&P422664 = RINAP 5/1 Ashurbanipal 010, ex. 001 #atf: lang akk @object prism @surface a @column 1 1. a-na-ku {disz}an-szar2-du3-a _lugal gal_-u 2. _lugal_ dan-nu _lugal szu2 lugal kur_ an-szar2{ki#} 3. _lugal_ kib-rat _limmu2_-tim 4. _e3_ lib3-bi {disz}an-szar2-pap-asz _man kur_ an-szar2{ki} 5. _szagina_ babila2{ki} 6. _lugal kur eme-gi7_ u3 uri{ki} 7. _sza3-bala-bala_ {disz}{d}sin-pap-mesz-su 8. _lugal szu2 lugal kur_ an-szar2{ki} 9. _dingir-mesz gal-mesz_ ina _ukken_-szu2-nu 10. szi-mat _saga_-tim i-szi-mu szim-ti 11. e-li _lugal-mesz_ a-szib pa-rak-ki 12. zi-kir _mu_-ia u2-szar-ri-hu 13. u2-szar-bu-u2 be-lu#-u2-ti 14. e2-hur-sag-gal-kur-kur-ra 15. _e2_ an-szar2 _en_-ia u2-szak-lil 16. _e2-gar8-mesz_-szu2 u2-szal-bi-sza2 _ku3-sig17 ku3-babbar_ 17. {gesz}tim-me _mah-mesz_ me-ser _ku3-babbar_ u2-rak-kis 18. ina _ka2_ hi-s,ib _kur-kur_ az-qu-up 19. an-szar2 ina e2-hur-sag-gu-la u2-sze-rib-ma 20. u2-szar-ma-a _bara2_ da-ra-a-ti 21. e2-sag-il2 _e2-gal dingir-mesz du3_-usz 22. u2-szak-li-la _gesz-hur-mesz_-[x] 23. {d}en {d}gaszan-mu {d}be-let-babila2{ki#} 24. [x] e2-a {d#}di#-ku5 ul-tu# [...] 25. [x x] u2#-[x]-rib# 26. [...]-an#-na#{ki} 27. [...] _dingir_-ti-szu2 s,ir-ti 28. [...]-lu#-u2 eb-bu 29. [...] ap#-ti-iq-ma 30. [...] _edin_-usz-szu2 31. [...]-me a-nu _{gesz}mes-ma2-kan-na_ 32. [...]-e# sza2 szit-nu-nu sza2-ma-me-esz 33. [...] _ma#-na ku3-sig17 husz-a_ 34. [...] u2-szal-bisz 35. [...] rik-se-e-szu2 36. _[...]-utu en gal_-e 37. [...] at#-ru-us,-ma 38. [x]-kin# [x]-ra#-an-szu2 39. [...] ru#-kub# {d#}marduk 40. [...] _dingir-mesz en en#-en_ 41. _[...]-babbar# na4-mesz_ ni-siq-ti 42. [...] nab-nit-sa 43. [... {d}]utu# lugal_ kisz-szat _an_-e u _ki_-tim 44. [...] _{lu2}kur2-mesz_-ia 45. [...]-rik#-ti asz2-ruk 46. _[...]-kan#-na_ is,-s,i da-re-e 47. [...]-lu lit-bu-szat 48. [...]-ti# za-a'-na-at 49. [...] {d#}en {d}gaszan-mu 50. [...] e#-pesz ru-'a-a-me 51. [x x] e#-pu-usz 52. [...] masz#-tak {d}zar-pa-ni-tum 53. [...]-bu# sa-al-hu 54. [x]-di @column 2 1. 