-ma i-qu-pa re-sza2-a-szu2
657'. _bad3_ szu-a-tu2 sza la-ba-risz _du_-ku e-na-hu _usz8_-szu2
658'. mi-qit-ta-szu2 ad-ke ak-szu-da a-sur-ru-szu2
659'. ina esz-qi2 _na4 kur_-i tem-me-en-szu2 u2-dan-nin
660'. e-li sza mah-ri _bad3_ szu-a-tu2
661'. u2-kab-bir asz2-pu-ka szad-du-isz3
662'. ul-tu _usz8_-szu2 a-di gaba-dib-be2-e-szu2 ar-s,ip u2-szak-lil
663'. _ugu_ sza u4-me pa-ni u2-dan-ni-na tem-me-en-szu2
664'. _mu-sar_-u szi-t,ir _mu_-ia u ta-nit-ti qar-ra-du-ti-ia2
665'. sza ina tukul-ti an-szar2 {d}sin {d}utu {d}en {d}ag
666'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir {d}masz {d}nusku {d}u-gur
667'. ina _kur-kur_ at-tal-la-ku asz2-ku-nu da-na-nu u li-i-tu2
668'. asz2-t,ur-ma a-na ah-rat u4-me e-zib
669'. a-na _egir_ u4-me ina _lugal-mesz dumu-mesz_-ia
670'. sza an-szar2 u {d}1(u)-5(disz) a-na be-lut _kur_ u _ug3-mesz_ i-nam-bu-u2 zi-kir-szu2
671'. e-nu-ma _bad3_ szu-a-tu2 i-lab-bi-ru-ma in-na-hu
672'. an-hu-us-su lu-ud-disz _mu-sar_-u szi-t,ir _mu_-ia
673'. li-mur-ma _i3-mesz_ lip-szu-usz _{udu}siskur_ liq-qi2
674'. a-na asz2-ri-szu2 lu-ter
675'. ki-i sza a-na-ku _mu-sar_-u szi-t,ir szu-me {disz}{d}sin-pap-mesz-su ab _ad du3_-ia
676'. a-mu-ru _i3-mesz_ ap-szu-szu2 _{udu}siskur_ aq-qu-u it-ti _mu-sar_-e
677'. szi?-t,ir? _mu_-ia asz2-ku-nu at-ta ki-i ia-a-ti-ma
678'. _mu-sar_-a-a a-mur-ma _i3-mesz_ pu-szu-usz _{udu}siskur bala_-qi2
679'. it-ti _mu-sar_-e szi-t,ir _mu_-ka szu-kun
680'. _dingir-mesz gal-mesz_ ma-la ina _mu-sar_-e an-ne2-e szat,-ru
681'. _lugal_-ut-ka lik-tar-ra-bu li-is,-s,u-ru _bala-mesz_-ka
682'. sza _mu-sar_-u2 szi-t,ir _mu_-ia u szu-me _ad ad du3_-ia
683'. ib-ba-tu ina mim-ma szi-pir ni-kil-ti u2-hal-la-qu
684'. it-ti _mu-sar_-e szi-t,ir _mu_-szu2 la i-szak-ka-nu
685'. _dingir-mesz gal-mesz_ sza2 _an_-e u _ki_-tim
686'. _lugal_-us-su lis-ki-pu
687'. _mu_-szu2 _numun_-szu2 ina _kur_ lu-hal-li-qu

No image available

RINAP 5/1 Ashurbanipal 005 composite (P514714)

Composite

Composite No.: Q003704

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 005 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
1. a-na-ku {disz}an-szar2-du3-a _lugal gal_-u _lugal_ dan-nu
2. _lugal szu2 lugal kur_ an-szar2{ki} _lugal_ kib-rat _limmu2_-tim
3. _e3_ lib3-bi {disz}an-szar2-pap-asz _man kur_ an-szar2{ki}
4. _szagina_ babila2{ki}
5. _lugal kur eme-gi7_ u3 uri{ki}
6. _sza3-bala-bala_ {disz}{d}sin-pap-mesz-su
7. _lugal_ kisz-sza2-ti _lugal kur_ an-szar2{ki}
8. _dingir-mesz gal-mesz_ ina _ukken_-szu2-nu
9. szi-mat _saga_-tim i-szi-mu szim-ti
10. uz-nu ra-pa-asz2-tum isz-ru-ku-u-ni
11. kul-lat t,up-szar-ru-ti
12. u2-sza2-hi-zu ka-ra-szi
13. e-li _lugal-mesz_ a-szib pa-rak-ki
14. zi-kir _mu_-ia u2-szar-ri-hu
15. u2-szar-bu-u2 _en_-u2-ti
  n lines broken
16'. e2-hur-sag-gal-kur-kur-ra _e2_ an-szar2
17'. _en_-ia u2-szak-lil
18'. _e2-gar8-mesz_-szu2 u2-szal-bi-sza2 _ku3-sig17 ku3-babbar_
19'. {gesz}tim-me _mah-mesz_ me-ser _ku3-babbar_ u2-rak-kis
20'. ina _ka2_ hi-s,ib _kur-kur_ az-qu-up
21'. an-szar2 ina e2-hur-sag-gu-la u2-sze-rib-ma
22'. u2-szar-ma-a _bara2_ da-ra-a-ti
23'. e2-sag-il2 _e2-gal dingir-mesz du3_-usz
24'. u2-szak-li-la _gesz-hur-mesz_-szu2
25'. {d}en {d}gaszan-mu {d}be-let-babila2{ki}
26'. x x [...]
27'. x [...]
28'. x [...]
29'. 5(u) _gun_ za-ha-lu-u eb-bu
30'. a-na a-gur2-ri ap-ti-iq-ma
31'. u2-rab-ba-a _edin_-usz-szu2
32'. x [...]
  n lines broken
33'. a-na ma-a-a-al tak-ne2-e {d}en {d}gaszan-mu
34'. sza2-kan ha-sza2-di e-pesz ru-'a-a-me
35'. nak-lisz e-pu-usz
36'. ina ka2-hi-li-su3 masz-tak {d}zar-pa-ni-tum
37'. sza ku-uz-bu sa-al-hu ad-di
38'. 4(disz) _am-mesz ku3-babbar_ ek-du-u-ti
39'. na-s,i-ru ki-bi-is _lugal_-u-ti-ia
40'. ina _ka2_ s,i-it _{d}utu_-szi u _ka2 {d}lamma-ra-bi_
  n lines broken
41'. sza2 {iri}tar-bi-s,i az-qu-up
42'. a-di a-di-ni a-bi la i-ma-al-la-du
43'. um-mi3 a-lit-ti la ba-na-at ina lib3-bi _ama_-sza2
44'. a-na e-pesz e2-hul2-hul2 iz-kur ni-bit _mu_-ia
45'. {d}sin sza2 ib-na-an-ni a-na _lugal_-u-ti
46'. um-ma {disz}an-szar2-du3-a e2-kur szu-a-tu2 ip-pu-usz-ma
47'. qe2-reb-szu2 u2-szar-man-ni pa-rak da-ra-a-ti
48'. a-mat {d}sin sza2 ul-tu _u4-mesz_
49'. ru-qu-u2-ti iq-bu-u
50'. e-nen-na u2-kal-lim _ug3-mesz_ ar-ku-u-ti
51'. _e2_ {d}sin sza2 {disz}{d}sal2-ma-nu_-masz a_ {disz}asz-szur-pap-ibila
52'. _lugal_ pa-ni mah-ri-ia e-pu-szu
53'. la-ba-risz u2-sza2-lik-ma
54'. u2-szad-gi-la pa-nu-u-a
55'. e2-kur szu-a-tu2 sza2 la-ba-risz il-li-ku
56'. ina a-mat {d}sin {d}nusku an-hu-us-su ad-ke
57'. e-li sza u4-me pa-ni szu-bat-su u2-rap-pisz
58'. [...] x [...]
  n lines broken
59'. {d}nin-kur-ra nak-lisz u2-sze-pisz-ma
60'. a-na mu-ter-ri-szi _ti-la_-ia
61'. ma-har _dingir-mesz_ ti-ik-le-ia
62'. u2-kin na-an-za-sun2
63'. ul-tu s,e-he-ri-ia a-di ra-be2-ia
64'. asz2-te-'a-a asz2-rat _dingir-mesz gal-mesz_
65'. {lu2}sza2-an-gu-ti ih-szu-hu
66'. i-ram-mu na-dan zi-bi-ia
67'. {d}iszkur _szeg3-mesz_-szu2 u2-masz-sze-ra
68'. {d}e2-a u2-pat,-t,i-ra _idim-mesz_-szu2
69'. 5(disz) _kusz3 sze-am_ isz-qu ina _ab-sin2_-ni-szu2
70'. e-ri-ik szu-bul-tu2 5/6(disz) _kusz3_
71'. _si-sa2 buru14_ na-pa-asz2 {d}nisaba
72'. ka-a-a-an u2-szah-na-bu gi-pa-ru
73'. s,ip-pa-a-ti szu-um-mu-ha in-bu
74'. _masz2-ansze_ szu-te-szur ina ta-lit-ti
75'. ina _bala-mesz_-ia _he2-nun_ t,uh-du
76'. ina _mu-an-na-mesz_-ia ku-um-mu-ru _he2-gal2_-lum
77'. 1(u) _ansze sze-pad-mesz_ 3(disz) _ansze gesztin-mesz_
78'. _2(ban2) i3-mesz_ 1(disz) _gun sig2-mesz_ ina nap-har _kur_-ia
79'. _ki-lam_ nap-szu2 i-szam-ma ina 1(disz) _gin2_ kas-pi
80'. szat-ti-szam-ma ina t,uh-di u me-sza2-ri
81'. ar-te-'a-a ba-'u-lat {d}en-lil2
82'. _dingir-mesz gal-mesz_ sza ap-tal-la-hu
83'. _dingir_-us-su-un dun-nu zik-ru-u-ti
84'. e-mu-qi2 s,i-ra-a-ti u2-szat-li-mu-in-ni
85'. _kur-kur_ la ma-gi-re-ia ina _szu-min_-ia im-nu-u2
86'. u2-szam-s,u-in-ni ma-la lib3-bi-ia
87'. ul-tu tam-tim e-liti a-di tam-tim szap-liti
88'. sza _lugal-mesz ad-mesz_-ia ir-te-ed-du-u2
  n lines broken
89'. u2-szak-ni-sza2 a-na ni-ri-ia
90'. _gun_ man-da-at-tu2 szat-ti-szam-ma
91'. u2-kin _edin_-usz-szu2-un
92'. ina qi2-bit {d}sin {d}nin-gal {d}utu u {d}a-a
93'. _lugal-mesz_ a-szib pa-rak-ki
94'. u2-na-asz2-sza2-qu _giri3-min_-ia
95'. mal-ki _gal-mesz_ sza2 s,i-tasz u szi-la-an
96'. a-na kit-ri-szu2-nu u2-pa-qu-ni
97'. ina u4-me-szu2-ma _e2_ {d}sin {d}nin-gal {d}utu {d}a-a
98'. sza qe2-reb nina{ki} sza {disz}an-szar2-pap-asz _lugal kur_ asz-szur{ki}
99'. _ad du3_-ia e-pu-szu2
100'. il-li-ku la-ba-risz
101'. e2-kur szu2-a-tu2 e-na-ah-ma
102'. i-qu-pa _e2-gar8-mesz_-szu2
103'. e2-kur szu2-a-tu2 a-na si-hir-ti-szu2
104'. ar-s,ip u2-szak-lil ul-la-a re-szi-szu2
105'. _gesz-ur3-mesz {gesz}szur-min3 mah?-mesz?_
106'. u2-szat-ri-s,a ta-ra-an-szu2
107'. _{gesz}ig-mesz_ {gesz}li-ia-a-ri
108'. sza2 e-re-si-na _du10-ga_
109'. u2-rat-ta-a _ka2-mesz_-szu2
110'. ul-tu e2-kur szu2-a-tu2 u2-szak-li-lu
111'. u2-qat-tu-u ag-mu-ra szi-pir-szu2
112'. {d}sin {d}nin-gal {d}nusku {d}utu u {d}a-a
113'. _dingir-mesz_ tik-le-ia
114'. ina qer-bi-szu2 u2-sze-rib-ma
115'. u2-szar-me _bara2_ da-ra-a-ti
116'. ep-sze-ti-ia _saga-mesz_ ha-disz lit-tap-la-su?
117'. {d}sin {d}nin-gal {d}nusku {d}utu u {d}a-a
118'. _dingir-mesz_ tik-le-ia?
119'. ia-a-ti {disz}an-szar2-du3-a
120'. _lugal_ mi-gir lib3-bi-szu2-nu?
121'. e-pisz ku-um-mi?-szu2-nu s,i-ru-ti?
122'. pa-lih _dingir_-ti-szu2-nu _gal_-ti
123'. ina ni-ip-hi u ri-i-bi e-ma it-x x x?
124'. _pi?_-x [...] sza-ma-me?
125'. _geszkim? saga?_ sza2 a-rak u4-me pa-le-ia?
126'. [...] _lugal_-ti-ia?
127'. szul-bur _suhusz? {gesz}gu-za en_-u-ti-ia?
128'. _iti_-szam-ma? la na-par-ka-a
129'. li-tap-pa-lu? a-ha-mesz
130'. [...]-szu2?-nu?
  n lines broken
131'. ina tukul-ti-szu2-nu _gal_-te e-ma a-qab-bu-u la-be-el
132'. a-szar u2-s,ar-ra-mu li-ik-szu-da _szu-min_-a-a
133'. a-na _egir_ u4-me ina _dumu-mesz dumu dumu-mesz_
134'. _dumu-mesz_ u _dumu-mesz_ ina _lugal-mesz dumu-mesz_-ia
135'. sza2 an-szar2 {d}sin {d}utu ut-tu-szu2-ma a-na be-lut _kur_ u _ug3-mesz_
136'. i-nam-bu-u zi-kir-szu2
137'. e-nu-ma esz-re-e-ti sza2-ti-na
138'. i-lab-bi-ra-ma en-na-ha
139'. an-hu-us-si-na lu-ud-disz
140'. _mu-sar_-u2 szi-t,ir _mu_-ia
141'. li-mu-ur-ma _i3-mesz_ lip-szu-usz
142'. _{udu}siskur bala_-qi2 a-na asz2-ri-szu2 lu-ter
143'. ki-i sza2 a-na-ku _mu-sar_-u
144'. szi-t,ir szu-me {disz}an-szar2-pap-asz _man kur_ asz-szur{ki}
145'. _ad du3_-ia a-mu-ru
146'. _i3-mesz_ ap-szu-szu2 _{udu}siskur_ aq-qu-u
147'. it-ti _mu-sar_-re-e szi-t,ir szu-mi3-ia asz2-ku-nu
148'. at-ta ki-ma ia-a-ti-ma
149'. _mu-sar_-a-a a-mur-ma
150'. _i3-mesz_ pu-szu-usz _{udu}siskur bala_-qi2
151'. it-ti mu-sza2-re-e
152'. szi-t,ir szu-mi3-ka szu-kun?
153'. _dingir-mesz gal-mesz_ ma-la ina mu-sza2-re-e
154'. an-ne2-e sza2-at,-ru
155'. _lugal_-ut-ka lik-tar-ra-bu
156'. li-is,-s,u-ru _bala-mesz_-ka
157'. sza mu-sza2-ru-u szi-t,ir szu-me _ad_ ba-ni-ia
158'. u szi-t,ir szu-mi3-ia ib-ba-tu2
159'. ina mim-ma szi-pir ni-kil-ti u2-hal-la-qu
160'. it-ti _mu-sar_-e szi-t,ir szu-mi3-szu2
161'. la i-szak-ka-nu
162'. _dingir-mesz gal-mesz_ sza2 _an_-e u _ki_-tim
163'. _lugal_-us-su lis-ki-pu
164'. _mu_-szu2 _numun_-szu2 i-na _kur_ lu-hal-li-qu

No image available

RINAP 5/1 Ashurbanipal 006 composite (P514715)

