&P469530 = CDLI Literary 000351 (Ninurta's Exploits [Lugale]) composite #atf: lang sux @object composite text @surface a 0. an lugal dingir-re-e-ne-ke4 nir-gal2 >>Q000351 000 # (1 ms. adds before line 1) 1. lugal u4 me-lam2-bi nir-gal2 >>Q000351 001 2. {d}nin-urta sag-kal usu mah tuku kur a-ga-na lah4 >>Q000351 002 3. a-ma-ru mir-DU nu-kusz2-u3 ki-bala ga2-ga2 >>Q000351 003 4. ur-sag me3-sze3 ti-na gub-bu >>Q000351 004 5. en szu silig-ga {gesz}mi-tum-sze3 gal2 >>Q000351 005 6. gu2 nu-sze-ga sze-gin7 gur10 su-ub-bu >>Q000351 006 7. {d}nin-urta lugal dumu a-a-ni kal-ga-ni-sze3 hul2-la >>Q000351 007 8. ur-sag ni2 ulu3-gin7 kur-ra dul-lu >>Q000351 008 9. {d}nin-urta aga zi {d}asznan-an-na igi nim gir2 du7-du7 >>Q000351 009 10. sun4 nun-e a za-gin3 ru-a uszum ni2-ba gur-gur >>Q000351 010 11. za3 pirig-e musz-e-esz eme e3-de3 gu3-an-ne2-si ka si-il-le >>Q000351 011 12. {d}nin-urta lugal {d}en-lil2-le ni2-te-na dirig-ga >>Q000351 012 13. ur-sag {sa}szu2-usz-gal lu2-erim2-ra szu2-a >>Q000351 013 14. {d}nin-urta ni2 gissu-zu kalam-ma la2-a >>Q000351 014 15. sumur ki-bala-sze3 tum3 ukken-bi dul-dul >>Q000351 015 16. {d}nin-urta lugal dumu a-a-ni-ir su3-u4-bi-sze3 giri17 szu gal2 >>Q000351 016 17. {gesz}gu-za bara2 mah-e si-a-ni ni2 gal gur3-ru-ni >>Q000351 017 18. ezem gar-ra-ni hul2-la-na dagal-bi tusz-a-ni >>Q000351 018 19. an {d}en-lil2-da za3 sza4-a-ni kurun du10-ge-da-ni >>Q000351 019 20. {d}ba-ba6 a-ra-zu lugal-la-ka u3-gul ga2-ga2-da-ni >>Q000351 020 21. {d}nin-urta dumu {d}en-lil2-la2-ke4 nam tar-re-da-ni >>Q000351 021 22. u4-bi-a en-na {gesz}tukul-a-ni kur-ra igi mi-ni-gal2 >>Q000351 022 23. szar2-ur3-e an-ta lugal-bi-ir gu3 mu-na-de2-e >>Q000351 023 24. en {gesz}gal an-na gu2-en bara2-ge si >>Q000351 024 25. {d}nin-urta du11-ga-zu nu-kur2-ru nam tar-ra-zu szu zi-de3-esz gar >>Q000351 025 26. lugal-gu10 an-e ki sig7-ga gesz3 im-ma-du11 >>Q000351 026 27. {d}nin-urta ur-sag ni2 nu-zu a2-sag3 mu-un-szi-ib-tu-u4 >>Q000351 027 28. dumu um-me ga nu-tusz-a ne3 ga gu7-a >>Q000351 028 29. lugal-gu10 bulug3 a-a nu-zu gab2-gaz kur-ra-ka >>Q000351 029 30. szul ir-ta e3-a igi tesz2 nu-gal2-la >>Q000351 030 31. {d}nin-urta nita ni2 il2-il2-i alan-da hul2-la >>Q000351 031 32. ur-sag-gu10 gu4-dam za3-gu10 ga-bi2-ib2-us2-e >>Q000351 032 33. lugal-gu10 lu2 iri-ni-sze3 gur-ra ama-ni-sze3 ak-a >>Q000351 033 34. kur-ra sza3 i-ni-bala numun-bi ba-tal2-tal2 >>Q000351 034 35. tesz2-ba mu bi2-ib2-sa4 u2 lugal-bi-sze3 >>Q000351 035 36. murub4-ba am gal-gin7 a2 ba-ni-ib-il2-il2-i >>Q000351 03637. {na4}szu-u {na4}sag-kal {na4}esi {na4}u2-si-um {na4}ka-gen6-na37. {na4}szu-u {na4}sag-kal {na4}esi {na4}u2-si-um {na4}ka-gi-na >>Q000351 037 38. ur-sag {na4}nu11 gar3-ra-du-um-bi iri{ki} im-ma-ab-lah4 >>Q000351 038 39. kur-ra zu2 {kusz}u2-a mu-ne-mu2 gesz mi-ni-ib-ur3-ur3 >>Q000351 039 40. a2-ba iri{ki}-ba dingir-be2-ne ki-bi-sze3 ba-an-gam-e-esz >>Q000351 040 41. lugal-gu10 ur5-re bara2 ba-ri a2 tu-lu nu-gi4-e >>Q000351 041 42. {d}nin-urta en za-gin7 kalam-ma di-bi szi-in-ga-ku5-de3 >>Q000351 042 43. a2-sag3-a me-lam2-ba a-ba szu mi-ni-ib-tu-tu >>Q000351 043 44. sag-ki-ba gal-gal a-ba ib2-ta-ga2-ga2 >>Q000351 044 45. su2 im-sag3 ni2 su-e bi2-ib-us2 >>Q000351 045 46. igi-bi ki-bi-sze3 ba-ni-ib-gar >>Q000351 046 47. lugal-gu10 kur-re nidba-bi ki-bi-sze3 ba-ab-su >>Q000351 047 48. ur-sag a-a-zu-sze3 en3 mu-e-szi-tar >>Q000351 048 49. dumu {d}en-lil2-la2 en a2 mah-zu-usz ki mu-e-szi-ib2-kin >>Q000351 049 50. lugal-gu10 kal-ga-zu-sze3 ad mu-e-szi-ib-gi4 >>Q000351 050 51. {d}nin-urta za3-zu ur-sag 1(disz) nu-tusz-a ba-ab-du11 >>Q000351 051 52. |UR.GA|-ru-sze3 a2 mu-e-szi-ib-ag2 >>Q000351 052 53. ur-sag nam-lugal-zu tum3-de3 tar-tar-ra mu-un-gal2 >>Q000351 053 54. {d}nin-urta me abzu-zu szu si sa2-bi geszkim i-im-ti >>Q000351 054 55. igi im-sag3-sag3 ki-tusz im-kur2-re >>Q000351 055 56. a2-sag3-e u4 szu2-usz ki-sur-ra a2-ba mi-ni-ib-ku4-ku4 >>Q000351 056 57. {gesz}rab3 dingir-re-e-ne na-dab5-en >>Q000351 057 58. dara3 an-na kur umbin ba-e-zukum >>Q000351 058 59. {d}nin-urta en dumu {d}en-lil2-la2 a-na zi-bi mu-un-gi4 >>Q000351 059 60. a2-sag3 zi-ga-bi szu la-ba-gal2 dugud-da-bi im-gu-ul >>Q000351 060 61. ugnim-bi-ta KA ib2-ta-de6 erin2-bi igi la-ba-te-ge26 >>Q000351 061 62. ur5-ra kal-ga-bi sag im-gi4 {gesz}tukul-e gesz la-ba-ab-kin >>Q000351 062 63. {d}nin-urta |SZEN.SZITA2| szukur mah-e su-bi nu-dar-e >>Q000351 063 64. ur-sag na-me-gin7 na-ra-dim2 >>Q000351 064 65. en me mah-e a2-kusz3 su3-su3 >>Q000351 065 66. sze-er-zi me-te dingir-re-e-ne >>Q000351 066 67. gu4 musz3-ba am gal murgu tuku lal3 gal-zu ur5-ra >>Q000351 067 68. {d}nin-urta alan-za {d}en-ki-ke4 igi bar-bar-ra-gu10 >>Q000351 068 69. {d}u4-ta-u18-lu en dumu {d}en-lil2-la2 a-na ak?-gu10 >>Q000351 069 70. en-e u3-u8 bi2-in-du11 an ba-sag3 ki giri3-ni-sze3 ba-tusz >>Q000351 070 71. a2-ba i-ni-in-gi4 {d}en-lil2 ba-suh3 e2-kur-ra ba-ta-e3? >>Q000351 071 72. kur ba-gul ki u4-ba ba-ku10-ku10 {d}a-nun-na ba-tar-ra-asz >>Q000351 072 73. ur-sag-e hasz2 tibir-ra bi2-in-ra dingir ba-bir-bir-re-esz >>Q000351 073 74. {d}a-nun-na udu-gin7 ki-szar2-ra ba-e-e11-ne-re7{re}-esz >>Q000351 074 75. en zi-ga-ni an-ne2 im-us2 >>Q000351 075 76. {d}nin-urta me3-sze3 du-ni gaba danna bi2-in-sa2 >>Q000351 076 77. u4-dam i3-du7-du7 ki-bala-sze3 tum9 8(disz) mu-un-u5 >>Q000351 077 78. gesz-gid2-da a2 i3-ur4-ur4-re >>Q000351 078 79. {gesz}mi-tum-e kur-sze3 ka ba-ab-du8 >>Q000351 079 80. {gesz}tukul-e gu2-erim2-sze3 tesz2-bi i3-gu7-e >>Q000351 080 81. im-hul u18-lu gesz-a mu-un-du3 >>Q000351 081 82. mar-uru5 sze-ba mu-un-ne-en-gub >>Q000351 082 83. ur-sag-ra uru2 mah sag gi4-a igi-sze3 mu-un-na-gen >>Q000351 083 84. sahar i3-zi-zi sahar i3-ga2-ga2 >>Q000351 084 85. du6-du6 dul2-la2 mu-un-si-ge4 a-ga-zi i3-tu11-be2 >>Q000351 085 86. u3-dub2 i3-szeg3 izi i3-su3-su3-su3 izi lu2 ba-an-zal-e >>Q000351 086 87. gesz mah ur2-bi-a mu-un-bala-e {gesz}tir-ra guru5 i-i >>Q000351 087 88. ki sza3-bi szu ba-szi-ri-ri a gig-ga i-i >>Q000351 088 89. {i7}idigna i3-suh3 i3-ur4-ur4 i3-lu3 szu im-tu-bu-ur >>Q000351 089 90. {gesz}ma2-kar-nun-ta-e3-a me3-sze3 giri3 im-mi-ib2-ul4-e >>Q000351 090 91. ug3-bi ki du-bi nu-un-zu e2-gar8 du3 i3-ak-ne >>Q000351 091 92. muszen dal-le-bi sag ib2-ta-de6 a2-bi ki mu-un-te-ge26-e >>Q000351 092 93. ku6-bi engur-ra u4 mi-ni-ib-ra ka mu-un-ba-ba-e >>Q000351 093 94. edin-na masz2-ansze-bi u2-ku-uk mi-ni-ib-du11 bir5-re-esz szu mi-ni-hu-uz3 >>Q000351 094 95. a-ge6 zi-bi gul-bi kur gul-gul >>Q000351 095 96. ur-sag {d}nin-urta ki-bala-a im-ma-DU i3-tuku >>Q000351 096 97. lu2 im2-ma-bi kur-ra im-ra iri-ba bu-du-ug im-za >>Q000351 097 98. gu4 a-ra-bi girisz-gin7 gir2-gir2-e ugu-ugu-bi mu-un-szu2 >>Q000351 098 99. szu-bi {u2}|KI.KAL|-gin7 tesz2 gesz mu-un-ri >>Q000351 099 100. sag-bi e2-gar8-e kas4 bi2-ib-kar-re >>Q000351 100 101. kur-ra gesz-nu11-bi dili ba9-ra2 nu-ga2-ga2 >>Q000351 101 102. zi-bi gaba-bi i-im-il2-il2 >>Q000351 102 103. ug3-bi tu-ra szu gu2 za3 bi2-ib2-la2 >>Q000351 103 104. ki-a asz2 im-mi-ib-sar-re-ne >>Q000351 104 105. u4 tu-da a2-sag3 u4 ha-lam-ma-bi-a ba-ni-ib-ga2-ga2-ne >>Q000351 105 106. en-e ki-bala-a-sze3 usz11 ze2-a i-ni-in-de2 >>Q000351 106 107. du-ni ze2 mu-un-us2 lipisz sumur mu-un-tag >>Q000351 107 108. i7 mah-gin7 mi-ni-ib-be2 i3-ur4-ru gu2-erim2-sze3 >>Q000351 108 109. {gesz}tukul sag pirig3-ga2-ni-a sza3 mu-un-na-ab-zalag-ge >>Q000351 109 110. muszen-gin7 i3-dal-e kur mu-na-ab-zukum-e >>Q000351 110 111. nu-sze-ga tum3-de3 a2 dub2 i3-ak-e >>Q000351 111 112. a-na ak-e zu-zu-de3 an-ur2 im-nigin2-nigin2 >>Q000351 112 113. ul du gaba mu-un-ru-gu2 inim-bi mu-un-na-ab-tum3 >>Q000351 113 114. nu-kusz2-u3 la-ba-tusz-u3 a2-bi mar-uru5 de6 >>Q000351 114 115. szar2-ur3-re en {d}nin-urta-ra a gu3 a-na bi2-ib-dab5 >>Q000351 115 116. ad gi4-a kur-ra szu im-mi-ib-gi4-gi4 >>Q000351 116 117. en {d}nin-urta-ra se3-ge5 ak mu-na-bur2-bur2-re >>Q000351 117 118. inim du11-ga a2-sag3-a gu-gin7 i3-si-il-le >>Q000351 118 119. ur-sag ni2-zu-sze3 du10-ge-esz mu-na-ab-be2 >>Q000351 119 120. {gesz}tukul-e ki ag2-ra gu2-da mu-ni-in-la2 >>Q000351 120 121. szar2-ur3-e en {d}nin-urta-ra gu3 mu-na-de2-e >>Q000351 121 122. ur-sag a-RU-ub {sa}szu2-usz me3 >>Q000351 122 123. {d}nin-urta lugal {gesz}szita2 an-na erim2-sze3 SZID nu-ru-gu2 >>Q000351 123 124. kal-ga u4 ki-bala-a du3 a-ge6-a buru14 su-su >>Q000351 124 125. lugal me3 igi im-gar KA-bi-a mu-un-ri-esz >>Q000351 125 126. {d}nin-urta sa-par3-gin7 u3-mu-e-dub {gesz}utug mah-gin7 u3-mu-e-szub >>Q000351 126 127. en mir-DU an-na {gesz}gag-a {gesz}tukul-e a tu5-bi2-ib2 >>Q000351 127 128. {d}nin-urta ur-sag ug5-ga-za mu-bi he2-pa3-de3 >>Q000351 128 129. ku-li-an-na uszum nig2-babbar2-ra >>Q000351 129 130. uruda nig2 kal-ga ur-sag szeg9-sag-6(disz) >>Q000351 130 131. ma2-gi4-lum en {d}saman-an-na >>Q000351 131 132. gu4-alim lugal {gesz}geszimmar >>Q000351 132 133. muszen anzu{muszen} musz-sag-7(disz) >>Q000351 133 134. {d}nin-urta kur-ra he2-mu-e-ni-ug5 >>Q000351 134 135. en me3 ne-en rib-ba-sze3 ba-ra-ab-szi-gen-ne2-en >>Q000351 135 136. {gesz}tukul sag3-ge ezem nam-gurusz-a >>Q000351 136 137. eszemen {d}inanna-ke4 a2-zu ba-ra-ni-zi >>Q000351 137 138. en me3 mah-e la-ba-e-du-un na-ab-ul4-en giri3 ki-a si-bi2-ib >>Q000351 138 139. {d}nin-urta a2-sag3-e kur-ra giri3 mu-e-szi-ni-gub-gub >>Q000351 139 140. ur-sag aga-na gal sig7-ga >>Q000351 140 141. dumu-sag {d}nin-lil2-le hi-li-a nu-til-e >>Q000351 141 142. en zi en-ra nun-e tu-u4-da >>Q000351 142 143. ur-sag {d}suen-gin7 si mu2-mu2 >>Q000351 143 144. lugal kalam-ma-ra ti u4 su3-ra2 >>Q000351 144 145. usu mah an-na-ra an ba9-ra2 >>Q000351 145 146. a ur4-ra KA pesz10 sa ur4-ra >>Q000351 146 147. {d}nin-urta en ni2 husz ri-a kur-ra sag szum2-mu >>Q000351 147 148. ur-sag gal tab-ba nu-tuku-tuku >>Q000351 148 149. a2-sze a2-sag3-ge nu-se3-ge >>Q000351 149 150. {d}nin-urta gurusz-zu kur-ra nam-ba-ni-ib-ku4-ku4 >>Q000351 150 151. ur-sag dumu ka silim-ma a-a-na >>Q000351 151 152. gal-zu sa2 galam-ma-ta e11-de3 >>Q000351 152 153. {d}nin-urta en dumu {d}en-lil2-la2 gesztu2 dagal dingir sze IB >>Q000351 153 154. en-e hasz2 mu-un-gid2 dur3{ur3} mu-dur2-ru >>Q000351 154 155. [...] zu2? kesz2-da za3 mu-ni-in-kesz2 >>Q000351 155 156. x mah? su3-ra2-ni kur-ra bi2-in-la2 >>Q000351 156 157. x x x-gin7 ug3-ba mi-ni-in-e3 >>Q000351 157 158. bad3? x x tusz-a-ke4 sa2 ba-an-du11 >>Q000351 158 159. me3 sag-gin7 ki-bala-a ba-an-gen >>Q000351 159 160. gesz-gid2-da-ni a2 im-ma-an-ag2 IM gu-bi-sze3 im-la2 >>Q000351 160 161. en-e {gesz}tukul-a-ni gu3 ba-an-de2 zu2 kesz2-bi-sze3 ba-gen >>Q000351 161 162. ur-sag-e me3-sze3 sag ba-an-szum2 an ki-e ba-la2 >>Q000351 162 163. {gesz}ilar {kusz}gur21{ur3}-e si bi2-in-sa2 kur ba-gul ba-sal >>Q000351 163 164. za3 zu2 kesz2 me3 {d}nin-urta-ka-sze3 >>Q000351 164 165. ur-sag-e {gesz}tukul-a-ni-sze3 da-da-ra di-da-ni >>Q000351 165 166. {d}utu la-ba-gub {d}suen ba-an-ku4 >>Q000351 166 167. kur-ra sag di-da ba-da-ha-lam u4 esir-re-esz ba-an-du3 >>Q000351 167 168. a2-sag3 me3 sag-ba mu-un-zi >>Q000351 168 169. an nam {gesz}tukul-sze3 ur2-ba mi-ni-in-bur12 szu im-ma-an-ti >>Q000351 169 170. musz-gin7 sag ki-a im-mi-ib2-be2 >>Q000351 170 171. ur-idim lu2-erim2-sze3 kun su3 dim3-ma ug5-ge >>Q000351 171 172. a da-bi-a mu-un-sur-sur-re >>Q000351 172 173. a2-sag3 {d}nin-urta dumu {d}en-lil2-la2-sze3 e2-gar8-gin7 mu-un-szi-gul-lu >>Q000351 173 174. u4 nam-tag-ga-gin7 gu3 husz bi2-ib2-ra >>Q000351 174 175. musz-sag-kal-gin7 kalam-ma szeg11 bi2-in-gi4 >>Q000351 175 176. kur-ra a mi-ni-ib2-had2 {gesz}szinig mi-ni-ib2-ur3 >>Q000351 176 177. ki-a su bi2-ib2-dar simx(GIG)-ma bi2-ib2-gar >>Q000351 177 178. gesz-gi izi ba-ab-szum2 an-e usz2 bi2-ib2-tu5 >>Q000351 178 179. sza3-ge ti ba-ab-bala ug3-bi sag2 ba-ab-du11 >>Q000351 179 180. i3-ne-esz2 u4-da a-sza3-ga uh3 ge6 >>Q000351 180 181. me-da ur2 an-na he-me-da-gin7 su2-a-sze3 ur5 he2-en-na-nam-ma-am3 >>Q000351 181 182. an ib2-dub2 ba-tusz sza3 szu ba-szi-ib-ri >>Q000351 182 183. {d}en-lil2 ib2-ur4-ur4 da-sze3 im-szi-ib-ri >>Q000351 183 184. {d}a-nun-na-ke4-ne e2-gar8-e ba-ab-ha-ha-za >>Q000351 184 185. tu{muszen}-gin7 e2 ni2 te-ta gu3 im-ma-ni-ib2-be2 >>Q000351 185 186. kur gal {d}en-lil2-le {d}nin-lil2-ra gu3 mu-na-de2-e >>Q000351 186 187. nitalam-gu10 dumu-gu10 nu-ba-tusz ge26-e a-na mu-zi-zi >>Q000351 187 188. en tesz2 e2-kur-ra lugal rab3? mah? a-a-na >>Q000351 188 189. {gesz}erin abzu-a mu2-a aga gissu dagal-la >>Q000351 189 190. dumu ki ni2 dub2-bu-gu10 nu-ba-tusz szu-gu10 a-ba ba-gid2-i-de3 >>Q000351 190 191. {gesz}tukul en-ra ki ag2 lugal-bi-ir gesz tuku >>Q000351 191 192. szar2-ur3-re en {d}nin-urta-ra >>Q000351 192 193. [...] nibru{ki}-sze3 a-a-ni-ir [...] >>Q000351 193 194. [...] ni2 me-lam2 tug2-gin7 bi2-[...] >>Q000351 194 195. [...] ba-an-la2 en ur5-re-esz [...] >>Q000351 195 196. {gesz}tukul-e [...] {d}en-lil2-ra gu3 mu-na-de2-e >>Q000351 196 197. [...] dumu-zu-ur2 a2-sag3 [...] >>Q000351 197 198. [...] x x x [...] >>Q000351 198 199. [...] >>Q000351 199 200. [...] >>Q000351 200 201. [...] >>Q000351 201 202. [...] >>Q000351 202 203. [...] >>Q000351 203 204. [...] >>Q000351 204 205. [...] >>Q000351 205 206. [...] >>Q000351 206 207. [...] >>Q000351 207 208. [...] >>Q000351 208 209. [...] >>Q000351 209 210. [...] >>Q000351 210 211. [...] x kur-kur? [...] >>Q000351 211 212. [...] in-da-sa2? ki-bala giri3? [...] >>Q000351 212 213. [...] x x u4? nu-dib-ba igi-gu10 ba-ab-gal2? [...] >>Q000351 213 214. [...] x NE a2? he2-en-gal2 en-zu gaba-zu mu-un-zi >>Q000351 214 215. [...] {d}nin-urta ni2-te-a-na geszkim i-im-ti >>Q000351 215 216. [...]-un-til-la i-im-gub a u4-gin7 ba-an-ta-had2 >>Q000351 216 217. [...]-ba-gu10? zi du10-ge-esz mi-ni-pa-ag2 hul2-hul2-le i-im-gub >>Q000351 217 218. x ur-sag? {d}nin-urta-ka-sze3 tum9-tum9 hul sukud-de3 >>Q000351 218 219. [...] x-ba e-ne-am3 kur na-mu-un-tum3 a2-ni u6 im-me >>Q000351 219 220. i3-ne-esz a2 im-ma-ag2 inim im-ma-ab-dab5-be2 >>Q000351 220 221. [...]-ib-szar2 geszkim ti-la dirig nam-ba-gir2-gir2-re >>Q000351 221 222. x x-a-ni a-sza3 he2-em-mi-in-dab5 ug3 nam-ta-ab-la2-e >>Q000351 222 223. x x gan2?-e numun na-an-ga-ma-ab-kal-le >>Q000351 223 224. {d}en-lil2-me-en nam a-na-tar-ra-ga2 mu-bi na-ab-ha-lam-e >>Q000351 224 225. {gesz}tukul-e sza3? x x-bi im-hun hasz2 ba-ni-in-ra >>Q000351 225 226. szar2-ur3-re du10 i-ni-in-bad ki-bala-a i-in-bur2 >>Q000351 226 227. en {d}nin-urta-ra hul2-la-a inim mu-na-ni-ib-be2 >>Q000351 227 228. lugal-gu10 [...]-zu a-na bi2-in-du11-ga-ta >>Q000351 228 229. a-ma-ru usz7 [...]-da-gar-a lu2-ra su3-su3-de3 >>Q000351 229 230. a2-sag3 ne3-ba szu a-ba-ni-ti ze2 ba-ni-in-su3 >>Q000351 230 231. dumu-gu10 e2-kur-ra hu-mu-da-ku4-ku4 >>Q000351 231 232. {d}nin-urta ug3-gu10 su3-u4-sze3 me-tesz2 hu-mu-i-i >>Q000351 232 233. en du11-ga a-a-na-sze3 gal2-la >>Q000351 233 234. usu mah {d}en-lil2-la2 na-an-gub-be2-en >>Q000351 234 235. u4 ki-bala kur zid2-gin7 pesz-e-de3 >>Q000351 235 236. {d}nin-urta kiszib3-la2 {d}en-lil2-la2 gen-a na-gal2-en >>Q000351 236 237. lugal-gu10 a2-sag3 im-du3-a e2-gar8 gag ak-a >>Q000351 237 238. bad3? dirig-ga szu nu-ru-gu2-da >>Q000351 238 239. [...] x ur5 gu7-u3-bi nu-be4-e >>Q000351 239 240. [...] x BI? nu-zi-zi-i >>Q000351 240 241. nam-ug5?-ge x [...] nu-zu-e sag-ba mu-ri-ib-us2 >>Q000351 241 242. im-hul sag-ga2 [...] x mu-un-dab5-be2 >>Q000351 242 243. lugal-gu10 me3 gesz-bar-re [...] x-ba ba-ni-ib2-sa2-sa2 >>Q000351 243 244. {d}nin-urta {gesz}tukul szuku [...]-ra ka ba-ab-du8? >>Q000351 244 245. gesz-gid2-da kur-re i-in-si? [...] mu-un-[...] >>Q000351 245 246. en?