&P270915 = EA 151 #atf: lang akk @tablet @obverse 1. a-na _lugal {d}utu_-ia _dingir_-ia _dingir-mesz_-ia 2. um-ma {disz}a-bi-_lugal ARAD2_-ka 3. 7(disz) u 7(disz) a-na _giri3-mesz lugal en_-li2-ia8 am-qut 4. a-na-ku ip-ru isz-tu szu-pa-li 5. _kusz_ sze-ni _lugal en_-li2-ia 6. an-nu-u2 a-na-an-s,ar2 _iri lugal_ 7. sza ip-qi2-id i-na qa-ti-ia ma-gal 8. pa-nu-ia a-na a-la-ki 9. a-na a-ma-ri pa-ni _lugal_ be-li-ia# 10. u3 la-a i-le2-e isz-tu 11. qa-ti {disz}zi-im-re-da _iri_ s,i2-du-na{ki} 12. isz-me2-ni-ma e-nu-ma 13. i-ra-bu u3 i-pu-usz 14. nu-kur-tum it-ti-ia li-id-din-ni 15. _lugal en_-li2-ia 2(u) _lu2-mesz_ a-na 16. na-s,a-ri _iri lugal_ be-li-ia 17. u3 li-ru#-ub# a-na mah-ri-[ti] 18. _lugal_ be-li-ia a-na da-ga-li 19. pa-ni-szu _du10-ga_-ta# at-ta-din 20. pa-ni-ia a-na mi-ru-ti :" u2-pu-ti 21. _lugal# en_-li2-ia li-isz-al 22. _lugal#_ be-li-ia _{lu2}maszkim2_-szu 23. e-nu-ma at-ta#-din pa-ni-ia 24. a-na mah-ri-ti _lugal_ be-li-ia# 25. a-nu-um-ma _lu2-kin_-ri#-[ia] 26. usz#-sze-ir-ti a-na [mah-ri] 27. _lugal#_ be-li-ia u3 li#-[wa-asz-szar] 28. [_lugal_] be-li-ia _lu2-[kin_-ri-szu] 29. [u3] _dub#_-pa#-szu a-na# [ia-szi] 30. u3 li-ru#-ub# a-na [mah-ri-ti] 31. _lugal en_-li2-ia ma [...] @reverse 1. at#-ta-din pa-ni#-[ia a-na] 2. a-na mah#-ri-ti a-[na a-ma-ri] 3. pa-ni _lugal en_-li2-[ia u3] 4. la-a i-te-zi-ib [_lugal_ be-li] 5. _ARAD2_-szu isz-tu qa-ti#-[szu] 6. li-it-ta-din pa-ni#-[szu] 7. _lugal_ be-li-ia u3 id#-[din] 8. _a-mesz_ a-na szi-it-ia9 _ARAD2#_-[szu] 9. u3 _gesz-mesz_ a-na _ARAD2_-szu [u3] 10. i-de4 _lugal_ be-li e-nu-ma# 11. i-na _igi#_ {d}ab-ba ni-ta-s,a#-ab# 12. ia-nu _a-mesz_ u3 ia-nu _gesz-mesz_ 13. a-na ia-szi-nu a-nu-um-ma 14. usz-sze-er {disz}dingir-lugal _lu2-kin_-ri 15. a-na mah-ri _lugal_ be-li-ia 16. u3 at-ta-din 5(disz) _gun zabar_ 17. _{gesz}pesz3-gid2_-ma 1(disz) _{gesz}usan_ gi3-na-zu 18. _lugal_ be-li-ia isz-ta-par a-na ia-szi#-[nu] 19. sza ta-asz-me isz-tu _kur_ ki-na-a'2-na 20. u3 szu-pur a-na ia-szi 21. _lugal kur_ da-nu-na _ba-usz2_ 22. u3 sza-ar-ra _szesz_-szu 23. a-na _egir_-szu u3 pa-asz-ha-at 24. _kur_-szu u3 _e2 lugal iri_ u2-ga-ri-it{ki} 25. i-ku-ul i-sza-tu4 mi-szi-il#-szu 26. i-kul2 u3 mi-szi--szu ia-nu 27. u3 _lu2-mesz erin2 kur_ ha-at-ti ia-nu 28. {disz}e-ta-ka3-ma pa-wu-ri 29. _iri_ qi2-id-szi u3 30. {disz}a-zi-ra nu-kur2-tu4 31. it-ti {disz}bir-ia-wa-zi 32. nu-kur2-tu4 33. a-ta-mur ha-ba-li 34. {disz}zi-im-ri-da 35. e-nu-ma ip-hu-ur @left 1. _{gesz}ma2-mesz erin2-mesz_ isz-tu _iri-hi-a_ {disz}a-zi-ra# 2. a-na _ugu_-hi-ia u3 da-mi-iq e-nu-ma i? u2# [...] 3. _lu2-giri3_ be-li-ia ip#-li-hu gab2-bu li-id-din# 4. pa-ni-szu _lugal_ a-na _ARAD2_-szu u3 li-sa3-hir2 :" yi-s,a [...]