Transliteration
&P481145 = Q000524 (ETCSL 2.8.3.1 Samsu-iluna and Inana (Samsu-iluna A))
#atf: lang sux
@object composite text
1. musz3-me husz giri2 gal nam-gurusz-a
2. igi hul2-la sag-ki zalag-ga-na im-ma-szi-in-bar
3. nam sa6-ga-ni-sze3 la-la ba-an-szi-in-ak
4. alan gun3-a-ni-sze3 hi-li im-ma-szi-in-ti
5. bala-a-re-ni-sze3 im-ma-an-szi-gub
6. ulutim2 kal-la-bi sza3 im-ma-ab-dab5-be2
7. sza3 gu2-bi gi4-a-na im-ma-ab-ni10-ni10-e
8. {d}inanna lugal-ra inim-e mu-un-gun3-gun3{gu2}
9. u3-mu-un na-ag2-zu ze2-ba-am3 ki-ig ag2 ku7-ku7-dam
10. sa-am-su-i-lu-na szuba2 gun3-a masz2 gesz i-bi2 kar2-kam
11. igi-gu10-gin7 silim-ma de3-gub du-ri2-sze3 ti-la
12. i-zi-ig3 ag2 KA-mu7-a asila da-ra-ab-si
13. ug3 gu2-re-a hub2 dar du5-mu-ra-an-ak
14. sa-am-su-i-lu-na a2-gal2 za-a-kam ug3 szar2-ra en-e
15. mu-usz mesz3 sa6-ga-zu i3-me-en nam-en-nu-ug3 mu-ak-e-en
16. za3 <<nam>> lugal-la-ka ul-sze3 gub-bu-da-ni
17. ug3 nam-lugal-la-sze3 nam du10 mu-un-tar
18. ur gal {d}alad2 {d}lamma mu-ne-en-szum2
19. an-ta-ne-ne a2-gal2 ak-de3
20. bala-a-re gu2-re hub2 dar ak-de3
21. {d}inanna a2 zi-da ba-an-da-gub
22. gab2-bu-ne-ne-a sa-am-su-i-lu-na ba-gub
23. sila3 ga ku3-si22 e-ne im-da-e-ne
24. en3-du ag2 KA-mu7-a mu-un-ku7-ku7-de3-ne
25. bala-a-re gu2-re mu-un-ti-ti-ne
26. me-en-de3-en ga-sza-an-an-na {d}lamma sa6-ga-me
27. ildum2 il2-la sa-am-su-i-lu-na me-en-de3-en
28. me-en-ze2-en bala-a-re zi-in-BU-ka-ke4
29. [i]-zi-ig3 ag2 KA-mu7-a la-ba-an-du7 pi-li-pi-li da-mu-ra-ab-szid
30. sza3 la2-la2 alan nu-un-ki-zil2-zil2-i nu-ma-al
$ (unknown no. of lines missing)