Composite

Composite No.: Q003705

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 006 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
  beginning broken
1'. kul-lat t,up-szar-ru-ti u2-sza2-hi-zu ka-ra-szi
2'. e-li _lugal-mesz_ a-szib pa-rak-ki
3'. zi-kir _mu_-ia u2-szar-ri-hu
4'. u2-szar-bu-u2 _en_-u2-ti
5'. esz-re-e-ti _kur_ asz-szur{ki} _kur_ uri{ki}
6'. sza {disz}an-szar2-pap-asz _lugal kur_ asz-szur{ki} _ad_ ba-ni-ia
7'. tem-me-en-szu2-un id-du-u2
8'. la ig-mu-ru szi-pir-szu2-un
9'. e-nen-na a-na-ku ina qi2-bit _dingir-mesz gal-mesz en-mesz_-ia
10'. ag-mu-ra szi-pir-szun
11'. e2-hur-sag-gal-kur-kur-ra _e2_ an-szar2
12'. _en_-ia u2-szak-lil
13'. _e2-gar8-mesz_-szu2 u2-szal-bi-sza2 _ku3-sig17 ku3-babbar_
14'. {gesz}tim-me _mah-mesz_ me-ser _ku3-babbar_ u2-rak-kis
15'. ina _ka2_ hi-s,ib _kur-kur_ az-qu-up
16'. an-szar2 ina e2-hur-sag-gu-la u2-sze-rib-ma
17'. u2-szar-ma-a pa-rak da-ra-a-ti
18'. e2-sag-il2 _e2-gal dingir-mesz_ e-pu-usz
19'. u2-szak-li-la _gesz-hur-mesz_-szu2
20'. {d}en {d}gaszan-mu {d}be-let-babila2{ki}
21'. {d}e2-a {d}di-ku5
22'. ul-tu qe2-reb e2-szar2-ra u2-bil
23'. u2-sze-rib qe2-reb szu-an-na{ki}
24'. _bara2-mah_-hu szu-bat _dingir_-ti-szu2 s,ir-ti
25'. 5(u) _gun_ za-ha-lu-u2 eb-bu a-na a-gur2-ri ap-ti-iq-ma
26'. u2-rab-ba-a _edin_-usz-szu2
27'. u2-sze-pisz-ma {gesz}er-me a-nu _{gesz}mes-ma2-kan-na_
28'. is,-s,i da-re-e sza2 szit-nu-nu sza2-ma-me-esz
29'. 3(u) 4(disz) _gun_ 2(u) _ma-na ku3-sig17 husz-a_
30'. kip-pat-su u2-szal-bisz u2-dan-ni-na rik-se-e-szu2
31'. e-li {d}marduk _en gal_-e s,u-lul-szu2
32'. at-ru-us,-ma u2-kin ta-ra-an-szu2
33'. _{gesz}gigir_ s,ir-tu ru-kub {d}marduk
34'. e-tel-li _dingir-mesz en en-en_
35'. ina _ku3-sig17 ku3-babbar na4-mesz_ ni-siq-ti ag-mu-ra nab-nit-sa
36'. a-na {d}marduk _lugal_ kisz-szat _an_-e u _ki_-tim
37'. sa-pi-in _{lu2}kur2-mesz_-ia a-na szi-rik-ti asz2-ruk
38'. _{gesz}na2 {gesz}mes-ma2-kan-na_ is,-s,i da-re-e
39'. sza pa-szal-lu lit-bu-szat _na4-mesz_ ni-siq-ti za-a'-nat
40'. a-na ma-a-a-al tak-ne2-e {d}en u {d}gaszan-mu
41'. sza2-kan ha-sza2-di e-pesz ru-'a-a-me nak-lisz e-pu-usz
42'. ina ka2-hi-li-su3 masz-tak {d}zar-pa-ni-tum
43'. sza ku-uz-bu sa-al-hu ad-di
44'. 4(disz) _am-mesz ku3-babbar_ ek-du-u2-ti
45'. na-s,i-ru ki-bi-is _lugal_-ti-ia
46'. ina _ka2_ s,i-it _{d}utu_-szi u _ka2 {d}lamma-ra-bi_
47'. ina _ka2_ e2-zi-da sza2 qe2-reb bar2-sipa{ki} ul-ziz
48'. e2-masz-masz e2-gaszan-kalam-ma _ku3-babbar ku3-sig17_ u2-za-'i-in
49'. lu-le-e u2-mal-li
50'. {d}szar-rat-kid-mu-ri sza2 ina ug-gat lib3-bi-sza2
51'. at-man-sza2 e-zi-bu u2-szi-bu a-szar la si-ma-ti-sza2
52'. ina _bala_-ia dam-qi2
53'. sza an-szar2 isz-ru-ka tar-sza2-a sa-li-mu
54'. a-na szuk-lul _dingir_-ti-sza2 s,ir-ti
55'. szur-ru-hi mi-se-e-sza2 szu-qu-ru-u-ti
56'. ina _masz2-ge6_ szi-pir mah-he-e isz-ta-nap-pa-ra ka-a-a-na
57'. {d}utu {d}iszkur asz2-al-ma e-pu-lu-in-ni an-nu ke-e-nu
58'. si-mat _dingir_-ti-sza2 _gal_-ti u2-szar-ri-ih
59'. u2-sze-szib-szi ina _bara2-mah_ szu-bat da-ra-a-ti
60'. par-s,e-e-sza2 szu-qu-ru-ti u2-kin-ma
61'. u2-szal-li-ma mi-se-e-sza2
62'. anzu{muszen}-mesz {gesz}szu-ri-in-ni
63'. a-na _ti-la zi-mesz_-ia
64'. ina _ka2_ e2-galam-mes _e2_ {d}u-gur sza {iri}tar-bi-s,i az-qu-up
65'. a-di a-di-ni a-bi la im-ma-al-la-du
66'. um-mi3 a-lit-ti la ba-na-a-ta ina lib3-bi _ama_-sza2
67'. a-na e-pesz e2-hul2-hul2 iz-kur ni-bit _mu_-ia
68'. {d}sin sza2 ib-na-an-ni a-na _lugal_-u-ti
69'. um-ma {disz}an-szar2-du3-a e2-kur szu2-a-tu2 ip-pu-usz-ma
70'. qe2-reb-szu2 u2-szar-man-ni pa-rak da-ra-a-ti
71'. a-mat {d}sin sza2 ul-tu _u4-mesz_ ru-qu-ti iq-bu-u
72'. e-nen-na u2-kal-lim _ug3-mesz_ ar-ku-u-ti
73'. _e2_ {d}sin sza2 {disz}{d}sal2-ma-nu_-masz a_ {disz}asz-szur-pap-ibila
74'. _lugal_ pa-ni mah-ri-ia e-pu-szu
75'. la-ba-risz u2-sza2-lik-ma u2-szad-gi-la pa-nu-u-a
76'. e2-kur szu-a-tu2 sza2 la-ba-risz il-li-ku
77'. ina a-mat {d}sin {d}nusku an-hu-us-su ad-ke
78'. e-li sza u4-me pa-ni szu-bat-su u2-rap-pisz
79'. ul-tu _usz8_-szu2 a-di gaba-dib-bi-szu2 ar-s,ip u2-szak-lil
80'. e2-me-lam2-an-na _e2_ {d}nusku _sukkal mah_
81'. sza _lugal_ pa-ni mah-ri-ia e-pu-szu2
82'. ab-na-a qe2-reb-szu2
83'. _gesz-ur3-mesz {gesz}eren-mah-mesz_ u2-szat-ri-s,a _ugu_-szu2-un
84'. _{gesz}ig-mesz_ {gesz}li-ia-a-ri me-ser _ku3-babbar_
85'. u2-rak-kis u2-rat-ta-a _ka2-mesz_-szu2-un
86'. 2(disz) _am-mesz ku3-babbar_ mu-nak-ki-pu ga-re-ia
87'. ina at-man {d}sin _en_-ia ul-ziz
88'. 2(disz) {d}lah3-me esz-ma-re-e sza2 ti-is,-bu-tu2 {gesz}szu-ri-in-ni
89'. mu-szal-li-mu kib-si _lugal_-ti-ia
90'. mu-sze-ri-bu hi-s,ib szad-de-e u tam-tim
91'. ina _ka2_ e2-hul2-hul2 ul-ziz
92'. _szu-min_ {d}sin {d}nusku as,-bat u2-sze-rib u2-sze-szib
93'. ina pa-rak da-ra-a-ti
94'. esz-re-e-ti _kur_ asz-szur{ki} u _kur_ uri{ki}
95'. a-na si-hir-ti-szi-na u2-szak-lil
96'. mim-ma si-mat e2-kur ma-la ba-szu2-u sza2 _ku3-babbar ku3-sig17_ e-pu-usz
97'. e-li sza _lugal-mesz ad-mesz_-ia u2-rad-di
98'. _dingir-mesz gal-mesz_ ti-ik-le-ia
  n lines broken
99'. _si-sa2 buru14_ na-pa-asz2 {d}nisaba
100'. ka-a-a-an u2-szah-na-bu gi-pa-ru
101'. s,ip-pa-a-ti szu-um-mu-ha in-bu _masz2-ansze_ szu-te-szur ina ta-lit-ti
102'. ina _bala-mesz_-ia _he2-nun_ t,uh-du ina _mu-an-na-mesz_-ia ku-um-mu-ru _he2-gal2_-lum
103'. 1(u) 2(disz) _ansze sze-pad-mesz_ 3(disz) _ansze gesztin-mesz 2(ban2) i3-mesz gun sig2-mesz_
104'. ina nap-har _kur_-ia _ki-lam_ nap-szu2 i-szam-mu ina 1(disz) _gin2_ kas-pi
105'. szat-ti-szam-ma ina t,uh-di u me-sza2-ri
106'. ar-te-'a ba-'u-u2-lat {d}en-lil2
107'. _dingir-mesz gal-mesz_ sza2 ap-tal-la-hu _dingir_-us-su-un
  n lines broken
108'. u2-na-asz2-sza2-qu _giri3-min_-ia
109'. mal-ki _gal-mesz_ sza2 s,i-tasz u szi-la-an
110'. a-na kit-ri-szu-nu u2-pa-qu-u-ni
111'. i-na mah-re-e ger-ri-ia
112'. a-na {kur}ma2-kan u {kur}me-luh-ha lu-u al-lik
113'. {disz}tar-qu-u _man_ {kur}mu-s,ur u {kur}ku-u-si
114'. sza {disz}an-szar2-pap-asz _man kur_ an-szar2{ki} _ad_ ba-nu-u-a
115'. _bad5-bad5_-szu2 isz-ku-nu i-be-lu _kur_-su
116'. da-na-an an-szar2 u {d}1(u)-5(disz) _dingir-mesz gal-mesz en-mesz_-ia im-szi-ma
117'. it-ta-kil a-na e-muq ra-ma-ni-szu2
118'. e-li _lugal-mesz_ {lu2}qe-pa-a-ni
119'. sza qe2-reb {kur}mu-s,ur u2-pa-qi2-du _ad_ ba-nu-u-a
120'. a-na da-a-ki ha-ba-a-te u e-kem {kur}mu-s,ur
121'. il-li-ka _edin_-usz-szu2-un
122'. e-ru-um-ma u2-szib qe2-reb {iri}me-em-pi
123'. _iri_ sza _ad_ ba-nu-u-a ik-szu-du
124'. a-na mi-s,ir _kur_-szu2 u2-ter-ru
125'. al-la-ku ha-an-t,u qe2-reb nina{ki} il-lik-am-ma
126'. u2-sza2-an-na-a ia-a-ti
127'. _ugu_ ep-sze-e-ti an-na-a-ti
128'. lib3-bi i-gug-ma is,-s,a-ru-uh ka-bat-ti
129'. ad-ke-e-ma {lu2}e-mu-qi-ia s,i-ra-a-ti
130'. sza an-szar2 u {d}1(u)-5(disz) u2-mal-lu-u qa-a-tu-u-a
131'. a-na {kur}mu-s,ur u {kur}ku-u-si usz-te-sze-ra har-ra-nu
132'. ina me-ti-iq ger-ri-ia
133'. {disz}ba-'a-lu _lugal_ {kur}s,ur-ri
134'. {disz}mi-in-se-e _lugal_ {kur}ia-u2-di
135'. {disz}qa-usz-gab-ri _lugal_ {kur}u2-du-me
136'. {disz}mu-s,ur-i _lugal_ {kur}ma-'a-ba
137'. {disz}gissu-en _lugal_ {kur}ha-zi-ti
138'. {disz}mi-ti-in-ti _lugal_ {kur}is-qa-lu-na
139'. {disz}i-ka-u2-su _lugal_ {kur}am-qar-u-na
140'. {disz}mil-ki-a-sza2-pa _lugal_ {kur}gu-ub-li
141'. {disz}ia-ki-in-lu-u2 _lugal_ {kur}ar-u2-a-da
142'. {disz}a-bi-ba-a'-al _lugal_ {kur}sa-am-si-mu-ru-na
143'. {disz}am-mi-na-ad-bi _lugal {kur}e2_-am-ma-na
144'. {disz}pap-mil-ki _lugal_ {kur}as-du-di
145'. {disz}e-ki-isz-tu-ra _lugal_ {kur}e-di-i'-li
146'. {disz}pi-la-a-gu-ra-a _lugal_ {kur}ki-it-ru-si
147'. {disz}ki-i-su _lugal_ {kur}si-lu-u-a
148'. {disz}i-tu-u-an-da-ar _lugal_ {kur}pa-ap-pa
149'. {disz}e-re-su _lugal_ {kur}si-il-lu
150'. {disz}da-ma-su _lugal_ {kur}ku-ri-i
151'. {disz}ad2-me-su _lugal_ {kur}ta-me-su
152'. {disz}da-mu-u-su _lugal_ {kur}qar-ti-ha-da-as-ti
153'. {disz}u2-na-sa-gu-su _lugal_ {kur}li-di-ir
154'. {disz}bu-s,u-su _lugal_ {kur}nu-re-e
155'. _szu-nigin_ 2(u) 2(disz) _lugal-mesz_ sza a-hi tam-tim
156'. _muru2_ tam-tim u3 na-ba-li
157'. _ARAD-mesz_ da-gil2 pa-ni-ia
158'. ta-mar-ta-szu2-nu ka-bit-tu
159'. ina _igi_-ia isz-szu-nim-ma u2-na-szi-qu _giri3-min_-ia
160'. _lugal-mesz_ sza2-a?-tu-nu a-di e-mu-qi-szu2-nu
161'. _{gesz}ma2-mesz_-szu2-nu ina tam-tim u na-ba-li
162'. it-ti _erin2-hi-a_-ia ur-hu pa-da-nu u2-sza2-as,-bit-su-nu-ti
163'. a-na na-ra-ru-ti ha-mat sza2 _lugal-mesz_ {lu2}qe2-pa-a-ni
164'. sza qe2-reb {kur}mu-s,ur _ARAD-mesz_ da-gil2 pa-ni-ia
165'. ur-ru-hi-isz ar-de-e-ma
166'. al-lik a-di {iri}kar-{d}du3-ti
167'. {disz}tar-qu-u _man_ {kur}mu-s,ur u {kur}ku-u-si
168'. qe2-reb {iri}me-em-pi a-lak ger-ri-ia isz-me-ma
169'. a-na e-pesz _muru2 {gesz}tukul-mesz_ u _me3_
170'. a-na mah-ri-ia id-ka-a _{lu2}erin2-mesz me3_-szu2
171'. i-na tu-kul-ti an-szar2 {d}en u3 {d}ag _dingir-mesz gal-mesz en-mesz_-ia
172'. a-li-kut i-di?-ia
173'. ina _me3 edin_ rap-szi asz2-ku-na _bad5-bad5 erin2-hi-a_-szu2
174'. {disz}tar-qu-u2 ina qe2-reb {iri}me-em-pi
175'. isz-ma-a tah-te-e _erin2-hi-a_-szu2
176'. nam-ri-ri an-szar2 u {d}1(u)-5(disz)
177'. is-hu-pu-szu-ma il-li-ka mah-hu-tisz2
178'. me-lam-me _man_-ti-ia ik-tu-mu-szu-ma
179'. sza2 u2-za-'i-i-nu-u-ni _dingir-mesz_ szu-ut _an ki_
180'. {iri}me-em-pi u2-masz-szir-ma
181'. a-na szu-zu-ub _zi_-ti3-szu2 in-na-bit a-na qe2-reb {iri}ni-i'
182'. _iri_ szu-a-tu2 as,-bat _erin2-hi-a_-ia u2-sze-rib u2-sze-szib ina lib3-bi
183'. {disz}ni-ku-u _lugal_ {iri}me-em-pi u3 {iri}sa-a-a
184'. {disz}lugal-lu-da3-ri _lugal_ {iri}s,i-i'-nu
185'. {disz}pi-sza2-an-hu-ru _lugal_ {iri}na-at-hu-u2
186'. {disz}pa-aq-ru-ru _lugal_ {iri}szap-tu2
187'. {disz}ni?-her?-a-u _lugal_ {iri}ha-at-hi-ri-bi
188'. {disz}na-ah-ke-e _lugal_ {iri}hi-ni-in-szi
189'. _lugal-mesz_ an-nu-ti _{lu2}nam-mesz_ {lu2}qe-pa-ni
190'. sza qe2-reb {kur}mu-s,ur u2-pa-qi2-du _ad du3_-u-a
191'. sza la-pa-an ti-bu-ut {disz}tar-qu-u
192'. pi-qit-ta-szu2-un u2-masz-sze-ru im-lu-u2 _edin_
  n lines broken
193'. pa-an _{gesz}szudun_-ia u2-ter-ra-am-ma
194'. szal?-mesz a-tu-ra a-na _kur_ asz-szur{ki}
195'. _egir_-nu {disz}ni-ku-u2 {disz}lugal-lu-da3-ri {disz}pa-aq-ru-ru
196'. ina a-de-ia ih-t,u-u la is,-s,u-ru ma-mit _dingir-mesz gal-mesz_
197'. t,a-ab-ti im-szu-ma lib3-ba-szu2-nu ik-pu-ud le-mut-tu2
198'. da-bab sur-ra-a-ti id-bu-bu-ma
199'. mi3-lik la ku-sziri4 im-li-ku ra-man-szu2-un
200'. um-ma {disz}tar-qu-u ul-tu2 qe2-reb {kur}mu-s,ur
201'. i-na-sah-u2-ma at-tu-ni a-sza2-ba-ni mi3-i-nu
202'. e-li {disz}tar-qu-u _man_ {kur}ku-u-si
203'. a-na sza2-kan a-de-e u3 sa-li-me
204'. u2-ma-'e-e-ru {lu2}rak-be2-szu2-un
205'. um-ma su-lum-mu-u2 ina bi-ri-ni lisz-sza2-kin-ma
206'. ni-in-dag-ga-ra a-ha-mesz
207'. _kur_ a-he-en-na-a ni-zu-uz-ma
208'. a-a ib-ba-szi ina bi-ri-ni sza2-nu-um-ma be-lum
209'. a-na _erin2-hi-a kur_ an-szar2{ki} e-muq _en_-ti-ia
210'. sza2 na-kas _zi_-tim isz-te-ne2-'u-u
211'. a-mat _hul_-tim {lu2}szu-ut _sag-mesz_-ia a-ma-a-ti
  n lines broken
212'. al-lu _ku3-sig17_ si-mat _lugal_-ti-szu2 asz2-kun-szu2
213'. _har-mesz ku3-sig17_ u2-rak-ki-sa rit-ti-szu2
214'. _gir2_ szib-bi sza2 ih-zu-szu2 _ku3-sig17_
215'. ni-bit _mu_-ia ina muh-hi asz2-t,ur-ma a-din-szu2
216'. _{gesz}gigir-mesz ansze-kur-ra-mesz ansze-kunga-mesz_
217'. a-na ru-kub _en_-ti-szu2 a-qis-su
218'. {lu2}szu-ut _sag-mesz_-ia _{lu2}nam-mesz_
219'. a-na kit-ri-szu2 it-ti-szu2 asz2-pur
220'. a-szar _ad du3_-u-a i-na {iri}sa-a-a
221'. a-na _lugal_-ti ip-qi2-du-szu2
222'. a-na masz-kan2-i-szu2 u2-ter-szu2
223'. u3 {disz}{d}ag-sze-zib-a-ni _dumu_-szu2
224'. ina {iri}ha-at-ha-ri-ba ap-qid
225'. _mun saga_-tu2 _ugu_ sza2 _ad_ ba-ni-ia
226'. u2?-sza2-tir-ma e-pu-us-su
227'. {disz}tar-qu-u a-szar in-nab-tu
228'. ra-szub-bat _{gesz}tukul_ an-szar2 _en_-ia is-hup2-szu2-ma
229'. il-lik nam-mu-szi-szu _egir_-nu {disz}ur-da-ma-ne2-e _dumu nin9_-szu2
230'. u2-szib ina _{gesz}gu-za lugal_-ti-szu
231'. {iri}ni-i' {iri}u2-nu a-na dan-nu-ti-szu2 isz-kun
232'. u2-pah-hi-ir el-lat-su
233'. a-na mit-hu-s,i _erin2-hi-a dumu-mesz kur_ asz-szur{ki}
234'. sza qe2-reb {iri}me-em-pi id-ka-a qa-bal-szu2
235'. _ug3-mesz_ sza2-a-tu-nu e-si-ir-ma
236'. is,-ba-ta mu-us,-s,a-szu2-un
237'. _{lu2}dumu_ szip-ri ha-an-t,u a-na nina{ki}
238'. il-lik-am-ma iq-ba-a ia-a-ti
239'. asz2-ni-ma a-na {kur}mu-s,ur u {kur}ku-u-si
240'. usz-te-sze-ra har-ra-nu
241'. {disz}ur-da-ma-ne2-e a-lak ger-ri-ia isz-me-ma
242'. sza ak-bu-su mi-s,ir {kur}mu-s,ur
243'. {iri}me-em-pi u2-masz-szir-ma a-na szu-zu-ub _zi_-ti3-szu2
244'. in-na-bit a-na qe2-reb {iri}ni-i'
245'. _lugal-mesz {lu2}nam-mesz_ {lu2}qe-pa-a-ni
246'. sza qe2-reb {kur}mu-s,ur asz2-ku-nu
247'. ina ir-ti-ia il-lik-u-nim-ma u2-na-asz2-szi-qu _giri3-min_-ia
248'. _egir {disz}ur_-da-ma-ne2-e har-ra-nu as,-bat
249'. al-lik a-di {iri}ni-i' _iri_ dan-nu-ti-szu2
250'. ti-ib _me3_-ia e-mur-ma {iri}ni-i' u2-masz-szir
251'. in-na-bit a-na {iri}ki-ip-ki-pi
252'. _iri_ szu-a-tu2 a-na si-hir-ti-szu2
253'. ina tukul-ti an-szar2 u {d}1(u)-5(disz) ik-szu-da _szu-min_-a-a
254'. _ku3-babbar ku3-sig17_ ni-siq-ti _na4-mesz_
255'. _nig2-szu e2-gal_-szu2 ma-la ba-szu2-u
256'. lu-bul-ti bir-me _gada-mesz ansze-kur-ra-mesz gal-mesz_
257'. _ug3-mesz_ zik2?-ru u3 sin-nisz
258'. 2(disz) tim-me _mah-mesz_ pi-ti-iq za-ha-le-e eb-bi
259'. sza 2(disz) _lim_ 5(disz) _me gun ki-la2_-szu2-nu
260'. man-za-az _ka2_ e2-kur
261'. ul-tu man-zal-ti-szu2-nu as-suh-ma
262'. al-qa-a a-na _kur_ asz-szur{ki}
263'. szal-la-tu ka-bit-tu? ina la mi3-ni asz2-lu-la
264'. ul-tu qe2-reb {iri}ni-i'
265'. e-li {kur}mu-s,ur u3 {kur}ku-u-si
266'. _{gesz}tukul-mesz_-ia u2-szam-ri-ir-ma asz2-ta-kan li-i-tu
267'. it-ti _szu-min_ ma-li-ti szal-mesz a-tu-ra
268'. a-na nina{ki} _iri_ be-lu-ti-ia
269'. ina szal-szi ger-ri-ia
270'. _ugu_ {disz}ba-'a-li _lugal_ {kur}s,ur-ri
271'. a-szib _muru2_ tam-tim lu-u al-lik
272'. asz2-szu2 a-mat _lugal_-u-ti-ia la is,-s,u-ru
273'. la isz-mu-u2 zi-kir _nundum_-ia
274'. {iri}hal-s,u-_mesz_ e-li-szu2 u2-rak-kis
275'. a-na la a-s,e-e _ug3-mesz_-szu2 u2-dan-nin ma-s,ar-tusz
276'. ina tam-tim u na-ba-li ger-re-ti-szu2 u2-s,ab-bit
277'. a-lak-ta-szu2 ap-ru-us
278'. _a-mesz_ u3 te-'u-u2-tu ba-lat, _zi_-ti3-szu2-nu
279'. a-na pi-i-szu2-nu u2-sza2-qi2-ir
280'. ina me-se-ri dan-ni
281'. sza2 la na-par-szu-di e-si-ir-szu2-nu-ti
282'. nap-szat-su-nu u2-si-iq u2-kar-ri
283'. a?-na _{gesz}szudun_-ia u2-szak-ni-is-su-nu-ti
284'. _dumu-munus_ s,i-it lib3-bi-szu2 u _dumu-munus szesz-mesz_-szu2
285'. a-na e-pesz _{munus}agrig_-u2-ti
286'. u2-bi-la a-di mah-ri-ia
287'. _dumu_-szu2 sza2 ma-ti-ma ti-amtu la e-bi-ra
288'. isz-sza2-a a-na e-pesz _ARAD_-ti-ia
289'. _dumu-munus_-su u _dumu-munus szesz-mesz_-szu2
290'. it-ti ter-ha-ti ma-a'-as-si am-hur-szu2
291'. re-e-mu ar-szi-szu2-ma
292'. _dumu_ s,i-it lib3-bi-szu2 u2-ter-ma a-din-szu2
293'. {iri}hal-s,u-_mesz_ sza2 _ugu_ {disz}ba-'a-li
294'. _lugal_ {kur}s,ur-ri u2-rak-ki-su ap-t,ur
295'. ina tam-tim u na-ba-li ger-re-ti-szu2
296'. ma-la u2-s,ab-bi-tu ap-ti
297'. ma-da-ta-szu2 ka-bit-tu2 am-hur-szu2
298'. pa-an _{gesz}szudun_-ia u2-ter-ram-ma
299'. szal-mesz a-tu-ra a-na nina{ki} _iri_ be-lu-ti-ia
300'. ma-al-ki _muru2_ tam-tim u _lugal-mesz_
301'. a-szi-bu-ti szad-de-e sza2-qu-ti
302'. da-na-an ep-sze-ti-ia an-na-a-ti
303'. e-mu-ru-ma ip-la-hu _en_-u-ti
304'. {disz}ia-ki-in-lu-u _lugal_ {kur}ar-u2-a-da
305'. {disz}mu-gal-lu _lugal_ {kur}tab-a-la
306'. {disz}sa-an-di-szar-me {kur}hi-lak-ka-a-a
307'. sza a-na _lugal-mesz ad-mesz_-ia la kan-szu2
308'. ik-nu-szu2 a-na _{gesz}szudun_-ia
309'. _dumu-munus-mesz_ s,i-it lib3-bi-szu2-nu
310'. it-ti nu-dun-ne2-e ma-a'-di
311'. u3 ter-ha-ti ma-a'-as-si
312'. a-na e-pesz _{munus}agrig_-u2-ti
313'. a-na nina{ki} u2-bi-lu-nim-ma
314'. u2-na-asz2-szi-qu _giri3-min_-ia
315'. e-li {disz}mu-gal-li _ansze-kur-ra-mesz gal-mesz_
316'. ma-da-at-tu2 szat-ti-szam-ma u2-kin _edin_-usz-szu2
317'. ul-tu {disz}ia-ki-in-lu-u _lugal_ {kur}a-ru-ad-da
318'. il-li-ku a-na szim-ti {disz}a-zi-ba-al
319'. {disz}a-bi-ba-a'-al {disz}a-du-ni-ba-a'-al
320'. _dumu-mesz_ {disz}ia-ki-in-lu-u a-szib _muru2_ tam-tim
321'. ul-tu _muru2_ tam-tim e-lu-nim-ma
322'. it-ti ta-mar-ti-szu2-nu ka-bit-tu
323'. il-lik-u2-nim-ma u2-na-asz2-szi-qu _giri3-min_-ia
324'. {disz}a-zi-ba-a'-al ha-disz ap-pa-lis-ma
325'. a-na _lugal_-u2-ti {kur}a-ru-ad-da asz2-kun
326'. {disz}a-bi-ba-a'-al {disz}a-du-ni-ba-a'-al
327'. [...] x x x x x?
  n lines broken
328'. {lu2}gi-mir-a-a _{lu2}kur2_ ek-s,u
329'. sza la ip-tal-la-hu _ad-mesz_-ia
330'. u3 ia-a-ti la is,-ba-tu2 _giri3-min lugal_-ti-ia
331'. ina tukul-ti an-szar2 {d}1(u)-5(disz) _en-mesz_-ia
332'. ina {gesz}s,i-is,-s,i szat qa-ti {gesz}szi-ga-ri
333'. u2-tam-me-eh-ma it-ti ta-mar-ti-szu2 ka-bit-ti
334'. u2-sze-bi-la a-di mah-ri-ia
335'. ina 4(disz) ger-ri-ia a-na {iri}qir-bit2
336'. sza2 qe2-reb {iri}ha-re-e-ha-as-ta lu al-lik
337'. sza {disz}ta-an-da _{lu2}en-iri_-szu2-nu
338'. a-na _lugal-mesz ad-mesz_-ia la ik-nu-szu2 a-na _{gesz}szudun_
339'. u3 _ug3-mesz_ a-szi-bu-ti {iri}qir-bit2
340'. ka-a-a-an ih-ta-nab-ba-tu
341'. hu-bu-ut {kur}ia-mut-ba-li
342'. _iri_ szu-a-tu ina tukul-ti an-szar2 {d}sin {d}utu
343'. {d}en {d}ag {d}1(u)-5(disz) sza nina{ki} {d}1(u)-5(disz) sza {iri}limmu2-dingir
344'. ak-szu-ud asz2-lu-la szal-lat-su
345'. {disz}ta-an-da _{lu2}en-iri_-szu2-nu
346'. it-ti szal-lat _iri_-szu2 al-qa-a a-na _kur_ asz-szur{ki}
  n lines broken
347'. {disz}ah?-sze?-e-ri a-lak ger-ri-ia isz-me-ma
348'. u2-ma-'e-e-ra um-man-szu2
349'. ina szat mu-szi ina szi-pir ni-kil-ti
350'. a-na e-pesz _me3_ it-bu-u-ni
351'. a-na mit-hu-us,-s,i _erin2-hi-a_-ia
352'. _erin2-mesz me3_-ia it-ti-szu2-un im-da-ha-s,u
353'. isz-ku-nu _bad5-bad5_-szu2-un
354'. ma-lak 3(disz) _danna a-sza3_ szal-ma-a-te-szu2-nu
355'. u2-mal-li _edin_ rap-szu2
356'. ina qi2-bit an-szar2 {d}sin {d}utu _dingir-mesz gal-mesz_
357'. _en-mesz_-ia sza2 u2-tak-ki-lu-in-ni
358'. qe2-reb {kur}man-na-a-a e-ru-ub-ma at-ta-lak szal-t,isz
359'. ina me-ti-iq ger-ri-ia
360'. {iri}a-a-u2-si-asz2 {iri}hal-s,u {iri}asz2-sza2-asz2 dan-na-su
361'. {iri}bu-su_-ud_ {iri}asz2-di-asz2 {iri}ur-ki-ia-mu-un
362'. {iri}up-pi-isz {iri}si-hu-u-a {iri}na-zi-ni-ri
363'. 8(disz) _iri-mesz_ dan-nu-ti u3 a-di s,e-eh-ru-ti
364'. sza ni-ba la? i-szu-u
365'. a-di qe2-reb {iri}i-zir-te ak-szu-ud
366'. ap-pul aq-qur ina {d}gesz-bar aq-mu
367'. _ug3-mesz ansze-kur-ra-mesz ansze-mesz gu4-mesz u8-udu-hi-a_
368'. ul-tu qe2-reb _iri-mesz_ sza2-a-tu-nu
369'. u2-sze-s,a-am-ma szal-la-tisz am-nu
370'. {disz}ah-sze-e-ri a-lak ger-ri-ia isz-me-ma
371'. u2-masz-szir {iri}i-zir-tu2 _iri lugal_-ti-szu2
372'. a-na {iri}at-ra-a-na _iri_ tukul-ti-szu2
373'. in-na-bit e-hu-uz mar-qi2-tu
374'. {iri}i-zir-tu {iri}ur-me-ia-te {iri}uz-bi-a
375'. _iri-mesz_ dan-nu-ti-szu2 al-me
376'. _ug3-mesz_ a-szi-bu-ti _iri-mesz_ sza2-a-tu-nu
377'. e-si-ir-ma nap-szat-su-nu u2-si-iq u2-kar-ri
378'. na-gu-u szu-a-tu ak-szu-ud
379'. ap-pul aq-qur ina {d}gesz-bar aq-mu
380'. ma-lak 1(u) u4-me 5(disz) u4-me u2-szah-ri-ib-ma
381'. sza2-qu-um-ma-tu2 at-bu-uk
382'. ina me-ti-iq ger-ri-ia
383'. _iri-mesz_ sza2 li-me-et {iri}pad-di-ri
384'. sza ina ter-s,i _lugal-mesz ad-mesz_-ia {kur}man-na-a-a e-ki-mu
385'. a-na ra-ma-ni-szu2-nu u2-ter-ru
386'. ak-szu-ud ina {d}gesz-bar aq-mu asz2-lu-la szal-la-sun2
387'. _iri-mesz_ sza2-a-tu-nu a-na mi-s,ir _kur_ asz-szur{ki} u2-ter-ra
388'. na-gu-u sza {iri}ar-si-ia-ni-isz
389'. sza bi-rit {iri}a-za-qa-na-ni
390'. sza {kur}ha-ar-si sza2-di-i
391'. sza _sag_ {kur}ku-mu-ur-da-a-a
392'. sza qe2-reb {kur}man-na-a-a
393'. as-pu-un ina {d}gesz-bar aq-mu
394'. {disz}ra-a-a-di-sza2-di-i _{lu2}gal hal-s,u_-szu2-nu
395'. a-duk asz2-lu-la szal-lat-su
396'. na-gu-u sza {iri}e-ri-is-te-ia-na
397'. ak-szu-ud _iri-mesz_-szu2 as-pu-un
398'. ina {d}gesz-bar aq-mu asz2-lu-la szal-lat-su
399'. ina ti-ib _me3_-ia na-gu-szu2 u2-szah-rib
400'. u2-s,a-ah-hi-ir nap-har _kur_-szu2
401'. it-ti hu-ub-ti ma-a'-di
402'. szal-la-ti ka-bit-ti szal-mesz a-tu-ra
403'. ak-bu-sa mi-s,ir _kur_ asz-szur{ki}
404'. {iri}bi-ru-a {iri}lugal-iq-bi
405'. {iri}gu-si-ne2-e _iri-mesz_ mah-ru-u-te
406'. sza mi-s,ir _kur_ asz-szur{ki}
407'. sza ina ter-s,i _lugal-mesz ad-mesz_-ia
408'. e-ki-mu {kur}man-na-a-a
409'. da-ad2-me sza2-a-tu-nu ak-szu-ud
410'. {kur}man-na-a-a ul-tu lib3-bi as-suh
411'. _ansze-kur-ra-mesz_ {gesz}til-li u2-nu-ut _me3_-szu2-nu
412'. asz2-lu-la a-na _kur_ asz-szur{ki}
413'. _iri-mesz_ sza2-a-tu-nu a-na esz-szu-ti as,-bat
414'. u2-ter-ra a-na mi-s,ir _kur_ asz-szur{ki}
415'. {disz}ah-sze-e-ri la pa-lih _en_-ti-ia
416'. an-szar2 {d}1(u)-5(disz) im-nu-szu2 i-na _szu-min ARAD-mesz_-szu2
417'. _ug3-mesz kur_-szu2 si-hu _ugu_-szu2 u2-szab-szu2-u
418'. ina _sila iri_-szu2 id-du-u _adda_-szu
419'. _egir_-nu {disz}u2-a-al-li-i _dumu_-szu2
420'. u2-szib i-na _{gesz}gu-za_-szu2
421'. da-na-an an-szar2 {d}sin {d}utu {d}en u {d}ag
422'. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}nusku {d}u-gur
423'. _dingir-mesz gal-mesz en-mesz_-ia e-mur-ma
424'. ik-nu-sza2 a-na _{gesz}szudun_-ia
425'. asz2-szu2 ba-lat, _zi_-ti3-szu2 up-na-a-szu2 ip-ta-a
426'. u2-s,al-la-a _en_-u2-ti
427'. {disz}e-ri-si-in-ni _dumu usz_-ti-szu2
428'. a-na nina{ki} isz-pur-am-ma
429'. u2-na-asz2-szi-qa _giri3-min_-ia
430'. re-e-mu ar-szi-szu2 _{lu2}a kin_-ia sza2 szul-me u2-ma-'e-er _edin_-usz-szu2
431'. _dumu-munus_ s,i-it lib3-bi-szu2 u2-sze-bi-la a-na e-pesz _{munus}agrig_-u-ti
432'. ma-da-at-ta-szu2 mah-ri-tu2 sza ina tar-s,i _lugal-mesz ad-mesz_-ia
433'. u2-szab-t,i-lu isz-szu-u-ni a-di mah-ri-ia
434'. 3(u) _ansze-kur-ra-mesz ugu_ ma-da-at-ti-szu2
435'. mah-ri-ti u2-rad-di-ma e-mi3-is-su
436'. ina u4-me-szu2 {disz}bi-ri-is-ha-at-ri _{lu2}en-iri_ sza mad-a-a
437'. {disz}sar-a-ti {disz}pa-ri-hi 2(disz) _dumu-mesz_ {disz}ga-a-gi _{lu2}en-iri_ {kur}sa-hi
438'. sza? is,-lu-u _{gesz}szudun_ be-lu-ti-ia
439'. 1(gesz2) 1(u) 5(disz) _iri-mesz_-szu2-nu dan-nu-ti ak-szu-ud
440'. asz2-lu-la szal-lat-sun2
441'. sza2-a-szu2-nu bal-t,u-us-su-nu ina _szu-min_ as,-bat
442'. u2-bi-la a-na nina{ki} _iri_ be-lu-ti-ia
443'. {disz}an-da-ri-a {lu2}tur-ta-an? {kur}ur-ar-t,i
444'. sza a-na ka-sza2-ad {kur}up-pu-um-me
445'. u3 {iri}kul-li-im-me?-ri
446'. ir-da-a il-li-ka qe2-reb mu-szi-ti
447'. _ug3-mesz_ a-szi-bu-ti {iri}kul-li-im-me-ri
448'. _ARAD-mesz_ da-gil2 pa-ni-ia
449'. ina szat mu-szi di-ik-ta-szu2
450'. ma-a'-as-su i-du-ku
451'. la e-zi-bu a-a-um-ma
452'. _sag-du_ {disz}an-da-ri-a ik-ki-su-nim-ma
453'. a-na nina{ki} ina mah-ri-ia u2-bil-u-ni
454'. ina 6(disz)-szi? ger-ri-ia _ugu_ {disz}ur-ta-ki _man_ {kur}elam-ma{ki} lu-u al-lik
455'. sza _mun ad du3_-ia la ha-as-su la is,-s,u-ru ib-ru-ti
456'. ul-tu ina {kur}elam-ma{ki} su-un-qu isz-ku-nu
457'. ib-ba-szu2-u2 ne2-eb-re-tu
458'. {d}nisaba ba-lat, _zi_-tim _ug3-mesz_
459'. u2-sze-bil-szu-ma as,-bat _szu-min_-su
460'. _ug3-mesz_-szu2 sza la-pa-an su-un-qi2
461'. in-nab-tu-nim-ma u2-szi-bu qe2-reb _kur_ asz-szur{ki}
462'. a-di zu-un-nu ina _kur_-szu2 iz-nu-nu
463'. ib-ba-szu-u2 e-bu-ru
464'. _ug3-mesz_ sza2-a-tu-nu sza ina _kur_-ia ib-lu-t,u u2-sze-bil-szu2-ma
465'. {lu2}e-la-mu-u2 sza2 ti-bu-us-su
466'. it-ti lib3-bi-ia la da-ab-ba-ku
467'. la ha-as-sa-ku s,e-let-su
468'. {disz}en-ba-sza2 {kur}gam-bu-la-a-a
469'. {disz}{d}ag-mu-kam-esz _{lu2}gu2-en-na_
470'. _ARAD-mesz_ da-gil2 pa-ni-ia
471'. {disz}{d}marduk-mu-du3 {lu2}szu-ut _sag_ sza2 {disz}ur-ta-ki
472'. sza it-ti-szu2-nu isz-ku-nu pi-i-szu2
473'. a-na mit-hu-s,i _kur eme-gi7_ u uri{ki}
