&P469674 = CDLI Literary 000369 (Enmerkar and the Lord of Aratta) composite #atf: lang sux @object composite text @surface a 1. iri gu4 husz {d}tesz2 ni2 gal gur3-ru >>Q000369 001 2. kul-aba4{ki} kesz2 [...] >>Q000369 002 3. gaba u4-da ki nam tar-re-da >>Q000369 003 4. unu{ki} kur gal sza3 [...] >>Q000369 004 5. kin-sig unu2 gal an-na [...] >>Q000369 005 6. u4 re-a nam ba-tar-ra-ba >>Q000369 006 7. unu{ki} kul-aba4{ki} e2-an-na [...] >>Q000369 007 8. sag il2-la nun-gal-e-ne mi-ni-[...] >>Q000369 008 9. he2-gal2 a-esztub gal2 >>Q000369 009 10. szegx(|IM.A|) sze gu-nu gal2 >>Q000369 010 11. unu{ki} kul-aba4{ki}-a ib-da-an-tab >>Q000369 011 11a. [...]-in-zal >>Q000369 011a 12. kur dilmun{ki} [...] x in-nu >>Q000369 012 13. e2-an-na unu{ki}-e kul-aba4{ki}-a-ka ki us2-sa-a >>Q000369 013 14. ge6-par4 ku3 {d}inanna-ke4 >>Q000369 014 15. szeg12 kul-aba4{ki}-ke4 ku3 ki-in-dar-ra-gin7 pa e3 ak-am3 >>Q000369 015 16. [...] x x x nu-il2 bala nu-ak-e >>Q000369 016 17. [...] nu-il2 nam-ga-rasz nu-ak-e >>Q000369 017 18. ku3-sig17 ku3-babbar uruda nagga {na4}lagab za-gin3-na >>Q000369 018 19. na4 hur-sag-ga2 kur-bi-ta tesz2-bi nu-mu-un-e11-de3 >>Q000369 019 20. [...] ezem-ma a nu-un-tu5 >>Q000369 020 21. [...] nu-mu-un-dur2-ru >>Q000369 021 22. [...] u4 bi2-in-zal >>Q000369 022 23. [...] >>Q000369 023 24. [...] >>Q000369 024 25. [...] gun3-gun3 >>Q000369 025 26. [...] ki ku3 x [...] {na4}za-gin3 duru5-am3 >>Q000369 026 27. sza3-bi {gesz}mesz3 babbar-gin7 gurun il2-la sig7-ga-am3 >>Q000369 027 28. {d}inanna-ra en aratta{ki}-ke4 >>Q000369 028 29. sag-men ku3-sig17-ga mu-na-ni-in-gal2 >>Q000369 029 30. en kul-aba4{ki}-a-gin7 nu-mu-na-sa6 >>Q000369 030 31. aratta{ki} esz3 e2-an-na ge6-par4 ki ku3-gin7 >>Q000369 031 32. ku3 {d}inanna-ra szeg12 kul-aba4{ki}-gin7 nu-mu-un-na-du3 >>Q000369 032 33. u4-ba en sza3-ge pa3-da {d}inanna-ke4 >>Q000369 033 34. kur szuba-ta sza3 ku3-ge pa3-da {d}inanna-ke4 >>Q000369 034 35. en-me-er-kar2 dumu {d}utu-ke4 >>Q000369 035 36. nin9-a-ni nin kurku2 du10-ga >>Q000369 036 37. ku3 {d}inanna-ra u3-gul mu-un-na-ga2-ga2 >>Q000369 037 38. nin9-gu10 aratta{ki} unu{ki}-sze3 >>Q000369 038 39. ku3-sig17 ku3-babbar ha-ma-an-galam-e >>Q000369 039 40. {na4}za-gin3 duru5 lagab-ta [...] >>Q000369 040 41. su3-ra2-ag2 {na4}za-gin3 duru5 [...] x >>Q000369 041 42. unu{ki}-ga kur ku3 [...] x x du3 >>Q000369 042 43. e2 an-ta e11-da ki-gub-ba-za >>Q000369 043 44. aratta{ki} esz3 e2-an-na he2-en-du3 >>Q000369 044 45. ge6-par4 ku3-ga dur2 gar-ra-za >>Q000369 045 46. sza3-bi aratta{ki} ha-ma-an-galam-e >>Q000369 046 47. ge26-e sza3-ba amar za-gin3-na gu2? ga-mu-ni-[...]-la2 >>Q000369 047 48. aratta{ki} unu{ki}-sze3 gu2 gesz ha-ma-ga2-ga2 >>Q000369 048 49. nam-lu2-u18-lu aratta{ki}-ke4 >>Q000369 049 50. na4 hur-sag-ga2 kur-bi ha-ma-ab-e11 >>Q000369 050 51. esz3 gal ha-ma-du3-e unu2 gal ha-ma-ga2-ga2 >>Q000369 051 52. unu2 gal unu2 dingir-re-e-ne-ke4 pa e3 ha-ma-ab-ak-e >>Q000369 052 53. me-gu10 kul-aba4{ki}-a si ha-ma-ni-ib-sa2-e >>Q000369 053 54. abzu kur ku3-gin7 ha-ma-ab-mu2-mu2 >>Q000369 054 55. eridu{ki} hur-sag-gin7 ha-ma-ab-sikil-e >>Q000369 055 56. esz3 abzu ku3 ki-in-dar-ra-gin7 pa e3 ha-ma-ab-ak-e >>Q000369 056 57. ge26-e abzu-ta za3-mi2 du11-ga-gu10-ne >>Q000369 057 58. eridu{ki}-ta me de6-a-gu10-ne >>Q000369 058 59. nam-en-na men esz3 bar-gin7 sig7-ga-gu10-ne >>Q000369 059 60. unu{ki} kul-aba4{ki}-a sag-men ku3 gal2-la-gu10-ne >>Q000369 060 61. |PA.A| esz3 gal-la-ke4 ge6-par4-ra hu-mu-un-tum2-mu >>Q000369 061 62. |PA.A| ge6-par4-ra-ke4 esz3 gal-la hu-mu-un-tum2-mu >>Q000369 062 63. nam-lu2-ulu3 u6 du10-ge-esz hu-mu-un-e >>Q000369 063 64. {d}utu igi hul2-la he2-em-szi-bar-bar-re >>Q000369 064 65. u4-bi-a giri17-zal an ku3-ga nin kur-ra igi-gal2 >>Q000369 065 66. in-nin9 {d}ama-uszumgal-an-na szembi2-zi-da-ni >>Q000369 066 67. {d}inanna nin kur-kur-ra-ke4 >>Q000369 067 68. en-me-er-kar2 dumu {d}utu-ra gu3 mu-na-de2-e >>Q000369 068 69. en-me-er-kar2 ga2-nu na ga-e-de5 na de5-gu10 he2-e-dab5 >>Q000369 069 70. inim ga-ra-ab-du11 gizzal he2-szi-ak >>Q000369 070 71. kin-gi4-a inim zu za3-sze tuku erin2-ta u3-ba-e-re-pa3 >>Q000369 071 72. inim gal {d}inanna gal-zu inim-ma-ke4 me-a hu-mu-na-ab-tum3 >>Q000369 072 73. hur-sag zubi-sze3 he2-bi2-in-e11-de3 >>Q000369 073 74. hur-sag zubi-ta he2-em-ma-da-ra-e11-de3 >>Q000369 074 75. szuszin{ki}-e kur an-sza4-an{ki}-a-sze3 >>Q000369 075 76. pesz2 tur-gin7 giri17 szu hu-mu-na-ab-gal2 >>Q000369 076 77. hur-sag gal-gal ni2-ba lu-a >>Q000369 077 78. sahar-ra hu-mu-na-da-gur4-gur4-e >>Q000369 078 79. aratta{ki} unu{ki}-sze3 gu2 gesz ha-ma-ga2-ga2 >>Q000369 079 80. nam-lu2-ulu3 aratta{ki}-ke4 >>Q000369 080 81. na4 hur-sag-ga2 kur-bi um-ta-ab-e11 >>Q000369 081 82. esz3 gal ha-ra-du3-e unu2 gal ha-ra-ga2-ga2 >>Q000369 082 83. unu2 gal unu2 dingir-re-e-ne-ke4 pa e3 ha-ra-ab-ak-e >>Q000369 083 84. me-zu kul-aba4{ki}-a si ha-ra-ni-ib2-sa2-e >>Q000369 084 85. abzu kur ku3-gin7 ha-ra-ab-mu2-mu2 >>Q000369 085 86. eridu{ki} hur-sag-gin7 ha-ra-ab-sikil-e >>Q000369 086 87. esz3 abzu ku3 ki-in-dar-ra-gin7 pa e3 ha-ra-ab-ak-e >>Q000369 087 88. za-e abzu-ta za3-mi2 du11-ga-zu-ne >>Q000369 088 89. eridu{ki}-ta me de6-a-zu-ne >>Q000369 089 90. nam-en men-na esz3 bar-gin7 sig7-ga-zu-ne >>Q000369 090 91. unu{ki}-e kul-aba4{ki}-a sag-men ku3 gal2-la-zu-ne >>Q000369 091 92. |PA.A| esz3 gal-la-ke4 ge6-par4-ra hu-mu-e-tum2-mu >>Q000369 092 93. |PA.A| ge6-par4-ra-ke4 esz3 gal-la hu-mu-e-tum2-mu >>Q000369 093 94. nam-lu2-ulu3 u6 du10-ge-esz he2-mu-e-e >>Q000369 094 95. {d}utu igi hul2-la he2-mu-e-szi-bar-bar-re >>Q000369 095 96. nam-lu2-ulu3 aratta{ki}-ke4 >>Q000369 096 97. x NE u4 szu2-usz-ta um-ta-ab-il2-ke4-esz >>Q000369 097 98. x NE u4 te-en-e um-ma-te-e-ta >>Q000369 098 99. ki {d}dumu-zi-da u8 masz2 sila4?-ni lu-a >>Q000369 099 100. a kal-ga a-sza3 {d}dumu-zi-da-ka >>Q000369 100 101. udu kur-ra-gin7 du10 ha-ra-ni-ib-gar >>Q000369 101 102. gaba ku3-ga2-a u4-gin7 e3-i3 >>Q000369 102 103. zi-pa-ag2-ga2 nig2-suh10-bi he2-me-en >>Q000369 103 104. za-ra en-me-er-kar2 dumu {d}utu za3-mi2 >>Q000369 104 105. en-e inim ku3 {d}inanna-ka-sze3 sag kesz2 ba-szi-in-ak >>Q000369 105 106. kin-gi4-a inim zu za3-sze tuku erin2-ta ba-ra-an-pa3 >>Q000369 106 106a. [...]-e kin-gi4-a-ni-ir [...] >>Q000369 106a 107. inim gal {d}inanna gal-zu inim-ma-ke4 me-a mu-na-ab-tum3 >>Q000369 107 108. hur-sag zubi-ka he2-bi2-in-e11-de3-en >>Q000369 108 109. hur-sag zubi-ta he2-em-ma-da-ra-an-e11-de3-en >>Q000369 109 110. szuszin{ki}-e kur an-sza4-an{ki}-a-ke4 >>Q000369 110 111. pesz2 tur-gin7 giri17 szu hu-mu-na-ab-gal2 >>Q000369 111 112. hur-sag gal-gal ni2-ba lu-a >>Q000369 112 113. sahar-ra hu-mu-na-da-gur4-gur4-e >>Q000369 113 114. kin-gi4-a en aratta{ki}-ra u3-na-du11 u3-na-de3-tah >>Q000369 114 115. iri-bi ir7-sag{muszen}-gin7 gesz-bi-ta na-an-na-ra-ab-dal-en >>Q000369 115 116. muszen-gin7 gud3 us2-sa-bi-a nam-bi2-ib-dal-en >>Q000369 116 117. ganba gal2-la-gin7 na-an-si-ig-en >>Q000369 117 118. iri gul-gul-lu-gin7 sahar nam-bi2-ib-ha-za-en >>Q000369 118 119. aratta{ki} a2-dam {d}en-ki-ke4 nam ba-an-ku5 >>Q000369 119 120. ki bi2-in-gul-la-gin7 ki nam-ga-bi2-ib-gul-en >>Q000369 120 121. egir-bi {d}inanna ba-szi-in-zi >>Q000369 121 122. gu3 im-mi-in-ra szeg11 im-mi-in-gi4 >>Q000369 122 123. kusz7 bi2-in-su-a-gin7 kusz7 nam-ga-bi2-ib-su-su >>Q000369 123 124. ku3-sig17 u3-tu-da-ba {kusz}lu-ub2-szir a-ba-ni-in-ak >>Q000369 124 125. ku3-me-a sahar-ba za3 u3-ba-ni-in-us2 >>Q000369 125 126. ku3 sag-PA-sze3 u3-mu-un-dim2-dim2 >>Q000369 126 127. ansze kur-kur-ra-ke4 bara2 um-mi-in-la2-la2 >>Q000369 127 128. ge26-e-sze3-am3 {d}en-lil2 ban3-da ki-en-gi-ra-ke4 >>Q000369 128 129. en {d}nu-dim2-mud sza3 ku3-ge pa3-da >>Q000369 129 130. kur me sikil-la-ke4 ha-ma-du3-e >>Q000369 130 131. {gesz}taskarin-gin7 hi-li ha-ma-ab-ak-e >>Q000369 131 132. {d}utu agrun-ta e3-a-gin7 si-musz2 ha-ma-ab-gun3-gun3 >>Q000369 132 133. za3-du8-za3-du8-bi urin ha-ma-mul-e >>Q000369 133 134. e2-nun-e2-nun-ba szir3 ku3 nam-szub du12-a-ba >>Q000369 134 135. nam-szub {d}nu-dim2-mud-da-ke4 e-ne-ra du11-mu-na-ab >>Q000369 135 136. u4-ba musz nu-gal2-am3 giri2 nu-gal2-am3 >>Q000369 136 137. giri17 nu-gal2-am3 ur-mah nu-gal2-am3 >>Q000369 137 138. ur-gi7 ur-bar-ra nu-gal2-am3 >>Q000369 138 139. ni2 te-ge26 su zi-zi-i nu-gal2-am3 >>Q000369 139 140. lu2-u18-lu gaba-szu-gar nu-tuku >>Q000369 140 141. u4-ba kur szubur{ki} ha-ma-zi{ki} >>Q000369 141 142. eme ha-mun ki-en-gi kur gal me nam-nun-na-ka >>Q000369 142 143. ki-uri kur me-te-gal2-la >>Q000369 143 144. kur mar-tu u2-sal-la nu2-a >>Q000369 144 145. an ki nigin2-na ug3 sag se3-ga >>Q000369 145 146. {d}en-lil2-ra eme 1(disz)-am3 he2-en-na-da-ab-du11 >>Q000369 146 147. u4-ba a-da en a-da nun a-da lugal-la >>Q000369 147 148. {d}en-ki a-da en a-da nun a-da lugal-la >>Q000369 148 149. a-da en-e a-da nun-e a-da lugal-la >>Q000369 149 150. {d}en-ki en he2-gal2-la en du11-ga zi-da >>Q000369 150 151. en gesztu2-ga igi-gal2 kalam-ma-ke4 >>Q000369 151 152. mas-su dingir-re-e-ne-ke4 >>Q000369 152 153. gesztu2-ge pa3-da en eridu{ki}-ga-ke4 >>Q000369 153 154. ka-ba eme i3-kur2 en-na mi-ni-in-gar-ra >>Q000369 154 155. eme nam-lu2-ulu3 1(disz) i3-me-a >>Q000369 155 156. 2(disz)-kam-ma-sze3 en-e kin-gi4-a kur-sze3 du-ur2 >>Q000369 156 157. aratta{ki}-asz inim mu-na-ab-tah-e >>Q000369 157 158. kin-gi4-a ge6 u3-na-ka im 1(disz)-gin7 szeg3-ga2 >>Q000369 158 159. an-bar7-GAN2-ka im-du8-gin7 zi-ga >>Q000369 159 160. kin-gi4-a inim lugal-la-na-ke4 sag kesz2 ba-szi-in-ak >>Q000369 160 161. ge6 u3-na-ka mul-am3 im-gen >>Q000369 161 162. an-bar7-GAN2-ka {d}utu an-na-ta mu-un-de3-gen >>Q000369 162 163. inim gal {d}inanna gi-zu2-lum-ma DU me-a mu-na-ab-tum3 >>Q000369 163 164. hur-sag zubi-sze3 bi2-in-e11-de3 >>Q000369 164 165. hur-sag zubi-ta im-ma-da-ra-ab-e11-de3 >>Q000369 165 166. szuszin{ki}-e kur an-sza4-an{ki}-a-sze3 >>Q000369 166 167. pesz2 tur-gin7 giri17 szu mu-na-ab-gal2 >>Q000369 167 168. hur-sag gal-gal ni2-ba lu-a >>Q000369 168 169. sahar-ra mu-na-da-gur4-gur4 >>Q000369 169 170. hur-sag 5(disz) hur-sag 6(disz) hur-sag 7(disz)-e im-me-re-bala-bala >>Q000369 170 171. igi mu-un-il2 aratta{ki}-asz ba-te >>Q000369 171 172. kisal aratta{ki}-ka giri3 hul2-la mi-ni-in-gub >>Q000369 172 173. nam-nir-gal2 lugal-a-na mu-un-zu >>Q000369 173 174. bur2-ra-bi inim sza3-ga-na bi2-ib2-be2 >>Q000369 174 175. kin-gi4-a en aratta{ki}-ra mu-na-ab-bala-e >>Q000369 175 176. a-a-zu lugal-gu10 mu-e-szi-in-gi4-in-nam >>Q000369 176 177. en unu{ki}-ga en kul-aba4{ki}-a-ke4 mu-e-szi-in-gi4-nam >>Q000369 177 178. lugal-za du11-ga-ni nam-gu10 tah-a-ni nam-gu10 >>Q000369 178 179. lugal-gu10 a-na bi2-in-du11 a-na bi2-in-tah-am3 >>Q000369 179 180. lugal-gu10 u3-tu-da-ni-ta nam-en-na tum2-ma >>Q000369 180 181. en unu{ki}-ga musz-sag-kal ki-en-gi-ra ti-la kur zid2-gin7 ma5-ma5 >>Q000369 181 182. dara3-masz kur-bad3-da a2-nun-gal2 >>Q000369 182 183. szilam-za masz naga ku3-ga umbin sud2-sud2-e >>Q000369 183 184. ab2 zi-da kur-sza3-ga tu-da >>Q000369 184 185. en-me-er-kar2 dumu {d}utu-ke4 mu-e-szi-in-gi4-nam >>Q000369 185 185a. lugal-zu du11-ga-ni nam-gu10 tah-a-ni nam-gu10 >>Q000369 185a 185b. lugal-gu10 a-na bi2-in-du11 a-na bi2-in-tah-am3 >>Q000369 185b 186. lugal-gu10 na-ab-be2-a >>Q000369 186 187. iri-ni ir7-sag{muszen}-gin7 gesz-bi-ta na-na?-ra-ab-dag-e >>Q000369 187 188. muszen-gin7 gud3 us2-sa-bi-a nam-bi2-ib2-hu-luh-e >>Q000369 188 189. ganba gal2-la-gin7 na-an-si-ge-en >>Q000369 189 190. iri gul-gul-la-gin7 sahar na-an-bi2-ib-ha-za-en >>Q000369 190 191. aratta{ki} a2-dam {d}en-ki-ke4 nam ba-an-ku5 >>Q000369 191 192. ki bi2-in-gul-la-gin7 ki nam-ga-bi2-ib-gul-en >>Q000369 192 193. egir-bi {d}inanna ba-szi-in-zi >>Q000369 193 194. gu3 im-mi-in-ra szeg11 im-mi-in-gi4 >>Q000369 194 195. kusz7 bi2-in-su-a-gin7 kusz7 na-an-ga-bi2-ib-su-su-un >>Q000369 195 196. ku3-sig17 u3-tu-da-ba {kusz}lu-ub2-szir a-ba-ni-in-ak >>Q000369 196 197. ku3-me-a sahar-ba za3 u3-ba-ni-in-us2 >>Q000369 197 198. ku3 sag-PA-sze3 u3-mu-un-dim2-dim2 >>Q000369 198 199. ansze kur-kur-ra-ke4 bara2 um-mi-in-la2-la2 >>Q000369 199 200. ge26-e-sze3-am3 {d}en-lil2 ban3-da ki-en-gi-ra-ke4 >>Q000369 200 201. en {d}nu-dim2-mud-e sza3 ku3-ge pa3-da >>Q000369 201 202. kur me sikil-la-ke4 ha-ma-du3-e >>Q000369 202 203. {gesz}taskarin-gin7 hi-li ha-ma-ab-ak >>Q000369 203 204. {d}utu agrun-ta e3-a-gin7 si-musz2 ha-ma-ab-gun3-gun3 >>Q000369 204 205. za3-du8-za3-du8-ba urin ha-ma-mul-e >>Q000369 205 206. e2-nun-e2-nun-ba szir3 ku3 nam-szub du12-a-ba >>Q000369 206 207. nam-szub {d}nu-dim2-mud-ke4 ga2-ra du11-mu-na-ab >>Q000369 207 208. a-na ma-ab-be2-en-na-bi u3-mu-e-du11 >>Q000369 208 209. a ru-a sun4 {na4}za-gin3 kesz2-da-ar >>Q000369 209 210. ab2 kal-la-ga-ni kur me sikil-la-ka tu-da-ar >>Q000369 210 211. sahar aratta{ki}-ka a2 e3-a-ar >>Q000369 211 212. ubur ab2 zi-da ga gu7-a-ar >>Q000369 212 213. kul-aba4{ki} kur me gal-gal-la-ka nam-nun-na tum2-ma >>Q000369 213 214. en-me-er-kar2 dumu {d}utu-ra >>Q000369 214 215. inim-bi esz3 e2-an-na-ka inim du10 ga-na-ab-du11 >>Q000369 215 216. ge6-par4 {gesz}mesz3 gibil-gin7 gurun il2-la-na >>Q000369 216 217. lugal-gu10 en kul-aba4{ki}-ra szu-a ga-mu-na-ab-gi4 >>Q000369 217 218. ur5-gin7 hu-mu-na-ab-be2-a-ka >>Q000369 218 219. