&P473728 = CDLI Literary 000540 (Letter from Shulgi to Aradmu about Apillasha) composite #atf: lang sux @object composite text @surface a 1. {disz}ARAD2-gu10-ra u3-na-a-du11 2. {disz}{d}szul-gi lugal-zu na-ab-be2-a 3. lu2 in-szi-gi4-in-na-zu lu2 szul-a-zu in-nu-u3 4. szu-zu-ta-am3 a2 ag2-ga2 szu la-ba-ra-ab-te-ge26-e 5. a-na-asz-am3 nig2 a-na an-ga-am3 bi2-in-ak-a-ni ur5 i3-me-a nu-e-zu 6. ge26-e nig2 ge26-e-gin7-nam ma-da gi-ne2-de3 7. ug3 si sa2-sa2-e-de3 gu3 tesz2-a se3-ge5-de3 8. iri{ki} ma-da u4 te-ge26-de3-en-na-zu umusz-bi zu-zu-a 9. lu2 gal-gal-be2-ne inim-bi zu-a 10. za-pa-ag2-gu10 kur-kur-ra he2-ri 11. a2 kal-ga a2 nam-ur-sag-ga2-gu10 kur-kur-ra he2-en-szub-szub 12. u18-lu-gu10 kalam-ma he2-eb-dul 13. PA-PA edin-na lib4-lib4 a-sza3-ga u2-gu de2-ni-ib 14. en-na a-pi-il-la-sza gal-zu unken-na-gu10 sa2 an-ne-en 15. igi-zu e3-ni-ib igi-zu he2-en-szi-ku4 16. a2-sze3 mu-e-da-a-ag2 17. a-na-asz-am3 ga2-a-gin7-nam nu-un-ak 18. tukum-bi gal-zu unken-na-gu10 ga2-a-gin7-nam nu-ub-gur4-re 19. {gesz}gu-za bara2 {tug2}szutur-e ri-a nu-ub-tusz 20. {gesz}giri3-gub ku3-sig17-ka giri3-ni nu-ub-gar 21. ensi2 nam-ensi2-ta 22. lu2-garza2 garza2-ta 23. ni2-te-ni2-te-a li-bi2-in-gar u3 nu-ub-ta-gub-bu 24. lu2 nu-un-gaz igi nu-un-hul 25. lu2 igi bar-ra-ka-ni lu2-al li-bi2-diri 26. a-na-gin7-nam ma-da ib2-gi-ne2 27. tukum-bi ki um-mu-e-a-ag2 28. sza3-zu sza3 zu2 kesz2 ba-ra-na-ga2-ga2 29. i3-gur4-re-en aga-us2-zu nu-e-zu 30. nam-lu2-u18-lu-bi u3 nam-ur-sag-ni igi-zu bi2-in-zu 31. tukum-bi ama-a-tu-gu10 za-e-me-en 32. igi 2(disz)-na-zu-ne-ne im sar-ra gu3 he2-em-ta-de2-de2-e 33. gu3 tesz2-a se3-ge5-NE-en-ze2-en 34. suhusz ma-da gi-ne2-eb-ze2-en 35. a-ma-ru-kam