474'. ina pi-ir-s,a-a-ti id-ku-u-ni
475'. {disz}ur-ta-ku _lugal_ {kur}elam-ma{ki}
476'. {disz}ur-ta-ku sza2 la ag-ru-szu2
477'. qa-bal-szu2 id-ka-a
478'. a-na {kur}kar2-{d}dun-ia2-asz3 ur-ri-ha ta-ha-zu
479'. asz2-szu2 ti-bu-ut {lu2}e-la-me-e
480'. _{lu2}a kin_ a-na nina{ki} il-lik-am-ma
481'. iq-ba-a ia-a-ti
482'. a-ma-ti sza2-a-ti-na
483'. sza ti-bu-ut {disz}ur-ta-ki
484'. ul asz2-du-ud ina lib3-bi-ia
485'. szu-ut _{lu2}edin-mesz_-szu2 sza2 su-lum-me-e
486'. isz-ta-nap-pa-ra ina mah-ri-ia
487'. a-na a-mar _lugal_ {kur}elam-ma{ki}
488'. _{lu2}a kin_-ia u2-ma-'e-er ha-an-t,isz
489'. il-lik i-tu-ram-ma
490'. a-ma-a-ti ka-a-a-ma-na-a-ti
491'. u2-sza2-an-na-a ia-a-ti
492'. um-ma {lu2}e-la-mu-u2
493'. _gin7_ ti-bu-ut _buru5-hi-a_
494'. ka-tim _kur_ uri{ki} ka-li-sza2
495'. s,e-er babila2{ki} usz-man-nu sza2-kin-ma na-di ma?-dak-tu2
496'. a-na na-ra-ru-ti {d}en u {d}ag _en-mesz_-ia
497'. sza ap-tal-la-hu _dingir_-us-su-un
498'. _erin2-mesz me3_-ia ad-ke-e-ma as,-ba-ta har-ra-nu
499'. a-lak ger-ri-ia isz-me-ma
500'. hat-tu is-hup-szu-ma i-tur a-na _kur_-szu2
501'. _egir_-szu2 as,-bat a-bi-ik-ta-szu2 asz2-kun
502'. at,-ru-us-su a-di mi-s,ir _kur_-szu2
503'. {disz}ur-ta-ku _lugal_ {kur}elam-ma{ki}
504'. sza la is,-s,u-ru ib-ru-ti
505'. ina u4-me la szim-ti-szu2 mu-u2-tu2 u2-gar-ru-u
506'. ina ta-ne2-hi iq-tu-u2 i-zu-bu
507'. ina qaq-qar ba-la-t,i _giri3-min_-szu2 ul isz-kun
508'. ina _mu-an-na_-szu2 na-pisz-ta-szu2 iq-ti il-lik nam-mu-szi-szu2
509'. {disz}en-ba-sza2 {kur}gam-bu-la-a-a
510'. sza is,-lu-u _{gesz}szudun en_-ti-ia
511'. ina ni-szik _pesz2_ isz-ta-kan na-pisz-tu2
512'. {disz}{d}ag-mu-kam-esz _{lu2}gu2-en-na_ la na-s,ir a-de-e
513'. isz-szi a-ga-nu-til-la-a _a-mesz_ ma-lu-u-ti
514'. {disz}{d}marduk-mu-du3 {lu2}szu-ut _sag_-szu2 mu-szad-bi-ib-szu2
515'. sza _hul_-tu2 u2-szak-pi-du a-na {disz}ur-ta-ki
516'. e-mi3-is-su {d}marduk _lugal dingir-mesz_
517'. sze-er-ta-szu2 _gal_-tu2
518'. ina 1(disz)-et _mu-an-na_ me2-eh-ret a-ha-mesz
519'. isz-ku-nu na-pisz-tu2
520'. lib3-bi an-szar2 ag-gu ul i-nu-uh-szu2-nu-ti
521'. ul ip-szah-szu2-nu-ti ka-bat-ti {d}1(u)-5(disz) sza2 u2-tak-kil-an-ni
522'. _bala_-e _lugal_-ti-szu2 isz-ki-pu
523'. be-lut {kur}elam-ma{ki} u2-szal-qu-u sza2-nam-ma
524'. _egir_ {disz}te-um-man tam-szil _gal5-la2_
525'. u2-szib ina _{gesz}gu-za_ {disz}ur-ta-ki
526'. a-na da-a-ki _dumu-mesz_ {disz}ur-ta-ki
527'. u3 _dumu-mesz_ {disz}um-man-al-da-a-sze
528'. _szesz_ {disz}ur-ta-ki isz-te-ne2-'a-a _munus-hul_
529'. {disz}um-man-i-gasz {disz}um-man-ap-pa {disz}tam-ma-ri-tu2
530'. _dumu-mesz_ {disz}ur-ta-ki _lugal_ {kur}elam-ma{ki}
531'. {disz}ku-dur2-ru {disz}pa-ru-u2
532'. _dumu-mesz_ {disz}um-man-al-da-a-sze
533'. _lugal_ a-lik pa-ni {disz}ur-ta-ki
534'. u3 1(gesz2) _numun lugal_ ina la mi3-ni _{lu2}erin2-mesz {gesz}pan_
535'. _dumu-mesz_ ba-ne2-e sza {kur}elam-ma{ki}
536'. sza2 la-pa-an da-a-ki {disz}te-um-man
537'. in-nab-tu-nim-ma is,-ba-tu _giri3-min lugal_-ti-ia
  n lines broken
538'. _ug3-mesz_ sza2-a-tu-nu sza2 in-nab-tu-nim-ma
539'. x x [...]
  n lines broken
540'. _dingir_-us-sa u2-sap-pa-a il-la-ka di-ma-a-a
541'. um-ma {d}be-let {iri}limmu2-dingir{ki}
542'. a-na-ku {disz}an-szar2-du3-a _man kur_ asz-szur{ki}
543'. bi-nu-ut _szu-min_-ki sza2 ih-szu-hu-szu2 an-szar2 _ad_ ba-nu-ki
544'. a-na ud-du-usz esz-re-e-ti
545'. szul-lum par-s,e-szu2-un na-s,ar pi-risz-te-szu2-un
546'. szu-t,u-ub lib3-bi-szu2-un im-bu-u zi-kir-szu2
547'. a-na-ku asz2-re-e-ki asz2-te-ne2-'i-i
548'. al-li-ka a-na pa-lah _dingir_-ti-ki
549'. u3 szul-lum par-s,e-ki
550'. u3 szu-u2 {disz}te-um-man
551'. _lugal_ {kur}elam-ma{ki} la mu-sza2-qir _dingir-mesz_
552'. ku-us,-s,ur ka-li a-na mit-hu-s,i _erin2-hi-a_-ia
553'. um-ma at-ti {d}be-let be-le-e-ti
554'. i-lat _muru2_ be-let _me3_ ma-li-kat3 _dingir-mesz ad-mesz_-sza2
555'. sza ina ma-har an-szar2 _ad_ ba-ni-ki
556'. _munus saga_ taq-bi-i ina ni-isz _igi-min_-szu2 _ku3-mesz_
557'. ih-szu-ha-an-ni a-na _lugal_-u-ti
558'. asz2-szu2 {disz}te-um-man _lugal_ {kur}elam-ma{ki}
559'. sza a-na an-szar2 _lugal dingir-mesz ad_ ba-ni-ki ih-tu-u bil-tu2
560'. id-ka-a _erin2-hi-a_-szu2 ik-s,u-ra ta-ha-zu
561'. u2-sza2-'a-a-la _{gesz}tukul-mesz_-szu2 a-na a-lak _kur_ asz-szur{ki}
562'. um-ma at-ti qa-rit-ti _dingir-mesz_
563'. _gin7 gun_ ina _muru2_ tam-ha-ri pu-ut,-t,i-ri-szu2-ma
564'. di-kisz-szu2 me-hu-u _im_ lem-nu
565'. in-he-ia szu-nu-hu-u-ti {d}isz-tar isz-me-e-ma
566'. la ta-pal-lah3 iq-ba-a u2-szar-hi-s,a-an-ni lib3-bu
567'. a-na ni-isz _szu-min_-ka sza tasz-sza2-a
568'. _igi-min_-ka im-la-a di-im-tu ar-ta-szi re-e-mu
569'. ina szat mu-szi szu-a-tu sza2 am-hu-ru-szi
570'. 1(disz)-en szab-ru-u u2-tu-ul-ma i-na-at,-t,al _masz2-ge6_
571'. i-gi-il-ti-ma tab-rit mu-szi
572'. sza {d}1(u)-5(disz) u2-szab-ru-u-szu2 u2-sza2-an-na-a ia-a-ti
573'. um-ma {d}1(u)-5(disz) a-szi-bat {iri}limmu2-dingir e-ru-ba-am-ma
574'. 1(u) 5(disz) u 2(gesz2) 3(u) tul-la-a-ta isz-pa-a-ti
575'. tam-ha-at _{gesz}pan_ ina i-di-sza2
576'. szal-pat nam-s,a-ru zaq-tu2 sza2 e-pesz _me3_
577'. [...] x x
  n lines broken
578'. nin-gu-tu2 szu-kun nu-'i-id _dingir_-u-ti
579'. a-di al-la-ku szip-ru szu2-a-tu2 ep-pe-szu2
580'. u2-szak-sza2-du s,u-um-me-rat lib3-bi-ka
581'. pa-nu-ka ul ur-raq ul i-nar3-ru-t,a _giri3-min_-ka
582'. ul ta-szam-mat, zu-ut-ka _muru2_ tam-ha-ri
583'. ina ki-rim-mi3-sza2 _du10-ga_ tah-s,i-in-ka-ma
584'. tah-ti-na gi-mir la-a-ni-ka
585'. pa-nu-usz-sza2 {d}gesz-bar in-na-pi-ih
586'. ez-zi-isz nam-ri-ri-isz _e3_-ma
587'. a-na ka-sza2-ad _{lu2}kur2_-sza2 _du_-ik
588'. e-li {disz}te-um-man _lugal_ {kur}elam-ma{ki}
589'. sza ug-gu-ga-at pa-nu-usz-sza2 tasz-kun
590'. ina _{iti}kin_ szi-pir _{d}inanna-mesz_ i-sin-ni an-szar2 s,i-i-ri
591'. _iti_ {d}sin na-an-nar3 _an_-e u _ki_-tim
592'. at-kil a-na _esz-bar {d}nanna_-ri nam-ri
593'. u3 szi-pir {d}1(u)-5(disz) _gaszan_-ia sza la in-nen-nu-u
594'. ad-ke _erin2-mesz me3_-ia mun-dah-s,e
595'. sza ina qi2-bit an-szar2 {d}sin u {d}1(u)-5(disz)
596'. it-ta-na-asz2-ra-bi-t,u _muru2_ tam-ha-ri
597'. e-li {disz}te-um-man _man_ {kur}elam-ma{ki}
598'. ur-hu as,-bat-ma usz-te-sze-ra har-ra-nu
599'. el-la-mu-u-a {disz}te-um-man _man_ {kur}elam-ma{ki}
600'. ina {iri}e2-{disz}im-bi-i na-di? ma?-dak-tu?
601'. e-reb _lugal_-ti-ia sza2 qe2-reb |BAD3.AN|{ki}
602'. isz-me-e-ma is,-bat-su hat-tu
603'. {disz}te-um-man ip-lah3-ma a-na _egir_-szu2 i-tur
604'. e-ru-ub qe2-reb {iri}szu-sza2-an
605'. _ku3-babbar ku3-sig17_ a-na szu-zu-ub _zi_-ti3-szu2
606'. u2-za-'i-iz a-na _ug3-mesz kur_-szu2
607'. re-s,e-e-szu2 a-lik i-di-i-szu2 pa-nu-usz-szu2 u2-te-ram-ma
608'. ug-dap2-pi-sza2 a-na mah-ri-ia
609'. {i7}u2-la-a-a a-na dan-nu-ti-szu2 isz-kun
610'. is,-bat pa-an masz-qe2-e
611'. ina qi2-bit an-szar2 {d}marduk _dingir-mesz gal-mesz en-mesz_-ia
612'. sza2 u2-tak-ki-lu-in-ni
613'. ina _geszkim-mesz saga-mesz masz2-ge6 inim-gar_ szi-pir mah-he-e
614'. qe2-reb _du6-{iri}tu_-ba _bad5-bad5_-szu2-nu asz2-kun
615'. ina _adda-mesz_-szu2-nu {i7}u2-la-a-a as-ki-ir
616'. szal-ma-a-te-szu2-nu _gin7 {gesz}dih3_ u _{gesz}kiszi16_
  n lines broken
617'. ina _{gesz}gu-za_-szu2 u2-sze-szib
618'. {disz}tam-ma-ri-tu _szesz_-szu2 szal-sza2-a-a
619'. ina {iri}hi-da-lu a-na _lugal_-u2-ti asz2-kun
620'. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
621'. s,i-mit-ti ni-i-ri {gesz}til-li si-mat _me3_
622'. sza ina tu-kul-ti an-szar2 {d}1(u)-5(disz) _dingir-mesz gal-mesz_
623'. bi-rit {iri}szu-sza2-an u {i7}u2-la-a-a ik-szu-da _szu-min_-a-a
624'. ina qi2-bit an-szar2 u {d}marduk? _dingir-mesz gal-mesz en-mesz_-ia
625'. ul-tu qe2-reb {kur}elam-ma{ki} ha-disz u2-s,a-am-ma
626'. a-na gi-mir _erin2-hi-a_-ia sza2-lim-tu szak-na-at
627'. ina 8(disz)-e ger-ri-ia
628'. _ugu_ {disz}du-na-ni _dumu {disz}en-ba_-sza2
629'. a-na {kur}gam-bu-li lu-u al-lik
630'. sza a-na _lugal_ {kur}elam-ma{ki} it-tak-lu
631'. la ik-nu-szu2 ana _{gesz}szudun_-ia
632'. ta-ha-zi dan-nu
633'. {kur}gam-bu-lu a-na si-hir-ti-szu2
634'. _gin7_ im-ba-ri ak-tum3
635'. {iri}sza2-pi-i-{d}en _iri_ dan-nu-ti-szu2
636'. sza qe2-reb _id2-mesz_ na-da-at szu-bat-su ak-szu-ud
637'. {disz}du-na-nu _szesz-mesz_-szu2 ul-tu qe2-reb _iri_ szu2-a-tu2
638'. bal-t,u-us-su-un u2-sze-s,a-a
639'. _dam_-su _dumu-mesz_-szu2 _dumu-munus-mesz_-szu2 {munus}sek-re-ti-szu2
640'. _{lu2}nar-mesz {munus}nar-mesz_ u2-sze-s,a-am-ma szal-la-tisz am-nu
641'. _ku3-babbar ku3-sig17 nig2-szu_ na-kam2-ti _e2-gal_-szu2
642'. u2-sze-s,a-am-ma szal-la-tisz am-nu
643'. {lu2}szu-ut _sag-mesz_ {lu2}man-za-az pa-ni-szu2 {lu2}kit-ki-tu-u2
644'. mu-sza2-ki-le-szu2 u2-sze-s,a-am-ma szal-la-tisz am-nu
645'. gi-mir um-ma-ni ma-la ba-szu2-u
646'. mar-kas _iri_ u _edin_ u2-sze-s,a-am-ma szal-la-tisz am-nu
647'. _gu4-mesz_ s,e-e-ni _ansze-kur-ra-mesz ansze-kunga-mesz_
648'. sza2 ni-ba la i-szu2-u u2-sze-s,a-am-ma szal-la-tisz am-nu
649'. _ug3-mesz kur_-szu2 zi-kar u sin-nisz _tur_ u _gal_
650'. e-du ul e-zib u2-sze-s,a-am-ma szal-la-tisz am-nu
651'. {disz}mas-si-ra-a _{lu2}gal {gesz}pan_ sza2 {disz}te-um-man
652'. _man_ {kur}elam-ma{ki} sza2 a-na kit-ri {kur}gam-bu-li
653'. ma-s,ar-tu {disz}du-na-nu asz2-bu qe2-reb {iri}sza2-pi-i-{d}en
654'. bal-t,u-us-su ina qa-ti as,-bat
655'. _sag-du_-su ak-kis2 it-ti pa-ni {disz}du-na-nu
656'. kit-ri la mu-sze-zib-i-szu2 ar-pi-iq?
657'. _iri_ szu-a-tu ap-pul aq-qur
658'. ina _a-mesz_ usz-har-mit, a-di la ba-sze-e u2-sza2-lik
659'. na-gu-u szu-a-tu u2-szah-rib
660'. ri-gim a-me-lu-ti ap-ru-sa _edin_-usz-szu2
661'. ina tu-kul-ti _dingir-mesz gal-mesz {lu2}kur2-mesz_-ia a-ni-ir
662'. szal-mesz a-tu-ra a-na nina{ki}
663'. _sag-du_ {disz}te-um-man _man_ {kur}elam-ma{ki}
664'. ina _gu2_ {disz}du-na-nu a-lul
665'. _sag-du_ {disz}{d}isz-tar-na-an-di ina _gu2_ {disz}sa-am-gu-nu
666'. _szesz_ {disz}du-na-nu tar-den-nu a-lul
667'. it-ti ki-szit-ti {kur}elam-ma{ki} szal-la-at {kur}gam-bu-li
668'. sza ina qi2-bit an-szar2 ik-szu-da _szu-min_-a-a
669'. it-ti _{lu2}nar-mesz_ e-pisz nin-gu-ti
  n lines broken
670'. {disz}{d}ag-saga-iq ina _gir2 an-bar_ szib-bi-szu2 is-hu-la kar-as-su
671'. ni-kis _sag-du_ {disz}te-um-man
672'. ina _gaba abul muru2 iri_ sza {iri}nina
673'. u2-mah-hi-ra mah-hu-risz
674'. asz2-szu2 da-na-an an-szar2 u {d}1(u)-5(disz) _en-mesz_-ia _ug3-mesz_ kul-lu-me
675'. ni-kis _sag-du_ {disz}te-um-man _man_ {kur}elam-ma{ki}
676'. {disz}ibila-a-a _dumu_ {disz}{d}ag-sa-lim
677'. _dumu dumu_ {disz}{d}marduk-a-asz
678'. sza la-pa-an _ad ad_ ba-ni-ia
679'. _ad_-szu2 in-nab-tu a-na {kur}elam-ma{ki}
680'. ul-tu {disz}um-man-i-gasz qe2-reb {kur}elam-ma{ki} asz2-ku-nu a-na _lugal_-u-ti
681'. {disz}ibila-ia _dumu_ {disz}{d}ag-sa-lim
682'. is,-bat u2-sze-bi-la a-di _igi_-ia
683'. {disz}du-na-nu {disz}sa-am-gu-nu
684'. _dumu-mesz {disz}{d}en-ba_-sza2 {kur}gam-bu-la-a-a
685'. sza _ad-mesz_-szu2-un a-na _lugal-mesz ad-mesz_-ia u2-dal-li-pu-ma
686'. u3 szu-nu u2-nar3-ri-t,u e-pesz _lugal_-ti-ia
687'. qe2-reb bal-til{ki} u3 {iri}limmu2-dingir
688'. a-na da-lal2 ah-ra-a-ti u2-bil-szu2-nu-ti
689'. {disz}ur-sa-a _lugal_ {kur}ur-ar-t,i
690'. da-na-an an-szar2 u {d}1(u)-5(disz) _en-mesz_-ia isz-me-e-ma
691'. pu-luh-ti _lugal_-ti-ia is-hup-szu2-ma
692'. _{lu2}mah-mesz_-szu2 a-na sza2-'a-al szul-mi3-ia isz-pu-ra a-na qe2-reb {iri}limmu2-dingir{ki}
693'. _ansze-kur-ra-mesz ansze-kunga-mesz_ [...]
694'. qar-na-a-te _{gesz}gidri-mesz_ [...]
695'. {gesz}pu-ur-t,i-i ta-mar-ta-szu2 [...]
696'. {disz}{d}ag-saga-iq {disz}um-ba-da-ra-a _{lu2}mah-mesz_ sza {kur}elam-ma{ki}
697'. it-ti _{gesz}zu-mesz_ szi-pir me-re-eh-ti ul-ziz ina mah-ri-szu2-un
698'. sza {disz}man-nu-ki-pap-mesz {lu2}2(disz)-u sza2 {disz}du-na-ni
699'. u3 {disz}{d}ag-u2-s,al-li {lu2}sza2 _ugu iri_ {kur}gam-bu-li
700'. sza _ugu dingir-mesz_-ia iq-bu-u szil-la-tu2 _gal_-tu2
701'. qe2-reb {iri}limmu2-dingir _eme_-szu2-un asz2-lu-up
702'. asz2-hu-t,a _kusz_-szu2-un {disz}du-na-nu qe2-reb {iri}ni-na-a
703'. _ugu_ {gesz}ma-ka-a-s,i id-du-szu2-ma
704'. it,-bu-hu-usz as-lisz
705'. si-it-ti _szesz-mesz_-szu2 sza2 {disz}du-na-ni
706'. u3 {disz}ibila-ia a-ni-ir _uzu-mesz_-szu2-nu u2-nak-kis
707'. u2-sze-bil a-na ta-mar-ti ma-ti-tan
708'. {disz}{d}ag?-i {disz}{d}en-kar-ir
709'. _dumu-mesz {disz}{d}ag-mu-kam_-esz _{lu2}gu2-en-na_
710'. sza _ad_ ba-nu-szu2-un {disz}ur-ta-ki id-ka-a
711'. a-na mit-hu-s,i _kur_ uri{ki}
712'. _giri3-pad-ra2-mesz {disz}{d}ag-mu-kam_-esz sza ul-tu qe2-reb {kur}gam-bu-li
713'. il-qu-u2-ni a-na _kur_ asz-szur{ki}
714'. _giri3-pad-ra2-mesz_ sza2-a-ti-na
715'. me2-eh-ret _abul muru2 iri_ nina{ki}
716'. u2-szah-szi-la _dumu-mesz_-szu2
717'. {disz}{d}gesz-nu11-mu-gi-na [...]
  n lines broken
718'. u2-kab-ba-su {kur}kal-du ina la i-de s,e-er
719'. {disz}un-da-si _dumu_ {disz}te-um-man _lugal_ {kur}elam-ma{ki}
720'. {disz}za-za-az _{lu2}en-iri_ {kur}pil-la-te
721'. {disz}par-ru-u _{lu2}en-iri_ {kur}hi-il-mu
722'. {disz}at-ta-me-tu _{lu2}gal {gesz}pan_
723'. {disz}ne2-e-szu a-lik pa-ni _erin2-hi-a_ sza2 {kur}elam-ma{ki}
724'. a-na re-s,u-ut? {disz}{d}gesz-nu11-mu-gi-na?
725'. a-na mit-hu-s,i _erin2-hi-a kur_ asz-szur{ki?}
726'. {disz}um-man-i-gasz u2-ma-'e-er-szu2-nu-ti
727'. isz-kun-szu2-nu-ti t,e3-e-mu
728'. {disz}um-man-i-gasz ki-a-am iq-bi
729'. um-ma a-lik ul-tu _kur_ asz-szur{ki}
730'. ter-ra tuk-te-e _ad_ ba-ni-ka
731'. {disz}un-da-su {disz}za-za-az {disz}pa-ru-u
732'. {disz}at-ta-me-tu {disz}ne2-e-szu2
733'. it-ti _{lu2}a kin-mesz_ sza2 {disz}{d}gesz-nu11-mu-gi-na
734'. _szesz_ nak-ri ur-hu is,-ba-tu-nim-ma
735'. usz-te-esz-szer-u-ni har-ra-nu
736'. _erin2-mesz me3_-ia sza2 ina {kur}man-gi-si sza2 qe2-reb {iri}su-man-dir
737'. x x x x? x [...]
  n lines broken
738'. _dingir-mesz_ tik-le-ia
739'. di-in kit-ti it-ti {disz}um-man-i-gasz i-di-nu-in-ni
740'. {disz}tam-ma-ri-tu _edin_-usz-szu2 ib-bal-kit-ma
741'. sza2-a-szu2 ga-du kim-ti-szu2 u2-ra-sib-szu2 ina _{gesz}tukul-mesz_
742'. {disz}tam-ma-ri-tu sza2 e-la {disz}um-man-i-gasz ek-s,u
743'. u2-szib ina _{gesz}gu-za_ {kur}elam-ma{ki}
744'. ki-ma sza2-a-szu2-ma ul-tu _szu-min {disz}{d}gesz-nu11-mu-gi-na_
745'. t,a-a'-tu2 im-hur ul isz-al szu-lum _lugal_-ti-ia
746'. a-na kit-ri {disz}{d}gesz-nu11-mu-gi-na
747'. _szesz_ la ke-e-nu il-lik-am-ma
748'. a-na mit-hu-s,i _erin2-hi-a_-ia
749'. ina su-up-pe-e sza an-szar2 u {d}1(u)-5(disz) u2-sap-pu-u
750'. un-ni-ni-ia il-qu-u2 isz-mu-u2 zi-kir _nundum_-ia
751'. _ARAD-mesz_-szu2 _edin_-usz-szu2 ib-bal-ki-tu-ma
752'. a-ha-mesz u2-ra-si-bu _en munus-hul_-ia
753'. {disz}in-da-bi-bi _ARAD_-su sza si-hu
754'. _ugu_-szu u2-szab-szu-u2 u2-szib ina _{gesz}gu-za_-szu2
755'. {disz}tam-ma-ri-tu _man_ {kur}elam-ma{ki}
756'. sza me-re-eh-tu iq-bu-u2
757'. _ugu_ ni-kis _sag-du_ {disz}te-um-man
758'. sza ik-ki-su a-hu-ru-u2 _erin2-hi-a_-ia
759'. u3 _szesz-mesz_-szu2 qin-nu-szu2 _numun e2 ad_-szu
760'. it-ti 1(gesz2) 2(u) 5(disz) _nun-mesz_ sza2 {kur}elam-ma{ki} a-li-kut i-di-i?-szu2
761'. sza la-pa-an _{gesz}tukul-mesz_ an-szar2 u {d}1(u)-5(disz) ip-par-szu-nim-ma
  n lines broken
762'. [...] x x [...]
763'. _{gesz}pan-mesz_ sza {disz}tam-ma-ri-tu _man_ {kur}elam-ma{ki} qe2-reb {kur}elam-ma{ki}
764'. usz-tar-ri-hu ina lib3-bi-szi-na a-na mit-hu-s,i _erin2-hi-a kur_ asz-szur{ki}
765'. e-nen-na qe2-reb _kur_ asz-szur{ki} _{gesz}pan-mesz_ sza2-ti-na
766'. uq-t,a-na-ar-ra-ba a-na [...]-ti-ia
767'. an-szar2 {d}sin {d}utu {d}en {d}ag {d}1(u)-5(disz) sza {iri}nina {d}szar-rat-kid-mu-ri {d}1(u)-5(disz) sza {iri}limmu2-dingir{ki}
768'. {d}masz {d}nusku {d}u-gur sza _{lu2}kur2-mesz_-[...] x
769'. u3 si-it-tu-ti im-x [...] x
770'. u2_-bi_-szu2 {disz}{d}gesz-nu11-mu-gi-na [...]
771'. u3 _ug3-mesz kur_ uri{ki} ma-la [...]
772'. sza ia-a-ti u2-masz-szi-ru-in-ni [...]
773'. it-ti {disz}um-man-i-gasz [...]
774'. {disz}in-da-bi-bi isz-ku-nu [...]
775'. e-gu-ug-ma an-szar2 [...]
776'. iq-ba-a sa-pa-ah [...]
777'. asz2-szu2 da-na-an an-szar2? [...]
778'. u3 pu-luh-ta-szu2 _kur_ [...]
779'. e-mid-su sze-ret-su [...]
780'. _ug3-mesz kur_ uri{ki} sza2 x [...]
781'. _ninda-mesz uzu-mesz_ u mim-ma [...]
782'. u2-sza2-qir [...]
  n lines broken
783'. ul i-ra-asz2-szi re-e-mu
784'. et,-lu hi-rat-su un-da-asz2-szir
785'. _ad_ e-te-zib _dumu_ na-ram lib3-bi-szu2
786'. szu-ut mi-tu-tu a-ha-mesz la na-t,a-li
787'. a-na _{lu2}kur2_ da-a-a-ki-szu2
788'. it-ta-din pi-i-szu2
789'. szib-t,u _nam-usz2-mesz gig_ szu-ru-up-pu-u
790'. u2-s,a-ah-hi-ir _ug3-mesz kur uri{ki} du3_-szu2-un
791'. bi-rit _iri_ u _edin_ ig-mur-szu2-nu-ti
792'. _gir2 an-bar_ ha-an-t,u
793'. _szagina sipa_-szu2-nu ina lib3-bi-szu2-nu iz-zi-iz-ma
794'. u2-szam-qit si-it-tu2
795'. _adda-mesz un-mesz sila_ su-lu-u pur-ru-ku
796'. pu-uh-hu-u2 _ka2-mesz_
797'. _ugu iri_ u _nun_ sza2-qu-um-ma-tu2 na-da-ta
798'. sza2-hur-ra-tu2 tab-kat3
799'. ga-nun-szu2-un szu-uh-ru-ub
800'. _a-gar3-mesz_-szu2-un ba-ku-u sa-ap-du
801'. _id2-mesz_-szu2-un sza2 u2-szah-bi-ba _a-mesz he2-nun_
802'. im-la-a sa-ki-ka
803'. {disz}{d}gesz-nu11-mu-gi-na _szesz_ nak-ri
804'. sza a-na _kur_ asz-szur{ki} ik-pu-du ne2-er-tu2
805'. u3 e-li an-szar2 _dingir_ ba-ni-ia iq-bu-u2 szil-la-tu2 _gal_-tu2
806'. mu-u-tu2 lem-nu i-szim?-szu?-ma ina mi-qit {d}gibil6 id-di-szu-ma
  n lines broken
807'. _{gesz}gigir_ {gesz}sza2 sza2-da-di ru-kub _en_-ti-szu2
808'. _ansze-kur-ra-mesz_ s,i-mit-ti ni-ri-i-szu2
809'. _ug3-mesz_ zi-kir u sin-nisz _tur_ u _gal_
810'. sza2 la-pa-an mit-hu-s,i _{gesz}tukul-mesz_
811'. di-'u szib-t,u _nam-usz2-mesz_
812'. u3 ne2-eb-re-tu2 i-sze-tu-u-ni
813'. ik-szu-da _szu-min_-a-a asz2-lu-la a-na _kur_ asz-szur{ki}
814'. _ug3-mesz en_ hi-it,-t,i an-nu kab-tu e-mid-su-nu-ti
815'. bu-un-na-an-ni-szu2-nu at-bal _kusz-mesz_-szu2-nu asz2-hu-ut,
816'. u2-nak-ki-sa _uzu-mesz_-szu2-un
817'. {disz}in-da-bi-bi sza2 _egir_ {disz}tam-ma-ri-tu
818'. u2-szi-bu ina _{gesz}gu-za_ {kur}elam-ma{ki}
819'. da-na-an _{gesz}tukul-mesz_-ia e-mur-ma
820'. sza2 ul-tu2 re-e-szi u2-szam-ri-ru _ugu_ {kur}elam-ma{ki}
821'. _dumu-mesz kur_ asz-szur{ki} sza2 asz2-pu-ra a-na kit-ri
822'. {disz}{d}muati-en-mu-mesz _dumu {disz}{d}marduk-a-szum2-na_
823'. sza _gin7_ ib-ri tap-pe-e na-s,ar _kur_-szu2 it-ta-na-al-la-ku it-ti-szu2
824'. sza2 {disz}{d}muati-en-mu-mesz ina pi-ir-s,a-a-ti
825'. ina szat mu-szi us,-s,ab-bi-tu ik-lu-u ina ki-li
826'. {disz}in-da-bi-bi _lugal_ {kur}elam-ma{ki}
827'. ul-tu2 _e2_ s,i-bit-ti u2-sze-s,a-asz2-szu2-nu-ti
828'. ki-i s,a-bat a-bu-ut-ti qa-be2-e _munus saga_-szu2
829'. la ha-t,e-e mi-s,ir _kur_-szu2
830'. ina _szu-min {lu2}a kin_-szu2 u2-sze-bi-la a-di _igi_-ia
831'. e-li {disz}{d}muati-en-mu-mesz _dumu {disz}{d}marduk-a-szum2-na_
832'. _ARAD_ da-gil2 pa-ni-ia
833'. sza2 in-nab-tu il-li-ku a-na {kur}elam-ma{ki}
834'. u3 si-it-ti _dumu-mesz kur_ asz-szur{ki}
835'. sza {disz}{d}muati-en-mu-mesz ina pi-ir-s,a-a-ti
836'. u2-s,ab-bi-tu u2-bi-lu it-ti-szu2
837'. ina _szu-min {lu2}a kin_-szu2 a-na {disz}in-da-bi-bi
838'. ki-a-am asz2-pur-szu-ma
839'. asz2-szu2 _ug3-mesz_ an-nu-te la tu-sze-bi-la
840'. um-ma al-la-kam-ma _iri-mesz_-ka a-na-qar
841'. _ug3-mesz_ {iri}szu-sza2-an {iri}ma-dak-tu {iri}hi-da-lu a-szal-lal
842'. ul-tu _{gesz}gu-za lugal_-ti-ka a-dak-ke-ka-ma
843'. sza2-nam-ma ina _{gesz}gu-za_-ka u2-sze-szab
844'. ep-szet ina _igi_ {disz}te-um-man u2-szap-ri-ku
845'. u2-szam-har-ka ka-a-ta
846'. a-di _{lu2}a kin_-szu2 ma-har-szu2 la i-kasz-sza2-du
847'. la u2-sza2-an-nu-szu2 szi-kin t,e3-e-me-ia
848'. ina tukul-ti an-szar2 {d}sin {d}utu {d}en {d}ag
849'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir {d}masz {d}nusku {d}u-gur
850'. sza2 it-tal-la-ku _a2-min_-a-a i-na-ar-ru ga-re-ia
851'. a-lak? _{lu2}a kin_-ia sza a-na {iri}de-ri asz2-pu-ru
852'. isz-mu-u qe2-reb {kur}elam-ma{ki} pu-luh-ti _lugal_-ti-ia
853'. sza2 u2-za-'i-nu-in-ni _dingir-mesz gal-mesz_
854'. {kur}elam-ma{ki} is-hu-up-ma
855'. _un-mesz_ {kur}elam-ma{ki} s,e-er {disz}in-da-bi-bi ib-bal-ki-tu
856'. i-na-ru-usz i-na _{gesz}tukul-mesz_
857'. {disz}um-man-al-da-si _dumu_ {disz}at-ta-me-tu
858'. u2-sze-szi-bu ina _{gesz}gu-za_-szu2
  n lines broken
859'. [...] an-szar2 {d}sin {d}utu {d}en u {d}ag?
860'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir?
861'. _dingir-mesz? gal-mesz? en-mesz?_-ia?
862'. {disz}ia-u-ta-a' ma-ru-usz-tu2 im-hur-szu2-ma
863'. e-disz-szi-szu2 in-na-bit a-na {kur}na-ba-a-a-te
864'. {disz}a-bi-ia-te-e' _dumu_ {disz}te-e'-ri
865'. a-na nina{ki} il-li-kam-ma u2-na-asz2-sziq _giri3-min_-ia
866'. a-de-e a-na e-pesz _ARAD_-ti-ia it-ti-szu2 asz2-kun
867'. ku-um {disz}ia-u-ta-a' asz2-kun-szu2 a-na _lugal_-ti
868'. _ku3-sig17 {na4}igi-min-mesz {na4}babbar-dili_ gu-uh-lu
869'. _ansze-gam-mal-mesz ansze-mesz_ bit-ru-ti
870'. man-da-at-tu2 szat-ti-szam-ma u2-kin _edin_-usz-szu2
871'. {disz}am-mu-la-di-in _lugal_ {kur}qa-ad-ri
872'. sza it-ti _kur_ asz-szur{ki} ik-ki-ru
873'. ih-ta-nab-ba-tu2 hu-bu-ut _kur_ mar-tu{ki}
874'. ina zi-kir _mu_-ia sza2 an-szar2 {d}sin {d}utu {d}en {d}ag
875'. {d}1(u)-5(disz) sza nina{ki} {d}szar-rat-kid-mu-ri
876'. {d}1(u)-5(disz) sza {iri}limmu2-dingir {d}masz {d}gesz-bar
877'. {d}u-gur u2-szar-bu-u
878'. {disz}ka-ma-as-hal-ta-a _man_ {kur}ma-'a-a-ba
  n lines broken
879'. la isz-'a-a-lu4 szu-lum _lugal_-ti-ia
880'. ul-tu {disz}ia-u-ta-a' _lugal_ {kur}a-ri-bi
881'. _ARAD_ da-gil2 pa-ni-ia a-na {kur}na-ba-a-a-ti
882'. in-nab-tu-ma il-li-ku ma-har {disz}na-at-nu
883'. {disz}na-at-nu a-na {disz}ia-u-ta-a'
884'. ki-a-am iq-bi-szu2-ma
885'. um-ma a-na-ku la _szu-min kur_ asz-szur{ki} ul-te-zi-i-bi
886'. u3 at-ta tasz-kun-an-ni a-na dan-nu-ti-ka
887'. {disz}na-at-nu ip-lah3-ma ir-sza2-a na-kut-tu
888'. _{lu2}a kin-mesz_-szu2 a-na sza2-'a-al szul-mi3-ia
889'. isz-pur-am-ma u2-na-asz2-szi-qa _giri3-min_-ia
890'. a-na sza2-kan a-de-e su-lum-me-e
891'. e-pesz _ARAD_-ti-ia
892'. u2-s,a-na-al-la-a be-lu-u2-ti
893'. a-na-ku ha-disz ap-pa-lis-szu-ma
894'. pa-ni-ia _saga-mesz ugu_-szu2 asz2-kun
895'. _gun_ man-da-at-tu szat-ti-szam-ma
896'. u2-kin s,e-ru-usz-szu2
897'. ina u4-me-szu2-ma _e2-gal?_ ma-szar-ti? sza? qe2-reb? _nina{ki?}_
898'. sza {disz}an-szar2-pap-asz _man kur_ asz-szur{ki} _ad du3_-ia e-pu-szu2
899'. il-li-ka la-ba-risz [...]
  n lines broken
900'. a-di gaba-dib-be2-e-szu2 ar-s,ip u2-szak-lil
901'. _ugu_ sza2 u4-me pa-ni u2-dan-ni-na tem-me-en-sza2
902'. _mu-sar_-u2 szi-t,ir _mu_-ia
903'. u ta-nit-ti qar-ra-du-ti-ia
904'. sza ina tukul-ti an-szar2 {d}sin {d}utu {d}en {d}ag
905'. {d}1(u)-5(disz) sza nina{ki} {d}1(u)-5(disz) sza {iri}limmu2-dingir{ki} {d}masz {d}u-gur
906'. ina _kur-kur_ at-tal-la-ku asz2-ku-nu da-na-nu li-i-tu2
907'. asz2-t,ur-ma a-na ah-rat u4-me e-zib
908'. a-na _egir_ u4-me ina _lugal-mesz dumu-mesz_-ia
909'. sza an-szar2 u {d}1(u)-5(disz) a-na be-lut _kur_ u _ug3-mesz_
910'. i-nam-bu-u zi-kir-szu2
911'. e-nu-ma _e2-gal_ ma-szar-te? szu-a-tu2
912'. i-lab-bi-ru-ma en-na-hu
913'. an-hu-us-sa lu-ud-disz
914'. _mu-sar_-u2 szi-t,ir _mu_-ia
915'. szu-me {disz}an-szar2-pap-asz _ad_-ia li-mur-ma
916'. _i3-mesz_ lip-szu-usz _{udu}siskur_ liq-qi2
917'. it-ti _mu-sar_-e szi-t,ir _mu_-szu2 lisz-kun
918'. _dingir-mesz gal-mesz_ ma-la ina mu-sza2-re-e an-ne2-e szat,-ru
919'. ki-ma ia-a-ti-ma lisz-ru-ku-szu2
920'. da-na-a-nu u li-i-tu
921'. sza _mu-sar_-u2 szi-t,ir _mu_-ia
922'. szu-me {disz}an-szar2-pap-asz _ad_-ia ib-ba-tu2
923'. it-ti _mu-sar_-i-szu2 la i-szak-ka-nu
924'. _dingir-mesz_ a-szi-bu-ti _an_-e u _ki_-tim
925'. ag-gesz li-ru-ru-szu2
926'. _lugal_-us-su lis-ki-pu
927'. _mu_-szu2 _numun_-szu2 ina _kur_ li-hal-li-qu