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 219 220. ge26-e-me-en en szu sikil-la tum2-ma >>Q000369 220 221. {gesz}rab3 mah an-na nin an ki-ke4 >>Q000369 221 222. in-nin9 me szar2-ra ku3 {d}inanna-ke4 >>Q000369 222 223. aratta{ki} kur me sikil-la-sze3 hu-mu-un-de6-en >>Q000369 223 224. kur-ra {gesz}ig gal-gin7 igi-ba bi2-in-tab-en >>Q000369 224 225. aratta{ki} unu{ki}-sze3 gu2 a-gin7 i3-ga2-ga2 >>Q000369 225 226. aratta{ki} unu{ki}-sze3 gu2 ga2-ga2 nu-gal2 e-ne-ra du11-mu-na-ab >>Q000369 226 227. ur5-gin7 hu-mu-na-ab-be2-a-ka >>Q000369 227 228. kin-gi4-a en aratta{ki}-ra mu-na-ni-ib-gi4-gi4 >>Q000369 228 229. nin gal an-na me husz-a u5-a >>Q000369 229 230. hur-sag kur szuba-ka dur2 gar-ra >>Q000369 230 231. bara2 kur szuba-ka sze-er-ka-an du11-ga >>Q000369 231 232. en lugal-gu10 szubur-a-ni-im >>Q000369 232 233. dingir nin e2-an-na-ka mu-un-di-ni-ib-ku4-re-esz >>Q000369 233 234. en aratta{ki} gu2 ki-sze3 ba-ni-in-gal2 >>Q000369 234 235. szeg12 kul-aba4{ki}-a-ka ur5-gin7 hu-mu-na-ab-be2 >>Q000369 235 236. u4-bi-a en-e sza3 mu-un-sag3 zi mu-un-ir-ir >>Q000369 236 237. gaba-ri nu-mu-da-gal2 gaba-ri i3-kin-kin >>Q000369 237 238. giri3 ni2-te-a-na-ka igi lib-ba bi2-in-du8-ru gaba-ri i3-pa3-de3 >>Q000369 238 239. gaba-ri in-pa3 gu3 im-ta-an-e3 >>Q000369 239 240. kin-gi4-a inim-ma gaba ri-bi >>Q000369 240 241. gu4-gin7 gu3 nun mu-un-di-ni-ib-be2 >>Q000369 241 242. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 242 243. hur-sag gal {gesz}mesz3 an-da mu2-a >>Q000369 243 244. ur2-bi-sze3 sa-par4-am3 pa-bi gesz-bur2-am3 >>Q000369 244 245. buru5 umbin-bi anzu{muszen} hu-ri2-in{muszen}-na >>Q000369 245 246. kesz2-da {d}inanna-ka szar2 du11-ge gib-ba >>Q000369 246 247. umbin hu-ri2-in{muszen}-bi u3-mun kur-ra kur szuba-da e11-da >>Q000369 247 248. aratta{ki} er2 sze8-sze8 [...] >>Q000369 248 249. a bala-bala-am3 zid2 dub-dub-ba-am3 >>Q000369 249 250. kur-ra siskur a-ra-zu-a giri17 szu gal2-la-am3 >>Q000369 250 251. lu2 5(disz) nu-me-a lu2 1(u) nu-me-a >>Q000369 251 252. unu{ki} zi-ga hur-sag zubi-sze3 sag a-gin7 i3-ga2-ga2 >>Q000369 252 253. lugal-zu {gesz}tukul-ga2 sag ha-ba-an-szum2 >>Q000369 253 254. ge26-e a-da-min3-na sag ga-ba-an-szum2 >>Q000369 254 255. a-da-min3 nu-um-zu tesz2 nu-um-gu7 >>Q000369 255 256. gu4-de3 gu4 a2-gal2-bi nu-um-zu >>Q000369 256 257. a-da-min3 um-zu tesz2 um-gu7 >>Q000369 257 258. gu4-de3 gu4 a2-gal2-bi um-zu >>Q000369 258 259. e-ne a-da-min3 mi-ni-in-tak4-tak4-an >>Q000369 259 260. [...]-gin7 nig2 lu2 nu-se3-ge >>Q000369 260 261. e-ne in-ga-mu-ni-in-tak4-tak4-an >>Q000369 261 262. 2(disz)-kam-ma-sze3 kin-gi4-a inim mu-ra-be2-en >>Q000369 262 263. [...] de2-a sza-ra-ab-galam-e-en DU-a he2-mu-e-szi-dib >>Q000369 263 264. e2-an-na pirig szu-ba nu2-a >>Q000369 264 265. sza3-bi-ta gu4 gu3 nun di-dam >>Q000369 265 266. ge6-par4 {gesz}mesz3 gibil-gin7 gurun il2-la-na >>Q000369 266 267. lugal-zu en kul-aba4{ki}-a-ra szu-a gi4-mu-na-ab >>Q000369 267 268. hur-sag ur-sag sukud si-ga-am3 >>Q000369 268 269. an-usan-na {d}utu e2-bi-sze3 du-gin7 >>Q000369 269 270. igi-bi-ta usz2 la2-la2-e-gin7 >>Q000369 270 271. {d}nanna si-un3-na mah-a-gin7 >>Q000369 271 272. sag-ki-bi me-lam2 gal2-la-gin7 >>Q000369 272 273. gesz-gin7 kur-kur-ra gib-ba-gin7 >>Q000369 273 274. sag musz3 aratta{ki}-ke4 >>Q000369 274 275. {d}lamma sa6-ga kur me sikil-la-sze3 >>Q000369 275 276. u4-da aratta{ki} aga ku3 an-na-gin7 si mu-na-an-sa2 >>Q000369 276 277. ge26-e u4-ba nam-mah-gu10 ga-an-zu >>Q000369 277 278. sze bara2-ga nam-mu-un-si-si-ig-ge mar-e nam-me-e >>Q000369 278 279. sze-bi kur-kur-ra nam-il2-e >>Q000369 279 280. erin2-na mu-un-ku5 nam-mu-un-ga2-ga2 >>Q000369 280 281. sze {sa}al-kad5-e u3-mu-ni-in-si-si >>Q000369 281 282. ansze bara2 la2-e um-mi-in-la2 >>Q000369 282 283. ansze-bala-e da-bi-a a-ba-an-se3 >>Q000369 283 284. tukum-bi kisal aratta{ki}-ka guru7-sze3 mu-dub-be2 >>Q000369 284 285. i3-ge-en am3-dub-be2 guru7-a hi-li-bi >>Q000369 285 286. kur-kur-ra izi gar-ra-bi a2-dam me-te-bi >>Q000369 286 287. bad3 7(disz)-e sze-er-ka-an du11-ga >>Q000369 287 288. nin ur-sag me3-a tum2-ma >>Q000369 288 289. {d}inanna ur-sag me3 sahar-ra-ke4 sag eszemen {d}inanna di-dam >>Q000369 289 290. i3-ge-en aratta{ki} ur ad6 sar-gin7 szu-ta im-ta-ri >>Q000369 290 291. ge26-e u4-ba sza-ba-na-gam-e-de3-en >>Q000369 291 292. e-ne nam-mah-a-ni szi-im-ma-an-zu-zu-un >>Q000369 292 293. iri-gin7 nam-tur-ga2 gu2 szi-im-ma-ga2-ga2-an e-ne-ra du11-mu-na-ab >>Q000369 293 294. ur5-gin7 hu-mu-na-ab-be2-a-ka >>Q000369 294 295. kin-gi4-a en aratta{ki}-ke4 >>Q000369 295 296. ka-ni-gin7 inim ka-na ba-an-se3 >>Q000369 296 297. sumun2-gin7 hasz2-a-na mu-un-gur >>Q000369 297 298. nim-sahar-ra-gin7 tir u4 zal-le-na mu-un-gen >>Q000369 298 299. szeg12 kul-aba4{ki}-a-ka giri3 hul2-la mu-ni-in-gub >>Q000369 299 300. kisal mah-e kisal gu2-en-na-ka kin-gi4-a i-ib2-bur2 >>Q000369 300 301. lugal-a-ni-ir en kul-aba4{ki}-ra >>Q000369 301 302. ka-ni-gin7 szu mu-na-an-gi4 >>Q000369 302 303. gu4-gin7 gu3 mu-na-an-se3 >>Q000369 303 304. gu4 ri-ri-gin7 gesztu2 mu-na-an-ga2-ga2 >>Q000369 304 305. lugal-e za3 zi-da-ni NE im-mi-in-tusz >>Q000369 305 306. za3 gab2-bu-ni im-ma-ni-in-gi4 >>Q000369 306 307. i3-ge-en aratta{ki} galga szum2-ma im-ma-zu im-me >>Q000369 307 308. u4 im-zal {d}utu im-ta-e3-a-ra >>Q000369 308 309. {d}utu kalam-ma-ka sag bi2-ib-il2 >>Q000369 309 310. lugal-e {i7}idigna {i7}buranun-bi-da im-ma-da-an-tab >>Q000369 310 311. {i7}buranun-na {i7}idigna-da im-ma-da-an-tab >>Q000369 311 312. bur gal-gal an-ne2 ba-sug2-su8-ug >>Q000369 312 313. bur tur-tur sila4 u2-szim dur2-gin7 za3-bi-a im-ma-an-us2 >>Q000369 313 314. bur i-gi8 an-na da-bi-a ba-su8-ug >>Q000369 314 315. lugal-e esz-da ku3-sig17-ga-ke4 >>Q000369 315 316. en-me-er-kar2 dumu {d}utu-ke4 du10 mu-un-bad-ba9-re6 >>Q000369 316 317. u4-bi-a dub i-gi8 im me-a gi-gag ukken-na >>Q000369 317 318. alan ku3-sig17-ga u4 du10-ga tu-da >>Q000369 318 319. {d}nanibgal sig7-ga |KAxLI| sikil mu2?-da >>Q000369 319 320. {d}nisaba nin gesztu2 dagal-la-ke4 >>Q000369 320 321. e2-|GISZ.TUG2.PI.AN.NISABA| ku3-ga-ni gal2 mu-na-an-tak4 >>Q000369 321 322. e2-gal an-na-ka ku4-ra-ni gesztu2 mu-un-ga2-ga2 >>Q000369 322 323. en-e e2-nun mah-a-ni gal2 ba-an-tak4 >>Q000369 323 324. {gesz}li2-id-ga mah-a-ni ki ba-an-us2 >>Q000369 324 325. lugal-e sze-ta sze libir-ra-ni szu ba-ra-an-bala >>Q000369 325 326. munu4 ki-szar2-ra a ba-ni-in-si >>Q000369 326 327. nundum-bi {u2}hirin{hu-ri2-in} AN x-sug4-ge >>Q000369 327 328. {sa}al-kad5-e igi im-mi-in-tur-tur >>Q000369 328 329. sze guru7 ka i-ni-in-si zu2 buru5{muszen}-e bi2-in-tah >>Q000369 329 330. ansze bara2 la2-e um-mi-in-la2 >>Q000369 330 331. ansze-bala-e da-bi-a ba-an-se3 >>Q000369 331 332. lugal en gesztu2 dagal-la-ke4 >>Q000369 332 333. en unu{ki}-ga en kul-aba4{ki}-ke4 >>Q000369 333 334. har-ra-an aratta{ki}-ke4 si bi2-in-sa2 >>Q000369 334 335. nam-lu2-ulu3 kiszi6 ki-in-dar-ra-gin7 >>Q000369 335 336. aratta{ki}-asz ni2-ba mu-un-sub2-be2-esz >>Q000369 336 337. en-e kin-gi4-a kur-sze3 du-ur2 >>Q000369 337 338. aratta{ki}-asz inim mu-na-ab-tah-e >>Q000369 338 339. kin-gi4-a en aratta{ki}-ra u3-na-du11 u3-na-de3-tah >>Q000369 339 340. gidru-ga2 ur2-bi me nam-nun-na-ka >>Q000369 340 341. pa-bi kul-aba4{ki}-a an-dul3-esz i3-ak >>Q000369 341 342. pa mul-mul-la-bi esz3 e2-an-na-ke4 >>Q000369 342 343. ku3 {d}inanna-ke4 ni2 im-szi-ib-te-en-ten >>Q000369 343 344. gidru um-ta-an-kid7 hu-mu-un-da-gal2 >>Q000369 344 345. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 345 346. en aratta{ki}-ke4 igi-gu10-sze3 hu-mu-un-tum2 e-ne-ra du11-mu-na-ab >>Q000369 346 347. ur5-gin7 hu-mu-na-ab-be2-a-ka >>Q000369 347 348. kin-gi4-a aratta{ki}-asz du-ni >>Q000369 348 349. sahar kaskal-la giri3-ni mu-un-si >>Q000369 349 350. na4 tur-tur hur-sag-ga2-ke4 suh3-sah4 mu-un-da-ab-za >>Q000369 350 351. uszumgal edin-na-ba kin-ge26-gin7 gaba-ri nu-mu-ni-in-tuku >>Q000369 351 352. kin-gi4-a aratta{ki}-asz um-ma-te-a-ra >>Q000369 352 353. nam-lu2-ulu3 aratta{ki}-ke4 >>Q000369 353 354. ansze bara2 la2-e u6 di-de3 im-ma-sug2-sug2-ge-esz >>Q000369 354 355. kin-gi4-a kisal aratta{ki}-ka >>Q000369 355 356. sze guru7 ka bi2-in-si zu2 buru5{muszen}-e bi2-in-tah >>Q000369 356 357. szegx(|IM.A|) an-na u4 gal2-la-gin7 >>Q000369 357 358. aratta{ki} he2-gal2-la i3-du3 >>Q000369 358 359. dingir dur2-bi-a ba-da-ab-gi4-a-gin7 >>Q000369 359 360. aratta{ki} sza3-gar-ra-ni am3-la2-la2 >>Q000369 360 361. nam-lu2-ulu3 aratta{ki}-ke4 >>Q000369 361 362. munu4 a si-ga-na a-sza3 mu-ni-ib-x >>Q000369 362 363. egir-ba ra2-gaba sza3-tam [...] >>Q000369 363 364. x ki A tak4-ba [...] >>Q000369 364 365. x x x [...] x x NI [...] >>Q000369 365 366. dumu-dumu aratta{ki} gesztu2 [...] >>Q000369 366 367. aratta{ki}-asz inim mu-un-bur2 >>Q000369 367 368. ur5-da aratta{ki}-a szu-ta [...] >>Q000369 368 370. en unu{ki}-ga-ra szu-ni i-im-[...] >>Q000369 370 371. me-en-de3 sug4-ga lul-la-be2-esz2 >>Q000369 371 372. en kul-aba4{ki}-a-ra {na4}gug lul-la-me-a ga-mu-na-dur2-ru-ne-en-de3-en >>Q000369 372 373. ab-ba-ab-ba inim zu-ne >>Q000369 373 374. szu tesz2-a bi2-ib-ri-esz za3 e2-gar8-e bi2-ib-us2-esz >>Q000369 374 375. en-ra e2 sikil-bi hu-mu-un-ga2-ga2-e-ne >>Q000369 375 376. x x kin gidru-ni |DU.DU| sza3 e2-gal-la [...] >>Q000369 376 377. bur2-ra-bi inim sza3-ga-na bi2-ib-be2 >>Q000369 377 378. a-a-zu lugal-gu10 mu-e-szi-in-gi4-in-nam >>Q000369 378 379. en-me-er-kar2 dumu {d}utu-ke4 mu-e-szi-in-gi4-in-nam >>Q000369 379 380. lugal-zu du11-ga-ni nam-gu10 tah-a-ni nam-gu10 >>Q000369 380 381. lugal-gu10 a-na bi2-in-du11 a-na bi2-in-tah-am3 >>Q000369 381 382. gidru-ga2 ur2-bi me nam-nun-na-ka >>Q000369 382 383. pa-bi kul-aba4{ki}-a an-dul3-esz i3-ak >>Q000369 383 384. pa mul-mul-la-bi esz3 e2-an-na-ke4 >>Q000369 384 385. ku3 {d}inanna-ke4 ni2 im-szi-ib-te-en-ten >>Q000369 385 386. gidru um-ta-an-kid7 hu-mu-un-da-gal2 >>Q000369 386 387. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 387 388. en aratta{ki}-ke4 igi-gu10-sze3 hu-mu-un-tum2 ga2-a-ra ha-ma-an-du11 >>Q000369 388 389. ur5-gin7 hu-mu-na-ab-be2-a-ka >>Q000369 389 390. nam-bi-sze3 itima-a KA ba-an-ku4 sza3-ka-tab-ba ba-an-nu2 >>Q000369 390 391. u4 im-zal inim im-szar2-szar2 >>Q000369 391 392. inim ka-sze3 nu-gar-ra im-me >>Q000369 392 393. inim-ma sze ansze gu7-a-gin7 giri3 mi-ni-ib-ni10-ni10-e >>Q000369 393 394. i3-ne-esz2 lu2 lu2-u3-ra a-na na-an-du11 >>Q000369 394 395. lu2 lu2-ra dili a-na na-an-tah >>Q000369 395 396. lu2 lu2-ra in-na-ab-be2-a ur5 he2-en-na-nam-ma-am3 >>Q000369 396 397. kin-gi4-a lugal-zu en kul-aba4{ki}-ra u3-na-a-du11 u3-na-de3-tah >>Q000369 397 398. gidru gesz nam-me mu gesz na-an-sa4-sa4 >>Q000369 398 399. x x szu-na um-ma-ni-in-gar igi um-szi-bar-bar >>Q000369 399 400a. {gesz}ildag2 nam-me {gesz}szim-gig nam-me >>Q000369 400a 400b. {gesz}ildag2 nam-me {gesz}szim-gig nam-me >>Q000369 400b 401a. {gesz}erin nam-me {gesz}szu-ur2-men2 nam-me >>Q000369 401a 401b. {gesz}ha-szu-ur2 nam-me {gesz}geszimmar nam-me >>Q000369 401b 402a. {gesz}ha-szu-ur2 nam-me {gesz}geszimmar nam-me >>Q000369 402a 402b. {gesz}erin nam-me {gesz}za-ba-lum nam-me >>Q000369 402b 403a. {gesz}esi nam-me {gesz}za-ba-lum nam-me >>Q000369 403a 403b. {gesz}szu-ur2-men2 nam-me {gesz}esi nam-me >>Q000369 403b 404. {gesz}asal lam {gesz}gigir-ra nam-me >>Q000369 404 405. {gesz}kid-da gesz-{kusz}usan3-na nam-me >>Q000369 405 406. ku3-sig17 nam-me uruda nam-me >>Q000369 406 407. ku3-me-a zi ku3-babbar nam-me >>Q000369 407 408. {na4}gug nam-me {na4}za-gin3 nam-me >>Q000369 408 409. gidru um-ta-an-kid7 hu-mu-un-da-gal2 >>Q000369 409 410. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 410 411. en kul-aba4{ki}-a-ke4 igi-gu10-sze3 hu-mu-un-tum2 e-ne-ra du11-mu-na-ab >>Q000369 411 412. ur5-gin7 hu-mu-na-ab-be2-a-ka >>Q000369 412 413. kin-gi4-a dur3{ur3} si-gigir ku5-ra2-gin7 ka si-il-la mu-un-gen >>Q000369 413414. ansze edin-na bar-rim4-ma kas4 di-gin7 {kusz}um4 i3-tag-tag-ge414. ansze-edin-na bar-rim4-ma kas4 di-gin7 {kusz}um4 i3-tag-tag-ge >>Q000369 414 415. ka-ni tum9-a bi2-ib-zi-zi-zi >>Q000369 415 416. udu zulumhi udu sumur-ba du7-du7-gin7 du10-us2 dili mu-un-dab5 >>Q000369 416 417. szeg12 kul-aba4{ki}-a-ka giri3 hul2 mi-ni-in-gub >>Q000369 417 418. lugal-a-ni en kul-aba4{ki}-a-ra >>Q000369 418 419. inim-inim-ma mu-na-ra-si-si >>Q000369 419 420. en-me-er-kar2-ra {d}en-ki-ke4 gesztu2 mu-na-an-szum2 >>Q000369 420 421. en-e agrig mah-a-ni a2 ba-da-an-ag2 >>Q000369 421 422. e2-ni? [...] >>Q000369 422 423. lugal-e sumur3? [...] szu ba-ra-an-ti >>Q000369 423 424. mu-un-dul-gin7 szu bi2-in-gur-gur igi bi2-in-ga2-ga2 >>Q000369 424 425. {na4}na KA-KA szim-gin7 zu2 ba-ni-in-ra >>Q000369 425 426. gi su-lim-ma-ka i3-gin7 mu-ni-in-de2 >>Q000369 426 427. u4-ta gissu-sze3 am3-e3-e >>Q000369 427 428. gissu-ta u4-sze3 am3-e3-e >>Q000369 428 429. mu 5(disz)-am3 mu 1(u)-am3 ba-zal-la-ri >>Q000369 429 430. gi su-lim-ma gin2-gin7 bi2-in-gaz >>Q000369 430 431. en-e igi hul2-la im-szi-in-bar >>Q000369 431 432. i3 li i3 li2 kur szuba-a-ka sag3-ga i-ni-in-de2 >>Q000369 432 433. en-e kin-gi4-a kur-sze3 du-ur2 >>Q000369 433 434. gidru szu-na mu-un-na-ga2-ga2 >>Q000369 434 435. kin-gi4-a aratta{ki}-asz du-a-ni >>Q000369 435 436. u5{muszen}-gin7 hur-sag-ga2 nim-gin7 sahar nigin-a >>Q000369 436 437. |HI.SUHUR|{ku6}-gin7 kur ur3-ur3-ru-da-ni aratta{ki}-asz ba-te >>Q000369 437 438. kisal aratta{ki}-ka giri3 hul2-la mi-ni-in-gub >>Q000369 438 439. gidru TE SI na mu-un-gub >>Q000369 439 440. szu kin si bi2-in-sa2 a kin bi2-ib-ak-e >>Q000369 440 441. en aratta{ki}-ke4 gidru-ta igi tab-ba >>Q000369 441 442. itima-ka ki-tusz ku3-ga-ni-a ni2 im-kar2-kar2-ka >>Q000369 442 443. en-e sza3-tam-a-ni-ir gu3 mu-na-de2-e >>Q000369 443 444. aratta{ki} u8 sag2-gin7 he2-em kaskal-bi kur ki-bala he2-em >>Q000369 444 445. mah aratta{ki} ku3 {d}inanna-ke4 >>Q000369 445 446. en kul-aba4{ki}-ra mu-na-an-szum2-ma-ta >>Q000369 446 447. lu2-kin-gi4-a mu-un-gi4-a-ni >>Q000369 447 448. {d}utu e3-de3 inim dugud pa e3-de3 >>Q000369 448 449. a-da-al ku3 {d}inanna-ke4 igi me-szi-kar2-kar2 >>Q000369 449 450. aratta{ki}-a lul-e me-a he2-en-de3-dib-e >>Q000369 450 451. al me-da-asz szu al-zil2-zil2-i-a >>Q000369 451 452. me-en-de3 sug4-ga lul-la-be2-esz2 >>Q000369 452 453. en kul-aba4{ki}-ra {na4}gug lul-la-me-a mu-na-dur2-ru-ne-en-de3-en >>Q000369 453 454. en aratta{ki}-ke4 kin-gi4-a-ar >>Q000369 454 455. inim-ma dub mah-gin7 szu mu-na-an-se3 >>Q000369 455 456. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 456 457. ur na-an-ge6-ge ur na-an-babbar-re >>Q000369 457 458. ur na-an-su4-e ur na-an-dara4-e >>Q000369 458 459. ur na-an-sig7-sig7-ge ur na-an-gun3-gun3{gu2} ur hu-mu-ra-ab-szum2-mu >>Q000369 459 460. ur-gu10 ur-ra-ni a-da-min3 he2-em-da-e >>Q000369 460 461. a2-gal2 he2-zu e-ne-ra du11-mu-na-ab >>Q000369 461 462. ur5-gin7 hu-mu-na-ab-be2-a-ka >>Q000369 462 463. kin-gi4-a u2-lum a-lam mu-un-gen >>Q000369 463 464. szeg12 kul-aba4{ki}-ke4 egir se3-ga-gin7 inim mu-un-gi4 >>Q000369 464 465. ud5-gin7 ka gaba kur-ra-ka igi mi-ni-ib-il2-il2-i >>Q000369 465 466. mir mah kiszi17-kiszi17-ta zi-ga-gin7 e2 me min3 mu-un-ta-la2-la2 >>Q000369 466 467. x x x x-ka sag mi-ni-in-il2 >>Q000369 467 468. [...] aratta{ki}-a-ke4 [...] >>Q000369 468 469. ki-tusz-a-ni-ta a mah e3-a-gin7 mu-un-na-ab-be2 >>Q000369 469 470. kin-gi4-a en aratta{ki}-ra u3-na-du11 u3-na-de3-tah >>Q000369 470 471. tug2 na-an-ge6-ge tug2 na-an-babbar-re >>Q000369 471 472. tug2 na-an-su4-e tug2 na-an-dara4-e >>Q000369 472 473. tug2 na-an-sig7-sig7-ge tug2 na-an-gun3-gun3{gu2} tug2 ga-mu-na-ab-szum2 >>Q000369 473 474. ur-gu10 gu2-da gal2 {d}en-lil2-la2 ur szu ga-mu-na-tak4 >>Q000369 474 475. ur-gu10 ur-ra-ni a-da-min3 he2-em-di-e >>Q000369 475 476. a2-gal2 he2-zu-zu e-ne-ra du11-mu-na-ab >>Q000369 476 477. 2(disz)-kam-ma-sze3 u3-na-du11 u3-na-de3-tah >>Q000369 477 478. en3-tukum-sze3 lul-da LI-a he2-ni-ib-dib-e >>Q000369 478 479. iri-na udu-gin7 igi-ni hu-mu-un-su8-ub >>Q000369 479 480. e-ne sipa-bi-gin7 egir-bi he2-em-us2-e >>Q000369 480 481. du-a-ni kur ku3 {na4}za-gin3-na >>Q000369 481 482. gi nig2 dub-ba-gin7 gu2 hu-mu-na-ab-gar >>Q000369 482 483. ku3-sig17 ku3-babbar su3-ra2-ag2-bi >>Q000369 483 484. {d}inanna nin e2-an-na-ra >>Q000369 484 485. kisal aratta{ki}-ka guru7-sze3 hu-mu-un-dub-dub-bu >>Q000369 485 486. 3(disz)-kam-ma-sze3 u3-na-du11 u3-na-de3-tah >>Q000369 486 487. iri-ni ir7-sag{muszen}-gin7 gesz-bi-ta na-an-tar-ta-ta-an >>Q000369 487 488. [...]-gin7 na-an-dub2-be2-en >>Q000369 488 489. ganba gal2-la-gin7 na-an-si-ig-en >>Q000369 489 490. [...] lil2-e nam-mi-ni-in-dib-be2-en >>Q000369 490 491. du-a-ni na4 hur-sag-ga2 szu u3-mu-ni-in-ti >>Q000369 491 492. esz3 gal eridu{ki} abzu e2-nun ha-ma-du3-e >>Q000369 492 493. a-sal-bar-bi im-szu2-ra-ke4 szu ha-ma-ni-ib-tag-ge >>Q000369 493 494. gissu-bi kalam-ma ha-ma-ni-ib-la2-la2-e >>Q000369 494 495. inim du11-ga-ni [...]-szar2?-a-ka >>Q000369 495 496. geszkim-a-ni e-ne-ra du11-mu-na-ab >>Q000369 496 497. u4-ba en? [...]-ka-am3 >>Q000369 497 498. [...] bara2-ga dur2 gar-ra numun nun-na-ke4-ne >>Q000369 498 499. x x 1(disz)-a mu2-a >>Q000369 499 500. du11-ga-ni mah-am3 sza3-bi su-su-a-am3 >>Q000369 500 501. kin-gi4-a ka-ni dugud szu nu-mu-un-da-an-gi4-gi4 >>Q000369 501 502. bar kin-gi4-a ka-ni dugud szu nu-mu-un-da-an-gi4-gi4-da-ka >>Q000369 502 503. en kul-aba4{ki}-a-ke4 im-e szu bi2-in-ra inim dub-gin7 bi2-in-gub >>Q000369 503 504. u4-bi-ta inim im-ma gub-bu nu-ub-ta-gal2-la >>Q000369 504 505. i3-ne-esz2 {d}utu u4 ne-a ur5 he2-en-na-nam-ma-am3 >>Q000369 505 506. en kul-aba4{ki}-a-ke4 inim dub-gin7 bi2-in-gub ur5 he2-en-na-nam-ma >>Q000369 506 507. kin-gi4-a muszen-gin7 a2 dub2 i3-ak-e >>Q000369 507 508. ur-bar-ra masz2-e us2-sa-gin7 guru5-usz i3-bur2-bur2-re >>Q000369 508 509. hur-sag 5(disz) hur-sag 6(disz) hur-sag 7(disz)-e im-me-re-bala-bala >>Q000369 509 510. igi mu-un-il2 aratta{ki}-asz ba-te >>Q000369 510 511. kisal aratta{ki}-ka giri3 hul2-la mi-ni-in-gub >>Q000369 511 512. nam-nir-gal2 lugal-a-na mu-un-zu >>Q000369 512 513. bur2-ra-bi inim sza3-ga-na bi2-ib2-be2 >>Q000369 513 514. kin-gi4-a en aratta{ki}-ra mu-na-ab-bala-e >>Q000369 514 515. a-a-zu lugal-gu10 mu-e-szi-in-gi4-in-nam >>Q000369 515 516. en unu{ki}-ga en kul-aba4{ki}-a-ke4 mu-e-szi-in-gi4-in-nam >>Q000369 516 517. lugal-zu du11-ga-ni nam-gu10 tah-a-ni nam-gu10 >>Q000369 517 518. lugal-gu10 a-na bi2-in-du11 a-na bi2-in-tah-am3 >>Q000369 518 519. lugal-gu10 {gesz}mesz3 gal dumu {d}en-lil2-la2-ke4 >>Q000369 519 520. gesz-bi an ki-da mu2-a >>Q000369 520 521. pa-bi an-ne2 us2-sa-am3 >>Q000369 521 522. ur2-bi ki-a gub-ba-bi >>Q000369 522 523. nam-en nam-lugal-la pa e3 ak-a >>Q000369 523 524. en-me-er-kar2 dumu {d}utu-ke4 im ma-an-szum2 >>Q000369 524 525. en aratta{ki}-ke4 im igi u3-ni-bar sza3 inim-ma u3-bi2-zu >>Q000369 525 526. a-na ma-ab-be2-en-na-bi u3-mu-e-du11 >>Q000369 526 527. a ru-a sun4 {na4}za-gin3 kesz2-da-ar >>Q000369 527 528. ab2 kal-la-ga-ni kur me sikil-la-ka tu-da-ar >>Q000369 528 529. sahar aratta{ki}-ka a2 e3-a-ar >>Q000369 529 530. ubur ab2 zi-da-ka ga gu7-a-ar >>Q000369 530 531. kul-aba4{ki} kur me gal-gal-la-ka nam-en-na tum2-ma-ar >>Q000369 531 532. en-me-er-kar2 dumu {d}utu-ra >>Q000369 532 533. inim-bi esz3 e2-an-na-ka inim du10 ga-mu-na-ab-du11 >>Q000369 533 534. ge6-par4 {gesz}mesz3 gibil-gin7 gurun il2-la-na >>Q000369 534 535. lugal-gu10 en kul-aba4{ki}-ra szu-a ga-mu-na-ab-gi4 >>Q000369 535 536. ur5-gin7 hu-mu-na-ab-be2-a-ka >>Q000369 536 537. en aratta{ki}-ke4 kin-gi4-a-ar >>Q000369 537 538. im szu-rin-na-ni szu ba-szi-in-ti >>Q000369 538 539. en aratta{ki}-ke4 im-ma igi i-ni-in-bar >>Q000369 539 540. inim du11-ga gag-am3 sag-ki mi-re2-da-am3 >>Q000369 540 541. en aratta{ki}-ke4 im szu-rin-na-ni igi im-bar-bar-re >>Q000369 541 542. u4-ba en men nam-en-na tum2-ma dumu {d}en-lil2-la2-ke4 >>Q000369 542 543. {d}iszkur an ki-a gu3 nun-bi di-dam >>Q000369 543 544. u4 du7-du7 ug gal-la ki x x-ka nam-mi-ni-in-gub >>Q000369 544 545. kur-kur [...] mu-un-tuk4-tuk4-e >>Q000369 545 546. hur-sag [...] mu-un-da-pesz11-pesz11-e >>Q000369 546 547. ni2 me-lam2? x x gaba-na gal2-la-bi >>Q000369 547 548. hur-sag giri17-zal-la gu3 mi-ni-in-il2 >>Q000369 548 549. aratta{ki} bar u4-bi sza3 hur-sag-ga2-ka >>Q000369 549 550. gig ni2-bi mu2-a gu2 ni2-bi an-ga-mu2-a >>Q000369 550 551. gig ni2-bi mu2-a guru7 x x-ka >>Q000369 551 552. en aratta{ki}-ra mu-na-ni-in-ku4-ku4 >>Q000369 552 553. kisal aratta{ki}-a-ka igi-ni-sze3 i-im-dub? >>Q000369 553 554. en aratta{ki}-ke4 gig-e igi bi2-in-du8 >>Q000369 554 555. kin-gi4-a igi sag3-sag3-a-ni mu-un-szi-ib-|UR2xKID2|-|UR2xKID2|-e >>Q000369 555 556. en aratta{ki}-ke4 kin-gi4-a-ar gu3 mu-un-na-de2-e >>Q000369 556 557. mah-bi {d}inanna nin kur-kur-ra-ke4 >>Q000369 557 558. iri-ni aratta{ki} szu li-bi2-in-dag unu{ki}-e la-ba-an-KA >>Q000369 558 559. e2-za-gin3-na-ka-ni szu li-bi2-in-dag esz3 e2-an-na-ka la-ba-an-KA >>Q000369 559 560. kur me sikil-la-ka szu li-bi2-in-dag szeg12 kul-aba4{ki}-a-ke4 la-ba-an-KA >>Q000369 560 561. gesz-nu2 sze-er-kan2 du11 szu li-bi2-in-dag gesz-nu2 gi-rin-na la-ba-an-KA >>Q000369 561 562. en-ra szu sikil-la-ka-ni szu li-bi2-in-dag en unu{ki}-ga en kul-aba4{ki}-a-ra la-ba-an-KA >>Q000369 562 563. aratta{ki} zi-da gab2-bu-ba >>Q000369 563 564. {d}inanna nin kur-kur-ra-ke4 >>Q000369 564 565. a mah e3-a-gin7 mu-un-na-nigin2-nigin2 >>Q000369 565 566. lu2-be2-ne lu2-lu2-ta dar-a >>Q000369 566 567. lu2 {d}dumu-zi-de3 lu2-ta e3-a-me-esz >>Q000369 567 568. inim ku3 {d}inanna ki-bi-sze3 gar-gar-me-esz >>Q000369 568 569. ur igi-gal2-la DA-A-SAR {d}dumu-zi-da he2-szi-im-nigin2-nigin2 >>Q000369 569 570. ul4 ga2-nam-ma dumu ur4-[...] >>Q000369 570 571. igi a-ma-ru-ka gub-ba-me-esz >>Q000369 571 572. egir a-ma-ru ba-ur3-ra-ta >>Q000369 572 573. {d}inanna nin kur-kur-ra-ke4 >>Q000369 573 574. nam gal ki ag2 {d}dumu-zi-da-ke4 >>Q000369 574 575. a nam-ti-la-ka mu-un-ne-su3-su3 >>Q000369 575 576. gu2 kalam-ma-ka gesz mu-un-ne-en-gal2 >>Q000369 576 577. ur igi-gal2-la du-a-ni >>Q000369 577 578. {tug2}sagszu gun3-a ugu-na i-im-szu2 >>Q000369 578 579. {tug2}pirig-pirig-ga2 za3 mu-ni-in-kesz2 >>Q000369 579 580. x il2-la x szu? mi-ni-in-du8-x-am3 >>Q000369 580 581. [...]-te-na mi-ni-in-du11 >>Q000369 581 582. [...] nin [...] ba-an-PA di >>Q000369 582 583. [...]-a-ni >>Q000369 583 584. [...] {d}inanna >>Q000369 584 585. en3-du-ni {d}ama-uszumgal-an-na nitalam-a-na ba-du10 >>Q000369 585 586. u4-bi-ta gesztu2 ku3 gesztu2 ku3 {d}dumu-zi-da-ke4 >>Q000369 586 587. szu mu-ni-in-du7 szir3 mu-ni-in-du11 inim mu-ni-in-zu >>Q000369 587 588. um-ma kur me sikil-sze3 du-a-ni >>Q000369 588 589. ki-sikil u4-da-na til-la-gin7 im-ma-na-ta-e3 >>Q000369 589 590. szembi2-zi-da igi-na mu-un-gun3 >>Q000369 590 591. tug2 babbar-ra za3 mu-ni-in-kesz2 >>Q000369 591 592. aga zi-da iti6-gin7 mu-un-e3 >>Q000369 592 593. x x x sag si ba-ni-in-sa2 >>Q000369 593 594. nitalam-a-ni en-me-er-kar2 bara2-ge4 mu-un-da-ab-si >>Q000369 594 595. [...] um-mi-in-zi-zi >>Q000369 595 596. ga-nam im-da-lu-lu aratta{ki}-asz u8-da sila4-bi >>Q000369 596 597. ga-nam im-da-lu-lu aratta{ki}-asz ud5-da masz2-bi >>Q000369 597 598. ga-nam im-da-lu-lu aratta{ki}-asz ab2-da amar-bi >>Q000369 598 599. ga-nam im-da-lu-lu aratta{ki}-asz eme5 dur3{ur3} kas4 ge6-ga-bi >>Q000369 599 600. aratta{ki}-a na-an-da-be2-a >>Q000369 600 601. guru7-sze3 he2-em-dub-dub gu2 he2-em-gar-gar >>Q000369 601 602. he2-gal2 za-a he2-gal2-zu >>Q000369 602 603. [...] en aratta{ki}-ra u3-mu-ni-in-ak >>Q000369 603 604. [...] x x x RA he2-en-x x >>Q000369 604 605. [...] mu-un-di-ni-ib-x-e >>Q000369 605 606. [...] mu-un-ta-e3 >>Q000369 606 607. [...] si mu-un-na-ab-sa2 >>Q000369 607 608. [...] >>Q000369 608 609. [...] >>Q000369 609 610. [...] >>Q000369 610 611. [...] me-te-asz [...] gal2 >>Q000369 611 612. [...] x SI i-lu sza3-ga [...] x >>Q000369 612 613. [...]-ni-a he2-gal2-zu AN [...] >>Q000369 613 614. [...] {d}en-lil2-le sa12-esz mu-ri-in-rig7 x-la-la-ga2 he2-zu-zu >>Q000369 614 615. [...] kar2 a-a-ni nu-lam-lam a nu-un-de2 >>Q000369 615 616. {d}en-lil2 lugal kur-kur-ra-ke4 hu-mu-un-kar2?-re ni2-ba >>Q000369 616 617. esz2-gar3 im-ma-an-du3-a-gin7 >>Q000369 617 618. nam-lu2-u18-lu aratta{ki}-a-ke4 >>Q000369 618 619. ku3-sig17 ku3 {na4}za-gin3 bala ak-de3 esz2-gar3 x x x >>Q000369 619 620. lu2 gurun ku3-sig17 gurun gesz gub-bu-de3 >>Q000369 620 621. {gesz}pesz3 gesztin-ba nig2-ta ub4-ba-gin7 guru7 gal-sze3 u3-mu-un-dub >>Q000369 621 622. {na4}za-gin3 duru5 ur2-ba mu-un-bur2-re-ne >>Q000369 622 623. {gi}uszub pa-ba mu-un-ta-bala-e-ne >>Q000369 623 624. {d}inanna nin e2-an-na-ra >>Q000369 624 625. kisal e2-an-na{ki}-ka guru7-sze3 mu-un-dub-bu-ne >>Q000369 625 626. lugal-gu10 ga2-nu na ga-e-de5 na de5-gu10 he2-e-dab5 >>Q000369 626 627. inim ga-ra-ab-du11 gizzal he2-e-ak >>Q000369 627 628. lu2 x BI? e kur-kur-ra ug3-e u3-un-pa3 >>Q000369 628 629. nam-lu2-ulu3 aratta{ki}-ke4 >>Q000369 629 630. x-me-esz2 i-im-da he2-em-me-ne >>Q000369 630 631. ge26-e gu2-e-ta du-a-gu10-ne >>Q000369 631 632. nam-lugal-gu10 nin mul-mul-e ma-an-szum2 >>Q000369 632 633. {d}gesztin-an-na [...] >>Q000369 633 634. iri-ba lil2 [...] >>Q000369 634 635. ezem nu-mu-[...] >>Q000369 635 636. u4 szu2-usz nam-[...] >>Q000369 636 $ rest broken
