&P293502 = RIME 4.03.07.07Akkadian, ex. 01 #atf: lang akk @object barrel @surface a @column 1 1. {d}en-lil2 sza be-lu-su2# 2. a-na i3-li2 szu-ur2-ba-at 3. _sipa_ mu-szi-im# szi-ma-tim 4. {d}za-ba4-ba4 u3# {d}inanna 5. qar-du-tim i-na i-gi#-gi 6. in# bu-ni-szu el-lu#-tim 7. i-mu-ur-szu-nu-ti-ma 8. _iri_ kisz{ki} ma-ha-za-am re-esz-ti-a-am 9. szu-ba-at-su2-nu s,i-ir-tam 10. _bad3_-szu e-pe2-sza-am 11. re-szi-szu e-li sza pa-na 12. ul-la-a-am 13. li-ib#-ba-szu ki-ni-isz ub-lam-ma 14. {d}en-lil2 be-lum ra-bi-um 15. sza qi2-bi2-su2 16. la usz-te-pe-el-lu 17. szi-ma-at i-szi-im-mu 18. la ut-ta-ak-ka#-ru# 19. {d}za-ba4-ba4 [a-pil2-szu] 20. dan#-nam# 21. ka-szi-id ir-[ni]-ti#-szu 22. {d}inanna ma-ar#-tam 23. na-ra-am-ta-szu 24. be-el-tam sza i-lu-sa3 25. la isz-sza-an-na-nu 26. in# bu-ni-szu sza hi-du-tim 27. ip#-pa-li-su2-nu-ti-ma 28. a-wa-at t,u2-ub li-ib-bi 29. it-ti-szu-nu i-ta-a-wu 30. sa-am-su-i-lu-na 31. na-asz-pa-ri dan-nam 32. la a-ni-ha-am 33. sza bi-bil li-ib-bi-ia 34. a-na asz-ri-im 35. sza-ka-nam mu-du-u2 36. lu nu-ur2-szu na-aw-ru-um 37. at-ta-nu-ma 38. it-ta-ku-nu 39. da-mi-iq-tum 40. li-ib-szi-szum-ma 41. a-a-bi-szu na-e-ra 42. za-e-ri-szu a-na# qa2-ti-szu 43. mu#-ul#-li-a-ma 44. _iri#_ kisz#{ki#} _bad3_-szu li-pu-usz 45. e-li# sza pa-na li#-sza-te-er 46. in szu-ba#-at# t,u2-ub li#-ib-bi-im 47. li#-sze#-szi-ib-ku-nu-ti 48. {d}za-ba4-ba4 u3 {d}inanna 49. be-lu gi#-it-ma-lu#-tum 50. sza-ga-pu#-ru-tum# in i3-li2 @column 2 1. a-na a-wa-at a-bu-szu-nu 2. {d}en-lil2 3. iq-bu-szu-nu-szi-im 4. li-ib-ba-szu-nu# 5. ri-szi-isz ih-du-ma 6. a-na sa-am-su-i-lu-na 7. _lugal_ da-an-nim 8. _sipa_ qar-ra-dim 9. li-pi2-it qa2-ti-szu-nu 10. bu-ni-szu-nu sza ba-la#-t,im 11. na-aw-ri-isz isz-szu-szum-ma# 12. el-s,i2-isz it-ti-szu i-ta-wu-u2 13. sa-am-su-i-lu-na# 14. _numun_ i3-li2 da-ri2-um# 15. wu-sum sza-ru-tim# 16. {d}en#-lil2 szi-ma-ti#-ka 17. u2-szar#-bi2 18. a-na ra#-[bi-s,u2]-ti-ka [in szu-ul]-mi#-im 19. (x) e-pe2-szi-im 20. u2-wa-'i3-ra-an-ni-a-ti 21. in im-ni-ka 22. ni-il-la-ak 23. za-i-ri-ka ni-na-a-ar# 24. a-a-bi-ka a-na qa2-ti-ka# 25. nu-ma-al-la 26. _iri_ kisz{ki} ma-ha-az-ni ra-asz-ba-am 27. _bad3_-szu bi-ni 28. e-li sza pa-na# 29. szu-te-er-[szu] 30. sa-am-su-i-lu-na# 31. _lugal_ le-iu#-um 32. sze-mu _dingir gal-gal_ 33. a-na a-wa-at {[d]}za-ba4-ba4 34. u3 {d}inanna iq#-bu-szum 35. ra-bi2-isz it-kal-ma 36. _{gesz}tukul-{gesz}tukul_-szu 37. a-na na#-ar a-a-bi 38. usz-te#-sze-er 39. _kaskal_-am# a-na sza-ka-asz 40. za-i-ri-szu 41. u2-sze-er-di 42. sza-at-tum la im-szu-lam 43. ri-im-{d}suen 44. mu-usz-ba-al-ki-it 45. _ki-en-gi-sag-6(disz)_ 46. sza a-na szar-ru-ut larsa{ki} 47. in-na-szi-u3 48. i-na-ar-ma 49. in er-s,e-et kisz{ki} @column 3 1. dam-tam e-li-szu isz-pu-uk 2. 2(u) 6(disz) _lugal_ ha-am-ma-i 3. za-i-ri-szu i-na-ar 4. gi-me-er-szu-nu isz-ki-isz 5. _dingir_-ni _lugal_ isz-nun-na{ki} 6. la sze#-mu# a-wa-ti-szu 7. i-ik-mi 8. in# {gesz}si-gar 9. u2-ra-asz-szu-ma 10. na#-pi2-isz-ta-szu 11. u2-sza-ri-ih 12. _szunigin kalam#_ szu-me-ri-im u3 ak-ka-di-im 13. usz-te-esz-mi 14. ki-ib-ra-at er-be2-tim 15. a-na qi2-bi2-ti-szu 16. u2-sze-szi-ib 17. i3-nu-mi-szu 18. sa-am-su-i-lu-na da-num2 19. in# e-mu-uq um-ma-ni-szu-ma 20. _iri_ kisz{ki} ib-ni 21. hi-ri-su2 ih-ri 22. _ambar_ usz-ta-as2-hi-ir-szu 23. in e-pe2-ri ra-bi-u3-tim 24. _suhusz-suhusz_-szu ki-ma _sa-tu_-im u2-ki-in 25. _szeg12_-szu u2-sza-al-bi-in 26. _bad3_-szu i-pu-usz 27. in _sza3 mu 1(disz)-a-kam_ re-szi-szu 28. e-li sza pa-na u2-ul-li 29. a-na szu-a-ti 30. {d}za-ba4-ba4 u3 {d}inanna 31. a-na sa-am-su-i-lu-na 32. ru-be2-em ta-li-mi-szu#-nu 33. szu-ul-ma-am u3 ba-la-t,am 34. sza ki-ma {d}suen 35. u3 {d}utu da#-ri2-um 36. a-na# qi2-isz#-tim 37. li-qi2-szu-szum 38. a-na sze-ri-ik-tim 39. li-isz-ru-ku-szum