-e dungu-sze3 a2 [...] su3 >>Q000351 246 247. u4 ku10-ku10-ga-sze3 ba-an-ku4 [...] >>Q000351 247 248. u4-gin7 gu3 ba-an-de2 [...] >>Q000351 248 249. x i gesz-gid2-da [...] >>Q000351 249 250. {d}nin-urta x [...] >>Q000351 250 251. en-e tum9 x [...] >>Q000351 251 252. me3-ni kur-ra bar-us2 ba-ni-ib-ra >>Q000351 252 253. szar2-ur3-e tum9 an-sze3 ba-te ug3-bi sag2 ba-ab-du11 >>Q000351 253 254. |KA.GAG.KA|-gin7 i3-bu-bu-de3 >>Q000351 254 255. ah6-bi iri ni2-ba mu-un-gul-e >>Q000351 255 256. {gesz}tukul za3 sag11 di-da kur-re izi ba-szum2 >>Q000351 256 257. mi-tum-e zu2 sis-a sag im-tu10-tu10 >>Q000351 257 258. szita lipisz dirig-ga-e giri17 i3-dub-dub-be2 >>Q000351 258 259. gesz-gid2-da ki-a ba-ab-du3 sur3 mud-e bi2-ib-tum3 >>Q000351 259 260. ki-bala-a ga-gin7 ur-e ba-an-de2 >>Q000351 260 261. lu2-erim2-e i-zi dam dumu-bi gu3 ba-an-de2 >>Q000351 261 262. en {d}nin-urta-ra a2 nu-mu-e-zi >>Q000351 262 263. {gesz}tukul-e kur sahar-da im-da-ab-szar2 pesz a2-sag3-a nu-ub-tuk4 >>Q000351 263 264. szar2-ur3-e en-ra szu gu2-bi-sze3 ba-an-na-ni-ib-ri-ri >>Q000351 264 265. e ur-sag a-na in-ga-ra-gal2-la >>Q000351 265 266. mir kur-ra-ke4 ba-ra-bi2-tag-tag-ge4? >>Q000351 266 267. {d}nin-urta en dumu {d}en-lil2-la2 u4-gin7 szi-in-ga-du3 >>Q000351 267 268. u3-bu-bu-ul e3-a-bi nu-du10-ga >>Q000351 268 269. asz-gin7 giri17 e3-a-bi nu-se3-ge >>Q000351 269 270. en inim gib sza3-sze3 nu-ra-gid2 >>Q000351 270 271. lugal-gu10 dingir-gin7 mu-ra-an-du3 a-ba sag ma-ra-ab-us2-e >>Q000351 271 272. ur-sag muru9-a ki ba-ab-us2 naga-am3 ki? [...] x RI? >>Q000351 272 273. {d}nin-urta dur3{ur3} kur-ra mu-ni-in-sar-sar-re >>Q000351 273 274. ni2 me-lam2-e sahar i3-ur4-ru szika im-e-esz i3-szeg3 >>Q000351 274 275. ki-bala-a pirig zu2 sis mu-un-ra lu2 nu-mu-ni-in-dab5-be2 >>Q000351 275 276. mir mir-ra lil2 tesz2 im-gaz-za-ta ur5 tu11 mu-e-ak-e >>Q000351 276 277. amasz lil2-la2-en-da igi tab-ba a ki-a mi-ni-ib-had2 >>Q000351 277 278. u4 tesz2-e ri-a ug3 im-til a2-szu-du7 nu-tuku >>Q000351 278 279. lu2-erim2 zi sza3-ge nu-gal2-la >>Q000351 279 280. ur-sag gal en gaba-zu zi-ga-ab si-ga-bi im-me >>Q000351 280 281. en-e kur-ra dum-dam mu-ni-ib-za szeg11 gi4 nu-mu-un-gul-e >>Q000351 281 282. ur-sag-e gu3 ki-bala nu-de2 |IGI.U| nam-mi-gar >>Q000351 282 283. nig2 im-hul-hul im-ZI ba-ab-gi4 >>Q000351 283 284. gu2-erim2-e sag gesz mi-ni-ib-ra-ra kur-ra i-si-isz ba-ab-gar >>Q000351 284 285. en-e erin2 nig2 ga-ab-kar di?-gin7 szu i3-ni10-ni10-e >>Q000351 285 286. gesz-nu11-gin7 kur-ra a2-sag3-ge igi husz ba-szi-in-il2 >>Q000351 286 287. ki-bala te-esz ba-ni-in-du11-ga DI-bi mu-un-gul >>Q000351 287 288. {d}nin-urta erim2-e mu-ni-in-dib |AB.NIG2|-gin7 mu-un-si >>Q000351 288 289. a2-sag3 ni2 me-lam2-bi gub-ba sig-sze3 ba-szi-gub >>Q000351 289 290. sig-sze3 ba-szi-gub nim-sze3 u6 bi2-in-du11 >>Q000351 290 291. a-gin7 mu-un-lu3-lu3 kur-ra sag2 bi2-in-du11 >>Q000351 291 292. {u2}numun2-gin7 mu-un-bur12 {u2}numun2-gin7 mu-un-ze2 >>Q000351 292 293. ni2 me-lam2-ma-ni kalam-ma dul-lu >>Q000351 293 294. a2-sag3 sze sze6-ga2-gin7 mu-un-dub2 numun-bi im-da-DI >>Q000351 294 295. szeg12 si-il-la2-gin7 tesz2-ba bi2-in-gar >>Q000351 295 296. szu-gal-an-zu-bi ne-mur-ra-gin7-nam zid2-de3-esz mu-un-dub-dub >>Q000351 296 297. im-du3-a im-bi suh-a-gin7 tesz2-bi im-mi-in-gar >>Q000351 297 298. ur-sag-e nig2 sza3-ga-na mu-un-sa2? >>Q000351 298 299. {d}nin-urta en dumu {d}en-lil2-la2 i3-x x ba-sed-de3 >>Q000351 299 300. kur-ra u4-ta im-ma-ra-zal >>Q000351 300 301. {d}utu silim-ma mu-na-an-du11 >>Q000351 301 302. en-e ib2-la2 {gesz}tukul a mu-x x tug2? usz2-a mu-un-tu5? >>Q000351 302 303. ur-sag-e sag-ki szu bi2-ib-ur3 ad6-a za-pa-ag2 bi2-in-gar >>Q000351 303 304. |AB.NIG2|-gin7 a2-sag3 ug5-ga-na ma2 gaz ak-da-ni >>Q000351 304 305. dingir? kalam-ma mu-un-na-sug2-ge-esz >>Q000351 305 306. dur3{ur3} kusz2-a-gin7 mu-un-na-gurud-de3-esz >>Q000351 306 307. en-e a-ra2 mah-a-ni-sze3 >>Q000351 307 308. {d}nin-urta dumu {d}en-lil2-la2 szu-ta silim ba-ab-sag3-sag3-ge-ne >>Q000351 308 309. szar2-ur3-e an-ta lugal-bi-ir mi2 zi-de3-esz mu-un-ne >>Q000351 309 310. en mesz3 mah gan2-e a du11-ga ur-sag a-ba za-gin7 >>Q000351 310 311. lugal-gu10 za3-zu ba-ra-ga-an-til ba-ra-ga-an-gub ba-ra-ga-u3-tu >>Q000351 311 312. {d}nin-urta u4-da-ta kur-ra lu2 ba-ra-ra-an-zi-zi >>Q000351 312 313. lugal-gu10 szeg11 dili gi4-a-za >>Q000351 313 314. gesz-gan2-nu? a-gin7 mi2 bi2-ib-tag? >>Q000351 314 315. mir? ki-bala [...] x mu-ni-in-e? >>Q000351 315 316. en {d}nin-urta [...] >>Q000351 316 317. a2-sag3 [...] >>Q000351 317 318. IM? [...] >>Q000351 318 319. [...] >>Q000351 319 320. [...] >>Q000351 320 321. [...] >>Q000351 321 322. [...] >>Q000351 322 323. gesz-GAN2 x [...] >>Q000351 323 324. a2-sag3 ki-bala-a {u2}numun2-gin7 bur12-ra {u2}numun2-gin7 ze2-a >>Q000351 324 325. en {d}nin-urta-ke4 {gesz}tukul-a-ni im-[...] >>Q000351 325 326. za3? ki?-gin7 x-gin7 gub-bu ul-la-ga2 sza3?-ge [...] >>Q000351 326 327. u4-da-ta a2-sag3 nam-ba-DI na4 mu-bi he2-em >>Q000351 327 328. na4 {na4}zalag mu-bi he2-em na4 mu-bi he2-em >>Q000351 328 329. ur5-ra-am3 bar-bi irigal he2-em >>Q000351 329 330. nam-ur-sag-bi en-ra he2-em >>Q000351 330 331. {gesz}tukul ub-ub-da gub-bu nam tar-re-da >>Q000351 331 332. me3 mah-e kalam-ma-ta be4-e >>Q000351 332 333. [...] >>Q000351 333 334. u4-bi-a a silim ki-ta du a-gar3-ra nu-um-de2 >>Q000351 334 335. a sed du8-du8-du8-u3 u4 zal-le-da-gin7 kur-ra e2-ri-a ba-ni-ib2-il2-a >>Q000351 335 336. dingir kalam-ma ba-sug2-ge-esz-a >>Q000351 336 337. {gesz}al {gesz}dusu-bi mu-un-la2-esz-a >>Q000351 337 338. ur5-ra-am3 esz2-gar3-bi i3-me-a >>Q000351 338 339. ug3 tar-bi-sze3 e2 lu2 gu3 ba-an-de2 >>Q000351 339 340. {i7}idigna nam-gu-la-ba an-sze3 u5-bi nu-il2-e >>Q000351 340 341. kun-bi a-ab-ba-e li-bi2-la2-a a du10 nu-um-[...] >>Q000351 341 342. nesag? kar-re lu2 nu-gid2?-e >>Q000351 342 343. sza3-gar hul-a nig2 nu-tu-u4 >>Q000351 343 344. i7 tur-tur-re szu luh lu2 li-bi2-in-ak sahar nu-mu-da-an-zi-zi-i >>Q000351 344 345. GAN2 zi-da a nu-szub-szub-be2 e ak nu-gal2-la >>Q000351 345 346. kur-kur-re ab-sin2-na nu-gub-bu sze bir-a i-im-ak >>Q000351 346 347. en-e gesztu2 mah im-gub-be2 >>Q000351 347 348. {d}nin-urta en-lil2-la2-ke4 gal-bi i3-ga2-ga2 >>Q000351 348 349. gu-ru-um na4 kur-ra mi-ni-in-ak >>Q000351 349 350. dungu dirig-ga-gin7 a2 bi2-in-su3-su3-u4 >>Q000351 350 351. bad3 mah-gin7 kalam-ma igi-ba bi2-in-tab-ba >>Q000351 351 352. {gesz}bala ki-szar2-ra mu-ni-in-gar >>Q000351 352 353. ur-sag-e mu-un-galam iri tesz2-bi mu-un-usz2 >>Q000351 353 354. a kal-ga na4 im-da-an-sa2 >>Q000351 354 355. i3-ne-esz2 a kur da-ri2-sze3 ki-a nu-um-e11-de3 >>Q000351 355 356. i3-bir-bir-am3 gu2 ba-ni-in-gar >>Q000351 356 357. kur-ra sug-e ba-ni-ib2-gu7-a >>Q000351 357 358. mu-un-ur4-ur4 {i7}idigna im-ma-an-szum2 >>Q000351 358 359. a-esztub{ku6} a-gar3-ra mi-ni-in-de2-de2 >>Q000351 359 360. i3-ne-esz2 u4-da nig2 ki-szar2-ra-ke4 >>Q000351 360 361. lugal kalam-ma en {d}nin-urta-ra su3-u4-bi-sze3 mu-un-hul2-e-esz >>Q000351 361 362. gan2-ne2 sze gu-nu a mi-ni-in-szum2 >>Q000351 362 363. buru14 pu2-kiri6-ke4 szu im-mi-in-il2 >>Q000351 363 364. guru7-du6-de3 gu2 im-mi-in-gur-gur >>Q000351 364 365. en-e kalam-ta kar im-ta-an-e11 >>Q000351 365 366. dingir-re-e-ne ur5-bi mu-un-sa6 >>Q000351 366 367. {d}nin-urta a-a-ni me-tesz2 me-i-i-ne >>Q000351 367 368. u4-bi-a munus-ra arhusz-a sa2 nam-ga-mu-ni-ib2-du11 >>Q000351 368 369. {d}nin-mah-e ki gesz3 du11-ga-ni-sze3 u3 nu-um-szi-ib2-ku-ku >>Q000351 369 370. siki u8 dugud-gin7 bar-ra bi2-in-dul >>Q000351 370 371. i-lu kur giri3 nu-gal2-la-bi gal-gal-bi mi-ni-ib2-be2 >>Q000351 371 372. u3-mu-un a2 mah-a-ni kur-re nu-il2-i >>Q000351 372 373. ur-sag gal an-gin7 ib2-ba-na a2-bi lu2 nu-te-ge26 >>Q000351 373 374. u4 sumur ki-a du usz11 gaba-ba gar-a >>Q000351 374 375. en szi {d}mu-ul-lil2-la2 men sag-e du7 >>Q000351 375 376. UR [...] nu-zu >>Q000351 376 377. sze-er-ma-al sag ma-an-ze2-eg3 dam mu-un-gub-bu-na-gu10 >>Q000351 377 378. mu-u4-da-na in-szi-tu-u4 ba-an-us2 hur nu-mu-da-ab-gar-ra >>Q000351 378 379. du5-mu {d}mu-ul-lil2-la2 szu mu-un-dag i-bi2-ni na-ma-an-il2-la >>Q000351 379 380. szul zi munus zi-de3 ba-an-du11 >>Q000351 380 381. e2-szu-me-sza4 ki i-bi2 il2-la-ni in-ne-a-gen-na >>Q000351 381 382. gu da-an-szi-in-ku5 u3-mu-un er9-ra-sze3 >>Q000351 382 383. ga-sza-an-gen dili-gu10-ne ga-an-szi-gen en da gi16-sa-sze3 >>Q000351 383 384. a2-sze ge26-e u6 mu-na-ni-in-du11 >>Q000351 384 385. si sa2 du5-mu di-ku5 {d}mu-ul-lil2-la2 >>Q000351 385 386. ur-sag gal ag2 sa6-ga a-a-na he2-em-da-ri-am3 >>Q000351 386 387. munus-e szir3 ku3-ge-esz i3-ag2-ge26 >>Q000351 387 388. {d}nin-mah-e en {d}nin-urta-ra mu-ni-ib-be2 >>Q000351 388 389. igi nam-ti-la-ka-ni mu-un-szi-in-bar gu3 mu-na-de2-e >>Q000351 389 390. munus kur-sze3 i-im-gen-ne-en-na-gin7 >>Q000351 390 391. {d}nin-mah nam-gu10-sze3 ki-bala-a mu-un-ku4-re-en-na-gin7 >>Q000351 391 392. me3 ni2 husz-ba ri-a-ga2 la-ba-an-su3-de3-en-na-gin7 >>Q000351 392 393. ur-sag-me-en gu-ru-um gar-ra-ga2 >>Q000351 393 394. hur-sag mu-bi he2-em za-e nin-bi he2-em >>Q000351 394 395. i3-ne-esz2 nam tar-ra {d}nin-urta-ka >>Q000351 395 396. u4-da {d}nin-hur-sag-ga2 di-sze3 ur5 he2-en-na-nam-ma-am3 >>Q000351 396 397a. sza3-tum2-bi szim ha-ra-an-mu2 >>Q000351 397a 397b. [...]-tum2-bi szim la2 la? [...] >>Q000351 397b 398. gu2-gu2-bi lal3 gesztin ha-ra-an-mu2 >>Q000351 398 399. {gesz}erin {gesz}szu-ur2-men2 {gesz}za-ba-lum {gesz}taskarin du8-du8-bi ha-ra-an-mu2 >>Q000351 399 400. kiri6-gin7 nig2-sa-ha szu hu-mu-ra-ni-ib-tag >>Q000351 400 401. hur-sag-e ir nam-dingir-ra hu-mu-ra-an-gu-ul-gu2?-e >>Q000351 401 402. ku3-sig17 ku3-babbar hu-mu-ra-ab-bala-e |HI.IB.LAL3| hu-mu-ra-ab-ak >>Q000351 402 403. uruda nagga hu-mu-ra-ab-zal-le gun2-bi hu-mu-ra-an-ak >>Q000351 403 404. kur-re masz2-ansze ha-ra-ab-lu-e >>Q000351 404 405. hur-sag-e nig2-ur2-4(disz)-e numun ha-ra-ni-ib-i-i >>Q000351 405 406. za-e nin-me-en i3-da-sa2-sa2-a an-gin7 ni2 husz gur3-ru >>Q000351 406 407. dingir mah inim dirig-ge hul gig >>Q000351 407 408. munus zi nin-hur-sag ki-sikil >>Q000351 408 409. {d}nin-tu a2 sed-bi dab5-be2-sze3 >>Q000351 409 410. te-e-mu-da nin me mah ma-ra-an-szum2 za-e he2-em-il2-e >>Q000351 410 411. en-e kur-ra nam mu-ni-in-tar-re du-ni esz3 nibru{ki}-a >>Q000351 411 412. munus zi me-ni me dirig-ga nin nagar sza3-ga >>Q000351 412 413. da-ru-ru nin9 gal {d}en-lil2-la2 gaba-na ba-e-gub >>Q000351 413 414. ur-sag gal ur-sag ug5-ga-za >>Q000351 414 415. u3-mu-un a-a-ni-gin7 du11-ga-ni nu-kur2-ru na-ag2 nu-um-mi-tar >>Q000351 415 416. en-e {na4}u2-e gu3 ba-de2-e in-di3 bi2-ib-kur-ku >>Q000351 416 417. en ib2-ba kalam-ma inim mu-na-ni-ib-be2 >>Q000351 417 418. {d}nin-urta dumu {d}en-lil2-la2-ke4 asz2 im-mi-ib2-sar-re >>Q000351 418 419. {na4}u2 kur-ra ma-an-zi-ge-en-na-gin7 >>Q000351 419 420. szu se3-ge5-gu10-sze3 mu-e-gib-ba-gin7 >>Q000351 420 421. nam ug5-ge-gu10 ba-e-ku5-da-gin7 >>Q000351 421 422. en {d}nin-urta-me-en ki-tusz mah-ga2 ba-e-hu-luh-en-na-gin7 >>Q000351 422 423. kal-ga szul e2-gar8 tuku dirig-ga-me-en alan-zu he2-em-ta-be4 >>Q000351 423 424. pirig gal usu-bi-ta nir-gal2-la-am3 he2-me-ze-er-ze-re-de3 >>Q000351 424 425. usu-tuku a-gar5-re szu he2-gid2-de3 >>Q000351 425 426. gurusz {na4}u2 szesz-zu zid2-gin7 he2-me-dub-bu-ne >>Q000351 426 427. li-li-a-zu szu ha-ba-ab-zi-ge-en ad6-ba zu2 e3-ni-ib >>Q000351 427 428. gurusz-me-en gu3 de2-zu he2-gal2 |GAN.SUM|-gin7 he2-til-e >>Q000351 428 429. am gal lu2 szar2-re gaz-za-gin7 nig2-ba-bi gar-ra >>Q000351 429 430. {na4}u2 {gesz}tukul-ta ur-gi7 me3-ta >>Q000351 430 431. nig2 sipa-tur-re al-sar-re-gin7 >>Q000351 431 432. en-me-en {na4}gug me-re-kul-la-za mu-bi he2-sa4 >>Q000351 432 433. i3-ne-esz2 nam tar-ra {d}nin-urta-ka >>Q000351 433 434. u4-da {na4}u2 ub-tag {na4}gug buru3-da ur5 he2-en-na-nam-ma >>Q000351 434 435. ur-sag-e {na4}szu-u {na4}ga-sur-ra-ke4 gu3 im-ma-de2-e >>Q000351 435 436. en-e a ri-a bi2-ib2-szid-de3 >>Q000351 436 437. {d}nin-urta dumu {d}en-lil2-la2-ke4 nam am3-mi-ib2-tar-re >>Q000351 437 438. {na4}szu-u {gesz}tukul-ga2 sag bi2-dim2-za-na-gin7 >>Q000351 438 439. {na4}ga-sur-ra gu4-gin7 u3-na ma-an-sug2-ge-en-za-na-gin7 >>Q000351 439 440. am-gin7 a2 sahar-ra me-er-re-dim2-za-na-gin7 >>Q000351 440 441. girisz-gin7 szu ha-ba-e-en-ze2-en >>Q000351 441 442. ni2 me-lam2-gu10 ba-e-de3-en-dul >>Q000351 442 443. a2 mah-ga2 la-ba-an-zi-ge-en-za-na-gin7 >>Q000351 443 444. ku3-dim2-e zi-ni-sze3 he2-pa-an-pa >>Q000351 444 445. umun2 ki nam-dumu-ni-sze3 ha-ba-x-na-ag2 >>Q000351 445 446. u2-sag dingir-re-e-ne-ke4 >>Q000351 446 447. u4? iti?-da za3-ge he2-em-de3-si-si-ne >>Q000351 447 448. lugal-gu10 {na4}sag-kal-e ba-gub >>Q000351 448 449. {na4}gul-gul {na4}sag-gar-ra gu3 ba-an-de2 >>Q000351 449 450. {d}nin-urta dumu {d}en-lil2-la2-ke4 nam am3-mi-ni-ib-tar-re >>Q000351 450 451. {na4}sag-kal [...] x ma-dal-le-na-gin7 >>Q000351 451 452. {na4}gul-gul zu2 kesz2-da ma-an-gir2-gir2-re-na-gin7 >>Q000351 452 453. {na4}sag-gar sag mu-e-bul-bul-a-gin7 >>Q000351 453 454. en-me-en zu2 ga2-ra mu-e-sud2-sud2-da-gin7 >>Q000351 454 455. {na4}sag-gar {na4}sag-kal-e he2-se3-ge >>Q000351 455 456. szul zi {na4}gul-gul-e he2-gul-e >>Q000351 456 457. sag nu-kal-la si-ig ha-ma-ra-an-ze2-eg3 >>Q000351 457 458. sza3-gar kalam-ma-sze3 gar-ba-ni-ib szu iri{ki}-za he2-eb-si >>Q000351 458 459. sag he2-sal ur-sag geme2-e-ne he2-me-en >>Q000351 459 460. ul4-ab sar-ra-ab hu-mu-ra-ab-be2 mu-bi he2-sa4 >>Q000351 460 461. i3-ne-esz2 nam tar-ra {d}nin-urta-ka >>Q000351 461 462. u4-da kalam-e kin gig di-sze3 ur5 he2-en-na-nam >>Q000351 462 463. lugal-gu10 {na4}esi-a im-ma-gub >>Q000351 463464. sza3 dab5-ba KA? gen6-ne2-esz zu?-ba szir3-re-esz im-mi-ib-be2464. sza3 dab5-ba KA? gi-ne2-esz zu?-ba szir3-re-esz im-mi-ib-be2 >>Q000351 464 465. {d}nin-urta dumu {d}en-lil2-la2-ke4 nam am3-mi-ib2-tar-re >>Q000351 465 466. {na4}esi me3-zu a-ga-ba kur2-ra >>Q000351 466 467. i-bi2 dugud-gin7 ma-an-du3-u3-nam >>Q000351 467 468. a2 nu-mu-e-zi ga2-a-ra sag nu-mu-e-szum2 >>Q000351 468 469. lul-am3 en dili-ni ur-sag-ga2 >>Q000351 469 470. {d}nin-urta dumu {d}en-lil2-la2-ra a-ba mu-da-ab-sa2-e im-mi-du11-ga-gin7 >>Q000351 470 471. kur igi-nim-ta he2-mu-e-zi-zi-ne >>Q000351 471 472. kur ma2-gan{ki}-ta he2-mu-e-ga2-ga2-ne >>Q000351 472 473. za-e uruda nig2 kal-ga kusz-gin7 u3-mu-e-HI >>Q000351 473 474. en-me-en a2 nam-ur-sag-ga2-gu10 szu gal-bi he2-ni-du7 >>Q000351 474 475. lugal u4 su3-ra2 mu-ni i3-ga2-ga2-a >>Q000351 475 476. alan-bi u4 ul-le2-a-asz u3-mu-un-dim2-ma >>Q000351 476 477. e2-ninnu e2 giri17-zal sug4-ga2 >>Q000351 477 478. ki-a-nag-ba um-mi-gub-be2 me-te-asz he2-em-szi-gal2 >>Q000351 478 479. lugal-gu10 na4-e im-ma-gub >>Q000351 479 480. {na4}na-ta su im-ta-du3-du3-e >>Q000351 480 481. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 481 482. na4 a2-sze ge26 bi2-du11-ga-gin7 >>Q000351 482 483. {na4}na me-ga2 gesz ba-e-szub-bu-za-na-gin7 >>Q000351 483 484. za-e dim2-me-de3 szah2-gin7 nu2-ba >>Q000351 484 485. gurud-da kin-sze3 na-an-ak-e-en tur-tur-bi til-la >>Q000351 485 486. zu-a-zu a-da he2-mu-e-da-gi4-gi4 >>Q000351 486 487. lugal-gu10 {na4}e-le-el-e im-ma-gub >>Q000351 487 488. {d}nin-urta dumu {d}en-lil2-la2-ke4 nam im-mi-ni-ib2-tar-re >>Q000351 488 489. {na4}e-le-el gesztu2 tuku kur du14 mu2-a-ba ni2-gu10 he2-me-ni-ri >>Q000351 489 490. ki-bala-a ug3 tesz2-ba ri-a-ga2 mu-gu10 he2-em-mi-ib-sa4 >>Q000351 490 491. silim-ma-zu-ta nam-ba-e-re-be6 >>Q000351 491 492. gur4-ra-zu tur-re-bi he2-gig >>Q000351 492 493. me-gu10 bar-zu-a si ha-ra-ni-ib2-sa2-e >>Q000351 493 494. {gesz}tukul sag3-ge ur-sag ug5-ga-ga2? szu gal-bi he2-ni-du7 >>Q000351 494 495. kisal mah-ga2-a ki-gal ha-ra-ab-ri >>Q000351 495 496. kalam-e u6 du10-ge-esz he2-a-e kur-kur he2-mi-i-i >>Q000351 496497. ur-sag {na4}ka-gen6-na-e ba-gub497. ur-sag {na4}ka-gi-na-e ba-gub >>Q000351 497 498. nam-kal-ga-bi-sze3 gu3 ba-an-de2 >>Q000351 498 499. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 499 500. szul ni2-tuku gesz-nu11 bar-sze3 gal2 >>Q000351 500501. {na4}ka-gen6-na ki-bala-a-ta gu3 mu-e-re-gal2-la501. {na4}ka-gi-na ki-bala-a-ta gu3 mu-e-re-gal2-la >>Q000351 501 502. [...] szu-gu10 sa2 nu-mu-ri-ib-du11 >>Q000351 502 503. da3-da3 da-ta la-ba-an-da-la2-e >>Q000351 503 504. kalam-ma giri3-zu ba-ab-si-ge-en >>Q000351 504 505. mar-za {d}utu me-zu he2-a >>Q000351 505 506. di-ku5-gin7 kur-kur-ra si sa2-e >>Q000351 506 507. szu-gal-an-zu pag-du3 nig2-nam-ma-ka >>Q000351 507 508. nam-ku3-sig17-sze3 he2-en-na-kal-le-en >>Q000351 508 509. szul ba-dab5-be2-na u3 ba-ra-e-szi-ku-un en-na ti-la-zu-sze3 >>Q000351 509 510. i3-ne-esz2 nam tar-ra {d}nin-urta-kam >>Q000351 510511. u4-da {na4}ka-gen6-na ti-la ur5 he2-en-na-nam-ma511. u4-da {na4}ka-gi-na ti-la ur5 he2-en-na-nam-ma >>Q000351 511 512. ur-sag-e {na4}gesz-nu11-gal-e ba-gub >>Q000351 512 513. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 513 514. {na4}gesz-nu11 su u4-gin7 kar2-kar2-ka >>Q000351 514 515. ku3 luh-ha szul e2-gal-e du7 >>Q000351 515 516. szu dili-zu-a mu-e-ni-zi-zi-i >>Q000351 516 517. sag? kur-zu-a ki mu-e-ni-su-ub >>Q000351 517 518. {gesz}tukul nu-mu-ra-sag3 a2 la-ba-ri-gur >>Q000351 518 519. ur-sag szeg11 gi4-gu10-u8 ba-ab-gub-en >>Q000351 519 520. nig2 sa6-ga mu-zu he2-pa3-de3 >>Q000351 520 521. erim3 kalam-ma szu-za he2-em-si kiszib3-gal2-bi he2-me-en >>Q000351 521 521a. da-nun-na [...] >>Q000351 521a 522. lugal-gu10 {na4}algamesz-e ba-gub igi dul2 ba-an-ak >>Q000351 522 523. en ib2-ba kalam-ma inim mu-na-ni-ib-be2 >>Q000351 523 524. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 524 525. a-gin7 du-gu10-sze3 en3 mu-e-szi-tar >>Q000351 525 526. gesz-kin-ti-gu10-sze3 igi gen-na >>Q000351 526 527a. {na4}algamesz sa2-du11 u4-da gur3-ru za-dim2-e-ne he2-me-en >>Q000351 527a 527b. _x{ki} u4-mi sza x_ >>Q000351 527b 528. lugal-gu10 {na4}du8-szi-a ba-gub >>Q000351 528 529. {na4}nir {na4}gug {na4}za-gin3-na gu3 ba-an-de2-e >>Q000351 529 530. {na4}amasz-pa-e3 {na4}sza-ba {na4}hu-ri2-zum {na4}gug-gazi {na4}mar-ha-li >>Q000351 530 531. {na4}e-gi-za3-ga {na4}gi-rin-hi-li-ba {na4}an-zu2-gul-me {na4}nir2-musz-gir2{ki} >>Q000351 531 532. en-e zi {kusz}ummu-e >>Q000351 532 533. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 533 534a. _a-na ba-du-un_ nita munus dim2-ma _u3_ za-e-gin7 ki-gu10-sze3 >>Q000351 534a 534b. nita _u3_ munus _sza t,e4-mi u3 x_ >>Q000351 534b 535. nam-tag nu-e-tuku szu-zu e2-gar8-e ba-da-ab-us2-e >>Q000351 535 536. ki inim-ma-ka ni2 mu-e-ni-bulug3-en >>Q000351 536 537. ad gi4-gi4-da ge26-e mu-e-ni-bulug3-en >>Q000351 537 538. pu-uh2-ru-um-ma szagina mu-e-ni-gar-ra-gin7 >>Q000351 538 539. nir lal3 kurun-na ha-ba-pa3-de3-en >>Q000351 539 540. ku3-ga zi-de3-esz mi2 he2-en-ne-en-ze2-en >>Q000351 540 541. u2-sag dingir-re-e-ne-ke4 >>Q000351 541 542. kur-kur-re giri17 ki szu2-szu2-zu giri17 szu ha-ra-ab-tag-ge >>Q000351 542 543. lugal-gu10 {na4}giri2-zu2-gal-la-ke4 ba-gub igi dul2 ba-an-ak >>Q000351 543 544. en ib2-ba kalam-ma inim mu-na-ni-ib-be2 >>Q000351 544 545. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 545 546. e {na4}giri2-zu2-gal-la lu2 2(disz) a-na-bi >>Q000351 546 547. am kur-zu-a si? he2-me-ni-bur2 |U3.GAN|-sze3 nu2-a >>Q000351 547 548. nu-mu-e-se3-ge sag mi-ri-ib-us2 >>Q000351 548 549. bara2-gin7 mu-un-si-il-le lu2 he2-ta-sig-ge >>Q000351 549 550. tibira za-ra ha-ra-gal2? umbin he2-tag-ge >>Q000351 550 551. szul usu nig2 kur2 de6-a-zu >>Q000351 551 552. nagar lu2 kin ga-ab-sa10-a di-di-da? >>Q000351 552 553. a du11-ga-gin7 a he2-ri-ib-gi4-gi4 munu4-e-esz he2-gaz-gaz >>Q000351 553 554. lugal-gu10 {na4}im-an-e ba-gub >>Q000351 554 555. {na4}al-li2-ga gu3 ba-an-de2-e >>Q000351 555 556. {d}nin-urta dumu {d}en-lil2-la2-ke4 nam im-mi-ib-tar-re >>Q000351 556 557. {na4}im-ma-an kur-ra szeg11 mu-[...]-gi4-gi4 >>Q000351 557 558. gu3 husz me3 gu3 husz bi2-ib-ra-[...] >>Q000351 558 559. izi-gin7 mu-la2-en-ze2-en >>Q000351 559 560. u4-gin7 mu-dub-bu-un-ze2-en >>Q000351 560 561. {u2}numun2-gin7 mu-sag3-ge-en-ze2-en >>Q000351 561 562. {u2}numun2-gin7 mu-e-bur12-re-en-ze2-en >>Q000351 562 563. a-ba szu in-ne-szi-in-de6 >>Q000351 563 564. {na4}im-ma-an gu3 de2-zu na-an-kal-am3 en3-zu na-an-tar-re >>Q000351 564 565. {na4}im-ma-an {na4}al-li2-ga e2-gal-la du-u3-zu na-an-sa2 >>Q000351 565 566. lugal-gu10 {na4}masz-da im-ma-gub >>Q000351 566 567. {na4}dub-ba-an {na4}u2-ru-tum-e gu3 ba-an-de2 >>Q000351 567 568. {d}nin-urta dumu {d}en-lil2-la2-ke4 in-di3 bi2-ib-kur-ku >>Q000351 568 569. {na4}masz-da {na4}dub-ba-an ga-an-ze-er bar7-a >>Q000351 569 570. {na4}u2-ru-tum na-me nu-gub-bu >>Q000351 570 571. {na4}ga-sur-ra zi murgu2-sze3 szub-bu he2-em-ta-ab-|KAxNE|-a >>Q000351 571 572. ki-bala-a sur3-gin7 ma-mu2-un-ze2-en >>Q000351 572 573. kur sa-ba mu-e-szi-gub-bu-un-za-na-gin7 >>Q000351 573 574. {na4}masz-da udu-gin7 he2-sur-sur-ne >>Q000351 574 575. {na4}dub-ba-an nig2 ze2-re-de3 he2-bi2-sag3-ge-ne >>Q000351 575 576. {na4}u2-ru-tum mi-tum-gin7 u3-sar he2-ak-ne >>Q000351 576 577. zabar hu-ut-pa dingir-re-e-ne-ka >>Q000351 577 578a. giri2 husz sa-sa-da gin2-e he2-bi2-sag3-ge-ne >>Q000351 578a 578b. _pat-ru3 ez-zu-tum i-na za-qa2-tim li-qa-x [...]_ >>Q000351 578b 579. lugal-gu10 {na4}sza-ga-ra im-ma-gub >>Q000351 579 580. {d}nin-urta dumu {d}en-lil2-la2-ke4 nam im-mi-ib-tar-re >>Q000351 580 581. {na4}sza-ga-ra sag edin-na dili-bi du sag-du tibir ra >>Q000351 581 582. kur-ra a2 dab5-ba-e-ga2 mu-e-ni-zukum? >>Q000351 582 583. me3-ba la-la mu-e-ni-gar-ra-gin7 >>Q000351 583 584. ad-kup4-e gi he2-em-ta-gu4-u4-e ki-nu2-za he2-bi2-szub-be2 >>Q000351 584 585. SIG7-a ama ugu-za he2-bi2-tur-tur zi-ga-ab-zu nam-me >>Q000351 585 586. a2-asz2-zu-a lu2 na-an-ni-ti-le >>Q000351 586 587. u2-gu ba-an-de2-zu ug3-e nam-me >>Q000351 587 588. me da-ri2-sze3 du3-a ki ni2 dub2-bu {d}nin-hur-sag-ka-sze3 >>Q000351 588 589. ka tar-re-de3 bara2-ba u3-bi2-in-gurud-de3 >>Q000351 589 590. kasz dida nam udu-sze3 lu2 ha-ra-ab-zil-e >>Q000351 590 591. zid2 dub-dub-ba-bi he2-hul2-le-en ki-bur2-ru-zu he2-a >>Q000351 591 592. lugal-gu10 {na4}mar-hu-sza ba-gub >>Q000351 592 593. {d}nin-urta dumu {d}en-lil2-la2-ke4 nam im-mi-ib-tar-re >>Q000351 593 594. {na4}mar-hu-sza ki-gu10-usz gu mu-un-[...]-ma-te-en ba-dab5-be2-en >>Q000351 594 595. szer7-da iri-za-ka im-szub-be2-en x giri3-ni bi2-[...]-na-ak-[...] >>Q000351 595 596. {na4}bur szagan he2-me-en a he2-em-da-an-sim?-e >>Q000351 596 597. {na4}mar-hu-sza u-gun3 he2-ni-tag-ge en sa6-ba he2-[...] DI >>Q000351 597 598. kirid-da ku3-ga szu gal he2-em-mi-du7 >>Q000351 598 599. {na4}mar-hu-sza e2 dingir-re-e-ne-ka me-te-asz he2-em-mi-gal2 >>Q000351 599 600. ur-sag hasz2-tum-e ba-gub >>Q000351 600 601. en ib2-ba kalam-ma inim mu-na-ni-ib-be2 >>Q000351 601 602. {d}nin-urta dumu {d}en-lil2-la2-ke4 nam im-mi-ni-ib-tar-re >>Q000351 602 603. {na4}hasz2-tum kur-ra szeg11 [...]-gi4-gi4 >>Q000351 603 604. gu3 husz me3-a-sze3 gu3 husz bi2-ib-ra >>Q000351 604 605. szeg11 gi4-zu lil2-la2-am3 kur-ra mi-ni-ib2-ge-en >>Q000351 605 606. gurusz-me-en {na4}hasz2-tum ki tag-ga-za mu-bi he2-sa4 >>Q000351 606 607. i3-ne-esz nam tar-ra {d}nin-urta-ka >>Q000351 607 608. u4-da {na4}hasz2-tum di-sze3 ur5 he2-en-na-nam-ma-am3 >>Q000351 608 609. lugal-gu10 {na4}{d}ur-ul3-e im-ma-gub >>Q000351 609 610. {d}nin-urta dumu {d}en-lil2-la2-ke4 nam im-mi-ib-tar-re >>Q000351 610 611. {na4}{d}ur-ul3 mu-dur7 ku3 szul igi ha-az-za lu2 im-ma-an-gul-lu-ne >>Q000351 611 612. kur-ra giri17 szu mu-e-ni-gal2-la >>Q000351 612 613. a2-sze ge26-e {gesz}si-gar he2-ku5 >>Q000351 613 614. lugal-gu10 en {d}nin-urta-ra igi-ni-sze3 ha-ba-gub-bu-nam im-mi-du11-ga-gin7 >>Q000351 614 615. mu-zu pa3-de3-ba ni2 ha-ba-ab-bulug5 >>Q000351 615 616. gal-zu-a ku3 ga-ab-sa10 di-de3 >>Q000351 616 617. kur-kur-re nar-gin7 gi-di-da he2-em-mu-e-sar-re-ne >>Q000351 617 618. lugal-gu10 {na4}szegx(|URUxGU|)-szegx(|URUxGU|)-e ba-gub >>Q000351 618 619. {na4}en-ge-en na4 {d}ezim2-ma gu3 im-ma-de2-e >>Q000351 619 620. {na4}ug-gun3 {na4}he2-em >>Q000351 620 621. {na4}ma-da-nu-um {na4}sag-gir11-mud >>Q000351 621 622. {na4}x {na4}mur?-suh3?-e >>Q000351 622 623. {d}nin-urta dumu {d}en-lil2-la2-ke4 nam im-mi-ib-tar-re >>Q000351 623 624. [...] tag-tag-ga >>Q000351 624 625. x x szu? nam-[...]-tum3? [...] giri17 tag-tag-ga >>Q000351 625 626. za3 us2 sa us2 sza3 usz gu7 az-gin7 giri3 hum-mu >>Q000351 626 627. he2-en-na-ga-za mu-e-szi-du-de3-en i3-ne-esz tab-ba di-za >>Q000351 627 628. gu2-ne-ne-ta ki ha-ba-ab-te-en-ze2-en a-ba szu in-ne-szi-in-de6 >>Q000351 628 629. {gesz}tukul he2-me-en {gesz}ig he2-en-gub >>Q000351 629 630. kal-ga gu2-ni ha-ba-ra-si-ge >>Q000351 630 631. lirum-ta du10 |DU.DU|-|DU.DU|-am3-da-ab u4 zal-le ki he2-te-ge26 >>Q000351 631 632. u4 szu2-usz ki-la2 tuku-e he2-zi-zi-i >>Q000351 632 633. szul da-ri2 kalam-ma igi he2-en-de3-sag5-sag5 >>Q000351 633 634. ur-sag {na4}kur-ga-ra-nu-um-e ba-gub >>Q000351 634 635. {na4}bala-e gu3 ba-de2-e >>Q000351 635 636. en-e szem-bi sig7-sig7-ga-bi >>Q000351 636 637. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 637 638. lu2 ga-ba-ra-ab-e3 im-mi-du11-ga >>Q000351 638 639. us2 zi-ba mu-e-szi-in-dub-bu-na >>Q000351 639 640. gurusz lu2 ar2-e mi-ri-gu7-am3 sag-gin7 mu-un-ti-en >>Q000351 640 641. gaszam tur-ra mi2 hu-mu-ne-e >>Q000351 641 642. ezem gidim?-ma-ke4 he2-em-ma-sa6-ge >>Q000351 642 643. iti-da u4 9(disz) gurusz u4-sakar-ra-ke4 [...] x hu-mu-ra-an-ak >>Q000351 643 644. biluda?{da} {d}nin-hur-sag-ga2-ka-sze3 [...]-an-gub >>Q000351 644 645. ur-sag-e kur mu-un-si edin-na di-di-na UD [...] >>Q000351 645 646. ug3-gin7 |PA.A.PA|-ba mi-ni-e3 a2 mah mu-un-[...]-x >>Q000351 646 647. {d}nin-urta hul2-hul2-e im-DU {gesz}ma2-gur8 ki ag2-ga2-ni >>Q000351 647 648. en-e {gesz}ma2-kar-nun-ta-e3-a giri3-ni nam-mi-in-gub >>Q000351 648 649. a-igi-lu-e-ne szir3 du10-ge-esz im-mi-ib-be2-ne >>Q000351 649 650. en-ra mi2 zi-de3-esz2 mu-un-ne-ne >>Q000351 650 651. {d}nin-urta dumu {d}en-lil2-la2-ra szudu3 su3-ra2-sze3 mu-na-ab-mu2?-ne >>Q000351 651 652. dingir za3 dib-ba ur-sag-e-ne >>Q000351 652 653. en {d}nin-urta lugal dingir {d}a-nun-ke4-ne >>Q000351 653 654. bar-us2 zi-da-na [...] sun4 ba?-la2-a >>Q000351 654 655. a e3-a gu2-erim2-e mu-ni-szub-bu >>Q000351 655 656. nam-mah gal-gal-za a-ba mu-e-da-ab-sa2-e >>Q000351 656 657. ur-sag a-ma-ru gaba szu nu-ga2-ga2 >>Q000351 657 658. {d}en-ki {d}nin-ki-e-ne sag nu-un-da-ga2-ga2-ga2 >>Q000351 658 659. ur-sag iri lah4 kur-re gu2 gar-gar >>Q000351 659 660. dumu {d}en-lil2-la2 a-ba mu-e-da-an-e3 >>Q000351 660 661. {d}nin-urta en dumu {d}en-lil2-la2 ur-sag a-ba za-a-gin7 >>Q000351 661 662. lugal-gu10 ur-sag za-a sa2-du11-zu-sze3 gal2-la >>Q000351 662 663. mu-ni-gin7 si sa2 giri3-zu mu-un-dab5-be2 >>Q000351 663 664. e2-za nig2-du7-e pa ma-ra-ni-in-e3-a >>Q000351 664 665. esz3-za sahar-ta ma-ra-ra-an-il2-la >>Q000351 665 666. ezem-zu nig2 ha-ba-ab-gu-ul-gu-ul-e >>Q000351 666 667. garza ku3-zu szu hu-mu-ra-ab-du7-du7 >>Q000351 667 668. mu nam-ti-la-na du11-ge ba-ab-du7 kalam-ma ha-ra-an-i-i >>Q000351 668 669. en-ra sza3 an-na he2-en-na-hun >>Q000351 669 670. ne {d}en-lil2-la2 {d}nin-urta-ra? >>Q000351 670 671. ki-sikil ama {d}ba-ba6 u4-de3-esz he2-en-na-e3 >>Q000351 671 672. en-ra ma2 nesag-a mu-na-ni-ib2-be2-ne >>Q000351 672 673. ma2 ni2-bi dirig-ga-e gu2 im-mar-mar-[...] >>Q000351 673 674. ma2-kar-nun-ta-e3-a a2 ku3 mu-un-su3-u4 >>Q000351 674 675. ur-sag {gesz}tukul sag3-ge silim-ma-ni-sze3 [...] >>Q000351 675 676. {d}a-nun-na-ke4-ne x-bi gaba mu-[...] >>Q000351 676 677. giri17 ki-sze3 ba-ab-te-esz szu gaba ba-ni-[...]-esz >>Q000351 677 678. en-e a-ra-zu-a szudu3 mu-un-na-sza4-asz >>Q000351 678 679. x x-ge mir-ra hu-mu-ni-ib2-hun-[...] >>Q000351 679 680. {d}nin-urta lugal {d}utu-u18-lu gu2 an-sze3 he2-ni-zi >>Q000351 680 681. a-a-ni {d}en-lil2-le nam mu-ni-ib2-tar-re >>Q000351 681 682. [...] mu mah-zu-sze3 dirig-ga >>Q000351 682 683. [...]-ka tusz ki ha-ba-ni-in-gar >>Q000351 683 684. gaba [...] he2-du7 >>Q000351 684 685. lugal me3 ki-bala-a u4 an?-na? sa12-e-esz he2-rig7 >>Q000351 685 686. {gesz}tukul mar-uru5 kur-re izi szum2-mu >>Q000351 686 687. ur-sag an ki-ke4 sa12-e-esz he2-rig7 >>Q000351 687 688. lugal u4-zu-sze3 kaskal ha-ba-sig >>Q000351 688 689. {d}nin-urta kur-ra du-zu nir hu-mu-ni-gal2 >>Q000351 689 690. ur-bar dab5-be2-da szu bar-ra-gin7 >>Q000351 690 691. u4-zu-sze3 ki-bala-a-sze3 du10 nim-ta he2-gub >>Q000351 691 692. hur-sag ba-e-szum2-ma ki-bi na-an-gi4-gi4 >>Q000351 692 693. iri-bi du6-du6-da ha-ba-ab-szid >>Q000351 693 694. bara2-bara2 gal-gal-bi zi nu-mu-un-szi-pa-an >>Q000351 694 695. szita2 an-na bala sa6-ga nu-kur2-ru >>Q000351 695 696. ti u4 su3-ra2 geszkim {d}en-lil2-la2 >>Q000351 696 697. lugal usu an-na nig2-ba-zu he2-a >>Q000351 697 698. ur-sag-e a2-sag3 mu-un-ug5-ga-asz >>Q000351 698 699. en-e gu-ru-um-bi mu-un-ak-asz >>Q000351 699 700. na4 ha-ba-sa2 im-mi-in-du11-ga-asz >>Q000351 700 701. uszum? szeg11 gi4 mu-ni-UD-a-asz >>Q000351 701 702. ur-sag-e a-e sag an-ta giri3 im-ma-gar-ra-asz >>Q000351 702 703. gan2-ne2 zi-de3 szu in-gi4-a-asz >>Q000351 703 704. {gesz}apin he2-gal2 pa bi2-in-e3-a-asz >>Q000351 704 705. en-e ab-sin2 gub-bu mu-un-gar-ra-asz >>Q000351 705 706. {d}nin-urta dumu {d}en-lil2-la2-ke4 guru7-du6 guru7-masz-a gu2 bi2-in-gur-gur-ra-asz >>Q000351 706 707. in-nin me a2-bi-ta e3-a du11-ge mah dib-ba >>Q000351 707 708. {d}nisaba munus zi gal-an-zu kur-kur-ra dirig-ga >>Q000351 708 709. igi zu2 kesz2-da nam-en nam-lugal-la im sag di gal2-la-bi-im >>Q000351 709 710. gesztu2 mah {d}en-ki du6 ku3-ga-ta sa12-e-esz rig7-ga >>Q000351 710 711. {d}nin-urta dumu {d}en-lil2-la2-ke4 za3-ba nam-mi-in-gub >>Q000351 711 712. munus mul-an nun-e abzu-ta gal-le-esz-e sig7-ga >>Q000351 712 713. in-nin |GISZ.TUG2.PI.AN.NISABA| sza3-ge usz gu7 >>Q000351 713 714. sa2-gar dili dim2-ma galga su3 >>Q000351 714 715. [...] a2-gal2 sag ge6-ga dub gal2 mu a-na-tuku >>Q000351 715 716. gu la2-a-na muszen dib-be2-da nu-du8-u3-da >>Q000351 716 717. kin ak-bi-sze3 dirig mu-un-ga2-ga2 >>Q000351 717 718. [...]-da u3-en3 nu-sza4 {d}suen-da u4 szid-e >>Q000351 718 719. bad3 zabar DIB lu2 nu-e11-de3 >>Q000351 719 720. [...] DI gaszam igi nigin2-na >>Q000351 720 721. [...] sag ge6-ga en3 tar-re ug3-e inim si sa2 >>Q000351 721 722. [...]-i gaba-ri {d}en-lil2-la2 >>Q000351 722 723. munus zi mul an-da sza3 kusz2-u3 {d}nisaba za3-mi2 >>Q000351 723 724. en gal {d}en-lil2-la2 {d}nin-urta dumu mah e2-kur-ra >>Q000351 724 725. nir-gal2 a-a ugu-na za3-mi2-zu du10-ga-am3 >>Q000351 725 726. szir3-su3? {d}nin-urta-ka >>Q000351 726