&P469674 = CDLI Literary 000369 (Enmerkar and the Lord of Aratta) composite #atf: lang sux @object composite text @surface a 1. iri gu4 husz {d}tesz2 ni2 gal gur3-ru >>Q000369 001 2. kul-aba4{ki} kesz2 [...] >>Q000369 002 3. gaba u4-da ki nam tar-re-da >>Q000369 003 4. unu{ki} kur gal sza3 [...] >>Q000369 004 5. kin-sig unu2 gal an-na [...] >>Q000369 005 6. u4 re-a nam ba-tar-ra-ba >>Q000369 006 7. unu{ki} kul-aba4{ki} e2-an-na [...] >>Q000369 007 8. sag il2-la nun-gal-e-ne mi-ni-[...] >>Q000369 008 9. he2-gal2 a-esztub gal2 >>Q000369 009 10. szegx(|IM.A|) sze gu-nu gal2 >>Q000369 010 11. unu{ki} kul-aba4{ki}-a ib-da-an-tab >>Q000369 011 11a. [...]-in-zal12. kur dilmun{ki} ([...]) x in-nu>>Q000369 011a 12. kur dilmun{ki} [...] x in-nu >>Q000369 012 13. e2-an-na unu{ki}-e kul-aba4{ki}-a-ka ki us2-sa-a >>Q000369 013 14. ge6-par4 ku3 {d}inanna-ke4 >>Q000369 014 15. szeg12 kul-aba4{ki}-ke4 ku3 ki-in-dar-ra-gin7 pa e3 ak-am3 >>Q000369 015 16. [...] x x x nu-il2 bala nu-ak-e >>Q000369 016 17. [...] nu-il2 nam-ga-rasz nu-ak-e >>Q000369 017 18. ku3-sig17 ku3-babbar uruda nagga {na4}lagab za-gin3-na >>Q000369 018 19. na4 hur-sag-ga2 kur-bi-ta tesz2-bi nu-mu-un-e11-de3 >>Q000369 019 20. [...] ezem-ma a nu-un-tu5 >>Q000369 020 21. [...] nu-mu-un-dur2-ru >>Q000369 021 22. [...] u4 bi2-in-zal >>Q000369 022 23. [...] >>Q000369 023 24. [...] >>Q000369 024 25. [...] gun3-gun3 >>Q000369 025 26. [...] ki ku3 x [...] {na4}za-gin3 duru5-am3 >>Q000369 026 27. sza3-bi {gesz}mesz3 babbar-gin7 gurun il2-la sig7-ga-am3 >>Q000369 027 28. {d}inanna-ra en aratta{ki}-ke4 >>Q000369 028 29. sag-men ku3-sig17-ga mu-na-ni-in-gal2 >>Q000369 029 30. en kul-aba4{ki}-a-gin7 nu-mu-na-sa6 >>Q000369 030 31. aratta{ki} esz3 e2-an-na ge6-par4 ki ku3-gin7 >>Q000369 031 32. ku3 {d}inanna-ra szeg12 kul-aba4{ki}-gin7 nu-mu-un-na-du3 >>Q000369 032 33. u4-ba en sza3-ge pa3-da {d}inanna-ke4 >>Q000369 033 34. kur szuba-ta sza3 ku3-ge pa3-da {d}inanna-ke4 >>Q000369 034 35. en-me-er-kar2 dumu {d}utu-ke4 >>Q000369 035 36. nin9-a-ni nin kurku2 du10-ga >>Q000369 036 37. ku3 {d}inanna-ra u3-gul mu-un-na-ga2-ga2 >>Q000369 037 38. nin9-gu10 aratta{ki} unu{ki}-sze3 >>Q000369 038 39. ku3-sig17 ku3-babbar ha-ma-an-galam-e >>Q000369 039 40. {na4}za-gin3 duru5 lagab-ta [...] >>Q000369 040 41. su3-ra2-ag2 {na4}za-gin3 duru5 [...] x >>Q000369 041 42. unu{ki}-ga kur ku3 [...] x x du3 >>Q000369 042 43. e2 an-ta e11-da ki-gub-ba-za >>Q000369 043 44. aratta{ki} esz3 e2-an-na he2-en-du3 >>Q000369 044 45. ge6-par4 ku3-ga dur2 gar-ra-za >>Q000369 045 46. sza3-bi aratta{ki} ha-ma-an-galam-e >>Q000369 046 47. ge26-e sza3-ba amar za-gin3-na gu2? ga-mu-ni-[...]-la2 >>Q000369 047 48. aratta{ki} unu{ki}-sze3 gu2 gesz ha-ma-ga2-ga2 >>Q000369 048 49. nam-lu2-u18-lu aratta{ki}-ke4 >>Q000369 049 50. na4 hur-sag-ga2 kur-bi ha-ma-ab-e11 >>Q000369 050 51. esz3 gal ha-ma-du3-e unu2 gal ha-ma-ga2-ga2 >>Q000369 051 52. unu2 gal unu2 dingir-re-e-ne-ke4 pa e3 ha-ma-ab-ak-e >>Q000369 052 53. me-gu10 kul-aba4{ki}-a si ha-ma-ni-ib-sa2-e >>Q000369 053 54. abzu kur ku3-gin7 ha-ma-ab-mu2-mu2 >>Q000369 054 55. eridu{ki} hur-sag-gin7 ha-ma-ab-sikil-e >>Q000369 055 56. esz3 abzu ku3 ki-in-dar-ra-gin7 pa e3 ha-ma-ab-ak-e >>Q000369 056 57. ge26-e abzu-ta za3-mi2 du11-ga-gu10-ne >>Q000369 057 58. eridu{ki}-ta me de6-a-gu10-ne >>Q000369 058 59. nam-en-na men esz3 bar-gin7 sig7-ga-gu10-ne >>Q000369 059 60. unu{ki} kul-aba4{ki}-a sag-men ku3 gal2-la-gu10-ne >>Q000369 060 61. |PA.A| esz3 gal-la-ke4 ge6-par4-ra hu-mu-un-tum2-mu >>Q000369 061 62. |PA.A| ge6-par4-ra-ke4 esz3 gal-la hu-mu-un-tum2-mu >>Q000369 062 63. nam-lu2-ulu3 u6 du10-ge-esz hu-mu-un-e >>Q000369 063 64. {d}utu igi hul2-la he2-em-szi-bar-bar-re >>Q000369 064 65. u4-bi-a giri17-zal an ku3-ga nin kur-ra igi-gal2 >>Q000369 065 66. in-nin9 {d}ama-uszumgal-an-na szembi2-zi-da-ni >>Q000369 066 67. {d}inanna nin kur-kur-ra-ke4 >>Q000369 067 68. en-me-er-kar2 dumu {d}utu-ra gu3 mu-na-de2-e >>Q000369 068 69. en-me-er-kar2 ga2-nu na ga-e-de5 na de5-gu10 he2-e-dab5 >>Q000369 069 70. inim ga-ra-ab-du11 gizzal he2-szi-ak >>Q000369 070 71. kin-gi4-a inim zu za3-sze tuku erin2-ta u3-ba-e-re-pa3 >>Q000369 071 72. inim gal {d}inanna gal-zu inim-ma-ke4 me-a hu-mu-na-ab-tum3 >>Q000369 072 73. hur-sag zubi-sze3 he2-bi2-in-e11-de3 >>Q000369 073 74. hur-sag zubi-ta he2-em-ma-da-ra-e11-de3 >>Q000369 074 75. szuszin{ki}-e kur an-sza4-an{ki}-a-sze3 >>Q000369 075 76. pesz2 tur-gin7 giri17 szu hu-mu-na-ab-gal2 >>Q000369 076 77. hur-sag gal-gal ni2-ba lu-a >>Q000369 077 78. sahar-ra hu-mu-na-da-gur4-gur4-e >>Q000369 078 79. aratta{ki} unu{ki}-sze3 gu2 gesz ha-ma-ga2-ga2 >>Q000369 079 80. nam-lu2-ulu3 aratta{ki}-ke4 >>Q000369 080 81. na4 hur-sag-ga2 kur-bi um-ta-ab-e11 >>Q000369 081 82. esz3 gal ha-ra-du3-e unu2 gal ha-ra-ga2-ga2 >>Q000369 082 83. unu2 gal unu2 dingir-re-e-ne-ke4 pa e3 ha-ra-ab-ak-e >>Q000369 083 84. me-zu kul-aba4{ki}-a si ha-ra-ni-ib2-sa2-e >>Q000369 084 85. abzu kur ku3-gin7 ha-ra-ab-mu2-mu2 >>Q000369 085 86. eridu{ki} hur-sag-gin7 ha-ra-ab-sikil-e >>Q000369 086 87. esz3 abzu ku3 ki-in-dar-ra-gin7 pa e3 ha-ra-ab-ak-e >>Q000369 087 88. za-e abzu-ta za3-mi2 du11-ga-zu-ne >>Q000369 088 89. eridu{ki}-ta me de6-a-zu-ne >>Q000369 089 90. nam-en men-na esz3 bar-gin7 sig7-ga-zu-ne >>Q000369 090 91. unu{ki}-e kul-aba4{ki}-a sag-men ku3 gal2-la-zu-ne >>Q000369 091 92. |PA.A| esz3 gal-la-ke4 ge6-par4-ra hu-mu-e-tum2-mu >>Q000369 092 93. |PA.A| ge6-par4-ra-ke4 esz3 gal-la hu-mu-e-tum2-mu >>Q000369 093 94. nam-lu2-ulu3 u6 du10-ge-esz he2-mu-e-e >>Q000369 094 95. {d}utu igi hul2-la he2-mu-e-szi-bar-bar-re >>Q000369 095 96. nam-lu2-ulu3 aratta{ki}-ke4 >>Q000369 096 97. x NE u4 szu2-usz-ta um-ta-ab-il2-ke4-esz >>Q000369 097 98. x NE u4 te-en-e um-ma-te-e-ta >>Q000369 098 99. ki {d}dumu-zi-da u8 masz2 sila4?-ni lu-a >>Q000369 099 100. a kal-ga a-sza3 {d}dumu-zi-da-ka >>Q000369 100 101. udu kur-ra-gin7 du10 ha-ra-ni-ib-gar >>Q000369 101 102. gaba ku3-ga2-a u4-gin7 e3-i3 >>Q000369 102 103. zi-pa-ag2-ga2 nig2-suh10-bi he2-me-en >>Q000369 103 104. za-ra en-me-er-kar2 dumu {d}utu za3-mi2 >>Q000369 104 105. en-e inim ku3 {d}inanna-ka-sze3 sag kesz2 ba-szi-in-ak >>Q000369 105 106. kin-gi4-a inim zu za3-sze tuku erin2-ta ba-ra-an-pa3 >>Q000369 106 106a. [...]-e kin-gi4-a-ni-ir [...] >>Q000369 106a 107. inim gal {d}inanna gal-zu inim-ma-ke4 me-a mu-na-ab-tum3 >>Q000369 107 108. hur-sag zubi-ka he2-bi2-in-e11-de3-en >>Q000369 108 109. hur-sag zubi-ta he2-em-ma-da-ra-an-e11-de3-en >>Q000369 109 110. szuszin{ki}-e kur an-sza4-an{ki}-a-ke4 >>Q000369 110 111. pesz2 tur-gin7 giri17 szu hu-mu-na-ab-gal2 >>Q000369 111 112. hur-sag gal-gal ni2-ba lu-a >>Q000369 112 113. sahar-ra hu-mu-na-da-gur4-gur4-e >>Q000369 113 114. kin-gi4-a en aratta{ki}-ra u3-na-du11 u3-na-de3-tah >>Q000369 114 115. iri-bi ir7-sag{muszen}-gin7 gesz-bi-ta na-an-na-ra-ab-dal-en >>Q000369 115 116. muszen-gin7 gud3 us2-sa-bi-a nam-bi2-ib-dal-en >>Q000369 116 117. ganba gal2-la-gin7 na-an-si-ig-en >>Q000369 117 118. iri gul-gul-lu-gin7 sahar nam-bi2-ib-ha-za-en >>Q000369 118 119. aratta{ki} a2-dam {d}en-ki-ke4 nam ba-an-ku5 >>Q000369 119 120. ki bi2-in-gul-la-gin7 ki nam-ga-bi2-ib-gul-en >>Q000369 120 121. egir-bi {d}inanna ba-szi-in-zi >>Q000369 121 122. gu3 im-mi-in-ra szeg11 im-mi-in-gi4 >>Q000369 122 123. kusz7 bi2-in-su-a-gin7 kusz7 nam-ga-bi2-ib-su-su >>Q000369 123 124. ku3-sig17 u3-tu-da-ba {kusz}lu-ub2-szir a-ba-ni-in-ak >>Q000369 124 125. ku3-me-a sahar-ba za3 u3-ba-ni-in-us2 >>Q000369 125 126. ku3 sag-PA-sze3 u3-mu-un-dim2-dim2 >>Q000369 126 127. ansze kur-kur-ra-ke4 bara2 um-mi-in-la2-la2 >>Q000369 127 128. ge26-e-sze3-am3 {d}en-lil2 ban3-da ki-en-gi-ra-ke4 >>Q000369 128 129. en {d}nu-dim2-mud sza3 ku3-ge pa3-da >>Q000369 129 130. kur me sikil-la-ke4 ha-ma-du3-e >>Q000369 130 131. {gesz}taskarin-gin7 hi-li ha-ma-ab-ak-e >>Q000369 131 132. {d}utu agrun-ta e3-a-gin7 si-musz2 ha-ma-ab-gun3-gun3 >>Q000369 132 133. za3-du8-za3-du8-bi urin ha-ma-mul-e >>Q000369 133 134. e2-nun-e2-nun-ba szir3 ku3 nam-szub du12-a-ba >>Q000369 134 135. nam-szub {d}nu-dim2-mud-da-ke4 e-ne-ra du11-mu-na-ab >>Q000369 135 136. u4-ba musz nu-gal2-am3 giri2 nu-gal2-am3 >>Q000369 136 137. giri17 nu-gal2-am3 ur-mah nu-gal2-am3 >>Q000369 137 138. ur-gi7 ur-bar-ra nu-gal2-am3 >>Q000369 138 139. ni2 te-ge26 su zi-zi-i nu-gal2-am3 >>Q000369 139 140. lu2-u18-lu gaba-szu-gar nu-tuku >>Q000369 140 141. u4-ba kur szubur{ki} ha-ma-zi{ki} >>Q000369 141 142. eme ha-mun ki-en-gi kur gal me nam-nun-na-ka >>Q000369 142 143. ki-uri kur me-te-gal2-la >>Q000369 143 144. kur mar-tu u2-sal-la nu2-a >>Q000369 144 145. an ki nigin2-na ug3 sag se3-ga >>Q000369 145 146. {d}en-lil2-ra eme 1(disz)-am3 he2-en-na-da-ab-du11 >>Q000369 146 147. u4-ba a-da en a-da nun a-da lugal-la >>Q000369 147 148. {d}en-ki a-da en a-da nun a-da lugal-la >>Q000369 148 149. a-da en-e a-da nun-e a-da lugal-la >>Q000369 149 150. {d}en-ki en he2-gal2-la en du11-ga zi-da >>Q000369 150 151. en gesztu2-ga igi-gal2 kalam-ma-ke4 >>Q000369 151 152. mas-su dingir-re-e-ne-ke4 >>Q000369 152 153. gesztu2-ge pa3-da en eridu{ki}-ga-ke4 >>Q000369 153 154. ka-ba eme i3-kur2 en-na mi-ni-in-gar-ra >>Q000369 154 155. eme nam-lu2-ulu3 1(disz) i3-me-a >>Q000369 155 156. 2(disz)-kam-ma-sze3 en-e kin-gi4-a kur-sze3 du-ur2 >>Q000369 156 157. aratta{ki}-asz inim mu-na-ab-tah-e >>Q000369 157 158. kin-gi4-a ge6 u3-na-ka im 1(disz)-gin7 szeg3-ga2 >>Q000369 158 159. an-bar7-GAN2-ka im-du8-gin7 zi-ga >>Q000369 159 160. kin-gi4-a inim lugal-la-na-ke4 sag kesz2 ba-szi-in-ak >>Q000369 160 161. ge6 u3-na-ka mul-am3 im-gen >>Q000369 161 162. an-bar7-GAN2-ka {d}utu an-na-ta mu-un-de3-gen >>Q000369 162 163. inim gal {d}inanna gi-zu2-lum-ma DU me-a mu-na-ab-tum3 >>Q000369 163 164. hur-sag zubi-sze3 bi2-in-e11-de3 >>Q000369 164 165. hur-sag zubi-ta im-ma-da-ra-ab-e11-de3 >>Q000369 165 166. szuszin{ki}-e kur an-sza4-an{ki}-a-sze3 >>Q000369 166 167. pesz2 tur-gin7 giri17 szu mu-na-ab-gal2 >>Q000369 167 168. hur-sag gal-gal ni2-ba lu-a >>Q000369 168 169. sahar-ra mu-na-da-gur4-gur4 >>Q000369 169 170. hur-sag 5(disz) hur-sag 6(disz) hur-sag 7(disz)-e im-me-re-bala-bala >>Q000369 170 171. igi mu-un-il2 aratta{ki}-asz ba-te >>Q000369 171 172. kisal aratta{ki}-ka giri3 hul2-la mi-ni-in-gub >>Q000369 172 173. nam-nir-gal2 lugal-a-na mu-un-zu >>Q000369 173 174. bur2-ra-bi inim sza3-ga-na bi2-ib2-be2 >>Q000369 174 175. kin-gi4-a en aratta{ki}-ra mu-na-ab-bala-e >>Q000369 175 176. a-a-zu lugal-gu10 mu-e-szi-in-gi4-in-nam >>Q000369 176 177. en unu{ki}-ga en kul-aba4{ki}-a-ke4 mu-e-szi-in-gi4-nam >>Q000369 177 178. lugal-za du11-ga-ni nam-gu10 tah-a-ni nam-gu10 >>Q000369 178 179. lugal-gu10 a-na bi2-in-du11 a-na bi2-in-tah-am3 >>Q000369 179 180. lugal-gu10 u3-tu-da-ni-ta nam-en-na tum2-ma >>Q000369 180 181. en unu{ki}-ga musz-sag-kal ki-en-gi-ra ti-la kur zid2-gin7 ma5-ma5 >>Q000369 181 182. dara3-masz kur-bad3-da a2-nun-gal2 >>Q000369 182 183. szilam-za masz naga ku3-ga umbin sud2-sud2-e >>Q000369 183 184. ab2 zi-da kur-sza3-ga tu-da >>Q000369 184 185. en-me-er-kar2 dumu {d}utu-ke4 mu-e-szi-in-gi4-nam >>Q000369 185 185a. lugal-zu du11-ga-ni nam-gu10 tah-a-ni nam-gu10 >>Q000369 185a 185b. lugal-gu10 a-na bi2-in-du11 a-na bi2-in-tah-am3 >>Q000369 185b 186. lugal-gu10 na-ab-be2-a >>Q000369 186 187. iri-ni ir7-sag{muszen}-gin7 gesz-bi-ta na-na?-ra-ab-dag-e >>Q000369 187 188. muszen-gin7 gud3 us2-sa-bi-a nam-bi2-ib2-hu-luh-e >>Q000369 188 189. ganba gal2-la-gin7 na-an-si-ge-en >>Q000369 189 190. iri gul-gul-la-gin7 sahar na-an-bi2-ib-ha-za-en >>Q000369 190 191. aratta{ki} a2-dam {d}en-ki-ke4 nam ba-an-ku5 >>Q000369 191 192. ki bi2-in-gul-la-gin7 ki nam-ga-bi2-ib-gul-en >>Q000369 192 193. egir-bi {d}inanna ba-szi-in-zi >>Q000369 193 194. gu3 im-mi-in-ra szeg11 im-mi-in-gi4 >>Q000369 194 195. kusz7 bi2-in-su-a-gin7 kusz7 na-an-ga-bi2-ib-su-su-un >>Q000369 195 196. ku3-sig17 u3-tu-da-ba {kusz}lu-ub2-szir a-ba-ni-in-ak >>Q000369 196 197. ku3-me-a sahar-ba za3 u3-ba-ni-in-us2 >>Q000369 197 198. ku3 sag-PA-sze3 u3-mu-un-dim2-dim2 >>Q000369 198 199. ansze kur-kur-ra-ke4 bara2 um-mi-in-la2-la2 >>Q000369 199 200. ge26-e-sze3-am3 {d}en-lil2 ban3-da ki-en-gi-ra-ke4 >>Q000369 200 201. en {d}nu-dim2-mud-e sza3 ku3-ge pa3-da >>Q000369 201 202. kur me sikil-la-ke4 ha-ma-du3-e >>Q000369 202 203. {gesz}taskarin-gin7 hi-li ha-ma-ab-ak >>Q000369 203 204. {d}utu agrun-ta e3-a-gin7 si-musz2 ha-ma-ab-gun3-gun3 >>Q000369 204 205. za3-du8-za3-du8-ba urin ha-ma-mul-e >>Q000369 205 206. e2-nun-e2-nun-ba szir3 ku3 nam-szub du12-a-ba >>Q000369 206 207. nam-szub {d}nu-dim2-mud-ke4 ga2-ra du11-mu-na-ab >>Q000369 207 208. a-na ma-ab-be2-en-na-bi u3-mu-e-du11 >>Q000369 208 209. a ru-a sun4 {na4}za-gin3 kesz2-da-ar >>Q000369 209 210. ab2 kal-la-ga-ni kur me sikil-la-ka tu-da-ar >>Q000369 210 211. sahar aratta{ki}-ka a2 e3-a-ar >>Q000369 211 212. ubur ab2 zi-da ga gu7-a-ar >>Q000369 212 213. kul-aba4{ki} kur me gal-gal-la-ka nam-nun-na tum2-ma >>Q000369 213 214. en-me-er-kar2 dumu {d}utu-ra >>Q000369 214 215. inim-bi esz3 e2-an-na-ka inim du10 ga-na-ab-du11 >>Q000369 215 216. ge6-par4 {gesz}mesz3 gibil-gin7 gurun il2-la-na >>Q000369 216 217. lugal-gu10 en kul-aba4{ki}-ra szu-a ga-mu-na-ab-gi4 >>Q000369 217 218. ur5-gin7 hu-mu-na-ab-be2-a-ka >>Q000369 218 219. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 219 220. ge26-e-me-en en szu sikil-la tum2-ma >>Q000369 220 221. {gesz}rab3 mah an-na nin an ki-ke4 >>Q000369 221 222. in-nin9 me szar2-ra ku3 {d}inanna-ke4 >>Q000369 222 223. aratta{ki} kur me sikil-la-sze3 hu-mu-un-de6-en >>Q000369 223 224. kur-ra {gesz}ig gal-gin7 igi-ba bi2-in-tab-en >>Q000369 224 225. aratta{ki} unu{ki}-sze3 gu2 a-gin7 i3-ga2-ga2 >>Q000369 225 226. aratta{ki} unu{ki}-sze3 gu2 ga2-ga2 nu-gal2 e-ne-ra du11-mu-na-ab >>Q000369 226 227. ur5-gin7 hu-mu-na-ab-be2-a-ka >>Q000369 227 228. kin-gi4-a en aratta{ki}-ra mu-na-ni-ib-gi4-gi4 >>Q000369 228 229. nin gal an-na me husz-a u5-a >>Q000369 229 230. hur-sag kur szuba-ka dur2 gar-ra >>Q000369 230 231. bara2 kur szuba-ka sze-er-ka-an du11-ga >>Q000369 231 232. en lugal-gu10 szubur-a-ni-im >>Q000369 232 233. dingir nin e2-an-na-ka mu-un-di-ni-ib-ku4-re-esz >>Q000369 233 234. en aratta{ki} gu2 ki-sze3 ba-ni-in-gal2 >>Q000369 234 235. szeg12 kul-aba4{ki}-a-ka ur5-gin7 hu-mu-na-ab-be2 >>Q000369 235 236. u4-bi-a en-e sza3 mu-un-sag3 zi mu-un-ir-ir >>Q000369 236 237. gaba-ri nu-mu-da-gal2 gaba-ri i3-kin-kin >>Q000369 237 238. giri3 ni2-te-a-na-ka igi lib-ba bi2-in-du8-ru gaba-ri i3-pa3-de3 >>Q000369 238 239. gaba-ri in-pa3 gu3 im-ta-an-e3 >>Q000369 239 240. kin-gi4-a inim-ma gaba ri-bi >>Q000369 240 241. gu4-gin7 gu3 nun mu-un-di-ni-ib-be2 >>Q000369 241 242. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 242 243. hur-sag gal {gesz}mesz3 an-da mu2-a >>Q000369 243 244. ur2-bi-sze3 sa-par4-am3 pa-bi gesz-bur2-am3 >>Q000369 244 245. buru5 umbin-bi anzu{muszen} hu-ri2-in{muszen}-na >>Q000369 245 246. kesz2-da {d}inanna-ka szar2 du11-ge gib-ba >>Q000369 246 247. umbin hu-ri2-in{muszen}-bi u3-mun kur-ra kur szuba-da e11-da >>Q000369 247 248. aratta{ki} er2 sze8-sze8 [...] >>Q000369 248 249. a bala-bala-am3 zid2 dub-dub-ba-am3 >>Q000369 249 250. kur-ra siskur a-ra-zu-a giri17 szu gal2-la-am3 >>Q000369 250 251. lu2 5(disz) nu-me-a lu2 1(u) nu-me-a >>Q000369 251 252. unu{ki} zi-ga hur-sag zubi-sze3 sag a-gin7 i3-ga2-ga2 >>Q000369 252 253. lugal-zu {gesz}tukul-ga2 sag ha-ba-an-szum2 >>Q000369 253 254. ge26-e a-da-min3-na sag ga-ba-an-szum2 >>Q000369 254 255. a-da-min3 nu-um-zu tesz2 nu-um-gu7 >>Q000369 255 256. gu4-de3 gu4 a2-gal2-bi nu-um-zu >>Q000369 256 257. a-da-min3 um-zu tesz2 um-gu7 >>Q000369 257 258. gu4-de3 gu4 a2-gal2-bi um-zu >>Q000369 258 259. e-ne a-da-min3 mi-ni-in-tak4-tak4-an >>Q000369 259 260. [...]-gin7 nig2 lu2 nu-se3-ge >>Q000369 260 261. e-ne in-ga-mu-ni-in-tak4-tak4-an >>Q000369 261 262. 2(disz)-kam-ma-sze3 kin-gi4-a inim mu-ra-be2-en >>Q000369 262 263. [...] de2-a sza-ra-ab-galam-e-en DU-a he2-mu-e-szi-dib >>Q000369 263 264. e2-an-na pirig szu-ba nu2-a >>Q000369 264 265. sza3-bi-ta gu4 gu3 nun di-dam >>Q000369 265 266. ge6-par4 {gesz}mesz3 gibil-gin7 gurun il2-la-na >>Q000369 266 267. lugal-zu en kul-aba4{ki}-a-ra szu-a gi4-mu-na-ab >>Q000369 267 268. hur-sag ur-sag sukud si-ga-am3 >>Q000369 268 269. an-usan-na {d}utu e2-bi-sze3 du-gin7 >>Q000369 269 270. igi-bi-ta usz2 la2-la2-e-gin7 >>Q000369 270 271. {d}nanna si-un3-na mah-a-gin7 >>Q000369 271 272. sag-ki-bi me-lam2 gal2-la-gin7 >>Q000369 272 273. gesz-gin7 kur-kur-ra gib-ba-gin7 >>Q000369 273 274. sag musz3 aratta{ki}-ke4 >>Q000369 274 275. {d}lamma sa6-ga kur me sikil-la-sze3 >>Q000369 275 276. u4-da aratta{ki} aga ku3 an-na-gin7 si mu-na-an-sa2 >>Q000369 276 277. ge26-e u4-ba nam-mah-gu10 ga-an-zu >>Q000369 277 278. sze bara2-ga nam-mu-un-si-si-ig-ge mar-e nam-me-e >>Q000369 278 279. sze-bi kur-kur-ra nam-il2-e >>Q000369 279 280. erin2-na mu-un-ku5 nam-mu-un-ga2-ga2 >>Q000369 280 281. sze {sa}al-kad5-e u3-mu-ni-in-si-si >>Q000369 281 282. ansze bara2 la2-e um-mi-in-la2 >>Q000369 282 283. ansze-bala-e da-bi-a a-ba-an-se3 >>Q000369 283 284. tukum-bi kisal aratta{ki}-ka guru7-sze3 mu-dub-be2 >>Q000369 284 285. i3-ge-en am3-dub-be2 guru7-a hi-li-bi >>Q000369 285 286. kur-kur-ra izi gar-ra-bi a2-dam me-te-bi >>Q000369 286 287. bad3 7(disz)-e sze-er-ka-an du11-ga >>Q000369 287 288. nin ur-sag me3-a tum2-ma >>Q000369 288 289. {d}inanna ur-sag me3 sahar-ra-ke4 sag eszemen {d}inanna di-dam >>Q000369 289 290. i3-ge-en aratta{ki} ur ad6 sar-gin7 szu-ta im-ta-ri >>Q000369 290 291. ge26-e u4-ba sza-ba-na-gam-e-de3-en >>Q000369 291 292. e-ne nam-mah-a-ni szi-im-ma-an-zu-zu-un >>Q000369 292 293. iri-gin7 nam-tur-ga2 gu2 szi-im-ma-ga2-ga2-an e-ne-ra du11-mu-na-ab >>Q000369 293 294. ur5-gin7 hu-mu-na-ab-be2-a-ka >>Q000369 294 295. kin-gi4-a en aratta{ki}-ke4 >>Q000369 295 296. ka-ni-gin7 inim ka-na ba-an-se3 >>Q000369 296 297. sumun2-gin7 hasz2-a-na mu-un-gur >>Q000369 297 298. nim-sahar-ra-gin7 tir u4 zal-le-na mu-un-gen >>Q000369 298 299. szeg12 kul-aba4{ki}-a-ka giri3 hul2-la mu-ni-in-gub >>Q000369 299 300. kisal mah-e kisal gu2-en-na-ka kin-gi4-a i-ib2-bur2 >>Q000369 300 301. lugal-a-ni-ir en kul-aba4{ki}-ra >>Q000369 301 302. ka-ni-gin7 szu mu-na-an-gi4 >>Q000369 302 303. gu4-gin7 gu3 mu-na-an-se3 >>Q000369 303 304. gu4 ri-ri-gin7 gesztu2 mu-na-an-ga2-ga2 >>Q000369 304 305. lugal-e za3 zi-da-ni NE im-mi-in-tusz >>Q000369 305 306. za3 gab2-bu-ni im-ma-ni-in-gi4 >>Q000369 306 307. i3-ge-en aratta{ki} galga szum2-ma im-ma-zu im-me >>Q000369 307 308. u4 im-zal {d}utu im-ta-e3-a-ra >>Q000369 308 309. {d}utu kalam-ma-ka sag bi2-ib-il2310. lugal-e {i7}idigna {i7}buranuna-bi-da im-ma-da-an-tab>>Q000369 309 310. lugal-e {i7}idigna {i7}buranun-bi-da im-ma-da-an-tab >>Q000369 310 311. {i7}buranun-na {i7}idigna-da im-ma-da-an-tab >>Q000369 311 312. bur gal-gal an-ne2 ba-sug2-su8-ug >>Q000369 312 313. bur tur-tur sila4 u2-szim dur2-gin7 za3-bi-a im-ma-an-us2 >>Q000369 313 314. bur i-gi8 an-na da-bi-a ba-su8-ug >>Q000369 314 315. lugal-e esz-da ku3-sig17-ga-ke4 >>Q000369 315 316. en-me-er-kar2 dumu {d}utu-ke4 du10 mu-un-bad-ba9-re6 >>Q000369 316 317. u4-bi-a dub i-gi8 im me-a gi-gag ukken-na >>Q000369 317 318. alan ku3-sig17-ga u4 du10-ga tu-da >>Q000369 318 319. {d}nanibgal sig7-ga |KAxLI| sikil mu2?-da >>Q000369 319 320. {d}nisaba nin gesztu2 dagal-la-ke4 >>Q000369 320 321. e2-|GISZ.TUG2.PI.AN.NISABA| ku3-ga-ni gal2 mu-na-an-tak4 >>Q000369 321 322. e2-gal an-na-ka ku4-ra-ni gesztu2 mu-un-ga2-ga2 >>Q000369 322 323. en-e e2-nun mah-a-ni gal2 ba-an-tak4 >>Q000369 323 324. {gesz}li2-id-ga mah-a-ni ki ba-an-us2 >>Q000369 324 325. lugal-e sze-ta sze libir-ra-ni szu ba-ra-an-bala >>Q000369 325 326. munu4 ki-szar2-ra a ba-ni-in-si >>Q000369 326 327. nundum-bi {u2}hirin{hu-ri2-in} AN x-sug4-ge >>Q000369 327 328. {sa}al-kad5-e igi im-mi-in-tur-tur >>Q000369 328 329. sze guru7 ka i-ni-in-si zu2 buru5{muszen}-e bi2-in-tah >>Q000369 329 330. ansze bara2 la2-e um-mi-in-la2 >>Q000369 330 331. ansze-bala-e da-bi-a ba-an-se3 >>Q000369 331 332. lugal en gesztu2 dagal-la-ke4 >>Q000369 332 333. en unu{ki}-ga en kul-aba4{ki}-ke4 >>Q000369 333 334. har-ra-an aratta{ki}-ke4 si bi2-in-sa2 >>Q000369 334 335. nam-lu2-ulu3 kiszi6 ki-in-dar-ra-gin7 >>Q000369 335 336. aratta{ki}-asz ni2-ba mu-un-sub2-be2-esz >>Q000369 336 337. en-e kin-gi4-a kur-sze3 du-ur2 >>Q000369 337 338. aratta{ki}-asz inim mu-na-ab-tah-e >>Q000369 338 339. kin-gi4-a en aratta{ki}-ra u3-na-du11 u3-na-de3-tah >>Q000369 339 340. gidru-ga2 ur2-bi me nam-nun-na-ka >>Q000369 340 341. pa-bi kul-aba4{ki}-a an-dul3-esz i3-ak >>Q000369 341 342. pa mul-mul-la-bi esz3 e2-an-na-ke4 >>Q000369 342 343. ku3 {d}inanna-ke4 ni2 im-szi-ib-te-en-ten >>Q000369 343 344. gidru um-ta-an-kid7 hu-mu-un-da-gal2 >>Q000369 344 345. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 345 346. en aratta{ki}-ke4 igi-gu10-sze3 hu-mu-un-tum2 e-ne-ra du11-mu-na-ab >>Q000369 346 347. ur5-gin7 hu-mu-na-ab-be2-a-ka >>Q000369 347 348. kin-gi4-a aratta{ki}-asz du-ni >>Q000369 348 349. sahar kaskal-la giri3-ni mu-un-si >>Q000369 349 350. na4 tur-tur hur-sag-ga2-ke4 suh3-sah4 mu-un-da-ab-za >>Q000369 350 351. uszumgal edin-na-ba kin-ge26-gin7 gaba-ri nu-mu-ni-in-tuku >>Q000369 351 352. kin-gi4-a aratta{ki}-asz um-ma-te-a-ra >>Q000369 352 353. nam-lu2-ulu3 aratta{ki}-ke4 >>Q000369 353 354. ansze bara2 la2-e u6 di-de3 im-ma-sug2-sug2-ge-esz >>Q000369 354 355. kin-gi4-a kisal aratta{ki}-ka >>Q000369 355 356. sze guru7 ka bi2-in-si zu2 buru5{muszen}-e bi2-in-tah >>Q000369 356 357. szegx(|IM.A|) an-na u4 gal2-la-gin7 >>Q000369 357 358. aratta{ki} he2-gal2-la i3-du3 >>Q000369 358 359. dingir dur2-bi-a ba-da-ab-gi4-a-gin7 >>Q000369 359 360. aratta{ki} sza3-gar-ra-ni am3-la2-la2 >>Q000369 360 361. nam-lu2-ulu3 aratta{ki}-ke4 >>Q000369 361 362. munu4 a si-ga-na a-sza3 mu-ni-ib-x >>Q000369 362 363. egir-ba ra2-gaba sza3-tam [...] >>Q000369 363 364. x ki A tak4-ba [...] >>Q000369 364 365. x x x [...] x x NI [...] >>Q000369 365 366. dumu-dumu aratta{ki} gesztu2 [...] >>Q000369 366 367. aratta{ki}-asz inim mu-un-bur2 >>Q000369 367 368. ur5-da aratta{ki}-a szu-ta [...] >>Q000369 368 370. en unu{ki}-ga-ra szu-ni i-im-[...] >>Q000369 370 371. me-en-de3 sug4-ga lul-la-be2-esz2 >>Q000369 371 372. en kul-aba4{ki}-a-ra {na4}gug lul-la-me-a ga-mu-na-dur2-ru-ne-en-de3-en >>Q000369 372 373. ab-ba-ab-ba inim zu-ne >>Q000369 373 374. szu tesz2-a bi2-ib-ri-esz za3 e2-gar8-e bi2-ib-us2-esz >>Q000369 374 375. en-ra e2 sikil-bi hu-mu-un-ga2-ga2-e-ne >>Q000369 375 376. x x kin gidru-ni |DU.DU| sza3 e2-gal-la [...] >>Q000369 376 377. bur2-ra-bi inim sza3-ga-na bi2-ib-be2 >>Q000369 377 378. a-a-zu lugal-gu10 mu-e-szi-in-gi4-in-nam >>Q000369 378 379. en-me-er-kar2 dumu {d}utu-ke4 mu-e-szi-in-gi4-in-nam >>Q000369 379 380. lugal-zu du11-ga-ni nam-gu10 tah-a-ni nam-gu10 >>Q000369 380 381. lugal-gu10 a-na bi2-in-du11 a-na bi2-in-tah-am3 >>Q000369 381 382. gidru-ga2 ur2-bi me nam-nun-na-ka >>Q000369 382 383. pa-bi kul-aba4{ki}-a an-dul3-esz i3-ak >>Q000369 383 384. pa mul-mul-la-bi esz3 e2-an-na-ke4 >>Q000369 384 385. ku3 {d}inanna-ke4 ni2 im-szi-ib-te-en-ten >>Q000369 385 386. gidru um-ta-an-kid7 hu-mu-un-da-gal2 >>Q000369 386 387. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 387 388. en aratta{ki}-ke4 igi-gu10-sze3 hu-mu-un-tum2 ga2-a-ra ha-ma-an-du11 >>Q000369 388 389. ur5-gin7 hu-mu-na-ab-be2-a-ka >>Q000369 389 390. nam-bi-sze3 itima-a KA ba-an-ku4 sza3-ka-tab-ba ba-an-nu2 >>Q000369 390 391. u4 im-zal inim im-szar2-szar2 >>Q000369 391 392. inim ka-sze3 nu-gar-ra im-me >>Q000369 392 393. inim-ma sze ansze gu7-a-gin7 giri3 mi-ni-ib-ni10-ni10-e >>Q000369 393 394. i3-ne-esz2 lu2 lu2-u3-ra a-na na-an-du11 >>Q000369 394 395. lu2 lu2-ra dili a-na na-an-tah >>Q000369 395 396. lu2 lu2-ra in-na-ab-be2-a ur5 he2-en-na-nam-ma-am3 >>Q000369 396 397. kin-gi4-a lugal-zu en kul-aba4{ki}-ra u3-na-a-du11 u3-na-de3-tah >>Q000369 397 398. gidru gesz nam-me mu gesz na-an-sa4-sa4 >>Q000369 398 399. x x szu-na um-ma-ni-in-gar igi um-szi-bar-bar >>Q000369 399 400a. {gesz}ildag2 nam-me {gesz}szim-gig nam-me >>Q000369 400a 400b. {gesz}ildag2 nam-me {gesz}szim-gig nam-me >>Q000369 400b 401a. {gesz}erin nam-me {gesz}szu-ur2-men2 nam-me >>Q000369 401a 401b. {gesz}ha-szu-ur2 nam-me {gesz}geszimmar nam-me >>Q000369 401b 402a. {gesz}ha-szu-ur2 nam-me {gesz}geszimmar nam-me >>Q000369 402a 402b. {gesz}erin nam-me {gesz}za-ba-lum nam-me >>Q000369 402b 403a. {gesz}esi nam-me {gesz}za-ba-lum nam-me >>Q000369 403a 403b. {gesz}szu-ur2-men2 nam-me {gesz}esi nam-me >>Q000369 403b 404. {gesz}asal lam {gesz}gigir-ra nam-me >>Q000369 404 405. {gesz}kid-da gesz-{kusz}usan3-na nam-me >>Q000369 405 406. ku3-sig17 nam-me uruda nam-me >>Q000369 406 407. ku3-me-a zi ku3-babbar nam-me >>Q000369 407 408. {na4}gug nam-me {na4}za-gin3 nam-me >>Q000369 408 409. gidru um-ta-an-kid7 hu-mu-un-da-gal2 >>Q000369 409 410. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 >>Q000369 410 411. en kul-aba4{ki}-a-ke4 igi-gu10-sze3 hu-mu-un-tum2 e-ne-ra du11-mu-na-ab >>Q000369 411 412. ur5-gin7 hu-mu-na-ab-be2-a-ka >>Q000369 412 413. kin-gi4-a dur3{ur3} si-gigir ku5-ra2-gin7 ka si-il-la mu-un-gen >>Q000369 413 414. ansze edin-na bar-rim4-ma kas4 di-gin7 {kusz}um4 i3-tag-tag-ge >>Q000369 414 415. ka-ni tum9-a bi2-ib-zi-zi-zi >>Q000369 415 416. udu zulumhi udu sumur-ba du7-du7-gin7 du10-us2 dili mu-un-dab5 >>Q000369 416 417. szeg12 kul-aba4{ki}-a-ka giri3 hul2 mi-ni-in-gub >>Q000369 417 418. lugal-a-ni en kul-aba4{ki}-a-ra >>Q000369 418 419. inim-inim-ma mu-na-ra-si-si >>Q000369 419 420. en-me-er-kar2-ra {d}en-ki-ke4 gesztu2 mu-na-an-szum2 >>Q000369 420 421. en-e agrig mah-a-ni a2 ba-da-an-ag2 >>Q000369 421 422. e2-ni? [...] >>Q000369 422 423. lugal-e sumur3? [...] szu ba-ra-an-ti >>Q000369 423 424. mu-un-dul-gin7 szu bi2-in-gur-gur igi bi2-in-ga2-ga2 >>Q000369 424 425. {na4}na KA-KA szim-gin7 zu2 ba-ni-in-ra >>Q000369 425 426. gi su-lim-ma-ka i3-gin7 mu-ni-in-de2 >>Q000369 426 427. u4-ta gissu-sze3 am3-e3-e >>Q000369 427 428. gissu-ta u4-sze3 am3-e3-e >>Q000369 428 429. mu 5(disz)-am3 mu 1(u)-am3 ba-zal-la-ri >>Q000369 429 430. gi su-lim-ma gin2-gin7 bi2-in-gaz >>Q000369 430 431. en-e igi hul2-la im-szi-in-bar >>Q000369 431 432. i3 li i3 li2 kur szuba-a-ka sag3-ga i-ni-in-de2 >>Q000369 432 433. en-e kin-gi4-a kur-sze3 du-ur2 >>Q000369 433 434. gidru szu-na mu-un-na-ga2-ga2 >>Q000369 434 435. kin-gi4-a aratta{ki}-asz du-a-ni >>Q000369 435 436. u5{muszen}-gin7 hur-sag-ga2 nim-gin7 sahar nigin-a >>Q000369 436 437. |HI.SUHUR|{ku6}-gin7 kur ur3-ur3-ru-da-ni aratta{ki}-asz ba-te >>Q000369 437 438. kisal aratta{ki}-ka giri3 hul2-la mi-ni-in-gub >>Q000369 438 439. gidru TE SI na mu-un-gub >>Q000369 439 440. szu kin si bi2-in-sa2 a kin bi2-ib-ak-e >>Q000369 440 441. en aratta{ki}-ke4 gidru-ta igi tab-ba >>Q000369 441 442. itima-ka ki-tusz ku3-ga-ni-a ni2 im-kar2-kar2-ka >>Q000369 442 443. en-e sza3-tam-a-ni-ir gu3 mu-na-de2-e >>Q000369 443 444. aratta{ki} u8 sag2-gin7 he2-em kaskal-bi kur ki-bala he2-em >>Q000369 444 445. mah aratta{ki} ku3 {d}inanna-ke4 >>Q000369 445 446. en kul-aba4{ki}-ra mu-na-an-szum2-ma-ta >>Q000369 446 447. lu2-kin-gi4-a mu-un-gi4-a-ni >>Q000369 447 448. {d}utu e3-de3 inim dugud pa e3-de3 >>Q000369 448 449. a-da-al ku3 {d}inanna-ke4 igi me-szi-kar2-kar2 >>Q000369 449 450. aratta{ki}-a lul-e me-a he2-en-de3-dib-e >>Q000369 450 451. al me-da-asz szu al-zil2-zil2-i-a >>Q000369 451 452. me-en-de3 sug4-ga lul-la-be2-esz2 >>Q000369 452 453. en kul-aba4{ki}-ra {na4}gug lul-la-me-a mu-na-dur2-ru-ne-en-de3-en >>Q000369 453 454. en aratta{ki}-ke4 kin-gi4-a-ar >>Q000369 454 455. inim-ma dub mah-gin7 szu mu-na-an-se3 >>Q000369 455 456. kin-gi4-a lugal-zu en kul-aba4{ki}-a-ra u3-na-du11 u3-na-de3-tah >>Q000369 456 457. ur na-an-ge6-ge ur na-an-babbar-re >>Q000369 457 458. ur na-an-su4-e ur na-an-dara4-e >>Q000369 458 459. ur na-an-sig7-sig7-ge ur na-an-gun3-gun3{gu2} ur hu-mu-ra-ab-szum2-mu >>Q000369 459 460. ur-gu10 ur-ra-ni a-da-min3 he2-em-da-e >>Q000369 460 461. a2-gal2 he2-zu e-ne-ra du11-mu-na-ab >>Q000369 461 462. ur5-gin7 hu-mu-na-ab-be2-a-ka >>Q000369 462 463. kin-gi4-a u2-lum a-lam mu-un-gen >>Q000369 463 464. szeg12 kul-aba4{ki}-ke4 egir se3-ga-gin7 inim mu-un-gi4 >>Q000369 464 465. ud5-gin7 ka gaba kur-ra-ka igi mi-ni-ib-il2-il2-i >>Q000369 465 466. mir mah kiszi17-kiszi17-ta zi-ga-gin7 e2 me min3 mu-un-ta-la2-la2 >>Q000369 466 467. x x x x-ka sag mi-ni-in-il2 >>Q000369 467 468. [...] aratta{ki}-a-ke4 [...] >>Q000369 468 469. ki-tusz-a-ni-ta a mah e3-a-gin7 mu-un-na-ab-be2 >>Q000369 469 470. kin-gi4-a en aratta{ki}-ra u3-na-du11 u3-na-de3-tah >>Q000369 470 471. tug2 na-an-ge6-ge tug2 na-an-babbar-re >>Q000369 471 472. tug2 na-an-su4-e tug2 na-an-dara4-e >>Q000369 472 473. tug2 na-an-sig7-sig7-ge tug2 na-an-gun3-gun3{gu2} tug2 ga-mu-na-ab-szum2 >>Q000369 473 474. ur-gu10 gu2-da gal2 {d}en-lil2-la2 ur szu ga-mu-na-tak4 >>Q000369 474 475. ur-gu10 ur-ra-ni a-da-min3 he2-em-di-e >>Q000369 475 476. a2-gal2 he2-zu-zu e-ne-ra du11-mu-na-ab >>Q000369 476 477. 