No image available

RINAP 5/1 Ashurbanipal 007 composite (P514716)

Composite

Composite No.: Q003706

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 007 composite

Collection:

Museum no.:

Provenience: Kalhu (mod. Nimrud/ Tawfiqiyah)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
1. a-na-ku {disz}an-szar2-du3-a _lugal gal lugal_ dan-nu
2. _lugal szu2 lugal kur_ asz-szur{ki} _lugal_ kib-rat _limmu2_-tim
3. s,i-it lib3-bi {disz}an-szar2-pap-asz _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _sza3-bala-bala_ {disz}{d}sin-pap-mesz-su _lugal szu2 lugal kur_ asz-szur{ki}
6. _dingir-mesz gal?-mesz_ ina _ukken_-szu2-nu si-mat _saga_-tim i-szim-mu szim-ti
  n lines broken
7'. at-ru-us,-ma u2-kin ta-ra-an-szu2
8'. _{gesz}gigir_ s,ir-tu ru-kub? {d?}marduk
9'. e-tel-li _dingir-mesz en en-en_
10'. ina _ku3-sig17 ku3-babbar na4-mesz_ ni-siq-ti ag-mu-ra nab-nit-sa
11'. a-na {d}marduk _lugal_ kisz-szat _an_-e u _ki_-tim
12'. sa-pi-in _{lu2}kur2-mesz_-ia ana szi-rik-ti asz2-ruk
13'. _{gesz}na2 {gesz}mes-ma2-kan-na_ is,-s,i da-re-e
14'. sza pa-szal-lu lit-bu-szat _na4-mesz_ ni-siq-ti za-a'-nat
15'. a-na ma-a-a-al tak-ne2-e {d}en u {d}gaszan-mu
16'. sza2-kan ha-sza2-di e-pesz ru-'a-a-me
17'. nak-lisz e-pu-usz
18'. ina ka2-hi-li-su3 masz-tak {d}zar-pa-ni-tum
19'. sza ku-uz-bu sa-al-hu ad-di
20'. 4(disz) _am-mesz ku3-babbar_ ek-du-u2-ti
21'. na-s,i-ru ki-bi-is _lugal_-ti-ia
22'. ina _ka2_ s,i-it {d}szam-szi u _ka2 {d}lamma-ra-bi_
23'. ina _ka2_ e2-zi-da sza2 qe2-reb bar2-sipa{ki} ul-ziz
24'. e2-masz-masz e2-gaszan-kalam-ma
25'. _ku3-babbar ku3-sig17_ u2-za-'i-in
26'. lu-le-e u2-ma-al-li
27'. {d}szar-rat-kid-mu-ri sza ina ug-gat lib3-bi-sza2
28'. at-man-sza2 e-zi-bu u2-szi-bu a-szar la si-ma-ti-sza2
29'. ina _bala_-ia dam-qi2
30'. sza an-szar2 isz-ru-ka tar-sza2-a sa-li-mu
31'. a-na szuk-lul _dingir_-ti-sza2 s,ir-ti
32'. szur-ru-hi mi-se-e-sza2 szu-qu-ru-ti
33'. ina _masz2-ge6_ szi-pir mah-he-e
34'. isz-ta-nap-pa-ra ka-a-a-na
35'. {d}utu {d}iszkur asz2-al-ma
36'. e-pu-lu-in-ni an-nu ke-e-nu
37'. si-mat _dingir_-ti-sza2 _gal_-ti u2-szar-ri-ih?
38'. u2-sze-szib-szi ina _bara2-mah_ szu-bat da-ra-a-ti
39'. par-s,e-e-sza2 szu-qu-ru-ti u2-kin-ma
40'. u2-szal-li-ma mi-se-e-sza2
41'. anzu{muszen}-mesz {gesz}szu-ri-in-ni
42'. a-na _ti-la zi-mesz_-ia
43'. ina _ka2_ e2-galam-mes _e2_ {d}u-gur
44'. sza {iri}tar-bi-s,i az-qu-up
45'. a-di a-di-ni a-bi la im-ma-al-la-du
46'. um-mi3 a-lit-ti la ba-na-a-ta ina lib3-bi _ama?_-sza2?
47'. a-na e-pesz e2-hul2-hul2 iz-kur ni-bit _mu_-ia
48'. {d}sin sza2 ib-na-an-ni a-na _lugal_-u-ti
49'. um-ma {disz}an-szar2-du3-ibila e2-kur szu2-a-tu2 ip-pu-usz-ma
50'. qe2-reb-szu2 u2-szar-man-ni pa-rak da-ra-a-ti
51'. a-mat {d}sin sza2 ul-tu _u4-mesz_ ru-qu-ti iq-bu-u
52'. e-nen-na u2-kal-lim _ug3-mesz_ ar-ku-u-ti
53'. _e2_ {d}sin sza2 {disz}{d}sal2-ma-nu_-masz a_ {disz}asz-szur-pap-ibila
54'. _lugal_ pa-ni mah-ri-ia e-pu-szu
55'. la-ba-risz u2-sza2-lik-ma u2-szad-gi-la pa-nu-u-a
56'. e2-kur szu2-a-tu sza2 la-ba-risz il-li-ku
57'. ina a-mat {d}sin {d}nusku an-hu-us-su ad-ke
58'. e-li sza u4-me pa-ni szu-bat-su u2-rap-pisz
59'. ul-tu _usz8_-szu2 a-di _gaba-dib_-szu2 ar-s,ip u2-szak-lil
60'. e2-me-lam2-an-na _e2_ {d}nusku _sukkal mah_
61'. sza _lugal_ pa-ni mah-ri-ia e-pu-szu2 ab-na-a qe2-reb-szu2
62'. _gesz-ur3-mesz {gesz}eren-mah-mesz_ u2-szat-ri-s,a _ugu_-szu2-un
63'. _{gesz}ig-mesz_ {gesz}li-ia-a-ri me-ser _ku3-babbar_
64'. u2-rak-kis u2-rat-ta-a _ka2-mesz_-szu2-un
65'. 2(disz) _am-mesz ku3-babbar_ mu-nak-ki-pu ga-re-ia
66'. ina at-man {d}sin _en_-ia ul-ziz
67'. 2(disz) {d}lah3-me esz-ma-re-e sza2 ti-is,-bu-tu2 {gesz}szu-ri-in-ni
68'. mu-szal-li-mu kib-si _lugal_-ti-ia
69'. mu-sze-ri-bu hi-s,ib szad-de-e u tam-tim
70'. ina _ka2_ e2-hul2-hul2 ul-ziz _szu-min_ {d}sin {d}nusku as,-bat
71'. u2-sze-rib u2-sze-szib ina _bara2_ da-ra-a-ti
72'. esz-re-e-ti _kur_ asz-szur{ki} u _kur_ uri{ki}
73'. a-na si-hir-ti-szi-na u2-szak-lil
74'. mim-ma si-mat e2-kur ma-la ba-szu2-u sza _ku3-babbar ku3-sig17_ e-pu-usz
75'. e-li sza _lugal-mesz ad-mesz_-ia u2-rad-di
76'. _dingir-mesz gal-mesz_ ti-ik-le-ia ina at-ma-ni-szu2-nu s,i-i-ri u2-sze-szib-szu2-nu-ti
77'. _{udu}siskur-mesz_ tasz-ri-ih-ti ma-har-szu2-un aq-qi2 u2-szam-hi-ra kad3-ra-a-a
78'. sat-tuk-ku gi-nu-u _ugu_ sza u4-me ul-lu-ti u2-sza2-tir-ma ar-ku-us
79'. _alam-mesz lugal_-ti-ia sza _ku3-babbar ku3-sig17 uruda_ nam-ri
80'. ina szi-pir {d}nin-a2-gal {d}ku3-sig17-banda3{+da}
81'. {d}nin-kur-ra nak-lisz u2-sze-pisz
82'. a-na mu-ter-ri-szi ba-la-t,i-ia
83'. ma-har _dingir-mesz_ ti-ik-le-ia u2-kin na-an-za-sun2
84'. ul-tu s,e-he-ri-ia a-di ru-be2-ia
85'. asz2-te-'a-a asz2-rat _dingir-mesz gal-mesz_
86'. {lu2}sza2-an-gu-ti ih-szu-hu i-ram-mu na-dan zi-bi-ia
87'. {d}iszkur _szeg3-mesz_-szu2 u2-masz-sze-ra {d}e2-a u2-pat,-t,i-ra _idim-mesz_-szu2
88'. 5(disz) _kusz3 sze-am_ isz-qu ina _ab-sin2_-ni-sza2
89'. e-ri-ik szu-bu-ul-tu2 5/6(disz)? _kusz3 si-sa2 buru14_ na-pa-asz2 {d}nisaba
90'. ka-a-a-an u2-szah-na-bu gi-pa-ru
91'. s,ip-pa-a-ti szu-um-mu-ha in-bu _masz2-ansze_ szu-te-szur ina ta-lit-ti
92'. ina _bala-mesz_-ia _he2-nun_ t,uh-du ina _mu-an-na-mesz_-ia ku-um-mu-ru _he2-gal2_-lum
93'. 1(u) 2(disz)? _ansze sze-pad-mesz_ 3(disz) _ansze gesztin-mesz 2(ban2) i3-mesz gun sig2-mesz_
94'. ina nap-har _kur_-ia _ki-lam_ nap-szu2 i-szam-mu ina 1(disz) _gin2_ kas-pi
95'. szat-ti-szam-ma ina t,uh-di u me-sza2-ri ar-te-'a ba-'u-u2-lat {d}en-lil2
96'. _dingir-mesz gal-mesz_ sza2 ap-tal-la-hu _dingir_-us-su-un
97'. du-un-nu zik-ru-u?-tu? e-mu-qi s,i-ra-a-te u2-szat-li-mu-in-ni
98'. _kur-kur_ la ma-gi-re-ia ina _szu-min_-ia im-nu-u2
99'. u2-szam-s,u-in-ni ma-la lib3-bi-ia
100'. ul-tu tam-tim e-liti a-di tam-tim szap-liti
101'. sza _lugal-mesz ad-mesz_-ia ir-te-ed-du-u a-na-ku lu-u ar-de
102'. ma-lak _iti u4 2(u)-kam2_ ina _muru2_ tam-tim u na-ba-li
103'. mi-is,-ru e-li sza _lugal-mesz ad-mesz_-ia u2-rad-di-ma a-bel
104'. _ug3-mesz_ a-szi-bu-ti _kur-kur_ sza2-a-ti-na u2-szak-ni-sza2 ana _{gesz}szudun_-ia
105'. _gun_ man-da-at-tu2 szat-ti-szam-ma u2-kin _edin_-usz-szu2-un
106'. ina qi2-bit an-szar2 {d}1(u)-5(disz) _lugal-mesz_ a-szib pa-rak-ki u2-na-asz2-sza2-qu _giri3-min_-ia
107'. mal-ki _gal-mesz_ sza2 s,i-tasz u szi-la-an ana kit-ri-szu-nu u2-pa-qu-u-ni
  n lines broken
108'. {disz}gissu-en _lugal_ {kur}ha-zi-ti
109'. {disz}mi-ti-in-ti _lugal_ {kur}is-qa-lu-na
110'. {disz}i-ka-u2-su _lugal_ {kur}am-qar-u-na
111'. {disz}mil-ki-a-sza2-pa _lugal_ {kur}gu-ub-li
112'. {disz}ia-ki-in-lu-u2 _lugal_ {kur}ar-u2-a-da
113'. {disz}a-bi-ba-a'-al _lugal_ {kur}sa-am-si-mu-ru-na
114'. {disz}am-mi-na-ad-bi _lugal {kur}e2_-am-ma-na
115'. {disz}pap-mil-ki _lugal_ {kur}as-du-di
116'. {disz}e-ki-isz-tu-ra _lugal_ {kur}e-di-i'-li
117'. {disz}pi-la-a-gu-ra-a _lugal_ {kur}ki-it-ru-si
118'. {disz}ki-i-su _lugal_ {kur}si-lu-u-a
119'. {disz}i-tu-u-an-da-ar _lugal_ {kur}pa-ap-pa
120'. {disz}e-re-su _lugal_ {kur}si-il-lu
121'. {disz}da-ma-su _lugal_ {kur}ku-ri-i
122'. {disz}ad2-me-su _lugal_ {kur}ta-me-su
123'. {disz}da-mu-u-su _lugal_ {kur}qar-ti-ha-da-as-ti
124'. {disz}u2-na-sa-gu-su _lugal_ {kur}li-di-ir
125'. {disz}bu-s,u-su _lugal_ {kur}nu-re-e
126'. _szu-nigin 2(u) 2(disz) lugal-mesz_ sza a-hi tam-tim
127'. _muru2_ tam-tim u na-ba-li _ARAD-mesz_ da-gil2 pa-ni-ia
128'. ta-mar-ta-szu2-nu ka-bit-tu
129'. ina _igi_-ia isz-szu-nim-ma u2-na-szi-qu _giri3-min_-ia
130'. _lugal-mesz_ sza2-a-tu-nu a-di e-mu-qi-szu2-nu
131'. _{gesz}ma2-mesz_-szu2?-nu ina tam-tim u na-ba-li
132'. it-ti _erin2-hi-a_-ia ur-hu pa-da-nu
133'. u2-sza2-as,-bit-su-nu-ti a-na na-ra-ru-ti
134'. ha-mat sza2 _lugal-mesz_ {lu2}qe2-pa-a-ni
135'. sza qe2-reb {kur}mu-s,ur _ARAD-mesz_ da-gil2 pa-ni-ia
136'. ur-ru-hi-isz ar-de-e-ma
137'. al-lik a-di {iri}kar-{d}du3-ti
138'. {disz}tar-qu-u _man_ {kur}mu-s,ur u {kur}ku-u-si
139'. qe2-reb {iri}me-em-pi a-lak ger-ri-ia isz-me-ma
140'. a-na e-pesz _muru2 {gesz}tukul-mesz_ u _me3_
141'. a-na mah-ri-ia id-ka-a _erin2-mesz me3_-szu2
142'. i-na tu-kul-ti an-szar2 {d}en u3 {d}ag
143'. _dingir-mesz gal-mesz en-mesz_-ia a-li-kut i-di-ia ina _me3_
144'. _edin?_ rap?-szi asz2-ku-na _bad5-bad5 erin2-hi-a_-szu2
  n lines broken
145'. {disz}ni-ku-u2 _lugal_ {iri}me-em-pi u3 {iri}sa-a-a
146'. {disz}lugal-lu-da3-ri _lugal_ {iri}s,i-i'-nu
147'. {disz}pi-sza2-an-hu-ru _lugal_ {iri}na-at-hu-u2
148'. {disz}pa-aq-ru-ru _lugal_ {iri}szap-tu2
149'. {disz}ni?-her?-a-u _lugal_ {iri}ha-at-hi-ri-bi
150'. {disz}na-ah-ke-e _lugal_ {iri}hi-ni-in-szi
151'. _lugal-mesz_ an-nu-ti _{lu2}nam-mesz_ {lu2}qe-pa-ni
152'. sza qe2-reb {kur}mu-s,ur u2-pa-qi2-du _ad du3_-u-a
153'. sza la-pa-an ti-bu-ut {disz}tar-qu-u
154'. pi-qit-ta-szu2-un u2-masz-sze-ru im-lu-u2 _edin_
155'. u2-ter-ma a?-szar? pi-qit-ti-szu2-un
156'. ina masz-kan2-i-szu2-un ul-zi-is-su-nu-ti
157'. {kur}mu-s,ur u {kur}ku-u-si sza2 _ad_ ba-nu-u-a
158'. ik?-szu-du a-na esz-szu-ti as,-bat
159'. _en-nun-mesz_-szu2 _ugu_ sza2 u4-me pa-ni u2-dan-nin
160'. u2-rak-ki-sa rik-se-szu2
161'. it-ti hu-ub-ti ma?-a'?-di szal-la-ti ka-bit-ti pa-an _{gesz}szudun_-ia u2-ter-ra-am-ma
162'. szal-mesz a-tu-ra a-na _kur_ asz-szur{ki}
163'. _egir_-nu {disz}ni-ku-u2 {disz}lugal-lu-da3-ri {disz}pa-aq-ru-ru
164'. ina a-de-ia ih-t,u-u la is,-s,u-ru ma-mit _dingir-mesz gal-mesz_
165'. t,a-ab-ti im-szu-ma? lib3-ba-szu2-nu ik-pu-ud le-mut-tu2
166'. da-bab sur-ra-a-ti id-bu-bu-ma
167'. mi3-lik la ku-sziri4 im-li-ku ra-man-szu2-un
168'. um-ma {disz}tar-qu-u ul-tu qe2-reb {kur}mu-s,ur
169'. i-na-sah-u2-ma at-tu-ni a-sza2-ba-ni mi3-i-nu
170'. e-li {disz}tar-qu-u _man_ {kur}ku-u-si
171'. a-na sza2-kan a-de-e u sa-li-me
172'. u2-ma-'e-e-ru {lu2}rak-be2-szu2-un
173'. um-ma su-lum-mu-u ina bi-ri-ni lisz-sza2-kin-ma
174'. ni-in-dag-ga-ru a-ha-mesz
175'. _kur_ a-he-en-na-a ni-zu-uz-ma
176'. a-a ib-ba-szi ina bi-ri-ni sza2-nu-um-ma be-lum
177'. a-na _erin2-hi-a kur_ asz-szur{ki} e-muq _en_-ti-ia sza2 na-kas _zi_-tim
178'. isz-te-ne2-'u-u2 a-mat _hul_-tim
179'. {lu2}szu-ut _sag-mesz_-ia a-ma-a-ti an-na-a-ti isz-mu-u-ma
180'. {lu2}rak-be2-szu2-un a-di szip-ra-ti-szu2-un
181'. is,-ba-tu-nim-ma e-mu-ru ep-szet sur-ra-a-ti-szu2-un
182'. {disz}ni-ku-u {disz}lugal-lu-da3-ri is,-ba-tu-ma
183'. ina bi-re-ti _an-bar_ u isz-qa-ti _an-bar_ u2-tam-me-hu _szu-min_ u _giri3-min_
184'. ma-mit an-szar2 _lugal dingir-mesz_ ik-szu-us-su-nu-ti-ma
185'. sza ih-t,u-u2 ina a-de-e _dingir-mesz gal-mesz_
186'. t,a-ab-ti qa-tusz-szu2-un u2-ba-'i-i-ma
187'. sza e-pu-us-su-nu-ti du-un-qu
188'. u3 _ug3-mesz_ {iri}sa-a-a {iri}bi-in-t,i-t,i
189'. {iri}s,i-i'-nu ma-la it-ti-szu2-nu isz-szak-nu
190'. ik-pu-du le-mut-tu2 _tur_ u _gal_ ina _{gesz}tukul-mesz_ u2-szam-qi2-tu
191'. e-du a-me-lu la e-zi-bu ina lib3-bi
192'. _adda-mesz_-szu2-nu e-lu-lu ina {gesz}ga-szi-szi
193'. _kusz-mesz_-szu2-nu isz-hu-t,u u2-hal-li-pu _bad3 iri_
194'. {disz}ni-ku-u {disz}lugal-lu-da3-ri bal-t,u-us-su-un
195'. a-na {iri}nina a-di mah-ri-ia ub-lu-u-ni
196'. {disz}lugal-lu-da3-ri sza? _mun?_ la is,-s,u-ru ih-t,u-u [...]
197'. ina ki-li a-szar s,i-bit-ti da?-ri?-i? na?-di [...]
198'. a-na {disz}ni-ku-u re-e-mu ar-szi-ma u2-bal-lit, nap-szat-su
199'. a-de-e _ugu_ sza2 mah-ri ut-tir-ma it-ti-szu2 asz2-kun
200'. lu-bul-tu bir-me u2-lab-bi-is-su
201'. al-lu _ku3-sig17_ si-mat _lugal_-ti-szu2 asz2-kun-szu2
202'. _har-mesz ku3-sig17_ u2-rak-ki-sa rit-ti-szu2
203'. _gir2_ szib-bi sza2 ih-zu-szu2 _ku3-sig17_
204'. ni-bit _mu_-ia ina muh-hi asz2-t,ur-ma a-din-szu2
  n lines broken
205'. ina tukul-ti an-szar2 u {d}1(u)-5(disz) ik-szu-da _szu-min_-a-a
206'. _ku3-babbar ku3-sig17_ ni-siq-ti _na4-mesz_
207'. _nig2-szu e2-gal_-szu2 ma-la ba-szu-u2
208'. lu-bul-ti bir-me _gada-mesz ansze-kur-ra-mesz gal-mesz_
209'. _ug3-mesz_ zik2-ru u3 sin-nisz
210'. 2(disz) tim-me _mah-mesz_ pi-ti-iq za-ha-le-e eb-bi
211'. sza 2(disz) _lim_ 5(disz) _me gun ki-la2_-szu2-nu
212'. man-za-az _ka2_ e2-kur ul-tu man-zal-ti-szu2-nu as-suh-ma
213'. al-qa-a a-na _kur_ asz-szur{ki}
214'. szal-la-tu ka-bit-tu ina la mi3-ni asz2-lu-la
215'. ul-tu qe2-reb {iri}ni-i'
216'. e-li {kur}mu-s,ur u3 {kur}ku-u-si
217'. _{gesz}tukul-mesz_-ia u2-szam-ri-ir-ma asz2-ta-kan li-i-tu2
218'. it-ti _szu-min_ ma-li-ti szal-mesz a-tu-ra
219'. a-na nina{ki} _iri_ be-lu-ti-ia
220'. ina szal-szi ger-ri-ia _ugu_ {disz}ba-'a-li _lugal_ {kur}s,ur-ri
221'. a-szib _muru2_ tam-tim lu-u al-lik
222'. asz2-szu2 a-mat _lugal_-u-ti-ia la is,-s,u-ru
223'. la isz-mu-u2 zi-kir _nundum_-ia
224'. {iri}hal-s,u-_mesz_ e-li-szu2 u2-rak-kis
225'. a-na la a-s,e-e _ug3-mesz_-szu2 u2-dan-nin ma-s,ar-tusz
226'. ina tam-tim u na-ba-li ger-re-e-ti-szu2
227'. u2-s,ab-bit a-lak-ta-szu2 ap-ru-us
228'. _a-mesz_ u3 te-'u-u2-tu ba-lat, _zi_-ti3-szu2-nu
229'. a-na pi-i-szu2-nu u2-sza2-qi2-ir
230'. ina me-se-ri dan-ni sza2 la na-par-szu-di e-si-ir-szu2-nu-ti
231'. nap-szat-su-nu u2-si-iq u2-kar-ri
232'. a-na _{gesz}szudun_-ia u2-szak-ni-is-su-nu-ti
233'. _dumu-munus_ s,i-it lib3-bi-szu2 u3 _dumu-munus szesz-mesz_-szu2
234'. a-na e-pesz _{munus}agrig_-u2-ti
235'. u2-bi-la a-di mah-ri-ia
236'. _dumu_-szu2 sza2 ma-ti-ma ti-amtu la e-bi-ra
237'. isz-sza2-a a-na e-pesz _ARAD_-ti-ia
238'. _dumu-munus_-su u _dumu-munus szesz-mesz_-szu2
239'. it-ti ter-ha-ti ma-a'-as-si am-hur-szu2
240'. re-e-mu ar-szi-szu-ma
241'. _dumu_ s,i-it lib3-bi-szu2 u2-ter-ma? a?-din?-szu2
242'. {iri}hal-s,u-_mesz_ sza2 _ugu_ {disz}ba-'a-li _lugal_ {kur}s,ur-ri
243'. u2-rak-ki-su ap-t,ur
244'. ina tam-tim u na-ba-li ger-re-ti-szu2
245'. ma-la u2-s,ab-bi-tu ap-ti
246'. ma-da-at-ta-szu2 ka-bit-tu2 am-hur-szu2
247'. pa-an _{gesz}szudun_-ia u2-ter-ram-ma szal-mesz a-tu-ra a-na nina{ki} _iri_ be-lu-ti-ia
248'. ma-al-ki _muru2_ tam-tim
249'. u _lugal-mesz_ a-szi-bu-ti szad-de-e sza2-qu-ti
250'. da-na-an ep-sze-ti-ia an-na-a-ti
  n lines broken
251'. _dumu-munus-mesz_ s,i-it lib3-bi-szu2-nu
252'. it-ti nu-dun-ne2-e ma-a'-di u3 ter-ha-ti ma-a'-as-si
253'. a-na e-pesz _{munus}agrig_-u2-ti
254'. a-na nina{ki} u2-bi-lu-nim-ma u2-na-asz2-szi-qu _giri3-min_-ia
255'. e-li {disz}mu-gal-li _ansze-kur-ra-mesz gal-mesz_
256'. ma-da-at-tu2 szat-ti-szam-ma u2-kin _edin_-usz-szu2
257'. ul-tu {disz}ia-ki-in-lu-u _lugal_ {kur}ar-u2-a-da
258'. il-li-ku a-na szim-ti
259'. {disz}a-zi-ba-a'-al {disz}a-bi-ba-a'-al {disz}a-du-ni-ba-a'-al
260'. _dumu-mesz_ {disz}ia-ki-in-lu-u a-szib _muru2_ tam-tim
261'. ul-tu _muru2_ tam-tim e-lu-nim-ma
262'. it-ti ta-mar-ti-szu2-nu ka-bit-tu il-lik-u2-nim-ma u2-na-asz2-szi-qu _giri3-min_-ia
263'. {disz}a-zi-ba-a'-al ha-disz ap-pa-lis-ma
264'. a-na _lugal_-u2-ti {kur}ar-u2-a-da asz2-kun
265'. {disz}a-bi-ba-a'-al {disz}a-du-ni-ba-a'-al lu-bul-tu bir-me u2-lab-bisz-ma
266'. _har-mesz ku3-sig17_ asz2-kun ina mah-ri-ia ul-zis-su-nu-ti
267'. {disz}gu-ug-gu _lugal_ lu-ud-di
268'. na-gu-u2 sza2 ne2-ber-ti _a-ab-ba_ asz2-ru ru-u2-qu
269'. sza _lugal-mesz ad-mesz_-ia la isz-mu-u2 zi-kir _mu_-szu2
270'. ni-bit _lugal_-ti-ia ina _masz2-ge6_
271'. u2-szab-ri-szu2-ma an-szar2 _dingir_ ba-nu-u-a
272'. u4-mu _masz2-ge6_ an-ni-tu e-mu-ru
273'. {lu2}rak-bu-szu2 isz-pu-ra ana sza2-'a-al szul-mi3-ia
274'. {lu2}gi-mir-a-a _{lu2}kur2_ ek-s,u
275'. sza la ip-tal-la-hu _ad-mesz_-ia
276'. u3 ia-a-ti la is,-ba-tu2 _giri3-min lugal_-ti-ia
277'. ina tukul-ti an-szar2 u {d}1(u)-5(disz) _en?-mesz_-ia
278'. ina {gesz}s,i-is,-s,i szat qa-ti {gesz}szi-ga-ri
279'. u2-tam-me-eh-ma it-ti ta-mar-ti-szu2 ka-bit-ti
280'. u2-sze-bi-la a-di mah-ri-ia
281'. ina 4(disz)-e ger-ri-ia a-na {iri}qir-bit2
282'. sza2 qe2-reb {iri}ha-re-e-ha-as-ta lu al-lik
283'. sza {disz}ta-an-da _{lu2}en-iri_-szu2-nu
284'. a-na _lugal-mesz ad-mesz_-ia la ik-nu-szu2 a-na _{gesz}szudun_
285'. u3 _ug3-mesz_ a-szi-bu-ti {iri}qir-bit2
  n lines broken
286'. [...] _pap?_ x
287'. [...] a-di a-di?-ni? la al-la-ku
288'. [...] {disz}ah-sze-e-ri _man_ {kur}man-na-a-a
289'. [...] as,-ba?-ta har-ra-nu
290'. [...] _ad-mesz_-ia la-a kit-nu-szu2
291'. [...] da-s,a-a-ti
292'. [...] x {iri}limmu2-dingir
293'. [...] x iq-ba-a
294'. [...] aq?-bi-ma
295'. [...] x sza {kur}man-na-a-a
296'. [...] x _me ni_ x? x-nu
297'. [...] x a-ha-mesz
298'. [...] at-ta-'i-id-ma
299'. ad-ke _erin2-mesz me3_-ia
300'. a-na ka-sza2-ad {kur}man-na-a-a usz-te-sze-ra har-ra-nu
301'. al-lik-ma qe2-reb {iri}bad3-asz-szur
302'. usz-man-nu ad-di-ma asz2-kun ka-ra-szi
303'. {disz}ah-sze-e-ri a-lak ger-ri-ia isz-me-ma
304'. u2-ma-'e-e-ra um-man-szu2
305'. ina szat mu-szi ina szi-pir ni-kil-ti
306'. a-na e-pesz _me3_ it-bu-u-ni
307'. a-na mit-hu-s,i _erin2-hi-a_-ia
308'. _erin2-mesz me3_-ia it-ti-szu2-un im-da-ha-s,u
309'. isz-ku-nu _bad5-bad5_-szu2-un
310'. ma-lak 3(disz) _danna a-sza3_ szal-ma-a-te-szu2-nu
311'. u2-mal-li _edin_ rap-szu2
  n lines broken
312'. a-na {iri}at-ra-a-na _iri_ tukul-ti-szu2
313'. in-na-bit e-hu-uz mar-qi2-tu
314'. {iri}i-zir-tu {iri}ur-me-ia-te {iri}uz-bi-a
315'. _iri-mesz_ dan-nu-ti-szu2 al-me
316'. _ug3-mesz_ a-szi-bu-ti _iri-mesz_ sza2-a-tu-nu
317'. e-si-ir-ma nap-szat-su-nu u2-si-iq u2-kar-ri
318'. na-gu-u szu-a-tu ak-szu-ud ap-pul aq-qur
319'. ina {d}gesz-bar aq-mu ma-lak 1(u) u4-me 5(disz) u4-me u2-szah-rib-ma
320'. sza2-qu-um-ma-tu2 at-bu-uk
321'. ina me-ti-iq ger-ri-ia _iri-mesz_-ni sza2 li-me-et {iri}pad-di-ri
322'. sza ina ter-s,i _lugal-mesz_-ni _ad-mesz_-ia
323'. {kur}man-na-a-a e-ki-mu a-na ra-ma-ni-szu2-nu u2-ter-ru
324'. ak-szu-ud ina {d}gesz-bar aq-mu asz2-lu-la szal-la-sun2
325'. _iri-mesz_ sza2-a-tu-nu a-na mi-s,ir _kur_ asz-szur{ki} u2-ter-ra
326'. na-gu-u sza {iri}ar-si-ia-ni-isz sza bi-rit {iri}a-za-qa-na-ni
327'. sza {kur}ha-ar-si sza2-di-i
328'. sza _sag_ {kur}ku-mu-ur-da-a-a sza qe2-reb {kur}man-na-a-a
329'. as-pu-un ina {d}gesz-bar aq-mu
330'. {disz}ra-a-a-di-sza2-di-i _{lu2}gal hal-s,u_-szu2-nu
331'. a-duk asz2-lu-la szal-lat-su
332'. na-gu-u sza {iri}e-ri-is-te-ia-na ak-szu-ud
333'. _iri-mesz_-szu2 as-pu-un ina {d}gesz-bar? aq-mu asz2-lu-la szal-la-su
334'. ina ti-ib _me3_-ia na-gu-szu2 u2-szah-rib
335'. u2-s,a-ah-hi-ir nap-har _kur_-szu2
336'. it-ti hu-ub-ti ma-a'-di szal-la-ti ka-bit-ti
337'. szal-mesz a-tu-ra ak-bu-sa mi-s,ir _kur_ asz-szur{ki}
338'. {iri}bi-ru-a {iri}lugal-iq-bi {iri}gu-si-ne2-e
339'. _iri-mesz_ mah-ru-u-ti sza mi-s,ir _kur_ asz-szur{ki}
340'. sza ina ter-s,i _lugal-mesz ad-mesz_-ia e-ki-mu {kur}man-na-a-a
341'. da-ad2-me sza2-a-tu-nu ak-szu-ud
342'. {kur}man-na-a-a ul-tu lib3-bi as-suh
343'. _ansze-kur-ra-mesz_ {gesz}til-li u2-nu-ut _me3_-szu2-nu
344'. asz2-lu-la a-na _kur_ asz-szur{ki}
345'. _iri-mesz_ sza2-a-tu-nu a-na esz-szu-ti as,-bat
346'. u2-ter-ra a-na mi-s,ir _kur_ asz-szur{ki}
347'. {disz}ah-sze-e-ri la pa-lih _en_-ti-ia
348'. an-szar2 {d}1(u)-5(disz) im-nu-szu2 i-na _szu-min ARAD-mesz_-szu2
349'. _ug3-mesz kur_-szu2 si-hu _ugu_-szu2 u2-szab-szu2-u
350'. ina _sila iri_-szu2
351'. id-du-u _adda_-szu
352'. _egir_-nu {disz}u2-al-li-i _dumu_-szu2
353'. u2-szib ina _{gesz}gu-za_-szu2
354'. da-na-an an-szar2 {d}sin {d}utu {d}en u {d}ag
355'. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki}
356'. {d}masz {d}nusku {d}u-gur _dingir-mesz gal-mesz_
357'. _en-mesz_-ia e-mur-ma ik-nu-sza2 a-na _{gesz}szudun_-ia
358'. asz2-szu2 ba-lat, _zi_-ti3-szu2 up-na-a-szu2 ip-ta-a
359'. u2-s,al-la-a _en_-u2-ti
360'. {disz}e-ri-si-in-ni _dumu usz_-ti-szu2 a-na nina{ki}
361'. isz-pur-am-ma u2-na-asz2-szi-qa _giri3-min_-ia
362'. re-e-mu ar-szi-szu2 _{lu2}a kin_-ia sza2 szul-me
363'. u2-ma-'e-er _edin_-usz-szu2
364'. _dumu-munus_-su s,i-it lib3-bi-szu2 u2-sze-bi-la
365'. a-na e-pesz _{munus}agrig_-u-ti
366'. ma-da-at-ta-szu2 mah-ri-tu2 sza ina ter-s,i _lugal-mesz_
367'. _ad-mesz_-ia u2-szab-t,i-lu isz-szu-u-ni a-di mah-ri-ia
368'. 3(u) _ansze-kur-ra-mesz ugu_ ma-da-at-ti-szu2
369'. mah-ri-ti u2-rad-di-ma e-mi3-is-su
370'. ina u4-me-szu2 {disz}bi-ri-is-ha-at-ri _{lu2}en-iri_ sza mad-a-a
371'. {disz}sar-a-ti {disz}pa-ri-hi
372'. 2(disz) _dumu-mesz_ {disz}ga-a-gi _{lu2}en-iri_ {kur}sa-hi
373'. sza is,-lu-u _{gesz}szudun_ be-lu-ti-ia
374'. 1(gesz2) 1(u) 5(disz) _iri-mesz_-szu2-nu dan-nu-ti ak-szu-ud asz2-lu-la szal-lat-sun2
375'. sza2-a-szu2-nu bal-t,u-us-su-nu ina _szu-min_ as,-bat
376'. u2-bi-la a-na nina{ki} _iri_ be-lu-ti-ia
377'. {disz}an-da-ri-a {lu2}tur-ta-an? {kur}ur-ar-t,i
378'. sza a-na ka-sza2-ad {kur}up-pu-um-me u3 {iri}kul-li-im-me-ri
379'. ir-da-a il-li-ka qe2-reb mu-szi-ti
380'. _ug3-mesz_ a-szi-bu-ti {iri}kul-li-im-me-ri
381'. _ARAD-mesz_ da-gil2 pa-ni-ia
382'. ina szat mu-szi di-ik-ta-szu2 ma-a'-as-su
383'. i-du-ku la iz-zi-bu a-a-um-ma
384'. _sag-du_ {disz}an-da-ri-a ik-ki-su-nim-ma
385'. a-na nina{ki} i-na mah-ri-ia u2-bil-u-ni
386'. ina 6(disz)-szi ger-ri-ia _ugu_ {disz}ur-ta-ki _man_ {kur}elam-ma{ki} lu-u al-lik
387'. sza _mun ad du3_-ia la ha-as-su la is,-s,u-ru ib-ru-ti
388'. ul-tu ina {kur}elam-ma{ki} su-un-qu isz-ku-nu
389'. ib-ba-szu2-u2 ne2-eb?-re-tu
390'. {d}nisaba ba-lat, _zi_-tim _ug3-mesz_
391'. u2-sze-bil-szu-ma as,-bat _szu-min_-su
392'. _ug3-mesz_-szu2 sza la-pa-an su-un-qi2
393'. in-nab-tu-nim-ma u2-szi-bu qe2-reb _kur_ asz-szur{ki}
394'. a-di zu-un-nu ina _kur_-szu2 iz-nu-nu
395'. ib-ba-szu-u2 e-bu-ru
396'. _ug3-mesz_ sza2-a-tu-nu sza ina _kur_-ia
397'. ib-lu-t,u u2-sze-bil-szu2-ma
398'. {lu2}e-la-mu-u2 sza2 ti-bu-us-su
399'. it-ti lib3-bi-ia la da-ab-ba-ku
400'. la ha-as-sa-ku s,e-let-su
401'. {disz}en-ba-sza2 {kur}gam-bu-la-a-a {disz}{d}ag-mu-uru4-esz _{lu2}gu2-en-na_
402'. _ARAD-mesz_ da-gil2 pa-ni-ia
403'. {disz}{d}marduk-mu-du3 {lu2}szu-ut _sag_ sza {disz}ur-ta-ki
404'. sza it-ti-szu2-nu isz-ku-nu pi-i-szu2
405'. a-na mit-hu-s,i _kur eme-gi7_ u _kur_ uri{ki}
406'. ina pi-ir-s,a-a-ti id-ku-u-ni {disz}ur-ta-ku _man_ {kur}elam-ma{ki}
407'. {disz}ur-ta-ku sza la ag-ru-szu2 qa-bal-szu2 id-ka-a
408'. a-na {kur}kar2-{d}dun-ia2-asz3 ur-ri-ha ta-ha-zu
409'. asz2-szu2 ti-bu-ut {lu2}e-la-me-e
410'. _{lu2}a kin_ a-na nina{ki} il-lik-am-ma
411'. iq-ba-a ia-a-ti a-ma-ti sza2-a-ti-na sza ti-bu-ut
412'. {disz}ur-ta-ki ul asz2-du-ud ina lib3-bi-ia
413'. szu-ut _{lu2}edin-mesz_-szu2 sza2 su-lum-me-e
414'. isz-ta-nap-pa-ra ina mah-ri-ia
415'. a-na a-mar _lugal_ {kur}elam-ma{ki}
416'. _{lu2}a kin_-ia u2-ma-'e-er ha-an-t,isz
417'. il-lik i-tu-ram-ma a-ma-a-ti ka-a-a-ma-na-a-ti
418'. u2-sza2-an-na-a ia-a-ti
419'. um-ma {lu2}e-la-mu-u2 _gin7_ ti-bu-ut _buru5-hi-a_
420'. ka-tim _kur_ uri{ki} ka-li-sza2
421'. s,e-er babila2{ki} usz-man-nu sza2-kin-ma na-di ma-dak-tu2
422'. a-na na-ra-ru-ti {d}en u {d}ag _en-mesz_-ia
423'. sza ap-tal-la-hu _dingir_-us-su-un
424'. _erin2-mesz me3_-ia ad-ke-e-ma as,-ba-ta har-ra-nu
425'. a-lak ger-ri-ia isz-me-ma
426'. hat-tu is-hup-szu2-ma i-tur a-na _kur_-szu2
427'. _egir_-szu2 as,-bat a-bi-ik-ta-szu2 asz2-kun
428'. at,-ru-us-su a-di mi-s,ir _kur_-szu2
429'. {disz}ur-ta-ku _lugal_ {kur}elam-ma{ki} sza la is,-s,u-ru ib-ru-ti
430'. ina u4-me la szim-ti-szu2 mu-u2-tu2 u2-gar-ru-u
431'. ina ta-ne2-hi iq-tu-u2 i-zu-bu
432'. ina qaq-qar ba-la-t,i _giri3-min_-szu2 ul isz-kun
433'. ina _mu-an-na_-szu2 na-pisz-ta-szu2 iq-ti il-lik nam-mu-szi-szu2
434'. {disz}en-ba-sza2 {kur}gam-bu-la-a-a
435'. sza is,-lu-u _{gesz}szudun_ be-lu-ti-ia
436'. ina ni-szik _pesz2_ isz-ta-kan na-pisz-tu2
437'. {disz}{d}ag-mu-kam-esz _{lu2}gu2-en-na_ la na-s,ir a-de-e
438'. isz-szi a-ga-nu-til-la-a _a-mesz_ ma-lu-u2-ti
439'. {disz}{d}marduk-mu-du3 {lu2}szu-ut _sag_-szu2 mu-szad-bi-ib-szu2
440'. sza _hul_-tu2 u2-szak-pi-du a-na {disz}ur-ta-ki
441'. e-mi3-is-su {d}marduk _lugal dingir-mesz_ sze-er-ta-szu2 _gal_-tu
442'. ina 1(disz)-et _mu-an-na_ me2-eh-ret a-ha-mesz isz-ku-nu na-pisz-tu2
443'. lib3-bi an-szar2 ag-gu ul i-nu-uh-szu2-nu-ti
444'. ul ip-szah-szu2-nu-ti ka-bat-ti {d}1(u)-5(disz) sza2 u2-tak-kil-an-ni
445'. _bala_-e _lugal_-ti-szu2 isz-ki-pu
446'. be-lut {kur}elam-ma{ki} u2-szal-qu-u sza2-nam-ma
447'. _egir_ {disz}te-um-man tam-szil _gal5-la2_
448'. u2-szib ina _{gesz}gu-za_ {disz}ur-ta-ki
449'. a-na da-a-ki _dumu-mesz_ {disz}ur-ta-ki
450'. u3 _dumu-mesz_ {disz}um-man-al-da-a-sze
451'. _szesz_ {disz}ur-ta-ki isz-te-ne2-'a-a _munus-hul_
452'. {disz}um-man-i-gasz {disz}um-man-ap-pa {disz}tam-ma-ri-tu2
453'. _dumu-mesz_ {disz}ur-ta-ki _lugal_ {kur}elam-ma{ki}
454'. {disz}ku-dur2-ru {disz}pa-ru-u2 _dumu-mesz_ {disz}um-man-al-da-a-sze
455'. _lugal_ a-lik pa-ni {disz}ur-ta-ki
456'. u3 1(gesz2) _numun lugal_ ina la mi3-ni _{lu2}erin2-mesz {gesz}pan_
457'. _dumu-mesz_ ba-ne2-e sza {kur}elam-ma{ki}
458'. sza2 la-pa-an da-a-ki {disz}te-um-man in-nab-tu-nim-ma
459'. is,-ba-tu _giri3-min-mesz lugal_-ti-ia
460'. ina 7(disz)-e ger-ri-ia _ugu_ {disz}te-um-man
461'. _lugal_ {kur}elam-ma{ki} lu-u al-lik
462'. sza _ugu_ {disz}um-man-i-gasz {disz}um-man-ap-pa
463'. {disz}tam-ma-ri-tu2 _dumu-mesz_ {disz}ur-ta-ki _lugal_ {kur}elam-ma{ki}
464'. {disz}ku-dur2-ru {disz}pa-ru-u _dumu-mesz_ {disz}um-man-al-da-a-sze
465'. _szesz_ {disz}ur-ta-ki _lugal_ {kur}elam-ma{ki}
466'. _{lu2}edin-mesz_-szu2 isz-ta-nap-pa-ra a-na sze-bu-li
467'. _ug3-mesz_ sza2-a-tu-nu sza2 in-nab-tu-nim-ma
468'. is,-ba-tu _giri3-min_-ia sze-bul-szu2-nu ul aq-bi-szu2
469'. ina muh-hi me-re-eh-e-ti
470'. ina _szu-min_ {disz}um-ba-da-ra-a u3 {disz}{d}ag-saga-iq
471'. isz-ta-nap-pa-ra ar-hi-szam
472'. qe2-reb {kur}elam-ma{ki} usz-tar-ra-ah ina _ukken erin2-hi-a_-szu2
473'. um-ma ul u2-masz-szar a-di al-la-ku
474'. it-ti-szu2 ep-pu-szu2 mit-hu-s,u-tu2
475'. _ugu_ a-ma-a-ti an-na-a-ti
476'. sza {disz}te-um-man iq-bu-u2
477'. u2-sza2-an-nu-u-ni t,e3-e-mu
478'. at-kil a-na an-szar2 {d}sin {d}utu {d}en u {d}ag
479'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir sza2 u2-tak-kil-u-in-ni
480'. qi2-bit pi-i-szu2 er-hu ul am-gur2
481'. ul a-din-szu2 mun-nab-ti sza2-a-tu-nu
482'. {disz}te-um-man le-mut-tu isz-te-ne2-'i-i
483'. {d}sin isz-te-ne2-'a-szu2 _geszkim-mesz_ le-mut-ti
484'. ina _{iti}szu an-mi_ szat ur-ri _en zalag2_ usz-ta-ni-ih-ma
485'. {d}utu _igi_-szu2-ma ki-ma szu-a-tu-ma kal u4-me usz-ta-ni-ih
486'. a-na qi2-it _bala-mesz_ {disz}te-um-man _lugal_ {kur}elam-ma{ki}
487'. _zah2 kur_-szu2 u2-kal-lim-an-ni
488'. _gurun esz-bar_-szu2 sza2 la in-nen-nu-u2
489'. ina u4-me-szu2 mi-ih-ru im-hur-szu2-ma
490'. _nundum_-su uk-tam-bil-ma _igi-min_-szu2 is-hur-ma
491'. ga-ba-s,u isz-sza2-kin ina lib3-bi-sza2
492'. it-ti ep-sze-e-ti an-na-a-ti
493'. sza {d}sin u {d}1(u)-5(disz) e-pu-szu-usz
494'. ul i-ba-asz2 id-ka-a _erin2-hi-a_-szu2
495'. ina _{iti}ne iti_ na-an-mur-ti _mul-pan_
496'. i-sin-ni szar-ra-ti ka-bit-ti _dumu-munus_ {d}en-lil2
497'. a-na pa-lah3 _dingir_-ti-sza2 _gal_-ti
498'. asz2-ba-ak ina {iri}limmu2-dingir _iri_ na-ram lib3-bi-sza2
499'. asz2-szu2 ti-bu-ut {lu2}e-la-me-e sza2 ba-lu _dingir-mesz_
500'. it-ba-a u2-sza2-an-nu-u-ni t,e3-e-mu
501'. um-ma {disz}te-um-man ki-a-am iq-bi
502'. sza {d}1(u)-5(disz) u2-sza2-an-nu-u mi-lik t,e3-me-szu2
503'. sza iq-bu-u um-ma ul u2-masz-szar a-di al-la-ku
504'. it-ti-szu2 ep-pu-szu2 mit-hu-s,u-tu2
505'. szu-ut me-re-eh-ti an-ni-te
506'. sza {disz}te-um-man iq-bu-u
507'. am-hur sza2-qu-tu2 qa-rit-tu2 {d}isz-tar
508'. az-zi-iz a-na tar-s,i-sza2 ak-mi3-is sza2-pal-sza2
509'. _dingir_-us-sa u2-sap-pa-a il-la-ka di-ma-a-a
510'. um-ma {d}be-let {iri}limmu2-dingir{ki}
511'. a-na-ku {disz}an-szar2-du3-a _man kur_ asz-szur{ki}
512'. bi-nu-ut _szu-min_-ki sza2 ih-szu-hu-szu2 an-szar2 _ad_ ba-nu-ki
513'. a-na ud-du-usz esz-re-e-ti
514'. szul-lum par-s,e-szu2-un na-s,ar pi-risz-te-szu2-un
515'. szu-t,u-ub lib3-bi-szu2-un im-bu-u zi-kir-szu2
516'. a-na-ku asz2-re-e-ki asz2-te-ne2-'i-i
517'. al-li-ka a-na pa-lah _dingir_-ti-ki
518'. u3 szul-lum par-s,e-e-ki u3 szu-u2 {disz}te-um-man
519'. _lugal_ {kur}elam-ma{ki} la mu-sza2-qir _dingir-mesz_
520'. ku-us,-s,ur ka-li a-na mit-hu-s,i _erin2-hi-a_-ia
521'. um-ma at-ti {d}be-let be-le-e-ti
522'. i-lat _muru2_ be-let _me3_ ma-li-kat3 _dingir-mesz ad-mesz_-sza2
523'. sza ina ma-har an-szar2 _ad_ ba-ni-ki