&P469530 = CDLI Literary 000351 (Ninurta's Exploits [Lugale]) composite #atf: lang sux @object composite text @surface a 0. an lugal dingir-re-e-ne-ke4 nir-gal2 >>Q000351 000 # (1 ms. adds before line 1) 1. lugal u4 me-lam2-bi nir-gal2 >>Q000351 001 2. {d}nin-urta sag-kal usu mah tuku kur a-ga-na lah4 >>Q000351 002 3. a-ma-ru mir-DU nu-kusz2-u3 ki-bala ga2-ga2 >>Q000351 003 4. ur-sag me3-sze3 ti-na gub-bu >>Q000351 004 5. en szu silig-ga {gesz}mi-tum-sze3 gal2 >>Q000351 005 6. gu2 nu-sze-ga sze-gin7 gur10 su-ub-bu >>Q000351 006 7. {d}nin-urta lugal dumu a-a-ni kal-ga-ni-sze3 hul2-la >>Q000351 007 8. ur-sag ni2 ulu3-gin7 kur-ra dul-lu >>Q000351 008 9. {d}nin-urta aga zi {d}asznan-an-na igi nim gir2 du7-du7 >>Q000351 009 10. sun4 nun-e a za-gin3 ru-a uszum ni2-ba gur-gur >>Q000351 010 11. za3 pirig-e musz-e-esz eme e3-de3 gu3-an-ne2-si ka si-il-le >>Q000351 011 12. {d}nin-urta lugal {d}en-lil2-le ni2-te-na dirig-ga >>Q000351 012 13. ur-sag {sa}szu2-usz-gal lu2-erim2-ra szu2-a >>Q000351 013 14. {d}nin-urta ni2 gissu-zu kalam-ma la2-a >>Q000351 014 15. sumur ki-bala-sze3 tum3 ukken-bi dul-dul >>Q000351 015 16. {d}nin-urta lugal dumu a-a-ni-ir su3-u4-bi-sze3 giri17 szu gal2 >>Q000351 016 17. {gesz}gu-za bara2 mah-e si-a-ni ni2 gal gur3-ru-ni >>Q000351 017 18. ezem gar-ra-ni hul2-la-na dagal-bi tusz-a-ni >>Q000351 018 19. an {d}en-lil2-da za3 sza4-a-ni kurun du10-ge-da-ni >>Q000351 019 20. {d}ba-ba6 a-ra-zu lugal-la-ka u3-gul ga2-ga2-da-ni >>Q000351 020 21. {d}nin-urta dumu {d}en-lil2-la2-ke4 nam tar-re-da-ni >>Q000351 021 22. u4-bi-a en-na {gesz}tukul-a-ni kur-ra igi mi-ni-gal2 >>Q000351 022 23. szar2-ur3-e an-ta lugal-bi-ir gu3 mu-na-de2-e >>Q000351 023 24. en {gesz}gal an-na gu2-en bara2-ge si >>Q000351 024 25. {d}nin-urta du11-ga-zu nu-kur2-ru nam tar-ra-zu szu zi-de3-esz gar >>Q000351 025 26. lugal-gu10 an-e ki sig7-ga gesz3 im-ma-du11 >>Q000351 026 27. {d}nin-urta ur-sag ni2 nu-zu a2-sag3 mu-un-szi-ib-tu-u4 >>Q000351 027 28. dumu um-me ga nu-tusz-a ne3 ga gu7-a >>Q000351 028 29. lugal-gu10 bulug3 a-a nu-zu gab2-gaz kur-ra-ka >>Q000351 029 30. szul ir-ta e3-a igi tesz2 nu-gal2-la >>Q000351 030 31. {d}nin-urta nita ni2 il2-il2-i alan-da hul2-la >>Q000351 031 32. ur-sag-gu10 gu4-dam za3-gu10 ga-bi2-ib2-us2-e >>Q000351 032 33. lugal-gu10 lu2 iri-ni-sze3 gur-ra ama-ni-sze3 ak-a >>Q000351 033 34. kur-ra sza3 i-ni-bala numun-bi ba-tal2-tal2 >>Q000351 034 35. tesz2-ba mu bi2-ib2-sa4 u2 lugal-bi-sze3 >>Q000351 035 36. murub4-ba am gal-gin7 a2 ba-ni-ib-il2-il2-i >>Q000351 036 37. {na4}szu-u {na4}sag-kal {na4}esi {na4}u2-si-um {na4}ka-gen6-na >>Q000351 037 38. ur-sag {na4}nu11 gar3-ra-du-um-bi iri{ki} im-ma-ab-lah4 >>Q000351 038 39. kur-ra zu2 {kusz}u2-a mu-ne-mu2 gesz mi-ni-ib-ur3-ur3 >>Q000351 039 40. a2-ba iri{ki}-ba dingir-be2-ne ki-bi-sze3 ba-an-gam-e-esz >>Q000351 040 41. lugal-gu10 ur5-re bara2 ba-ri a2 tu-lu nu-gi4-e >>Q000351 041 42. {d}nin-urta en za-gin7 kalam-ma di-bi szi-in-ga-ku5-de3 >>Q000351 042 43. a2-sag3-a me-lam2-ba a-ba szu mi-ni-ib-tu-tu >>Q000351 043 44. sag-ki-ba gal-gal a-ba ib2-ta-ga2-ga2 >>Q000351 044 45. su2 im-sag3 ni2 su-e bi2-ib-us2 >>Q000351 045 46. igi-bi ki-bi-sze3 ba-ni-ib-gar >>Q000351 046 47. lugal-gu10 kur-re nidba-bi ki-bi-sze3 ba-ab-su >>Q000351 047 48. ur-sag a-a-zu-sze3 en3 mu-e-szi-tar >>Q000351 048 49. dumu {d}en-lil2-la2 en a2 mah-zu-usz ki mu-e-szi-ib2-kin >>Q000351 049 50. lugal-gu10 kal-ga-zu-sze3 ad mu-e-szi-ib-gi4 >>Q000351 050 51. {d}nin-urta za3-zu ur-sag 1(disz) nu-tusz-a ba-ab-du11 >>Q000351 051 52. |UR.GA|-ru-sze3 a2 mu-e-szi-ib-ag2 >>Q000351 052 53. ur-sag nam-lugal-zu tum3-de3 tar-tar-ra mu-un-gal2 >>Q000351 053 54. {d}nin-urta me abzu-zu szu si sa2-bi geszkim i-im-ti >>Q000351 054 55. igi im-sag3-sag3 ki-tusz im-kur2-re >>Q000351 055 56. a2-sag3-e u4 szu2-usz ki-sur-ra a2-ba mi-ni-ib-ku4-ku4 >>Q000351 056 57. {gesz}rab3 dingir-re-e-ne na-dab5-en >>Q000351 057 58. dara3 an-na kur umbin ba-e-zukum >>Q000351 058 59. {d}nin-urta en dumu {d}en-lil2-la2 a-na zi-bi mu-un-gi4 >>Q000351 059 60. a2-sag3 zi-ga-bi szu la-ba-gal2 dugud-da-bi im-gu-ul >>Q000351 060 61. ugnim-bi-ta KA ib2-ta-de6 erin2-bi igi la-ba-te-ge26 >>Q000351 061 62. ur5-ra kal-ga-bi sag im-gi4 {gesz}tukul-e gesz la-ba-ab-kin >>Q000351 062 63. {d}nin-urta |SZEN.SZITA2| szukur mah-e su-bi nu-dar-e >>Q000351 063 64. ur-sag na-me-gin7 na-ra-dim2 >>Q000351 064 65. en me mah-e a2-kusz3 su3-su3 >>Q000351 065 66. sze-er-zi me-te dingir-re-e-ne >>Q000351 066 67. gu4 musz3-ba am gal murgu tuku lal3 gal-zu ur5-ra >>Q000351 067 68. {d}nin-urta alan-za {d}en-ki-ke4 igi bar-bar-ra-gu10 >>Q000351 068 69. {d}u4-ta-u18-lu en dumu {d}en-lil2-la2 a-na ak?-gu10 >>Q000351 069 70. en-e u3-u8 bi2-in-du11 an ba-sag3 ki giri3-ni-sze3 ba-tusz >>Q000351 070 71. a2-ba i-ni-in-gi4 {d}en-lil2 ba-suh3 e2-kur-ra ba-ta-e3? >>Q000351 071 72. kur ba-gul ki u4-ba ba-ku10-ku10 {d}a-nun-na ba-tar-ra-asz >>Q000351 072 73. ur-sag-e hasz2 tibir-ra bi2-in-ra dingir ba-bir-bir-re-esz >>Q000351 073 74. {d}a-nun-na udu-gin7 ki-szar2-ra ba-e-e11-ne-re7{re}-esz >>Q000351 074 75. en zi-ga-ni an-ne2 im-us2 >>Q000351 075 76. {d}nin-urta me3-sze3 du-ni gaba danna bi2-in-sa2 >>Q000351 076 77. u4-dam i3-du7-du7 ki-bala-sze3 tum9 8(disz) mu-un-u5 >>Q000351 077 78. gesz-gid2-da a2 i3-ur4-ur4-re >>Q000351 078 79. {gesz}mi-tum-e kur-sze3 ka ba-ab-du8 >>Q000351 079 80. {gesz}tukul-e gu2-erim2-sze3 tesz2-bi i3-gu7-e >>Q000351 080 81. im-hul u18-lu gesz-a mu-un-du3 >>Q000351 081 82. mar-uru5 sze-ba mu-un-ne-en-gub >>Q000351 082 83. ur-sag-ra uru2 mah sag gi4-a igi-sze3 mu-un-na-gen >>Q000351 083 84. sahar i3-zi-zi sahar i3-ga2-ga2 >>Q000351 084 85. du6-du6 dul2-la2 mu-un-si-ge4 a-ga-zi i3-tu11-be2 >>Q000351 085 86. u3-dub2 i3-szeg3 izi i3-su3-su3-su3 izi lu2 ba-an-zal-e >>Q000351 086 87. gesz mah ur2-bi-a mu-un-bala-e {gesz}tir-ra guru5 i-i >>Q000351 087 88. ki sza3-bi szu ba-szi-ri-ri a gig-ga i-i >>Q000351 088 89. {i7}idigna i3-suh3 i3-ur4-ur4 i3-lu3 szu im-tu-bu-ur >>Q000351 089 90. {gesz}ma2-kar-nun-ta-e3-a me3-sze3 giri3 im-mi-ib2-ul4-e >>Q000351 090 91. ug3-bi ki du-bi nu-un-zu e2-gar8 du3 i3-ak-ne >>Q000351 091 92. muszen dal-le-bi sag ib2-ta-de6 a2-bi ki mu-un-te-ge26-e >>Q000351 092 93. ku6-bi engur-ra u4 mi-ni-ib-ra ka mu-un-ba-ba-e >>Q000351 093 94. edin-na masz2-ansze-bi u2-ku-uk mi-ni-ib-du11 bir5-re-esz szu mi-ni-hu-uz3 >>Q000351 094 95. a-ge6 zi-bi gul-bi kur gul-gul >>Q000351 095 96. ur-sag {d}nin-urta ki-bala-a im-ma-DU i3-tuku >>Q000351 096 97. lu2 im2-ma-bi kur-ra im-ra iri-ba bu-du-ug im-za >>Q000351 097 98. gu4 a-ra-bi girisz-gin7 gir2-gir2-e ugu-ugu-bi mu-un-szu2 >>Q000351 098 99. szu-bi {u2}|KI.KAL|-gin7 tesz2 gesz mu-un-ri >>Q000351 099 100. sag-bi e2-gar8-e kas4 bi2-ib-kar-re >>Q000351 100 101. kur-ra gesz-nu11-bi dili ba9-ra2 nu-ga2-ga2 >>Q000351 101 102. zi-bi gaba-bi i-im-il2-il2 >>Q000351 102 103. ug3-bi tu-ra szu gu2 za3 bi2-ib2-la2 >>Q000351 103 104. ki-a asz2 im-mi-ib-sar-re-ne >>Q000351 104 105. u4 tu-da a2-sag3 u4 ha-lam-ma-bi-a ba-ni-ib-ga2-ga2-ne >>Q000351 105 106. en-e ki-bala-a-sze3 usz11 ze2-a i-ni-in-de2 >>Q000351 106 107. du-ni ze2 mu-un-us2 lipisz sumur mu-un-tag >>Q000351 107 108. i7 mah-gin7 mi-ni-ib-be2 i3-ur4-ru gu2-erim2-sze3 >>Q000351 108 109. {gesz}tukul sag pirig3-ga2-ni-a sza3 mu-un-na-ab-zalag-ge >>Q000351 109 110. muszen-gin7 i3-dal-e kur mu-na-ab-zukum-e >>Q000351 110 111. nu-sze-ga tum3-de3 a2 dub2 i3-ak-e >>Q000351 111 112. a-na ak-e zu-zu-de3 an-ur2 im-nigin2-nigin2 >>Q000351 112 113. ul du gaba mu-un-ru-gu2 inim-bi mu-un-na-ab-tum3 >>Q000351 113 114. nu-kusz2-u3 la-ba-tusz-u3 a2-bi mar-uru5 de6 >>Q000351 114 115. szar2-ur3-re en {d}nin-urta-ra a gu3 a-na bi2-ib-dab5 >>Q000351 115 116. ad gi4-a kur-ra szu im-mi-ib-gi4-gi4 >>Q000351 116 117. en {d}nin-urta-ra se3-ge5 ak mu-na-bur2-bur2-re >>Q000351 117 118. inim du11-ga a2-sag3-a gu-gin7 i3-si-il-le >>Q000351 118 119. ur-sag ni2-zu-sze3 du10-ge-esz mu-na-ab-be2 >>Q000351 119 120. {gesz}tukul-e ki ag2-ra gu2-da mu-ni-in-la2 >>Q000351 120 121. szar2-ur3-e en {d}nin-urta-ra gu3 mu-na-de2-e >>Q000351 121 122. ur-sag a-RU-ub {sa}szu2-usz me3 >>Q000351 122 123. {d}nin-urta lugal {gesz}szita2 an-na erim2-sze3 SZID nu-ru-gu2 >>Q000351 123 124. kal-ga u4 ki-bala-a du3 a-ge6-a buru14 su-su >>Q000351 124 125. lugal me3 igi im-gar KA-bi-a mu-un-ri-esz >>Q000351 125 126. {d}nin-urta sa-par3-gin7 u3-mu-e-dub {gesz}utug mah-gin7 u3-mu-e-szub >>Q000351 126 127. en mir-DU an-na {gesz}gag-a {gesz}tukul-e a tu5-bi2-ib2 >>Q000351 127 128. {d}nin-urta ur-sag ug5-ga-za mu-bi he2-pa3-de3 >>Q000351 128 129. ku-li-an-na uszum nig2-babbar2-ra >>Q000351 129 130. uruda nig2 kal-ga ur-sag szeg9-sag-6(disz) >>Q000351 130 131. ma2-gi4-lum en {d}saman-an-na >>Q000351 131 132. gu4-alim lugal {gesz}geszimmar >>Q000351 132 133. muszen anzu{muszen} musz-sag-7(disz) >>Q000351 133 134. {d}nin-urta kur-ra he2-mu-e-ni-ug5 >>Q000351 134 135. en me3 ne-en rib-ba-sze3 ba-ra-ab-szi-gen-ne2-en >>Q000351 135 136. {gesz}tukul sag3-ge ezem nam-gurusz-a >>Q000351 136 137. eszemen {d}inanna-ke4 a2-zu ba-ra-ni-zi >>Q000351 137 138. en me3 mah-e la-ba-e-du-un na-ab-ul4-en giri3 ki-a si-bi2-ib >>Q000351 138 139. {d}nin-urta a2-sag3-e kur-ra giri3 mu-e-szi-ni-gub-gub >>Q000351 139 140. ur-sag aga-na gal sig7-ga >>Q000351 140 141. dumu-sag {d}nin-lil2-le hi-li-a nu-til-e >>Q000351 141 142. en zi en-ra nun-e tu-u4-da >>Q000351 142 143. ur-sag {d}suen-gin7 si mu2-mu2 >>Q000351 143 144. lugal kalam-ma-ra ti u4 su3-ra2 >>Q000351 144 145. usu mah an-na-ra an ba9-ra2 >>Q000351 145 146. a ur4-ra KA pesz10 sa ur4-ra >>Q000351 146 147. {d}nin-urta en ni2 husz ri-a kur-ra sag szum2-mu >>Q000351 147 148. ur-sag gal tab-ba nu-tuku-tuku >>Q000351 148 149. a2-sze a2-sag3-ge nu-se3-ge >>Q000351 149 150. {d}nin-urta gurusz-zu kur-ra nam-ba-ni-ib-ku4-ku4 >>Q000351 150 151. ur-sag dumu ka silim-ma a-a-na >>Q000351 151 152. gal-zu sa2 galam-ma-ta e11-de3 >>Q000351 152 153. {d}nin-urta en dumu {d}en-lil2-la2 gesztu2 dagal dingir sze IB >>Q000351 153 154. en-e hasz2 mu-un-gid2 dur3{ur3} mu-dur2-ru >>Q000351 154 155. [...] zu2? kesz2-da za3 mu-ni-in-kesz2 >>Q000351 155 156. x mah? su3-ra2-ni kur-ra bi2-in-la2 >>Q000351 156 157. x x x-gin7 ug3-ba mi-ni-in-e3 >>Q000351 157 158. bad3? x x tusz-a-ke4 sa2 ba-an-du11 >>Q000351 158 159. me3 sag-gin7 ki-bala-a ba-an-gen >>Q000351 159 160. gesz-gid2-da-ni a2 im-ma-an-ag2 IM gu-bi-sze3 im-la2 >>Q000351 160 161. en-e {gesz}tukul-a-ni gu3 ba-an-de2 zu2 kesz2-bi-sze3 ba-gen >>Q000351 161 162. ur-sag-e me3-sze3 sag ba-an-szum2 an ki-e ba-la2 >>Q000351 162 163. {gesz}ilar {kusz}gur21{ur3}-e si bi2-in-sa2 kur ba-gul ba-sal >>Q000351 163 164. za3 zu2 kesz2 me3 {d}nin-urta-ka-sze3 >>Q000351 164 165. ur-sag-e {gesz}tukul-a-ni-sze3 da-da-ra di-da-ni >>Q000351 165 166. {d}utu la-ba-gub {d}suen ba-an-ku4 >>Q000351 166 167. kur-ra sag di-da ba-da-ha-lam u4 esir-re-esz ba-an-du3 >>Q000351 167 168. a2-sag3 me3 sag-ba mu-un-zi >>Q000351 168 169. an nam {gesz}tukul-sze3 ur2-ba mi-ni-in-bur12 szu im-ma-an-ti >>Q000351 169 170. musz-gin7 sag ki-a im-mi-ib2-be2 >>Q000351 170 171. ur-idim lu2-erim2-sze3 kun su3 dim3-ma ug5-ge >>Q000351 171 172. a da-bi-a mu-un-sur-sur-re >>Q000351 172 173. a2-sag3 {d}nin-urta dumu {d}en-lil2-la2-sze3 e2-gar8-gin7 mu-un-szi-gul-lu >>Q000351 173 174. u4 nam-tag-ga-gin7 gu3 husz bi2-ib2-ra >>Q000351 174 175. musz-sag-kal-gin7 kalam-ma szeg11 bi2-in-gi4 >>Q000351 175 176. kur-ra a mi-ni-ib2-had2 {gesz}szinig mi-ni-ib2-ur3 >>Q000351 176 177. ki-a su bi2-ib2-dar simx(GIG)-ma bi2-ib2-gar >>Q000351 177 178. gesz-gi izi ba-ab-szum2 an-e usz2 bi2-ib2-tu5 >>Q000351 178 179. sza3-ge ti ba-ab-bala ug3-bi sag2 ba-ab-du11 >>Q000351 179 180. i3-ne-esz2 u4-da a-sza3-ga uh3 ge6 >>Q000351 180 181. me-da ur2 an-na he-me-da-gin7 su2-a-sze3 ur5 he2-en-na-nam-ma-am3 >>Q000351 181 182. an ib2-dub2 ba-tusz sza3 szu ba-szi-ib-ri >>Q000351 182 183. {d}en-lil2 ib2-ur4-ur4 da-sze3 im-szi-ib-ri >>Q000351 183 184. {d}a-nun-na-ke4-ne e2-gar8-e ba-ab-ha-ha-za >>Q000351 184 185. tu{muszen}-gin7 e2 ni2 te-ta gu3 im-ma-ni-ib2-be2 >>Q000351 185 186. kur gal {d}en-lil2-le {d}nin-lil2-ra gu3 mu-na-de2-e >>Q000351 186 187. nitalam-gu10 dumu-gu10 nu-ba-tusz ge26-e a-na mu-zi-zi >>Q000351 187 188. en tesz2 e2-kur-ra lugal rab3? mah? a-a-na >>Q000351 188 189. {gesz}erin abzu-a mu2-a aga gissu dagal-la >>Q000351 189 190. dumu ki ni2 dub2-bu-gu10 nu-ba-tusz szu-gu10 a-ba ba-gid2-i-de3 >>Q000351 190 191. {gesz}tukul en-ra ki ag2 lugal-bi-ir gesz tuku >>Q000351 191 192. szar2-ur3-re en {d}nin-urta-ra >>Q000351 192 193. [...] nibru{ki}-sze3 a-a-ni-ir [...] >>Q000351 193 194. [...] ni2 me-lam2 tug2-gin7 bi2-[...] >>Q000351 194 195. [...] ba-an-la2 en ur5-re-esz [...] >>Q000351 195 196. {gesz}tukul-e [...] {d}en-lil2-ra gu3 mu-na-de2-e >>Q000351 196 197. [...] dumu-zu-ur2 a2-sag3 [...] >>Q000351 197 198. [...] x x x [...] >>Q000351 198 199. [...] >>Q000351 199 200. [...] >>Q000351 200 201. [...] >>Q000351 201 202. [...] >>Q000351 202 203. [...] >>Q000351 203 204. [...] >>Q000351 204 205. [...] >>Q000351 205 206. [...] >>Q000351 206 207. [...] >>Q000351 207 208. [...] >>Q000351 208 209. [...] >>Q000351 209 210. [...] >>Q000351 210 211. [...] x kur-kur? [...] >>Q000351 211 212. [...] in-da-sa2? ki-bala giri3? [...] >>Q000351 212 213. [...] x x u4? nu-dib-ba igi-gu10 ba-ab-gal2? [...] >>Q000351 213 214. [...] x NE a2? he2-en-gal2 en-zu gaba-zu mu-un-zi >>Q000351 214 215. [...] {d}nin-urta ni2-te-a-na geszkim i-im-ti >>Q000351 215 216. [...]-un-til-la i-im-gub a u4-gin7 ba-an-ta-had2 >>Q000351 216 217. [...]-ba-gu10? zi du10-ge-esz mi-ni-pa-ag2 hul2-hul2-le i-im-gub >>Q000351 217 218. x ur-sag? {d}nin-urta-ka-sze3 tum9-tum9 hul sukud-de3 >>Q000351 218 219. [...] x-ba e-ne-am3 kur na-mu-un-tum3 a2-ni u6 im-me >>Q000351 219 220. i3-ne-esz a2 im-ma-ag2 inim im-ma-ab-dab5-be2 >>Q000351 220 221. [...]-ib-szar2 geszkim ti-la dirig nam-ba-gir2-gir2-re >>Q000351 221 222. x x-a-ni a-sza3 he2-em-mi-in-dab5 ug3 nam-ta-ab-la2-e >>Q000351 222 223. x x gan2?-e numun na-an-ga-ma-ab-kal-le >>Q000351 223 224. {d}en-lil2-me-en nam a-na-tar-ra-ga2 mu-bi na-ab-ha-lam-e >>Q000351 224 225. {gesz}tukul-e sza3? x x-bi im-hun hasz2 ba-ni-in-ra >>Q000351 225 226. szar2-ur3-re du10 i-ni-in-bad ki-bala-a i-in-bur2 >>Q000351 226 227. en {d}nin-urta-ra hul2-la-a inim mu-na-ni-ib-be2 >>Q000351 227 228. lugal-gu10 [...]-zu a-na bi2-in-du11-ga-ta >>Q000351 228 229. a-ma-ru usz7 [...]-da-gar-a lu2-ra su3-su3-de3 >>Q000351 229 230. a2-sag3 ne3-ba szu a-ba-ni-ti ze2 ba-ni-in-su3 >>Q000351 230 231. dumu-gu10 e2-kur-ra hu-mu-da-ku4-ku4 >>Q000351 231 232. {d}nin-urta ug3-gu10 su3-u4-sze3 me-tesz2 hu-mu-i-i >>Q000351 232 233. en du11-ga a-a-na-sze3 gal2-la >>Q000351 233 234. usu mah {d}en-lil2-la2 na-an-gub-be2-en >>Q000351 234 235. u4 ki-bala kur zid2-gin7 pesz-e-de3 >>Q000351 235 236. {d}nin-urta kiszib3-la2 {d}en-lil2-la2 gen-a na-gal2-en >>Q000351 236 237. lugal-gu10 a2-sag3 im-du3-a e2-gar8 gag ak-a >>Q000351 237 238. bad3? dirig-ga szu nu-ru-gu2-da >>Q000351 238 239. [...] x ur5 gu7-u3-bi nu-be4-e >>Q000351 239 240. [...] x BI? nu-zi-zi-i >>Q000351 240 241. nam-ug5?-ge x [...] nu-zu-e sag-ba mu-ri-ib-us2 >>Q000351 241 242. im-hul sag-ga2 [...] x mu-un-dab5-be2 >>Q000351 242 243. lugal-gu10 me3 gesz-bar-re [...] x-ba ba-ni-ib2-sa2-sa2 >>Q000351 243 244. {d}nin-urta {gesz}tukul szuku [...]-ra ka ba-ab-du8? >>Q000351 244 245. gesz-gid2-da kur-re i-in-si? [...] mu-un-[...] >>Q000351 245 246. en?-e dungu-sze3 a2 [...] su3 >>Q000351 246 247. u4 ku10-ku10-ga-sze3 ba-an-ku4 [...] >>Q000351 247 248. u4-gin7 gu3 ba-an-de2 [...] >>Q000351 248 249. x i gesz-gid2-da [...] >>Q000351 249 250. {d}nin-urta x [...] >>Q000351 250 251. en-e tum9 x [...] >>Q000351 251 252. me3-ni kur-ra bar-us2 ba-ni-ib-ra >>Q000351 252 253. szar2-ur3-e tum9 an-sze3 ba-te ug3-bi sag2 ba-ab-du11 >>Q000351 253 254. |KA.GAG.KA|-gin7 i3-bu-bu-de3 >>Q000351 254 255. ah6-bi iri ni2-ba mu-un-gul-e >>Q000351 255 256. {gesz}tukul za3 sag11 di-da kur-re izi ba-szum2 >>Q000351 256 257. mi-tum-e zu2 sis-a sag im-tu10-tu10 >>Q000351 257 258. szita lipisz dirig-ga-e giri17 i3-dub-dub-be2 >>Q000351 258 259. gesz-gid2-da ki-a ba-ab-du3 sur3 mud-e bi2-ib-tum3 >>Q000351 259 260. ki-bala-a ga-gin7 ur-e ba-an-de2 >>Q000351 260 261. lu2-erim2-e i-zi dam dumu-bi gu3 ba-an-de2 >>Q000351 261 262. en {d}nin-urta-ra a2 nu-mu-e-zi >>Q000351 262 263. {gesz}tukul-e kur sahar-da im-da-ab-szar2 pesz a2-sag3-a nu-ub-tuk4 >>Q000351 263 264. szar2-ur3-e en-ra szu gu2-bi-sze3 ba-an-na-ni-ib-ri-ri >>Q000351 264 265. e ur-sag a-na in-ga-ra-gal2-la >>Q000351 265 266. mir kur-ra-ke4 ba-ra-bi2-tag-tag-ge4? >>Q000351 266 267. {d}nin-urta en dumu {d}en-lil2-la2 u4-gin7 szi-in-ga-du3 >>Q000351 267 268. u3-bu-bu-ul e3-a-bi nu-du10-ga >>Q000351 268 269. asz-gin7 giri17 e3-a-bi nu-se3-ge >>Q000351 269 270. en inim gib sza3-sze3 nu-ra-gid2 >>Q000351 270 271. lugal-gu10 dingir-gin7 mu-ra-an-du3 a-ba sag ma-ra-ab-us2-e >>Q000351 271 272. ur-sag muru9-a ki ba-ab-us2 naga-am3 ki? [...] x RI? >>Q000351 272 273. {d}nin-urta dur3{ur3} kur-ra mu-ni-in-sar-sar-re >>Q000351 273 274. ni2 me-lam2-e sahar i3-ur4-ru szika im-e-esz i3-szeg3 >>Q000351 274 275. ki-bala-a pirig zu2 sis mu-un-ra lu2 nu-mu-ni-in-dab5-be2 >>Q000351 275 276. mir mir-ra lil2 tesz2 im-gaz-za-ta ur5 tu11 mu-e-ak-e >>Q000351 276 277. amasz lil2-la2-en-da igi tab-ba a ki-a mi-ni-ib-had2 >>Q000351 277 278. u4 tesz2-e ri-a ug3 im-til a2-szu-du7 nu-tuku >>Q000351 278 279. lu2-erim2 zi sza3-ge nu-gal2-la >>Q000351 279 280. ur-sag gal en gaba-zu zi-ga-ab si-ga-bi im-me >>Q000351 280 281. en-e kur-ra dum-dam mu-ni-ib-za szeg11 gi4 nu-mu-un-gul-e >>Q000351 281 282. ur-sag-e gu3 ki-bala nu-de2 |IGI.U| nam-mi-gar >>Q000351 282 283. nig2 im-hul-hul im-ZI ba-ab-gi4 >>Q000351 283 284. gu2-erim2-e sag gesz mi-ni-ib-ra-ra kur-ra i-si-isz ba-ab-gar >>Q000351 284 285. en-e erin2 nig2 ga-ab-kar di?