2(disz)-kam-ma-sze3 u3-na-du11 u3-na-de3-tah >>Q000369 477 478. en3-tukum-sze3 lul-da LI-a he2-ni-ib-dib-e >>Q000369 478 479. iri-na udu-gin7 igi-ni hu-mu-un-su8-ub >>Q000369 479 480. e-ne sipa-bi-gin7 egir-bi he2-em-us2-e >>Q000369 480 481. du-a-ni kur ku3 {na4}za-gin3-na >>Q000369 481 482. gi nig2 dub-ba-gin7 gu2 hu-mu-na-ab-gar >>Q000369 482 483. ku3-sig17 ku3-babbar su3-ra2-ag2-bi >>Q000369 483 484. {d}inanna nin e2-an-na-ra >>Q000369 484 485. kisal aratta{ki}-ka guru7-sze3 hu-mu-un-dub-dub-bu >>Q000369 485 486. 3(disz)-kam-ma-sze3 u3-na-du11 u3-na-de3-tah >>Q000369 486 487. iri-ni ir7-sag{muszen}-gin7 gesz-bi-ta na-an-tar-ta-ta-an >>Q000369 487 488. [...]-gin7 na-an-dub2-be2-en >>Q000369 488 489. ganba gal2-la-gin7 na-an-si-ig-en >>Q000369 489 490. [...] lil2-e nam-mi-ni-in-dib-be2-en >>Q000369 490 491. du-a-ni na4 hur-sag-ga2 szu u3-mu-ni-in-ti >>Q000369 491 492. esz3 gal eridu{ki} abzu e2-nun ha-ma-du3-e >>Q000369 492 493. a-sal-bar-bi im-szu2-ra-ke4 szu ha-ma-ni-ib-tag-ge >>Q000369 493 494. gissu-bi kalam-ma ha-ma-ni-ib-la2-la2-e >>Q000369 494 495. inim du11-ga-ni [...]-szar2?-a-ka >>Q000369 495 496. geszkim-a-ni e-ne-ra du11-mu-na-ab >>Q000369 496 497. u4-ba en? [...]-ka-am3 >>Q000369 497 498. [...] bara2-ga dur2 gar-ra numun nun-na-ke4-ne >>Q000369 498 499. x x 1(disz)-a mu2-a >>Q000369 499 500. du11-ga-ni mah-am3 sza3-bi su-su-a-am3 >>Q000369 500 501. kin-gi4-a ka-ni dugud szu nu-mu-un-da-an-gi4-gi4 >>Q000369 501 502. bar kin-gi4-a ka-ni dugud szu nu-mu-un-da-an-gi4-gi4-da-ka >>Q000369 502 503. en kul-aba4{ki}-a-ke4 im-e szu bi2-in-ra inim dub-gin7 bi2-in-gub >>Q000369 503 504. u4-bi-ta inim im-ma gub-bu nu-ub-ta-gal2-la >>Q000369 504 505. i3-ne-esz2 {d}utu u4 ne-a ur5 he2-en-na-nam-ma-am3 >>Q000369 505 506. en kul-aba4{ki}-a-ke4 inim dub-gin7 bi2-in-gub ur5 he2-en-na-nam-ma >>Q000369 506 507. kin-gi4-a muszen-gin7 a2 dub2 i3-ak-e >>Q000369 507 508. ur-bar-ra masz2-e us2-sa-gin7 guru5-usz i3-bur2-bur2-re >>Q000369 508 509. hur-sag 5(disz) hur-sag 6(disz) hur-sag 7(disz)-e im-me-re-bala-bala >>Q000369 509 510. igi mu-un-il2 aratta{ki}-asz ba-te >>Q000369 510 511. kisal aratta{ki}-ka giri3 hul2-la mi-ni-in-gub >>Q000369 511 512. nam-nir-gal2 lugal-a-na mu-un-zu >>Q000369 512 513. bur2-ra-bi inim sza3-ga-na bi2-ib2-be2 >>Q000369 513 514. kin-gi4-a en aratta{ki}-ra mu-na-ab-bala-e >>Q000369 514 515. a-a-zu lugal-gu10 mu-e-szi-in-gi4-in-nam >>Q000369 515 516. en unu{ki}-ga en kul-aba4{ki}-a-ke4 mu-e-szi-in-gi4-in-nam >>Q000369 516 517. lugal-zu du11-ga-ni nam-gu10 tah-a-ni nam-gu10 >>Q000369 517 518. lugal-gu10 a-na bi2-in-du11 a-na bi2-in-tah-am3 >>Q000369 518 519. lugal-gu10 {gesz}mesz3 gal dumu {d}en-lil2-la2-ke4 >>Q000369 519 520. gesz-bi an ki-da mu2-a >>Q000369 520 521. pa-bi an-ne2 us2-sa-am3 >>Q000369 521 522. ur2-bi ki-a gub-ba-bi >>Q000369 522 523. nam-en nam-lugal-la pa e3 ak-a >>Q000369 523 524. en-me-er-kar2 dumu {d}utu-ke4 im ma-an-szum2 >>Q000369 524 525. en aratta{ki}-ke4 im igi u3-ni-bar sza3 inim-ma u3-bi2-zu >>Q000369 525 526. a-na ma-ab-be2-en-na-bi u3-mu-e-du11 >>Q000369 526 527. a ru-a sun4 {na4}za-gin3 kesz2-da-ar >>Q000369 527 528. ab2 kal-la-ga-ni kur me sikil-la-ka tu-da-ar >>Q000369 528 529. sahar aratta{ki}-ka a2 e3-a-ar >>Q000369 529 530. ubur ab2 zi-da-ka ga gu7-a-ar >>Q000369 530 531. kul-aba4{ki} kur me gal-gal-la-ka nam-en-na tum2-ma-ar >>Q000369 531 532. en-me-er-kar2 dumu {d}utu-ra >>Q000369 532 533. inim-bi esz3 e2-an-na-ka inim du10 ga-mu-na-ab-du11 >>Q000369 533 534. ge6-par4 {gesz}mesz3 gibil-gin7 gurun il2-la-na >>Q000369 534 535. lugal-gu10 en kul-aba4{ki}-ra szu-a ga-mu-na-ab-gi4 >>Q000369 535 536. ur5-gin7 hu-mu-na-ab-be2-a-ka >>Q000369 536 537. en aratta{ki}-ke4 kin-gi4-a-ar >>Q000369 537 538. im szu-rin-na-ni szu ba-szi-in-ti >>Q000369 538 539. en aratta{ki}-ke4 im-ma igi i-ni-in-bar >>Q000369 539 540. inim du11-ga gag-am3 sag-ki mi-re2-da-am3 >>Q000369 540 541. en aratta{ki}-ke4 im szu-rin-na-ni igi im-bar-bar-re >>Q000369 541 542. u4-ba en men nam-en-na tum2-ma dumu {d}en-lil2-la2-ke4 >>Q000369 542 543. {d}iszkur an ki-a gu3 nun-bi di-dam >>Q000369 543 544. u4 du7-du7 ug gal-la ki x x-ka nam-mi-ni-in-gub >>Q000369 544 545. kur-kur [...] mu-un-tuk4-tuk4-e >>Q000369 545 546. hur-sag [...] mu-un-da-pesz11-pesz11-e >>Q000369 546 547. ni2 me-lam2? x x gaba-na gal2-la-bi >>Q000369 547 548. hur-sag giri17-zal-la gu3 mi-ni-in-il2 >>Q000369 548 549. aratta{ki} bar u4-bi sza3 hur-sag-ga2-ka >>Q000369 549 550. gig ni2-bi mu2-a gu2 ni2-bi an-ga-mu2-a >>Q000369 550 551. gig ni2-bi mu2-a guru7 x x-ka >>Q000369 551 552. en aratta{ki}-ra mu-na-ni-in-ku4-ku4 >>Q000369 552 553. kisal aratta{ki}-a-ka igi-ni-sze3 i-im-dub? >>Q000369 553 554. en aratta{ki}-ke4 gig-e igi bi2-in-du8 >>Q000369 554 555. kin-gi4-a igi sag3-sag3-a-ni mu-un-szi-ib-|UR2xKID2|-|UR2xKID2|-e >>Q000369 555 556. en aratta{ki}-ke4 kin-gi4-a-ar gu3 mu-un-na-de2-e >>Q000369 556 557. mah-bi {d}inanna nin kur-kur-ra-ke4 >>Q000369 557 558. iri-ni aratta{ki} szu li-bi2-in-dag unu{ki}-e la-ba-an-KA >>Q000369 558 559. e2-za-gin3-na-ka-ni szu li-bi2-in-dag esz3 e2-an-na-ka la-ba-an-KA >>Q000369 559 560. kur me sikil-la-ka szu li-bi2-in-dag szeg12 kul-aba4{ki}-a-ke4 la-ba-an-KA >>Q000369 560 561. gesz-nu2 sze-er-kan2 du11 szu li-bi2-in-dag gesz-nu2 gi-rin-na la-ba-an-KA >>Q000369 561 562. en-ra szu sikil-la-ka-ni szu li-bi2-in-dag en unu{ki}-ga en kul-aba4{ki}-a-ra la-ba-an-KA >>Q000369 562 563. aratta{ki} zi-da gab2-bu-ba >>Q000369 563 564. {d}inanna nin kur-kur-ra-ke4 >>Q000369 564 565. a mah e3-a-gin7 mu-un-na-nigin2-nigin2 >>Q000369 565 566. lu2-be2-ne lu2-lu2-ta dar-a >>Q000369 566 567. lu2 {d}dumu-zi-de3 lu2-ta e3-a-me-esz >>Q000369 567 568. inim ku3 {d}inanna ki-bi-sze3 gar-gar-me-esz >>Q000369 568 569. ur igi-gal2-la DA-A-SAR {d}dumu-zi-da he2-szi-im-nigin2-nigin2 >>Q000369 569 570. ul4 ga2-nam-ma dumu ur4-[...] >>Q000369 570 571. igi a-ma-ru-ka gub-ba-me-esz >>Q000369 571 572. egir a-ma-ru ba-ur3-ra-ta >>Q000369 572 573. {d}inanna nin kur-kur-ra-ke4 >>Q000369 573 574. nam gal ki ag2 {d}dumu-zi-da-ke4 >>Q000369 574 575. a nam-ti-la-ka mu-un-ne-su3-su3 >>Q000369 575 576. gu2 kalam-ma-ka gesz mu-un-ne-en-gal2 >>Q000369 576 577. ur igi-gal2-la du-a-ni >>Q000369 577 578. {tug2}sagszu gun3-a ugu-na i-im-szu2 >>Q000369 578 579. {tug2}pirig-pirig-ga2 za3 mu-ni-in-kesz2 >>Q000369 579 580. x il2-la x szu? mi-ni-in-du8-x-am3 >>Q000369 580 581. [...]-te-na mi-ni-in-du11 >>Q000369 581 582. [...] nin [...] ba-an-PA di >>Q000369 582 583. [...]-a-ni >>Q000369 583 584. [...] {d}inanna >>Q000369 584 585. en3-du-ni {d}ama-uszumgal-an-na nitalam-a-na ba-du10 >>Q000369 585 586. u4-bi-ta gesztu2 ku3 gesztu2 ku3 {d}dumu-zi-da-ke4 >>Q000369 586 587. szu mu-ni-in-du7 szir3 mu-ni-in-du11 inim mu-ni-in-zu >>Q000369 587 588. um-ma kur me sikil-sze3 du-a-ni >>Q000369 588 589. ki-sikil u4-da-na til-la-gin7 im-ma-na-ta-e3 >>Q000369 589 590. szembi2-zi-da igi-na mu-un-gun3 >>Q000369 590 591. tug2 babbar-ra za3 mu-ni-in-kesz2 >>Q000369 591 592. aga zi-da iti6-gin7 mu-un-e3 >>Q000369 592 593. x x x sag si ba-ni-in-sa2 >>Q000369 593 594. nitalam-a-ni en-me-er-kar2 bara2-ge4 mu-un-da-ab-si >>Q000369 594 595. [...] um-mi-in-zi-zi >>Q000369 595 596. ga-nam im-da-lu-lu aratta{ki}-asz u8-da sila4-bi >>Q000369 596 597. ga-nam im-da-lu-lu aratta{ki}-asz ud5-da masz2-bi >>Q000369 597 598. ga-nam im-da-lu-lu aratta{ki}-asz ab2-da amar-bi >>Q000369 598 599. ga-nam im-da-lu-lu aratta{ki}-asz eme5 dur3{ur3} kas4 ge6-ga-bi >>Q000369 599 600. aratta{ki}-a na-an-da-be2-a >>Q000369 600 601. guru7-sze3 he2-em-dub-dub gu2 he2-em-gar-gar >>Q000369 601 602. he2-gal2 za-a he2-gal2-zu >>Q000369 602 603. [...] en aratta{ki}-ra u3-mu-ni-in-ak >>Q000369 603 604. [...] x x x RA he2-en-x x >>Q000369 604 605. [...] mu-un-di-ni-ib-x-e >>Q000369 605 606. [...] mu-un-ta-e3 >>Q000369 606 607. [...] si mu-un-na-ab-sa2$ 3 lines missing>>Q000369 607 608. [...] >>Q000369 608 609. [...] >>Q000369 609 610. [...] >>Q000369 610 611. [...] me-te-asz [...] gal2 >>Q000369 611 612. [...] x SI i-lu sza3-ga [...] x >>Q000369 612 613. [...]-ni-a he2-gal2-zu AN [...] >>Q000369 613 614. [...] {d}en-lil2-le sa12-esz mu-ri-in-rig7 x-la-la-ga2 he2-zu-zu >>Q000369 614 615. [...] kar2 a-a-ni nu-lam-lam a nu-un-de2 >>Q000369 615 616. {d}en-lil2 lugal kur-kur-ra-ke4 hu-mu-un-kar2?-re ni2-ba >>Q000369 616 617. esz2-gar3 im-ma-an-du3-a-gin7 >>Q000369 617 618. nam-lu2-u18-lu aratta{ki}-a-ke4 >>Q000369 618 619. ku3-sig17 ku3 {na4}za-gin3 bala ak-de3 esz2-gar3 x x x >>Q000369 619 620. lu2 gurun ku3-sig17 gurun gesz gub-bu-de3 >>Q000369 620 621. {gesz}pesz3 gesztin-ba nig2-ta ub4-ba-gin7 guru7 gal-sze3 u3-mu-un-dub >>Q000369 621 622. {na4}za-gin3 duru5 ur2-ba mu-un-bur2-re-ne >>Q000369 622 623. {gi}uszub pa-ba mu-un-ta-bala-e-ne >>Q000369 623 624. {d}inanna nin e2-an-na-ra >>Q000369 624 625. kisal e2-an-na{ki}-ka guru7-sze3 mu-un-dub-bu-ne >>Q000369 625 626. lugal-gu10 ga2-nu na ga-e-de5 na de5-gu10 he2-e-dab5 >>Q000369 626 627. inim ga-ra-ab-du11 gizzal he2-e-ak >>Q000369 627 628. lu2 x BI? e kur-kur-ra ug3-e u3-un-pa3 >>Q000369 628 629. nam-lu2-ulu3 aratta{ki}-ke4 >>Q000369 629 630. x-me-esz2 i-im-da he2-em-me-ne >>Q000369 630 631. ge26-e gu2-e-ta du-a-gu10-ne >>Q000369 631 632. nam-lugal-gu10 nin mul-mul-e ma-an-szum2 >>Q000369 632 633. {d}gesztin-an-na [...] >>Q000369 633 634. iri-ba lil2 [...] >>Q000369 634 635. ezem nu-mu-[...] >>Q000369 635 636. u4 szu2-usz nam-[...] >>Q000369 636 $ rest broken
&P469674 = CDLI Literary 000369 (Enmerkar and the Lord of Aratta) composite #atf: lang sux @object composite text @surface a 1. iri gu4 husz {d}tesz2 ni2 gal gur3-ru 2. kul-aba4{ki} kesz2 [...] 3. gaba u4-da ki nam tar-re-da 4. unu{ki} kur gal sza3 [...] 5. kin-sig unu2 gal an-na [...] 6. u4 re-a nam ba-tar-ra-ba 7. unu{ki} kul-aba4{ki} e2-an-na [...] 8. sag il2-la nun-gal-e-ne mi-ni-[...] 9. he2-gal2 a-esztub gal2 10. szegx(|IM.A|) sze gu-nu gal2 11. unu{ki} kul-aba4{ki}-a ib-da-an-tab 11a. [...]-in-zal 12. kur dilmun{ki} ([...]) x in-nu 13. e2-an-na unu{ki}-e kul-aba4{ki}-a-ka ki us2-sa-a 14. ge6-par4 ku3 {d}inanna-ke4 15. szeg12 kul-aba4{ki}-ke4 ku3 ki-in-dar-ra-gin7 pa e3 ak-am3 16. [...] x x x nu-il2 bala nu-ak-e 17. [...] nu-il2 nam-ga-rasz nu-ak-e 18. ku3-sig17 ku3-babbar uruda nagga {na4}lagab za-gin3-na 19. na4 hur-sag-ga2 kur-bi-ta tesz2-bi nu-mu-un-e11-de3 20. [...] ezem-ma a nu-un-tu5 21. [...] nu-mu-un-dur2-ru 22. [...] u4 bi2-in-zal 23. [...] 24. [...] 25. [...] gun3-gun3 26. [...] ki ku3 x [...] {na4}za-gin3 duru5-am3 27. sza3-bi {gesz}mesz3 babbar-gin7 gurun il2-la sig7-ga-am3 28. {d}inanna-ra en aratta{ki}-ke4 29. sag-men ku3-sig17-ga mu-na-ni-in-gal2 30. en kul-aba4{ki}-a-gin7 nu-mu-na-sa6 31. aratta{ki} esz3 e2-an-na ge6-par4 ki ku3-gin7 32. ku3 {d}inanna-ra szeg12 kul-aba4{ki}-gin7 nu-mu-un-na-du3 33. u4-ba en sza3-ge pa3-da {d}inanna-ke4 34. kur szuba-ta sza3 ku3-ge pa3-da {d}inanna-ke4 35. en-me-er-kar2 dumu {d}utu-ke4 36. nin9-a-ni nin kurku2 du10-ga 37. ku3 {d}inanna-ra u3-gul mu-un-na-ga2-ga2 38. nin9-gu10 aratta{ki} unu{ki}-sze3 39. ku3-sig17 ku3-babbar ha-ma-an-galam-e 40. {na4}za-gin3 duru5 lagab-ta [...] 41. su3-ra2-ag2 {na4}za-gin3 duru5 [...] x 42. unu{ki}-ga kur ku3 [...] x x du3 43. e2 an-ta e11-da ki-gub-ba-za 44. aratta{ki} esz3 e2-an-na he2-en-du3 45. ge6-par4 ku3-ga dur2 gar-ra-za 46. sza3-bi aratta{ki} ha-ma-an-galam-e 47. ge26-e sza3-ba amar za-gin3-na gu2? ga-mu-ni-[...]