Collapse
Transliteration
tablet obverse column 1 1. [en] mah za3 dab me galam u18#-ru# 2. pa#-bil2-ga en-en-e-ne 3. bar-sud-am3 4. sag il2 dirig ninda2 numun i-i 5. mu idim ni2 gal-le-esz ri-a 6. mah du11#-ga-ni sag2 di nu-zu 7. kur me sikil#-la ni2 mu-ni-in-gur3# 8. bara2 gal-la dur2 im-mi-in-gar 9. an lugal dingir-re-e-ne-ke4 10. sza3-ba-tuku-am3 11. igi zi su3-ra2-sze3 mu-un-szi-in-bar 12. nun {d}li-pi2-it-esz18-dar-ra igi zi mu-szi-in-bar 13. nam-til3 su3-ra2-sze3 mu-na-an-szum2 14. nun {d}li-pi2-it-esz18-dar-ra nam-til3 <su3-ra2-sze3 mu-na-an-szum2> 15. an-na du11-ga-ni inim ki-bi-sze3 gar-ra 16. dingir na-me sag la-ba-ab-szum2-mu 17. {d}a-nun-na dingir kilib3-ba-bi 18. ki nam tar-re-da gu2 mu-na-si-si-esz 19. sza3-ba-tuku-am3# 20. me gal-gal-la pa mu-ni-in-e3 21. dingir an-na mu-na-sug2-ge-esz 22. bar-sud 2(disz)-kam!-ma 23. gesz-hur#-bi si mu-ni-ib-sa2-sa2 24. dingir ki-a mu-na-gam-e-esz 25. me mah-a me sag-ki-a-ba 26. nam-lugal nig2 kal-kal-la-am3 27. {d}li-pi2-it-esz18-dar dumu {d}en-lil2-la2-ra 28. an gal-e sag-e-esz mu-ni-in-rig7 single ruling 29. sa-<bar>-gid2-da-am3 30. an gal-am3 dingir pa e3 gal-am3 31. an u18-ru lugal {d}li-pi2-it-esz18-dar giszkim-til3-la-ni na-nam single ruling 32. gesz-gi4-gal2-bi-im 33. an-e sza3 gu2-bi gi4-a-na lugal mu-ni-in-pa3 34. sza3-bala-bala nam-lugal-la-ra gu3 zi mu-na-de2 35. {d}li-pi2-it-esz18-dar a2 szum2-ma-gu10-me-en gu2 an-sze3 he2-zi 36. u4 gu3 di# sag-bi zi-zi-gin7 su zi he2-me-da-ri 37. gu2#-erim2-gal2 kur nu-sze-ga-zu u18-lu-zu he2-em-dul 38. nig2-si-sa2 ki-en-gi ki-uri mu-ni-gar su kalam-ma mu-dug3 39. {d}li-pi2-it-esz18-dar dumu {d}en-lil2-la2 u4-gin7 dalla he2-ni-e3 40. iri# a2-dam masz#-GAN2 ki gar-ra gu3 tesz2 hu-mu-ra-ab-sig10 41. ug3 sag-ge6-ga u8-gin7 lu-a us2 zi hu-mu-ra-ab-sig9-ge5 42. {d}_li-pi2-<it-esz18-dar>_ kur ki su3-ra2-sze3 lugal-bi he2-me-en 43. {gesz}gu-za mah nam-nun-na he2-du7 gi16-sa nam-lugal-la 44. {d}en-lil2-le zi-de3#-esz ma-ra-an-szum2 suhusz-bi hu-mu-ra-ab-sig10 45. {d}suen aga sag-za mi-ni-in-ga-na# musz3# nam-ba-an-tum2-mu 46. {d}en-ki-ke4 me nam-nun-na-ka sze-er-ka-an hu-mu-<ra>-ni-in-du11 47. {d}inana nin nam-nun-na-ka za-e-da hu-mu-u8?-de3-gub 48. {d}udug sa6-ga {d}lamma e2-kur-ra# he2-me-da-sug2-sug2-ge-esz 49. nidba {gesz}gesztin ga# il2-la-zu# szu he2-em-da-gal2-gal2 50. dumu nig2-dim2-ma [{d}]en-lil2-la2-me-en nig2 hu-<mu>-ra-ab-dug3-dug3 column 2 beginning broken 1'. sa#-[gar-ra-am3] 2'. dingir ni2# gur3# sza3#-ge# pa3#-da# dumu# {d#}en#-[lil2-la2] nig2 ha-ra-ab-gu-ul-[gu-ul] single ruling 3'. gesz-gi4-gal2-bi-im# 