524'. _munus saga_ taq-bi-i ina ni-isz _igi-min_-szu2 _ku3-mesz_
525'. ih-szu-ha-an-ni a-na _lugal_-u2-ti
526'. asz2-szu2 {disz}te-um-man _lugal_ {kur}elam-ma{ki}
527'. sza a-na an-szar2 _lugal dingir-mesz_
528'. _ad_ ba-ni-ki ih-tu-u bil-tu2
529'. id-ka-a _erin2-hi-a_-szu2 ik-s,u-ra ta-ha-zu
530'. u2-sza2-'a-a-la _{gesz}tukul-mesz_-szu2 a-na a-lak _kur_ asz-szur{ki}
531'. um-ma at-ti qa-rit-ti _dingir-mesz_
532'. _gin7 gun_ ina _muru2_ tam-ha-ri pu-ut,-t,i-ri-szu2-ma
533'. di-kisz-szu2 me-hu-u2 _im_ lem-nu
534'. in-he-ia szu-nu-hu-u-ti {d}1(u)-5(disz) isz-me-e-ma
535'. la ta-pal-lah iq-ba-a u2-szar-hi-s,a-an-ni lib3-bu
536'. a-na ni-isz _szu-min_-ka sza tasz-sza2-a
537'. _igi-min_-ka im-la-a di-im-tu2 ar-ta-szi _arhusz_
538'. ina szat mu-szi szu-a-tu sza2 am-hu-ru-szi
539'. 1(disz)-en szab-ru-u u2-tu-ul-ma i-na-at,-t,al _masz2-ge6_
540'. i-gi-il-ti-ma tab-rit mu-szi
541'. sza {d}1(u)-5(disz) u2-szab-ru-u-szu2 u2-sza2-an-na-a ia-a-ti
542'. um-ma {d}1(u)-5(disz) a-szi-bat {iri}limmu2-dingir e-ru-ba-am-ma
543'. 1(u) 5(disz) u 2(gesz2) 3(u)_ tul-la-a-ta? isz-pa-a-ti
544'. tam-ha-at _{gesz}pan_ ina i-di-sza2
545'. szal-pat nam-s,a-ru zaq-tu2 sza2 e-pesz _me3_
546'. ma-har-sza2 ta-zi-iz szi-i ki-i _ama_
547'. a-lit-ti i-tam-ma-a it-ti-ka
548'. il-si-ka {d}1(u)-5(disz) sza2-qu-ut _dingir-mesz_ i-sza2-kan-ka t,e3-e-mu
549'. um-ma ta-na-at,-t,a-la a-na e-pesz sza2-asz2-me
550'. a-szar pa-nu-u-a szak-nu te-ba-ku a-na-ku
551'. at-ta ta-qab-bi-szi um-ma a-szar tal-la-ki
552'. it-ti-ki lul-lik be-let _gaszan-mesz_
553'. szi-i tu-sza2-an-nak-ka um-ma at-ta a-kan-na
554'. lu-u asz2-ba-a-ta a-szar masz-kan2-i-ka
555'. a-kul a-ka-lu szi-ti ku-ru-un-nu
556'. nin-gu-tu2 szu-kun nu-'i-id _dingir_-u-ti
557'. a-di al-la-ku szip-ru szu2-a-tu2 ep-pe-szu2
558'. u2-szak-sza2-du s,u-um-me-rat lib3-bi-ka
559'. pa-nu-ka ul ur-raq ul i-nar3-ru-t,a _giri3-min_-ka
560'. ul ta-szam-mat, zu-ut-ka _muru2_ tam-ha-ri
561'. ina ki-rim-mi3-sza2 _du10-ga_ tah-s,i-in-ka-ma
562'. tah-ti-na gi-mir la-a-ni-ka
563'. pa-nu-usz-sza2 {d}gesz-bar in-na-pi-ih
564'. ez-zi-isz nam-ri-ri-isz _e3_-ma
565'. a-na ka-sza2-ad _{lu2}kur2_-sza2 _du_-ik
566'. e-li {disz}te-um-man _lugal_ {kur}elam-ma{ki}
567'. sza ug-ga-at pa-nu-usz-sza2 tasz-kun
568'. ina _{iti}kin_ szi-pir _{d}inanna-mesz_ i-sin-ni an-szar2 s,i-i-ri
569'. _iti_ {d}sin na-an-nar3 _an_-e u _ki_-tim
570'. at-kil a-na _esz-bar {d}nanna_-ri nam-ri
571'. u3 szi-pir {d}1(u)-5(disz) _gaszan_-ia sza la in-nen-nu-u
572'. ad-ke _erin2-mesz me3_-ia mun-dah-s,e
573'. sza ina qi2-bit an-szar2 {d}sin u {d}1(u)-5(disz)
574'. it-ta-na-asz2-ra-bi-t,u _muru2_ tam-ha-ri
575'. e-li {disz}te-um-man _man_ {kur}elam-ma{ki}
576'. ur-hu as,-bat-ma usz-te-sze-ra har-ra-nu
577'. el-la-mu-u-a {disz}te-um-man _man_ {kur}elam-ma{ki}
578'. ina {iri}e2-{disz}im-bi-i na-di ma-dak-tu
579'. e-reb _lugal_-ti-ia sza2 qe2-reb |BAD3.AN|{ki}
  n lines broken
580'. qe2-reb _du6-{iri}tu_-ba _bad5-bad5_-szu2-nu asz2-kun
581'. ina _adda-mesz_-szu2-nu {i7}u2-la-a-a as-ki-ir
582'. szal-ma-a-te-szu2-nu _gin7 {gesz}dih3_ u _{gesz}kiszi16_
583'. u2-mal-la-a ta-mir-ti {iri}szu-sza2-an
584'. _sag-du_ {disz}te-um-man _lugal_ {kur}elam-ma{ki}
585'. ina qi2-bit an-szar2 u {d}marduk _dingir-mesz gal-mesz_
586'. _en-mesz_-ia _ku5_-is ina _ukken erin2-hi-a_-szu2
587'. me2-lam-me an-szar2 u {d}1(u)-5(disz) {kur}elam-ma{ki}
588'. is-hu-up-ma ik-nu-szu2 a-na ni-ri-ia
589'. {disz}um-man-i-gasz sza2 in-nab-tu is,-ba-tu _giri3-min_-ia
590'. ina _{gesz}gu-za_-szu2 u2-sze-szib
591'. {disz}tam-ma-ri-tu _szesz_-szu2 szal-sza2-a-a
592'. ina {iri}hi-da-lu a-na _lugal_-u2-ti asz2-kun
593'. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
594'. s,i-mit-ti ni-i-ri {gesz}til-li si-mat _me3_
595'. sza ina tu-kul-ti an-szar2 {d}1(u)-5(disz) _dingir-mesz gal-mesz_
596'. bi-rit {iri}szu-sza2-an u {i7}u2-la-a-a
597'. ik-szu-da _szu-min_-a-a
598'. ina qi2-bit an-szar2 u {d}marduk
599'. _dingir-mesz gal-mesz en-mesz_-ia ul-tu qe2-reb {kur}elam-ma{ki}
600'. ha-disz u2-s,a-am-ma
601'. a-na gi-mir _erin2-hi-a_-ia sza2-lim-tu szak-na-at
602'. ina 8(disz)-e ger-ri-ia _ugu_ {disz}du-na-ni
603'. _dumu {disz}{d}en-ba_-sza2 a-na {kur}gam-bu-li lu-u al-lik
604'. sza a-na _lugal_ {kur}elam-ma{ki} it-tak-lu
605'. la ik-nu-szu2 ana _{gesz}szudun_-ia
606'. ta-ha-zi dan-nu {kur}gam-bu-lu a-na si-hir-ti-szu2
607'. _gin7_ im-ba-ri ak-tum3
608'. {iri}sza2-pi-i-{d}en _iri_ dan-nu-ti-szu2
609'. sza qe2-reb _id2-mesz_ na-da-at szu-bat-su ak-szu-ud
610'. {disz}du-na-nu _szesz-mesz_-szu2 ul-tu qe2-reb _iri_ szu2-a-tu2
611'. bal-t,u-us-su-un u2-sze-s,a-a
612'. _dam_-su _dumu-mesz_-szu2 _dumu-munus-mesz_-szu2
613'. {munus}sek-re-ti-szu2 _{lu2}nar-mesz {munus}nar-mesz_
614'. u2-sze-s,a-am-ma szal-la-tisz am-nu
615'. _ku3-babbar ku3-sig17 nig2-szu_ na-kam2-ti _e2-gal_-szu2
616'. u2-sze-s,a-am-ma szal-la-tisz am-nu
617'. {lu2}szu-ut _sag-mesz_ {lu2}man-za-az pa-ni-szu2
618'. {lu2}kit-ki-tu-u2 mu-sza2-ki-le-e-szu2
619'. u2-sze-s,a-am-ma szal-la-tisz am-nu
620'. gi-mir um-ma-ni ma-la ba-szu2-u mar-kas _iri_ u _edin_
621'. u2-sze-s,a-am-ma szal-la-tisz am-nu
622'. _gu4-mesz_ s,e-e-ni _ansze-kur-ra-mesz ansze-kunga-mesz_
623'. sza ni-ba la i-szu2-u u2-sze-s,a-am-ma szal-la-tisz am-nu
624'. _ug3-mesz kur_-szu2 zik-ra u sin-nisz _tur_ u _gal_ e-du ul e-zib
625'. u2-sze-s,a-am-ma szal-la-tisz am-nu
  n lines broken
626'. na-gu-u szu-a-tu u2-szah-rib
627'. ri-gim a-me-lu-ti ap-ru-sa _edin_-usz-szu2
628'. ina tu-kul-ti _dingir-mesz gal-mesz {lu2}kur2-mesz_-ia a-ni-ir
629'. szal-mesz a-tu-ra a-na nina{ki}
630'. _sag-du_ {disz}te-um-man _man_ {kur}elam-ma{ki}
631'. ina _gu2_ {disz}du-na-nu a-lul
632'. _sag-du_ {disz}{d}isz-tar-na-an-di ina _gu2_ {disz}sa-am-gu-nu
633'. _szesz_ {disz}du-na-nu tar-den-nu a-lul
634'. it-ti ki-szit-ti {kur}elam-ma{ki} szal-la-at {kur}gam-bu-li
635'. sza ina qi2-bit an-szar2 ik-szu-da _szu-min_-a-a
636'. it-ti _{lu2}nar-mesz_ e-pisz nin-gu-ti
637'. a-na nina{ki} e-ru-ub ina _hul2-mesz_
638'. {disz}um-ba-da-ra-a {disz}{d}ag-saga-iq
639'. _{lu2}mah-mesz_ sza2 {disz}te-um-man _man_ {kur}elam-ma{ki}
640'. sza {disz}te-um-man ina _szu-min_-szu2-nu
641'. isz-pu-ra szi-pir me-re-eh-ti
642'. sza ina mah-ri-ia ak-lu-u2
643'. u2-qa-'u-u pa-an szi-kin t,e3-e-me-ia
644'. ni-kis _sag-du_ {disz}te-um-man _en_-szu2-nu
645'. qe2-reb nina{ki} e-mu-ru-ma
646'. sza2-ne2-e t,e3-e-me is,-bat-su-nu-ti
647'. {disz}um-ba-da-ra-a ib-qu-ma ziq-na-a-szu2
648'. {disz}{d}ag-saga-iq ina _gir2 an-bar_ szib-bi-szu2 is-hu-la kar-as-su
649'. ni-kis _sag-du_ {disz}te-um-man ina _gaba abul muru2 iri_ sza nina{ki}
650'. u2-mah-hi-ra mah-hu-risz
651'. asz2-szu2 da-na-an an-szar2 u {d}1(u)-5(disz) _en-mesz_-ia _ug3-mesz_ kul-lu-me
652'. ni-kis _sag-du_ {disz}te-um-man _lugal_ {kur}elam-ma{ki}
653'. {disz}ibila-ia _dumu_ {disz}{d}ag-sa-lim
654'. _dumu dumu_ {disz}{d}marduk-a-asz
655'. sza la-pa-an _ad ad_ ba-ni-ia
656'. _ad_-szu2 in-nab-tu a-na {kur}elam-ma{ki}
657'. ul-tu {disz}um-man-i-gasz qe2-reb {kur}elam-ma{ki}
658'. asz2-ku-nu a-na _lugal_-u2-ti
659'. {disz}ibila-ia _dumu_ {disz}{d}ag-sa-lim
660'. is,-bat u2-sze-bi-la a-di _igi_-ia
661'. {disz}du-na-nu {disz}sa-am-gu-nu
662'. _dumu-mesz {disz}{d}en-ba_-sza2 {kur}gam-bu-la-a-a
663'. sza _ad-mesz_-szu2-nu a-na _lugal-mesz_
664'. _ad-mesz_-ia u2-dal-li-pu-ma
665'. u3 szu-nu u2-nar3-ri-t,u
666'. e-pesz _lugal_-ti-ia
667'. qe2-reb bal-til{ki} u3 {iri}limmu2-dingir
668'. a-na da-lal2 ah-ra-a-ti u2-bil-szu2-nu-ti
669'. {disz}ur-sa-a _man_ {kur}ur-ar-t,i
670'. da-na-an an-szar2 u {d}1(u)-5(disz)
671'. _en-mesz_-ia isz-me-e-ma
672'. pu-luh-ti _lugal_-ti-ia is-hup-szu2?-ma
673'. _{lu2}mah-mesz_-szu2 a-na sza2-'a-al szul-mi3-ia isz-pu-ra a-na qe2-reb {iri}limmu2-dingir{ki}
674'. _ansze-kur-ra-mesz ansze-kunga-mesz_ [...]
675'. qar-na-a-te _{gesz}gidri-mesz_ [...]
676'. {gesz}pu-ur-t,i-i ta-mar-ta-szu2 [...]
677'. {disz}{d}ag-saga-iq {disz}um-ba-da-ra-a _{lu2}mah-mesz_ sza {kur}elam-ma{ki}
678'. it-ti _{gesz}zu-mesz_ szi-pir me-re-eh-ti ul-ziz ina mah-ri-szu2-un
679'. sza {disz}man-nu-ki-pap-mesz {lu2}2(disz)-u sza2 {disz}du-na-ni
680'. u3 {disz}{d}ag-u2-s,al-li {lu2}sza2 _ugu iri_ {kur}gam-bu-li
681'. sza _ugu dingir-mesz_-ia iq-bu-u szil-la-tu2 _gal_-tu2
682'. qe2-reb {iri}limmu2-dingir _eme_-szu2-un asz2-lu-up asz2-hu-t,a _kusz_-szu2-un
683'. {disz}du-na-nu qe2-reb {iri}ni-na-a
684'. e-li {gesz}ma-ka-s,i id-du-szu2-ma
685'. it,-bu-hu-usz as-lisz
686'. si-it-ti _szesz-mesz_-szu2 sza2 {disz}du-na-ni
687'. u3 {disz}ibila-ia a-ni-ir _uzu-mesz_-szu2-nu u2-nak-kis
688'. u2-sze-bil a-na ta-mar-ti ma-ti-tan
689'. {disz}{d}ag-i {disz}{d}en-kar-ir _dumu-mesz {disz}{d}ag-mu-kam_-esz _{lu2}gu2-en-na_
690'. sza _ad_ ba-nu-szu2-un {disz}ur-ta-ki id-ka-a a-na mit-hu-s,i _kur_ uri{ki}
691'. _giri3-pad-ra2-mesz {disz}{d}ag-mu-kam_-esz sza ul-tu qe2-reb {kur}gam-bu-li
692'. il-qu-u-ni a-na _kur_ asz-szur{ki} _giri3-pad-ra2-mesz_ sza2-a-ti-na
693'. me2-eh-ret _abul muru2 iri_ nina{ki} u2-szah-szi-la _dumu-mesz_-szu2
694'. {disz}{d}gesz-nu11-mu-gi-na [...]
695'. asz2-ku-nu-usz a?-na [...]
696'. u2-nak-ki-sa su-lum-mu-u2 [...]
697'. _abul-mesz_ babila2{ki} x x? _ta_ [...]
698'. {disz}um-man-i-gasz [...] _ARAD_ da-gil2 pa-ni-ia
699'. sza a-na _lugal_-u-ti asz2-ku-nu ina {kur}e-lam-ti
700'. it-ti-ia [...] u2-szam-kir2-szu2-ma
701'. u2-sza2-as,-li-szu2 _{gesz}szudun_ be-lu-ti-ia
702'. _nig2-gur11_ e2-sag-il2 u e2-zi?-da? it-bal?-ma?
703'. u2-sze-bil? [...] x [...]
  n lines broken
704'. _erin2-mesz me3_-ia sza2 ina {kur}man-gi-si sza2 qe2-reb {iri}su-man-dir
705'. _edin_-usz-szu2-un e-lu-nim-ma
706'. isz-ku-nu tah-ta-szu2-un
707'. sza {disz}un-da-si _dumu_ {disz}te-um-man _lugal_ {kur}elam-ma{ki}
708'. sza {disz}za-za-az {disz}par-ru-u2 {disz}at-ta-me-tu
709'. _sag-du-mesz_-szu2-nu ik-ki-su-nim-ma
710'. u2-bil-u-ni a-di mah-ri-ia
711'. szu-ut a-ma-a-ti an-na-a-ti
712'. _{lu2}a kin_-ia u2-ma-'e-er s,e-er {disz}um-ma-ni?-gasz?
713'. {lu2}szu-ut _sag_-ia sza2 asz2-pu-ru ik-la-ma
714'. la u2-ter-ra tur-tu2 a-mat-ia
715'. an-szar2 {d}sin {d}utu {d}en {d}ag
716'. {d}masz {d}nusku? {d}u-gur
717'. _dingir-mesz_ tik-le-ia
718'. di-in kit-ti it-ti {disz}um-man-i-gasz
719'. i-di-nu-in-ni
720'. {disz}tam-ma-ri-tu _edin_-usz-szu2 ib-bal-kit-ma
721'. sza2-a-szu2 ga-du kim-ti-szu2 u2-ra-sib-szu2 ina _{gesz}tukul-mesz_
722'. {disz}tam-ma-ri-tu sza2 e-la {disz}um-man-i-gasz ek-s,u
723'. u2-szib ina _{gesz}gu-za_ {kur}elam-ma{ki}
724'. ki-ma sza2-a-szu2-ma ul-tu _szu-min {disz}{d}gesz-nu11-mu-gi-na_
725'. t,a-'a-a-tu2 im-hur
726'. ul isz-al szu-lum _lugal_-ti-ia
727'. a-na kit-ri {disz}{d}gesz-nu11-mu-gi-na
728'. _szesz_ la ke-e-nu il-lik-am-ma
729'. a-na mit-hu-s,i _erin2-hi-a_-ia
730'. ina su-up-pe-e sza an-szar2 u {d}1(u)-5(disz) u2-sap-pu-u
731'. un-ni-ni-ia il-qu-u2
732'. isz-mu-u2 zi-kir _nundum_-ia
733'. _ARAD-mesz_-szu2 _edin_-usz-szu2 ib-bal-ki-tu-ma
734'. a-ha-mesz u2-ra-si-bu _en hul_-ti3-ia
735'. {disz}in-da-bi-bi _ARAD_-su sza si-hu
736'. _ugu_-szu u2-szab-szu-u2 u2-szib ina _{gesz}gu-za_-szu2
737'. {disz}tam-ma-ri-tu _man_ {kur}elam-ma{ki}
738'. sza me-re-eh-tu iq-bu-u2
739'. e-li ni-kis _sag-du_ {disz}te-um-man
740'. sza ik-ki-su a-hu-ru-u2 _erin2-hi-a_-ia
741'. u3 _szesz-mesz_-szu2 qin-nu-szu2 _numun e2 ad_-szu
742'. it-ti 1(gesz2) 2(u) 5(disz) _nun-mesz_ sza2 {kur}elam-ma{ki}
743'. a-li-kut i-di-i-szu2
744'. sza la-pa-an _{gesz}tukul-mesz_ an-szar2 u {d}1(u)-5(disz) ip-par-szu-nim-ma
745'. a-na da-lal2 _dingir_-ti-szu2-nu _gal_-ti
746'. it-ti {disz}{d}marduk-man-pap {lu2}szu-ut _sag_-ia
747'. sza ib-szi-mu-szu2 ina da-na-ni
748'. mi-ra-nu-usz-szu2-un ina _ugu_ lib3-bi-szu-nu
749'. ip-szi-lu-nim-ma is,-ba-tu _giri3-min lugal_-ti-ia
750'. {disz}tam-ma-ri-tu a-na e-pesz _ARAD_-ti-ia
751'. ra-man-szu2 im-nu-ma
752'. a-na kat3-a-ri-szu2 u2-s,al-la-a _en_-u-ti
753'. szu-ut 1(disz)-en {lu2}szu-ut _sag_-ia
754'. an-szar2 {d}sin {d}utu {d}en {d}ag {d}masz? {d}nusku? {d}u-gur?
755'. _dingir-mesz_ ti-ik-le-ia
756'. 1(disz) _lim-a-a_ ri-bi-ia i-ri-bu-u2-ni
757'. {disz}tam-ma-ri-tu _ug3-mesz_ ma-la it-ti-szu2
758'. qe2-reb _e2-gal_-ia ul-zi-is-su-nu-ti
759'. _{gesz}pan-mesz_ sza {disz}tam-ma-ri-tu _man_ {kur}elam-ma{ki}
760'. qe2-reb {kur}elam-ma{ki} usz-tar-ri-hu ina lib3-bi-szi-na
761'. a-na mit-hu-s,i _erin2-hi-a kur_ asz-szur{ki}
762'. e-nen-na qe2-reb _kur_ asz-szur{ki}
763'. _{gesz}pan-mesz_ sza2-ti-na
764'. uq-t,a-na-ar-ra-ba a-na? [...]
765'. an-szar2 {d}sin {d}utu {d}en {d}ag
766'. {d}1(u)-5(disz) sza {iri}nina {d}szar-rat-kid-mu-ri
767'. {d}1(u)-5(disz) sza {iri}limmu2-dingir{ki}
768'. {d}masz {d}nusku {d}u-gur
769'. sza _{lu2}kur2-mesz_-ia [...]
770'. u3 si-it-tu-ti im-[...]
  n lines broken
771'. u2-s,a-am-ma x [...]
772'. lu-bu-usz-tu2 [...]
773'. a-na gat-ti-szu2 [...]
774'. ub-bu-t,u [...]
775'. mu-ut u2-bi-x [...]
776'. ir-ku-us [...]
777'. _nig2-szu-mesz_-szu2-nu [...]
778'. _nig2-ga-mesz_-szu2-nu gam?-lu?-u2-ti a?-na a-ki-li
779'. ina un-s,i ne2-eb-re-ti la ig-mi3-lu
780'. e-ku-lu _ur-gi7-mesz {d}nin-kilim-mesz_
781'. _nig2-gig_-szu2-nu ra-bu-u
782'. ina szam-mu pi-i-szu2-nu ig-mu-ru
783'. _musz gir2-tab_ nam-masz-ti qaq-qa-ri ma-la ba-szu2-u
784'. zer-man-du iq-ti-szu2-nu-ti
785'. ik-su-su gi-il-du ku-ru-us-su
786'. _{kusz}da-e-sir-mesz_ u _{kusz}e-sir2-mesz_
787'. a-na bu-ri-szu2-nu u2-t,a-ab-bi-hu
788'. _dumu-mesz dumu-munus-mesz szesz-mesz nin9-mesz_
789'. [...] _du3_-szu2-un _uzu-mesz dumu-mesz_-szu2-nu
790'. e-ku-lu ku-um _ninda-mesz_
791'. _usz2-mesz dumu-munus-mesz_-szu2-nu isz-ta-at-tu-u
792'. ku-um szi-ka-ri
793'. ina la ma-ka-le-e iq-ta-a i-zu-ba
794'. mesz-re-e-ti-szu2-nu e-mu-u sza2-lam-tisz2
795'. zi-i-me _ug3-mesz_ ku-ri u ni-is-sa-ti
796'. iq-t,u-ru _gin7_ qut-ri
797'. et,-lu sza ar-da-ti
798'. ar-da-tu sza et,-li
799'. ina re-bet _iri_ i-na-at,-t,a-lu pu-zur-szun3
800'. sza la s,u-ba-ti na-an-du-qu?
801'. te-di-iq _en_ ar-ni ba-sza2-mu u x [...]
802'. ih-szu-hu _un-mesz-[...]_
803'. mi-tu-tu _gin7 hal_ [...]
804'. re-e-me _ug3-mesz ig-[...]_
805'. _ad_ a-na _dumu_-szu2 _ama_ a-na _dumu-munus_-sza2
806'. ul i-ra-asz2-szi re-e-mu?
807'. et,-lu hi-rat-su un-da-asz2-szir
808'. _ad_ e-te-zib _dumu_ na-ram lib3-bi-szu2
809'. szu?-ut? mi3-tu-tu a-ha-mesz la na-t,a-li
810'. a-na _{lu2}kur2_ da-a-a-ki-szu2 it-ta-din pi-i-szu2
811'. szib-t,u _nam-usz2-mesz gig_ szu-ru-up-pu-u
812'. u2-s,a-hir _ug3-mesz kur uri{ki} du3_-szu2-un
813'. bi-rit _iri_ u _edin_ ig-mur-szu2-nu-ti
814'. _gir2 an-bar_ ha-an-t,u
815'. _szagina sipa_-szu2-nu ina _sza3_-szu2-nu e-zi-iz-ma
816'. u2-szam-qit si-it-tu2
817'. _adda-mesz un-mesz sila_ su-lu-u pur-ru-ku
818'. pu-uh-hu-u2 _ka2-mesz_
819'. _ugu iri_ u _nun_ sza2-qu-um-ma-tu2 na-da-ta
820'. sza2-hur-ra-tu tab-kat3
821'. ga-nun-szu2-un szu-uh-ru-ub
822'. _a-gar3-mesz?_-szu2-un ba-ku-u sa-ap-du
823'. _id2-mesz_-szu2-un sza u2-szah-bi-ba _a-mesz he2-nun_
824'. im-la-a sa-ki-ka
825'. {disz}{d}gesz-nu11-mu-gi-na _szesz_ nak-ri
826'. sza a-na _kur_ asz-szur{ki} ik-pu-du ne2-er-tu2
827'. u3 e-li an-szar2 _dingir_ ba-ni-ia
828'. iq-bu-u2 szil-la-tu2 _gal_-tu2
829'. mu-u-tu2 lem-nu i-szim-szu-ma
830'. ina mi-qit {d}gibil6 id-di-szu-ma
831'. u2-hal-li-qa nap-szat-su
832'. _{lu2}erin2-mesz_ e-pisz si-hi bar-ti
833'. ma-la it-ti-szu2 szak-nu e-du ul ip-par-szid
834'. mul-tah-t,u ul u2-s,i ina _szu-min_-ia
835'. lu-bul-tu szu-kut-tu2 a-qar-tu2 mim-ma si-mat _lugal_-ti
836'. hi-szih-ti _e2-gal_-szu2 ma-la ba-szu-u2
837'. {munus}sek-re-ti-szu2 _gal-mesz_-szu2 {lu2}szu-ut _sag-mesz_-szu2
838'. u3 _ug3-mesz_ li-bit _e2-gal_-szu2
839'. _ku3-babbar ku3-sig17 nig2-szu nig2-ga_
840'. _{gesz}gigir-mesz_ {gesz}sza2 sza2-da-di ru-kub _en_-u2-ti-szu2
841'. _ansze-kur-ra-mesz_ s,i-mit-ti ni-i-ri-szu2
842'. _ug3-mesz_ zi-kir u sin-nisz _tur_ u _gal_ sza2 la-pa-an mit-hu-s,i _{gesz}tukul-mesz_
843'. di-'u szib-t,u _nam-usz2-mesz_ u3 ne2-eb-re-tu2 i-sze-tu-ni
844'. ik-szu-da _szu-min_-a-a asz2-lu-la a-na _kur_ asz-szur{ki}
845'. _ug3-mesz en_ hi-it,-t,i
846'. an-nu kab-tu e-mid-su-nu-ti
847'. bu-un-na-an-ni-szu2-nu at-bal
848'. _kusz-mesz_-szu2-nu asz2-hu-ut,
849'. u2-nak-ki-sa _uzu-mesz_-szu2-un
850'. {disz}in-da-bi-bi sza2 _egir_ {disz}tam-ma-ri-ti
851'. u2-szi-bu ina _{gesz}gu-za_ {kur}elam-ma{ki}
852'. da-na-an _{gesz}tukul-mesz_-ia e-mur-ma
853'. sza2 ul-tu2 re-e-szi u2-szam-ri-ru _ugu_ {kur}elam-ma{ki}
854'. _dumu-mesz kur_ asz-szur{ki} sza2 asz2-pu-ru
855'. a-na kit-ri {disz}{d}ag-en-mu-mesz _dumu_ {disz}{d}marduk-a?-asz
856'. sza _gin7_ ib-ri tap-pe-e na-s,ar _kur_-szu2
857'. it-ta-na-al-la-ku it-ti-szu2
858'. sza2 {disz}{d}ag-en-mu-mesz ina pi-ir-s,a-a-ti
859'. ina szat mu-szi us,-s,ab-bi-tu ik-lu-u ina ki-li
860'. {disz}in-da-bi-bi _lugal_ {kur}elam-ma{ki}
861'. ul-tu2 _e2_ s,i-bit-ti u2-sze-s,a-asz2-szu2-nu-ti
862'. ki-i s,a-bat a-bu-ut-ti qa-be2-e _munus saga_-szu2
863'. la ha-t,e-e mi-s,ir _kur_-szu2
864'. ina _szu-min {lu2}a kin_-szu2 u2-sze-bi-la a-di _igi_-ia
865'. e-li {disz}{d}ag-en-mu-mesz _dumu_ {disz}{d}marduk-a-asz
866'. _ARAD_ da-gil2 pa-ni-ia
867'. sza2 in-nab-tu il-li-ku a-na {kur}elam-ma{ki}
868'. u3 si-it-ti _dumu-mesz kur_ asz-szur{ki}
869'. sza {disz}{d}ag-en-mu-mesz ina pi-ir-s,a-a-ti
870'. u2-s,ab-bi-tu u2-bi-lu it-ti-szu2
871'. ina _szu-min {lu2}a kin-mesz_-szu2 a-na {disz}in-da-bi-bi
872'. ki-a-am asz2-pur-szu-ma
873'. asz2-szu2 _ug3-mesz_ an-nu-u-ti la tu-sze-bi-la
874'. um-ma al-la-kam-ma _iri-mesz_-ka a-na-qar
875'. _ug3-mesz_ {iri}szu-sza2-an {iri}ma-dak-tu {iri}hi-da-lu a-szal-lal
876'. ul-tu _{gesz}gu-za lugal_-ti-ka a-dak-ke-ka-ma
877'. sza2-nam-ma ina _{gesz}gu-za_-ka u2-sze-szab
878'. ep-szet ina _igi_ {disz}te-um-man u2-szap-ri-ku u2-szam-har-ka ka-a-ta
879'. a-di _{lu2}a kin_-szu2 ma-har-szu2 la i-kasz-sza2-du
880'. la u2-sza2-an-nu-szu2 szi-kin t,e3-e-me-ia
881'. ina tukul-ti an-szar2 {d}sin {d}utu {d}en {d}ag
882'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir
883'. {d}masz {d}nusku {d}u-gur
884'. sza2 it-tal-la-ku _a2-min_-a-a
885'. i-na-ar-ru ga-re-ia
886'. a-lak? _{lu2}a kin_-ia sza a-na {iri}de-ri
887'. asz2-pu-ru isz-mu-u qe2-reb {kur}elam-ma{ki}
888'. pu-luh-ti _lugal_-ti-ia
889'. sza2 u2-za-'i-nu-in-ni _dingir-mesz gal-mesz_
890'. {kur}elam-ma{ki} is-hup-ma _un-mesz_ {kur}elam-ma{ki}
891'. s,e-er {disz}in-da-bi-bi ib-bal-ki-tu
892'. i-na-ru-usz i-na _{gesz}tukul-mesz_
893'. {disz}um-man-al-da-si _dumu_ {disz}at-ta-me-tu
894'. u2-sze-szi-bu ina _{gesz}gu-za_-szu2
895'. i-na 1(u)-e? ger-ri-ia
896'. a-na {kur}elam-ma{ki?} lu al-lik
897'. ina me-ti-iq ger-ri-ia
898'. {iri}e2-{disz}im-bi-i _iri_ tukul-ti {kur}elam-ma{ki?} ak?-szu?-ud
899'. [...] x-szu2
900'. [...] x x
  n lines broken
901'. [...] x x x x?
902'. [...] x _disz_ x x
903'. [...] x sza2 {kur}elam-ma{ki}
904'. [...] x isz-pu-ra-asz2-szu2
905'. [...] {disz}{d}gesz-nu11-mu-gi-na
906'. [...] _me3?_-ia ina u2-s,i mah-s,u
907'. [...] la? iq-tu-u2 nap-szat-su
908'. [...] la-pa-an _{gesz}tukul_ an-szar2 la pa-de-e
909'. a-na da-la-li ta-nit-ti an-szar2 u {d}1(u)-5(disz) _en-mesz_-ia
910'. e-disz-szi-szu2 in-nab-tu ana {kur}elam-ma{ki}
911'. {disz?}bar?-bu-ru _dumu_-szu2 ul-tu {iri}e2-{disz}im-bi-i
912'. u2-sze-s,a-am-ma _kusz_-szu2 asz2-hu-ut,
913'. {disz}tam-ma-ri-tu _man_ {kur}elam-ma{ki} mun-nab-tu
914'. sza ul-tu qe2-reb _kur_ asz-szur{ki}
915'. it-bu?-u2? il-li-ku ana {kur}elam-ma{ki}
916'. ti-ib _me3_-ia dan-ni
917'. [...] x _{gesz}tukul-mesz_-ia
918'. sza2 _ugu? {kur}elam-ma{ki?}_ u2-szam-ri-ru e-mur-ma
919'. [...] x x? x x?
  n lines broken
920'. {iri}ma-dak-tu2 _iri lugal_-ti-szu2 u2-masz-szir-ma
921'. in-na-bit-ma _kur_-szu2 e-li
922'. {disz}am-ba_-lagab_-u-a sza2 me2-eh-ret {disz}um-man-al-da-si
923'. asz2-bu ina _{gesz}gu-za_ {kur}elam-ma{ki} [...]
924'. u2-szi-[...] x _ia_ x [...]
925'. {iri}bu-bi-lu _iri?_ mu-szab _en_-ti-szu2 u2-masz-szir-ma
926'. ki?-ma _ku6-mesz?_ szu-pul _a-mesz_ is,-bat-ma
927'. in-na-bit? a-na ru-qe2-e-ti
928'. ina ta-a-a-ar-ti?-ia {iri}ga-tu-du
929'. {iri}ga-tu-du-ma {iri}da-e-ba
930'. {iri}na-di-i' {iri}bad3-am-na-ni
931'. {iri}bad3-am-na-ni-ma {iri}ha-ma-nu
932'. {iri}ta-ra-qu? {iri}ha-a-a-u2-si
933'. [...] {iri}ha-ra-a'
934'. {iri}e2-{disz}im-bi-i {iri}ma-dak-tu
935'. {iri}szu-sza2-an {iri}bu-be2-e
936'. {iri}sze-{disz}{d}szu2-man-a-ni {iri}ur-da-li-ka
937'. {iri}al-ga-ri-gi {iri}tu-u-bu
938'. {iri}du-un?_-lugal {iri}bad3_-{disz}un-da-si
939'. {iri}bad3-{disz}un-da-si-ma {iri}bu-bi-lu
940'. {iri}sa-am-u2-nu {iri}e2-{disz}bu-na-ki
941'. [...] {iri}qa-ba-ri-na
942'. {iri}qa-ba-ri-na-ma _iri-mesz_ szu-nu-ti
943'. ap-pul aq-qur ina {d}gesz-bar aq-mu
944'. _ug3?-mesz_-szu2-nu _gu4-mesz_-szu2-nu s,e-e-ni-szu2-nu
945'. _nig2-szu_-szu2-nu _nig2-gur11_-szu2-nu
946'. {gesz}s,u-um_-bi-mesz ansze-kur-ra-mesz_
947'. _ansze-kunga-mesz_ {gesz}til-li u2-nu-ut _me3_
948'. asz2-lu-la a-na _kur_ asz-szur{ki}
949'. _un-mesz_ {kur}elam-ma{ki} sza {disz}{d}sin-pap-mesz-su
950'. _ad ad_ ba-ni-ia ina _muru2_ ta-ha-zi
951'. _nundum-mesz_-szu2-un ip-ru-'u-u2-ma
952'. it-ba-lu bu-un-na-an-ni-szu2-un
953'. sza? ul-tu bi-rit _adda-mesz_
954'. _bad5-bad5?_ {kur}elam-ma{ki} in-nab-tu
955'. a-na szu-zu-ub _zi_-ti3-szu2-un
956'. ina tukul-ti an-szar2 u3 {d}isz-tar
957'. qa-a-ti ik-szu-us-su-nu-ti
958'. a-na _kur_ asz-szur{ki} u2-ra-a
959'. asz2-hu-t,a _kusz_-szu2-un
960'. _ug3-mesz_ unu{ki} nibru{ki} ud-ud-ag{ki}
961'. {kur}e2-{disz}dak-ku-ri {kur}e2-{disz}a-muk-ka-ni
962'. [...] x? x-ti _kur_ asz-szur{ki} i-har-ra-s,u
963'. i-t,ap-pu-u2 a-na {kur}elam-ma{ki}
964'. it-ti szal-lat {kur}elam-ma{ki}
965'. asz2-lu-la a-na _kur_ asz-szur{ki}
966'. e-li _ug3-mesz_ sza2-a-tu-nu
967'. asz2-al us,-s,i-is,
968'. ki-i hi-it,-t,i-szu-nu-ma
969'. a-nir-szu2-nu-ti ina _{gesz}tukul-mesz_
970'. _ug3-mesz_ u3 szal-la-at {kur}elam-ma{ki}
971'. sza ina qi2-bit an-szar2 {d}sin {d}utu {d}en {d}ag
972'. {d}1(u)-5(disz) sza nina{ki} {d}szar-rat-kid-mu-ri
973'. {d}1(u)-5(disz) sza {iri}limmu2-dingir{ki} {d}masz u {d}u-gur
974'. ah-bu-ta re-sze-e-ti
975'. a-na _dingir-mesz_-ia asz2-ruk
976'. _erin2-mesz {gesz}pan_ {gesz}a-ri-tu
977'. [...] ak-s,ur
978'. e-li ki-s,ir _lugal_-ti-ia u2-rad-di
979'. si-it-tu-ti a-na _{lu2}nam-mesz_-ia
980'. _{lu2}gal-mesz_-ia ma-ha-za-ni-ia
981'. [...] x-ia
982'. ki-ma s,e-e-ni u2-za-'i-iz?
983'. {disz}ia-u-ta-a' _dumu_ {disz}ha-za-a_-dingir_
984'. _lugal_ {kur}qa-ad-ri e-pisz _ARAD_-ti-ia
985'. asz2-szu2 _dingir-mesz_-szu2 im-hur-an-ni-ma
986'. u2-s,al-la-a _en_-u2-ti
987'. _mu dingir-mesz gal-mesz_ u2-sza2-az-kir2-szu2-u-ma
988'. {d}a-tar-sa-ma-in u2-ter-ma a-din-szu2
989'. ar-ka-nu ina a-de-ia ih-t,i-ma
990'. t,a-ab-ti la is,-s,ur-ma
991'. is,-la-a _{gesz}szudun_ be-lu-ti-ia
992'. a-na sza2-'a-al szul-mi3-ia
993'. _giri3-min_-szu2 ip-ru-us-ma
994'. ik-la-a ta-mar-ti
995'. _ug3-mesz_ {kur}a-ri-bi it-ti-szu2
996'. u2-sza2-bal-kit-ma ih-ta-nab-ba-tu2
997'. hu-bu-ut _kur_ mar-tu{ki}
998'. _erin2-hi-a_-ia sza2 ina mi-s,ir _kur_-szu2 asz2-bu
999'. u2-ma-'e-e-ra s,e-ru-usz-szu2
1000'. _bad5-bad5_-szu2-nu isz-ku-nu
1001'. _ug3-mesz_ {kur}a-ri-bi ma-la it-bu-u-ni
1002'. u2-ra-si-bu ina _{gesz}tukul-mesz_
1003'. _e2 edin_ kul-ta-ri mu-sza2-bi-szu2-nu
1004'. _izi_ u2-sza2-hi-zu ip-qi2-du a-na {d}gesz-bar
1005'. _gu4-mesz_ s,e-e-ni _ansze-mesz ansze-gam-mal-mesz_
1006'. a-me-lu-tu isz-lu-lu-u-ni ina la mi3-ni
1007'. se-he-ep _kur_ ka-la-mu a-na si-hir-ti-szu2
1008'. un-da-al-lu-u a-na pat, gim-ri-sza2
1009'. _ansze-gam-mal-mesz_ ki-ma s,e-e-ni
1010'. u2-par-ri-is u2-za-'i-iz
1011'. a-na _ug3-mesz kur_ asz-szur{ki}
1012'. qa-bal-ti _kur_-ia _ansze-gam-mal_
1013'. ina _gin2_ ina 1/2(disz) _gin2_ kas-pi
1014'. i-szam-mu ina _ka2_ ma-hi-ri
1015'. {munus}asz2-tam-mu ina ni-id-ni _{lu2}lunga2_ ina {dug}ha-be2-e
  n lines broken
1016'. {disz}ia-u-ta-a' ma-ru-usz-tu2 im-hur-szu-ma
1017'. e-disz-szi-szu2 in-na-bit a-na {kur}na-ba-a-a-ti
1018'. {disz}a-bi-ia-te-e' _dumu_ {disz}te-e'-ri
1019'. a-na nina{ki} il-li-kam-ma
1020'. u2-na-asz2-sziq _giri3-min_-ia
1021'. a-de-e a-na e-pesz _ARAD_-ti-ia
1022'. it-ti-szu2 asz2-kun
1023'. ku-um {disz}ia-u-ta-a' asz2-kun-szu2 a-na _lugal_-u-ti
1024'. _ku3-sig17 {na4}igi-min-mesz {na4}babbar-dili_ gu-uh-lu
1025'. _ansze-gam-mal-mesz ansze-mesz_ bit-ru-u2-ti
1026'. man-da-at-tu2 szat-ti-szam-ma
1027'. u2-kin _edin_-usz-szu2
1028'. {disz}am-mu-la-di-in _lugal_ {kur}qa-ad-ri
1029'. sza it-ti _kur_ asz-szur{ki} ik-ki-ru
1030'. ih-ta-nab-ba-tu2 hu-bu-ut _kur_ mar-tu{ki}
1031'. ina zi-kir _mu_-ia sza2 an-szar2 {d}sin {d}utu
1032'. {d}en {d}ag {d}1(u)-5(disz) sza nina{ki}
1033'. {d}szar-rat-kid-mu-ri {d}1(u)-5(disz) sza {iri}limmu2-dingir
1034'. {d}masz {d}nusku? {d}u-gur u2-szar-bu-u
1035'. {disz}ka-ma-as-hal-ta-a _man_ {kur}ma-'a-a-ba
1036'. _ARAD_ da-gil2 pa-ni-ia
1037'. ina _me3_ isz-ku-nu _bad5-bad5_-szu2
1038'. {disz}am-mu-la-di si-it-ti _ug3-mesz_-szu2
1039'. sza la-pa-an da-a-ki i-sze-tu-u2-ni
1040'. u2-s,ab-bit ina _szu-min szu-min_ u _giri3-min_
1041'. bi-re-tu2 _an-bar_ id-di-ma a-na nina{ki}
1042'. a-di mah-ri-ia u2-sze-bi-la
1043'. {disz}na-at-nu _lugal_ {kur}na-ba-a-a-ti
1044'. sza a-szar-szu2 ru-u2-qu
1045'. isz-ma-a da-na-an an-szar2 u {d}marduk
1046'. sza u2-tak-kil-u2-in-ni
1047'. sza ma-ti-ma a-na _lugal-mesz ad-mesz_-ia
1048'. _{lu2}a kin_-szu2 la isz-pu-ra
1049'. la isz-'a-a-lu4 szu-lum _lugal_-ti-ia
1050'. ul-tu {disz}ia-u-ta-a' _lugal_ {kur}a-ri-bi
1051'. _ARAD_ da-gil2 pa-ni-ia
1052'. a-na {kur}na-ba-a-a-ti in-nab-tu-ma
1053'. il-li-ku ma-har {disz}na-at-nu
1054'. {disz}na-at-nu a-na {disz}ia-u-ta-a' ki-a-am iq-bi-szu2
1055'. um-ma a-na-ku la _szu-min kur_ asz-szur{ki}
1056'. ul-te-zi-i-bi
1057'. u3 at-ta tasz-kun-an-ni a-na dan-nu-ti-ka
1058'. {disz}na-at-nu ip-lah3-ma ir-sza2-a na-kut-tu
1059'. _{lu2}a kin-mesz_-szu2 a-na sza2-'a-al szul-mi3-ia
1060'. isz-pur-am-ma u2-na-asz2-szi-qa _giri3-min_-ia
1061'. a-na sza2-kan a-de-e su-lum-me-e
1062'. e-pesz _ARAD_-ti-ia
1063'. u2-s,a-na-al-la-a be-lu-u-ti
1064'. a-na-ku ha-disz ap-pa-lis-szu-ma
1065'. pa-ni-ia _saga-mesz ugu_-szu2 asz2-kun
1066'. _gun_ man-da-at-tu szat-ti-szam-ma
1067'. u2-kin s,e-ru-usz-szu2
1068'. ina u4-me-szu2-ma _e2_ {d}ag sza qe2-reb {iri}kal3-ha
1069'. sza {disz}{d}iszkur-erin2-tah2 _dumu_ {disz}szam-szi-{d}iszkur _man kur_ asz-szur{ki}
1070'. _lugal_ pa-ni mah-ri-ia e-pu-szu2
1071'. il-li-ka la-ba-risz
1072'. an-hu-us-su ad-ke-e-ma
1073'. ina _kasz-sag_ u _gesztin-mesz_ ab-lu-la ka-lak-ku
1074'. za-bil tup-szik-ki ina me-lu-li il-bi-nu li-bit-tu2
1075'. ina za-ma-ri _hul2-mesz_ u ri-sza2-a-ti
1076'. ul-tu _usz8_-szu2 a-di _gaba-dib_-szu2
1077'. ar-s,ip u2-szak-lil
1078'. _gesz-ur3-mesz {gesz}eren-mah-mesz_ u2-szat-ri-s,a _ugu_-szu2
1079'. x x x x? us-si-ma gi-mir pa-asz2-qi2-szu2
1080'. _mu-sar_-u2 szi-t,ir _mu_-ia
1081'. ta-nit-ti qar-ra-du-ti-ia
1082'. sza ina tukul-ti an-szar2 {d}sin {d}utu
1083'. {d}en u {d}ag {d}1(u)-5(disz) sza nina{ki}
1084'. {d}1(u)-5(disz) sza {iri}limmu2-dingir {d}masz {d}nusku {d}u-gur
1085'. ina _kur-kur_ at-tal-la-ku
1086'. asz2-ku-nu da-na-nu u li-i-tu2
1087'. asz2-t,ur-ma e-zi-ba ah-ra-tasz
1088'. a-na _egir_ u4-me ina _lugal-mesz dumu-mesz_-ia
1089'. sza an-szar2 u3 {d}1(u)-5(disz)?
1090'. a-na be-lut _kur_ u _ug3-mesz_ i-nam-bu-u2 zi-kir-szu2
1091'. _mu-sar_ szi-t,ir _mu_-ia li-mur-ma
1092'. _i3-gesz_ lip-szu2-usz _{udu}siskur_ liq-qi2
1093'. it-ti _mu-sar_-e szi-t,ir _mu_-szu2 lisz-kun
1094'. _dingir-mesz gal-mesz_ ma-la ina _mu-sar_-e
1095'. an-ne2-e szat,-ru
1096'. ki-i ia-a-ti-ma lisz-ru-ku-szu2
1097'. da-na-nu u li-i-tu2
1098'. sza _mu-sar_-u2 szi-t,ir _mu_-ia
1099'. szu-me {disz}an-szar2-pap-asz _ad_-ia
1100'. u3 {disz}{d}sin-pap-mesz-su _ad ad_-ia ib-ba-tu2
1101'. it-ti _mu-sar_-e-szu2 la i-szak-ka-nu
1102'. _dingir-mesz gal-mesz_ a-szi-bu-ut _an_-e u _ki_-tim
1103'. ag-gesz li-ru-ru-szu2
1104'. _lugal_-us-su lis-ki-pu
1105'. _mu_-szu2 _numun_-szu2 ina _kur_ li-hal-li-qu

