&P388521 = AASOR 16, 042 #atf: lang akk @tablet @obverse #note: the condition of the tablet has deteriorated since Pfeiffer transliteration 1. [t,up]-pi2 ma-ar-tu4-ti# [u3 kal-lu-ti] 2. sza# {munus#}ha-na-te _geme2_ sza {munus}tul2-pu#-[na]-a-a 3. {munus}hal-ba2-bu-sza _dumu-munus_ sza# [{disz}szuk2-ra-pu _dumu_] ar-na-mar #note: end of line written on the reverse 4. {disz}szuk2-ra-pu _dumu_ ar#-na#-[mar] 5. u3 {munus}hi-ia-re-el#-[li _dam_-ti sza] {disz#}szuk2#-ra-pu 6. a-na ma-ar-tu4-ti# [u3 kal]-lu-ti# 7. a-na {munus}ha-na-te _geme2#_ sza# {munus#}[tul2-pu]-na-a-a _si3_-nu 8. u3 {munus}ha-na-te a-szar# ha#-a#-[de4 {munus}]hal-ba2-bu-sza #note: end of line written on the reverse 9. a-na asz-szu-ti i-na-an-din a#-na [{lu2}]_ARAD2#_ a-na asz-szu-ti 10. i-na-an-din-szi 1(disz) {lu2}mu#-us-[sa3 _ba-usz2-mesz_] 11. a-na sza-a-ni _lu2 si3_ szum#-ma _lu2_ sza-[a-nu mu]-us#-sa3 12. _ba-usz2-mesz_ u3 a-na sza-asz#-szi _lu2 si3#_ 13. szum-ma sza-asz-szu {lu2}mu#-us#-sa3 _ba-usz2#-[mesz_] 14. u3 ur-ka4-as-su2 [sza] {munus#}hal#-ba2-[bu-sza] 15. sza {munus}ha#-na-te-ma u3# um-ma [{disz}szuk2]-ra-pu 16. u3 um-[ma] {munus}hi#-ia-[re]-el-li-[ma] 17. {munus}ha-na-[te] isz-tu4 su2-u2-qi2-_mesz#_ 18. %xhu i-li-im-du#-um-ma ni-pu-usz#-mi# 19. u3 {munus}hal-ba2-bu-sza ni#-id-din#-mi 20. u3 {munus}ha-na-te {munus}hal-ba2-bu-sza# 21. sza ki-i _dumu-munus_ ar#-ra#-ap2-he ip-pu#-sza-asz-szi #note: end of line written on the reverse 22. a-na _geme2_{ti} la u2-ta-ar-szi 23. szum#-ma {munus}hal-ba2-bu-sza pa-qi2-ra-na 24. [i]-ra-asz-szi {disz}szuk2-ra-pu 25. [u3] {munus#}[hi]-ia-re-el-li u2-za-ka4-ma 26. [a]-na {munus}[ha]-na-te i-na-an-din 27. szum-ma {disz}szuk2-ra-pu @reverse 1. u3 {munus}hi-ia-re-el-li 2. _ki-bal_{tu4} u3 _asz egir_-[ki] 3. sza {munus}ha-na-te asz-szum {munus}hal-ba2-bu-[sza] 4. i-sza-as-su2 u3 2(disz) _geme2-mesz_ 5. lu-ul-lu-a-i-tu4 a-na {munus}ha-na-te 6. u2-ma-al-lu 7. _igi_ ur-hi-ia _dumu_ s,il2-li2-a-pi2-he $ 1 line ruling 8. _igi_ hi-il-pi2-szu-uh _dumu_ szu-hu-zi-ri-ra 9. _igi_ ha-ma-an-na _{lu2}sanga_ 10. _igi_ ut-hap2-sze-ni _{lu2}muszen-du3_ 11. _igi_ a-kap-sze-ni _dumu_ ha-ni-ku-ia 12. _igi_ ha-szi-ip-til-la _dumu_ ar-te-ia 13. _igi_ u2-usz-sze _dumu_ ha-szi-ik-ke3-mar 14. _igi_ na-i-ke3-mar _dumu_ a-ri-ma-at-ka4 15. _igi_ ak-ku-le-en-ni _dumu_ it-ha-pu 16. _igi_ ha-bil-SIG5-qu2 _{lu2}nu-{gesz}kiri6_ 17. _igi_ szu-mu-li-ia _{lu2}aszgab_ 18. _igi_ ip-sza2-a-a sza {iri}an-zu-gal-li3 19. _igi_ ur-hi-ia _dumu_ ki-li-ia _dub-sar_ $ seal 1 20. _na4-kiszib_ {disz}a-kap-sze-ni _dumu_ ha-ni-ku-ia $ seal 2 21. _na4-kiszib_ {disz}ut-hap2-sze-ni _{lu2}muszen-du3_ $ seal 3 22. _na4#-kiszib_ {disz}ha-ma-an-na {lu2#}[_sanga_] @left @column 1 $ seal 4 1. _na4#-kiszib_ {disz}ur#-hi-ia t,up-szar-ru3 @column 2 1. _na4-kiszib_ {disz}ha-szi-ip-til-la $ seal 5 2. _dumu_ ar-te-ia