4'. an-e du11-ga#-ni nam dug3 tar-[ra-am3] 5'. an gal-e du11-ga-ni nam dug3 [tar-ra-am3] 6'. {d}_li-<pi2-it-esz18-dar>_ dumu {d}en-lil2-la2-ra szu [...] single ruling 7'. u19-ru12-bi-im a-da-ab-an#-[na-kam] single ruling 8'. an u18-ru gal dingir-re-e-ne# 9'. an nir-gal2 dingir pa# e3-a 10'. an lugal-la nam gal tar-ra-ni 11'. {d}ur-<{d}nin-urta>-ra szu zi hu-mu-na-ab-gar 12'. bar-sud-am3 13'. za3 kur-kur-ra-sze3 dili-ni dab 14'. {d}a-nun-na-ke4-ne sag kesz2-bi na-nam 15'. me gal-gal-la za3 mu-ni-in-kesz2# 16'. me szar2-ra giri3-ni nam-mi-in-gar 17'. dingir gal-an-zu nun nam tar-re-de3 18'. gu3 zi mu-na-an-de2 an-ne2 {d#}ur-<{d}nin-urta>-ra gu3 zi <mu-na-an-de2> 19'. kalam-ma mu-ni-in-mah an-ne2 [{d}ur]-<{d}nin-urta> <mu-ni-in-mah> 20'. {gesz}gu-za nam-lugal-la ul-sze3 suhusz# gi-na 21'. szibir mah! me kalam-ma ur4-ur4 22'. gidru nig2-gi-na# ug3 szar2 lah5-lah5-e 23'. {d}ur-{d}nin-urta-ra mu-na-an-tah 24'. an ku3-ga ki nam tar-ra-ni 25'. dingir an-na ba-sug2-ge-esz-a 26'. {d}a-nun-na-ke4-ne gizzal# ba-an-ak-esz 27'. sza3-ba-tuku-am3 single ruling 28'. ukken gar-ra-ba he2-am3 ba-ni-in-ne-esz 29'. iri du3-du3 a2-dam ki gar-ra 30'. kur gam-e kalam suhusz gi-na 31'. mu he2-gal2 bala u4 sud-da 32'. {d}ur-<{d}nin-urta>-ra mu-na-an-szum2 single ruling 33'. sa-gid2-da-am3 34'. an-na igi su3-u4-bi bar#-ra-ni sipa zi mu-ni-in-il2 35'. {d}ur-<{d}nin-urta> dumu ki-ag2-ga2-ni mi2 zi-de3-esz sza-mu-un-e 36'. ni2 me-lem4-za tesz2 he2-gal2 u4 gal-gin7 u5-bi 37'. nam-szul-zu gaba gi4 na-an-tuku-tuku-un ma-da he2-de3-gal2 38'. mu-zu kur-kur-ra he2-em-mah-en sa6-zu he2-di 39'. ma-da ni2-ba nam-ra-an-gam-e gu2 gesz hu-mu-ra-ab-gar 40'. {d}ur-<{d}nin-urta> a2 gal szum2-ma-gu10 mu-gu10-sze3 nir he2-gal2 41'. inim-zu {gesz}rab3 mah-gin7 hul-gal2-e szu# he2-em-ri-ri 42'. a2 ag2-ga2-zu ki-bala-a ha-ba-te giri17 szu ha-ma-an-gal2-esz 43'. nam-nun-zu sag an-sze3 he2-eb-il2 ug3-e# ha-ma-dug3-ge 44'. nig2-gi-na za-e lu2-bi he2-me-en a2-tah-zu he2-a 45'. nig2-si-sa2 sza3-ta e3-a-me-en {d}utu ba-gub-ba 46'. {d}inana ki-ag2-zu na-nam nam-til3 ha-ra-ab-sud-de3 47'. {d}lamma sa6-ga nam-en nam-lugal-la zi-de3-esz ha-ra-sug2-ge-esz 48'. <mu> sa4-a ki-en-gi#-ra#-me-en {d}ur-<{d}nin-urta>-gu10# 49'. esz3 nibru{ki} dur#-an#-ki-ka# sag il2-la gen-i3 reverse column 1 1. kadra#-zu# szeg12 e2-kur-ra-ke4 szu-bi im-gid2 2. sipa ni2 gur3 nidba gal-gal-la-ni e2#-sze3 ha-ma-gub-be2 single ruling 3. sa-gar-ra-am3 4. 