No image available

CUSAS 40, 0271 (P515055)

Primary Publication:

Collection:

Museum no.: IM —

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Ibbi-Suen.01.11.00

Transliteration:
 atf: lang sux
tablet
obverse
1. 1(disz) ab2 szu-gi4
2. ki ku-ku unu3-ta
3. 1(disz) ab2 szu-gi4
4. ki szu-{d}nisaba unu3
5. ugula me-et-lik szusz3
reverse
1. ba-a-ga kuruszda i3-dab5
  blank space
2. iti ezem-a-dara4#
3. mu {d}i-bi2-{d}suen lugal

No image available

CUSAS 40, 0322 (P515106)

Primary Publication:

Collection:

Museum no.: IM —

Provenience: Irisagrig (mod. uncertain)

Period: Ur III (ca. 2100-2000 BC)

Object Type: tablet or envelope > tablet

Material: clay

Date: Šū-Suen.04.11.00

Transliteration:
 atf: lang sux
tablet
obverse
1. 2(disz) ab2 szu-gi4
2. ki me-et-lik unu3-ta
3. 1(disz) ab2 szu-gi4
4. ki szu-ma-ma unu3-ta
5. 1(disz) ab2 szu-gi4
6. ki ib-ba-ba unu3-ta
7. 1(disz) ab2 szu-gi4
8. ki ur-{d}lugal-banda3{+da} unu3-ta
9. 1(disz) ab2 mu 2(asz)
reverse
1. ki ba-ba unu3 dumu szu-{d}nin-szubur-ta
2. 1(disz) ab2 mu 2(asz)
3. ki szu-{d}nisaba unu3-ta
4. 2(disz) ab2 mu 1(asz)
5. ki ma-at-i3-li2 unu3-ta
6. ugula be-li2-kal szusz3
7. ba-a-ga kuruszda i3-dab5
8. iti ezem-a-dara4
9. mu bad3 mar-tu ba-du3

No image available

RINAP 5/1 Ashurbanipal 008 composite (P514717)

Composite

Composite No.: Q003707

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 008 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
  beginning broken
1'. _szu-min_ {d}sin {d}nusku as,-bat u2-sze-rib u2-sze-szib ina _bara2_
2'. da-ra-a-ti esz-re-e-ti _kur_ asz-szur{ki} u? _kur_ uri{ki}
3'. a-na si-hir-ti-szi-na u2-szak-lil
4'. mim-ma si-mat e2-kur ma-la ba-szu2-u sza2 _ku3-babbar ku3-sig17_ e-pu-usz
5'. e-li sza _lugal-mesz ad-mesz_-ia u2-rad-di
6'. _dingir-mesz gal-mesz_ ti-ik-le-ia
7'. ina at-ma-ni-szu2-nu s,i-i-ri u2-sze-szib-szu2-nu-ti
8'. _{udu}siskur-mesz_ tasz-ri-ih-ti ma-har-szu2-un aq-qi2
9'. u2-szam-hi-ra kad3-ra-a-a
10'. sat-tuk-ku gi-nu-u2 _ugu_ sza2 u4-me ul-lu-ti
11'. u2-sza2-tir-ma ar-ku-us
12'. _alam-mesz lugal_-ti-ia sza2 _ku3-babbar ku3-sig17 uruda_ nam-ri
13'. ina szi-pir {d}nin-a2-gal {d}ku3-sig17-banda3{+da}
14'. {d}nin-kur-ra nak-lisz u2-sze-pisz-ma?
15'. a-na mu-ter-ri-szi _ti-la_-ia
16'. ma-har _dingir-mesz_ ti-ik-le-ia u2-kin na-an-za-sun2
17'. ul-tu s,e-he-ri-ia a-di ru-be2-ia
18'. asz2-te-'a-a asz2-rat _dingir-mesz gal-mesz_
19'. {lu2}sza2-an-gu-ti ih-szu-hu
20'. i-ram-mu na-dan zi-bi-ia
21'. {d}iszkur _szeg3-mesz_-szu2 u2-masz-sze-ra
22'. {d}e2-a u2-pat,-t,i-ra _idim-mesz_-szu2
23'. 5(disz) _kusz3 sze-am_ isz-qu ina _ab-sin2_-ni-sza2
24'. e-ri-ik szu-bul-tu2 5/6(disz) _kusz3_
25'. _si-sa2 buru14_ na-pa-asz2 {d}nisaba
26'. ka-a-a-an u2-szah-na-bu gi-pa-ru
27'. s,ip-pa-a-ti szu-um-mu-ha in-bu
28'. _masz2-ansze_ szu-te-szur ina ta-lit-ti
29'. ina _bala-mesz_-ia _he2-nun_ t,uh-du
30'. ina _mu-an-na-mesz_-ia ku-um-mu-ru _he2-gal2_-lum
31'. 1(u) 2(disz) _ansze sze-pad-mesz_ 3(disz) _ansze gesztin-mesz_
32'. _2(ban2) i3-mesz gun sig2-mesz_
33'. ina nap-har _kur_-ia _ki-lam_ nap-szu2
34'. i-szam-mu ina 1(disz) _gin2_ kas-pi
  n lines broken
35'. sza la-pa-an ti-bu-ut {disz}tar-qu-u
36'. pi-qit-ta-szu2-un u2-masz-sze-ru im-lu-u2 _edin_
37'. u2-ter-ma a-szar pi-qit-ti-szu2-un
38'. ina masz-kan2-i-szu2-nu ul-zi-is-su-nu-ti?
39'. {kur}mu-s,ur u {kur}ku-u-si sza2 _ad_ ba-nu-u-a
40'. ik-szu-du a-na esz-szu-ti as,-bat
41'. _en-nun-mesz_-szu2 _ugu_ sza2 u4-me pa-ni u2-dan-nin
42'. u2-rak-ki-sa rik-se-szu2
43'. it-ti hu-ub-ti ma-a'-di
44'. szal-la-ti ka-bit-ti
45'. pa-an _{gesz}szudun_-ia u2-ter-ra-am-ma
46'. szal-mesz a-tu-ra a-na _kur_ asz-szur{ki}
47'. _egir_-nu {disz}ni-ku-u2? {disz}lugal-lu-da3-ri
48'. {disz}pa-aq-ru-ru ina a-de-ia ih-t,u-u
49'. la is,-s,u-ru ma-mit _dingir-mesz gal-mesz_
50'. t,a-ab-ti im-szu-ma lib3-ba-szu2-nu ik-pu-ud _hul_-tu2
51'. da-bab sur-ra-a-ti id-bu-bu-ma
52'. mi3-lik la ku-sziri4 im-li-ku ra-man-szu2-un
53'. um-ma {disz}tar-qu-u ul-tu qe2-reb {kur}mu-s,ur
54'. i-na-sah-u2-ma at-tu-ni a-sza2-ba-ni mi-i-nu
55'. e-li {disz}tar-qu-u _man_ {kur}ku-u-si
56'. a-na sza2-kan a-de-e u sa-li-me
57'. u2-ma-'e-e-ru {lu2}rak-be2-szu2-un
58'. um-ma su-lum-mu-u ina bi-ri-ni lisz-sza2-kin-ma
59'. ni-in-dag-ga-ra a-ha-mesz
60'. _kur_ a-he-en-na-a ni-zu-uz-ma
61'. a-a ib-ba-szi ina bi-ri-ni
62'. sza2-nu-um-ma be-lum
63'. a-na _erin2-hi-a kur_ asz-szur{ki} e-muq _en_-ti-ia
64'. sza2 na-kas _zi_-tim isz-te-ne2-'u-u2 a-mat _hul_-tim
65'. {lu2}szu-ut _sag-mesz_-ia a-ma-a-ti an-na-a-ti isz-mu-u-ma
66'. {lu2}rak-be2-szu2-un a-di szip-ra-ti-szu2-un
67'. ($ blank space $) is,-ba-tu-nim-ma
  n lines broken
68'. a-na e-pesz _{munus}agrig_-u2-ti u2-bi-la a-di? mah?-ri-ia
69'. _dumu_-szu2 ma-ti-ma ti-amtu? la e-bi-ra
70'. isz-sza2-a a-na e-pesz _ARAD_-ti-ia
71'. _dumu-munus_-su u3 _dumu-munus szesz-mesz_-szu2
72'. it-ti ter-ha-ti ma-a'-as-si am-hur-szu2
73'. re-e-mu ar-szi-szu2-ma
74'. _dumu_ s,i-it lib3-bi-szu2 u2-ter-ma a-din-szu2
75'. {iri}hal-s,u-_mesz_ sza2 _ugu_ {disz}ba-'a-li
76'. _lugal_ {kur}s,ur-ri u2-rak-ki-su ap-t,ur
77'. ina tam-tim u na-ba-li ger-re-te-e-szu2
78'. ma-la u2-s,ab-bi-tu ap-ti
79'. ma-da-at-ta-szu2 ka-bit-tu am-hur-szu2
80'. pa-an _{gesz}szudun_-ia u2-ter-ram-ma
81'. szal-mesz a-tu-ra a-na _kur_ asz-szur{ki}
82'. ma-al-ki _muru2_ tam-tim u
83'. _lugal-mesz_ a-szib szad-de-e sza2-qu-u-ti
84'. da-na-an ep-sze-ti-ia an-na-a-ti
85'. e-mu-ru-ma ip-la-hu _en_-u-ti
86'. {disz}ia-ki-in-lu-u _lugal_ {kur}ar-u2-a-da
87'. {disz}mu-gal-lu _lugal_ {kur}tab-a-la
88'. {disz}sa-an-di-szar-me {kur}hi-lak-ka-a-a
89'. sza a-na _lugal-mesz ad-mesz_-ia la kan-szu2
90'. ik-nu-szu2 a-na _{gesz}szudun_-ia
91'. _dumu-munus-mesz_ s,i-it lib3-bi-szu2-nu
92'. it-ti nu-dun-ne2-e ma-a'-di
93'. u3 ter-ha-ti ma-a'-as-si
94'. a-na e-pesz _{munus}agrig_-u2-ti
95'. a-na nina{ki} u2-bi-lu-nim-ma
96'. u2-na-asz2-szi-qu _giri3-min_-ia
97'. e-li {disz}mu-gal-lu _ansze-kur-ra-mesz gal-mesz_
98'. ma-da-at-tu szat-ti-szam-ma u2-kin _edin_-usz-szu2
99'. ul-tu {disz}ia-ki-in-lu-u _lugal_ {kur}ar-u2-a-da
100'. il-li-ku a-na szim-ti
101'. {disz}a-zi-ba-a'-al {disz}a-bi-ba-a'-al
102'. {disz}a-du-ni-ba-a'-al
103'. _dumu-mesz_ {disz}ia-ki-in-lu-u a-szib _muru2_ tam-tim
104'. ul-tu _muru2_ tam-tim e-lu-nim-ma
105'. it-ti ta-mar-ti-szu2-nu ka-bit-ti
106'. il-lik-u2-nim-ma u2-na-asz2-szi-qu _giri3-min_-ia
107'. {disz}a-zi-ba-a'-al ha-disz ap-pa-lis-ma
108'. a-na _lugal_-ti {kur}a-ru-ad-da asz2-kun
109'. {disz}a-bi-ba-a'-al {disz}a-du-ni-ba-a'-al
110'. lu-bul-tu bir-me u2-lab-bisz-ma
111'. _har-mesz ku3-sig17_ asz-kun
112'. ina mah-ri-ia ul-zis-su-nu-ti
  n lines broken
113'. sza ina ter-s,i _lugal-mesz ad-mesz_-ia e-ki-mu {kur}man-na-a-a
114'. da-ad2-me sza2-a-tu-nu ak-szu-ud
115'. {kur}man-na-a-a ul-tu lib3-bi as-suh
116'. _ansze-kur-ra-mesz_ {gesz}til-li u2-nu-ut _me3_-szu2-nu
  n lines broken
117'. u2-szib ina _{gesz}gu-za_-szu2
118'. da-na-an an-szar2 {d}sin {d}utu {d}en {d}ag
119'. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}nusku {d}u-gur
120'. _dingir-mesz gal-mesz en-mesz_-ia e-mur-ma
121'. ik-nu-sza2 a-na _{gesz}szudun_-ia
122'. asz2-szu2 ba-lat, _zi_-ti3-szu2 up-na-a-szu2 ip-ta-a
123'. u2-s,al-la-a _en_-u2-ti
124'. {disz}e-ri-si-in-ni _dumu usz_-ti-szu2
125'. a-na nina{ki} isz-pur-am-ma
126'. u2-na-asz2-szi-qa _giri3-min-mesz_-ia
127'. re-e-mu ar-szi-szu2
128'. _{lu2}a_ szip-ri-ia sza szul-me
129'. u2-ma-'e-er _edin_-usz-szu2
130'. _dumu-munus_ s,i-it lib3-bi-szu2 u2-sze-bi-la
131'. a-na e-pesz _{munus}agrig_-u2-ti
132'. ma-da-ta-szu2 mah-ri-tu2
133'. sza ina ter-s,i _lugal-mesz ad-mesz_-ia
134'. u2-szab-t,i-lu isz-szu-u-ni a-di _igi_-ia
135'. 3(u) _ansze-kur-ra-mesz_
136'. _ugu_ ma-da-at-ti-szu2 mah-ri-ti
137'. u2-rad-di-ma e-mi3-is-su
138'. ina u4-me-szu2 {disz}bi-ri-is-ha-at-ri _{lu2}en-iri_ sza mad-a-a
  n lines broken
139'. {disz?}te-um-man le-mut-tu isz-te-ne2-'i-i
140'. {d}sin isz-te-ne2-'a-szu2 _geszkim-mesz_ le-mut-ti
141'. ina _{iti}szu an-mi_ szat ur-ri _en zalag2_ usz-ta-ni-ih-ma
142'. {d}utu _igi_-szu2-ma ki-ma szu-a-tu-ma
143'. kal u4-me usz-ta-ni-ih
144'. a-na qi2-it _bala-mesz_ {disz}te-um-man _lugal_ {kur}elam-ma{ki}
145'. _zah2 kur_-szu2 u2-kal-lim-an-ni
146'. _gurun esz-bar_-szu2 sza2 la in-nen-nu-u2
147'. ina u4-me-szu2 mi-ih-ru im-hur-szu2-ma
148'. _nundum_-su uk-tam-bil-ma _igi-min_-szu2 is-hur-ma
149'. it-ti ep-sze-e-ti an-na-a-ti
150'. sza2 {d}sin u {d}1(u)-5(disz) e-pu-szu-usz
  n lines broken
151'. {disz}tam-ma-ri-tu _szesz_-szu2 szal-sza2-a-a
152'. ina {iri}hi-da-lu a-na _lugal_-u2-ti asz2-kun?
153'. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
154'. s,i-mit-ti ni-i-ri {gesz}til-li si-mat _me3_
155'. sza ina tu-kul-ti an-szar2 {d}1(u)-5(disz) _dingir-mesz gal-mesz_
156'. bi-rit {iri}szu-sza2-an u {i7}u2-la-a-a
157'. ik-szu-da _szu-min_-a-a
158'. ina qi2-bit an-szar2 u _dingir-mesz gal-mesz en-mesz_-ia ul-tu qe2-reb
159'. {kur}elam-ma{ki} ha-disz u2-s,a-am-ma
160'. a-na gi-mir _erin2-hi-a_-ia sza2-lim-tu szak-na-at
161'. ina 8(disz)-e ger-ri-ia
162'. _ugu_ {disz}du-na-nu _dumu {disz}{d}en-ba_-sza2
163'. a-na {kur}gam-bu-li? lu-u al-lik
164'. sza a-na _lugal_ {kur}elam-ma{ki} it-tak-lu?
165'. la-a ik-nu-szu2 ana _{gesz}szudun_-ia
166'. ta-ha-zi dan-nu
167'. {kur}gam-bu-lu a-na si-hir-ti?-szu2
168'. _gin7 muru9_ ak-tum3?
169'. {iri}sza2-pi-i-{d}en _iri_ dan-nu-ti-szu2
170'. sza qe2-reb _id2-mesz_ na-da-at szu-bat-su ak-szu?-ud
171'. {disz}du-na-nu _szesz-mesz_-szu2 ul-tu qe2-reb _iri_ szu2-a-tu
172'. bal-t,u-us-su-un u2-sze-s,a-a
173'. _dam_-su _dumu-mesz_-szu2 _dumu-munus-mesz_-szu2
174'. {munus}sek-re-ti-szu2 _{lu2}nar-mesz {munus}nar-mesz_
175'. u2-sze-s,a-am-ma szal-la-tisz am-nu
176'. _ku3-babbar ku3-sig17 nig2-szu_ na-kam2-ti _e2-gal_-szu2
177'. u2-sze-s,a-am-ma szal-la-tisz am-nu
178'. {lu2}szu-ut _sag-mesz_ {lu2}man-za-az pa-ni-szu2?
179'. {lu2}kit-ki-tu-u2 mu-sza2-ki-le-e-szu2
180'. u2-sze-s,a-am-ma szal-la-tisz am-nu
181'. gi-mir um-ma-a-ni ma-la ba-szu-u
182'. mar-kas _iri_ u _edin_
183'. u2-sze-s,a-am-ma szal-la-tisz am-nu
184'. _gu4-mesz_ s,e-e-ni _ansze-kur-ra-mesz ansze-kunga-mesz_
185'. sza ni-ba la i-szu?-u
186'. u2-sze-s,a-am-ma szal-la-tisz am-nu
187'. _ug3-mesz kur_-szu2 zik-ra u sin-nisz _tur_ u? _gal_
188'. e-du ul e-zib
189'. u2-sze-s,a-am-ma szal-la-tisz? am-nu
190'. {disz}mas-si-ra-a _{lu2}gal {gesz}pan_
191'. sza2 {disz}te-um-man _lugal_ {kur}elam-ma{ki}
192'. sza2 a-na kit-ri {kur}gam-bu-li
193'. ma-s,ar-tu {disz}du-na-nu asz2-bu
194'. qe2-reb {iri}sza2-pi-i-{d}en
195'. bal-t,u-us-su ina qa-ti as,-bat
196'. _sag-du_-su ak-kis2 it-ti pa-ni {disz}du-na-nu
197'. kit-ri la mu-sze-zib-i-szu2 ar?-pi-is
198'. _iri_ szu-a-tu ap-pul aq-qur
199'. ina _a-mesz_ usz-har-mit, a-di la ba-sze-e u2-sza2-lik
200'. na-gu-u szu-a-tu u2-szah-rib
201'. ri-gim a-me-lu-ti ap-ru-sa _edin_-usz-szu2
202'. ina tu-kul-ti _dingir-mesz gal-mesz {lu2}kur2-mesz_-ia a-ni?-ir?
203'. szal-mesz a-tu-ra a-na _kur_ asz-szur
204'. _sag-du_ {disz}te-um-man _man_ {kur}elam-ma{ki}
  n lines broken
205'. [...] iq-bu-u
206'. [...] la? t,a-a-bu
207'. qe2-reb {iri}limmu2-dingir _eme_-szu2-un asz2-lu-up
208'. asz2-hu-t,a _kusz_-szu2-un
209'. {disz}du-na-nu [...] hi-ri-is, _gal5-la2-mesz_
210'. [...] la? e-pesz _ARAD_-ti-ia2
211'. [...] mesz-re-ti-szu2? u2-par-ri-is
212'. [...] _lugal-mesz_ a-szib pa-rak-ki
213'. [...] u2-sze-bil
214'. si-it-ti _szesz-mesz_-szu2 sza2 {disz}du-na-nu
215'. u3 {disz}ibila-a-a? a-ni-ir
216'. _uzu-mesz_-szu2-nu u2-nak-kis u2-sze-bil a-na ta-mar-ti ma-ti-tan
217'. {disz}{d}ag-i {disz}{d}en-kar-ir _dumu-mesz_ {disz}{d}ag-mu-kam-esz _{lu2}gu2-en-na_
218'. sza _ad_ ba-nu-szu2-un {disz}ur-ta-ki id-ka-a
219'. a-na mit-hu-s,i _kur_ uri{ki}
220'. _giri3-pad-ra2-mesz {disz}{d}ag-mu-kam_-esz
221'. sza ul-tu qe2-reb {kur}gam-bu-li il-qu-u-ni a-na _kur_ asz-szur{ki}
  n lines broken
222'. ter-ra tuk-te-e _ad_ ba-ni-ka
223'. {disz}un-da-su {disz}za-za-az {disz}pa-ru-u
224'. {disz}at-ta-me-tu {disz}ne2-e-szu2
225'. it-ti _{lu2}a kin-mesz_ sza2 {disz}{d}gesz-nu11-mu-gi-na
226'. _szesz_ nak?-ri ur-hu is,-ba-tu-nim-ma
227'. usz-te-esz-szer-u-ni har-ra-nu
228'. _erin2-mesz me3_-ia sza2 ina {kur}man-gi-si
229'. sza? qe2-reb {iri}su-man-dir
  n lines broken
230'. u2-ma?-'e-er s,e-er {disz}um-man-i-gasz
231'. {lu2?}szu-ut _sag_-ia sza2
232'. asz2-pu?-ra ik-la-ma
233'. la u2?-ter-ra tur-tu2 a-mat-ia
234'. an-szar2 {d}sin {d}utu {d}en {d}ag {d}u-gur
235'. _dingir-mesz_ tik-le-ia
236'. di-in kit-ti it-ti {disz}um-man-i-gasz i-di-nu-in-ni
237'. {disz}tam-ma-ri-tu _edin_-usz-szu2 ib-bal-kit-ma
238'. sza2-a-szu2 ga-du kim-ti-szu2 u2-ra-sib-szu2 ina _{gesz}tukul-mesz_
239'. {disz}tam-ma-ri-tu sza2 e-la {disz}um-man-i-gasz ek-s,u
240'. u2-szib ina _{gesz}gu-za_ {kur}elam-ma{ki}
241'. ki-ma sza2-a-szu2-ma ul-tu _szu-min {disz}{d}gesz-nu11-mu-gi-na_
242'. t,a-'a-a-tu2 im-hur ul isz-al szu-lum _lugal_-ti-ia
243'. a-na kit-ri {disz}{d}gesz-nu11-mu-gi-na
244'. _szesz_ la ke-e-nu il-lik-am-ma
245'. a-na mit-hu-s,i _erin2-hi-a_-ia
246'. ina su-up-pe-e sza an-szar2 u {d}1(u)-5(disz) u2-sap-pu-u
247'. un-ni-ni-ia il-qu-u2?
248'. isz-mu-u zi-kir _nundum_-ia
249'. _ARAD-mesz_-szu2 _edin_-usz-szu2 ib-bal-ki-tu-ma
250'. a-ha-mesz u2-ra-si-bu _en munus-hul_-ia
251'. {disz}in-da-bi-bi _ARAD_-su sza si-hu _ugu_-szu2 u2-szab-szu2-u
252'. u2-szib ina _{gesz}gu-za_-szu2 {disz}tam-ma-ri-tu _man_ {kur}elam-ma{ki}
253'. sza _ugu_ ni-kis _sag-du_ {disz}te-um-man me-re-eh-tu
254'. iq-bu-u sza2 ik-ki-su a-hu-ru-u2 _erin2-hi-a_-ia2
255'. um-ma i-nak-ki-su-u _sag-du man_ {kur}elam-ma{ki}
256'. ina qe2-reb _kur_-szu2 ina _ukken erin2-hi-a_-szu2 sza2-ni-ia-a-nu iq-bi u3 {disz}um-man-i-gasz
257'. ke-e u2-na-asz2-sziq qaq-qa-ru ina pa-an _{lu2}a kin-mesz_
258'. sza {disz}asz-szur-du3-a _man kur_ an-szar2{ki} bi-nu-ut an-szar2 u? {d}nin-lil2
259'. _ugu_ a-ma-a-ti an-na-a-ti sza2 il-zi-nu an-szar2 u {d}nin-lil2? e-ri-hu-szu2-ma
260'. {disz}tam-ma-ri-tu2 _szesz-mesz_-szu2 qin-nu-szu2 _numun e2 ad_-szu2
261'. it-ti 1(gesz2) 2(u) 5(disz) _nun-mesz_ a-li-kut i-di-szu2
262'. [...] x x
263'. [...] x
  n lines broken
264'. [...] x x x x?
265'. [...] x u x x?
266'. [...] x u x
267'. [...] a-na a-ki-li?
268'. ina un-s,i ne2-eb-re-ti la ig-mi3-lu
269'. e-ku-lu _ur-gi7-mesz {d}nin-kilim-mesz_
270'. _nig2-gig_-szu2-nu ra-bu-u
271'. ina szam-mu pi-i-szu2-nu ig-mu-ru
272'. _musz-mesz gir2-tab-mesz_ nam-masz-ti qaq-qa-ri ma-la ba-szu2-u
273'. zer-man-du iq-ti-szu2-nu-ti
274'. ik-su-su gi-il-du ku-ru-us-su
275'. _{kusz}da-e-sir-mesz_ u _{kusz}e-sir2-mesz_
276'. a-na bu-ri-szu2-nu u2-t,a-ba-bi-hu
277'. _dumu-mesz dumu-munus-mesz szesz-mesz nin9-mesz [...]-me du3_-szu2-un
278'. _uzu-mesz dumu-mesz_-szu2-nu e-ku-lu ku-um _ninda-mesz_
279'. _usz2-mesz dumu-munus-mesz_-szu2-nu isz-ta-at-tu-u ku-um szi-ka-ri
280'. ina la ma-ka-le-e iq-ta-a i-zu-ba
281'. mesz-re-ti-szu2-nu e-mu-u sza2-lam-tisz2
282'. zi-i-me _ug3-mesz_ ina ku-u2-ri u ni-is-sa-ti
283'. iq-t,u-ru ki-ma qut-ri
284'. et,-lu sza2 ar-da-ti ar-da-tu sza2 et,-li
285'. ina re-bet _iri_ i-na-at,-t,a-lu pu-zur-szun3
  n lines broken
286'. _ad_ e-te-zib _dumu_ na-ram lib3-bi-szu2
287'. szu-ut mi3-tu-tu a-ha-mesz la na-t,a-li?
288'. a-na _{lu2}kur2_ da-a-a-ki-szu2 it-ta-din pi-i-szu2
289'. szib-t,u _nam-usz2-mesz gig_ szu-ru-up-pu-u
290'. u2-s,a-hir _ug3-mesz kur uri{ki} du3_-szu2-un
291'. bi-rit _iri_ u _edin_ ig-mur-szu2-nu-ti _gir2 an-bar_ ha-an-t,u
292'. _szagina sipa_-szu2-nu ina lib3-bi-szu2-nu iz-zi-iz-ma
293'. u2-szam-qit si-it-tu2
294'. _adda-mesz un-mesz sila_ u su-lu-u pur-ru-ku
295'. pu-uh-hu-u2 _ka2-mesz_
296'. _ugu iri_ u _nun_ sza2-qu-um-ma-tu na-da-at
297'. sza2-hur-ra-tu tab-kat3
298'. ga-nun-szu2-un szu-uh-ru-bu
299'. _a-gar3-mesz_-szu2-un ba-ku-u sa-ap-du
300'. _id2-mesz_-szu2-un sza2 u2-szah-bi-ba _a-mesz he2-nun_
301'. im-la-a sa-ki-ka {disz}{d}gesz-nu11-mu-gi-na _szesz_ nak-ri
302'. sza a-na _kur_ asz-szur{ki} ik-pu-du ne2-er-tu2
303'. u3 e-li an-szar2 _dingir_ ba-ni-ia iq-bu-u2 szil-la-tu _gal_-tu
304'. mu-u-tu2 lem-nu i-szim-szu2-u-ma ina mi-qit {d}gibil6 i-di-szu-ma
305'. u2-hal-li-qa nap-szat-su
306'. _{lu2}erin2-mesz_ e-pisz si-hi bar-ti
307'. ma-la it-ti-szu2 szak-nu e-du ul ip-par-szid
308'. mul-tah-t,u ul u2-s,i ina _szu-min_-ia
309'. lu-bul-tu szu-kut-tu a-qar-tu mim-ma si-mat _lugal_-ti
310'. hi-szih-ti _e2-gal_-szu2 ma-la ba-szu2-u
311'. {munus}sek-re-ti-szu2 _gal-mesz_-szu2 {lu2}szu-ut _sag-mesz_-szu2
312'. u3 _ug3-mesz_ li-me-et _e2-gal_-szu2 _ku3-babbar ku3-sig17 nig2-szu nig2-ga_
313'. _{gesz}gigir-mesz_ {gesz}sza2 sza2-da-di ru-kub be-lu-u2-ti-szu2
314'. _ansze-kur-ra-mesz_ s,i-mit-ti ni-i-ri-szu2
315'. _ug3-mesz_ zi-kir u sin-nisz _tur_ u _gal_
316'. sza2 la-pa-an mit-hu-s,i _{gesz}tukul-mesz_
317'. di-'u szib-t,u _nam-usz2-mesz_ u ne2-eb-re-tu2 i-sze-tu-u-ni
318'. ik-szu-da _szu-min_-a-a asz2-lu-la a-na _kur_ asz-szur{ki}
319'. _ug3-mesz en_ hi-it,-t,i an-nu kab-tu e-mid-su-nu-ti
320'. bu-un-na-an-ni-szu2-nu at-bal _kusz-mesz_-szu2-nu asz2-hu-ut,
321'. u2-nak-ki-sa _uzu-mesz_-szu2-un
322'. {disz}in-da-bi-bi sza2 _egir_ {disz}tam-ma-ri-tu2
323'. u2-szi-bu ina _{gesz}gu-za_ {kur}elam-ma{ki}
324'. da-na-an _{gesz}tukul-mesz_-ia e-mur-ma
325'. sza2 ul-tu re-e-szi u2-szam-ri-ru _ugu_ {kur}elam{ki}
326'. _dumu-mesz kur_ asz-szur{ki} sza2
  n lines broken
327'. {disz}in?-da-bi-bi _lugal_ {kur}elam-ma{ki}
328'. ul-tu _e2_ s,i-bit-ti u2-sze-s,a-asz2-szu2-nu-ti
329'. ki-i s,a-bat a-bu-ut-ti qa-be2-e _munus saga_-szu2
330'. la ha-t,e-e mi-s,ir _kur_-szu2
331'. ina _szu-min {lu2}a kin_-szu2 u2-sze-bi-la a-di _igi_-ia
332'. e-li {disz}{d}ag-en-mu-mesz _dumu_ {disz}{d}marduk-a-asz
333'. _ARAD_ da-gil2 pa-ni-ia
334'. sza2 in-nab-tu il-li-ku a-na {kur}elam-ma{ki}
335'. u3 si-it-ti _dumu-mesz kur_ asz-szur{ki}
336'. sza {disz}{d}ag?-en-mu-mesz ina pi-ir-s,a-a-ti
337'. u2-s,ab-bi-tu u2-bi-lu it-ti-szu2
338'. ina _szu-min {lu2}a kin_-szu2 a-na {disz}in-da-bi-bi
339'. ki-a-am asz2-pur-szu-ma
340'. asz2-szu2 _ug3-mesz_ an-nu-u-ti la tu-sze-bi-la
341'. um-ma al-la-kam-ma _iri-mesz_-ka a-na-qar
342'. _ug3-mesz_ {iri}szu-sza2-an
343'. {iri}ma-dak-tu2 {iri}hi-da-lu a-szal-lal
344'. ul-tu _{gesz}gu-za lugal_-ti-ka a-dak-ke-ka-ma
345'. sza2-nam-ma ina _{gesz}gu-za_-ka u2-sze-szab
346'. ep-szet ina _igi_ {disz}te-um-man u2-szap-ri-ku
347'. u2-szam-har-ka ka-a-ta
348'. a-di _{lu2}a kin_-szu2 ma-har-szu2 la i-kasz-sza2-du
349'. la u2-sza2-an-nu-szu2 szi-kin t,e3-e-me-ia
350'. ina tukul-ti an-szar2 {d}sin {d}utu {d}en {d}ag
351'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir {d}masz {d}nusku {d}u-gur
352'. sza it-tal-la-ku _a2-min_-a-a
353'. i-na-ar-ru ga-re-ia
354'. a-lak? _{lu2}a kin_-ia sza a-na {iri}de-ri asz2-pu-ru
355'. isz-mu-u qe2-reb {kur}elam-ma{ki} pu-luh-ti _lugal_-ti-ia
356'. sza2 u2-za-'i-nu-in-ni _dingir-mesz gal-mesz_
357'. {kur}elam-ma{ki} is-hu-up-ma
358'. _un-mesz_ {kur}elam-ma{ki}
359'. s,e-er {disz}in-da-bi-bi
360'. ib-bal-ki-tu
361'. i-na-ru-usz i-na _{gesz}tukul-mesz_
362'. {disz}um-man-al-da-si _dumu_ {disz}at-ta-me-tu
363'. u2-sze-szi-bu ina _{gesz}gu-za_-szu2
364'. {disz}ia-u-ta-a' _dumu_ {disz}ha-za-a_-dingir_
365'. _lugal_ {kur}qa-ad-ri e-pisz _ARAD_-ti-ia
366'. asz2-szu2 _dingir-mesz_-szu2 im-hur-an-ni-ma
  n lines broken
367'. {munus}a-di-ia-a szar-rat {kur}a-ri-bi
368'. di-ik-ta-sza2 ma-a'-as-su a-duk
369'. kul-ta-re-e-sza2 ina {d}gesz-bar aq-mu
370'. sza2-a-sza2 bal-t,u-us-sa ina _szu-min_ as,-bat
371'. it-ti hu-bu-ut _kur_-sza2?
372'. al-qa-asz2-szi a-na _kur_ asz-szur{ki}
373'. {disz}na-at-nu _lugal_ {kur}na-ba-a-a-ti sza a-szar-szu2 ru-u2-qu
374'. isz-ma-a da-na-an an-szar2 {d}marduk sza u2-tak-kil-u2-in-ni
375'. sza2 ma-te9-e-ma a-na _lugal-mesz ad-mesz_-ia
376'. _{lu2}a kin_-szu2 la isz-pu-ra
377'. la isz-'a-a-lu4 szu-lum _lugal_-ti-ia
378'. ul-tu {disz}ia-u-ta-a' _lugal_ {kur}a-ri-bi
379'. _ARAD_ da-gil2 pa-ni-ia
380'. a-na {kur}na-ba-a-a-te in-nab-tu-ma
381'. il-li-ku ma-har {disz}na-at-nu
382'. {disz}na-at-nu a-na {disz}ia-u-ta-a'
383'. ki-a-am iq-bi-szu2-ma
384'. um-ma a-na-ku la _szu-min kur_ asz-szur{ki} ul-te-zi-i-bi
385'. u3 at-ta tasz-kun-an-ni a-na dan-nu-ti-ka
386'. {disz}na-at-nu ip-lah3-ma ir-sza2-a na-kut-tu
387'. _{lu2}a kin-mesz_-szu2 a-na sza2-'a-al szul-mi3-ia
388'. isz-pur-am-ma u2-na-asz2-szi-qa _giri3-min_-ia
389'. a-na sza2-kan a-de-e su-lum-me-e
390'. e-pesz _ARAD_-ti-ia u2-s,a-na-al-la-a be-lu-u-ti
391'. a-na-ku ha-disz ap-pa-lis-szu-ma
392'. pa-ni-ia _saga-mesz ugu_-szu2 asz2-kun
393'. _gun_ man-da-at-tu
394'. szat-ti-szam-ma u2-kin s,e-ru-usz-szu2
395'. i-na 1(u) 1(disz)-e ger-ri-ia a-na {kur}elam-ma{ki} lu al-lik ina me-ti-iq ger-ri-ia
396'. {iri}e2-{disz}im-bi-i _iri_ tukul-ti {kur}elam-ma{ki} ak-szu-ud
397'. _ug3-mesz_ a-szib lib3-bi-szu2 sza2 la u2-s,u-nim-ma
398'. la isz-'a-a-lu4 szu-lum _lugal_-ti-ia a-nir
399'. _sag-du-mesz_-szu2-nu ak-kis _nundum-mesz_-szu2-nu ap-ru-u'
400'. a-na ta-mar-ti _ug3-mesz kur_-ia al-qa-a a-na _kur_ asz-szur{ki}
401'. {disz}im-ba-ap-pi _{lu2}gal {gesz}pan_ sza2 {kur}elam-ma{ki}
402'. sza2 ina {iri}e2-{disz}im-bi-i pa-aq-du a-na _en-nun_-u-ti
403'. bal-t,u-us-su [...] x x [...]
  n lines broken
404'. _munus-e2-gal dumu-mesz_-szu2 sza2 {disz}te-um-man _man_ {kur}elam-ma{ki}
405'. sza2 ina na-asz2-par-ti an-szar2 {d}en {d}ag
406'. i-na ger-ri-ia mah-re-e ak-ki-su _sag-du_-su
407'. it-ti si-it-ti _ug3-mesz_ a-szi-bu-ti {iri}e2-{disz}im-bi-i
408'. u2-sze-s,a-am-ma szal-la-tisz am-nu
409'. [...] {lu2}_3(disz)-u5-mesz_
410'. [...] _{lu2}nar-mesz {munus}nar-mesz_
411'. [...]-e-szu2
  n lines broken
412'. [...] a-na {kur}e-lam-ti {disz?}bar?-bu-ru _dumu_-szu2 ul-tu {iri}e2-{disz}im-bi-i
413'. u2-sze-s,a-am-ma _kusz_-szu2 asz2-hu-ut, {disz}tam-ma-ri-tu _man_ {kur}elam-ma{ki} mun-nab-tu
414'. sza ul-tu2 qe2-reb _kur_ an-szar2{ki} it-bu-u2 il-li-ku ana {kur}elam-ma{ki}
415'. ti-ib _me3_-ia dan-ni x _ta_ [...] _{gesz}tukul-mesz_-ia sza2 _ugu? {kur}elam-ma{ki?}_
416'. u2-szam-ri-ru e-mur-ma x [...]
417'. hi-il-li-mu-u2-tu e-re-[...]
418'. qe2-reb x [...] x-ia
419'. ru-ku-bi-szu2? [...] ip-pal-si-ih-ma
420'. {lu2}szu-ut _sag_-[...] x-szu2
421'. {disz}um-man-al-da-si _man_ {kur}elam-ma{ki}
422'. e-reb _{lu2}erin2_-ia sza qe2-reb {kur}elam-ma{ki}
423'. e-ru-bu isz-me-e-ma
424'. {iri}ma-dak-tu _iri? lugal_-ti-szu u2-masz-szir-ma in-na-bit-ma _kur_-szu2 e-li
425'. {disz}um-ba_-lagab_-u-a sza2 me2-eh-ret {disz}um-man-al-da-si
426'. asz2-bu ina _{gesz}gu-za_ {kur}elam-ma{ki} ki-ma sza2-a-szu2-ma isz-me-e-ma
427'. {iri}bu-bi-lu _iri_ mu-szab _en_-ti-szu2 u2-masz-szir-ma [...]
  n lines broken
428'. {d}[...]
429'. ina _kur-kur_ at-tal-la-ku asz2-ku-nu da-na-nu u li-i-tu2
430'. asz2-t,ur-ma a-na ah-rat u4-me e-zib
431'. a-na _egir_ u4-me _dumu-dumu dumu dumu-dumu_
432'. u _dumu-mesz lugal-mesz dumu-mesz_-ia
433'. sza asz-szur u {d}1(u)-5(disz) a-na be-lut _kur_ u _ug3-mesz_
434'. i-nam-bu-u2 zi-kir-szu2
435'. e-nu-ma _bad3_ szu-a-tu i-lab-bi-ru-ma in-na-hu
436'. an-hu-us-su lu-ud-disz
437'. _mu-sar_-u2 szi-t,ir _mu_-ia li-mur-ma
438'. _i3-mesz_ lip-szu-usz _{udu}siskur bala_-qi2
439'. a-na asz2-ri-szu2 lu-ter
440'. ki-i sza a-na-ku _mu-sar_-u
441'. szi-t,ir szu-me {disz}{d}sin-pap?-mesz?-su _ad ad du3_-ia
442'. a-mu-ru _i3-mesz_ ap-szu-szu2 _{udu}siskur_ aq-qu-u
443'. it-ti _mu-sar_-e szi-t,ir _mu_-ia asz2-ku-nu
444'. at-ta ki-i ia-a-ti-ma _mu-sar_-e
445'. szi-t,ir _mu_-ia a-mur-ma _i3-mesz_ pu-szu-usz
446'. _{udu}siskur bala_-qi2 it-ti _mu-sar_-e
447'. szi-t,ir _mu_-ka szu-kun
  n lines broken
448'. ib-ba-tu ina mim-ma szi-pir ni-kil-ti u2-hal-la-qu
449'. it-ti _mu-sar_-e szi-t,ir _mu_-szu2
450'. la i-szak-ka-nu
451'. _dingir-mesz gal-mesz_ sza2 _an_-e u _ki_-tim
452'. _lugal_-us-su lis-ki-pu
453'. _mu_-szu2 _numun_-szu2 ina _kur_ lu?-hal-li-qu