4(disz) _am-mesz ku3-babbar_ ek-du-u-ti 2. na-s,i-ru ki-bi-is _lugal_-u-ti-ia 3. ina _ka2_ s,i-it _{d}utu_-szi 4. ina _ka2 {d}lamma-ra-bi_ 5. ina _ka2_ e2-zi-da sza2 qe2-reb 6. bar2-sipa{ki} ul-ziz 7. e2-masz-masz e2-gaszan-lim2-ma _ku3-babbar ku3-sig17_ 8. u2-za-'i-in lu-le-e u2-mal-li 9. {d}szar-rat-kid-mu-ri sza2 ina ug-gat lib3-bi-sza2 10. at-man-sza2 e-zi-bu 11. u2-szi-bu a-szar la si-ma-a-ti-sza2 12. ina _bala_-ia dam-qi2 sza2 an-szar2 isz-ru-ka 13. tar-sza2-a sa-li-mu 14. a-na szuk-lul _dingir_-ti-sza2 s,ir-ti 15. szur-ru-hu mi-se-e-sza2 szu-qu-ru-ti 16. ina _masz2-ge6_ szi-pir mah-he-e 17. isz-ta-nap-pa-ra ka-a-a-na 18. {d}utu u3 {d}iszkur asz2-al-ma 19. e-pu-lu-in-ni an-nu ke-e-nu 20. si-mat _dingir_-ti-sza2 _gal_-ti u2-szar-ri-ih 21. u2-sze-szib-szi ina _bara2-mah_-hi 22. szu-bat da-ra-a-ti# 23. par-s,e-e#-sza2 szu-qu-ru-ti u2-kin#-[x] 24. u2#-szal#-li-ma mi-se-e#-sza2# 25. {d#?}[x x]{muszen#} {gesz}szu-ri-in#-ni# 26. [x x] _ti#-la# zi#-mesz#_-ia 27. [x] _ka2_ e2-galam-mes# 28. _[...]-gur#_ sza2 {iri#}tar-bi-s,i az#-[x]-up# 29. [...]-ni# a-bi la im-ma-al#-[x]-du# 30. [...]-lit#-ti la ba-na-at ina lib3#-[x?] _ama#_-sza2# 31. a#-na# e#-pesz# e2#-hul2#-hul2 iz#-kur# ni#-bit _mu_-ia 32. {d}sin sza2# [x x]-an#-ni# a#-na# _lugal_-u-ti 33. um#-ma# [...] e2#-kur# szu2#-a-tu 34. ip#-[...] 35. u2#-[...] 36. [...] 37. [...] 38. [...] 39. [...] 40. [...] _lugal#_ pa#-ni# 41. mah-ri#-ia# [x]-pu#-szu# 42. la-ba-risz u2-sza2-lik-ma 43. u2-szad-gi-la pa-nu-u-a 44. ina a-mat {d}sin {d}nusku# an-hu-us-su 45. ad-ke e-li sza u4-me pa-ni 46. szu-bat-su u2-rap-pisz 47. ul-tu _usz8_-szu2 a-di gaba-dib-be2-e-szu2 48. ar-s,ip u2-szak-lil 49. e2-me-lam2-an-na _e2_ {d}nusku _sukkal mah_ 50. sza _lugal_ pa-ni mah-ri-ia la e-pu-szu2 51. ab-na-a qe2-reb#-szu2 52. _gesz-ur3-mesz {gesz}eren-mah-mesz_ @column 3 1. u2-szat-ri-s,a e-li#-[...] 2. _{gesz}ig-mesz_ {gesz}li#-ia#-[x x] 3. me-ser _ku3-babbar_ u2#-rak-[x] 4. u2-rat-ta-a _ka2-mesz#_-[x x] 5. 2(disz) _am-mesz ku3#-babbar_ mu-nak-ki#-[x] 6. ga-re-ia# ina at-man {d#}[x] 7. _en_-ia ul#-ziz 2(disz) {d}lah3#-[x] 8. esz-ma-re#-e sza2 ti-is,-[x x] 9. {gesz}szu#-ri#-in-[x] 10. mu-szal#-[x]-mu kib-si _lugal#_-ti#-ia 11. mu-sze#-[...]-s,ib# _kur_-i u tam-tim 12. ina [x x]-hul2#-hul2 ul-ziz 13. _szu-[...]_ {d}nusku# as,-bat 14. u2#-[...]-sze-szib ina _bara2#_ da-ra-a-ti 15. e2#-[...] _e2# an-gal_ 16. _[...]-dingir#{ki} 17. [...]-szu2 ar#-s,ip u2-szak-lil 18. [...] {d}nin-gal# [x?] {d#}utu# {d#}a-a 19. sza# [x x] nina#{ki#} [...]-pap#-asz 20. _man# kur#_ [...] 21. il#-li#-ku la#-[...] 22. e#-na-ah-ma [...] 23. e2-kur szu-a#-[...] 