-gin7 szu i3-ni10-ni10-e >>Q000351 285 286. gesz-nu11-gin7 kur-ra a2-sag3-ge igi husz ba-szi-in-il2 >>Q000351 286 287. ki-bala te-esz ba-ni-in-du11-ga DI-bi mu-un-gul >>Q000351 287 288. {d}nin-urta erim2-e mu-ni-in-dib |AB.NIG2|-gin7 mu-un-si >>Q000351 288 289. a2-sag3 ni2 me-lam2-bi gub-ba sig-sze3 ba-szi-gub >>Q000351 289 290. sig-sze3 ba-szi-gub nim-sze3 u6 bi2-in-du11 >>Q000351 290 291. a-gin7 mu-un-lu3-lu3 kur-ra sag2 bi2-in-du11 >>Q000351 291 292. {u2}numun2-gin7 mu-un-bur12 {u2}numun2-gin7 mu-un-ze2 >>Q000351 292 293. ni2 me-lam2-ma-ni kalam-ma dul-lu >>Q000351 293 294. a2-sag3 sze sze6-ga2-gin7 mu-un-dub2 numun-bi im-da-DI >>Q000351 294 295. szeg12 si-il-la2-gin7 tesz2-ba bi2-in-gar >>Q000351 295 296. szu-gal-an-zu-bi ne-mur-ra-gin7-nam zid2-de3-esz mu-un-dub-dub >>Q000351 296 297. im-du3-a im-bi suh-a-gin7 tesz2-bi im-mi-in-gar >>Q000351 297 298. ur-sag-e nig2 sza3-ga-na mu-un-sa2? >>Q000351 298 299. {d}nin-urta en dumu {d}en-lil2-la2 i3-x x ba-sed-de3 >>Q000351 299 300. kur-ra u4-ta im-ma-ra-zal >>Q000351 300 301. {d}utu silim-ma mu-na-an-du11 >>Q000351 301 302. en-e ib2-la2 {gesz}tukul a mu-x x tug2? usz2-a mu-un-tu5? >>Q000351 302 303. ur-sag-e sag-ki szu bi2-ib-ur3 ad6-a za-pa-ag2 bi2-in-gar >>Q000351 303 304. |AB.NIG2|-gin7 a2-sag3 ug5-ga-na ma2 gaz ak-da-ni >>Q000351 304 305. dingir? kalam-ma mu-un-na-sug2-ge-esz >>Q000351 305 306. dur3{ur3} kusz2-a-gin7 mu-un-na-gurud-de3-esz >>Q000351 306 307. en-e a-ra2 mah-a-ni-sze3 >>Q000351 307 308. {d}nin-urta dumu {d}en-lil2-la2 szu-ta silim ba-ab-sag3-sag3-ge-ne >>Q000351 308 309. szar2-ur3-e an-ta lugal-bi-ir mi2 zi-de3-esz mu-un-ne >>Q000351 309 310. en mesz3 mah gan2-e a du11-ga ur-sag a-ba za-gin7 >>Q000351 310 311. lugal-gu10 za3-zu ba-ra-ga-an-til ba-ra-ga-an-gub ba-ra-ga-u3-tu >>Q000351 311 312. {d}nin-urta u4-da-ta kur-ra lu2 ba-ra-ra-an-zi-zi >>Q000351 312 313. lugal-gu10 szeg11 dili gi4-a-za >>Q000351 313 314. gesz-gan2-nu? a-gin7 mi2 bi2-ib-tag? >>Q000351 314 315. mir? ki-bala [...] x mu-ni-in-e? >>Q000351 315 316. en {d}nin-urta [...] >>Q000351 316 317. a2-sag3 [...] >>Q000351 317 318. IM? [...] >>Q000351 318 319. [...] >>Q000351 319 320. [...] >>Q000351 320 321. [...] >>Q000351 321 322. [...] >>Q000351 322 323. gesz-GAN2 x [...] >>Q000351 323 324. a2-sag3 ki-bala-a {u2}numun2-gin7 bur12-ra {u2}numun2-gin7 ze2-a >>Q000351 324 325. en {d}nin-urta-ke4 {gesz}tukul-a-ni im-[...] >>Q000351 325 326. za3? ki?-gin7 x-gin7 gub-bu ul-la-ga2 sza3?-ge [...] >>Q000351 326 327. u4-da-ta a2-sag3 nam-ba-DI na4 mu-bi he2-em >>Q000351 327 328. na4 {na4}zalag mu-bi he2-em na4 mu-bi he2-em >>Q000351 328 329. ur5-ra-am3 bar-bi irigal he2-em >>Q000351 329 330. nam-ur-sag-bi en-ra he2-em >>Q000351 330 331. {gesz}tukul ub-ub-da gub-bu nam tar-re-da >>Q000351 331 332. me3 mah-e kalam-ma-ta be4-e >>Q000351 332 333. [...] >>Q000351 333 334. u4-bi-a a silim ki-ta du a-gar3-ra nu-um-de2 >>Q000351 334 335. a sed du8-du8-du8-u3 u4 zal-le-da-gin7 kur-ra e2-ri-a ba-ni-ib2-il2-a >>Q000351 335 336. dingir kalam-ma ba-sug2-ge-esz-a >>Q000351 336 337. {gesz}al {gesz}dusu-bi mu-un-la2-esz-a >>Q000351 337 338. ur5-ra-am3 esz2-gar3-bi i3-me-a >>Q000351 338 339. ug3 tar-bi-sze3 e2 lu2 gu3 ba-an-de2 >>Q000351 339 340. {i7}idigna nam-gu-la-ba an-sze3 u5-bi nu-il2-e >>Q000351 340 341. kun-bi a-ab-ba-e li-bi2-la2-a a du10 nu-um-[...] >>Q000351 341 342. nesag? kar-re lu2 nu-gid2?-e >>Q000351 342 343. sza3-gar hul-a nig2 nu-tu-u4 >>Q000351 343 344. i7 tur-tur-re szu luh lu2 li-bi2-in-ak sahar nu-mu-da-an-zi-zi-i >>Q000351 344 345. GAN2 zi-da a nu-szub-szub-be2 e ak nu-gal2-la >>Q000351 345 346. kur-kur-re ab-sin2-na nu-gub-bu sze bir-a i-im-ak >>Q000351 346 347. en-e gesztu2 mah im-gub-be2 >>Q000351 347 348. {d}nin-urta en-lil2-la2-ke4 gal-bi i3-ga2-ga2 >>Q000351 348 349. gu-ru-um na4 kur-ra mi-ni-in-ak >>Q000351 349 350. dungu dirig-ga-gin7 a2 bi2-in-su3-su3-u4 >>Q000351 350 351. bad3 mah-gin7 kalam-ma igi-ba bi2-in-tab-ba >>Q000351 351 352. {gesz}bala ki-szar2-ra mu-ni-in-gar >>Q000351 352 353. ur-sag-e mu-un-galam iri tesz2-bi mu-un-usz2 >>Q000351 353 354. a kal-ga na4 im-da-an-sa2 >>Q000351 354 355. i3-ne-esz2 a kur da-ri2-sze3 ki-a nu-um-e11-de3 >>Q000351 355 356. i3-bir-bir-am3 gu2 ba-ni-in-gar >>Q000351 356 357. kur-ra sug-e ba-ni-ib2-gu7-a >>Q000351 357 358. mu-un-ur4-ur4 {i7}idigna im-ma-an-szum2 >>Q000351 358 359. a-esztub{ku6} a-gar3-ra mi-ni-in-de2-de2 >>Q000351 359 360. i3-ne-esz2 u4-da nig2 ki-szar2-ra-ke4 >>Q000351 360 361. lugal kalam-ma en {d}nin-urta-ra su3-u4-bi-sze3 mu-un-hul2-e-esz >>Q000351 361 362. gan2-ne2 sze gu-nu a mi-ni-in-szum2 >>Q000351 362 363. buru14 pu2-kiri6-ke4 szu im-mi-in-il2 >>Q000351 363 364. guru7-du6-de3 gu2 im-mi-in-gur-gur >>Q000351 364 365. en-e kalam-ta kar im-ta-an-e11 >>Q000351 365 366. dingir-re-e-ne ur5-bi mu-un-sa6 >>Q000351 366 367. {d}nin-urta a-a-ni me-tesz2 me-i-i-ne >>Q000351 367 368. u4-bi-a munus-ra arhusz-a sa2 nam-ga-mu-ni-ib2-du11 >>Q000351 368 369. {d}nin-mah-e ki gesz3 du11-ga-ni-sze3 u3 nu-um-szi-ib2-ku-ku >>Q000351 369 370. siki u8 dugud-gin7 bar-ra bi2-in-dul >>Q000351 370 371. i-lu kur giri3 nu-gal2-la-bi gal-gal-bi mi-ni-ib2-be2 >>Q000351 371 372. u3-mu-un a2 mah-a-ni kur-re nu-il2-i >>Q000351 372 373. ur-sag gal an-gin7 ib2-ba-na a2-bi lu2 nu-te-ge26 >>Q000351 373 374. u4 sumur ki-a du usz11 gaba-ba gar-a >>Q000351 374 375. en szi {d}mu-ul-lil2-la2 men sag-e du7 >>Q000351 375 376. UR [...] nu-zu >>Q000351 376 377. sze-er-ma-al sag ma-an-ze2-eg3 dam mu-un-gub-bu-na-gu10 >>Q000351 377 378. mu-u4-da-na in-szi-tu-u4 ba-an-us2 hur nu-mu-da-ab-gar-ra >>Q000351 378 379. du5-mu {d}mu-ul-lil2-la2 szu mu-un-dag i-bi2-ni na-ma-an-il2-la >>Q000351 379 380. szul zi munus zi-de3 ba-an-du11 >>Q000351 380 381. e2-szu-me-sza4 ki i-bi2 il2-la-ni in-ne-a-gen-na >>Q000351 381 382. gu da-an-szi-in-ku5 u3-mu-un er9-ra-sze3 >>Q000351 382 383. ga-sza-an-gen dili-gu10-ne ga-an-szi-gen en da gi16-sa-sze3 >>Q000351 383 384. a2-sze ge26-e u6 mu-na-ni-in-du11 >>Q000351 384 385. si sa2 du5-mu di-ku5 {d}mu-ul-lil2-la2 >>Q000351 385 386. ur-sag gal ag2 sa6-ga a-a-na he2-em-da-ri-am3 >>Q000351 386 387. munus-e szir3 ku3-ge-esz i3-ag2-ge26 >>Q000351 387 388. {d}nin-mah-e en {d}nin-urta-ra mu-ni-ib-be2 >>Q000351 388 389. igi nam-ti-la-ka-ni mu-un-szi-in-bar gu3 mu-na-de2-e >>Q000351 389 390. munus kur-sze3 i-im-gen-ne-en-na-gin7 >>Q000351 390 391. {d}nin-mah nam-gu10-sze3 ki-bala-a mu-un-ku4-re-en-na-gin7 >>Q000351 391 392. me3 ni2 husz-ba ri-a-ga2 la-ba-an-su3-de3-en-na-gin7 >>Q000351 392 393. ur-sag-me-en gu-ru-um gar-ra-ga2 >>Q000351 393 394. hur-sag mu-bi he2-em za-e nin-bi he2-em >>Q000351 394 395. i3-ne-esz2 nam tar-ra {d}nin-urta-ka >>Q000351 395 396. u4-da {d}nin-hur-sag-ga2 di-sze3 ur5 he2-en-na-nam-ma-am3 >>Q000351 396 397a. sza3-tum2-bi szim ha-ra-an-mu2 >>Q000351 397a 397b. [...]-tum2-bi szim la2 la? [...] >>Q000351 397b 398. gu2-gu2-bi lal3 gesztin ha-ra-an-mu2 >>Q000351 398 399. {gesz}erin {gesz}szu-ur2-men2 {gesz}za-ba-lum {gesz}taskarin du8-du8-bi ha-ra-an-mu2 >>Q000351 399 400. kiri6-gin7 nig2-sa-ha szu hu-mu-ra-ni-ib-tag >>Q000351 400 401. hur-sag-e ir nam-dingir-ra hu-mu-ra-an-gu-ul-gu2?-e >>Q000351 401 402. ku3-sig17 ku3-babbar hu-mu-ra-ab-bala-e |HI.IB.LAL3| hu-mu-ra-ab-ak >>Q000351 402 403. uruda nagga hu-mu-ra-ab-zal-le gun2-bi hu-mu-ra-an-ak >>Q000351 403 404. kur-re masz2-ansze ha-ra-ab-lu-e >>Q000351 404 405. hur-sag-e nig2-ur2-4(disz)-e numun ha-ra-ni-ib-i-i >>Q000351 405 406. za-e nin-me-en i3-da-sa2-sa2-a an-gin7 ni2 husz gur3-ru >>Q000351 406 407. dingir mah inim dirig-ge hul gig >>Q000351 407 408. munus zi nin-hur-sag ki-sikil >>Q000351 408 409. {d}nin-tu a2 sed-bi dab5-be2-sze3 >>Q000351 409 410. te-e-mu-da nin me mah ma-ra-an-szum2 za-e he2-em-il2-e >>Q000351 410 411. en-e kur-ra nam mu-ni-in-tar-re du-ni esz3 nibru{ki}-a >>Q000351 411 412. munus zi me-ni me dirig-ga nin nagar sza3-ga >>Q000351 412 413. da-ru-ru nin9 gal {d}en-lil2-la2 gaba-na ba-e-gub >>Q000351 413 414. ur-sag gal ur-sag ug5-ga-za >>Q000351 414 415. u3-mu-un a-a-ni-gin7 du11-ga-ni nu-kur2-ru na-ag2 nu-um-mi-tar >>Q000351 415 416. en-e {na4}u2-e gu3 ba-de2-e in-di3 bi2-ib-kur-ku >>Q000351 416 417. en ib2-ba kalam-ma inim mu-na-ni-ib-be2 >>Q000351 417 418. {d}nin-urta dumu {d}en-lil2-la2-ke4 asz2 im-mi-ib2-sar-re >>Q000351 418 419. {na4}u2 kur-ra ma-an-zi-ge-en-na-gin7 >>Q000351 419 420. szu se3-ge5-gu10-sze3 mu-e-gib-ba-gin7 >>Q000351 420 421. nam ug5-ge-gu10 ba-e-ku5-da-gin7 >>Q000351 421 422. en {d}nin-urta-me-en ki-tusz mah-ga2 ba-e-hu-luh-en-na-gin7 >>Q000351 422 423. kal-ga szul e2-gar8 tuku dirig-ga-me-en alan-zu he2-em-ta-be4 >>Q000351 423 424. pirig gal usu-bi-ta nir-gal2-la-am3 he2-me-ze-er-ze-re-de3 >>Q000351 424 425. usu-tuku a-gar5-re szu he2-gid2-de3 >>Q000351 425 426. gurusz {na4}u2 szesz-zu zid2-gin7 he2-me-dub-bu-ne >>Q000351 426 427. li-li-a-zu szu ha-ba-ab-zi-ge-en ad6-ba zu2 e3-ni-ib >>Q000351 427 428. gurusz-me-en gu3 de2-zu he2-gal2 |GAN.SUM|-gin7 he2-til-e >>Q000351 428 429. am gal lu2 szar2-re gaz-za-gin7 nig2-ba-bi gar-ra >>Q000351 429 430. {na4}u2 {gesz}tukul-ta ur-gi7 me3-ta >>Q000351 430 431. nig2 sipa-tur-re al-sar-re-gin7 >>Q000351 431 432. en-me-en {na4}gug me-re-kul-la-za mu-bi he2-sa4 >>Q000351 432 433. i3-ne-esz2 nam tar-ra {d}nin-urta-ka >>Q000351 433 434. u4-da {na4}u2 ub-tag {na4}gug buru3-da ur5 he2-en-na-nam-ma >>Q000351 434 435. ur-sag-e {na4}szu-u {na4}ga-sur-ra-ke4 gu3 im-ma-de2-e >>Q000351 435 436. en-e a ri-a bi2-ib2-szid-de3 >>Q000351 436 437. {d}nin-urta dumu {d}en-lil2-la2-ke4 nam am3-mi-ib2-tar-re >>Q000351 437 438. {na4}szu-u {gesz}tukul-ga2 sag bi2-dim2-za-na-gin7 >>Q000351 438 439. {na4}ga-sur-ra gu4-gin7 u3-na ma-an-sug2-ge-en-za-na-gin7 >>Q000351 439 440. am-gin7 a2 sahar-ra me-er-re-dim2-za-na-gin7 >>Q000351 440 441. girisz-gin7 szu ha-ba-e-en-ze2-en >>Q000351 441 442. ni2 me-lam2-gu10 ba-e-de3-en-dul >>Q000351 442 443. a2 mah-ga2 la-ba-an-zi-ge-en-za-na-gin7 >>Q000351 443 444. ku3-dim2-e zi-ni-sze3 he2-pa-an-pa >>Q000351 444 445. umun2 ki nam-dumu-ni-sze3 ha-ba-x-na-ag2 >>Q000351 445 446. u2-sag dingir-re-e-ne-ke4 >>Q000351 446 447. u4? iti?-da za3-ge he2-em-de3-si-si-ne >>Q000351 447 448. lugal-gu10 {na4}sag-kal-e ba-gub >>Q000351 448 449. {na4}gul-gul {na4}sag-gar-ra gu3 ba-an-de2 >>Q000351 449 450. {d}nin-urta dumu {d}en-lil2-la2-ke4 nam am3-mi-ni-ib-tar-re >>Q000351 450 451. {na4}sag-kal [...] x ma-dal-le-na-gin7 >>Q000351 451 452. {na4}gul-gul zu2 kesz2-da ma-an-gir2-gir2-re-na-gin7 >>Q000351 452 453. {na4}sag-gar sag mu-e-bul-bul-a-gin7 >>Q000351 453 454. en-me-en zu2 ga2-ra mu-e-sud2-sud2-da-gin7 >>Q000351 454 455. {na4}sag-gar {na4}sag-kal-e he2-se3-ge >>Q000351 455 456. szul zi {na4}gul-gul-e he2-gul-e >>Q000351 456 457. sag nu-kal-la si-ig ha-ma-ra-an-ze2-eg3 >>Q000351 457 458. sza3-gar kalam-ma-sze3 gar-ba-ni-ib szu iri{ki}-za he2-eb-si >>Q000351 458 459. sag he2-sal ur-sag geme2-e-ne he2-me-en >>Q000351 459 460. ul4-ab sar-ra-ab hu-mu-ra-ab-be2 mu-bi he2-sa4 >>Q000351 460 461. i3-ne-esz2 nam tar-ra {d}nin-urta-ka >>Q000351 461 462. u4-da kalam-e kin gig di-sze3 ur5 he2-en-na-nam >>Q000351 462 463. lugal-gu10 {na4}esi-a im-ma-gub >>Q000351 463 464. sza3 dab5-ba KA? gen6-ne2-esz zu?-ba szir3-re-esz im-mi-ib-be2 >>Q000351 464 465. {d}nin-urta dumu {d}en-lil2-la2-ke4 nam am3-mi-ib2-tar-re >>Q000351 465 466. {na4}esi me3-zu a-ga-ba kur2-ra >>Q000351 466 467. i-bi2 dugud-gin7 ma-an-du3-u3-nam >>Q000351 467 468. a2 nu-mu-e-zi ga2-a-ra sag nu-mu-e-szum2 >>Q000351 468 469. lul-am3 en dili-ni ur-sag-ga2 >>Q000351 469 470. {d}nin-urta dumu {d}en-lil2-la2-ra a-ba mu-da-ab-sa2-e im-mi-du11-ga-gin7 >>Q000351 470 471. kur igi-nim-ta he2-mu-e-zi-zi-ne >>Q000351 471 472. kur ma2-gan{ki}-ta he2-mu-e-ga2-ga2-ne >>Q000351 472 473. za-e uruda nig2 kal-ga kusz-gin7 u3-mu-e-HI >>Q000351 473 474. en-me-en a2 nam-ur-sag-ga2-gu10 szu gal-bi he2-ni-du7 >>Q000351 474 475. lugal u4 su3-ra2 mu-ni i3-ga2-ga2-a >>Q000351 475 476. alan-bi u4 ul-le2-a-asz u3-mu-un-dim2-ma >>Q000351 476 477. e2-ninnu e2 giri17-zal sug4-ga2 >>Q000351 477 478. ki-a-nag-ba um-mi-gub-be2 me-te-asz he2-em-szi-gal2 >>Q000351 478 479. lugal-gu10 na4-e im-ma-gub >>Q000351 479 480. {na4}na-ta su im-ta-du3-du3-e >>Q000351 480 481. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 481 482. na4 a2-sze ge26 bi2-du11-ga-gin7 >>Q000351 482 483. {na4}na me-ga2 gesz ba-e-szub-bu-za-na-gin7 >>Q000351 483 484. za-e dim2-me-de3 szah2-gin7 nu2-ba >>Q000351 484 485. gurud-da kin-sze3 na-an-ak-e-en tur-tur-bi til-la >>Q000351 485 486. zu-a-zu a-da he2-mu-e-da-gi4-gi4 >>Q000351 486 487. lugal-gu10 {na4}e-le-el-e im-ma-gub >>Q000351 487 488. {d}nin-urta dumu {d}en-lil2-la2-ke4 nam im-mi-ni-ib2-tar-re >>Q000351 488 489. {na4}e-le-el gesztu2 tuku kur du14 mu2-a-ba ni2-gu10 he2-me-ni-ri >>Q000351 489 490. ki-bala-a ug3 tesz2-ba ri-a-ga2 mu-gu10 he2-em-mi-ib-sa4 >>Q000351 490 491. silim-ma-zu-ta nam-ba-e-re-be6 >>Q000351 491 492. gur4-ra-zu tur-re-bi he2-gig >>Q000351 492 493. me-gu10 bar-zu-a si ha-ra-ni-ib2-sa2-e >>Q000351 493 494. {gesz}tukul sag3-ge ur-sag ug5-ga-ga2? szu gal-bi he2-ni-du7 >>Q000351 494 495. kisal mah-ga2-a ki-gal ha-ra-ab-ri >>Q000351 495 496. kalam-e u6 du10-ge-esz he2-a-e kur-kur he2-mi-i-i >>Q000351 496 497. ur-sag {na4}ka-gen6-na-e ba-gub >>Q000351 497 498. nam-kal-ga-bi-sze3 gu3 ba-an-de2 >>Q000351 498 499. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 499 500. szul ni2-tuku gesz-nu11 bar-sze3 gal2 >>Q000351 500 501. {na4}ka-gen6-na ki-bala-a-ta gu3 mu-e-re-gal2-la >>Q000351 501 502. [...] szu-gu10 sa2 nu-mu-ri-ib-du11 >>Q000351 502 503. da3-da3 da-ta la-ba-an-da-la2-e >>Q000351 503 504. kalam-ma giri3-zu ba-ab-si-ge-en >>Q000351 504 505. mar-za {d}utu me-zu he2-a >>Q000351 505 506. di-ku5-gin7 kur-kur-ra si sa2-e >>Q000351 506 507. szu-gal-an-zu pag-du3 nig2-nam-ma-ka >>Q000351 507 508. nam-ku3-sig17-sze3 he2-en-na-kal-le-en >>Q000351 508 509. szul ba-dab5-be2-na u3 ba-ra-e-szi-ku-un en-na ti-la-zu-sze3 >>Q000351 509 510. i3-ne-esz2 nam tar-ra {d}nin-urta-kam >>Q000351 510 511. u4-da {na4}ka-gen6-na ti-la ur5 he2-en-na-nam-ma >>Q000351 511 512. ur-sag-e {na4}gesz-nu11-gal-e ba-gub >>Q000351 512 513. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 513 514. {na4}gesz-nu11 su u4-gin7 kar2-kar2-ka >>Q000351 514 515. ku3 luh-ha szul e2-gal-e du7 >>Q000351 515 516. szu dili-zu-a mu-e-ni-zi-zi-i >>Q000351 516 517. sag? kur-zu-a ki mu-e-ni-su-ub >>Q000351 517 518. {gesz}tukul nu-mu-ra-sag3 a2 la-ba-ri-gur >>Q000351 518 519. ur-sag szeg11 gi4-gu10-u8 ba-ab-gub-en >>Q000351 519 520. nig2 sa6-ga mu-zu he2-pa3-de3 >>Q000351 520 521. erim3 kalam-ma szu-za he2-em-si kiszib3-gal2-bi he2-me-en >>Q000351 521 521a. da-nun-na [...] >>Q000351 521a 522. lugal-gu10 {na4}algamesz-e ba-gub igi dul2 ba-an-ak >>Q000351 522 523. en ib2-ba kalam-ma inim mu-na-ni-ib-be2 >>Q000351 523 524. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 524 525. a-gin7 du-gu10-sze3 en3 mu-e-szi-tar >>Q000351 525 526. gesz-kin-ti-gu10-sze3 igi gen-na >>Q000351 526 527a. {na4}algamesz sa2-du11 u4-da gur3-ru za-dim2-e-ne he2-me-en >>Q000351 527a 527b. _x{ki} u4-mi sza x_ >>Q000351 527b 528. lugal-gu10 {na4}du8-szi-a ba-gub >>Q000351 528 529. {na4}nir {na4}gug {na4}za-gin3-na gu3 ba-an-de2-e >>Q000351 529 530. {na4}amasz-pa-e3 {na4}sza-ba {na4}hu-ri2-zum {na4}gug-gazi {na4}mar-ha-li >>Q000351 530 531. {na4}e-gi-za3-ga {na4}gi-rin-hi-li-ba {na4}an-zu2-gul-me {na4}nir2-musz-gir2{ki} >>Q000351 531 532. en-e zi {kusz}ummu-e >>Q000351 532 533. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 533 534a. _a-na ba-du-un_ nita munus dim2-ma _u3_ za-e-gin7 ki-gu10-sze3 >>Q000351 534a 534b. nita _u3_ munus _sza t,e4-mi u3 x_ >>Q000351 534b 535. nam-tag nu-e-tuku szu-zu e2-gar8-e ba-da-ab-us2-e >>Q000351 535 536. ki inim-ma-ka ni2 mu-e-ni-bulug3-en >>Q000351 536 537. ad gi4-gi4-da ge26-e mu-e-ni-bulug3-en >>Q000351 537 538. pu-uh2-ru-um-ma szagina mu-e-ni-gar-ra-gin7 >>Q000351 538 539. nir lal3 kurun-na ha-ba-pa3-de3-en >>Q000351 539 540. ku3-ga zi-de3-esz mi2 he2-en-ne-en-ze2-en >>Q000351 540 541. u2-sag dingir-re-e-ne-ke4 >>Q000351 541 542. kur-kur-re giri17 ki szu2-szu2-zu giri17 szu ha-ra-ab-tag-ge >>Q000351 542 543. lugal-gu10 {na4}giri2-zu2-gal-la-ke4 ba-gub igi dul2 ba-an-ak >>Q000351 543 544. en ib2-ba kalam-ma inim mu-na-ni-ib-be2 >>Q000351 544 545. {d}nin-urta dumu {d}en-lil2-la2-ke4 asz2 im-mi-ib-sar-re >>Q000351 545 546. e {na4}giri2-zu2-gal-la lu2 2(disz) a-na-bi >>Q000351 546 547. am kur-zu-a si? he2-me-ni-bur2 |U3.GAN|-sze3 nu2-a >>Q000351 547 548. nu-mu-e-se3-ge sag mi-ri-ib-us2 >>Q000351 548 549. bara2-gin7 mu-un-si-il-le lu2 he2-ta-sig-ge >>Q000351 549 550. tibira za-ra ha-ra-gal2? umbin he2-tag-ge >>Q000351 550 551. szul usu nig2 kur2 de6-a-zu >>Q000351 551 552. nagar lu2 kin ga-ab-sa10-a di-di-da? >>Q000351 552 553. a du11-ga-gin7 a he2-ri-ib-gi4-gi4 munu4-e-esz he2-gaz-gaz >>Q000351 553 554. lugal-gu10 {na4}im-an-e ba-gub >>Q000351 554 555. {na4}al-li2-ga gu3 ba-an-de2-e >>Q000351 555 556. {d}nin-urta dumu {d}en-lil2-la2-ke4 nam im-mi-ib-tar-re >>Q000351 556 557. {na4}im-ma-an kur-ra szeg11 mu-[...]-gi4-gi4 >>Q000351 557 558. gu3 husz me3 gu3 husz bi2-ib-ra-[...] >>Q000351 558 559. izi-gin7 mu-la2-en-ze2-en >>Q000351 559 560. u4-gin7 mu-dub-bu-un-ze2-en >>Q000351 560 561. {u2}numun2-gin7 mu-sag3-ge-en-ze2-en >>Q000351 561 562. {u2}numun2-gin7 mu-e-bur12-re-en-ze2-en >>Q000351 562 563. a-ba szu in-ne-szi-in-de6 >>Q000351 563 564. {na4}im-ma-an gu3 de2-zu na-an-kal-am3 en3-zu na-an-tar-re >>Q000351 564 565. {na4}im-ma-an {na4}al-li2-ga e2-gal-la du-u3-zu na-an-sa2 >>Q000351 565 566. lugal-gu10 {na4}masz-da im-ma-gub >>Q000351 566 567. {na4}dub-ba-an {na4}u2-ru-tum-e gu3 ba-an-de2 >>Q000351 567 568. {d}nin-urta dumu {d}en-lil2-la2-ke4 in-di3 bi2-ib-kur-ku >>Q000351 568 569. {na4}masz-da {na4}dub-ba-an ga-an-ze-er bar7-a >>Q000351 569 570. {na4}u2-ru-tum na-me nu-gub-bu >>Q000351 570 571. {na4}ga-sur-ra zi murgu2-sze3 szub-bu he2-em-ta-ab-|KAxNE|-a >>Q000351 571 572. ki-bala-a sur3-gin7 ma-mu2-un-ze2-en >>Q000351 572 573. kur sa-ba mu-e-szi-gub-bu-un-za-na-gin7 >>Q000351 573 574. {na4}masz-da udu-gin7 he2-sur-sur-ne >>Q000351 574 575. {na4}dub-ba-an nig2 ze2-re-de3 he2-bi2-sag3-ge-ne >>Q000351 575 576. {na4}u2-ru-tum mi-tum-gin7 u3-sar he2-ak-ne >>Q000351 576 577. zabar hu-ut-pa dingir-re-e-ne-ka >>Q000351 577 578a. giri2 husz sa-sa-da gin2-e he2-bi2-sag3-ge-ne >>Q000351 578a 578b. _pat-ru3 ez-zu-tum i-na za-qa2-tim li-qa-x [...]_ >>Q000351 578b 579. lugal-gu10 {na4}sza-ga-ra im-ma-gub >>Q000351 579 580. {d}nin-urta dumu {d}en-lil2-la2-ke4 nam im-mi-ib-tar-re >>Q000351 580 581. {na4}sza-ga-ra sag edin-na dili-bi du sag-du tibir ra >>Q000351 581 582. kur-ra a2 dab5-ba-e-ga2 mu-e-ni-zukum? >>Q000351 582 583. me3-ba la-la mu-e-ni-gar-ra-gin7 >>Q000351 583 584. ad-kup4-e gi he2-em-ta-gu4-u4-e ki-nu2-za he2-bi2-szub-be2 >>Q000351 584 585. SIG7-a ama ugu-za he2-bi2-tur-tur zi-ga-ab-zu nam-me >>Q000351 585 586. a2-asz2-zu-a lu2 na-an-ni-ti-le >>Q000351 586 587. u2-gu ba-an-de2-zu ug3-e nam-me >>Q000351 587 588. me da-ri2-sze3 du3-a ki ni2 dub2-bu {d}nin-hur-sag-ka-sze3 >>Q000351 588 589. ka tar-re-de3 bara2-ba u3-bi2-in-gurud-de3 >>Q000351 589 590. kasz dida nam udu-sze3 lu2 ha-ra-ab-zil-e >>Q000351 590 591. zid2 dub-dub-ba-bi he2-hul2-le-en ki-bur2-ru-zu he2-a >>Q000351 591 592. lugal-gu10 {na4}mar-hu-sza ba-gub >>Q000351 592 593. {d}nin-urta dumu {d}en-lil2-la2-ke4 nam im-mi-ib-tar-re >>Q000351 593 594. {na4}mar-hu-sza ki-gu10-usz gu mu-un-[...]-ma-te-en ba-dab5-be2-en595. szer7-da iri-za-ka im-szub-be2-en x giri3-ni bi2-[...]-na-ak-([...])>>Q000351 594 595. szer7-da iri-za-ka im-szub-be2-en x giri3-ni bi2-[...]-na-ak-[...] >>Q000351 595 596. {na4}bur szagan he2-me-en a he2-em-da-an-sim?-e >>Q000351 596 597. {na4}mar-hu-sza u-gun3 he2-ni-tag-ge en sa6-ba he2-[...] DI >>Q000351 597 598. kirid-da ku3-ga szu gal he2-em-mi-du7 >>Q000351 598 599. {na4}mar-hu-sza e2 dingir-re-e-ne-ka me-te-asz he2-em-mi-gal2 >>Q000351 599 600. ur-sag hasz2-tum-e ba-gub >>Q000351 600 601. en ib2-ba kalam-ma inim mu-na-ni-ib-be2 >>Q000351 601 602. {d}nin-urta dumu {d}en-lil2-la2-ke4 nam im-mi-ni-ib-tar-re >>Q000351 602 603. {na4}hasz2-tum kur-ra szeg11 [...]-gi4-gi4 >>Q000351 603 604. gu3 husz me3-a-sze3 gu3 husz bi2-ib-ra >>Q000351 604 605. szeg11 gi4-zu lil2-la2-am3 kur-ra mi-ni-ib2-ge-en >>Q000351 605 606. gurusz-me-en {na4}hasz2-tum ki tag-ga-za mu-bi he2-sa4 >>Q000351 606 607. i3-ne-esz nam tar-ra {d}nin-urta-ka >>Q000351 607 608. u4-da {na4}hasz2-tum di-sze3 ur5 he2-en-na-nam-ma-am3 >>Q000351 608 609. lugal-gu10 {na4}{d}ur-ul3-e im-ma-gub >>Q000351 609 610. {d}nin-urta dumu {d}en-lil2-la2-ke4 nam im-mi-ib-tar-re >>Q000351 610 611. {na4}{d}ur-ul3 mu-dur7 ku3 szul igi ha-az-za lu2 im-ma-an-gul-lu-ne >>Q000351 611 612. kur-ra giri17 szu mu-e-ni-gal2-la >>Q000351 612 613. a2-sze ge26-e {gesz}si-gar he2-ku5 >>Q000351 613 614. lugal-gu10 en {d}nin-urta-ra igi-ni-sze3 ha-ba-gub-bu-nam im-mi-du11-ga-gin7 >>Q000351 614 615. mu-zu pa3-de3-ba ni2 ha-ba-ab-bulug5 >>Q000351 615 616. gal-zu-a ku3 ga-ab-sa10 di-de3 >>Q000351 616 617. kur-kur-re nar-gin7 gi-di-da he2-em-mu-e-sar-re-ne >>Q000351 617 618. lugal-gu10 {na4}szegx(|URUxGU|)-szegx(|URUxGU|)-e ba-gub >>Q000351 618 619. {na4}en-ge-en na4 {d}ezim2-ma gu3 im-ma-de2-e >>Q000351 619 620. {na4}ug-gun3 {na4}he2-em >>Q000351 620 621. {na4}ma-da-nu-um {na4}sag-gir11-mud >>Q000351 621 622. {na4}x {na4}mur?-suh3?-e >>Q000351 622 623. {d}nin-urta dumu {d}en-lil2-la2-ke4 nam im-mi-ib-tar-re >>Q000351 623 624. [...] tag-tag-ga >>Q000351 624 625. x x szu? nam-[...]-tum3? [...] giri17 tag-tag-ga >>Q000351 625 626. za3 us2 sa us2 sza3 usz gu7 az-gin7 giri3 hum-mu >>Q000351 626 627. he2-en-na-ga-za mu-e-szi-du-de3-en i3-ne-esz tab-ba di-za >>Q000351 627 628. gu2-ne-ne-ta ki ha-ba-ab-te-en-ze2-en a-ba szu in-ne-szi-in-de6 >>Q000351 628 629. {gesz}tukul he2-me-en {gesz}ig he2-en-gub >>Q000351 629 630. kal-ga gu2-ni ha-ba-ra-si-ge >>Q000351 630 631. lirum-ta du10 |DU.DU|-|DU.DU|-am3-da-ab u4 zal-le ki he2-te-ge26 >>Q000351 631 632. u4 szu2-usz ki-la2 tuku-e he2-zi-zi-i >>Q000351 632 633. szul da-ri2 kalam-ma igi he2-en-de3-sag5-sag5 >>Q000351 633 634. ur-sag {na4}kur-ga-ra-nu-um-e ba-gub >>Q000351 634 635. {na4}bala-e gu3 ba-de2-e >>Q000351 635 636. en-e szem-bi sig7-sig7-ga-bi >>Q000351 636 637. {d}nin-urta dumu {d}en-lil2-la2-ke4 nam am3-mi-ib-tar-re >>Q000351 637 638. lu2 ga-ba-ra-ab-e3 im-mi-du11-ga >>Q000351 638 639. us2 zi-ba mu-e-szi-in-dub-bu-na >>Q000351 639 640. gurusz lu2 ar2-e mi-ri-gu7-am3 sag-gin7 mu-un-ti-en >>Q000351 640 641. gaszam tur-ra mi2 hu-mu-ne-e >>Q000351 641 642. ezem gidim?-ma-ke4 he2-em-ma-sa6-ge >>Q000351 642 643. iti-da u4 9(disz) gurusz u4-sakar-ra-ke4 [...] x hu-mu-ra-an-ak >>Q000351 643 644. biluda?{da} {d}nin-hur-sag-ga2-ka-sze3 [...]-an-gub >>Q000351 644 645. ur-sag-e kur mu-un-si edin-na di-di-na UD [...] >>Q000351 645 646. ug3-gin7 |PA.A.PA|-ba mi-ni-e3 a2 mah mu-un-[...]-x >>Q000351 646 647. {d}nin-urta hul2-hul2-e im-DU {gesz}ma2-gur8 ki ag2-ga2-ni >>Q000351 647 648. en-e {gesz}ma2-kar-nun-ta-e3-a giri3-ni nam-mi-in-gub >>Q000351 648 649. a-igi-lu-e-ne szir3 du10-ge-esz im-mi-ib-be2-ne >>Q000351 649 650. en-ra mi2 zi-de3-esz2 mu-un-ne-ne >>Q000351 650 651. {d}nin-urta dumu {d}en-lil2-la2-ra szudu3 su3-ra2-sze3 mu-na-ab-mu2?-ne >>Q000351 651 652. dingir za3 dib-ba ur-sag-e-ne >>Q000351 652 653. en {d}nin-urta lugal dingir {d}a-nun-ke4-ne >>Q000351 653 654. bar-us2 zi-da-na [...] sun4 ba?-la2-a >>Q000351 654 655. a e3-a gu2-erim2-e mu-ni-szub-bu >>Q000351 655 656. nam-mah gal-gal-za a-ba mu-e-da-ab-sa2-e >>Q000351 656 657. ur-sag a-ma-ru gaba szu nu-ga2-ga2 >>Q000351 657 658. {d}en-ki {d}nin-ki-e-ne sag nu-un-da-ga2-ga2-ga2 >>Q000351 658 659. ur-sag iri lah4 kur-re gu2 gar-gar >>Q000351 659 660. dumu {d}en-lil2-la2 a-ba mu-e-da-an-e3 >>Q000351 660 661. {d}nin-urta en dumu {d}en-lil2-la2 ur-sag a-ba za-a-gin7 >>Q000351 661 662. lugal-gu10 ur-sag za-a sa2-du11-zu-sze3 gal2-la >>Q000351 662 663. mu-ni-gin7 si sa2 giri3-zu mu-un-dab5-be2 >>Q000351 663 664. e2-za nig2-du7-e pa ma-ra-ni-in-e3-a >>Q000351 664 665. esz3-za sahar-ta ma-ra-ra-an-il2-la >>Q000351 665 666. ezem-zu nig2 ha-ba-ab-gu-ul-gu-ul-e >>Q000351 666 667. garza ku3-zu szu hu-mu-ra-ab-du7-du7 >>Q000351 667 668. mu nam-ti-la-na du11-ge ba-ab-du7 kalam-ma ha-ra-an-i-i >>Q000351 668 669. en-ra sza3 an-na he2-en-na-hun >>Q000351 669 670. ne {d}en-lil2-la2 {d}nin-urta-ra? >>Q000351 670 671. ki-sikil ama {d}ba-ba6 u4-de3-esz he2-en-na-e3 >>Q000351 671 672. en-ra ma2 nesag-a mu-na-ni-ib2-be2-ne673. ma2 ni2-bi dirig-ga-e gu2 im-mar-mar-([...])>>Q000351 672 673. ma2 ni2-bi dirig-ga-e gu2 im-mar-mar-[...] >>Q000351 673 674. ma2-kar-nun-ta-e3-a a2 ku3 mu-un-su3-u4675. ur-sag {gesz}tukul sag3-ge silim-ma-ni-sze3 ([...])>>Q000351 674 675. ur-sag {gesz}tukul sag3-ge silim-ma-ni-sze3 [...] >>Q000351 675 676. {d}a-nun-na-ke4-ne x-bi gaba mu-[...] >>Q000351 676 677. giri17 ki-sze3 ba-ab-te-esz szu gaba ba-ni-[...]-esz >>Q000351 677 678. en-e a-ra-zu-a szudu3 mu-un-na-sza4-asz >>Q000351 678 679. x x-ge mir-ra hu-mu-ni-ib2-hun-[...] >>Q000351 679 680. {d}nin-urta lugal {d}utu-u18-lu gu2 an-sze3 he2-ni-zi >>Q000351 680 681. a-a-ni {d}en-lil2-le nam mu-ni-ib2-tar-re >>Q000351 681 682. [...] mu mah-zu-sze3 dirig-ga >>Q000351 682 683. [...]-ka tusz ki ha-ba-ni-in-gar >>Q000351 683 684. gaba [...] he2-du7 >>Q000351 684 685. lugal me3 ki-bala-a u4 an?-na? sa12-e-esz he2-rig7 >>Q000351 685 686. {gesz}tukul mar-uru5 kur-re izi szum2-mu >>Q000351 686 687. ur-sag an ki-ke4 sa12-e-esz he2-rig7 >>Q000351 687 688. lugal u4-zu-sze3 kaskal ha-ba-sig >>Q000351 688 689. {d}nin-urta kur-ra du-zu nir hu-mu-ni-gal2 >>Q000351 689 690. ur-bar dab5-be2-da szu bar-ra-gin7 >>Q000351 690 691. u4-zu-sze3 ki-bala-a-sze3 du10 nim-ta he2-gub >>Q000351 691 692. hur-sag ba-e-szum2-ma ki-bi na-an-gi4-gi4 >>Q000351 692 693. iri-bi du6-du6-da ha-ba-ab-szid >>Q000351 693 694. bara2-bara2 gal-gal-bi zi nu-mu-un-szi-pa-an >>Q000351 694 695. szita2 an-na bala sa6-ga nu-kur2-ru >>Q000351 695 696. ti u4 su3-ra2 geszkim {d}en-lil2-la2 >>Q000351 696 697. lugal usu an-na nig2-ba-zu he2-a >>Q000351 697 698. ur-sag-e a2-sag3 mu-un-ug5-ga-asz >>Q000351 698 699. en-e gu-ru-um-bi mu-un-ak-asz >>Q000351 699 700. na4 ha-ba-sa2 im-mi-in-du11-ga-asz >>Q000351 700 701. uszum? szeg11 gi4 mu-ni-UD-a-asz >>Q000351 701 702. ur-sag-e a-e sag an-ta giri3 im-ma-gar-ra-asz >>Q000351 702 703. gan2-ne2 zi-de3 szu in-gi4-a-asz >>Q000351 703 704. {gesz}apin he2-gal2 pa bi2-in-e3-a-asz >>Q000351 704 705. en-e ab-sin2 gub-bu mu-un-gar-ra-asz >>Q000351 705 706. {d}nin-urta dumu {d}en-lil2-la2-ke4 guru7-du6 guru7-masz-a gu2 bi2-in-gur-gur-ra-asz >>Q000351 706 707. in-nin me a2-bi-ta e3-a du11-ge mah dib-ba >>Q000351 707 708. {d}nisaba munus zi gal-an-zu kur-kur-ra dirig-ga >>Q000351 708 709. igi zu2 kesz2-da nam-en nam-lugal-la im sag di gal2-la-bi-im >>Q000351 709 710. gesztu2 mah {d}en-ki du6 ku3-ga-ta sa12-e-esz rig7-ga >>Q000351 710 711. {d}nin-urta dumu {d}en-lil2-la2-ke4 za3-ba nam-mi-in-gub >>Q000351 711 712. munus mul-an nun-e abzu-ta gal-le-esz-e sig7-ga >>Q000351 712 713. in-nin |GISZ.TUG2.PI.AN.NISABA| sza3-ge usz gu7 >>Q000351 713 714. sa2-gar dili dim2-ma galga su3 >>Q000351 714 715. [...] a2-gal2 sag ge6-ga dub gal2 mu a-na-tuku >>Q000351 715 716. gu la2-a-na muszen dib-be2-da nu-du8-u3-da >>Q000351 716 717. kin ak-bi-sze3 dirig mu-un-ga2-ga2 >>Q000351 717 718. [...]-da u3-en3 nu-sza4 {d}suen-da u4 szid-e >>Q000351 718 719. bad3 zabar DIB lu2 nu-e11-de3 >>Q000351 719 720. [...] DI gaszam igi nigin2-na >>Q000351 720 721. [...] sag ge6-ga en3 tar-re ug3-e inim si sa2 >>Q000351 721 722. [...]-i gaba-ri {d}en-lil2-la2 >>Q000351 722 723. munus zi mul an-da sza3 kusz2-u3 {d}nisaba za3-mi2 >>Q000351 723 724. en gal {d}en-lil2-la2 {d}nin-urta dumu mah e2-kur-ra >>Q000351 724 725. nir-gal2 a-a ugu-na za3-mi2-zu du10-ga-am3726. szir3-su3? {d}nin-urta-ka>>Q000351 725 726. szir3-su3? {d}nin-urta-ka >>Q000351 726
&P469530 = CDLI Literary 000351 (Ninurta's Exploits [Lugale]) composite #atf: lang sux @object composite text @surface a 0. an lugal dingir-re-e-ne-ke4 nir-gal2 # (1 ms. adds before line 1) 1. lugal u4 me-lam2-bi nir-gal2 2. {d}nin-urta sag-kal usu mah tuku kur a-ga-na lah4 3. a-ma-ru mir-DU nu-kusz2-u3 ki-bala ga2-ga2 4. ur-sag me3-sze3 ti-na gub-bu 5. en szu silig-ga {gesz}mi-tum-sze3 gal2 6. gu2 nu-sze-ga sze-gin7 gur10 su-ub-bu 7. {d}nin-urta lugal dumu a-a-ni kal-ga-ni-sze3 hul2-la 8. ur-sag ni2 ulu3-gin7 kur-ra dul-lu 9. {d}nin-urta aga zi {d}asznan-an-na igi nim gir2 du7-du7 10. sun4 nun-e a za-gin3 ru-a uszum ni2-ba gur-gur 11. za3 pirig-e musz-e-esz eme e3-de3 gu3-an-ne2-si ka si-il-le 12. {d}nin-urta lugal {d}en-lil2-le ni2-te-na dirig-ga 13. ur-sag {sa}szu2-usz-gal lu2-erim2-ra szu2-a 14. {d}nin-urta ni2 gissu-zu kalam-ma la2-a 15. sumur ki-bala-sze3 tum3 ukken-bi dul-dul 16. {d}nin-urta lugal dumu a-a-ni-ir su3-u4-bi-sze3 giri17 szu gal2 17. {gesz}gu-za bara2 mah-e si-a-ni ni2 gal gur3-ru-ni 18. ezem gar-ra-ni hul2-la-na dagal-bi tusz-a-ni 19. an {d}en-lil2-da za3 sza4-a-ni kurun du10-ge-da-ni 20. {d}ba-ba6 a-ra-zu lugal-la-ka u3-gul ga2-ga2-da-ni 21. {d}nin-urta dumu {d}en-lil2-la2-ke4 nam tar-re-da-ni 22. u4-bi-a en-na {gesz}tukul-a-ni kur-ra igi mi-ni-gal2 23. szar2-ur3-e an-ta lugal-bi-ir gu3 mu-na-de2-e 24. en {gesz}gal an-na gu2-en bara2-ge si 25. {d}nin-urta du11-ga-zu nu-kur2-ru nam tar-ra-zu szu zi-de3-esz gar 26. lugal-gu10 an-e ki sig7-ga gesz3 im-ma-du11 27. {d}nin-urta ur-sag ni2 nu-zu a2-sag3 mu-un-szi-ib-tu-u4 28. dumu um-me ga nu-tusz-a ne3 ga gu7-a 29. lugal-gu10 bulug3 a-a nu-zu gab2-gaz kur-ra-ka 30. szul ir-ta e3-a igi tesz2 nu-gal2-la 31. {d}nin-urta nita ni2 il2-il2-i alan-da hul2-la 32. ur-sag-gu10 gu4-dam za3-gu10 ga-bi2-ib2-us2-e 33. lugal-gu10 lu2 iri-ni-sze3 gur-ra ama-ni-sze3 ak-a 34. kur-ra sza3 i-ni-bala numun-bi ba-tal2-tal2 35. tesz2-ba mu bi2-ib2-sa4 u2 lugal-bi-sze3 36. murub4-ba am gal-gin7 a2 ba-ni-ib-il2-il2-i 37. {na4}szu-u {na4}sag-kal {na4}esi {na4}u2-si-um {na4}ka-gen6-na 38. ur-sag {na4}nu11 gar3-ra-du-um-bi iri{ki} im-ma-ab-lah4 39. kur-ra zu2 {kusz}u2-a mu-ne-mu2 gesz mi-ni-ib-ur3-ur3 40. a2-ba iri{ki}-ba dingir-be2-ne ki-bi-sze3 ba-an-gam-e-esz 41. lugal-gu10 ur5-re bara2 ba-ri a2 tu-lu nu-gi4-e 42. {d}nin-urta en za-gin7 kalam-ma di-bi szi-in-ga-ku5-de3 43. a2-sag3-a me-lam2-ba a-ba szu mi-ni-ib-tu-tu 44. sag-ki-ba gal-gal a-ba ib2-ta-ga2-ga2 45. su2 im-sag3 ni2 su-e bi2-ib-us2 46. igi-bi ki-bi-sze3 ba-ni-ib-gar 47. lugal-gu10 kur-re nidba-bi ki-bi-sze3 ba-ab-su 48. ur-sag a-a-zu-sze3 en3 mu-e-szi-tar 49. dumu {d}en-lil2-la2 en a2 mah-zu-usz ki mu-e-szi-ib2-kin 50. lugal-gu10 kal-ga-zu-sze3 ad mu-e-szi-ib-gi4 51. {d}nin-urta za3-zu ur-sag 1(disz) nu-tusz-a ba-ab-du11 52. |UR.GA|-ru-sze3 a2 mu-e-szi-ib-ag2 53. ur-sag nam-lugal-zu tum3-de3 tar-tar-ra mu-un-gal2 54. {d}nin-urta me abzu-zu szu si sa2-bi geszkim i-im-ti 55. igi im-sag3-sag3 ki-tusz im-kur2-re 56. a2-sag3-e u4 szu2-usz ki-sur-ra a2-ba mi-ni-ib-ku4-ku4 57. {gesz}rab3 dingir-re-e-ne na-dab5-en 58. dara3 an-na kur umbin ba-e-zukum 59. {d}nin-urta en dumu {d}en-lil2-la2 a-na zi-bi mu-un-gi4 60. a2-sag3 zi-ga-bi szu la-ba-gal2 dugud-da-bi im-gu-ul 61. ugnim-bi-ta KA ib2-ta-de6 erin2-bi igi la-ba-te-ge26 62. ur5-ra kal-ga-bi sag im-gi4 {gesz}tukul-e gesz la-ba-ab-kin 63. {d}nin-urta |SZEN.SZITA2| szukur mah-e su-bi nu-dar-e 64. ur-sag na-me-gin7 na-ra-dim2 65. en me mah-e a2-kusz3 su3-su3 66. sze-er-zi me-te dingir-re-e-ne 67. gu4 musz3-ba am gal murgu tuku lal3 gal-zu ur5-ra 68. {d}nin-urta alan-za {d}en-ki-ke4 igi bar-bar-ra-gu10 69. {d}u4-ta-u18-lu en dumu {d}en-lil2-la2 a-na ak?