No image available

RINAP 5/1 Ashurbanipal 011 composite (P514720)

Composite

Composite No.: Q003710

Primary Publication: Novotny, Jamie; Jeffers, Joshua (2018) RINAP 5/1 Ashurbanipal 011 composite

Collection:

Museum no.:

Provenience: Nineveh (mod. Kuyunjik)

Period: Neo-Assyrian (ca. 911-612 BC)

Object Type:

Material:

Date: Assurbanipal.00.00.00

Transliteration:
 atf: lang akk
object composite text
surface a
1. a-na-ku {disz}an-szar2-du3-a bi-nu-tu an-szar2 u {d}nin-lil2
2. _dumu lugal gal_-u2 sza _e2_ ri-du-u-ti
3. sza an-szar2 u {d}sin _en aga_ ul-tu _u4-mesz su3-mesz_
4. ni-bit _mu_-szu2 iz-ku-ru a-na _lugal_-u-ti
5. u3 ina _sza3 ama_-szu2 ib-nu-szu2 a-na _sipa_-ut _kur_ an-szar2{ki}
6. {d}utu {d}iszkur u {d}1(u)-5(disz) ina _esz-bar_-szu2-nu ke-e-ni
7. iq-bu-u2 e-pesz _lugal_-ti-ia
8. {disz}an-szar2-pap-szum2-na _man kur_ an-szar2{ki} _ad_ ba-nu-u-a
9. a-mat an-szar2 u {d}nin-lil2 _dingir-mesz_ ti-ik-le-e-szu2 it-ta-id
10. sza iq-bu-u-szu2 e-pesz _lugal_-ti-ia
11. ina _{iti}gu4 iti_ {d}e2-a _en_ te-ne2-sze-e-ti
12. _u4 1(u) 2(disz)-kam ud sze-ga szum2 ninda_ sza {d}gu-la
13. ina e-pesz pi-i mut-tal-li
14. sza an-szar2 {d}nin-lil2 {d}sin {d}utu {d}iszkur
15. {d}en {d}ag {d}1(u)-5(disz) sza2 nina{ki}
16. {d}szar-rat-kid-mu-ri {d}1(u)-5(disz) sza2 limmu2-dingir{ki}
17. {d}masz {d}u-gur {d}nusku iq-bu-u2
18. u2-pah-hir _ug3-mesz kur_ an-szar2{ki} _tur_ u _gal_
19. sza tam-tim e-li-ti u3 szap-liti
20. a-na na-s,ir _dumu lugal_-ti-ia u3 _egir_-nu
21. _lugal_-tu _kur_ an-szar2{ki} e-pe-sze a-de-e _mu dingir-mesz_
22. u2-sza2-az-kir2-szu2-nu-ti u2-dan-ni-na rik-sa-a-te
23. ina _hul2-mesz_ ri-sza2-a-te e-ru-ub ina _e2 usz_-u-ti
24. asz2-ru nak-lu mar-kas _lugal_-u-ti
25. sza {disz}{d}sin-pap-mesz-su _ad ad_ a-li-di-ia
26. _dumu lugal_-tu2 u3 _lugal_-tu2 e-pu-szu2 ina lib3-bi-szu2
27. a-szar {disz}an-szar2-pap-asz _ad du3_-u-a qe2-reb-szu2 i'-al-du
28. ir-bu-u e-pu-szu2 be-lut _kur_ an-szar2{ki}
29. gi-mir ma-al-ki ir-du-u kim-tu2 u2-rap-pi-szu2
30. ik-s,u-ru ni-szu-tu2 u sa-la-tu2
31. u3 a-na-ku {disz}an-szar2-du3-a qe2-reb-szu2 a-hu-uz ne2-me-qi2 {d}ag
32. kul-lat t,up-szar-ru-u-ti sza2 gi-mir um-ma-ni
33. ma-la ba-szu-u2 ih-ze-szu2-nu a-hi-it,
34. al-ma-ad sza2-le-e _{gesz}pan_ ru-kub _ansze-kur-ra {gesz}gigir_ s,a-bat {kusz}a-sza2-a-te
35. ina qi2-bit _dingir-mesz gal-mesz_ sza2 az-ku-ra ni-bit-sun2
36. a-da-bu-ba ta-nit-ta-szu2-un iq-bu-u e-pesz _lugal_-ti-ia
37. za-nin esz-re-e-ti-szu2-un u2-szad-gi-lu pa-nu-u-a
38. ke-mu-u-a e-tap-pa-lu _en_ s,al-ti-ia i-na-ru ga-re-ia
39. zi-ka-ru qar-du na-ram an-szar2 u {d}1(u)-5(disz)
40. li-ip-li-pi _lugal_-u-ti a-na-ku
41. ul-tu an-szar2 {d}sin {d}utu {d}iszkur {d}en {d}ag
42. {d}1(u)-5(disz) sza2 nina{ki} {d}szar-rat-kid-mu-ri
43. {d}1(u)-5(disz) sza2 limmu2-dingir{ki} {d}masz {d}u-gur {d}nusku
44. t,a-bisz u2-sze-szi-bu-in-ni ina _{gesz}gu-za ad du3_-ia
45. {d}iszkur _szeg3-mesz_-szu2 u2-masz-sze-ra {d}e2-a u2-pat,-t,i-ra _idim-mesz_-szu2
46. 5(disz) _1(disz) kusz3 sze-am_ isz-qu ina _ab-sin2_-ni-szu2
47. e-ri-ik szu-bul-tu 5/6(disz) _1(disz) kusz3_
48. _si-sa2 buru14_ na-pa-asz2 {d}nisaba
49. ka-a-a-an u2-szah-na-bu gi-pa-ru
50. s,ip-pa-a-ti szu-um-mu-ha in-bu _masz2-ansze_ szu-te-szur ina ta-lit-ti
51. ina _bala_-ia _he2-nun_ t,uh-du ina _mu-an-na-mesz_-ia ku-um-mu-ru _he2-gal2_-lum
52. ina mah-re-e ger-ri-ia a-na {kur}ma2-kan u {kur}me-luh-ha lu al-lik
53. {disz}tar-qu-u2 _man_ {kur}mu-s,ur u {kur}ku-u-si
54. sza {disz}an-szar2-pap-asz _man kur_ an-szar2{ki} _ad du3_-u-a
55. _bad5-bad5_-szu2 isz-ku-nu i-be-lu _kur_-su u3 szu-u {disz}tar-qu-u
56. da-na-an an-szar2 {d}1(u)-5(disz) u _dingir-mesz gal-mesz en-mesz_-ia im-szi-ma
57. it-ta-kil a-na e-muq ra-man-i-szu2 e-li _lugal-mesz_
58. {lu2}qe2-pa-a-ni sza2 qe2-reb {kur}mu-s,ur u2-pa-qi2-du _ad du3_-u-a
59. a-na da-a-ki ha-ba-a-te u3 e-kem {kur}mu-s,ur il-li-ka
60. _edin_-usz-szu2-un e-ru-um-ma u2-szib qe2-reb {iri}me-em-pi
61. _iri_ sza2 _ad du3_-u-a ik-szu-du a-na mi-s,ir _kur_ an-szar2{ki} u2-ter-ru
62. al-la-ku ha-an-t,u qe2-reb nina{ki} il-lik-am-ma
63. u2-sza2-an-na-a ia-a-ti _ugu_ ep-sze-e-ti an-na-a-ti
64. lib3-bi e-gug-ma is,-s,a-ru-uh ka-bit-ti
65. asz2-szi _szu-min_-ia u2-s,al-li an-szar2 u {d}1(u)-5(disz) asz-szur-i-tu2
66. ad-ke-e-ma e-mu-qi2-ia s,i-ra-a-te sza2 an-szar2 u {d}1(u)-5(disz)
67. u2-mal-lu-u _szu-min_-u-a a-na {kur}mu-s,ur u {kur}ku-u-si
68. usz-te-esz-sze-ra har-ra-nu ina me-ti-iq ger-ri-ia
69. _2(u)-am3_ 2(disz) _lugal-mesz_ sza2 a-hi tam-tim _muru2_ tam-tim u na-ba-li
70. _ARAD-mesz_ da-gil2 pa-ni-ia ta-mar-ta-szu2-nu ka-bit-tu2
71. ina mah-ri-ia isz-szu-nim-ma u2-na-asz2-szi-qu _giri3-min_-ia
72. _lugal-mesz_ sza2-a-tu2-nu a-di e-mu-qi2-szu2-nu _{gesz}ma2-mesz_-szu2-nu
73. ina tam-tim u na-ba-li it-ti _erin2-hi-a_-ia
74. ur-hu pa-da-nu u2-sza2-as,-bit-su-nu-ti
75. a-na na-ra-ru-u-ti sza2 _lugal-mesz_ {lu2}qe2-pa-a-ni
76. sza2 qe2-reb {kur}mu-s,ur _ARAD-mesz_-ni da-gil2 pa-ni-ia
77. ur-ru-hi-isz ar-de-e-ma al-lik a-di {iri}kar-{d}du3-ti
78. {disz}tar-qu-u2 _man_ {kur}mu-s,ur u {kur}ku-u-si qe2-reb {iri}me-em-pi
79. a-lak ger-ri-ia isz-me-ma a-na e-pesz _muru2 {gesz}tukul-mesz_
80. u3 _me3_ ina mah-ri-ia id-ka-a _{lu2}erin2-mesz me3_-szu2
81. ina tukul-ti an-szar2 {d}en {d}ag _dingir-mesz gal-mesz en-mesz_-ia
82. a-li-kut _a2-min_-ia ina _me3 edin_ rap-szi asz2-ku-na _bad5-bad5 erin2-hi-a_-szu2
83. {disz}tar-qu-u ina qe2-reb {iri}me-em-pi isz-ma-a tah-te-e _erin2-hi-a_-szu2
84. nam-ri-ri an-szar2 u {d}1(u)-5(disz) is-hu-pu-szu2-ma il-li-ka mah-hu-tisz2
85. me-lam-me _lugal_-ti-ia ik-tu-mu-szu2-ma
86. sza u2-za-'i-nu-in-ni _dingir-mesz_ szu-ut _an ki_
87. {iri}me-em-pi u2-masz-szir-ma a-na szu-zu-ub _zi_-ti3-szu2
88. in-na-bit a-na qe2-reb {iri}ni-i'
89. _iri_ szu2-a-tu2 as,-bat _erin2-hi-a_-ia u2-sze-rib u2-sze-szib ina lib3-bi
90. {disz}ni-ku-u2 _lugal_ {iri}me-em-pi u {iri}sa-a-a
91. {disz}lugal-lu-da3-ri _lugal_ {iri}s,i-i'-nu
92. {disz}pi-sza2-an-hu-ru _lugal_ {iri}na-at-hu-u2
93. {disz}pa-aq-ru-ru _lugal_ {iri}pi-szap-tu2
94. {disz}bu-uk-ku-na-an-ni-i'-pi _lugal_ {iri}ha-at-hi-ri-bi
95. {disz}na-ah-ke-e _lugal_ {iri}hi-ni-in-szi
96. {disz}pu-t,u-bisz-ti _lugal_ {iri}s,a-a'-nu
97. {disz}u2-na-mu-nu _lugal_ {iri}na-at-hu-u2
98. {disz}hur-si-ia-e-szu2 _lugal_ {iri}s,ab-nu-ti
99. {disz}pu-u2-a-a-ma _lugal_ {iri}pi-in-t,i-t,i
100. {disz}su-si-in-qu _lugal_ {iri}pu-szi-ru
101. {disz}tap-na-ah-ti _lugal_ {iri}pu-nu-bu
102. {disz}bu-uk-ku-na-an-ni-i'-pi _lugal_ {iri}ah-ni
103. {disz}ep-ti-mur-t,e-e-szu2 _lugal_ {iri}pi-ha-at-ti-hu-ru-un-pi-ki
104. {disz}na-ah-ti-hu-ru-an-si-ni _lugal_ {iri}pi-szap-di-'a-a
105. {disz}bu-kur-ni-ni-ip _lugal_ {iri}pa-ah-nu-ti
106. {disz}s,i-ha-a _lugal_ {iri}szi-ia-a-u-tu2
107. {disz}la-mi3-in-tu2 _lugal_ {iri}hi-mu-ni
108. {disz}isz-pi-ma-t,u _lugal_ {iri}ta-a-a-ni
109. {disz}ma-an-ti-me-an-he-e _lugal_ {iri}ni-i'
110. _lugal-mesz_ an-nu-ti _{lu2}nam-mesz_ {lu2}qe2-pa-a-ni sza2 qe2-reb {kur}mu-s,ur
111. u2-pa-qi2-du _ad_ ba-nu-u-a sza2 la-pa-an ti-bu-ut {disz}tar-qu-u
112. pi-qit-ta-szu2-un u2-masz-sze-ru im-lu-u2 _edin_
113. u2-ter-ma a-szar pi-qit-ti-szu2-un ina masz-kan2-i-szu2-un ap-qid-su-nu-ti
114. {kur}mu-s,ur u {kur}ku-u-su sza2 _ad du3_-u-a ik-szu-du a-na esz-szu-ti as,-bat
115. _en-nun-mesz ugu_ sza2 u4-me pa-ni u2-dan-nin-ma u2-rak-ki-sa
116. rik-sa-a-te it-ti hu-ub-ti ma-a'-di szal-la-ti
117. ka-bit-ti szal-mesz a-tu-ra a-na nina{ki}
118. _egir_-nu _lugal-mesz_ an-nu-ti ma-la ap-qi2-du ina a-de-ia ih-t,u-u
119. la is,-s,u-ru ma-mit _dingir-mesz gal-mesz mun_ e-pu-us-su-nu-ti im-szu2-ma
120. lib3-ba-szu2-nu ik-pu-ud _hul_-tu2 da-bab sur-ra-a-te id-bu-bu-ma
121. mi-lik la ku-sziri4 im-li-ku ra-man-szu2-un um-ma {disz}tar-qu-u
122. ul-tu2 qe2-reb {kur}mu-s,ur i-na-sah-u-ma at-tu-ni a-sza2-ba-ni mi3-i-nu
123. e-li {disz}tar-qu-u _man_ {kur}ku-u-si a-na sza2-kan a-de-e u sa-li-me
124. u2-ma-'e-e-ru {lu2}rak-be2-e-szu2-un um-ma su-lum-mu-u
125. ina bi-ri-ni lisz-sza2-kin-ma ni-in-dag-ga-ra a-ha-mesz
126. _kur_ a-he-en-na-a ni-zu-uz-ma a-a ib-ba-szi ina bi-ri-ni sza2-nu-um-ma be-lum
127. a-na _erin2-hi-a kur_ an-szar2{ki} e-muq _en_-ti-ia sza2 a-na kit-ri-szu2-nu usz-zi-zu
128. isz-te-ne2-'u-u a-mat _hul_-tim {lu2}szu-ut _sag-mesz_-ia a-ma-a-te an-na-a-te
129. isz-mu-u {lu2}rak-be2-e-szu2-un a-di szip-ra-a-te-szu2-un is,-bat-u-nim-ma
130. e-mu-ru ep-szet sur-ra-a-te-szu2-un _lugal-mesz_ an-nu-te is,-bat-u-nim-ma
131. ina bi-re-ti _an-bar_ isz-qa-ti _an-bar_ u2-tam-me-hu _szu-min_ u _giri3-min_
132. ma-mit an-szar2 _man dingir-mesz_ ik-szu-su-nu-ti-ma sza2 ih-t,u-u ina a-de-e
133. _dingir-mesz gal-mesz mun szu-min_-szu2-un u2-ba-'i-i-ma sza2 e-pu-us-su-nu-ti
134. du-un-qu _ug3-mesz_ {iri}sa-a-a {iri}pi-in-t,i-t,i {iri}s,i-i'-nu
135. u3 si-it-ti _iri-mesz_ ma-la it-ti-szu2-nu szak-nu ik-pu-du _hul_-tu2
136. _tur_ u _gal_ ina _{gesz}tukul-mesz_ u2-szam-qi2-tu e-du a-me-lu la e-zi-bu ina lib3-bi
137. _adda-mesz_-szu2-nu e-lu-lu ina {gesz}ga-szi-szi
138. _kusz-mesz_-szu2-nu isz-hu-t,u u2-hal-li-pu _bad3 iri_
139. _2(u)-am3 lugal-mesz_ an-nu-ti sza2 _hul_-tu isz-te-ne2-'u-u
140. a-na _erin2-hi-a kur_ an-szar2{ki} bal-t,u-us-su-nu
141. a-na nina{ki} a-di mah-ri-ia u2-bil-u-ni
142. a-na {disz}ni-ku-u _ta_ bi-ri-szu2-nu re-e-mu ar-szi-ma u2-bal-lit, nap-szat-su
143. a-de-e _ugu_ sza2 mah-ri u2-sza2-tir-ma it-ti-szu2 asz2-kun
144. lu-bul-tu bir-me u2-lab-bi-su al-lu _ku3-sig17_
145. si-mat _lugal_-ti-szu2 asz2-kun-szu2 _har-mesz ku3-sig17_ u2-rak-ki-sa
146. rit-te-e-szu2 _gir2 an-bar_ szib-bi sza2 ih-zu-szu2 _ku3-sig17_
147. ni-bit _mu_-ia ina muh-hi asz2-t,ur-ma ad-din-szu2
148. _{gesz}gigir-mesz ansze-kur-ra-mesz ansze-kunga-mesz_ a-na ru-kub _en_-ti-szu2 a-qis-su
149. {lu2}szu-ut _sag-mesz_-ia _{lu2}nam-mesz_ a-na kit-ri-szu2 it-ti-szu2 asz2-pur
150. a-szar _ad du3_-u-a ina {iri}sa-a-a a-na _lugal_-ti ip-qid-du-usz
151. a-na masz-kan2-i-szu2 u2-ter-szu2 u3 {disz}{d}muati-sze-zib-an-ni _dumu_-szu2
152. a-na {iri}ha-at-ha-ri-ba ap-qid _mun saga_-tu
153. e-li sza2 _ad du3_-ia u2-sza2-tir-ma e-pu-us-su
154. {disz}tar-qu-u2 a-szar in-nab-tu ra-szub-bat _{gesz}tukul_ an-szar2 _en_-ia
155. is-hu-up-szu2-ma il-lik nam-mu-szi-szu2
156. _egir_-nu {disz}ur-da-ma-ne2-e _dumu_ {disz}sza2-ba-ku-u u2-szib ina _{gesz}gu-za lugal_-ti-szu2
157. {iri}ni-i' {iri}u2-nu a-na dan-nu-ti-szu2 isz-kun u2-pah-hi-ra el-lat-su
158. a-na mit-hu-s,i _erin2-hi-a dumu-mesz kur_ an-szar2{ki}
159. sza qe2-reb {iri}me-em-pi id-ka-a qa-bal-szu2
160. _ug3-mesz_ sza2-a-tu-nu e-si-ir-ma is,-ba-ta mu-us,-s,a-szu2-un
161. _{lu2}a kin_ ha-an-t,u a-na nina{ki} il-lik-am-ma iq-ba-a ia-a-ti
162. ina 2(disz)-e ger-ri-ia a-na {kur}mu-s,ur u {kur}ku-u-si usz-te-sze-ra har-ra-nu
163. {disz}ur-da-ma-ne2-e a-lak ger-ri-ia isz-me-ma
164. sza ak-bu-su mi-s,ir {kur}mu-s,ur {iri}me-em-pi u2-masz-szir-ma
165. a-na szu-zu-ub _zi_-ti3-szu2 in-na-bit a-na qe2-reb {iri}ni-i'
166. _lugal-mesz {lu2}nam-mesz_ {lu2}qe2-pa-a-ni sza2 qe2-reb {kur}mu-s,ur asz2-ku-nu
167. ina _gaba_-ia il-li-ku-u2-nim-ma u2-na-asz2-szi-qu _giri3-min_-ia
168. _egir {disz}ur_-da-ma-ne2-e har-ra-nu as,-bat
169. al-lik a-di {iri}ni-i' _iri_ dan-nu-ti-szu2
170. ti-ib _me3_-ia dan-ni e-mur-ma {iri}ni-i' u2-masz-szir
171. in-na-bit a-na {iri}ki-ip-ki-pi _iri_ szu-a-tu2 a-na si-hir-ti-szu2
172. ina tukul-ti an-szar2 u {d}1(u)-5(disz) ik-szu-da _szu-min_-a-a
173. _ku3-babbar ku3-sig17_ ni-siq-ti _na4-mesz nig2-szu e2-gal_-szu2 ma-la ba-szu2-u
174. lu-bul-ti bir-me _gada-mesz ansze-kur-ra-mesz gal-mesz un-mesz_ zik-ru u sin-nisz
175. 2(disz) tim-me _mah-mesz_ pi-tiq za-ha-le-e eb-bi
176. sza 2(disz) _lim_ 5(disz) _me gun ki-la2_-szu2-nu man-za-az _ka2_ e2-kur
177. ul-tu man-za-al-ti-szu2-nu as-suh-ma al-qa-a a-na _kur_ an-szar2{ki}
178. szal-la-tu2 ka-bit-tu2 ina la mi3-ni asz2-lu-la ul-tu2 qe2-reb {iri}ni-i'
179. e-li {kur}mu-s,ur u3 {kur}ku-u2-si
180. _{gesz}tukul-mesz_-ia u2-szam-ri-ir-ma asz2-ta-kan li-i-tu
181. it-ti qa-ti ma-li-ti szal-mesz a-tu-ra
182. a-na nina{ki} _iri en_-ti-ia
183. i-na szal-szi ger-ri-ia _ugu_ {disz}ba-'a-li _man_ {kur}s,ur-ri
184. a-szib _muru2_ tam-tim lu-u al-lik
185. sza a-mat _lugal_-ti-ia la is,-s,u-ru la isz-mu-u zi-kir szap-te-ia
186. {iri}hal-s,u-_mesz_ e-li-szu2 u2-rak-kis
187. ina tam-tim u3 na-ba-li ger-re-e-ti-szu2 u2-s,ab-bit
188. nap-szat-su-nu u2-si-iq u2-kar-ri
189. a-na _{gesz}szudun_-ia u2-szak-ni-su-nu-ti
190. _dumu-munus_ s,i-it lib3-bi-szu u3 _dumu-munus-mesz szesz-mesz_-szu2
191. a-na e-pesz _{munus}agrig_-ti u2-bi-la a-di mah-ri-ia
192. {disz}ia-hi-mil-ki _dumu_-szu2 sza2 ma-te-ma ti-amtu la e-bi-ra
193. isz-te-nisz u2-sze-bi-la a-na e-pesz _ARAD_-ti-ia
194. _dumu-munus_-su u3 _dumu-munus-mesz szesz-mesz_-szu2
195. it-ti ter-ha-ti ma-a'-as-si am-hur-szu2
196. re-e-mu ar-szi-szu2-ma _dumu_ s,i-it _sza3_-szu2 u2-ter-ma a-din-szu2
197. {disz}ia-ki-in-lu-u _man_ {kur}a-ru-ad-da a-szib _muru2_ tam-tim
198. sza a-na _lugal-mesz ad-mesz_-ia la kan-szu2 ik-nu-sza2 a-na _{gesz}szudun_-ia
199. _dumu-munus_-su it-ti nu-dun-ne2-e ma-a'-di
200. a-na e-pesz _{munus}agrig_-u-ti a-na nina{ki}
201. u2-bil-am-ma u2-na-asz2-szi-qa _giri3-min_-ia
202. {disz}mu-gal-lu _man_ {kur}tab_-iri_ sza2 it-ti _lugal-mesz ad-mesz_-ia
203. id-bu-bu da-s,a-a-ti
204. bi-in-tu2 s,i-it lib3-bi-szu2 it-ti ter-ha-ti
205. ma-a'-as-si a-na e-pesz _{munus}agrig_-ti a-na nina{ki}
206. u2-bil-am-ma u2-na-asz2-sziq _giri3-min_-ia
207. _ugu_ {disz}mu-gal-li _ansze-kur-ra-mesz gal-mesz_
208. man-da-at-tu2 szat-ti-szam-ma u2-kin _edin_-usz-szu2
209. {disz}sa-an-da-szar-me {kur}hi-lak-ka-a-a
210. sza a-na _lugal-mesz ad-mesz_-ia la ik-nu-szu2
211. la i-szu-t,u ab-sza2-an-szu2-un
212. _dumu-munus_ s,i-it lib3-bi-szu2 it-ti nu-dun-ne2-e ma-a'-di
213. a-na e-pesz _{munus}agrig_-u-ti a-na nina{ki}
214. u2-bil-am-ma u2-na-asz2-sziq _giri3-min_-ia
215. ul-tu2 {disz}ia-ki-in-lu-u _man_ {kur}a-ru-ad-da e-mi3-du _kur_-szu2
216. {disz}a-zi-ba-al {disz}a-bi-ba-al {disz}a-du-ni-ba-a'-al
217. {disz}sa-pa-t,i-ba-al {disz}bu-di-ba-al {disz}ba-a'-al-ia-szu-pu
218. {disz}ba-a'-al-ha-nu-nu {disz}ba-al-ma-lu-ku {disz}a-bi-mil-ki {disz}pap-mil-ki
219. _dumu-mesz_ {disz}ia-ki-in-lu-u a-szib _muru2_ tam-tim
220. ul-tu2 _muru2_ tam-tim e-lu-nim-ma it-ti ta-mar-ti-szu2-nu ka-bit-ti
221. il-li-ku-u2-nim-ma u2-na-asz2-szi-qu _giri3-min_-ia
222. {disz}a-zi-ba-a'-al ha-disz ap-pa-lis-ma
223. a-na _lugal_-ti {kur}a-ru-ad-da asz2-kun-szu2
224. {disz}a-bi-ba-al {disz}a-du-ni-ba-al {disz}sa-pa-t,i-ba-al
225. {disz}bu-di-ba-al {disz}ba-a'-al-ia-szu-pu {disz}ba-al-ha-nu-nu
226. {disz}ba-al-ma-lu-ku {disz}a-bi-mil-ki {disz}a-hi-mil-ki
227. lu-bul-ti bir-me u2-lab-bisz _har-mesz ku3-sig17_ u2-rak-ki-sa
228. rit-te-e-szu2-un ina mah-ri-ia ul-zis-su-nu-ti
229. {disz}gu-ug-gu _man_ {kur}lu-ud-di na-gu-u sza2 ne2-ber-ti _a-ab-ba_
230. asz2-ru ru-u-qu sza2 _lugal-mesz ad-mesz_-ia la isz-mu-u zi-kir _mu_-szu2
231. ni-bit _mu_-ia ina _masz2-ge6_ u2-szab-ri-szu2-ma an-szar2 _dingir_ ba-nu-u-a
232. um-ma _giri3-min {disz}an-szar2-du3-a man kur_ an-szar2{ki} s,a-bat-ma
233. ina zi-kir _mu_-szu2 ku-szu-ud _{lu2}kur2-mesz_-ka
234. u4-mu _masz2-ge6_ an-ni-tu2 e-mu-ru {lu2}rak-bu-szu2 isz-pu-ra
235. a-na sza2-'a-al szul-mi3-ia _masz2-ge6_ an-ni-tu2 sza2 e-mu-ru
236. ina _szu-min {lu2}a kin_-szu2 isz-pur-am-ma u2-sza2-an-na-a ia-a-ti
237. ul-tu2 _sza3_ u4-me sza2 is,-ba-tu2 _giri3-min lugal_-ti-ia
238. {lu2}gi-mir-a-a mu-dal-li-pu _ug3-mesz kur_-szu2
239. sza2 la ip-tal-la-hu _ad-mesz_-ia u3 at-tu-u-a la is,-ba-tu2
240. _giri3-min lugal_-ti-ia ik-szu-ud
241. ina tukul-ti an-szar2 u {d}1(u)-5(disz) _dingir-mesz en-mesz_-ia _ta sza3 {lu2}en-iri-mesz_
242. sza {lu2}gi-mir-a-a sza2 ik-szu-du 2(disz) _{lu2}en-iri-mesz_
243. ina {gesz}s,i-is,-s,i isz-qa-ti _an-bar_ bi-re-ti u2-tam-me-eh-ma
244. it-ti ta-mar-ti ka-bit-te u2-sze-bi-la a-di mah-ri-ia
245. {lu2}rak-bu-szu2 sza2 a-na sza2-'a-al szul-mi3-ia ka-a-a-an isz-ta-nap-pa-ra
246. u2-szar-sza2-a ba-t,i-il-tu2 asz2-szu2 sza2 a-mat an-szar2 _dingir du3_-ia
247. la is,-s,u-ru a-na e-muq ra-man-i-szu2 it-ta-kil-ma ig-pu-usz lib3-bu
248. e-mu-qe2-e-szu2 a-na kit-ri {disz}pi-sza2-mi3-il-ki _man_ {kur}mu-s,ur
249. sza is,-lu-u _{gesz}szudun en_-ti-ia isz-pur-ma a-na-ku asz2-me-e-ma
250. u2-s,al-li an-szar2 u {d}1(u)-5(disz) um-ma pa-an _{lu2}kur2_-szu2 pa-gar-szu2 li-na-di-ma
251. lisz-szu-u-ni _giri3-pad-ra2-mesz_-szu2 ki-i sza2 a-na an-szar2 am-hu-ru isz-lim-ma
252. pa-an _{lu2}kur2_-szu2 pa-gar-szu2 in-na-di-ma isz-szu-u-ni _giri3-pad-ra2-mesz_-szu2
253. {lu2}gi-mir-a-a sza2 ina ni-bit _mu_-ia sza2-pal-szu2 ik-bu-su
254. it-bu-nim-ma is-pu-nu gi-mir _kur_-szu2 _egir_-szu2 _dumu_-szu2 u2-szib ina _{gesz}gu-za_-szu2
255. ep-szet _hul_-tim sza2 ina ni-isz _szu-min_-ia _dingir-mesz_ tik-le-ia
256. ina pa-an _ad du3_-szu2 u2-szap-ri-ku ina _szu-min {lu2}a kin_-szu2 isz-pur-am-ma
257. is,-ba-ta _giri3-min lugal_-ti-ia um-ma _lugal_ sza2 _dingir_ i-du-u-szu2 at-ta
258. _ad_-u-a ta-ru-ur-ma _munus-hul_ isz-sza2-kin ina pa-ni-szu2
259. ia-a-ti _ARAD_ pa-lih-ka kur-ban-ni-ma la-szu-t,a ab-sza2-an-ka
260. ina 4(disz)-e ger-ri-ia ad-ke _erin2-hi-a_-ia _ugu_ {disz}ah-sze-e-ri
261. _man_ {kur}man-na-a-a usz-te-sze-ra har-ra-nu ina qi2-bit an-szar2 {d}sin {d}utu
262. {d}iszkur {d}en {d}ag {d}1(u)-5(disz) sza2 nina{ki} {d}gaszan-kid-mu-ri {d}1(u)-5(disz) sza2 {iri}limmu2-dingir
263. {d}masz {d}u-gur {d}nusku qe2-reb {kur}man-na-a-a e-ru-ub it-ta-lak szal-t,isz
264. _iri-mesz_-szu2 dan-nu-ti a-di _tur-mesz_ sza2 ni-i-ba la i-szu-u
265. a-di qe2-reb {iri}i-zir-ti _kur_-ud ap-pul aq-qur ina {d}gesz-bar aq-mu
266. _ug3-mesz ansze-kur-ra-mesz ansze-mesz gu4-mesz_ u s,e-e-ni _ta_ qe2-reb _iri-mesz_ sza2-a-tu2-nu
267. u2-sze-s,a-am-ma szal-la-tisz am-nu {disz}ah-sze-e-ri a-lak ger-ri-ia
268. isz-me-ma u2-masz-szir {iri}i-zir-tu _iri lugal_-ti-szu2
269. a-na {iri}isz-ta-at-ti _iri_ tukul-ti-szu2 in-na-bit-ma e-hu-uz
270. mar-qi2-tu2 na-gu-u szu-a-tu2 ak-szu-ud ma-lak 1(u) u4-me 5(disz) u4-me
271. u2-szah-rib-ma sza2-qu-um-ma-tu2 at-bu-uk
272. {disz}ah-sze-e-ri la pa-lih _en_-ti-ia ina a-mat {d}1(u)-5(disz)
273. a-szi-bat {iri}limmu2-dingir sza2 _ta_ re-e-szi taq-bu-u2
274. um-ma ana-ku mi-tu-tu {disz}ah-sze-e-ri _man_ {kur}man-na-a-a
275. ki-i sza2 aq-bu-u ep-pu-usz ina _szu-min ARAD-mesz_-szu2 tam-nu-szu-u-ma
276. _ug3-mesz kur_-szu2 si-hu _ugu_-szu2 u2-szab-szu2-u ina _sila iri_-szu2 {lu2}sza2-lam-ta-szu2
277. id-du-u in-da-asz2-sza2-ru pa-gar-szu2
278. _szesz-mesz_-szu2 qin-nu-szu2 _numun e2 ad_-szu2 u2-szam-qi2-tu2 ina _{gesz}tukul-mesz_
279. _egir_-nu {disz}u2-al-li-i _dumu_-szu2 u2-szib ina _{gesz}gu-za_-szu2
280. da-na-an an-szar2 {d}sin {d}utu {d}iszkur {d}en {d}ag
281. {d}1(u)-5(disz) sza2 nina{ki} {d}szar-rat-kid-mu-ri
282. {d}1(u)-5(disz) sza2 limmu2-dingir{ki} {d}masz {d}u-gur {d}nusku
283. _dingir-mesz gal-mesz en-mesz_-ia e-mur-ma
284. ik-nu-sza2 a-na _{gesz}szudun_-ia
285. asz2-szu2 ba-lat, _zi_-ti3-szu2 up-na-a-szu2 ip-ta-a u2-s,al-la-a _en_-u-ti
286. {disz}e-ri-si-in-ni _dumu_ ri-du-ti-szu2
287. a-na nina{ki} isz-pur-am-ma u2-na-asz2-szi-qa _giri3-min_-ia
288. re-e-mu ar-szi-szu-u-ma
289. _{lu2}a kin_-ia sza2 szul-me u2-ma-'e-er _edin_-usz-szu2
290. _dumu-munus_ s,i-it lib3-bi-szu2 u2-sze-bi-la a-na e-pesz _{munus}agrig_-u-ti
291. ma-da-ta-szu2 mah-ri-tu2 sza2 ina ter-s,i _lugal-mesz ad-mesz_-ia
292. u2-szab-t,i-lu isz-szu-u-ni a-di mah-ri-ia
293. 3(u) _ansze-kur-ra-mesz_ e-li ma-da-ti-szu2 mah-ri-ti
294. u2-rad-di-i-ma e-mi3-is-su
295. ina 5(disz)-szi ger-ri-ia a-na {kur}elam-ma{ki}
296. usz-te-esz-sze-ra har-ra-nu
297. ina qi2-bit an-szar2 {d}sin {d}utu {d}iszkur {d}en {d}ag
298. {d}1(u)-5(disz) sza2 nina{ki} {d}szar-rat-kid-mu-ri
299. {d}1(u)-5(disz) sza2 limmu2-dingir{ki} {d}masz {d}u-gur {d}nusku
300. ina _{iti}kin_ szi-pir _{d}inanna-mesz iti lugal dingir-mesz_ an-szar2
301. _ad dingir-mesz_ {d}nun-nam-nir
302. ki-ma ti-ib me-he-e ez-zi
303. ak-tu-um {kur}elam-ma{ki} a-na si-hir-ti-sza2
304. ak-kis _sag-du_ {disz}te-um-man _lugal_-szu2-nu
305. mul-tar-hu sza2 ik-pu-da _hul_-tu
306. ina la mi3-ni a-duk qu-ra-de-e-szu2
307. ina _szu-min ti-la-mesz_ u2-s,ab-bit mun-dah-s,e-e-szu2
308. szal-ma-a-ti-szu2-nu ki-ma _{gesz}dih3_ u _{gesz}kiszi16_
309. u2-mal-la-a ta-mir-ti {iri}szu-sza2-an
310. _usz2-mesz_-szu2-nu {i7}u2-la-a-a u2-szar-di
311. _a-mesz_-sza2 as,-ru-up ki-ma na-ba-as-si
312. {disz}um-man-i-gasz _dumu_ {disz}ur-ta-ki _man_ {kur}elam-ma{ki}
313. sza la-pa-an {disz}te-um-man a-na _kur_ an-szar2{ki} in-nab-ta is,-ba-ta _giri3-min_-ia
314. it-ti-ia u2-bil-szu2 a-na {kur}elam-ma{ki}
315. u2-sze-szib-szu2 ina _{gesz}gu-za_ {disz}te-um-man
316. {disz}tam-ma-ri-tu2 _szesz_-szu2 szal-sza2-a-a sza2 it-ti-szu2 in-nab-ta
317. ina {iri}hi-da-lu asz2-kun-szu2 a-na _lugal_-u-ti
318. ul-tu2 _{gesz}tukul-mesz_ an-szar2 u {d}1(u)-5(disz) _ugu_ {kur}elam-ma{ki} u2-szam-ri-ru
319. asz2-tak-ka-nu da-na-nu u li-i-tu
320. ina ta-a-a-ar-ti-ia _ugu_ {disz}du-na-ni {kur}gam-bu-la-a-a
321. sza a-na {kur}elam-ma{ki} it-tak-lu asz2-ku-na pa-ni-ia
322. {iri}sza2-pi-i-{d}en _iri_ tukul-ti {kur}gam-bu-li ak-szu-ud
323. qe2-reb _iri_ szu-a-tu2 e-ru-ub
324. _ug3-mesz_-szu2 as-lisz u2-t,ab-bi-ih
325. {disz}du-na-nu {disz}sa-am-gu-nu
326. mu-nar3-ri-t,u e-pesz _lugal_-ti-ia
327. ina {gesz}s,i-is,-s,i isz-qa-ti _an-bar_ bi-re-ti _an-bar_
328. u2-tam-me-ha _szu-min_ u _giri3-min_
329. si-it-ti _dumu-mesz {disz}en-ba_-sza2 qin-nu-szu2 _numun e2 ad_-szu2
330. ma-la ba-szu2-u {disz}{d}muati-i {disz}en-kar-ir
331. _dumu-mesz {disz}{d}muati-mu-kam_-esz _{lu2}gu2-en-na_
332. u3 _giri3-pad-ra2-mesz ad_ ba-ni-szu2-nu
333. it-ti {lu2}ur-bi {lu2}te-be2-e _ug3-mesz_ {kur}gam-bu-li
334. _gu4-mesz_ s,e-e-ni _ansze-mesz ansze-kur-ra-mesz ansze-kunga-mesz_
335. ul-tu2 qe2-reb {kur}gam-bu-li asz2-lu-la a-na _kur_ an-szar2{ki}
336. {iri}sza2-pi-i-{d}en _iri_ tukul-ti-szu2
337. ap-pul aq-qur ina _a-mesz_ usz-har-mit,
338. ina u4-me-szu2 {disz}{d}gesz-nu11-mu-gi-na _szesz_ la ke-e-nu
339. sza2 _mun_ e-pu-szu-usz
340. asz2-ku-nu-usz a-na _lugal_-ut babila2{ki}
341. mim-ma par-su si-ma-a-te sza2 _lugal_-ti e-pu-usz-ma a-din-szu2
342. _{lu2}erin2-mesz ansze-kur-ra-mesz {gesz}gigir-mesz_
343. ak-s,ur-ma u2-mal-la-a qa-tusz-szu2
344. _iri-mesz a-sza3-mesz {gesz}kiri6-mesz un-mesz_ a-szib lib3-bi-szu2-un
345. u2-sza2-tir-ma _ugu_ sza2 _ad du3_-ia iq-bu-u a-din-szu2
346. u3 szu-u _munus saga_ an-ni-tu2 e-pu-szu-usz im-szi-ma
347. isz-te-ne2-'a-a le-mut-tu2
348. e-lisz ina szap-te-e-szu2 i-tam-ma-a t,u-ub-ba-a-ti
349. szap-la-nu lib3-ba-szu2 ka-s,ir ne2-er-tu
350. _dumu-mesz_ babila2{ki} sza2 ina _ugu kur_ an-szar2{ki} am-ru
351. _ARAD-mesz_ da-gil2 pa-ni-ia ip-ru-us,-ma
352. da-bab la kit-te id-bu-ba it-ti-szu2-un
353. ina szi-pir ni-kil-ti a-na sza2-'a-al szul-mi3-ia
354. a-na nina{ki} a-di mah-ri-ia isz-pu-ra-asz2-szu2-nu-ti
355. a-na-ku {disz}an-szar2-du3-a _man kur_ an-szar2{ki}
356. sza _dingir-mesz gal-mesz_ szi-mat _saga_-tim i-szi-mu-usz
357. ib-nu-u-szu2 ina kit-te u mi-sza2-ri
358. _dumu-mesz_ babila2{ki} szu-nu-ti ina _{gesz}banszur_ tak-ne2-e
359. ul-zis-su-nu-ti lu-bul-ti bir-me
360. u2-lab-bi-su-nu-ti _har-mesz ku3-sig17_ u2-rak-kis
361. rit-te-e-szu2-un a-di _dumu-mesz_ babila2{ki} szu-nu-ti
362. qe2-reb _kur_ an-szar2{ki} u2-szu-uz-zu
363. i-dag-ga-lu pa-an sza2-kan t,e3-me-ia
364. u3 szu-u {disz}{d}gesz-nu11-mu-gi-na _szesz_ la ke-e-nu
365. sza la is,-s,u-ru a-de-ia _ug3-mesz kur_ uri{ki} {kur}kal-du
366. {kur}a-ra-mu _kur_ tam-tim ul-tu2 {iri}a-qa-ba
367. a-di {iri}ka2-sa-li-me-ti _ARAD-mesz_ da-gil2 pa-ni-ia
368. usz-bal-kit ina _szu-min_-ia u3 {disz}um-man-i-gasz
369. mun-nab-tu sza2 is,-ba-tu2 _giri3-min lugal_-ti-ia
370. sza qe2-reb {kur}elam-ma{ki} asz2-ku-nu-usz a-na _lugal_-u-ti
371. u3 _lugal-mesz_ {kur}gu-te9-e{ki} _kur_ mar-tu-e{ki} {kur}me-luh-he-e
372. sza ina qi2-bit an-szar2 u {d}nin-lil2 isz-tak-ka-na _szu-min_-a-a
373. nap-har-szu2-nu it-ti-ia u2-szam-kir2-ma
374. it-ti-szu2 isz-ku-nu pi-i-szu2-nu
375. _abul-mesz_ zimbir{ki} babila2{ki} bar2-sipa{ki}
376. u2-dil-ma ip-ru-sa _szesz_-u-tu
377. e-li _bad3 iri-mesz_ sza2-a-tu-nu
378. mun-dah-s,e-e-szu2 u2-sze-li-i-ma
379. it-ti-ia e-te-ne2-ep-pu-szu2 _me3_
380. e-pesz _{udu}siskur-mesz_-ia la-pa-an {d}en _dumu {d}en_
381. nu-ur2 _dingir-mesz {d}utu_ u qu-ra-di {d}er3-ra
382. ik-la-ma u2-szab-t,i-la na-dan zi-bi-ia
383. a-na e-kem ma-ha-zi szu-bat _dingir-mesz gal-mesz_
384. sza esz-re-e-ti-szu2-nu ud-di-szu2 u2-za-'i-i-nu _ku3-sig17 ku3-babbar_
385. qe2-reb-szu2-nu asz2-tak-ka-nu si-ma-a-te ik-pu-ud _hul_-tu2
386. ina u4-me-szu2 1(disz)-en _{lu2}gurusz_
387. ina szat mu-szi u2-tul-ma
388. i-na-at,-t,a-al _masz2-ge6_
389. um-ma ina _ugu_ ki-gal-li sza2 {d}sin sza2-t,ir-ma
390. ma-a sza2 it-ti {disz}an-szar2-du3-a _man kur_ an-szar2{ki}
391. ik-pu-du _munus-hul_ ip-pu-szu2 s,e-lu-u2-tu2
392. mu-u-tu lem-nu a-szar-rak-szu-nu-ti
393. ina _gir2 an-bar_ ha-an-t,i mi-qit {d}gesz-bar _su-gu7_
394. _tag_-it {d}er3-ra u2-qat2-ta-a nap-szat-su-un
395. an-na-a-te asz2-me-e-ma at-kil a-na a-mat {d}sin _en_-ia
396. ina 6(disz)-szi ger-ri-ia ad-ke _erin2-hi-a_-ia
397. _edin {disz}{d}gesz-nu11-mu-gi-na_ usz-te-esz-sze-ra har-ra-nu
398. qe2-reb zimbir{ki} babila2{ki} bar2-sipa{ki} gu2-du8-a{ki}
399. sza2-a-szu2 ga-du mun-dah-s,e-e-szu2 e-si-ir-ma
400. u2-s,ab-bi-ta mu-us,-s,a-szu2-un
401. qe2-reb _iri_ u _edin_ ina la mi3-ni asz2-tak-ka-na _bad5-bad5_-szu2
402. si-it-tu-u-ti ina _tag_-it {d}er3-ra
403. su-un-qu bu-bu-ti isz-ku-nu na-pisz-tu
404. {disz}um-man-i-gasz _man_ {kur}elam-ma{ki} szi-kin _szu-min_-ia
405. sza t,a-'a-a-tu im-hu-ru-szu2-ma
406. it-ba-a a-na kit-ri-szu2
407. {disz}tam-ma-ri-tu2 _edin_-usz-szu2 ib-bal-kit-ma
408. sza2-a-szu2 ga-du kim-ti-szu2 u2-ras-sib ina _{gesz}tukul-mesz_
409. _egir_ {disz}tam-ma-ri-tu2 sza2 _egir_ {disz}um-man-i-gasz
410. u2-szi-bu ina _{gesz}gu-za_ {kur}elam-ma{ki}
411. la isz-a-lu szu-lum _lugal_-ti-ia
412. a-na re-s,u-ut {disz}{d}gesz-nu11-mu-gi-na _szesz_ nak-ri
413. il-lik-am-ma a-na mit-hu-s,i _erin2-hi-a_-ia
414. ur-ri-ha _{gesz}tukul-mesz_-szu2
415. ina su-up-pe-e sza2 an-szar2 u {d}1(u)-5(disz) u2-sap-pu-u2
416. un-nin-ni-ia il-qu-u isz-mu-u2 zi-kir _nundum-min_-ia
417. {disz}in-da-bi-bi _ARAD_-su _edin_-usz-szu2 ib-bal-kit-ma
418. ina _me3 edin_ isz-ku-na _bad5-bad5_-szu2 {disz}tam-ma-ri-tu
419. _man_ {kur}elam-ma{ki} sza2 _ugu_ ni-kis _sag-du_ {disz}te-um-man
420. me2-re-eh-tu iq-bu-u2
421. sza ik-ki-su a-hu-ur-ru-u _erin2-hi-a_-ia
422. um-ma i-nak-ki-su-u _sag-du man_ {kur}elam-ma{ki}
423. qe2-reb _kur_-szu2 ina _ukken erin2-hi-a_-szu2
424. sza2-ni-ia-a-nu iq-bi u3 {disz}um-man-i-gasz
425. ke-e u2-na-asz2-sziq qaq-qa-ru
426. ina pa-an _{lu2}a kin_ sza2 {disz}an-szar2-du3-a _man kur_ an-szar2{ki}
427. _ugu_ a-ma-a-ti an-na-a-te sza2 il-zi-nu
428. an-szar2 u {d}1(u)-5(disz) e-ri-hu-szu2-ma
429. {disz}tam-ma-ri-tu2 _szesz-mesz_-szu2 qin-nu-szu2 _numun e2 ad_-szu2
430. it-ti 1(gesz2) 2(u) 5(disz) _nun-mesz_ a-li-kut i-di-szu2
431. la-pa-an {disz}in-da-bi-bi in-nab-tu2-nim-ma
432. mi-ra-nu-usz-szu2-un ina _ugu sza3-mesz_-szu2-nu
433. ip-szi-lu-nim-ma il-lik-u-ni a-di nina{ki}
434. {disz}tam-ma-ri-tu _giri3-min lugal_-ti-ia u2-na-asz2-sziq-ma
435. qaq-qa-ru u2-sze-szir ina ziq-ni-szu2
436. man-za-az {gesz}ma-gar-ri-ia is,-bat-ma
437. a-na e-pesz _ARAD_-ti-ia ra-man-szu2 im-nu-ma
438. asz2-szu2 e-pesz di-ni-szu2 a-lak re-s,u-ti-szu2
439. ina qi2-bit an-szar2 u {d}1(u)-5(disz) u2-s,al-la-a _en_-u-ti
440. ina mah-ri-ia i-zi-zu-u-ma
441. i-dal-la-lu qur-di _dingir-mesz_-ia dan-nu-ti
442. sza il-li-ku re-s,u-u2-ti
443. a-na-ku {disz}an-szar2-du3-a lib3-bu rap-szu2
444. la ka-s,ir ik-ki mu-pa-si-su hi-t,a-a-te
445. a-na {disz}tam-ma-ri-tu2 re-e-mu ar-szi-szu2-ma
446. sza2-a-szu2 ga-du _numun e2 ad_-szu2 ina qe2-reb _e2-gal_-ia
447. ul-zis-su-nu-ti ina u4-me-szu2 _ug3-mesz kur_ uri{ki}
448. sza it-ti {disz}{d}gesz-nu11-mu-gi-na isz-szak-nu
449. ik-pu-du _hul_-tu2 ne2-eb-re-e-tu2 is,-bat-su-nu-ti
450. a-na bu-ri-szu2-nu _uzu dumu-mesz_-szu2-nu _dumu-munus-mesz_-szu2-nu
451. e-ku-lu ik-su-su ku-ru-us-su
452. an-szar2 {d}sin {d}utu {d}iszkur {d}en {d}ag
453. {d}1(u)-5(disz) sza2 nina{ki} {d}szar-rat-kid-mu-ri
454. {d}1(u)-5(disz) sza2 {iri}limmu2-dingir {d}masz {d}u-gur {d}nusku
455. sza ina mah-ri-ia il-li-ku i-na-ru ga-re-ia
456. {disz}{d}gesz-nu11-mu-gi-na _szesz_ nak-ri sza2 i-gi-ra-an-ni
457. ina mi-qit {d}gesz-bar a-ri-ri id-du-szu2-ma
458. u2-hal-li-qu nap-szat-su
459. u3 _ug3-mesz_ sza2 a-na {disz}{d}gesz-nu11-mu-gi-na
460. _szesz_ nak-ri u2-szak-pi-du
461. ep-sze-e-tu2 an-ni-tu2 _hul_-tu2 e-pu-szu2
462. sza mi-tu-tu ip-la-hu nap-szat-su-nu pa-nu-usz-szu2-un
463. te-qir-u-ma it-ti {disz}{d}gesz-nu11-mu-gi-na
464. _en_-szu2-nu la im-qu-tu2 ina {d}gesz-bar
465. sza la-pa-an ni-kis _gir2 an-bar_ su-un-qi2 bu-bu-ti
466. {d}gesz-bar a-ri-ri i-sze-tu-u-ni e-hu-zu mar-qi2-i-tu2
467. sa-par _dingir-mesz gal-mesz en-mesz_-ia sza2 la na-par-szu-di
468. is-hu-up-szu2-nu-ti e-du ul ip-par-szid
469. mul-tah-t,u ul u2-s,i ina _szu-min_-ia im-nu-u _szu-min_-u-a
470. _{gesz}gigir-mesz_ {gesz}sza2 sza2-da-di {gesz}sza2 s,il-li {munus}sek-re-e-ti-szu2
471. nig2-gur11 _e2-gal_-szu2 u2-bil-u-ni a-di mah-ri-ia
472. _{lu2}erin2-mesz_ sza2-a-tu2-nu szil-la-tu2 pi-i-szu2-nu
473. sza2 ina _ugu an-szar2 dingir_-ia szil-la-tu2 iq-bu-u
474. u3 ia-a-ti _nun_ pa-lih-szu2 ik-pu-du-u-ni _hul_-tu2
475. pi-i-szu2-nu asz2-lu-uq _bad5-bad5_-szu2-nu asz2-kun
476. si-it-ti _ug3-mesz_ bal-t,u-sun2 ina _{d}alad-{d}lamma_
477. sza {disz}{d}sin-pap-mesz-su _ad ad du3_-ia ina lib3-bi is-pu-nu
478. e-nen-na a-na-ku ina ki-is-pi-szu2
479. _ug3-mesz_ sza2-a-tu-nu ina lib3-bi as-pu-un
480. _uzu-mesz_-szu2-nu nu-uk-ku-su-u-ti
481. u2-sza2-kil _ur-gi7-mesz szah-mesz_ zi-i-bi
482. _ti8{muszen}-mesz muszen-mesz an_-e _ku6-mesz_ ap-se-e
483. ul-tu2 ep-sze-e-ti an-na-a-ti e-te-ep-pu-szu2
484. u2-ni-ih-hu lib3-bi _dingir-mesz gal-mesz en-mesz_-ia
485. _adda-mesz un-mesz_ sza2 {d}er3-ra u2-szam-qi2-tu2
486. u3 sza2 ina su-un-qi2 bu-bu-ti isz-ku-nu na-pisz-tu2
487. ri-he-et u2-kul-ti _ur-gi7-mesz szah-mesz_
488. sza _sila-mesz_ pur-ru-ku ma-lu-u re-ba-a-te
489. _giri3-pad-ra2-mesz_-szu2-nu ul-tu2 qe2-reb babila2{ki}
490. gu2-du8-a{ki} zimbir{ki} u2-sze-s,i-ma
491. at-ta-ad-di a-na ka-ma-a-ti
492. ina szi-pir i-szip-pu-ti _bara2-mesz_-szu2-nu ub-bi-ib
493. ul-li-la su-le-e-szu2-nu lu-'u-u-ti
494. _dingir-mesz_-szu2-nu ze-nu-u-ti _{d}1(u)-5(disz)-mesz_-szu2-nu szab-sa-a-te
495. u2-ni-ih ina taq-rib-ti u _er2-sza3-hun-ga2_
496. sat-tuk-ki-szu2-un sza2 i-me-s,u ki-ma sza2 u4-me ul-lu-ti
497. ina szal-me u2-ter-ma u2-kin
498. si-it-ti _dumu-mesz_ babila2{ki} gu2-du8-a{ki} zimbir{ki}
499. sza ina szib-t,i szag-gasz-ti u3 ne2-eb-re-e-ti
500. i-sze-tu-u-ni re-e-mu ar-szi-szu2-nu-ti
501. ba-lat, na-pisz-ti-szu2-nu aq-bi
502. qe2-reb babila2{ki} u2-sze-szib-szu2-nu-ti
503. _ug3-mesz kur_ uri{ki} ga-du {kur}kal-du {kur}a-ra-mu _kur_ tam-tim
504. sza {disz}{d}gesz-nu11-mu-gi-na ik-ter-u-ma
505. a-na 1(disz)-en pi-i u2-ter-ru
506. a-na pa-ra-as ra-ma-ni-szu2-nu ik-ki-ru it-ti-ia
507. ina qi2-bit an-szar2 u {d}nin-lil2 _dingir-mesz_ tik-le-ia
508. a-na pat, gim-ri-szu2-nu ak-bu-us
509. _{gesz}szudun_ an-szar2 sza2 is,-lu-u e-mid-su-nu-ti
510. _{lu2}gar-kur-mesz {lu2}til-gid2-mesz_ szi-kin _szu-min_-ia
511. asz2-tak-ka-na e-li-szu2-un
512. _sa2-du11-mesz_ gi-ne2-e _sag-mesz_ an-szar2 {d}nin-lil2
513. u3 _dingir-mesz kur_ an-szar2{ki} u2-kin _edin_-usz-szu2-un
514. bil-tu man-da-at-tu2 _en_-ti-ia
515. szat-ti-szam-ma la na-par-ka-a e-mid-su-nu-ti
516. ina 7(disz)-e ger-ri-ia ina _{iti}sig4 iti_ {d}sin _en esz-bar_
517. _dumu_ resz-tu-u a-sza2-re-du sza2 {d}en-lil2
518. ad-ke _erin2-hi-a_-ia _edin_ {disz}um-man-al-da-si
519. _man_ {kur}elam-ma{ki} usz-te-esz-sze-ra har-ra-nu
520. u2-bil it-ti-ia {disz}tam-ma-ri-tu2 _man_ {kur}elam-ma{ki}
521. sza la-pa-an {disz}in-da-bi-bi _ARAD_-szu2 in-nab-tam-ma is,-ba-ta _giri3-min_-ia
522. _ug3-mesz_ {iri}hi-il-mu {iri}pil-la-ti {iri}du-mu-qu
523. {iri}su-la-a-a {iri}la-hi-ra-di-bi-ri-i-na
524. ti-ib _me3_-ia dan-ni isz-mu-u sza2 al-la-ku a-na {kur}elam-ma{ki}
525. nam-ri-ri an-szar2 u {d}1(u)-5(disz) _en-mesz_-ia
526. pu-luh-ti _lugal_-ti-ia is-hu-up-szu2-nu-ti
527. szu-nu _ug3-mesz_-szu2-nu _gu4-mesz_-szu2-nu s,e-e-ni-szu2-nu
528. a-na e-pesz _ARAD_-ti-ia a-na _kur_ an-szar2{ki} im-qut-nim-ma
529. is,-ba-tu2 _giri3-min lugal_-ti-ia {iri}e2-{disz}im-bi-i mah-ru-u
530. _iri lugal_-u-ti _e2_ tuk-la-a-te sza2 {kur}elam-ma{ki}
531. sza ki-ma _bad3 gal_-e pa-an {kur}elam-ma{ki} par-ku
532. sza {disz}{d}sin-pap-mesz-su _man kur_ an-szar2{ki} _ad ad du3_-ia
533. il-la-mu-u-a ik-szu-du u3 szu-u e-la-mu-u2
534. _iri_ me2-eh-ret {iri}e2-{disz}im-bi-i mah-re-e
535. sza2-nam-ma e-pu-szu2-ma _bad3_-szu2 u2-dan-nin-u-ma
536. u2-zaq-qi2-ru szal-hu-u-szu
537. {iri}e2-{disz}im-bi-i iz-ku-ru ni-bit-su
538. ina me-ti-iq ger-ri-ia ak-szu-ud
539. _ug3-mesz_ a-szib lib3-bi-szu2 sza2 la u2-s,u-u2-nim-ma
540. la isz-a-lu szu-lum _lugal_-ti-ia a-nir
541. _sag-du-mesz_-szu2-nu ak-kis _nundum-mesz_-szu2-nu ap-ru-u'
542. a-na ta-mar-ti _ug3-mesz kur_-ia
543. al-qa-a a-na _kur_ an-szar2{ki}
544. {disz}im-ba-ap-pi {lu2}qe-e-pu {iri}e2-{disz}im-bi-i
545. {lu2}ha-tan {disz}um-man-al-da-si _man_ {kur}elam-ma{ki}
546. bal-t,u-us-su ul-tu2 qe2-reb _iri_ szu-a-tu2
547. u2-sze-s,a-am-ma _szu-min_ u _giri3-min_ bi-re-tu2 _an-bar_
548. ad-di-szu2-u-ma u2-ra-a-szu2 a-na _kur_ an-szar2{ki}
549. _munus-e2-gal_ u3 _dumu-mesz_-szu2 sza2 {disz}te-um-man
550. _man_ {kur}elam-ma{ki} sza2 ina na-asz2-par-ti an-szar2
551. ina ger-ri-ia mah-re-e ak-ki-su _sag-du_-su
552. it-ti si-it-ti _ug3-mesz_ a-szi-bu-ti {iri}e2-{disz}im-bi-i
553. u2-sze-s,a-am-ma szal-la-tisz am-nu
554. {disz}um-man-al-da-si _man_ {kur}elam-ma{ki}
555. e-reb _erin2-hi-a_-ia sza2 qe2-reb {kur}elam-ma{ki} e-ru-bu isz-me-ma
556. {iri}ma-dak-tu2 _iri lugal_-ti-szu2 u2-masz-szir-ma
557. in-na-bit-ma _kur_-szu2 e-li
558. {disz}um-ba_-lagab_-u-a sza2 ul-tu2 {kur}elam-ma{ki}
559. ta-se-hu-u a-na {iri}bu-bi-lu in-nab-tu-u-ma
560. me2-eh-ret {disz}um-man-al-da-si u2-szi-bu ina _{gesz}gu-za_ {kur}elam-ma{ki}
561. ki-ma sza2-a-szu2-ma isz-me-ma {iri}bu-bi-lu
562. _iri_ mu-szab _en_-ti-szu2 u2-masz-szir-ma
563. ki-ma _ku6-mesz_ is,-bat szu-pul _a-mesz_ ru-qu-u-ti
564. {disz}tam-ma-ri-tu2 sza2 in-nab-ta is,-ba-ta _giri3-min_-ia
565. qe2-reb {iri}szu-sza2-an u2-sze-rib asz2-kun-szu2 a-na _lugal_-ti
566. _saga_-tu e-pu-szu-usz sza2 asz2-pu-ru _a2-tah_-su im-szi-ma
567. isz-te-ne2-'a-a _hul_-tu a-na ka-szad _erin2-hi-a_-ia
568. ki-a-am iq-bi it-ti lib3-bi-szu2
569. um-ma _un-mesz_ {kur}elam-ma{ki} a-na _munus-mesz_-e i-tu-ru
570. ina _igi kur_ an-szar2{ki} szu-nu szu-nu-ma ir-ru-bu-nim-ma
571. ih-ta-nab-ba-tu2 hu-bu-ut {kur}elam-ma{ki}
572. an-szar2 u {d}1(u)-5(disz) sza2 _a2-min_-a-a il-li-ku
573. u2-sza2-zi-zu-in-ni _edin_ ga-re-ia
574. lib3-bi {disz}tam-ma-ri-tu2 ek-s,u ba-ra-nu-u ib-ru-u-ma
575. u2-ba-'u-u2 qa-tusz-szu2
576. ul-tu _{gesz}gu-za lugal_-ti-szu2 id-ku-nisz-szum-ma
577. u2-ter-ru-nisz-szu2 sza2-ni-ia-a-nu
578. u2-szak-ni-szu-usz a-na _giri3-min_-ia
579. szu-ut a-ma-a-ti an-na-a-ti
580. ina s,i-ri-ih-ti lib3-bi-ia
581. sza {disz}tam-ma-ri-tu2 la ke-e-nu ih-t,a-a
582. ina li-i-ti u da-na-ni sza2 _dingir-mesz gal-mesz en-mesz_-ia
583. qe2-reb {kur}elam-ma{ki} a-na si-hir-ti-sza2 at-ta-lak szal-t,isz
584. ina ta-a-a-ar-ti-ia sza2 szul-me-e _szu-min_ ma-li-ti
585. pa-an _{gesz}szudun_-ia u2-ter-ra a-na _kur_ an-szar2{ki}
586. {iri}ga-tu-du {iri}ga-tu-du-ma
587. {iri}da-e-ba {iri}na-di-i'
588. {iri}bad3-{disz}am-na-ni {iri}bad3-{disz}am-na-ni-ma
589. {iri}ha-ma-nu {iri}ta-ra-qu
590. {iri}ha-a-a-u2-si {iri}e2-{na4}kiszib-e2-su
591. {iri}e2-{disz}ar-ra-bi {iri}e2-{disz}im-bi-i