24. ar#-s,ip u2#-[...] 25. _gesz-ur3-mesz#_ {gesz#}[x x] _mah#-mesz#_ 26. u2-szat-ri-s,a ta-[x]-an-szu2 27. _{gesz}ig-mesz_ {gesz}li-ia-a-ri 28. sza# e-re-si-na _du10-ga_ 29. u2#-rat-ta-a _ka2-mesz_-szu2 30. ul#-tu e2-kur szu2-a-tu2 u2-szak-li-lu 31. u2#-qat-tu-u ag-mu-ra szi-pir-szu2 32. [x] 3(u) {d}nin-gal {d}nusku {d#}utu u {d}a-a 33. _[x]-mesz#_ tik-le-ia ina qer-bi-szu2 34. [x]-sze#-rib-ma u2-szar#-me 35. _bara2#_ da-ra-a-ti esz#-re-e-ti 36. _kur_ an-szar2{ki#} _kur_ uri{ki} ana si#-hir#-te-szi-na 37. ar-s,ip u2-szak-lil 38. mim-ma si-mat e2-kur ma-la _gal2_-u 39. sza _ku3-babbar ku3-sig17#_ e#-pu-usz 40. e-li# sza _lugal-mesz ad#-mesz#_-ia 41. u2#-rad#-di _dingir-mesz gal-mesz_ 42. tik#-le#-ia ina at-ma-na-a-te-szu2-nu 43. s,i-ra-a-te u2-sze-szib-szu2-nu#-ti 44. _{udu}siskur-mesz_ tasz-ri-ih-ti# 45. ma-har-szu-un aq-qi2 46. u2-szam-hi-ra kad3-ra#-[x]-a 47. sat-tuk-ku gi-nu-u2 e-li sza [x]-me# 48. ul-lu-ti u2-sza2-tir#-ma# 49. ar-ku-us _alam lugal_-[x]-ia# 50. sza _ku3-babbar ku3-sig17 uruda_ nam#-ri# 51. ina szi-pir {d}nin-a2-gal {d#}[...] 52. {d}nin-kur-ra nak-lisz u2-sze#-[x x] @column 4 1. a-na mu-ter-ri-szi _ti-la_-ia# 2. ma-har _dingir-mesz_ ti-ik-le-ia# 3. u2-kin na-an-za-sun2# 4. ul-tu s,e-he-ri-ia a-di ra-be2-ia 5. asz2-te-'a-a asz2-rat _dingir-mesz gal#-mesz#_ 6. {lu2}sza2-an-gu-ti ih-szu-hu# 7. i-ram-mu na-dan zi-bi-ia# 8. {d}iszkur _szeg3-mesz_-szu2 u2-masz-szi-ra 9. {d}e2-a u2-pat,-t,i-ra _idim-mesz_-szu2# 10. szat-ti-szam-ma ina t,uh-di mi-sza2-ri# 11. ar-te-'a-a ba-'u-lat {d}en-lil2# 12. _dingir-mesz gal-mesz_ sza2 ap-tal-la-hu _dingir_-us-su#-[x] 13. dun-nu zik-ru-u2-[x] 14. e-mu-qi2 s,i-ra-a-ti# 15. u2-szat-<li>-mu-in-ni 16. _kur-kur_ la ma-gi-re-ia# 17. ina _szu-min_-ia im-nu-u2# 18. u2-szam-s,u-in-ni ma-la lib3-bi-[x] 19. ul-tu tam-tim e-liti# 20. a-di tam-tim szap-liti# 21. sza _lugal-mesz ad-mesz_-ia# 22. ir-te-ed-du-u2 a-na-ku lu-u ar#-de 23. ma#-lak _iti u4 2(u)-kam2#_ 24. ina _muru2_ tam-tim u na-ba-[x] 25. mi-is,-ru e-li sza _lugal-mesz ad#-[x_ x] 26. u2#-rad-di-ma a-[x] 27. _ug3#-mesz_ a-szi-bu-ti _kur-kur_ sza2-a-ti-na 28. u2-szak-ni-sza2 a-na _{gesz}szudun_-ia 29. _gun#_ man-da-at-tu2 szat-ti-szam-ma 30. u2-kin# _edin_-usz-szu2-un 31. ina qi2-bit# an-szar2 {d}nin-lil2 32. _lugal-mesz#_ a-szib pa-rak-ki 