Collapse
Transliteration
tablet obverse 1. [a]-na# {disz}ha-a-i _szesz_-ia 2. um-ma {disz}a-zi-ri _szesz_-ka-ma 3. a-na _ugu_-ka lu-u2 szul-mu 4. u3 isz-tu _erin2-mesz_ s,a-bi pi2-t,a2-te 5. sza _lugal en_-ia ma-gal lu-u2 szul-mu single ruling 6. mi-i-na-am ap-pu-na-ma 7. u2-ba2-a'-i pa-ni _lugal en_-ia 8. ba2-nu-ta u2-ba2-a'-i 9. a-na-ku u3 _dumu-mesz_-ia 10. u3 _szesz-mesz_-ia gab2-bu _lu2-mesz ARAD2_ 11. sza _lugal en_-ia ba2-ni single ruling 12. a-nu-um-ma a-na-ku u3 {disz}ha-ti-ip 13. ni-il-la-ka3-am i-na-an-na-ma 14. i-na ha-mut-isz {disz}ha-a-i 15. _uzu_ lib3-ba2-ku-nu lu-u2 i-de4 16. i-nu-ma ka3-asz-da2-ku single ruling 17. isz#-tu a-ma-_te-mesz en_-ia 18. la a-pa-at,-t,ar 19. u3 isz-tu a-ma-te-_mesz_-ku-nu reverse 1. a-na-ku _{lu2}ARAD2_ sza _en_-ia single ruling 2. _lugal kur_ ha-at-te i-na _kur_ nu-ha#-asz-sze 3. a-szi-ib u3 pal-ha-ku 4. isz-tu pa-ni-szu as-surx(AMAR)-ri-mi 5. i-na _kur mar-tu_ i-la-<ka3>-am 6. u3 szum-ma _iri_ tu3-ni-ip 7. isz-hi-it,-ma 2(disz) 1(disz)-tim _kaskal_-nu i-na a-szar a-szi-ib 8. u3 pal-ha-ku isz-tu pa-ni-szu 9. u3 _ugu_ a-ma-ti szu-wa-ti 10. iz-za-az a-di pa-t,a2-ri-szu single ruling 11. u3 a-nu-um-ma i-il-la-ka3-am 12. i-na ha-mut-isz-ma 13. a-na-ku u3 {disz}ha-ti-ip blank space