-gu10 70. en-e u3-u8 bi2-in-du11 an ba-sag3 ki giri3-ni-sze3 ba-tusz 71. a2-ba i-ni-in-gi4 {d}en-lil2 ba-suh3 e2-kur-ra ba-ta-e3? 72. kur ba-gul ki u4-ba ba-ku10-ku10 {d}a-nun-na ba-tar-ra-asz 73. ur-sag-e hasz2 tibir-ra bi2-in-ra dingir ba-bir-bir-re-esz 74. {d}a-nun-na udu-gin7 ki-szar2-ra ba-e-e11-ne-re7{re}-esz 75. en zi-ga-ni an-ne2 im-us2 76. {d}nin-urta me3-sze3 du-ni gaba danna bi2-in-sa2 77. u4-dam i3-du7-du7 ki-bala-sze3 tum9 8(disz) mu-un-u5 78. gesz-gid2-da a2 i3-ur4-ur4-re 79. {gesz}mi-tum-e kur-sze3 ka ba-ab-du8 80. {gesz}tukul-e gu2-erim2-sze3 tesz2-bi i3-gu7-e 81. im-hul u18-lu gesz-a mu-un-du3 82. mar-uru5 sze-ba mu-un-ne-en-gub 83. ur-sag-ra uru2 mah sag gi4-a igi-sze3 mu-un-na-gen 84. sahar i3-zi-zi sahar i3-ga2-ga2 85. du6-du6 dul2-la2 mu-un-si-ge4 a-ga-zi i3-tu11-be2 86. u3-dub2 i3-szeg3 izi i3-su3-su3-su3 izi lu2 ba-an-zal-e 87. gesz mah ur2-bi-a mu-un-bala-e {gesz}tir-ra guru5 i-i 88. ki sza3-bi szu ba-szi-ri-ri a gig-ga i-i 89. {i7}idigna i3-suh3 i3-ur4-ur4 i3-lu3 szu im-tu-bu-ur 90. {gesz}ma2-kar-nun-ta-e3-a me3-sze3 giri3 im-mi-ib2-ul4-e 91. ug3-bi ki du-bi nu-un-zu e2-gar8 du3 i3-ak-ne 92. muszen dal-le-bi sag ib2-ta-de6 a2-bi ki mu-un-te-ge26-e 93. ku6-bi engur-ra u4 mi-ni-ib-ra ka mu-un-ba-ba-e 94. edin-na masz2-ansze-bi u2-ku-uk mi-ni-ib-du11 bir5-re-esz szu mi-ni-hu-uz3 95. a-ge6 zi-bi gul-bi kur gul-gul 96. ur-sag {d}nin-urta ki-bala-a im-ma-DU i3-tuku 97. lu2 im2-ma-bi kur-ra im-ra iri-ba bu-du-ug im-za 98. gu4 a-ra-bi girisz-gin7 gir2-gir2-e ugu-ugu-bi mu-un-szu2 99. szu-bi {u2}|KI.KAL|-gin7 tesz2 gesz mu-un-ri 100. sag-bi e2-gar8-e kas4 bi2-ib-kar-re 101. kur-ra gesz-nu11-bi dili ba9-ra2 nu-ga2-ga2 102. zi-bi gaba-bi i-im-il2-il2 103. ug3-bi tu-ra szu gu2 za3 bi2-ib2-la2 104. ki-a asz2 im-mi-ib-sar-re-ne 105. u4 tu-da a2-sag3 u4 ha-lam-ma-bi-a ba-ni-ib-ga2-ga2-ne 106. en-e ki-bala-a-sze3 usz11 ze2-a i-ni-in-de2 107. du-ni ze2 mu-un-us2 lipisz sumur mu-un-tag 108. i7 mah-gin7 mi-ni-ib-be2 i3-ur4-ru gu2-erim2-sze3 109. {gesz}tukul sag pirig3-ga2-ni-a sza3 mu-un-na-ab-zalag-ge 110. muszen-gin7 i3-dal-e kur mu-na-ab-zukum-e 111. nu-sze-ga tum3-de3 a2 dub2 i3-ak-e 112. a-na ak-e zu-zu-de3 an-ur2 im-nigin2-nigin2 113. ul du gaba mu-un-ru-gu2 inim-bi mu-un-na-ab-tum3 114. nu-kusz2-u3 la-ba-tusz-u3 a2-bi mar-uru5 de6 115. szar2-ur3-re en {d}nin-urta-ra a gu3 a-na bi2-ib-dab5 116. ad gi4-a kur-ra szu im-mi-ib-gi4-gi4 117. en {d}nin-urta-ra se3-ge5 ak mu-na-bur2-bur2-re 118. inim du11-ga a2-sag3-a gu-gin7 i3-si-il-le 119. ur-sag ni2-zu-sze3 du10-ge-esz mu-na-ab-be2 120. {gesz}tukul-e ki ag2-ra gu2-da mu-ni-in-la2 121. szar2-ur3-e en {d}nin-urta-ra gu3 mu-na-de2-e 122. ur-sag a-RU-ub {sa}szu2-usz me3 123. {d}nin-urta lugal {gesz}szita2 an-na erim2-sze3 SZID nu-ru-gu2 124. kal-ga u4 ki-bala-a du3 a-ge6-a buru14 su-su 125. lugal me3 igi im-gar KA-bi-a mu-un-ri-esz 126. {d}nin-urta sa-par3-gin7 u3-mu-e-dub {gesz}utug mah-gin7 u3-mu-e-szub 127. en mir-DU an-na {gesz}gag-a {gesz}tukul-e a tu5-bi2-ib2 128. {d}nin-urta ur-sag ug5-ga-za mu-bi he2-pa3-de3 129. ku-li-an-na uszum nig2-babbar2-ra 130. uruda nig2 kal-ga ur-sag szeg9-sag-6(disz) 131. ma2-gi4-lum en {d}saman-an-na 132. gu4-alim lugal {gesz}geszimmar 133. muszen anzu{muszen} musz-sag-7(disz) 134. {d}nin-urta kur-ra he2-mu-e-ni-ug5 135. en me3 ne-en rib-ba-sze3 ba-ra-ab-szi-gen-ne2-en 136. {gesz}tukul sag3-ge ezem nam-gurusz-a 137. eszemen {d}inanna-ke4 a2-zu ba-ra-ni-zi 138. en me3 mah-e la-ba-e-du-un na-ab-ul4-en giri3 ki-a si-bi2-ib 139. {d}nin-urta a2-sag3-e kur-ra giri3 mu-e-szi-ni-gub-gub 140. ur-sag aga-na gal sig7-ga 141. dumu-sag {d}nin-lil2-le hi-li-a nu-til-e 142. en zi en-ra nun-e tu-u4-da 143. ur-sag {d}suen-gin7 si mu2-mu2 144. lugal kalam-ma-ra ti u4 su3-ra2 145. usu mah an-na-ra an ba9-ra2 146. a ur4-ra KA pesz10 sa ur4-ra 147. {d}nin-urta en ni2 husz ri-a kur-ra sag szum2-mu 148. ur-sag gal tab-ba nu-tuku-tuku 149. a2-sze a2-sag3-ge nu-se3-ge 150. {d}nin-urta gurusz-zu kur-ra nam-ba-ni-ib-ku4-ku4 151. ur-sag dumu ka silim-ma a-a-na 152. gal-zu sa2 galam-ma-ta e11-de3 153. {d}nin-urta en dumu {d}en-lil2-la2 gesztu2 dagal dingir sze IB 154. en-e hasz2 mu-un-gid2 dur3{ur3} mu-dur2-ru 155. [...] zu2? kesz2-da za3 mu-ni-in-kesz2 156. x mah? su3-ra2-ni kur-ra bi2-in-la2 157. x x x-gin7 ug3-ba mi-ni-in-e3 158. bad3? x x tusz-a-ke4 sa2 ba-an-du11 159. me3 sag-gin7 ki-bala-a ba-an-gen 160. gesz-gid2-da-ni a2 im-ma-an-ag2 IM gu-bi-sze3 im-la2 161. en-e {gesz}tukul-a-ni gu3 ba-an-de2 zu2 kesz2-bi-sze3 ba-gen 162. ur-sag-e me3-sze3 sag ba-an-szum2 an ki-e ba-la2 163. {gesz}ilar {kusz}gur21{ur3}-e si bi2-in-sa2 kur ba-gul ba-sal 164. za3 zu2 kesz2 me3 {d}nin-urta-ka-sze3 165. ur-sag-e {gesz}tukul-a-ni-sze3 da-da-ra di-da-ni 166. {d}utu la-ba-gub {d}suen ba-an-ku4 167. kur-ra sag di-da ba-da-ha-lam u4 esir-re-esz ba-an-du3 168. a2-sag3 me3 sag-ba mu-un-zi 169. an nam {gesz}tukul-sze3 ur2-ba mi-ni-in-bur12 szu im-ma-an-ti 170. musz-gin7 sag ki-a im-mi-ib2-be2 171. ur-idim lu2-erim2-sze3 kun su3 dim3-ma ug5-ge 172. a da-bi-a mu-un-sur-sur-re 173. a2-sag3 {d}nin-urta dumu {d}en-lil2-la2-sze3 e2-gar8-gin7 mu-un-szi-gul-lu 174. u4 nam-tag-ga-gin7 gu3 husz bi2-ib2-ra 175. musz-sag-kal-gin7 kalam-ma szeg11 bi2-in-gi4 176. kur-ra a mi-ni-ib2-had2 {gesz}szinig mi-ni-ib2-ur3 177. ki-a su bi2-ib2-dar simx(GIG)-ma bi2-ib2-gar 178. gesz-gi izi ba-ab-szum2 an-e usz2 bi2-ib2-tu5 179. sza3-ge ti ba-ab-bala ug3-bi sag2 ba-ab-du11 180. i3-ne-esz2 u4-da a-sza3-ga uh3 ge6 181. me-da ur2 an-na he-me-da-gin7 su2-a-sze3 ur5 he2-en-na-nam-ma-am3 182. an ib2-dub2 ba-tusz sza3 szu ba-szi-ib-ri 183. {d}en-lil2 ib2-ur4-ur4 da-sze3 im-szi-ib-ri 184. {d}a-nun-na-ke4-ne e2-gar8-e ba-ab-ha-ha-za 185. tu{muszen}-gin7 e2 ni2 te-ta gu3 im-ma-ni-ib2-be2 186. kur gal {d}en-lil2-le {d}nin-lil2-ra gu3 mu-na-de2-e 187. nitalam-gu10 dumu-gu10 nu-ba-tusz ge26-e a-na mu-zi-zi 188. en tesz2 e2-kur-ra lugal rab3? mah? a-a-na 189. {gesz}erin abzu-a mu2-a aga gissu dagal-la 190. dumu ki ni2 dub2-bu-gu10 nu-ba-tusz szu-gu10 a-ba ba-gid2-i-de3 191. {gesz}tukul en-ra ki ag2 lugal-bi-ir gesz tuku 192. szar2-ur3-re en {d}nin-urta-ra 193. [...] nibru{ki}-sze3 a-a-ni-ir [...] 194. [...] ni2 me-lam2 tug2-gin7 bi2-[...] 195. [...] ba-an-la2 en ur5-re-esz [...] 196. {gesz}tukul-e [...] {d}en-lil2-ra gu3 mu-na-de2-e 197. [...] dumu-zu-ur2 a2-sag3 [...] 198. [...] x x x [...] 199. [...] 200. [...] 201. [...] 202. [...] 203. [...] 204. [...] 205. [...] 206. [...] 207. [...] 208. [...] 209. [...] 210. [...] 211. [...] x kur-kur? [...] 212. [...] in-da-sa2? ki-bala giri3? [...] 213. [...] x x u4? nu-dib-ba igi-gu10 ba-ab-gal2? [...] 214. [...] x NE a2? he2-en-gal2 en-zu gaba-zu mu-un-zi 215. [...] {d}nin-urta ni2-te-a-na geszkim i-im-ti 216. [...]-un-til-la i-im-gub a u4-gin7 ba-an-ta-had2 217. [...]-ba-gu10? zi du10-ge-esz mi-ni-pa-ag2 hul2-hul2-le i-im-gub 218. x ur-sag? {d}nin-urta-ka-sze3 tum9-tum9 hul sukud-de3 219. [...] x-ba e-ne-am3 kur na-mu-un-tum3 a2-ni u6 im-me 220. i3-ne-esz a2 im-ma-ag2 inim im-ma-ab-dab5-be2 221. [...]-ib-szar2 geszkim ti-la dirig nam-ba-gir2-gir2-re 222. x x-a-ni a-sza3 he2-em-mi-in-dab5 ug3 nam-ta-ab-la2-e 223. x x gan2?-e numun na-an-ga-ma-ab-kal-le 224. {d}en-lil2-me-en nam a-na-tar-ra-ga2 mu-bi na-ab-ha-lam-e 225. {gesz}tukul-e sza3? x x-bi im-hun hasz2 ba-ni-in-ra 226. szar2-ur3-re du10 i-ni-in-bad ki-bala-a i-in-bur2 227. en {d}nin-urta-ra hul2-la-a inim mu-na-ni-ib-be2 228. lugal-gu10 [...]-zu a-na bi2-in-du11-ga-ta 229. a-ma-ru usz7 [...]-da-gar-a lu2-ra su3-su3-de3 230. a2-sag3 ne3-ba szu a-ba-ni-ti ze2 ba-ni-in-su3 231. dumu-gu10 e2-kur-ra hu-mu-da-ku4-ku4 232. {d}nin-urta ug3-gu10 su3-u4-sze3 me-tesz2 hu-mu-i-i 233. en du11-ga a-a-na-sze3 gal2-la 234. usu mah {d}en-lil2-la2 na-an-gub-be2-en 235. u4 ki-bala kur zid2-gin7 pesz-e-de3 236. {d}nin-urta kiszib3-la2 {d}en-lil2-la2 gen-a na-gal2-en 237. lugal-gu10 a2-sag3 im-du3-a e2-gar8 gag ak-a 238. bad3? dirig-ga szu nu-ru-gu2-da 239. [...] x ur5 gu7-u3-bi nu-be4-e 240. [...] x BI? nu-zi-zi-i 241. nam-ug5?-ge x [...] nu-zu-e sag-ba mu-ri-ib-us2 242. im-hul sag-ga2 [...] x mu-un-dab5-be2 243. lugal-gu10 me3 gesz-bar-re [...] x-ba ba-ni-ib2-sa2-sa2 244. {d}nin-urta {gesz}tukul szuku [...]-ra ka ba-ab-du8? 245. gesz-gid2-da kur-re i-in-si? [...] mu-un-[...] 246. en?-e dungu-sze3 a2 [...] su3 247. u4 ku10-ku10-ga-sze3 ba-an-ku4 [...] 248. u4-gin7 gu3 ba-an-de2 [...] 249. x i gesz-gid2-da [...] 250. {d}nin-urta x [...] 251. en-e tum9 x [...] 252. me3-ni kur-ra bar-us2 ba-ni-ib-ra 253. szar2-ur3-e tum9 an-sze3 ba-te ug3-bi sag2 ba-ab-du11 254. |KA.GAG.KA|-gin7 i3-bu-bu-de3 255. ah6-bi iri ni2-ba mu-un-gul-e 256. {gesz}tukul za3 sag11 di-da kur-re izi ba-szum2 257. mi-tum-e zu2 sis-a sag im-tu10-tu10 258. szita lipisz dirig-ga-e giri17 i3-dub-dub-be2 259. gesz-gid2-da ki-a ba-ab-du3 sur3 mud-e bi2-ib-tum3 260. ki-bala-a ga-gin7 ur-e ba-an-de2 261. lu2-erim2-e i-zi dam dumu-bi gu3 ba-an-de2 262. en {d}nin-urta-ra a2 nu-mu-e-zi 263. {gesz}tukul-e kur sahar-da im-da-ab-szar2 pesz a2-sag3-a nu-ub-tuk4 264. szar2-ur3-e en-ra szu gu2-bi-sze3 ba-an-na-ni-ib-ri-ri 265. e ur-sag a-na in-ga-ra-gal2-la 266. mir kur-ra-ke4 ba-ra-bi2-tag-tag-ge4? 267. {d}nin-urta en dumu {d}en-lil2-la2 u4-gin7 szi-in-ga-du3 268. u3-bu-bu-ul e3-a-bi nu-du10-ga 269. asz-gin7 giri17 e3-a-bi nu-se3-ge 270. en inim gib sza3-sze3 nu-ra-gid2 271. lugal-gu10 dingir-gin7 mu-ra-an-du3 a-ba sag ma-ra-ab-us2-e 272. ur-sag muru9-a ki ba-ab-us2 naga-am3 ki? [...] x RI? 273. {d}nin-urta dur3{ur3} kur-ra mu-ni-in-sar-sar-re 274. ni2 me-lam2-e sahar i3-ur4-ru szika im-e-esz i3-szeg3 275. ki-bala-a pirig zu2 sis mu-un-ra lu2 nu-mu-ni-in-dab5-be2 276. mir mir-ra lil2 tesz2 im-gaz-za-ta ur5 tu11 mu-e-ak-e 277. amasz lil2-la2-en-da igi tab-ba a ki-a mi-ni-ib-had2 278. u4 tesz2-e ri-a ug3 im-til a2-szu-du7 nu-tuku 279. lu2-erim2 zi sza3-ge nu-gal2-la 280. ur-sag gal en gaba-zu zi-ga-ab si-ga-bi im-me 281. en-e kur-ra dum-dam mu-ni-ib-za szeg11 gi4 nu-mu-un-gul-e 282. ur-sag-e gu3 ki-bala nu-de2 |IGI.U| nam-mi-gar 283. nig2 im-hul-hul im-ZI ba-ab-gi4 284. gu2-erim2-e sag gesz mi-ni-ib-ra-ra kur-ra i-si-isz ba-ab-gar 285. en-e erin2 nig2 ga-ab-kar di?-gin7 szu i3-ni10-ni10-e 286. gesz-nu11-gin7 kur-ra a2-sag3-ge igi husz ba-szi-in-il2 287. ki-bala te-esz ba-ni-in-du11-ga DI-bi mu-un-gul 288. {d}nin-urta erim2-e mu-ni-in-dib |AB.NIG2|-gin7 mu-un-si 289. a2-sag3 ni2 me-lam2-bi gub-ba sig-sze3 ba-szi-gub 290. sig-sze3 ba-szi-gub nim-sze3 u6 bi2-in-du11 291. a-gin7 mu-un-lu3-lu3 kur-ra sag2 bi2-in-du11 292. {u2}numun2-gin7 mu-un-bur12 {u2}numun2-gin7 mu-un-ze2 293. ni2 me-lam2-ma-ni kalam-ma dul-lu 294. a2-sag3 sze sze6-ga2-gin7 mu-un-dub2 numun-bi im-da-DI 295. szeg12 si-il-la2-gin7 tesz2-ba bi2-in-gar 296. szu-gal-an-zu-bi ne-mur-ra-gin7-nam zid2-de3-esz mu-un-dub-dub 297. im-du3-a im-bi suh-a-gin7 tesz2-bi im-mi-in-gar 298. ur-sag-e nig2 sza3-ga-na mu-un-sa2? 299. {d}nin-urta en dumu {d}en-lil2-la2 i3-x x ba-sed-de3 300. kur-ra u4-ta im-ma-ra-zal 301. {d}utu silim-ma mu-na-an-du11 302. en-e ib2-la2 {gesz}tukul a mu-x x tug2? usz2-a mu-un-tu5? 303. ur-sag-e sag-ki szu bi2-ib-ur3 ad6-a za-pa-ag2 bi2-in-gar 304. |AB.NIG2|-gin7 a2-sag3 ug5-ga-na ma2 gaz ak-da-ni 305. dingir? kalam-ma mu-un-na-sug2-ge-esz 306. dur3{ur3} kusz2-a-gin7 mu-un-na-gurud-de3-esz 307. en-e a-ra2 mah-a-ni-sze3 308. {d}nin-urta dumu {d}en-lil2-la2 szu-ta silim ba-ab-sag3-sag3-ge-ne 309. szar2-ur3-e an-ta lugal-bi-ir mi2 zi-de3-esz mu-un-ne 310. en mesz3 mah gan2-e a du11-ga ur-sag a-ba za-gin7 311. lugal-gu10 za3-zu ba-ra-ga-an-til ba-ra-ga-an-gub ba-ra-ga-u3-tu 312. {d}nin-urta u4-da-ta kur-ra lu2 ba-ra-ra-an-zi-zi 313. lugal-gu10 szeg11 dili gi4-a-za 314. gesz-gan2-nu? a-gin7 mi2 bi2-ib-tag? 315. mir? ki-bala [...] x mu-ni-in-e? 316. en {d}nin-urta [...] 317. a2-sag3 [...] 318. IM? [...] 319. [...] 320. [...] 321. [...] 322. [...] 323. gesz-GAN2 x [...] 324. a2-sag3 ki-bala-a {u2}numun2-gin7 bur12-ra {u2}numun2-gin7 ze2-a 325. en {d}nin-urta-ke4 {gesz}tukul-a-ni im-[...] 326. za3? ki?-gin7 x-gin7 gub-bu ul-la-ga2 sza3?-ge [...] 327. u4-da-ta a2-sag3 nam-ba-DI na4 mu-bi he2-em 328. na4 {na4}zalag mu-bi he2-em na4 mu-bi he2-em 329. ur5-ra-am3 bar-bi irigal he2-em 330. nam-ur-sag-bi en-ra he2-em 331. {gesz}tukul ub-ub-da gub-bu nam tar-re-da 332. me3 mah-e kalam-ma-ta be4-e 333. [...] 334. u4-bi-a a silim ki-ta du a-gar3-ra nu-um-de2 335. a sed du8-du8-du8-u3 u4 zal-le-da-gin7 kur-ra e2-ri-a ba-ni-ib2-il2-a 336. dingir kalam-ma ba-sug2-ge-esz-a 337. {gesz}al {gesz}dusu-bi mu-un-la2-esz-a 338. ur5-ra-am3 esz2-gar3-bi i3-me-a 339. ug3 tar-bi-sze3 e2 lu2 gu3 ba-an-de2 340. {i7}idigna nam-gu-la-ba an-sze3 u5-bi nu-il2-e 341. kun-bi a-ab-ba-e li-bi2-la2-a a du10 nu-um-[...] 342. nesag? kar-re lu2 nu-gid2?-e 343. sza3-gar hul-a nig2 nu-tu-u4 344. i7 tur-tur-re szu luh lu2 li-bi2-in-ak sahar nu-mu-da-an-zi-zi-i 345. GAN2 zi-da a nu-szub-szub-be2 e ak nu-gal2-la 346. kur-kur-re ab-sin2-na nu-gub-bu sze bir-a i-im-ak 347. en-e gesztu2 mah im-gub-be2 348. {d}nin-urta en-lil2-la2-ke4 gal-bi i3-ga2-ga2 349. gu-ru-um na4 kur-ra mi-ni-in-ak 350. dungu dirig-ga-gin7 a2 bi2-in-su3-su3-u4 351. bad3 mah-gin7 kalam-ma igi-ba bi2-in-tab-ba 352. {gesz}bala ki-szar2-ra mu-ni-in-gar 353. ur-sag-e mu-un-galam iri tesz2-bi mu-un-usz2 354. a kal-ga na4 im-da-an-sa2 355. i3-ne-esz2 a kur da-ri2-sze3 ki-a nu-um-e11-de3 356. i3-bir-bir-am3 gu2 ba-ni-in-gar 357. kur-ra sug-e ba-ni-ib2-gu7-a 358. mu-un-ur4-ur4 {i7}idigna im-ma-an-szum2 359. a-esztub{ku6} a-gar3-ra mi-ni-in-de2-de2 360. i3-ne-esz2 u4-da nig2 ki-szar2-ra-ke4 361. lugal kalam-ma en {d}nin-urta-ra su3-u4-bi-sze3 mu-un-hul2-e-esz 362. gan2-ne2 sze gu-nu a mi-ni-in-szum2 363. buru14 pu2-kiri6-ke4 szu im-mi-in-il2 364. guru7-du6-de3 gu2 im-mi-in-gur-gur 365. en-e kalam-ta kar im-ta-an-e11 366. dingir-re-e-ne ur5-bi mu-un-sa6 367. {d}nin-urta a-a-ni me-tesz2 me-i-i-ne 368. u4-bi-a munus-ra arhusz-a sa2 nam-ga-mu-ni-ib2-du11 369. {d}nin-mah-e ki gesz3 du11-ga-ni-sze3 u3 nu-um-szi-ib2-ku-ku 370. siki u8 dugud-gin7 bar-ra bi2-in-dul 371. i-lu kur giri3 nu-gal2-la-bi gal-gal-bi mi-ni-ib2-be2 372. u3-mu-un a2 mah-a-ni kur-re nu-il2-i 373. ur-sag gal an-gin7 ib2-ba-na a2-bi lu2 nu-te-ge26 374. u4 sumur ki-a du usz11 gaba-ba gar-a 375. en szi {d}mu-ul-lil2-la2 men sag-e du7 376. UR [...] nu-zu 377. sze-er-ma-al sag ma-an-ze2-eg3 dam mu-un-gub-bu-na-gu10 378. mu-u4-da-na in-szi-tu-u4 ba-an-us2 hur nu-mu-da-ab-gar-ra 379. du5-mu {d}mu-ul-lil2-la2 szu mu-un-dag i-bi2-ni na-ma-an-il2-la 380. szul zi munus zi-de3 ba-an-du11 381. e2-szu-me-sza4 ki i-bi2 il2-la-ni in-ne-a-gen-na 382. gu da-an-szi-in-ku5 u3-mu-un er9-ra-sze3 383. ga-sza-an-gen dili-gu10-ne ga-an-szi-gen en da gi16-sa-sze3 384. a2-sze ge26-e u6 mu-na-ni-in-du11 385. si sa2 du5-mu di-ku5 {d}mu-ul-lil2-la2 386. ur-sag gal ag2 sa6-ga a-a-na he2-em-da-ri-am3 387. munus-e szir3 ku3-ge-esz i3-ag2-ge26 388. {d}nin-mah-e en {d}nin-urta-ra mu-ni-ib-be2 389. igi nam-ti-la-ka-ni mu-un-szi-in-bar gu3 mu-na-de2-e 390. munus kur-sze3 i-im-gen-ne-en-na-gin7 391. {d}nin-mah nam-gu10-sze3 ki-bala-a mu-un-ku4-re-en-na-gin7 392. me3 ni2 husz-ba ri-a-ga2 la-ba-an-su3-de3-en-na-gin7 393. ur-sag-me-en gu-ru-um gar-ra-ga2 394. hur-sag mu-bi he2-em za-e nin-bi he2-em 395. i3-ne-esz2 nam tar-ra {d}nin-urta-ka 396. u4-da {d}nin-hur-sag-ga2 di-sze3 ur5 he2-en-na-nam-ma-am3 397a. sza3-tum2-bi szim ha-ra-an-mu2 397b. [...]-tum2-bi szim la2 la? [...] 398. gu2-gu2-bi lal3 gesztin ha-ra-an-mu2 399. {gesz}erin {gesz}szu-ur2-men2 {gesz}za-ba-lum {gesz}taskarin du8-du8-bi ha-ra-an-mu2 400. kiri6-gin7 nig2-sa-ha szu hu-mu-ra-ni-ib-tag 401. hur-sag-e ir nam-dingir-ra hu-mu-ra-an-gu-ul-gu2?