33. u2-na-asz2#-sza2-qu _giri3-min_-ia 34. ma-al-ki _gal#-mesz_ sza2 s,i-tasz u szi-la-an 35. a-na kit-ri-szu2#-nu u2-pa-qu-u-ni 36. ina tukul-ti _dingir-mesz# [x]-mesz en-mesz_-ia 37. qe2-reb {kur}elam-ma#{ki#} e-ru-ub 38. _bad5-bad5_-szu2-nu ina la# mi3-ni 39. asz2-kun at-tal#-lak# szal-t,isz 40. {disz}um-man-al-da-si# ti-ib 41. _me3_-ia dan-ni e#-dur#-ma 42. me-ra-nu-usz-szu2 in-na#-bit-ma 43. is,-ba-ta sza2-da#-a 44. 1(u) 4(disz)# _iri-mesz_ dan-nu-ti mu-szab# [x]-ti#-szu2 45. u3 _iri-mesz# tur#-mesz_ sza2 ni-i-ba la# [x]-szu2#?-u 46. a-di _2(u)-am3 iri-[x]_ 47. ina na-ge-e sza2 {iri}hu-un-nir# 48. ina _ugu_ mi3-is,-ri sza2 {iri}hi-da-lu 49. ak-szu-ud {iri}ba-szi-mu 50. u3 _iri-mesz_ sza2 li-me-ti-szu2 51. ap-pul aq-qur sza2 _ug3-mesz_ a-szib 52. lib3-bi-szu2-un ka-mar-szu2-nu asz2-kun# @column 5 1. u2-szab-bir _dingir-mesz_-szu2-un 2. u2-szap-szi-ih ka-bat-ti _en en-en_ 3. _dingir-mesz_-szu2 _{d}1(u)-5(disz)-mesz_-szu2 _nig2-szu_-szu2 _nig2-gur11_-szu2 4. _ug3-mesz tur_ u _gal_ asz2-lu-la ana _kur_ an-szar2{ki} 5. 1(gesz2) _danna_ qaq-qa-ru 6. qe2-reb {kur}elam-ma{ki} u2-szah-rib# 7. _mun {u2}zag-hi-li{sar#}_ 8. u2-sap-pi-ha _edin#_-usz#-szu2-un 9. {d}na-na-<a> sza 1(disz)# _lim_ 6(disz) _me 3(u)#-am3#_ 5(disz) 10. _mu-an-na#-mesz#_ ta-as-bu-su-ma 11. tal-li#-[x] tu-szi-bu 12. [...] elam#-ma{ki} a-szar 13. [x x]-ma#-a-te9-e-sza2 14. u3 ina u4-me-szu2-ma szi-i 15. u3 _dingir-mesz ad-mesz_-sza2 16. ib-bu-u szu-mi3 ana be-lut# _kur-kur_ 17. ta-a-a-rat _en_-u-ti-sza2 18. tu-szad-gi-la pa-nu#-u-a 19. um-ma {disz}an-szar2-du3-a 20. ul-tu2 qe2-reb {kur}elam-ma{ki} 21. u2-sze-s,a-an-ni-ma 22. u2-sze-rab-an-ni 23. qe2#-reb e2-an-na 24. a#-mat qi2-bit _dingir_-ti-szu2-un 25. sza ul-tu2 _u4-mesz su3-mesz_ iq-bu#-u 26. e#-nen#-na# u2-kal#-li-mu _ug3-mesz egir#-mesz_ 27. _szu-min dingir_-ti-sza2 _gal_-ti at-mu#-uh 28. har-ra-nu i-szir-tu sza2 ul-lu-us, 29. lib3-bi ta-as,-ba-ta a#-na# e2-an-na 30. ina qe2-reb unu{ki} u2-sze#-rib-szi-ma# 31. ina e2-hi-li-an-na sza2 ta#-ram-mu 32. u2-szar-me_-ud_ pa-rak da-ra#-a-ti $ single ruling 33. ina u4-me-szu2 _e2_ a2-ki-it [x] 1(u) 5(disz)# _gaszan_-ia 34. sza qe2-reb nina#{ki} 35. sza ki-ma _ama_ a-lit-ti tu-rab#-ba-an-ni 36. _{lu2}kur2-mesz_-ia i-na#-ru# 37. gi-mir ma-al-ki u2-szak-ni#-sza2 38. a-na _giri3#-min_-ia sza {disz}lugal-gi-na# 39. _ad ad ad du3_-ia 40. _sza3-bala-bala {disz}en#_-ba-ni _dumu_ {disz}a-da-si 41. sza du-ru-ug#-szu2 bal-til{ki} 42. e-pu-szu2 la#-ba#-risz il-lik 43. mi-qit-[x]-sza2 ad-ke 44. ina _iti#_ [x]-me# u4-me sze-me-e 45. at#-[x-x]-di# tem-me-en-sza2 46. [x x?] a-gur2-ri _{na4}zu2 {na4}za-gin3_ 47. [x] a2#-ki-it szu2-a-tu 48. a#-na# si-hir-ti-sza2 ar-s,ip 49. u2-szak-lil lu-le-e u2-mal-li# 50. an-szar2 u {d}nin#-lil2 _dingir-mesz_ tik-le-ia 51. mu-szam-s,u-u2 ma-la lib3-bi-ia @column 6 1. qe2-reb-sza2 u2#-sze-rib-ma 2. u2-sze-pi#-sza2# i-sin-ni _e2_ a2-ki-it 3. _{udu}siskur-mesz#_ tasz-ri-ih-ti 4. ma-har-szu#-un aq-qi2 5. u2-szam-hi-ra# kad3-ra-a-a 6. an-szar2 u3 {d}nin-lil2 7. sza ul-tu s,e#-he-ri-ia 8. u2-rab-bu#-in-ni 9. is,-s,u#-ru# _lugal#_-u-ti 10. qe2-reb _e2_ a2-ki-it# szu2-a-tu2 ir-ru-bu-ma 11. ip-pu-szu2 i-sin#-ni# _hul2-mesz_ 12. ina bu-un-ni-[x]-nu# nam-ru-ti 13. ina ni-isz _igi#-[x_ x?]-szu2-nu _saga-mesz_ 14. sza2 i-bar-[x x] kib#-ra-a-ti 15. {disz}an-szar2-[...] mi-gir lib3-bi#-szu2#-nu 16. e-pisz# [...] szu-a-tu 17. ha-disz# [x]-tap-la-su 18. _ud-[...]_-sza2#-ri-ku 19. lu#-[...]-'a#-a-ru 20. _suhusz_ {gesz}[...]-kin#-nu 21. lu-szal-bi#-[...]-ia# 22. _{lu2}kur2-mesz_-[...]-ru# 23. li-szam-qi2-tu# [...] 24. ina tukul-ti-szu2-nu [x x x?] 25. e-ma a-qab-bu-[...] 26. a-szar u2-s,ar#-[...] 27. lik-szu-da _szu-min#_-[x x] 28. a#-na# _egir#_ u4-me _dumu-mesz#_ [...] 29. _dumu-mesz_ u3 [x x] 30. ina _lugal-mesz dumu-[x_ x] 31. sza2 an#-szar2# u {d}nin#-[...] 32. a-na be-lut _kur_ [...] 33. i-nam-bu-u2 zi#-[x x] 34. e-nu-ma# _e2_ a2-ki-it# [...] 35. i-lab-bi-ru-ma in#-[x x] 36. an#-hu-us-su lu-[x x] 37. _mu-sar_-u2 szi-t,ir _mu_-[x] 38. li-mur-ma _i3-gesz_ lip-szu#-[x] 39. _{udu}siskur bala_-[qi2] 40. a-na asz2-ri-szu2 lu-ter# 41. _dingir-mesz gal-mesz_ ma-la ina _mu-sar_-e an-ne2#-[...] 42. _lugal_-ut-ka lik-tar-ra#-[x] 43. li#-is,-s,u-ru# _bala#-[x_ x] 44. sza# _mu#?-sar#?-[...]_ 45. ina mim-ma# [x x] ni#-kil-ti# [...] 46. it-ti _mu#-sar_-[x] 47. szi-t,ir _mu_-szu2 la [...] 48. _dingir-mesz gal-[x]_ 49. sza _an_-e u3# [x x] 50. _lugal_-us-su lis-[x x] 51. _mu_-szu2 _numun_-szu2 ina _kur_ lu-[...] $ single ruling 52. _{iti}kin u4 2(u) 4(disz)-[x]_ 53. lim-me {disz}{d}muati-man-pap-mesz-szu2 {lu2}[x] 54. {kur}sa-mir-i-[x]
Total 1 record(s)