-la2 48. aratta{ki} unu{ki}-sze3 gu2 gesz ha-ma-ga2-ga2 49. nam-lu2-u18-lu aratta{ki}-ke4 50. na4 hur-sag-ga2 kur-bi ha-ma-ab-e11 51. esz3 gal ha-ma-du3-e unu2 gal ha-ma-ga2-ga2 52. unu2 gal unu2 dingir-re-e-ne-ke4 pa e3 ha-ma-ab-ak-e 53. me-gu10 kul-aba4{ki}-a si ha-ma-ni-ib-sa2-e 54. abzu kur ku3-gin7 ha-ma-ab-mu2-mu2 55. eridu{ki} hur-sag-gin7 ha-ma-ab-sikil-e 56. esz3 abzu ku3 ki-in-dar-ra-gin7 pa e3 ha-ma-ab-ak-e 57. ge26-e abzu-ta za3-mi2 du11-ga-gu10-ne 58. eridu{ki}-ta me de6-a-gu10-ne 59. nam-en-na men esz3 bar-gin7 sig7-ga-gu10-ne 60. unu{ki} kul-aba4{ki}-a sag-men ku3 gal2-la-gu10-ne 61. |PA.A| esz3 gal-la-ke4 ge6-par4-ra hu-mu-un-tum2-mu 62. |PA.A| ge6-par4-ra-ke4 esz3 gal-la hu-mu-un-tum2-mu 63. nam-lu2-ulu3 u6 du10-ge-esz hu-mu-un-e 64. {d}utu igi hul2-la he2-em-szi-bar-bar-re 65. u4-bi-a giri17-zal an ku3-ga nin kur-ra igi-gal2 66. in-nin9 {d}ama-uszumgal-an-na szembi2-zi-da-ni 67. {d}inanna nin kur-kur-ra-ke4 68. en-me-er-kar2 dumu {d}utu-ra gu3 mu-na-de2-e 69. en-me-er-kar2 ga2-nu na ga-e-de5 na de5-gu10 he2-e-dab5 70. inim ga-ra-ab-du11 gizzal he2-szi-ak 71. kin-gi4-a inim zu za3-sze tuku erin2-ta u3-ba-e-re-pa3 72. inim gal {d}inanna gal-zu inim-ma-ke4 me-a hu-mu-na-ab-tum3 73. hur-sag zubi-sze3 he2-bi2-in-e11-de3 74. hur-sag zubi-ta he2-em-ma-da-ra-e11-de3 75. szuszin{ki}-e kur an-sza4-an{ki}-a-sze3 76. pesz2 tur-gin7 giri17 szu hu-mu-na-ab-gal2 77. hur-sag gal-gal ni2-ba lu-a 78. sahar-ra hu-mu-na-da-gur4-gur4-e 79. aratta{ki} unu{ki}-sze3 gu2 gesz ha-ma-ga2-ga2 80. nam-lu2-ulu3 aratta{ki}-ke4 81. na4 hur-sag-ga2 kur-bi um-ta-ab-e11 82. esz3 gal ha-ra-du3-e unu2 gal ha-ra-ga2-ga2 83. unu2 gal unu2 dingir-re-e-ne-ke4 pa e3 ha-ra-ab-ak-e 84. me-zu kul-aba4{ki}-a si ha-ra-ni-ib2-sa2-e 85. abzu kur ku3-gin7 ha-ra-ab-mu2-mu2 86. eridu{ki} hur-sag-gin7 ha-ra-ab-sikil-e 87. esz3 abzu ku3 ki-in-dar-ra-gin7 pa e3 ha-ra-ab-ak-e 88. za-e abzu-ta za3-mi2 du11-ga-zu-ne 89. eridu{ki}-ta me de6-a-zu-ne 90. nam-en men-na esz3 bar-gin7 sig7-ga-zu-ne 91. unu{ki}-e kul-aba4{ki}-a sag-men ku3 gal2-la-zu-ne 92. |PA.A| esz3 gal-la-ke4 ge6-par4-ra hu-mu-e-tum2-mu 93. |PA.A| ge6-par4-ra-ke4 esz3 gal-la hu-mu-e-tum2-mu 94. nam-lu2-ulu3 u6 du10-ge-esz he2-mu-e-e 95. {d}utu igi hul2-la he2-mu-e-szi-bar-bar-re 96. nam-lu2-ulu3 aratta{ki}-ke4 97. x NE u4 szu2-usz-ta um-ta-ab-il2-ke4-esz 98. x NE u4 te-en-e um-ma-te-e-ta 99. ki {d}dumu-zi-da u8 masz2 sila4?-ni lu-a 100. a kal-ga a-sza3 {d}dumu-zi-da-ka 101. udu kur-ra-gin7 du10 ha-ra-ni-ib-gar 102. gaba ku3-ga2-a u4-gin7 e3-i3 103. zi-pa-ag2-ga2 nig2-suh10-bi he2-me-en 104. za-ra en-me-er-kar2 dumu {d}utu za3-mi2 105. en-e inim ku3 {d}inanna-ka-sze3 sag kesz2 ba-szi-in-ak 106. kin-gi4-a inim zu za3-sze tuku erin2-ta ba-ra-an-pa3 106a. [...]-e kin-gi4-a-ni-ir [...] 107. inim gal {d}inanna gal-zu inim-ma-ke4 me-a mu-na-ab-tum3 108. hur-sag zubi-ka he2-bi2-in-e11-de3-en 109. hur-sag zubi-ta he2-em-ma-da-ra-an-e11-de3-en 110. szuszin{ki}-e kur an-sza4-an{ki}-a-ke4 111. pesz2 tur-gin7 giri17 szu hu-mu-na-ab-gal2 112. hur-sag gal-gal ni2-ba lu-a 113. sahar-ra hu-mu-na-da-gur4-gur4-e 114. kin-gi4-a en aratta{ki}-ra u3-na-du11 u3-na-de3-tah 115. iri-bi ir7-sag{muszen}-gin7 gesz-bi-ta na-an-na-ra-ab-dal-en 116. muszen-gin7 gud3 us2-sa-bi-a nam-bi2-ib-dal-en 117. ganba gal2-la-gin7 na-an-si-ig-en 118. iri gul-gul-lu-gin7 sahar nam-bi2-ib-ha-za-en 119. aratta{ki} a2-dam {d}en-ki-ke4 nam ba-an-ku5 120. ki bi2-in-gul-la-gin7 ki nam-ga-bi2-ib-gul-en 121. egir-bi {d}inanna ba-szi-in-zi 122. gu3 im-mi-in-ra szeg11 im-mi-in-gi4 123. kusz7 bi2-in-su-a-gin7 kusz7 nam-ga-bi2-ib-su-su 124. ku3-sig17 u3-tu-da-ba {kusz}lu-ub2-szir a-ba-ni-in-ak 125. ku3-me-a sahar-ba za3 u3-ba-ni-in-us2 126. ku3 sag-PA-sze3 u3-mu-un-dim2-dim2 127. ansze kur-kur-ra-ke4 bara2 um-mi-in-la2-la2 128. ge26-e-sze3-am3 {d}en-lil2 ban3-da ki-en-gi-ra-ke4 129. en {d}nu-dim2-mud sza3 ku3-ge pa3-da 130. kur me sikil-la-ke4 ha-ma-du3-e 131. {gesz}taskarin-gin7 hi-li ha-ma-ab-ak-e 132. {d}utu agrun-ta e3-a-gin7 si-musz2 ha-ma-ab-gun3-gun3 133. za3-du8-za3-du8-bi urin ha-ma-mul-e 134. e2-nun-e2-nun-ba szir3 ku3 nam-szub du12-a-ba 135. nam-szub {d}nu-dim2-mud-da-ke4 e-ne-ra du11-mu-na-ab 136. u4-ba musz nu-gal2-am3 giri2 nu-gal2-am3 137. giri17 nu-gal2-am3 ur-mah nu-gal2-am3 138. ur-gi7 ur-bar-ra nu-gal2-am3 139. ni2 te-ge26 su zi-zi-i nu-gal2-am3 140. lu2-u18-lu gaba-szu-gar nu-tuku 141. u4-ba kur szubur{ki} ha-ma-zi{ki} 142. eme ha-mun ki-en-gi kur gal me nam-nun-na-ka 143. ki-uri kur me-te-gal2-la 144. kur mar-tu u2-sal-la nu2-a 145. an ki nigin2-na ug3 sag se3-ga 146. {d}en-lil2-ra eme 1(disz)-am3 he2-en-na-da-ab-du11 147. u4-ba a-da en a-da nun a-da lugal-la 148. {d}en-ki a-da en a-da nun a-da lugal-la 149. a-da en-e a-da nun-e a-da lugal-la 150. {d}en-ki en he2-gal2-la en du11-ga zi-da 151. en gesztu2-ga igi-gal2 kalam-ma-ke4 152. mas-su dingir-re-e-ne-ke4 153. gesztu2-ge pa3-da en eridu{ki}-ga-ke4 154. ka-ba eme i3-kur2 en-na mi-ni-in-gar-ra 155. eme nam-lu2-ulu3 1(disz) i3-me-a 156. 2(disz)-kam-ma-sze3 en-e kin-gi4-a kur-sze3 du-ur2 157. aratta{ki}-asz inim mu-na-ab-tah-e 158. kin-gi4-a ge6 u3-na-ka im 1(disz)-gin7 szeg3-ga2 159. an-bar7-GAN2-ka im-du8-gin7 zi-ga 160. kin-gi4-a inim lugal-la-na-ke4 sag kesz2 ba-szi-in-ak 161. ge6 u3-na-ka mul-am3 im-gen 162. an-bar7-GAN2-ka {d}utu an-na-ta mu-un-de3-gen 163. inim gal {d}inanna gi-zu2-lum-ma DU me-a mu-na-ab-tum3 164. hur-sag zubi-sze3 bi2-in-e11-de3 165. hur-sag zubi-ta im-ma-da-ra-ab-e11-de3 166. szuszin{ki}-e kur an-sza4-an{ki}-a-sze3 167. pesz2 tur-gin7 giri17 szu mu-na-ab-gal2 168. hur-sag gal-gal ni2-ba lu-a 169. sahar-ra mu-na-da-gur4-gur4 170. hur-sag 5(disz) hur-sag 6(disz) hur-sag 7(disz)-e im-me-re-bala-bala 171. igi mu-un-il2 aratta{ki}-asz ba-te 172. kisal aratta{ki}-ka giri3 hul2-la mi-ni-in-gub 173. nam-nir-gal2 lugal-a-na mu-un-zu 174. bur2-ra-bi inim sza3-ga-na bi2-ib2-be2 175. kin-gi4-a en aratta{ki}-ra mu-na-ab-bala-e 176. a-a-zu lugal-gu10 mu-e-szi-in-gi4-in-nam 177. en unu{ki}-ga en kul-aba4{ki}-a-ke4 mu-e-szi-in-gi4-nam 178. lugal-za du11-ga-ni nam-gu10 tah-a-ni nam-gu10 179. lugal-gu10 a-na bi2-in-du11 a-na bi2-in-tah-am3 180. lugal-gu10 u3-tu-da-ni-ta nam-en-na tum2-ma 181. en unu{ki}-ga musz-sag-kal ki-en-gi-ra ti-la kur zid2-gin7 ma5-ma5 182. dara3-masz kur-bad3-da a2-nun-gal2 183. szilam-za masz naga ku3-ga umbin sud2-sud2-e 184. ab2 zi-da kur-sza3-ga tu-da 185. en-me-er-kar2 dumu {d}utu-ke4 mu-e-szi-in-gi4-nam 185a. lugal-zu du11-ga-ni nam-gu10 tah-a-ni nam-gu10 185b. lugal-gu10 a-na bi2-in-du11 a-na bi2-in-tah-am3 186. lugal-gu10 na-ab-be2-a 187. iri-ni ir7-sag{muszen}-gin7 gesz-bi-ta na-na?-ra-ab-dag-e 188. muszen-gin7 gud3 us2-sa-bi-a nam-bi2-ib2-hu-luh-e 189. ganba gal2-la-gin7 na-an-si-ge-en 190. iri gul-gul-la-gin7 sahar na-an-bi2-ib-ha-za-en 191. aratta{ki} a2-dam {d}en-ki-ke4 nam ba-an-ku5 192. ki bi2-in-gul-la-gin7 ki nam-ga-bi2-ib-gul-en 193. egir-bi {d}inanna ba-szi-in-zi 194. gu3 im-mi-in-ra szeg11 im-mi-in-gi4 195. kusz7 bi2-in-su-a-gin7 kusz7 na-an-ga-bi2-ib-su-su-un 196. ku3-sig17 u3-tu-da-ba {kusz}lu-ub2-szir a-ba-ni-in-ak 197. ku3-me-a sahar-ba za3 u3-ba-ni-in-us2 198. ku3 sag-PA-sze3 u3-mu-un-dim2-dim2 199. ansze kur-kur-ra-ke4 bara2 um-mi-in-la2-la2 200. ge26-e-sze3-am3 {d}en-lil2 ban3-da ki-en-gi-ra-ke4 201. en {d}nu-dim2-mud-e sza3 ku3-ge pa3-da 202. kur me sikil-la-ke4 ha-ma-du3-e 203. {gesz}taskarin-gin7 hi-li ha-ma-ab-ak 204. {d}utu agrun-ta e3-a-gin7 si-musz2 ha-ma-ab-gun3-gun3 205. za3-du8-za3-du8-ba urin ha-ma-mul-e 206. e2-nun-e2-nun-ba szir3 ku3 nam-szub du12-a-ba 207. nam-szub {d}nu-dim2-mud-ke4 ga2-ra du11-mu-na-ab 208. a-na ma-ab-be2-en-na-bi u3-mu-e-du11 209. a ru-a sun4 {na4}za-gin3 kesz2-da-ar 210. ab2 kal-la-ga-ni kur me sikil-la-ka tu-da-ar 211. sahar aratta{ki}-ka a2 e3-a-ar 212. ubur ab2 zi-da ga gu7-a-ar 213. kul-aba4{ki} kur me gal-gal-la-ka nam-nun-na tum2-ma 214. en-me-er-kar2 dumu {d}utu-ra 215. inim-bi esz3 e2-an-na-ka inim du10 ga-na-ab-du11 216. ge6-par4 {gesz}mesz3 gibil-gin7 gurun il2-la-na 217. lugal-gu10 en kul-aba4{ki}-ra szu-a ga-mu-na-ab-gi4 218. ur5-gin7 hu-mu-na-ab-be2-a-ka 219. kin-gi4-a lugal-zu en kul-aba4{ki}-a-ra u3-na-du11 u3-na-de3-tah 220. ge26-e-me-en en szu sikil-la tum2-ma 221. {gesz}rab3 mah an-na nin an ki-ke4 222. in-nin9 me szar2-ra ku3 {d}inanna-ke4 223. aratta{ki} kur me sikil-la-sze3 hu-mu-un-de6-en 224. kur-ra {gesz}ig gal-gin7 igi-ba bi2-in-tab-en 225. aratta{ki} unu{ki}-sze3 gu2 a-gin7 i3-ga2-ga2 226. aratta{ki} unu{ki}-sze3 gu2 ga2-ga2 nu-gal2 e-ne-ra du11-mu-na-ab 227. ur5-gin7 hu-mu-na-ab-be2-a-ka 228. kin-gi4-a en aratta{ki}-ra mu-na-ni-ib-gi4-gi4 229. nin gal an-na me husz-a u5-a 230. hur-sag kur szuba-ka dur2 gar-ra 231. bara2 kur szuba-ka sze-er-ka-an du11-ga 232. en lugal-gu10 szubur-a-ni-im 233. dingir nin e2-an-na-ka mu-un-di-ni-ib-ku4-re-esz 234. en aratta{ki} gu2 ki-sze3 ba-ni-in-gal2 235. szeg12 kul-aba4{ki}-a-ka ur5-gin7 hu-mu-na-ab-be2 236. u4-bi-a en-e sza3 mu-un-sag3 zi mu-un-ir-ir 237. gaba-ri nu-mu-da-gal2 gaba-ri i3-kin-kin 238. giri3 ni2-te-a-na-ka igi lib-ba bi2-in-du8-ru gaba-ri i3-pa3-de3 239. gaba-ri in-pa3 gu3 im-ta-an-e3 240. kin-gi4-a inim-ma gaba ri-bi 241. gu4-gin7 gu3 nun mu-un-di-ni-ib-be2 242. kin-gi4-a lugal-zu en kul-aba4{ki}-a-ra u3-na-du11 u3-na-de3-tah 243. hur-sag gal {gesz}mesz3 an-da mu2-a 244. ur2-bi-sze3 sa-par4-am3 pa-bi gesz-bur2-am3 245. buru5 umbin-bi anzu{muszen} hu-ri2-in{muszen}-na 246. kesz2-da {d}inanna-ka szar2 du11-ge gib-ba 247. umbin hu-ri2-in{muszen}-bi u3-mun kur-ra kur szuba-da e11-da 248. aratta{ki} er2 sze8-sze8 [...] 249. a bala-bala-am3 zid2 dub-dub-ba-am3 250. kur-ra siskur a-ra-zu-a giri17 szu gal2-la-am3 251. lu2 5(disz) nu-me-a lu2 1(u) nu-me-a 252. unu{ki} zi-ga hur-sag zubi-sze3 sag a-gin7 i3-ga2-ga2 253. lugal-zu {gesz}tukul-ga2 sag ha-ba-an-szum2 254. ge26-e a-da-min3-na sag ga-ba-an-szum2 255. a-da-min3 nu-um-zu tesz2 nu-um-gu7 256. gu4-de3 gu4 a2-gal2-bi nu-um-zu 257. a-da-min3 um-zu tesz2 um-gu7 258. gu4-de3 gu4 a2-gal2-bi um-zu 259. e-ne a-da-min3 mi-ni-in-tak4-tak4-an 260. [...]-gin7 nig2 lu2 nu-se3-ge 261. e-ne in-ga-mu-ni-in-tak4-tak4-an 262. 2(disz)-kam-ma-sze3 kin-gi4-a inim mu-ra-be2-en 263. [...] de2-a sza-ra-ab-galam-e-en DU-a he2-mu-e-szi-dib 264. e2-an-na pirig szu-ba nu2-a 265. sza3-bi-ta gu4 gu3 nun di-dam 266. ge6-par4 {gesz}mesz3 gibil-gin7 gurun il2-la-na 267. lugal-zu en kul-aba4{ki}-a-ra szu-a gi4-mu-na-ab 268. hur-sag ur-sag sukud si-ga-am3 269. an-usan-na {d}utu e2-bi-sze3 du-gin7 270. igi-bi-ta usz2 la2-la2-e-gin7 271. {d}nanna si-un3-na mah-a-gin7 272. sag-ki-bi me-lam2 gal2-la-gin7 273. gesz-gin7 kur-kur-ra gib-ba-gin7 274. sag musz3 aratta{ki}-ke4 275. {d}lamma sa6-ga kur me sikil-la-sze3 276. u4-da aratta{ki} aga ku3 an-na-gin7 si mu-na-an-sa2 277. ge26-e u4-ba nam-mah-gu10 ga-an-zu 278. sze bara2-ga nam-mu-un-si-si-ig-ge mar-e nam-me-e 279. sze-bi kur-kur-ra nam-il2-e 280. erin2-na mu-un-ku5 nam-mu-un-ga2-ga2 281. sze {sa}al-kad5-e u3-mu-ni-in-si-si 282. ansze bara2 la2-e um-mi-in-la2 283. ansze-bala-e da-bi-a a-ba-an-se3 284. tukum-bi kisal aratta{ki}-ka guru7-sze3 mu-dub-be2 285. i3-ge-en am3-dub-be2 guru7-a hi-li-bi 286. kur-kur-ra izi gar-ra-bi a2-dam me-te-bi 287. bad3 7(disz)-e sze-er-ka-an du11-ga 288. nin ur-sag me3-a tum2-ma 289. {d}inanna ur-sag me3 sahar-ra-ke4 sag eszemen {d}inanna di-dam 290. i3-ge-en aratta{ki} ur ad6 sar-gin7 szu-ta im-ta-ri 291. ge26-e u4-ba sza-ba-na-gam-e-de3-en 292. e-ne nam-mah-a-ni szi-im-ma-an-zu-zu-un 293. iri-gin7 nam-tur-ga2 gu2 szi-im-ma-ga2-ga2-an e-ne-ra du11-mu-na-ab 294. ur5-gin7 hu-mu-na-ab-be2-a-ka 295. kin-gi4-a en aratta{ki}-ke4 296. ka-ni-gin7 inim ka-na ba-an-se3 297. sumun2-gin7 hasz2-a-na mu-un-gur 298. nim-sahar-ra-gin7 tir u4 zal-le-na mu-un-gen 299. szeg12 kul-aba4{ki}-a-ka giri3 hul2-la mu-ni-in-gub 300. kisal mah-e kisal gu2-en-na-ka kin-gi4-a i-ib2-bur2 301. lugal-a-ni-ir en kul-aba4{ki}-ra 302. ka-ni-gin7 szu mu-na-an-gi4 303. gu4-gin7 gu3 mu-na-an-se3 304. gu4 ri-ri-gin7 gesztu2 mu-na-an-ga2-ga2 305. lugal-e za3 zi-da-ni NE im-mi-in-tusz 306. za3 gab2-bu-ni im-ma-ni-in-gi4 307. i3-ge-en aratta{ki} galga szum2-ma im-ma-zu im-me 308. u4 im-zal {d}utu im-ta-e3-a-ra 309. {d}utu kalam-ma-ka sag bi2-ib-il2 310. lugal-e {i7}idigna {i7}buranuna-bi-da im-ma-da-an-tab 311. {i7}buranun-na {i7}idigna-da im-ma-da-an-tab 312. bur gal-gal an-ne2 ba-sug2-su8-ug 313. bur tur-tur sila4 u2-szim dur2-gin7 za3-bi-a im-ma-an-us2 314. bur i-gi8 an-na da-bi-a ba-su8-ug 315. lugal-e esz-da ku3-sig17-ga-ke4 316. en-me-er-kar2 dumu {d}utu-ke4 du10 mu-un-bad-ba9-re6 317. u4-bi-a dub i-gi8 im me-a gi-gag ukken-na 318. alan ku3-sig17-ga u4 du10-ga tu-da 319. {d}nanibgal sig7-ga |KAxLI| sikil mu2?-da 320. {d}nisaba nin gesztu2 dagal-la-ke4 321. e2-|GISZ.TUG2.PI.AN.NISABA| ku3-ga-ni gal2 mu-na-an-tak4 322. e2-gal an-na-ka ku4-ra-ni gesztu2 mu-un-ga2-ga2 323. en-e e2-nun mah-a-ni gal2 ba-an-tak4 324. {gesz}li2-id-ga mah-a-ni ki ba-an-us2 325. lugal-e sze-ta sze libir-ra-ni szu ba-ra-an-bala 326. munu4 ki-szar2-ra a ba-ni-in-si 327. nundum-bi {u2}hirin{hu-ri2-in} AN x-sug4-ge 328. {sa}al-kad5-e igi im-mi-in-tur-tur 329. sze guru7 ka i-ni-in-si zu2 buru5{muszen}-e bi2-in-tah 330. ansze bara2 la2-e um-mi-in-la2 331. ansze-bala-e da-bi-a ba-an-se3 332. lugal en gesztu2 dagal-la-ke4 333. en unu{ki}-ga en kul-aba4{ki}-ke4 334. har-ra-an aratta{ki}-ke4 si bi2-in-sa2 335. nam-lu2-ulu3 kiszi6 ki-in-dar-ra-gin7 336. aratta{ki}-asz ni2-ba mu-un-sub2-be2-esz 337. en-e kin-gi4-a kur-sze3 du-ur2 338. aratta{ki}-asz inim mu-na-ab-tah-e 339. kin-gi4-a en aratta{ki}-ra u3-na-du11 u3-na-de3-tah 340. gidru-ga2 ur2-bi me nam-nun-na-ka 341. pa-bi kul-aba4{ki}-a an-dul3-esz i3-ak 342. pa mul-mul-la-bi esz3 e2-an-na-ke4 343. ku3 {d}inanna-ke4 ni2 im-szi-ib-te-en-ten 344. gidru um-ta-an-kid7 hu-mu-un-da-gal2 345. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 346. en aratta{ki}-ke4 igi-gu10-sze3 hu-mu-un-tum2 e-ne-ra du11-mu-na-ab 347. ur5-gin7 hu-mu-na-ab-be2-a-ka 348. kin-gi4-a aratta{ki}-asz du-ni 349. sahar kaskal-la giri3-ni mu-un-si 350. na4 tur-tur hur-sag-ga2-ke4 suh3-sah4 mu-un-da-ab-za 351. uszumgal edin-na-ba kin-ge26-gin7 gaba-ri nu-mu-ni-in-tuku 352. kin-gi4-a aratta{ki}-asz um-ma-te-a-ra 353. nam-lu2-ulu3 aratta{ki}-ke4 354. ansze bara2 la2-e u6 di-de3 im-ma-sug2-sug2-ge-esz 355. kin-gi4-a kisal aratta{ki}-ka 356. sze guru7 ka bi2-in-si zu2 buru5{muszen}-e bi2-in-tah 357. szegx(|IM.A|) an-na u4 gal2-la-gin7 358. aratta{ki} he2-gal2-la i3-du3 359. dingir dur2-bi-a ba-da-ab-gi4-a-gin7 360. aratta{ki} sza3-gar-ra-ni am3-la2-la2 361. nam-lu2-ulu3 aratta{ki}-ke4 362. munu4 a si-ga-na a-sza3 mu-ni-ib-x 363. egir-ba ra2-gaba sza3-tam [...] 364. x ki A tak4-ba [...] 365. x x x [...] x x NI [...] 366. dumu-dumu aratta{ki} gesztu2 [...] 367. aratta{ki}-asz inim mu-un-bur2 368. ur5-da aratta{ki}-a szu-ta [...] 370. en unu{ki}-ga-ra szu-ni i-im-[...] 371. me-en-de3 sug4-ga lul-la-be2-esz2 372. en kul-aba4{ki}-a-ra {na4}gug lul-la-me-a ga-mu-na-dur2-ru-ne-en-de3-en 373. ab-ba-ab-ba inim zu-ne 374. szu tesz2-a bi2-ib-ri-esz za3 e2-gar8-e bi2-ib-us2-esz 375. en-ra e2 sikil-bi hu-mu-un-ga2-ga2-e-ne 376. x x kin gidru-ni |DU.DU| sza3 e2-gal-la [...] 377. bur2-ra-bi inim sza3-ga-na bi2-ib-be2 378. a-a-zu lugal-gu10 mu-e-szi-in-gi4-in-nam 379. en-me-er-kar2 dumu {d}utu-ke4 mu-e-szi-in-gi4-in-nam 380. lugal-zu du11-ga-ni nam-gu10 tah-a-ni nam-gu10 381. lugal-gu10 a-na bi2-in-du11 a-na bi2-in-tah-am3 382. gidru-ga2 ur2-bi me nam-nun-na-ka 383. pa-bi kul-aba4{ki}-a an-dul3-esz i3-ak 384. pa mul-mul-la-bi esz3 e2-an-na-ke4 385. ku3 {d}inanna-ke4 ni2 im-szi-ib-te-en-ten 386. gidru um-ta-an-kid7 hu-mu-un-da-gal2 387. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 388. en aratta{ki}-ke4 igi-gu10-sze3 hu-mu-un-tum2 ga2-a-ra ha-ma-an-du11 389. ur5-gin7 hu-mu-na-ab-be2-a-ka 390. nam-bi-sze3 itima-a KA ba-an-ku4 sza3-ka-tab-ba ba-an-nu2 391. u4 im-zal inim im-szar2-szar2 392. inim ka-sze3 nu-gar-ra im-me 393. inim-ma sze ansze gu7-a-gin7 giri3 mi-ni-ib-ni10-ni10-e 394. i3-ne-esz2 lu2 lu2-u3-ra a-na na-an-du11 395. lu2 lu2-ra dili a-na na-an-tah 396. lu2 lu2-ra in-na-ab-be2-a ur5 he2-en-na-nam-ma-am3 397. kin-gi4-a lugal-zu en kul-aba4{ki}-ra u3-na-a-du11 u3-na-de3-tah 398. gidru gesz nam-me mu gesz na-an-sa4-sa4 399. x x szu-na um-ma-ni-in-gar igi um-szi-bar-bar 400a. {gesz}ildag2 nam-me {gesz}szim-gig nam-me 400b. {gesz}ildag2 nam-me {gesz}szim-gig nam-me 401a. {gesz}erin nam-me {gesz}szu-ur2-men2 nam-me 401b. {gesz}ha-szu-ur2 nam-me {gesz}geszimmar nam-me 402a. {gesz}ha-szu-ur2 nam-me {gesz}geszimmar nam-me 402b. {gesz}erin nam-me {gesz}za-ba-lum nam-me 403a. {gesz}esi nam-me {gesz}za-ba-lum nam-me 403b. {gesz}szu-ur2-men2 nam-me {gesz}esi nam-me 404. {gesz}asal lam {gesz}gigir-ra nam-me 405. {gesz}kid-da gesz-{kusz}usan3-na nam-me 406. ku3-sig17 nam-me uruda nam-me 407. ku3-me-a zi ku3-babbar nam-me 408. {na4}gug nam-me {na4}za-gin3 nam-me 409. gidru um-ta-an-kid7 hu-mu-un-da-gal2 410. na4-gug-gesz-dili na4-za-gin3-gesz-dili-gin7 szu-ni-a hu-mu-un-gal2 411. en kul-aba4{ki}-a-ke4 igi-gu10-sze3 hu-mu-un-tum2 e-ne-ra du11-mu-na-ab 412. ur5-gin7 hu-mu-na-ab-be2-a-ka 413. kin-gi4-a dur3{ur3} si-gigir ku5-ra2-gin7 ka si-il-la mu-un-gen 414. ansze edin-na bar-rim4-ma kas4 di-gin7 {kusz}um4 i3-tag-tag-ge 415. ka-ni tum9-a bi2-ib-zi-zi-zi 416. udu zulumhi udu sumur-ba du7-du7-gin7 du10-us2 dili mu-un-dab5 417. szeg12 kul-aba4{ki}-a-ka giri3 hul2 mi-ni-in-gub 418. lugal-a-ni en kul-aba4{ki}-a-ra 419. inim-inim-ma mu-na-ra-si-si 420. en-me-er-kar2-ra {d}en-ki-ke4 gesztu2 mu-na-an-szum2 421. en-e agrig mah-a-ni a2 ba-da-an-ag2 422. e2-ni? [...] 423. lugal-e sumur3? [...] szu ba-ra-an-ti 424. mu-un-dul-gin7 szu bi2-in-gur-gur igi bi2-in-ga2-ga2 425. {na4}na KA-KA szim-gin7 zu2 ba-ni-in-ra 426. gi su-lim-ma-ka i3-gin7 mu-ni-in-de2 427. u4-ta gissu-sze3 am3-e3-e 428. gissu-ta u4-sze3 am3-e3-e 429. mu 5(disz)-am3 mu 1(u)-am3 ba-zal-la-ri 430. gi su-lim-ma gin2-gin7 bi2-in-gaz 431. en-e igi hul2-la im-szi-in-bar 432. i3 li i3 li2 kur szuba-a-ka sag3-ga i-ni-in-de2 433. en-e kin-gi4-a kur-sze3 du-ur2 434. gidru szu-na mu-un-na-ga2-ga2 435. kin-gi4-a aratta{ki}-asz du-a-ni 436. u5{muszen}-gin7 hur-sag-ga2 nim-gin7 sahar nigin-a 437. |HI.SUHUR|{ku6}-gin7 kur ur3-ur3-ru-da-ni aratta{ki}-asz ba-te 438. kisal aratta{ki}-ka giri3 hul2-la mi-ni-in-gub 439. gidru TE SI na mu-un-gub 440. szu kin si bi2-in-sa2 a kin bi2-ib-ak-e 441. en aratta{ki}-ke4 gidru-ta igi tab-ba 442. itima-ka ki-tusz ku3-ga-ni-a ni2 im-kar2-kar2-ka 443. en-e sza3-tam-a-ni-ir gu3 mu-na-de2-e 444. aratta{ki} u8 sag2-gin7 he2-em kaskal-bi kur ki-bala he2-em 445. mah aratta{ki} ku3 {d}inanna-ke4 446. en kul-aba4{ki}-ra mu-na-an-szum2-ma-ta 447. lu2-kin-gi4-a mu-un-gi4-a-ni 448. {d}utu e3-de3 inim dugud pa e3-de3 449. a-da-al ku3 {d}inanna-ke4 igi me-szi-kar2-kar2 450. aratta{ki}-a lul-e me-a he2-en-de3-dib-e 451. al me-da-asz szu al-zil2-zil2-i-a 452. me-en-de3 sug4-ga lul-la-be2-esz2 453. en kul-aba4{ki}-ra {na4}gug lul-la-me-a mu-na-dur2-ru-ne-en-de3-en 454. en aratta{ki}-ke4 kin-gi4-a-ar 455. inim-ma dub mah-gin7 szu mu-na-an-se3 456. kin-gi4-a lugal-zu en kul-aba4{ki}-a-ra u3-na-du11 u3-na-de3-tah 457. ur na-an-ge6-ge ur na-an-babbar-re 458. ur na-an-su4-e ur na-an-dara4-e 459. ur na-an-sig7-sig7-ge ur na-an-gun3-gun3{gu2} ur hu-mu-ra-ab-szum2-mu 460. ur-gu10 ur-ra-ni a-da-min3 he2-em-da-e 461. a2-gal2 he2-zu e-ne-ra du11-mu-na-ab 462. ur5-gin7 hu-mu-na-ab-be2-a-ka 463. kin-gi4-a u2-lum a-lam mu-un-gen 464. szeg12 kul-aba4{ki}-ke4 egir se3-ga-gin7 inim mu-un-gi4 465. ud5-gin7 ka gaba kur-ra-ka igi mi-ni-ib-il2-il2-i 466. mir mah kiszi17-kiszi17-ta zi-ga-gin7 e2 me min3 mu-un-ta-la2-la2 467. x x x x-ka sag mi-ni-in-il2 468. [...] aratta{ki}-a-ke4 [...] 469. ki-tusz-a-ni-ta a mah e3-a-gin7 mu-un-na-ab-be2 470. kin-gi4-a en aratta{ki}-ra u3-na-du11 u3-na-de3-tah 471. tug2 na-an-ge6-ge tug2 na-an-babbar-re 472. tug2 na-an-su4-e tug2 na-an-dara4-e 473. tug2 na-an-sig7-sig7-ge tug2 na-an-gun3-gun3{gu2} tug2 ga-mu-na-ab-szum2 474. ur-gu10 gu2-da gal2 {d}en-lil2-la2 ur szu ga-mu-na-tak4 475. ur-gu10 ur-ra-ni a-da-min3 he2-em-di-e 476. a2-gal2 he2-zu-zu e-ne-ra du11-mu-na-ab 477. 2(disz)-kam-ma-sze3 u3-na-du11 u3-na-de3-tah 478. en3-tukum-sze3 lul-da LI-a he2-ni-ib-dib-e 479. iri-na udu-gin7 igi-ni hu-mu-un-su8-ub 480. e-ne sipa-bi-gin7 egir-bi he2-em-us2-e 481. du-a-ni kur ku3 {na4}za-gin3-na 482. gi nig2 dub-ba-gin7 gu2 hu-mu-na-ab-gar 483. ku3-sig17 ku3-babbar su3-ra2-ag2-bi 484. {d}inanna nin e2-an-na-ra 485. kisal aratta{ki}-ka guru7-sze3 hu-mu-un-dub-dub-bu 486. 3(disz)-kam-ma-sze3 u3-na-du11 u3-na-de3-tah 487. iri-ni ir7-sag{muszen}-gin7 gesz-bi-ta na-an-tar-ta-ta-an 488. [...]-gin7 na-an-dub2-be2-en 489. ganba gal2-la-gin7 na-an-si-ig-en 490. [...] lil2-e nam-mi-ni-in-dib-be2-en 491. du-a-ni na4 hur-sag-ga2 szu u3-mu-ni-in-ti 492. esz3 gal eridu{ki} abzu e2-nun ha-ma-du3-e 493. a-sal-bar-bi im-szu2-ra-ke4 szu ha-ma-ni-ib-tag-ge 494. gissu-bi kalam-ma ha-ma-ni-ib-la2-la2-e 495. inim du11-ga-ni [...]-szar2?-a-ka 496. geszkim-a-ni e-ne-ra du11-mu-na-ab 497. u4-ba en? [...]-ka-am3 498. [...] bara2-ga dur2 gar-ra numun nun-na-ke4-ne 499. x x 1(disz)-a mu2-a 500. du11-ga-ni mah-am3 sza3-bi su-su-a-am3 501. kin-gi4-a ka-ni dugud szu nu-mu-un-da-an-gi4-gi4 502. bar kin-gi4-a ka-ni dugud szu nu-mu-un-da-an-gi4-gi4-da-ka 503. en kul-aba4{ki}-a-ke4 im-e szu bi2-in-ra inim dub-gin7 bi2-in-gub 504. u4-bi-ta inim im-ma gub-bu nu-ub-ta-gal2-la 505. i3-ne-esz2 {d}utu u4 ne-a ur5 he2-en-na-nam-ma-am3 506. en kul-aba4{ki}-a-ke4 inim dub-gin7 bi2-in-gub ur5 he2-en-na-nam-ma 507. kin-gi4-a muszen-gin7 a2 dub2 i3-ak-e 508. ur-bar-ra masz2-e us2-sa-gin7 guru5-usz i3-bur2-bur2-re 509. hur-sag 5(disz) hur-sag 6(disz) hur-sag 7(disz)-e im-me-re-bala-bala 510. igi mu-un-il2 aratta{ki}-asz ba-te 511. kisal aratta{ki}-ka giri3 hul2-la mi-ni-in-gub 512. nam-nir-gal2 lugal-a-na mu-un-zu 513. bur2-ra-bi inim sza3-ga-na bi2-ib2-be2 514. kin-gi4-a en aratta{ki}-ra mu-na-ab-bala-e 515. a-a-zu lugal-gu10 mu-e-szi-in-gi4-in-nam 516. en unu{ki}-ga en kul-aba4{ki}-a-ke4 mu-e-szi-in-gi4-in-nam 517. lugal-zu du11-ga-ni nam-gu10 tah-a-ni nam-gu10 518. lugal-gu10 a-na bi2-in-du11 a-na bi2-in-tah-am3 519. lugal-gu10 {gesz}mesz3 gal dumu {d}en-lil2-la2-ke4 520. gesz-bi an ki-da mu2-a 521. pa-bi an-ne2 us2-sa-am3 522. ur2-bi ki-a gub-ba-bi 523. nam-en nam-lugal-la pa e3 ak-a 524. en-me-er-kar2 dumu {d}utu-ke4 im ma-an-szum2 525. en aratta{ki}-ke4 im igi u3-ni-bar sza3 inim-ma u3-bi2-zu 526. a-na ma-ab-be2-en-na-bi u3-mu-e-du11 527. a ru-a sun4 {na4}za-gin3 kesz2-da-ar 528. ab2 kal-la-ga-ni kur me sikil-la-ka tu-da-ar 529. sahar aratta{ki}-ka a2 e3-a-ar 530. ubur ab2 zi-da-ka ga gu7-a-ar 531. kul-aba4{ki} kur me gal-gal-la-ka nam-en-na tum2-ma-ar 532. en-me-er-kar2 dumu {d}utu-ra 533. inim-bi esz3 e2-an-na-ka inim du10 ga-mu-na-ab-du11 534. ge6-par4 {gesz}mesz3 gibil-gin7 gurun il2-la-na 535. lugal-gu10 en kul-aba4{ki}-ra szu-a ga-mu-na-ab-gi4 536. ur5-gin7 hu-mu-na-ab-be2-a-ka 537. en aratta{ki}-ke4 kin-gi4-a-ar 538. im szu-rin-na-ni szu ba-szi-in-ti 539. en aratta{ki}-ke4 im-ma igi i-ni-in-bar 540. inim du11-ga gag-am3 sag-ki mi-re2-da-am3 541. en aratta{ki}-ke4 im szu-rin-na-ni igi im-bar-bar-re 542. u4-ba en men nam-en-na tum2-ma dumu {d}en-lil2-la2-ke4 543. {d}iszkur an ki-a gu3 nun-bi di-dam 544. u4 du7-du7 ug gal-la ki x x-ka nam-mi-ni-in-gub 545. kur-kur [...] mu-un-tuk4-tuk4-e 546. hur-sag [...] mu-un-da-pesz11-pesz11-e 547. ni2 me-lam2? x x gaba-na gal2-la-bi 548. hur-sag giri17-zal-la gu3 mi-ni-in-il2 549. aratta{ki} bar u4-bi sza3 hur-sag-ga2-ka 550. gig ni2-bi mu2-a gu2 ni2-bi an-ga-mu2-a 551. gig ni2-bi mu2-a guru7 x x-ka 552. en aratta{ki}-ra mu-na-ni-in-ku4-ku4 553. kisal aratta{ki}-a-ka igi-ni-sze3 i-im-dub? 554. en aratta{ki}-ke4 gig-e igi bi2-in-du8 555. kin-gi4-a igi sag3-sag3-a-ni mu-un-szi-ib-|UR2xKID2|-|UR2xKID2|-e 556. en aratta{ki}-ke4 kin-gi4-a-ar gu3 mu-un-na-de2-e 557. mah-bi {d}inanna nin kur-kur-ra-ke4 558. iri-ni aratta{ki} szu li-bi2-in-dag unu{ki}-e la-ba-an-KA 559. e2-za-gin3-na-ka-ni szu li-bi2-in-dag esz3 e2-an-na-ka la-ba-an-KA 560. kur me sikil-la-ka szu li-bi2-in-dag szeg12 kul-aba4{ki}-a-ke4 la-ba-an-KA 561. gesz-nu2 sze-er-kan2 du11 szu li-bi2-in-dag gesz-nu2 gi-rin-na la-ba-an-KA 562. en-ra szu sikil-la-ka-ni szu li-bi2-in-dag en unu{ki}-ga en kul-aba4{ki}-a-ra la-ba-an-KA 563. aratta{ki} zi-da gab2-bu-ba 564. {d}inanna nin kur-kur-ra-ke4 565. a mah e3-a-gin7 mu-un-na-nigin2-nigin2 566. lu2-be2-ne lu2-lu2-ta dar-a 567. lu2 {d}dumu-zi-de3 lu2-ta e3-a-me-esz 568. inim ku3 {d}inanna ki-bi-sze3 gar-gar-me-esz 569. ur igi-gal2-la DA-A-SAR {d}dumu-zi-da he2-szi-im-nigin2-nigin2 570. ul4 ga2-nam-ma dumu ur4-[...] 571. igi a-ma-ru-ka gub-ba-me-esz 572. egir a-ma-ru ba-ur3-ra-ta 573. {d}inanna nin kur-kur-ra-ke4 574. nam gal ki ag2 {d}dumu-zi-da-ke4 575. a nam-ti-la-ka mu-un-ne-su3-su3 576. gu2 kalam-ma-ka gesz mu-un-ne-en-gal2 577. ur igi-gal2-la du-a-ni 578. {tug2}sagszu gun3-a ugu-na i-im-szu2 579. {tug2}pirig-pirig-ga2 za3 mu-ni-in-kesz2 580. x il2-la x szu? mi-ni-in-du8-x-am3 581. [...]-te-na mi-ni-in-du11 582. [...] nin [...] ba-an-PA di 583. [...]-a-ni 584. [...] {d}inanna 585. en3-du-ni {d}ama-uszumgal-an-na nitalam-a-na ba-du10 586. u4-bi-ta gesztu2 ku3 gesztu2 ku3 {d}dumu-zi-da-ke4 587. szu mu-ni-in-du7 szir3 mu-ni-in-du11 inim mu-ni-in-zu 588. um-ma kur me sikil-sze3 du-a-ni 589. ki-sikil u4-da-na til-la-gin7 im-ma-na-ta-e3 590. szembi2-zi-da igi-na mu-un-gun3 591. tug2 babbar-ra za3 mu-ni-in-kesz2 592. aga zi-da iti6-gin7 mu-un-e3 593. x x x sag si ba-ni-in-sa2 594. nitalam-a-ni en-me-er-kar2 bara2-ge4 mu-un-da-ab-si 595. [...] um-mi-in-zi-zi 596. ga-nam im-da-lu-lu aratta{ki}-asz u8-da sila4-bi 597. ga-nam im-da-lu-lu aratta{ki}-asz ud5-da masz2-bi 598. ga-nam im-da-lu-lu aratta{ki}-asz ab2-da amar-bi 599. ga-nam im-da-lu-lu aratta{ki}-asz eme5 dur3{ur3} kas4 ge6-ga-bi 600. aratta{ki}-a na-an-da-be2-a 601. guru7-sze3 he2-em-dub-dub gu2 he2-em-gar-gar 602. he2-gal2 za-a he2-gal2-zu 603. [...] en aratta{ki}-ra u3-mu-ni-in-ak 604. [...] x x x RA he2-en-x x 605. [...] mu-un-di-ni-ib-x-e 606. [...] mu-un-ta-e3 607. [...] si mu-un-na-ab-sa2 $ 3 lines missing 611. [...] me-te-asz [...] gal2 612. [...] x SI i-lu sza3-ga [...] x 613. [...]-ni-a he2-gal2-zu AN [...] 614. [...] {d}en-lil2-le sa12-esz mu-ri-in-rig7 x-la-la-ga2 he2-zu-zu 615. [...] kar2 a-a-ni nu-lam-lam a nu-un-de2 616. {d}en-lil2 lugal kur-kur-ra-ke4 hu-mu-un-kar2?-re ni2-ba 617. esz2-gar3 im-ma-an-du3-a-gin7 618. nam-lu2-u18-lu aratta{ki}-a-ke4 619. ku3-sig17 ku3 {na4}za-gin3 bala ak-de3 esz2-gar3 x x x 620. lu2 gurun ku3-sig17 gurun gesz gub-bu-de3 621. {gesz}pesz3 gesztin-ba nig2-ta ub4-ba-gin7 guru7 gal-sze3 u3-mu-un-dub 622. {na4}za-gin3 duru5 ur2-ba mu-un-bur2-re-ne 623. {gi}uszub pa-ba mu-un-ta-bala-e-ne 624. {d}inanna nin e2-an-na-ra 625. kisal e2-an-na{ki}-ka guru7-sze3 mu-un-dub-bu-ne 626. lugal-gu10 ga2-nu na ga-e-de5 na de5-gu10 he2-e-dab5 627. inim ga-ra-ab-du11 gizzal he2-e-ak 628. lu2 x BI? e kur-kur-ra ug3-e u3-un-pa3 629. nam-lu2-ulu3 aratta{ki}-ke4 630. x-me-esz2 i-im-da he2-em-me-ne 631. ge26-e gu2-e-ta du-a-gu10-ne 632. nam-lugal-gu10 nin mul-mul-e ma-an-szum2 633. {d}gesztin-an-na [...] 634. iri-ba lil2 [...] 635. ezem nu-mu-[...] 636. u4 szu2-usz nam-[...] $ rest broken
Total 3 record(s)