592. {iri}ma-dak-tu {iri}szu-sza2-an
593. {iri}bu-be2-e {iri}sze-{disz}{d}szu2-man-a-ni
594. {iri}ur-da-li-ka {iri}al-ga-ri-ga
595. {iri}tu-u2-bu {iri}du6-tu-u2-bu
596. {iri}du-un_-lugal {iri}bad3_-{disz}un-da-si
597. {iri}bad3-{disz}un-da-si-ma {iri}bu-bi-lu
598. {iri}sa-am-u2-nu {iri}e2-{disz}bu-na-ku
599. {iri}qa-ab-ri-na {iri}qa-ab-ri-na-ma {iri}ha-ra-a'
600. _iri-mesz_ szu-nu-ti ak-szu-ud
601. ap-pul aq-qur ina {d}gesz-bar aq-mu
602. _dingir-mesz_-szu2-nu _ug3-mesz_-szu2-nu _gu4-mesz_-szu2-nu s,e-e-ni-szu2-nu
603. _nig2-szu_-szu2-nu _nig2-gur11_-szu2-nu
604. {gesz}s,u-um-bi _ansze-kur-ra-mesz ansze-kunga-mesz_
605. {gesz}til-li u2-nu-ut _me3_ asz2-lu-la a-na _kur_ an-szar2{ki}
606. i-na 8(disz)-e ger-ri-ia ina qi2-bit an-szar2 u {d}1(u)-5(disz)
607. ad-ke _erin2-hi-a_-ia _edin_ {disz}um-man-al-da-si
608. _man_ {kur}elam-ma{ki} usz-te-esz-sze-ra har-ra-nu
609. {iri}e2-{disz}im-bi-i sza2 ina ger-ri-ia mah-re-e
610. ak-szu-du e-nen-na {kur}ra-a-szi
611. {iri}ha-ma-nu a-di na-ge-szu2 ak-szu-ud
612. u3 szu-u {disz}um-man-al-da-si _man_ {kur}elam-ma{ki}
613. ka-szad {kur}ra-a-szi {iri}ha-ma-nu isz-me-ma
614. pu-luh-ti an-szar2 u {d}1(u)-5(disz) a-li-kut _a2-min_-ia
615. is-hu-up-szu2-ma {iri}ma-dak-tu2 _iri lugal_-ti-szu2
616. u2-masz-szir-ma in-na-bit a-na {iri}bad3-{disz}un-da-si
617. {i7}id-id-e e-bir-ma _i7_ szu-a-tu2
618. a-na dan-nu-ti-szu2 isz-kun
619. uk-ta-ta-s,ar a-na s,al-ti-ia
620. {iri}na-di-tu2 _iri lugal_-ti a-di na-ge-szu2 _kur_-ud
621. {iri}e2-{disz}bu-na-ku _iri lugal_-ti a-di na-ge-szu2 _kur_-ud
622. {iri}har-tap-a-nu _iri lugal_-ti a-di na-ge-szu2 _kur_-ud
623. {iri}tu-u2-bu a-di na-ge-szu2 _kur_-ud
624. bi-rit _i7_ ka-la-mu {iri}ma-dak-tu2
625. _iri lugal_-ti a-di na-ge-szu2 _kur_-ud
626. {iri}hal-te-ma-asz2 _iri lugal_-ti-szu2 ak-szu-ud
627. {iri}szu-sza2-an _iri lugal_-ti-szu2 ak-szu-ud
628. {iri}di-in_-lugal_ {iri}su-mu-un-tu-na-asz2
629. _iri lugal_-ti-szu2 ak-szu-ud
630. {iri}pi-di-il-ma _iri lugal_-ti-szu2 ak-szu-ud
631. {iri}bu-bi-lu _iri lugal_-ti-szu2 ak-szu-ud
632. {iri}ka-bi-in-ak _iri lugal_-ti-szu2 ak-szu-ud
633. ina tukul-ti an-szar2 u {d}1(u)-5(disz) ar-de-e-ma al-lik
634. _edin_ {disz}um-man-al-da-si _man_ {kur}elam-ma{ki}
635. sza la ik-nu-sza2 a-na _{gesz}szudun_-ia
636. ina me-ti-iq ger-ri-ia
637. {iri}bad3-{disz}un-da-si _iri lugal_-ti-szu2 _kur_-ud
638. _erin2-hi-a_-ia {i7}id-id-e a-gu-u szam-ru
639. e-mu-ru ip-la-hu a-na ne2-ba-ar-te
640. {d}1(u)-5(disz) a-szi-bat {iri}limmu2-dingir ina szat mu-szi
641. a-na _erin2-hi-a_-ia _masz2-ge6_ u2-szab-ri-ma
642. ki-a-am iq-bi-szu-nu-ti
643. um-ma a-na-ku al-lak ina ma-har {disz}an-szar2-du3-a
644. _lugal_ sza2 ib-na-a _szu-min_-a-a
645. e-li _masz2-ge6_ an-ni-ti _erin2-hi-a_-ia ir-hu-s,u
646. {i7}id-id-e e-bi-ru szal-mesz
647. 1(u) 4(disz) _iri-mesz_ mu-szab _lugal_-ti-szu2
648. a-di _iri-mesz tur-mesz_ sza2 ni-i-ba la i-szu-u
649. u3 1(u) 2(disz) na-ge-e sza2 qe2-reb {kur}elam-ma{ki} ka-li-sza2
650. ak-szu-ud ap-pul aq-qur ina {d}gesz-bar aq-mu
651. a-na _du6_ u kar-me u2-ter
652. ina la mi3-ni a-duk qu-ra-de-e-szu2
653. ina _{gesz}tukul-mesz_ u2-ras-sib mun-dah-s,e-e-szu2 _mah-mesz_
654. {disz}um-man-al-da-si _man_ {kur}elam-ma{ki}
655. mi-ra-nu-usz-szu2 in-na-bit-ma is,-ba-ta _kur_-u2
656. {iri}ba-nu-nu a-di na-ge-e sza2 {iri}ta-sa-ar-ra
657. ka-la-mu ak-szu-ud
658. _2(u)-am3 iri-mesz_ ina na-ge-e sza2 {iri}hu-un-nir
659. ina _ugu_ mi3-is,-ri sza2 {iri}hi-da-lu ak-szu-ud
660. {iri}ba-szi-mu u3 _iri-mesz_ sza2 li-me-ti-szu2 ap-pul aq-qur
661. sza _ug3-mesz_ a-szib lib3-bi-szu2-un ka-mar-szu2-nu asz2-kun
662. u2-szab-bir _dingir-mesz_-szu2-un
663. u2-szap-szi-ih ka-bat-ti _en en-en_
664. _dingir-mesz_-szu2 _{d}1(u)-5(disz)-mesz_-szu2 _nig2-szu_-szu2 _nig2-gur11_-szu2
665. _ug3-mesz tur_ u _gal_ asz2-lu-la a-na _kur_ an-szar2{ki}
666. 1(gesz2) _danna_ qaq-qa-ru ina a-mat an-szar2 u {d}1(u)-5(disz)
667. sza u2-ma-'e-e-ru-in-ni
668. qe2-reb {kur}elam-ma{ki} e-ru-ub at-ta-lak szal-t,isz
669. ina ta-a-a-ar-ti-ia sza2 an-szar2 u {d}1(u)-5(disz)
670. u2-sza2-zi-zu-in-ni _edin_ ga-re-ia
671. {iri}szu-sza2-an ma-ha-zu _gal_-u2 mu-szab _dingir-mesz_-szu2-un
672. a-szar pi-risz-ti-szu2-un ak-szu-ud
673. ina a-mat an-szar2 u {d}1(u)-5(disz) qe2-reb _e2-gal-mesz_-szu2
674. e-ru-ub u2-szib ina _hul2-mesz_
675. ap-te-e-ma _e2_ nak-kam-a-ti-szu2-nu
676. sza _ku3-babbar-mesz ku3-sig17-mesz nig2-szu-mesz nig2-ga-mesz_
677. nu-uk-ku-mu qe2-reb-szu2-un
678. sza _lugal-mesz_ {kur}elam-ma{ki} mah-ru-u-ti
679. a-di _lugal-mesz_ sza2 a-di _sza3_ u4-me an-ne2-e
680. u2-pah-hi-ru isz-ku-nu
681. sza _{lu2}kur2_ sza2-nam-ma e-li ia-a-szi
682. _szu-min_-su la u2-bi-lu ina lib3-bi
683. u2-sze-s,a-am-ma szal-la-tisz am-nu
684. _ku3-babbar ku3-sig17 nig2-szu-mesz nig2-ga-mesz_ sza2 _kur eme-gi7_
685. u uri{ki} {kur}kar2-{d}dun-ia2-asz3 ka-la-mu
686. sza _lugal-mesz_ {kur}elam-ma{ki} mah-ru-u-ti
687. a-di 7(disz)-szu2 isz-lu-lu u2-bi-lu qe2-reb {kur}elam-ma{ki}
688. s,a-ri-ru husz-szu-u esz-ma-ru-u eb-bu
689. ni-siq-ti _na4-mesz_ szu-kut-tu2 a-qar-tu2 si-mat _lugal_-ti
690. sza _lugal-mesz kur_ uri{ki} mah-ru-u-ti
691. u3 {disz}{d}gesz-nu11-mu-gi-na a-na kit-ri-szu2-nu
692. ip-szu-ru a-na {kur}elam-ma{ki}
693. lu-bul-tu szu-kut-tu2 si-mat _lugal_-u-ti
694. {gesz}til-li qa-ra-bi si-ma-nu-u2
695. mim-ma e-pesz _me3_ si-mat _szu-min_-szu2
696. u2-nu-ut mut-tab-bil-ti _e2-gal-mesz_-szu2 ka-la-mu
697. sza2 ina muh-hi u2-szi-bu it-ti-lu
698. ina lib3-bi e-ku-lu isz-tu-u ir-mu-ku ip-pa-asz2-szu2
699. _{gesz}gigir-mesz_ {gesz}sza sza2-da-di {gesz}s,u-um-bi
700. sza ih-zu-szi-na s,a-ri-ru za-ha-lu-u
701. _ansze-kur-ra-mesz ansze-kunga-mesz gal-mesz_
702. sza tal-lul-ta-szu2-nu _ku3-sig17 ku3-babbar_
703. asz2-lu-la a-na _kur_ an-szar2{ki}
704. ziq-qur-rat {iri}szu-sza2-an
705. sza ina a-gur2-ri _{na4}za-gin3_ szu-pu-szat ub-bit
706. u2-kap-pi-ra _si-mesz_-sza2 sza pi-tiq _uruda_ nam-ri
707. {d}musz3-szesz2 _dingir_ pi-risz-ti-szu2-un
708. sza asz2-bu ina pu-uz-ra-a-ti
709. sza mam-ma-an la im-ma-ru ep-szet _dingir_-ti-szu2
710. {d}szu-mu-du {d}la-ga-ma-ru
711. {d}pa-ar-ti-ki-ra {d}am-man-ka-si-masz
712. {d}u2-du-ra-an {d}sa-pa-ag
713. sza _lugal-mesz_ {kur}elam-ma{ki}
714. ip-tal-la-hu _dingir_-us-su-un
715. {d}ra-gi-ba {d}su-un_-gam_-sa-ra-a
716. {d}ka-ar-sa {d}ki-ir-sa-ma-as
717. {d}szu-da-nu {d}a-a-pa-ag-si-na
718. {d}bi-la-la {d}pa-ni-in-tim-ri
719. {d}si-la-ga-ra-a {d}na-ab-sa-a
720. {d}na-bir-tu {d}ki-in-da-kar-bu
721. _dingir-mesz {d}1(u)-5(disz)-mesz_ sza2-a-tu-nu
722. it-ti szu-kut-ti-szu2-nu _nig2-gur11_-szu2-nu u2-nu-ti-szu2-nu
723. a-di {lu2}sza2-an-ge-e {lu2}bu-uh-la-le-e
724. asz2-lu-la a-na _kur_ an-szar2{ki}
725. 3(u) 2(disz) _alam-mesz lugal-mesz_
726. pi-tiq _ku3-babbar ku3-sig17 uruda {na4}gesz-nu-gal_
727. ul-tu qe2-reb {iri}szu-sza2-an
728. {iri}ma-dak-tu {iri}hu-ra-di
729. a-di _alam_ {disz}um-man-i-gasz _dumu_ {disz}um-ba-da-ra-a
730. _alam_ {disz}isz-tar-na-an-hu-un-di
731. _alam_ {disz}hal-lu-si
732. _alam_ {disz}tam-ma-ri-tu _egir_-u2
733. sza ina qi2-bit an-szar2 u {d}1(u)-5(disz) e-pu-szu2 _ARAD_-u-ti
734. al-qa-a a-na _kur_ an-szar2{ki}
735. ad-ka-a _{d}alad-mesz {d}lamma-mesz_
736. _en-nun-mesz_ szu-ut e2-kur ma-la ba-szu2-u2
737. u2-na-as-si-ha _am-mesz_ na-ad-ru-u-ti
738. si-mat _ka2-mesz_-ni
739. esz-re-e-ti {kur}elam-ma{ki}
740. a-di la ba-sze-e u2-szal-pit
741. _dingir-mesz_-szu2 _{d}1(u)-5(disz)-mesz_-szu2 am-na-a a-na za-qi2-qi2
742. _{gesz}tir-mesz_-szu2-nu pa-az-ra-a-ti
743. sza mam2-ma a-hu-u la u2-szar-ru ina lib3-bi
744. la i-kab-ba-su i-ta-szi-in
745. _{lu2}erin2-mesz me3_-ia qe2-reb-szin e-ru-bu
746. e-mu-ru pu-uz-ra-szin iq-mu-u ina {d}gesz-bar
747. ki-mah-hi _lugal-mesz_-szu2-nu mah-ru-u-ti _egir-mesz_
748. la pa-li-hu-u-ti an-szar2 u {d}1(u)-5(disz) _en-mesz_-ia
749. mu-nar-ri-t,u _lugal-mesz ad-mesz_-ia
750. ap-pul aq-qur u2-kal-lim _{d}utu_-szi
751. _giri3-pad-ra2-mesz_-szu2-nu al-qa-a a-na _kur_ an-szar2{ki}
752. e-t,em2-me-szu2-nu la s,a-la-lu e-mi3-id
753. ki-is-pi na-aq _a-mesz_ u2-za-am-me-szu2-nu-ti
754. ma-lak _iti_ 2(u) 5(disz) _u4-mesz_
755. na-ge-e {kur}elam-ma{ki} u2-szah-rib
756. _mun {u2}zag-hi-li{sar}_
757. u2-sap-pi-ha _edin_-usz-szu2-un
758. _dumu-munus-mesz lugal-mesz nin9-mesz lugal-mesz_
759. a-di qi-in-ni mah-ri-ti u _egir_-ti
760. sza _lugal-mesz_ {kur}elam-ma{ki}
761. {lu2}qe2-pa-a-ni {lu2}ha-za-na-a-ti
762. sza _iri-mesz_ sza2-a-tu-nu ma-la ak-szu-du
763. _{lu2}gal {gesz}pan-mesz {lu2}gar-nu-mesz_
764. {lu2}mu-kil _{kusz}pa-mesz_ {lu2}_3(disz)-u5-mesz_
765. {lu2}sza2 pet2-hal_-li-mesz {lu2}erin2-mesz {gesz}pan_
766. _{lu2}sag-mesz_ {lu2}kit-kit-tu-u2
767. gi-mir um-ma-ni ma-la ba-szu-u2
768. _ug3-mesz nita_ u _munus tur_ u _gal_
769. _ansze-kur-ra-mesz ansze-kunga-mesz_
770. _ansze-mesz gu4-mesz_ u _u8-udu-hi-a_
771. sza e-li _buru5-hi-a_ ma-a'-du
772. asz2-lu-la a-na _kur_ an-szar2{ki}
773. _sahar-hi-a_ {iri}szu-sza2-an {iri}ma-dak-tu2 {iri}hal-te-ma-asz2
774. u3 si-it-ti ma-ha-zi-szu2-nu
775. e-si-pa al-qa-a a-na _kur_ an-szar2{ki}
776. ina _iti ud-mesz_ {kur}elam-ma{ki}
777. a-na pat, gim-re-e-sza2 as-pu-un
778. ri-gim a-me-lu-ti ki-bi-is _gu4-mesz_ u s,e-e-ni
779. szi-si-it a-la-la _du10-ga_
780. u2-za-am-ma-a _a-gar3-mesz_-szu2
781. _ansze-edin-na-mesz masz-da3-mesz_
782. u2-ma-am _edin_ ma-la ba-szu-u
783. par-ga-nisz u2-szar-bi-s,a qe2-reb-szu2
784. {d}na-na-a sza 1(disz) _lim_ 6(disz) _me 3(u)-am3_ 5(disz) _mu-an-na-mesz_
785. ta-as-bu-szu2 tal-li-ku tu-szi-bu
786. qe2-reb {kur}elam-ma{ki} a-szar la si-ma-te-e-sza2
787. u3 ina u4-me-szu2-ma szi-i u3 _dingir-mesz ad-mesz_-sza2
788. tab-bu-u szu-mi3 a-na be-lut _kur-kur_
789. ta-a-a-rat _dingir_-ti-sza2 tu-szad-gi-la pa-nu-u-a
790. um-ma {disz}an-szar2-du3-a ul-tu2 qe2-reb {kur}elam-ma{ki}
791. lem-ne2-ti u2-sze-s,a-an-ni-ma
792. u2-sze-rab-an-ni qe2-reb e2-an-na
793. a-mat qi2-bit _dingir_-ti-szu2-un
794. sza ul-tu2 _u4-mesz su3-mesz_ iq-bu-u
795. e-nen-na u2-kal-li-mu _ug3-mesz egir-mesz_
796. _szu-min dingir_-ti-sza2 _gal_-ti at-mu-uh
797. har-ra-nu i-szir-tu2 sza2 ul-lu-us, lib3-bi
798. ta-as,-ba-ta a-na e2-an-na
799. ina _{iti}gan u4 1(disz)-kam2_ ina qe2-reb unu{ki} u2-sze-rib-szi-ma
800. ina e2-hi-li-an-na sza2 ta-ram-mu
801. u2-szar-me-szi _bara2_ da-ra-a-ti
802. _ug3-mesz_ u3 szal-lat {kur}elam-ma{ki}
803. sza ina qi2-bit an-szar2 {d}sin {d}utu {d}iszkur
804. {d}en {d}ag {d}1(u)-5(disz) sza2 nina{ki} {d}gaszan-kid-mu-ri
805. {d}1(u)-5(disz) sza2 {iri}limmu2-dingir {d}masz {d}u-gur {d}nusku ah-bu-ta
806. re-sze-e-ti a-na _dingir-mesz_-ia asz2-ruk
807. _{lu2}erin2-mesz {gesz}pan_ {gesz}a-ri-ti
808. {lu2}um-ma-ni {lu2}kit-kit-tu-u
809. sza asz2-lu-la ul-tu2 qe2-reb {kur}elam-ma{ki}
810. e-li ki-s,ir _lugal_-ti-ia u2-rad-di
811. si-it-tu-ti a-na ma-ha-zi szu-bat _dingir-mesz gal-mesz_
812. _{lu2}nam-mesz_-ia _gal-mesz_-ia gi-mir _karasz_-ia
813. ki-ma s,e-e-ni u2-za-'i-iz
814. {disz}um-man-al-dasz _man_ {kur}elam-ma{ki}
815. sza szu-usz-mur _{gesz}tukul-mesz_ an-szar2 u {d}1(u)-5(disz)
816. dan-nu-u2-ti e-mu-ru
817. ul-tu2 _kur_-e a-szar mar-qi2-ti-szu2 i-tu-ram-ma
818. qe2-reb {iri}ma-dak-tu2 _iri_ sza2 ina qi2-bit an-szar2 u {d}1(u)-5(disz)
819. ap-pu-lu aq-qu-ru asz2-lu-lu szal-lat-su
820. e-ru-ub u2-szib ina si-pit-ti a-szar ki-hul-le-e
821. szu-ut {disz}{d}ag-en-mu-mesz
822. _dumu dumu {disz}{d}marduk-a-szum2-na_
823. sza ina a-de-ia ih-t,u-u2
824. is,-lu-u2 _{gesz}szudun en_-ti-ia
825. sza _lugal-mesz_ {kur}elam-ma{ki}
826. a-na dan-nu-ti-szu2 isz-ku-nu
827. it-tak-lu a-na {disz}um-man-i-gasz {disz}tam-ma-ri-tu2
828. {disz}in-da-bi-bi {disz}um-man-al-dasz
829. _lugal-mesz_ sza2 e-pu-szu2 be-lut {kur}elam-ma{ki}
830. _{lu2}a kin_-ia szu-ut sze-bul {disz}{d}muati-en-mu-mesz
831. ina ma-le-e lib-ba-a-ti
832. u2-ma-'e-er _edin_ {disz}um-man-al-dasz
833. {disz}{d}muati-en-mu-mesz _dumu dumu_ {disz}{d}marduk-a-asz
834. a-lak _{lu2}a kin_-ia sza2 qe2-reb {kur}elam-ma{ki}
835. e-ru-bu isz-me-e-ma
836. ik-ku-ud lib3-ba-szu2 ir-sza2-a na-kut-tu
837. na-pisz-ta-szu2 pa-nu-usz-szu2 ul e-qir-ma
838. ih-szu-ha mi-tu-tu
839. a-na {lu2}ki-ze-e ra-ma-ni-szu2 iq-bi-ma
840. um-ma ra-si-ban-ni ina _{gesz}tukul_
841. szu-u {lu2}ki-zu-szu2 ina _gir2 an-bar_ szib-bi-szu2-nu
842. up-ta-at-te-hu a-ha-mesz
843. {disz}um-man-al-dasz ip-lah3-ma
844. _adda {disz}{d}muati-en-mu-mesz_ szu-a-tu2
845. ina _mun_ usz-ni-il-ma
846. a-di _sag-du {lu2}ki-zu_-szu2
847. sza u2-ra-si-bu-szu2 ina _{gesz}tukul_
848. a-na _{lu2}a kin_-ia id-din-ma
849. u2-sze-bi-la-asz2-szu2 a-di mah-ri-ia
850. _adda_-szu2 a-a-din a-na qe2-be2-ri
851. _ugu_ sza2 mah-ri mi-tu-us-su ut-tir-ma
852. _sag-du_-su ak-kis ina _gu2 {disz}{d}muati-szu-min_-s,a-bat
853. {lu2}{d}sin-ma-gir {disz}{d}gesz-nu11-mu-gi-na
854. _szesz_ nak-ri sza2 it-ti-szu2
855. a-na szum-ku-ri {kur}elam-ma{ki} il-li-ku a-lul
856. {disz}pa-'e-e sza2 me2-eh-ret {disz}um-man-al-dasz
857. e-pu-szu be-lut {kur}elam-ma{ki}
858. na-mur-rat _{gesz}tukul-mesz_ an-szar2 u {d}1(u)-5(disz) ez-zu-ti
859. sza 1(disz)-szu2 2(disz)-szu2 3(disz)-szu2 it-bu-ku _ugu_ {kur}elam-ma{ki}
860. ih-su-us-ma ir-sza2-a hi-ip lib3-bi
861. ul-tu2 qe2-reb {kur}elam-ma{ki} in-nab-tam-ma
862. is,-ba-ta _giri3-min lugal_-ti-ia
863. _ug3-mesz_ mul-tah-t,e sza {iri}e2-{disz}im-bi-i
864. {iri}ku-zur-te-e-in {iri}bad3-lugal
865. {iri}ma-su-tu {iri}bu-be2-e
866. {iri}e2-{disz}un-za-a-a {iri}e2-{disz}ar-ra-bi
867. {iri}ib-rat {iri}an-za-gar3-sza-{disz}ta-pa-pa
868. {iri}ak-bar-i-na {iri}gur-u2-ki-ir-ra
869. {iri}du-un-nu-{d}sza2-masz {iri}ha-ma-nu
870. {iri}ka-ni-s,u {iri}ar-an-zi-a-sze
871. {iri}na-qi2-da-a-te {iri}dim-tu2-sza2-{disz}si-ma-me
872. {iri}e2-{disz}qa-ta-at-ti {iri}sza-{disz}ki-sa-a-a
873. {iri}su-ba-he-e {iri}du6-hu-um-ba
874. sza ina ger-ri-ia mah-re-e
875. sza la-pa-an _{gesz}tukul-mesz_ an-szar2 u {d}1(u)-5(disz)
876. dan-nu-u2-ti in-nab-tu
877. is,-ba-tu {iri}sa-al-ad-ri _kur_-u2 mar-s,u
878. _ug3-mesz_ sza2-a-tu2-nu sza2 {iri}sa-al-ad-ri _kur_-u2
879. isz-ku-nu a-na dan-nu-ti-szu2-un
880. nam-ri-ri an-szar2 u {d}1(u)-5(disz) _en-mesz_-ia
881. is-hu-up-szu-nu-ti
882. ul-tu _kur_-e a-szar mar-qi2-ti-szu2-un
883. in-nab-tu-nim-ma is,-ba-tu2 _giri3-min_-ia
884. a-na _{gesz}pan_ ak-s,ur-szu2-nu-ti
885. _ugu_ ki-s,ir _lugal_-ti-ia
886. sza u2-mal-lu-u _szu-min_-u-a u2-rad-di
887. ina 9(disz)-e ger-ri-ia ad-ke _erin2-hi-a_-ia
888. _edin_ {disz}u2-a-a-te-e' _man_ {kur}a-ri-bi
889. usz-te-esz-sze-ra har-ra-nu
890. sza ina a-de-ia ih-t,u-u2
891. _mun_ e-pu-szu-usz la is,-s,ur-u2-ma
892. is,-la-a _{gesz}szudun en_-ti-ia
893. sza an-szar2 e-mi3-du-usz i-szu-t,u ab-sza2-a-ni
894. a-na sza2-al szul-mi3-ia _giri3-min_-szu2 ip-ru-us-ma
895. ik-la-a ta-mar-ti man-da-ta-szu2 ka-bit-tu2
896. ki-i {kur}elam-ma{ki}-ma da-bab sur-ra-a-te
897. _kur_ uri{ki} isz-me-e-ma
898. la is,-s,u-ra a-de-ia
899. ia-a-ti {disz}an-szar2-du3-a _sanga ku3_
900. re-e-szu2 mut-nen-nu-u2
901. bi-nu-ut _szu-min_ an-szar2 u2-masz-szir-an-ni-ma
902. a-na {disz}a-bi-ia-te-e' {disz}a-a-mu _dumu_ {disz}te-e-ri
903. e-mu-qi2 id-din-szu-nu-ti
904. a-na re-s,u-tu {disz}{d}gesz-nu11-mu-gi-na
905. _szesz_ nak-ri isz-pur-am-ma
906. isz-ta-kan pi-i-szu2
907. _ug3-mesz_ {kur}a-ri-bi it-ti-szu2 u2-szam-kir2-ma
908. ih-ta-nab-ba-ta hu-bu-ut _ug3-mesz_
909. sza an-szar2 {d}1(u)-5(disz) u _dingir-mesz gal-mesz_
910. id-din-u-ni _sipa_-si-na e-pe-szi
911. u3 u2-mal-lu-u2 _szu-min_-u-a
912. ina qi2-bit an-szar2 u {d}1(u)-5(disz) _erin2-hi-a_-ia
913. ina gi-ra-a {iri}a-za-ar_-dingir_
914. {iri}hi-ra-ta-a-qa-s,a-a-a ina {iri}u2-du-me
915. ina ne2-reb {iri}ia-ab-ru-du ina {iri}e2-{disz}am-ma-ni
916. ina na-ge-e sza2 {iri}ha-u2-ri-i-na
917. ina {iri}mu-'a-a-ba ina {iri}sa-'a-ar-ri
918. ina {iri}ha-ar-ge-e ina na-ge-e
919. sza {iri}s,u-bi-ti di-ik-ta-szu2
920. ma-'a-at-tu a-duk
921. ina la mi3-ni asz2-kun _bad5-bad5_-szu2
922. _ug3-mesz_ {kur}a-ri-bi ma-la it-ti-szu2 it-bu-u-ni
923. u2-ra-as-sib ina _{gesz}tukul-mesz_
924. u3 szu-u2 la-pa-an _{gesz}tukul-mesz_ an-szar2 dan-nu-ti
925. ip-par-szid-ma in-na-bit a-na ru-qe2-e-ti
926. _e2 edin_ kul-ta-ra-a-te mu-sza2-bi-szu2-nu
927. _izi_ u2-sza2-hi-zu iq-mu-u ina {d}gesz-bar
928. {disz}u2-a-a-te-e' ma-ru-usz-tu2 im-hur-szu2-u-ma
929. e-disz-szi-szu2 in-na-bit a-na {kur}na-ba-a-a-te
930. {disz}u2-a-a-te-e' _dumu_ {disz}ha-za_-dingir_
931. _dumu szesz ad_ sza2 {disz}u2-a-a-te-e' _dumu_ {disz}bir-{d}iszkur
932. sza ra-man-szu2 isz-ku-nu
933. a-na _lugal_-u-ti {kur}a-ri-bi
934. an-szar2 _lugal dingir-mesz kur_-u2 _gal_-u2
935. t,e3-en-szu2 u2-sza2-an-ni-ma
936. il-li-ka a-di mah-ri-ia
937. a-na kul-lum ta-nit-ti an-szar2
938. u3 _dingir-mesz gal-mesz en-mesz_-ia
939. an-nu kab-tu e-mid-su-ma
940. {gesz}szi-ga-ru asz2-kun-szu-ma
941. it-ti a-si _ur-gi7_ ar-ku-us-szu2-ma
942. u2-sza2-an-s,ir-szu2 _abul muru2_ {iri}nina{ki}
943. ne2-reb mas-naq-ti ad-na-a-ti
944. u3 szu-u {disz}am-mu-la-di _man_ {kur}qe2-ed-ri
945. it-ba-am-ma a-na mit-hu-s,i _lugal-mesz kur_ mar-tu{ki}
946. sza an-szar2 {d}1(u)-5(disz) u _dingir-mesz gal-mesz_
947. u2-szad-gi-lu pa-nu-u-a
948. ina tukul-ti an-szar2 {d}sin {d}utu {d}iszkur
949. {d}en {d}ag {d}1(u)-5(disz) sza2 nina{ki}
950. {d}gaszan-kid-mu-ri {d}1(u)-5(disz) sza2 {iri}limmu2-dingir
951. {d}masz {d}u-gur {d}nusku
952. _bad5-bad5_-szu2 asz2-kun
953. sza2-a-szu2 bal-t,u-us-su it-ti {munus}a-di-ia-a
954. _dam_ {disz}u2-a-a-te-e' _man_ {kur}a-ri-bi
955. is,-ba-tu-nim-ma u2-bil-u-ni a-di mah-ri-ia
956. ina qi2-bit _dingir-mesz gal-mesz en-mesz_-ia
957. ul-li _ur-gi7_ asz2-kun-szu2-ma
958. u2-sza2-an-s,ir-szu2 {gesz}szi-ga-ru
959. ina qi2-bit an-szar2 {d}1(u)-5(disz) u _dingir-mesz gal-mesz en-mesz_-ia
960. sza {disz}a-bi-ia-te-e' {disz}a-a-mu _dumu_ {disz}te-e'-ri
961. sza a-na re-s,u-tu {disz}{d}gesz-nu11-mu-gi-na
962. a-na e-reb babila2{ki} il-li-ku
963. re-s,e-e-szu2 a-duk _bad5-bad5_-szu2 asz2-kun
964. si-it-tu-ti sza2 qe2-reb babila2{ki} e-ru-bu
965. ina su-un-qi2 hu-szah-hi
966. e-ku-lu _uzu_ a-ha-mesz
967. a-na szu-zu-ub _zi_-ti3-szu2-nu
968. ul-tu2 qe2-reb babila2{ki} u2-s,u-nim-ma
969. e-mu-qi2-ia sza2 ina _ugu {disz}{d}gesz-nu11-mu-gi-na_ szak-nu
970. sza2-ni-ia-a-nu _bad5-bad5_-szu2 isz-ku-nu-ma
971. szu-u2 e-disz ip-par-szid-ma
972. a-na szu-zu-ub _zi_-ti3-szu2 is,-ba-tu2 _giri3-min_-ia
973. re-e-mu ar-szi-szu-u-ma
974. a-de-e ni-isz _dingir-mesz gal-mesz_ u2-sza2-az-kir2-szu2-ma
975. ku-um {disz}u2-a-a-te-e' _dumu_ {disz}ha-za_-dingir_
976. a-na _lugal_-u-ti {kur}a-ri-bi asz2-kun-szu2
977. u3 szu-u it-ti {kur}na-ba-a-a-ta-a-a
978. pi-i-szu2 isz-kun-ma
979. ni-isz _dingir-mesz gal-mesz_ la ip-lah3-ma
980. ih-tab-ba-ta hu-bu-ut mi-s,ir _kur_-ia
981. ina tukul-ti an-szar2 {d}sin {d}utu {d}iszkur
982. {d}en {d}ag {d}1(u)-5(disz) sza2 nina{ki}
983. {d}szar-rat-kid-mu-ri {d}1(u)-5(disz) sza2 {iri}limmu2-dingir
984. {d}masz {d}u-gur {d}nusku
985. {disz}na-at-nu _man_ {kur}na-ba-a-a-ti
986. sza a-szar-szu2 ru-u2-qu
987. sza {disz}u2-a-a-te-e' ina mah-ri-szu2 in-nab-tu
988. isz-me-ma da-na-an an-szar2 sza2 u2-tak-kil-an-ni
989. sza ma-te-e-ma a-na _lugal-mesz ad-mesz_-ia
990. _{lu2}a kin_-szu2 la isz-pu-ra
991. la isz-a-lu szu-lum _lugal_-ti-szu2-un
992. ina pu-luh-ti _{gesz}tukul-mesz_ an-szar2 ka-szi-du-u-ti
993. is-sa-an-qa-am-ma isz-a-la szu-lum _lugal_-ti-ia
994. u3 {disz}a-bi-ia-te-e' _dumu_ {disz}te-e'-ri
995. la ha-sis t,a-ab-ti
996. la na-s,ir ma-mit _dingir-mesz gal-mesz_
997. da-bab sur-ra-a-te it-ti-ia id-bu-ub-ma
998. pi-i-szu2 it-ti {disz}na-at-ni
999. _lugal_ {kur}na-ba-a-a-ti isz-kun-ma
1000. e-mu-qi2-szu2-nu id-ku-u-ni
1001. a-na ti-ib _hul_-tim a-na mi-s,ir-ia
1002. ina qi2-bit an-szar2 {d}sin {d}utu {d}iszkur
1003. {d}en {d}ag {d}1(u)-5(disz) sza2 nina{ki}
1004. {d}szar-rat-kid-mu-ri {d}1(u)-5(disz) sza2 limmu2-dingir{ki}
1005. {d}masz {d}u-gur {d}nusku
1006. _erin2-hi-a_-ia ad-ke _edin_ {disz}a-bi-ia-te-e'
1007. usz-te-esz-sze-ra har-ra-nu
1008. {i7}idigna u {i7}buranun{ki}
1009. ina _illu_-szi-na gap-szi szal-mesz lu-u e-bi-ru
1010. ir-du-u2 ur-hi ru-qu-u-ti
1011. e-tel-lu-u2 hur-sza2-a-ni sza2-qu-u-ti
1012. ih-tal-lu-pu _{gesz}tir-mesz_ sza2 s,u-lul-szi-na rap-szu2
1013. bi-rit _gesz-mesz gal-mesz_ gi-is,-s,i
1014. _{gesz}gesztin-gir2-mesz_ har-ra-an {gesz}ed-de-ti
1015. e-te-et-ti-qu szal-mi3-isz
1016. mad-bar a-szar s,u-um-me lap-lap-ti
1017. sza _muszen an_-e la i-sza2-'u-u qe2-reb-szu2
1018. _ansze-edin-na-mesz masz-da3-mesz_
1019. la ir-te-'u-u2 ina lib3-bi
1020. 1(disz) _me danna_ qaq-qa-ru _ta_ nina{ki}
1021. _iri_ na-ram {d}isz-tar hi-rat {d}en-lil2
1022. _egir_ {disz}u2-a-a-te-e' _man_ {kur}a-ri-bi
1023. u3 {disz}a-bi-ia-te-e' sza2 it-ti e-mu-qi2
1024. {kur}na-ba-a-a-ti-a-a il-li-ka
1025. ir-du-u il-li-ku ina _{iti}sig4 iti_ {d}sin
1026. _dumu_ resz-tu-u a-sza2-re-du sza2 {d}en-lil2
1027. _u4 2(u) 5(disz)-kam_ sza2-da-hu sza2 {d}be-let-babila2{ki}
1028. ka-bit-ti _dingir-mesz gal-mesz_
1029. ul-tu2 {iri}ha-da-at-ta-a at-tu-musz
1030. ina {iri}la-ri-ib-da _e2 bad3_ sza2 _na4-mesz_
1031. ina _ugu_ gu-ub-ba-a-ni sza2 _a-mesz_
1032. at-ta-ad-di usz-man-ni
1033. _erin2-hi-a_-ia _a-mesz_ a-na masz-ti-ti-szu2-nu ih-bu-ma
1034. ir-du-u2 il-li-ku
1035. qaq-qar s,u-um-me a-szar lap-lap-ti
1036. a-di {iri}hu-ra-ri-na bi-rit {iri}ia-ar-ki
1037. u3 {iri}a-za-al-la ina mad-bar asz2-ru ru-u-qu
1038. a-szar u2-ma-am _edin_ la ib-ba-szu-u
1039. u3 _muszen an_-e la i-szak-ka-nu qin-nu
1040. _bad5-bad5_ {lu2}i-sa-am-me-e'
1041. _{lu2}gesz-da_ sza2 {d}a-tar-sa-ma-a-a-in
1042. u3 {kur}na-ba-a-a-ta-a-a asz2-kun
1043. _ug3-mesz ansze-mesz ansze-a-ab-ba-mesz_ u _u8-udu-hi-a_
1044. hu-bu-us-su-nu ina la mi3-ni ah-bu-ta
1045. 8(disz) _danna_ qaq-qa-ru
1046. _erin2-hi-a_-ia lu it-tal-la-ku szal-t,isz
1047. szal-mi3-isz lu i-tu-ru-nim-ma
1048. ina {iri}a-za-al-li lu isz-tu-u _a-mesz_ nesz-be2-e
1049. _ta_ lib3-bi {iri}a-za-al-la
1050. a-di {iri}qu-ra-s,i-ti
1051. 6(disz) _danna_ qaq-qa-ru a-szar s,u-um-me
1052. lap-lap-ti ir-du-u il-li-ku
1053. {lu2}a'-lu sza2 {d}a-tar-sa-ma-a-a-in
1054. u3 {lu2}qid-ra-a-a sza2 {disz}u2-a-a-te-e'
1055. _dumu_ {disz}bir-{d}iszkur _man_ {kur}a-ri-bi al-me
1056. _dingir-mesz_-szu2 _ama_-szu2 _nin9-mesz_-szu2 _dam_-su
1057. qin-nu-szu2 _ug3-mesz_ {kur}qe2-ed-ri ka-la-mu
1058. _ansze-mesz ansze-a-ab-ba-mesz_ u s,e-e-ni
1059. ma-la ina tukul-ti an-szar2 u {d}1(u)-5(disz)
1060. _en-mesz_-ia ik-szu-da _szu-min_-a-a
1061. har-ra-an {kur}di-masz-qa u2-sza2-asz2-ki-na sze-pu-usz-szu2-un
1062. ina _{iti}ne iti mul-pan_
1063. ma-rat {d}sin qa-rit-tu
1064. _u4 3(disz)-kam_ nu-bat-tu2 sza2 _lugal dingir-mesz_ {d}marduk
1065. ul-tu2 {iri}di-masz-qa at-tu-musz
1066. 6(disz) _danna_ qaq-qa-ru mu-szi-tu ka-la-sza2
1067. ar-de-e-ma al-lik a-di {iri}hul-hu-li-ti
1068. ina {kur}hu-uk-ri-na _kur_-u2 mar-s,u
1069. {lu2}a'-lu sza2 {disz}a-bi-ia-te-e' _dumu_ {disz}te-e'-ri
1070. {kur}qid-ra-a-a ak-szu-ud
1071. _bad5-bad5_-szu2 asz2-kun asz2-lu-la szal-lat-su
1072. {disz}a-bi-ia-te-e' {disz}a-a-am-mu
1073. ina qi2-bit an-szar2 u {d}1(u)-5(disz) _en-mesz_-ia
1074. ina _muru2_ tam-ha-ri bal-t,u-us-su-un u2-s,ab-bit ina _szu-min_
1075. _szu-min_ u _giri3-min_ bi-re-tu2 _an-bar_ ad-di-szu2-nu-ti
1076. it-ti szal-lat _kur_-szu2-un
1077. al-qa-asz2-szu2-nu-ti a-na _kur_ an-szar2{ki}
1078. mun-nab-ti sza2 la-pa-an _{gesz}tukul-mesz_-ia in-nab-tu
1079. ip-la-hu is,-ba-tu2 {kur}hu-uk-ku-ru-na _kur_-u2 mar-s,u
1080. ina {iri}ma-an-ha-ab-bi {iri}ap-pa-ru
1081. {iri}te-nu-qu-ri {iri}s,a-a-a-u2-ra-an
1082. {iri}mar-qa-na-a {iri}sa-ra-te-in
1083. {iri}en-zi-kar-me {iri}ta-a'-na-a {iri}sa-ra-a-qa
1084. a-szar kup-pi nam-ba-'i sza2 _a-mesz_ ma-la ba-szu2-u
1085. _en-nun-mesz_ ina muh-hi u2-sza2-an-s,ir-ma
1086. _a-mesz ti-la zi_-ti3-szu2-nu ak-la
1087. masz-ti-tu u2-sza2-qir a-na pi-i-szu2-un
1088. ina s,u-um-me lap-lap-ti isz-ku-nu na-pisz-tu2
1089. si-it-tu-u-ti _ansze-gam-mal-mesz_ ru-ku-pi-szu2-nu u2-szal-li-qu
1090. a-na s,u-um-me-szu2-nu isz-ta-at-tu-u _usz2-mesz_ u _a-mesz_ par-szu2
1091. sza qe2-reb _kur_-e e-lu-u2
1092. e-ru-bu e-hu-zu mar-qi2-tu
1093. e-du ul ip-par-szid mul-tah-t,u ul u2-s,i ina _szu-min_-ia
1094. a-szar mar-qi2-ti-szu2-nu _szu-min_ ik-szu-us-su-nu-ti
1095. _ug3-mesz nita_ u _munus ansze-mesz ansze-a-ab-ba-mesz gu4-mesz_ u s,e-e-ni
1096. ina la mi3-ni asz2-lu-la a-na _kur_ an-szar2{ki}
1097. nap-har _kur_-ia sza2 an-szar2 id-di-na ka-la-mu
1098. a-na si-hir-ti-sza2 um-dal-lu-u a-na pat, gim-ri-sza2
1099. _ansze-a-ab-ba-mesz_ ki-ma s,e-e-ni u2-par-ri-is
1100. u2-za-'i-iz a-na _ug3-mesz kur_ an-szar2{ki}
1101. ina qa-bal-ti _kur_-ia _ansze-a-ab-ba-mesz_ ina 1(disz) _gin2_ 1/2(disz) _gin2_ kas-pi
1102. i-szam-mu ina _ka2_ ma-hi-ri
1103. {munus}asz2-tam-mu ina ni-id-ni _{lu2}lunga2_ ina ha-pe-e
1104. _{lu2}nu-{gesz}kiri6_ ina ki-szi-szu2 sza2 _u2-sar_
1105. im-da-na-ha-ru _ansze-a-ab-ba-mesz_ u a-me-lu-tu
1106. {disz}u2-a-a-te-e' a-di _erin2-hi-a_-szu2
1107. sza a-de-ia la is,-s,u-ru
1108. sza la-pa-an _{gesz}tukul-mesz_ an-szar2 _en_-ia
1109. ip-par-szi-du in-nab-tu ma-har {disz}na-at-na
1110. u2-szam-qit-su-nu-ti {d}er3-ra qar-du
1111. su-un-qu ina bi-ri-szu2-nu isz-sza2-kin-ma
1112. a-na bu-ri-szu2-nu e-ku-lu _uzu dumu-mesz_-szu2-nu
1113. ar-ra-a-ti ma-la ina a-de-e-szu2-nu szat,-ra
1114. ina pit-ti i-szi-mu-szu2-nu-ti an-szar2 {d}sin {d}utu
1115. {d}iszkur {d}en {d}ag {d}1(u)-5(disz) sza2 nina{ki}
1116. {d}szar-rat-kid-mu-ri {d}1(u)-5(disz) sza2 limmu2-dingir{ki}
1117. {d}masz {d}u-gur {d}nusku
1118. ba-ak-ru su-hi-ru _{gu4}amar udu-nim_
1119. ina _ugu 7(disz)-ta-am3_ mu-sze-ni-qa-a-te e-ni-qu-u-ma
1120. szi-iz-bu la u2-szab-bu-u ka-ra-sun2
1121. _ug3-mesz_ {kur}a-ri-bi 1(disz)-en a-na 1(disz)-en
1122. isz-ta-'a-a-lu4 a-ha-mesz
1123. ina _ugu_ mi-ne2-e ki-i ep-sze-e-tu2 an-ni-tu2 _hul_-tu2
1124. im-hu-ru {kur}a-ru-bu
1125. um-ma asz2-szu2 a-de-e _gal-mesz_ sza2 an-szar2 la ni-is,-s,u-ru
1126. ni-ih-t,u-u2 ina _mun_ {disz}an-szar2-du3-a
1127. _lugal_ na-ram lib3-bi {d}en-lil2
1128. {d}nin-lil2 ri-im-tu2 _{d}en-lil2-la2_-i-tu
1129. ka-dir-ti i-la-a-ti
1130. sza it-ti {d}a-num {d}en-lil2 szit-lu-t,a-at man-za-zu
1131. u2-na-kip _{lu2}kur2-mesz_-ia ina _si-mesz_-sza2 gasz-ra-a-te
1132. {d}1(u)-5(disz) a-szi-bat {iri}limmu2-dingir
1133. {d}gesz-bar lit-bu-szat me-lam-me na-sza2-a-ta
1134. _ugu_ {kur}a-ri-bi i-za-an-nun nab-li
1135. {d}er3-ra qar-du a-nun-tu ku-us,-s,ur-ma
1136. u2-ra-as-si-pa ga-re-ia
1137. {d}masz szil-ta-hu qar-ra-du _gal_-u _dumu_ {d}en-lil2 ga-asz2-ru
1138. ina us,-s,i-szu2 zaq-ti u2-par-ri-i' _zi_-tim _{lu2}kur2-mesz_-ia
1139. {d}nusku _sukkal_ na-a'-du mu-sza2-pu-u _en_-u-ti
1140. sza ina qi2-bit an-szar2 {d}nin-lil2 qa-rit-tu2 {d}be-let-{iri}limmu2-dingir
1141. _a2-min_-a-a il-lik-ma is,-s,u-ra _lugal_-u-ti
1142. me2-eh-ret _erin2-hi-a_-ia iz-ziz-ma u2-szam-qi2-ta ga-re-ia
1143. ti-bu-ut _{gesz}tukul-mesz_ an-szar2 u {d}1(u)-5(disz)
1144. _dingir-mesz gal-mesz en-mesz_-ia
1145. sza ina e-pesz _me3_ il-li-ku re-s,u-ti
1146. _erin2-hi-a-mesz_ sza {disz}u2-a-a-te-e'
1147. isz-mu-u-ma _ugu_-szu2 ib-bal-ki-tu
1148. szu-u2 ip-lah3-ma
1149. ul-tu _e2_ in-nab-tu u2-s,a-am-ma
1150. ina tukul-ti an-szar2 {d}sin {d}utu {d}iszkur
1151. {d}en {d}ag {d}1(u)-5(disz) sza2 nina{ki}
1152. {d}szar-rat-kid-mu-ri {d}1(u)-5(disz) sza2 {iri}limmu2-dingir
1153. {d}masz {d}u-gur {d}nusku
1154. _szu-min_ ik-szu-us-su-ma
1155. u2-ra-asz2-szu2 a-na _kur_ an-szar2{ki}
1156. ina ni-isz _szu-min_-ia sza2 a-na ka-szad _{lu2}kur2-mesz_-ia
1157. am-da-ha-ru an-szar2 u {d}nin-lil2
1158. ina {gesz}hu-ut-ne2-e ma-sze-ri s,i-bit _szu-min_-ia
1159. _{uzu}me-ze2_-szu2 ap-lu-usz
1160. ina la-ah-szi-szu2 at-ta-di s,er-re-tu2
1161. ul-li _ur-gi7_ ad-di-szu2-ma
1162. ina _abul_ s,i-it _{d}utu_-szi sza2 _muru2_ {iri}nina{ki}
1163. sza ne2-reb mas-naq-ti ad-na-a-te na-bu-u zi-kir-sza2
1164. u2-sza2-an-s,ir-szu2 {gesz}szi-ga-ru
1165. a-na da-lal2 ta-nit-ti an-szar2 {d}1(u)-5(disz)
1166. u3 _dingir-mesz gal-mesz en-mesz_-ia
1167. re-e-mu ar-szi-szu2-ma u2-bal-lit, nap-szat-su
1168. ina ta-a-a-ar-ti-ia {iri}u2-szu-u
1169. sza ina a-hi tam-tim na-da-ta szu-bat-su ak-szu-ud
1170. _ug3-mesz_ {iri}u2-szu-u sza2 a-na _{lu2}nam-mesz_-szu2-nu la sa-an-qu
1171. la i-nam-di-nu man-da-at-tu2
1172. na-dan szat-ti-szu2-un a-duk
1173. ina _sza3 un-mesz_ la kan-szu-u-ti szip-t,u asz2-kun
1174. _dingir-mesz_-szu2-nu _ug3-mesz_-szu2-nu asz2-lu-la a-na _kur_ an-szar2{ki}
1175. _ug3-mesz_ {iri}ak-ku-u la kan-szu-ti a-nir
1176. _adda-mesz_-szu2-nu ina {gesz}ga-szi-szi a-lul
1177. si-hir-ti _iri_ u2-szal-mi
1178. si-it-tu-ti-szu2-nu al-qa-a a-na _kur_ an-szar2{ki}
1179. a-na ki-s,ir ak-s,ur-ma
1180. _ugu erin2-hi-a_-ia ma-a'-da-a-ti
1181. sza an-szar2 i-qi2-sza2 u2-rad-di
1182. {disz}a-a-mu _dumu_ {disz}te-e-ri
1183. it-ti {disz}a-bi-ia-te-e' _szesz_-szu2
1184. i-zi-zu-ma it-ti _erin2-hi-a_-ia e-pu-szu2 _me3_
1185. ina _muru2_ tam-ha-ri bal-t,u-us-su ina _szu-min_ as,-bat
1186. ina nina{ki} _iri en_-ti-ia _kusz_-szu2 asz2-hu-ut,
1187. {disz}um-man-al-dasz _man_ {kur}elam-ma{ki}
1188. sza ul-tu2 ul-la an-szar2 u {d}1(u)-5(disz) _en-mesz_-ia
1189. iq-bu-u2 a-na e-pesz _ARAD_-ti-ia
1190. ina qi2-bit _dingir_-ti-szu2-nu s,ir-tu sza2 la in-nen-nu-u
1191. _egir_-nu _kur_-su _ugu_-szu2 ib-bal-kit-ma
1192. la-pa-an sah-masz-ti _ARAD-mesz_-szu2 sza2 u2-szab-szu2-u _ugu_-szu2
1193. e-disz-szi-szu2 ip-par-szid-ma is,-ba-ta _kur_-u2
1194. ul-tu _kur_-e _e2_ mar-qi2-ti-szu2
1195. a-szar it-ta-nap-rasz-szi-du
1196. ki-ma _sur2-du3{muszen}_ a-bar-szu-ma
1197. bal-t,u-us-su al-qa-asz2-szu2 a-na _kur_ an-szar2{ki}
1198. {disz}tam-ma-ri-tu2 {disz}pa-'e-e {disz}um-man-al-dasz
1199. sza _egir_ a-ha-mesz e-pu-szu be-lut {kur}elam-ma{ki}
1200. sza ina e-mu-qi2 an-szar2 u {d}1(u)-5(disz) _en-mesz_-ia
1201. u2-szak-ni-sza2 a-na _{gesz}szudun_-ia
1202. {disz}u2-a-a-te-e' _man_ {kur}a-ri-bi
1203. sza ina qi2-bit an-szar2 u {d}1(u)-5(disz) _bad5-bad5_-szu2 asz2-ku-nu
1204. ul-tu _kur_-szu2 al-qa-asz2-szu2 a-na _kur_ an-szar2{ki}
1205. ul-tu a-na na-sah _{udu}siskur-mesz_ e-lu-u
1206. ina e2-masz-masz szu-bat _en_-ti-szu2-un
1207. ma-har {d}nin-lil2 _ama dingir-mesz gal-mesz_
1208. hi-ir-tu na-ram-ti an-szar2
1209. e-pu-szu _garza-mesz e2_ a2-ki-it
1210. _{gesz}szudun_ {gesz}sza2 sza2-da-di u2-sza2-as,-bit-su-nu-ti
1211. a-di _ka2_ e2-kur isz-du-du ina _ki-ta_-ia
1212. al-bi-in ap-pi at-ta-'i-id _dingir_-us-su-un
1213. u2-sza2-pa-a dan-nu-us-su-un ina _ukken erin2-hi-a_-ia
1214. sza an-szar2 {d}sin {d}utu {d}iszkur
1215. {d}en {d}ag {d}1(u)-5(disz) sza2 nina{ki}
1216. {d}szar-rat-kid-mu-ri {d}1(u)-5(disz) sza2 limmu2-dingir{ki}
1217. {d}masz {d}u-gur {d}nusku sza2 la kan-szu-ti-ia
1218. u2-szak-ni-szu2 a-na _{gesz}szudun_-ia
1219. ina li-i-ti u3 da-na-a-ni
1220. u2-sza2-zi-zu-in-ni _edin {lu2}kur2-mesz_-ia
1221. {disz}1(u)-5(disz)-bad3 _lugal_ {kur}ur-ar-t,i
1222. sza _lugal-mesz ad-mesz_-szu2 a-na _ad-mesz_-ia
1223. isz-ta-nap-par-u-ni _szesz_-u2-tu2
1224. e-nen-na {disz}1(u)-5(disz)-bad3 da-na-nu ep-sze-e-tu2
1225. sza _dingir-mesz gal-mesz_ i-szi-mu-in-ni isz-me-e-ma
1226. ki-ma sza2 _dumu_ a-na _ad_-szu2 isz-ta-nap-pa-ra _en_-u-tu2
1227. u3 szu-u ki-i pi-i an-nim-ma
1228. isz-ta-nap-pa-ra um-ma lu-u szul-mu
1229. a-na _lugal en_-ia
1230. pal-hi-isz kan-szisz ta-mar-ta-szu2 ka-bit-tu2
1231. usz-ta-ne2-eb-ba-la a-di mah-ri-ia
1232. ina u4-me-szu2 _e2 usz_-u-ti te-ne2-e _e2-gal_ sza2 qe2-reb nina{ki}
1233. _iri_ s,i-i-ru na-ram {d}nin-lil2
1234. sza {disz}{d}sin-pap-mesz-su _man kur_ an-szar2{ki} _ad ad du3_-ia
1235. ud-di-szu a-na mu-szab _lugal_-ti-szu2
1236. _e2 usz_-u-ti szu-a-tu2 ina _hul2-mesz_ ri-sza2-a-ti
1237. la-ba-risz il-lik e-na-ha _e2-gar8-mesz_-szu2
1238. a-na-ku {disz}an-szar2-du3-a _lugal gal lugal_ dan-nu
1239. _lugal_ kisz-sza2-ti _lugal kur_ an-szar2{ki} _lugal_ kib-rat _limmu2_-tim
1240. asz2-szu2 qe2-reb _e2 usz_-u-ti szu-a-tu2 ar-ba-a
1241. an-szar2 {d}sin {d}utu {d}iszkur {d}en {d}ag
1242. {d}1(u)-5(disz) sza2 nina{ki} {d}szar-rat-kid-mu-ri
1243. {d}1(u)-5(disz) sza2 limmu2-dingir{ki} {d}gaszan-garza-mesz {d}masz {d}u-gur {d}nusku
1244. _dumu lugal_-u2-ti is,-s,u-ru
1245. s,u-lul-szu2-nu _du10-ga an-dul3_-la-szu2-nu sza sza2-la-me
1246. it-ru-s,u _ugu_-ia
1247. ul-tu ina _{gesz}gu-za ad du3_-ia u2-szi-bu
1248. e-te-ne2-ep-pu-szu2 be-lut _kur-kur_ u3 _ug3-mesz dagal-mesz_
1249. ka-a-a-an pu-us-su-rat ha-de-e
1250. sza ka-szad _{lu2}kur2-mesz_-ia u2-pa-sa-ru-in-ni qe2-reb-szu2
1251. ina ma-a-a-al mu-szi du-um-mu-qa _masz2-ge6-mesz_-u-a
1252. ina sza sze-e-ri ba-nu-u2 e-ger-ru-u-a
1253. masz-ta-ku szu-a-tu2 mu-szal-li-mu _en-mesz_-szu2 szu-u2-ma
1254. _dingir-mesz gal-mesz_ szi-mat-su i-szi-mu a-na _munus saga_
1255. an-hu-us-su ad-ke
1256. asz2-szu2 ru-up-pu-usz tal-lak-ti-szu2 a-na si-hir-ti-szu2 aq-qur
1257. _5(u)-am3_ ti-ib-ki masz-kan2 szi-kit-ti-szu2
1258. pi-tiq-tu ap-tiq tam-la-a usz-mal-li
1259. la-pa-an esz-re-e-ti _dingir-mesz gal-mesz_
1260. _en-mesz_-ia ap-lah3-ma tam-la-a szu-a-tu2
1261. szi-kit-ta-szu2 ul u2-szaq-qi2 ma-a'-disz
1262. ina _iti du10-ga ud sze-ga edin_ tam-le-e szu-a-tu2
1263. _usz8_-szu2 ad-di u2-kin _sig4_-su
1264. ina _kasz-sag_ u _gesztin_ ka-lak-ka-szu2 ab-{lu}lul
1265. am-ha-s,a szal-la-ar-szu2
1266. ina {gesz}s,u-um_-bi-mesz_ {kur}elam-ma{ki} sza2 ina qi2-bit _dingir-mesz gal-mesz_
1267. _en-mesz_-ia asz2-lu-la
1268. a-na e-pesz _e2_ ri-du-u-ti szu-a-tu2
1269. _ug3-mesz kur_-ia ina lib3-bi i-zab-bi-lu _sig4-hi-a_
1270. _lugal-mesz_ {kur}a-ri-bi sza ina a-de-ia ih-t,u-u
1271. sza ina _muru2_ tam-ha-ri bal-t,u-us-su-nu u2-s,ab-bi-tu2 ina _szu-min_
1272. a-na e-pesz _e2_ ri-du-u-ti szu-a-tu2
1273. {gesz}al-lu tup-szik-ku u2-sza2-asz2-szi-szu2-nu-ti
1274. u2-sza2-az-bi-la ku-dur2-ri
1275. la-bi-in _sig4-hi-a_-szu2 za-bi-lu tup-szik-ki-szu2
1276. ina e-le-li nin-gu-u-ti ub-ba-lu u4-um-szu2-un
1277. ina _hul2-mesz_ ri-sza2-a-te ul-tu2 _usz8_-szu2 a-di gaba-dib-bi-szu2 ar-s,ip
1278. _ugu_ sza2 mah-ri szu-bat-su u2-rap-pisz u2-szar-ri-ha ep-sze-te-e-szu2
1279. _gesz-ur3-mesz {gesz}eren-mah-mesz_ tar-bit {kur}si-ra-ra {kur}lab-na-na
1280. u2-szat-ri-s,a _ugu_-szu2 _{gesz}ig-mesz_ li-ia-a-ri sza2 e-re-si-na _du10-ga_
1281. me-ser _zabar_ u2-rak-kis u2-rat-ta-a _ka2-mesz_-szu2
1282. {gesz}tim-me _mah-mesz uruda_ nam-ru u2-hal-lip-ma
1283. hi-it-ti _ka2 e2_ hi-la-ni-szu2 e-mid
1284. _e2 usz_-u-ti szu-a-tu2 mu-szab _lugal_-ti-ia a-na si-hir-ti-szu2
1285. u2-szak-lil lu-le-e u2-mal-li _{gesz}kiri6-mah_ sza2 gi-mir _gesz-mesz_
1286. _gurun nig2-sa-sa-hi-a_ ka-la-mu az-qu-pa i-ta-te-e-szu2
1287. szi-pir ep-sze-e-te-szu2 ag-mur-ma _{udu}siskur-mesz_ tasz-ri-ih-ti
1288. aq-qa-a a-na _dingir-mesz en-mesz_-ia ina _hul2-mesz_ ri-sza2-a-te u2-szar-ri-szu2
1289. e-ru-ub qe2-reb-szu2 ina za-mar tak-ne2-e a-na _egir ud-mesz_ ina _lugal-mesz_
1290. _dumu-mesz_-ia sza2 an-szar2 u {d}1(u)-5(disz) a-na be-lut _kur_ u _ug3-mesz_ i-nam-bu-u zi-kir-szu2
1291. e-nu-ma _e2 usz_-u-ti szu-a-tu2 i-lab-bi-ru-u-ma in-na-hu
1292. an-hu-us-su lu-ud-disz _mu-sar_-u2 szi-t,ir _mu_-ia _ad_-ia
1293. _ad ad_-ia _numun_ da-ru-u sza2 _lugal_-u-ti li-mur-ma _i3-gesz_ lip-szu-usz
1294. _{udu}siskur bala_-qi2 it-ti _mu-sar_-e szi-t,ir _mu_-szu2 lisz-kun
1295. _dingir-mesz gal-mesz_ ma-la ina _mu-sar_-e an-ne2-e szat,-ru
1296. ki-ma ia-a-ti-ma lisz-ru-ku-usz da-na-nu u li-i-tu2
1297. sza _mu-sar_-u2 szi-t,ir _mu_-ia _ad_-ia _ad ad_-ia ib-ba-tu2
1298. it-ti _mu-sar_-i-szu2 la i-szak-ka-nu
1299. an-szar2 {d}sin {d}utu {d}iszkur {d}en {d}ag {d}1(u)-5(disz) sza2 nina{ki}
1300. {d}szar-rat-kid-mu-ri {d}1(u)-5(disz) sza2 {iri}limmu2-dingir {d}masz {d}u-gur {d}nusku
1301. de-e-ni it-ti ni-bit _mu_-ia li-di-nu-usz

Page 1 of 33, showing 25 record(s) out of 803 total

Page 1 of 33, showing 25 record(s) out of 803 total

Results per page: 10 25 100 500 1000
This website uses essential cookies that are necessary for it to work properly. These cookies are enabled by default.