-e 402. ku3-sig17 ku3-babbar hu-mu-ra-ab-bala-e |HI.IB.LAL3| hu-mu-ra-ab-ak 403. uruda nagga hu-mu-ra-ab-zal-le gun2-bi hu-mu-ra-an-ak 404. kur-re masz2-ansze ha-ra-ab-lu-e 405. hur-sag-e nig2-ur2-4(disz)-e numun ha-ra-ni-ib-i-i 406. za-e nin-me-en i3-da-sa2-sa2-a an-gin7 ni2 husz gur3-ru 407. dingir mah inim dirig-ge hul gig 408. munus zi nin-hur-sag ki-sikil 409. {d}nin-tu a2 sed-bi dab5-be2-sze3 410. te-e-mu-da nin me mah ma-ra-an-szum2 za-e he2-em-il2-e 411. en-e kur-ra nam mu-ni-in-tar-re du-ni esz3 nibru{ki}-a 412. munus zi me-ni me dirig-ga nin nagar sza3-ga 413. da-ru-ru nin9 gal {d}en-lil2-la2 gaba-na ba-e-gub 414. ur-sag gal ur-sag ug5-ga-za 415. u3-mu-un a-a-ni-gin7 du11-ga-ni nu-kur2-ru na-ag2 nu-um-mi-tar 416. en-e {na4}u2-e gu3 ba-de2-e in-di3 bi2-ib-kur-ku 417. en ib2-ba kalam-ma inim mu-na-ni-ib-be2 418. {d}nin-urta dumu {d}en-lil2-la2-ke4 asz2 im-mi-ib2-sar-re 419. {na4}u2 kur-ra ma-an-zi-ge-en-na-gin7 420. szu se3-ge5-gu10-sze3 mu-e-gib-ba-gin7 421. nam ug5-ge-gu10 ba-e-ku5-da-gin7 422. en {d}nin-urta-me-en ki-tusz mah-ga2 ba-e-hu-luh-en-na-gin7 423. kal-ga szul e2-gar8 tuku dirig-ga-me-en alan-zu he2-em-ta-be4 424. pirig gal usu-bi-ta nir-gal2-la-am3 he2-me-ze-er-ze-re-de3 425. usu-tuku a-gar5-re szu he2-gid2-de3 426. gurusz {na4}u2 szesz-zu zid2-gin7 he2-me-dub-bu-ne 427. li-li-a-zu szu ha-ba-ab-zi-ge-en ad6-ba zu2 e3-ni-ib 428. gurusz-me-en gu3 de2-zu he2-gal2 |GAN.SUM|-gin7 he2-til-e 429. am gal lu2 szar2-re gaz-za-gin7 nig2-ba-bi gar-ra 430. {na4}u2 {gesz}tukul-ta ur-gi7 me3-ta 431. nig2 sipa-tur-re al-sar-re-gin7 432. en-me-en {na4}gug me-re-kul-la-za mu-bi he2-sa4 433. i3-ne-esz2 nam tar-ra {d}nin-urta-ka 434. u4-da {na4}u2 ub-tag {na4}gug buru3-da ur5 he2-en-na-nam-ma 435. ur-sag-e {na4}szu-u {na4}ga-sur-ra-ke4 gu3 im-ma-de2-e 436. en-e a ri-a bi2-ib2-szid-de3 437. {d}nin-urta dumu {d}en-lil2-la2-ke4 nam am3-mi-ib2-tar-re 438. {na4}szu-u {gesz}tukul-ga2 sag bi2-dim2-za-na-gin7 439. {na4}ga-sur-ra gu4-gin7 u3-na ma-an-sug2-ge-en-za-na-gin7 440. am-gin7 a2 sahar-ra me-er-re-dim2-za-na-gin7 441. girisz-gin7 szu ha-ba-e-en-ze2-en 442. ni2 me-lam2-gu10 ba-e-de3-en-dul 443. a2 mah-ga2 la-ba-an-zi-ge-en-za-na-gin7 444. ku3-dim2-e zi-ni-sze3 he2-pa-an-pa 445. umun2 ki nam-dumu-ni-sze3 ha-ba-x-na-ag2 446. u2-sag dingir-re-e-ne-ke4 447. u4? iti?-da za3-ge he2-em-de3-si-si-ne 448. lugal-gu10 {na4}sag-kal-e ba-gub 449. {na4}gul-gul {na4}sag-gar-ra gu3 ba-an-de2 450. {d}nin-urta dumu {d}en-lil2-la2-ke4 nam am3-mi-ni-ib-tar-re 451. {na4}sag-kal [...] x ma-dal-le-na-gin7 452. {na4}gul-gul zu2 kesz2-da ma-an-gir2-gir2-re-na-gin7 453. {na4}sag-gar sag mu-e-bul-bul-a-gin7 454. en-me-en zu2 ga2-ra mu-e-sud2-sud2-da-gin7 455. {na4}sag-gar {na4}sag-kal-e he2-se3-ge 456. szul zi {na4}gul-gul-e he2-gul-e 457. sag nu-kal-la si-ig ha-ma-ra-an-ze2-eg3 458. sza3-gar kalam-ma-sze3 gar-ba-ni-ib szu iri{ki}-za he2-eb-si 459. sag he2-sal ur-sag geme2-e-ne he2-me-en 460. ul4-ab sar-ra-ab hu-mu-ra-ab-be2 mu-bi he2-sa4 461. i3-ne-esz2 nam tar-ra {d}nin-urta-ka 462. u4-da kalam-e kin gig di-sze3 ur5 he2-en-na-nam 463. lugal-gu10 {na4}esi-a im-ma-gub 464. sza3 dab5-ba KA? gen6-ne2-esz zu?-ba szir3-re-esz im-mi-ib-be2 465. {d}nin-urta dumu {d}en-lil2-la2-ke4 nam am3-mi-ib2-tar-re 466. {na4}esi me3-zu a-ga-ba kur2-ra 467. i-bi2 dugud-gin7 ma-an-du3-u3-nam 468. a2 nu-mu-e-zi ga2-a-ra sag nu-mu-e-szum2 469. lul-am3 en dili-ni ur-sag-ga2 470. {d}nin-urta dumu {d}en-lil2-la2-ra a-ba mu-da-ab-sa2-e im-mi-du11-ga-gin7 471. kur igi-nim-ta he2-mu-e-zi-zi-ne 472. kur ma2-gan{ki}-ta he2-mu-e-ga2-ga2-ne 473. za-e uruda nig2 kal-ga kusz-gin7 u3-mu-e-HI 474. en-me-en a2 nam-ur-sag-ga2-gu10 szu gal-bi he2-ni-du7 475. lugal u4 su3-ra2 mu-ni i3-ga2-ga2-a 476. alan-bi u4 ul-le2-a-asz u3-mu-un-dim2-ma 477. e2-ninnu e2 giri17-zal sug4-ga2 478. ki-a-nag-ba um-mi-gub-be2 me-te-asz he2-em-szi-gal2 479. lugal-gu10 na4-e im-ma-gub 480. {na4}na-ta su im-ta-du3-du3-e 481. {d}nin-urta dumu {d}en-lil2-la2-ke4 asz2 im-mi-ib-sar-re 482. na4 a2-sze ge26 bi2-du11-ga-gin7 483. {na4}na me-ga2 gesz ba-e-szub-bu-za-na-gin7 484. za-e dim2-me-de3 szah2-gin7 nu2-ba 485. gurud-da kin-sze3 na-an-ak-e-en tur-tur-bi til-la 486. zu-a-zu a-da he2-mu-e-da-gi4-gi4 487. lugal-gu10 {na4}e-le-el-e im-ma-gub 488. {d}nin-urta dumu {d}en-lil2-la2-ke4 nam im-mi-ni-ib2-tar-re 489. {na4}e-le-el gesztu2 tuku kur du14 mu2-a-ba ni2-gu10 he2-me-ni-ri 490. ki-bala-a ug3 tesz2-ba ri-a-ga2 mu-gu10 he2-em-mi-ib-sa4 491. silim-ma-zu-ta nam-ba-e-re-be6 492. gur4-ra-zu tur-re-bi he2-gig 493. me-gu10 bar-zu-a si ha-ra-ni-ib2-sa2-e 494. {gesz}tukul sag3-ge ur-sag ug5-ga-ga2? szu gal-bi he2-ni-du7 495. kisal mah-ga2-a ki-gal ha-ra-ab-ri 496. kalam-e u6 du10-ge-esz he2-a-e kur-kur he2-mi-i-i 497. ur-sag {na4}ka-gen6-na-e ba-gub 498. nam-kal-ga-bi-sze3 gu3 ba-an-de2 499. {d}nin-urta dumu {d}en-lil2-la2-ke4 nam am3-mi-ib-tar-re 500. szul ni2-tuku gesz-nu11 bar-sze3 gal2 501. {na4}ka-gen6-na ki-bala-a-ta gu3 mu-e-re-gal2-la 502. [...] szu-gu10 sa2 nu-mu-ri-ib-du11 503. da3-da3 da-ta la-ba-an-da-la2-e 504. kalam-ma giri3-zu ba-ab-si-ge-en 505. mar-za {d}utu me-zu he2-a 506. di-ku5-gin7 kur-kur-ra si sa2-e 507. szu-gal-an-zu pag-du3 nig2-nam-ma-ka 508. nam-ku3-sig17-sze3 he2-en-na-kal-le-en 509. szul ba-dab5-be2-na u3 ba-ra-e-szi-ku-un en-na ti-la-zu-sze3 510. i3-ne-esz2 nam tar-ra {d}nin-urta-kam 511. u4-da {na4}ka-gen6-na ti-la ur5 he2-en-na-nam-ma 512. ur-sag-e {na4}gesz-nu11-gal-e ba-gub 513. {d}nin-urta dumu {d}en-lil2-la2-ke4 nam am3-mi-ib-tar-re 514. {na4}gesz-nu11 su u4-gin7 kar2-kar2-ka 515. ku3 luh-ha szul e2-gal-e du7 516. szu dili-zu-a mu-e-ni-zi-zi-i 517. sag? kur-zu-a ki mu-e-ni-su-ub 518. {gesz}tukul nu-mu-ra-sag3 a2 la-ba-ri-gur 519. ur-sag szeg11 gi4-gu10-u8 ba-ab-gub-en 520. nig2 sa6-ga mu-zu he2-pa3-de3 521. erim3 kalam-ma szu-za he2-em-si kiszib3-gal2-bi he2-me-en 521a. da-nun-na [...] 522. lugal-gu10 {na4}algamesz-e ba-gub igi dul2 ba-an-ak 523. en ib2-ba kalam-ma inim mu-na-ni-ib-be2 524. {d}nin-urta dumu {d}en-lil2-la2-ke4 asz2 im-mi-ib-sar-re 525. a-gin7 du-gu10-sze3 en3 mu-e-szi-tar 526. gesz-kin-ti-gu10-sze3 igi gen-na 527a. {na4}algamesz sa2-du11 u4-da gur3-ru za-dim2-e-ne he2-me-en 527b. _x{ki} u4-mi sza x_ 528. lugal-gu10 {na4}du8-szi-a ba-gub 529. {na4}nir {na4}gug {na4}za-gin3-na gu3 ba-an-de2-e 530. {na4}amasz-pa-e3 {na4}sza-ba {na4}hu-ri2-zum {na4}gug-gazi {na4}mar-ha-li 531. {na4}e-gi-za3-ga {na4}gi-rin-hi-li-ba {na4}an-zu2-gul-me {na4}nir2-musz-gir2{ki} 532. en-e zi {kusz}ummu-e 533. {d}nin-urta dumu {d}en-lil2-la2-ke4 nam am3-mi-ib-tar-re 534a. _a-na ba-du-un_ nita munus dim2-ma _u3_ za-e-gin7 ki-gu10-sze3 534b. nita _u3_ munus _sza t,e4-mi u3 x_ 535. nam-tag nu-e-tuku szu-zu e2-gar8-e ba-da-ab-us2-e 536. ki inim-ma-ka ni2 mu-e-ni-bulug3-en 537. ad gi4-gi4-da ge26-e mu-e-ni-bulug3-en 538. pu-uh2-ru-um-ma szagina mu-e-ni-gar-ra-gin7 539. nir lal3 kurun-na ha-ba-pa3-de3-en 540. ku3-ga zi-de3-esz mi2 he2-en-ne-en-ze2-en 541. u2-sag dingir-re-e-ne-ke4 542. kur-kur-re giri17 ki szu2-szu2-zu giri17 szu ha-ra-ab-tag-ge 543. lugal-gu10 {na4}giri2-zu2-gal-la-ke4 ba-gub igi dul2 ba-an-ak 544. en ib2-ba kalam-ma inim mu-na-ni-ib-be2 545. {d}nin-urta dumu {d}en-lil2-la2-ke4 asz2 im-mi-ib-sar-re 546. e {na4}giri2-zu2-gal-la lu2 2(disz) a-na-bi 547. am kur-zu-a si? he2-me-ni-bur2 |U3.GAN|-sze3 nu2-a 548. nu-mu-e-se3-ge sag mi-ri-ib-us2 549. bara2-gin7 mu-un-si-il-le lu2 he2-ta-sig-ge 550. tibira za-ra ha-ra-gal2? umbin he2-tag-ge 551. szul usu nig2 kur2 de6-a-zu 552. nagar lu2 kin ga-ab-sa10-a di-di-da? 553. a du11-ga-gin7 a he2-ri-ib-gi4-gi4 munu4-e-esz he2-gaz-gaz 554. lugal-gu10 {na4}im-an-e ba-gub 555. {na4}al-li2-ga gu3 ba-an-de2-e 556. {d}nin-urta dumu {d}en-lil2-la2-ke4 nam im-mi-ib-tar-re 557. {na4}im-ma-an kur-ra szeg11 mu-[...]-gi4-gi4 558. gu3 husz me3 gu3 husz bi2-ib-ra-[...] 559. izi-gin7 mu-la2-en-ze2-en 560. u4-gin7 mu-dub-bu-un-ze2-en 561. {u2}numun2-gin7 mu-sag3-ge-en-ze2-en 562. {u2}numun2-gin7 mu-e-bur12-re-en-ze2-en 563. a-ba szu in-ne-szi-in-de6 564. {na4}im-ma-an gu3 de2-zu na-an-kal-am3 en3-zu na-an-tar-re 565. {na4}im-ma-an {na4}al-li2-ga e2-gal-la du-u3-zu na-an-sa2 566. lugal-gu10 {na4}masz-da im-ma-gub 567. {na4}dub-ba-an {na4}u2-ru-tum-e gu3 ba-an-de2 568. {d}nin-urta dumu {d}en-lil2-la2-ke4 in-di3 bi2-ib-kur-ku 569. {na4}masz-da {na4}dub-ba-an ga-an-ze-er bar7-a 570. {na4}u2-ru-tum na-me nu-gub-bu 571. {na4}ga-sur-ra zi murgu2-sze3 szub-bu he2-em-ta-ab-|KAxNE|-a 572. ki-bala-a sur3-gin7 ma-mu2-un-ze2-en 573. kur sa-ba mu-e-szi-gub-bu-un-za-na-gin7 574. {na4}masz-da udu-gin7 he2-sur-sur-ne 575. {na4}dub-ba-an nig2 ze2-re-de3 he2-bi2-sag3-ge-ne 576. {na4}u2-ru-tum mi-tum-gin7 u3-sar he2-ak-ne 577. zabar hu-ut-pa dingir-re-e-ne-ka 578a. giri2 husz sa-sa-da gin2-e he2-bi2-sag3-ge-ne 578b. _pat-ru3 ez-zu-tum i-na za-qa2-tim li-qa-x [...]_ 579. lugal-gu10 {na4}sza-ga-ra im-ma-gub 580. {d}nin-urta dumu {d}en-lil2-la2-ke4 nam im-mi-ib-tar-re 581. {na4}sza-ga-ra sag edin-na dili-bi du sag-du tibir ra 582. kur-ra a2 dab5-ba-e-ga2 mu-e-ni-zukum? 583. me3-ba la-la mu-e-ni-gar-ra-gin7 584. ad-kup4-e gi he2-em-ta-gu4-u4-e ki-nu2-za he2-bi2-szub-be2 585. SIG7-a ama ugu-za he2-bi2-tur-tur zi-ga-ab-zu nam-me 586. a2-asz2-zu-a lu2 na-an-ni-ti-le 587. u2-gu ba-an-de2-zu ug3-e nam-me 588. me da-ri2-sze3 du3-a ki ni2 dub2-bu {d}nin-hur-sag-ka-sze3 589. ka tar-re-de3 bara2-ba u3-bi2-in-gurud-de3 590. kasz dida nam udu-sze3 lu2 ha-ra-ab-zil-e 591. zid2 dub-dub-ba-bi he2-hul2-le-en ki-bur2-ru-zu he2-a 592. lugal-gu10 {na4}mar-hu-sza ba-gub 593. {d}nin-urta dumu {d}en-lil2-la2-ke4 nam im-mi-ib-tar-re 594. {na4}mar-hu-sza ki-gu10-usz gu mu-un-[...]-ma-te-en ba-dab5-be2-en 595. szer7-da iri-za-ka im-szub-be2-en x giri3-ni bi2-[...]-na-ak-([...]) 596. {na4}bur szagan he2-me-en a he2-em-da-an-sim?-e 597. {na4}mar-hu-sza u-gun3 he2-ni-tag-ge en sa6-ba he2-[...] DI 598. kirid-da ku3-ga szu gal he2-em-mi-du7 599. {na4}mar-hu-sza e2 dingir-re-e-ne-ka me-te-asz he2-em-mi-gal2 600. ur-sag hasz2-tum-e ba-gub 601. en ib2-ba kalam-ma inim mu-na-ni-ib-be2 602. {d}nin-urta dumu {d}en-lil2-la2-ke4 nam im-mi-ni-ib-tar-re 603. {na4}hasz2-tum kur-ra szeg11 [...]-gi4-gi4 604. gu3 husz me3-a-sze3 gu3 husz bi2-ib-ra 605. szeg11 gi4-zu lil2-la2-am3 kur-ra mi-ni-ib2-ge-en 606. gurusz-me-en {na4}hasz2-tum ki tag-ga-za mu-bi he2-sa4 607. i3-ne-esz nam tar-ra {d}nin-urta-ka 608. u4-da {na4}hasz2-tum di-sze3 ur5 he2-en-na-nam-ma-am3 609. lugal-gu10 {na4}{d}ur-ul3-e im-ma-gub 610. {d}nin-urta dumu {d}en-lil2-la2-ke4 nam im-mi-ib-tar-re 611. {na4}{d}ur-ul3 mu-dur7 ku3 szul igi ha-az-za lu2 im-ma-an-gul-lu-ne 612. kur-ra giri17 szu mu-e-ni-gal2-la 613. a2-sze ge26-e {gesz}si-gar he2-ku5 614. lugal-gu10 en {d}nin-urta-ra igi-ni-sze3 ha-ba-gub-bu-nam im-mi-du11-ga-gin7 615. mu-zu pa3-de3-ba ni2 ha-ba-ab-bulug5 616. gal-zu-a ku3 ga-ab-sa10 di-de3 617. kur-kur-re nar-gin7 gi-di-da he2-em-mu-e-sar-re-ne 618. lugal-gu10 {na4}szegx(|URUxGU|)-szegx(|URUxGU|)-e ba-gub 619. {na4}en-ge-en na4 {d}ezim2-ma gu3 im-ma-de2-e 620. {na4}ug-gun3 {na4}he2-em 621. {na4}ma-da-nu-um {na4}sag-gir11-mud 622. {na4}x {na4}mur?-suh3?-e 623. {d}nin-urta dumu {d}en-lil2-la2-ke4 nam im-mi-ib-tar-re 624. [...] tag-tag-ga 625. x x szu? nam-[...]-tum3? [...] giri17 tag-tag-ga 626. za3 us2 sa us2 sza3 usz gu7 az-gin7 giri3 hum-mu 627. he2-en-na-ga-za mu-e-szi-du-de3-en i3-ne-esz tab-ba di-za 628. gu2-ne-ne-ta ki ha-ba-ab-te-en-ze2-en a-ba szu in-ne-szi-in-de6 629. {gesz}tukul he2-me-en {gesz}ig he2-en-gub 630. kal-ga gu2-ni ha-ba-ra-si-ge 631. lirum-ta du10 |DU.DU|-|DU.DU|-am3-da-ab u4 zal-le ki he2-te-ge26 632. u4 szu2-usz ki-la2 tuku-e he2-zi-zi-i 633. szul da-ri2 kalam-ma igi he2-en-de3-sag5-sag5 634. ur-sag {na4}kur-ga-ra-nu-um-e ba-gub 635. {na4}bala-e gu3 ba-de2-e 636. en-e szem-bi sig7-sig7-ga-bi 637. {d}nin-urta dumu {d}en-lil2-la2-ke4 nam am3-mi-ib-tar-re 638. lu2 ga-ba-ra-ab-e3 im-mi-du11-ga 639. us2 zi-ba mu-e-szi-in-dub-bu-na 640. gurusz lu2 ar2-e mi-ri-gu7-am3 sag-gin7 mu-un-ti-en 641. gaszam tur-ra mi2 hu-mu-ne-e 642. ezem gidim?-ma-ke4 he2-em-ma-sa6-ge 643. iti-da u4 9(disz) gurusz u4-sakar-ra-ke4 [...] x hu-mu-ra-an-ak 644. biluda?{da} {d}nin-hur-sag-ga2-ka-sze3 [...]-an-gub 645. ur-sag-e kur mu-un-si edin-na di-di-na UD [...] 646. ug3-gin7 |PA.A.PA|-ba mi-ni-e3 a2 mah mu-un-[...]-x 647. {d}nin-urta hul2-hul2-e im-DU {gesz}ma2-gur8 ki ag2-ga2-ni 648. en-e {gesz}ma2-kar-nun-ta-e3-a giri3-ni nam-mi-in-gub 649. a-igi-lu-e-ne szir3 du10-ge-esz im-mi-ib-be2-ne 650. en-ra mi2 zi-de3-esz2 mu-un-ne-ne 651. {d}nin-urta dumu {d}en-lil2-la2-ra szudu3 su3-ra2-sze3 mu-na-ab-mu2?-ne 652. dingir za3 dib-ba ur-sag-e-ne 653. en {d}nin-urta lugal dingir {d}a-nun-ke4-ne 654. bar-us2 zi-da-na [...] sun4 ba?-la2-a 655. a e3-a gu2-erim2-e mu-ni-szub-bu 656. nam-mah gal-gal-za a-ba mu-e-da-ab-sa2-e 657. ur-sag a-ma-ru gaba szu nu-ga2-ga2 658. {d}en-ki {d}nin-ki-e-ne sag nu-un-da-ga2-ga2-ga2 659. ur-sag iri lah4 kur-re gu2 gar-gar 660. dumu {d}en-lil2-la2 a-ba mu-e-da-an-e3 661. {d}nin-urta en dumu {d}en-lil2-la2 ur-sag a-ba za-a-gin7 662. lugal-gu10 ur-sag za-a sa2-du11-zu-sze3 gal2-la 663. mu-ni-gin7 si sa2 giri3-zu mu-un-dab5-be2 664. e2-za nig2-du7-e pa ma-ra-ni-in-e3-a 665. esz3-za sahar-ta ma-ra-ra-an-il2-la 666. ezem-zu nig2 ha-ba-ab-gu-ul-gu-ul-e 667. garza ku3-zu szu hu-mu-ra-ab-du7-du7 668. mu nam-ti-la-na du11-ge ba-ab-du7 kalam-ma ha-ra-an-i-i 669. en-ra sza3 an-na he2-en-na-hun 670. ne {d}en-lil2-la2 {d}nin-urta-ra? 671. ki-sikil ama {d}ba-ba6 u4-de3-esz he2-en-na-e3 672. en-ra ma2 nesag-a mu-na-ni-ib2-be2-ne 673. ma2 ni2-bi dirig-ga-e gu2 im-mar-mar-([...]) 674. ma2-kar-nun-ta-e3-a a2 ku3 mu-un-su3-u4 675. ur-sag {gesz}tukul sag3-ge silim-ma-ni-sze3 ([...]) 676. {d}a-nun-na-ke4-ne x-bi gaba mu-[...] 677. giri17 ki-sze3 ba-ab-te-esz szu gaba ba-ni-[...]-esz 678. en-e a-ra-zu-a szudu3 mu-un-na-sza4-asz 679. x x-ge mir-ra hu-mu-ni-ib2-hun-[...] 680. {d}nin-urta lugal {d}utu-u18-lu gu2 an-sze3 he2-ni-zi 681. a-a-ni {d}en-lil2-le nam mu-ni-ib2-tar-re 682. [...] mu mah-zu-sze3 dirig-ga 683. [...]-ka tusz ki ha-ba-ni-in-gar 684. gaba [...] he2-du7 685. lugal me3 ki-bala-a u4 an?-na? sa12-e-esz he2-rig7 686. {gesz}tukul mar-uru5 kur-re izi szum2-mu 687. ur-sag an ki-ke4 sa12-e-esz he2-rig7 688. lugal u4-zu-sze3 kaskal ha-ba-sig 689. {d}nin-urta kur-ra du-zu nir hu-mu-ni-gal2 690. ur-bar dab5-be2-da szu bar-ra-gin7 691. u4-zu-sze3 ki-bala-a-sze3 du10 nim-ta he2-gub 692. hur-sag ba-e-szum2-ma ki-bi na-an-gi4-gi4 693. iri-bi du6-du6-da ha-ba-ab-szid 694. bara2-bara2 gal-gal-bi zi nu-mu-un-szi-pa-an 695. szita2 an-na bala sa6-ga nu-kur2-ru 696. ti u4 su3-ra2 geszkim {d}en-lil2-la2 697. lugal usu an-na nig2-ba-zu he2-a 698. ur-sag-e a2-sag3 mu-un-ug5-ga-asz 699. en-e gu-ru-um-bi mu-un-ak-asz 700. na4 ha-ba-sa2 im-mi-in-du11-ga-asz 701. uszum? szeg11 gi4 mu-ni-UD-a-asz 702. ur-sag-e a-e sag an-ta giri3 im-ma-gar-ra-asz 703. gan2-ne2 zi-de3 szu in-gi4-a-asz 704. {gesz}apin he2-gal2 pa bi2-in-e3-a-asz 705. en-e ab-sin2 gub-bu mu-un-gar-ra-asz 706. {d}nin-urta dumu {d}en-lil2-la2-ke4 guru7-du6 guru7-masz-a gu2 bi2-in-gur-gur-ra-asz 707. in-nin me a2-bi-ta e3-a du11-ge mah dib-ba 708. {d}nisaba munus zi gal-an-zu kur-kur-ra dirig-ga 709. igi zu2 kesz2-da nam-en nam-lugal-la im sag di gal2-la-bi-im 710. gesztu2 mah {d}en-ki du6 ku3-ga-ta sa12-e-esz rig7-ga 711. {d}nin-urta dumu {d}en-lil2-la2-ke4 za3-ba nam-mi-in-gub 712. munus mul-an nun-e abzu-ta gal-le-esz-e sig7-ga 713. in-nin |GISZ.TUG2.PI.AN.NISABA| sza3-ge usz gu7 714. sa2-gar dili dim2-ma galga su3 715. [...] a2-gal2 sag ge6-ga dub gal2 mu a-na-tuku 716. gu la2-a-na muszen dib-be2-da nu-du8-u3-da 717. kin ak-bi-sze3 dirig mu-un-ga2-ga2 718. [...]-da u3-en3 nu-sza4 {d}suen-da u4 szid-e 719. bad3 zabar DIB lu2 nu-e11-de3 720. [...] DI gaszam igi nigin2-na 721. [...] sag ge6-ga en3 tar-re ug3-e inim si sa2 722. [...]-i gaba-ri {d}en-lil2-la2 723. munus zi mul an-da sza3 kusz2-u3 {d}nisaba za3-mi2 724. en gal {d}en-lil2-la2 {d}nin-urta dumu mah e2-kur-ra 725. nir-gal2 a-a ugu-na za3-mi2-zu du10-ga-am3 726. szir3-su3? {d}nin-urta-ka
Total 3 record(s)