1(asz) dingir-re-ne me gal-gal-la i3-me-en 5. an lugal 1(asz) dingir-re-<ne me gal-gal-la i3-me-en> 6. {d}ur-<{d}nin-urta> ka-ta e3-a-gu10 ul-sze3 na-ra-kur2-ru# 7. u18-ru12#-bi-im a-da-ab an-na-kam single ruling 8. a#-gu10# an# ma-an-ze2-eg3 ki ma-an-ze2-eg3 9. me-e {d#}ga-sza-an-an-na-gen 10. ma-ra dim3-me-er tesz2 mu-da-sa2-a 11. {d}mu-ul-lil2-le an ma-an-ze2-eg3 ki <ma-an-ze2-eg3> 12. me-e {d}<ga-sza-an-an-na-gen> line is indented 13. na-ag2-u3-mu-un# ma#-an#-ze2#-eg3 14. na-ag2-ga-sza-an# ma#-an#-ze2-eg3 15. me3# ma-an-ze2#-eg3# [szen]-szen#? ma-<an-ze2-eg3> 16. mar-uru5 ma-an-ze2-eg3# dal#?-ha#-mun ma-<an-ze2-eg3> 17. an men sag-ga2 mu#-ni#-in-ma-al 18. ki# {kusz}e-sir2 me-ri-ga2 mu-ni-in-sig9 19. tug2-ba13 ku3 su-ga2 mu-ni-in-la2 20. {mu}gidru ku3 szu-ga2 mu-ni-in-ma-al 21. dingir buru5-me-esz me-e mu-tin-gen 22. {d}a-nun-na di-da-me-esz me-e sumun2 zi-gen 23. sumun2 zi a-a {d}en-lil2-la2-gen 24. u3-sumun2 zi sag-ga2 di-a-ni 25. e2-kur-ra e2 {d}mu-ul-lil2-la2-sze3 ku4-ku4-da-gu10-ne 26. i3-du8-e gaba-gu10 szu li-bi2-ma-ma 27. sukkal-e il2-la2 na-ma-ab-be2 28. an ga2-a-kam ki ga2-a-kam me-e ur-sag-gen 29. unug{ki}-ga e2-an-na ga2-a-kam 30. zabala{ki} gi-gun4-na ma-a-kam 31. nibru{ki}-a dur-an-ki <ma-a-kam> 32. urim2{ki}-ma e2-dilmun-na <ma-a-kam> 33. gir2-su{ki}-a esz2-dam#-ku3# <ma-a-kam> 34. adab{ki}-a e2-szar-ra <ma-a-kam> 35. kisz{ki}-a hur-sag-kalam-ma <ma-a-kam> 36. kisiga!{ki} amasz-ku3-ga <ma-a-kam> 37. akszak{ki}-a an-za-gar3 <ma-a-kam> 38. umma{ki}-a ib-gal <ma-a-kam> 39. a-ga-de3{ki}-a ul!-masz ma-a-kam 40. ma#-ra# dim3#-me#-er tesz2 mu-da-sa2-a 41. [x x x] {d}inana-kam single ruling 42. [...] x szu# du7-a 43. [...] x [x] rest broken column 2 1. ku6 gidru# szu-na na!(KI)-mu-un-gal2 me ($ blank space $) 2. ku6 {kusz}e#-sir2 giri3-na na-mu-un-sig9 me ($ blank space $) 3. ku6 izi ab-sza3-ga na-mu-un-zalag-ge me ($ blank space $) 4. ku6 sur9-re mu-na-an-du12-am3 5. ku6 gud-de3 gu3 nun mu-na-ab-be2 6. ku6 tug2-ba13 sza3-ge4 nam-mi-in-la2 7. kas4-kas4{ku6}-e kas4 mu-na-ab-kar-re 8. gur4-gur4{ku6}-e ab mu-na-ab-gur4-gur4 9. gir2{ku6}-e ab mu-na-ab-gir2-re 10. agargara{ku6} zar!-re-esz mu-un-du8-du8 11. ku6-sze6 ab-ba mu-na-ab-mu2-mu2 12. ku6 sim{muszen} mu-na-ab-dal-dal-le-ne 13. ga-sza-an-gen {gesz}ma2-gur8-sze3 da-an#-u5# me-e e2-sze3 da-an#-u5# 14. {gesz}ma2 si-bi da-an-u5 me-e e2-sze3 da-an-u5 15. a2-sumur3-bi ku3-sig17 szim {gesz}erin-da 16. ab-ba sza-mu-na-ab-gir2-gir2-re-dam 17. gesz-hum-bi iti6 giri17-zal-am3 18. ab-ba sza-mu-na-ab-dadag-ge 19. mu-u4-na-gu10 mu-un-ku5 ab-ba-ka erased line u3#-mu#-un# x x x 20. u3-mu-un-dar#-a mu-un-ku5 ab-ba-ka 21. e2 u4-bi 22. a-a double ruling 23. bala-bala-e {d}nansze-kam double ruling blank space