Collapse
Transliteration
tablet obverse 1. [{disz}ri-ib-{d}iszkur iq]-bi# a-na _en_-[szu] 2. [_lugal kur{ki}-mesz lugal gal] lugal#_ ta-am-ha-[ra] 3. [_{d}nin_ sza _iri_ gub-la] ti#-di-in4 _kal#-ga#_ 4. [a-na _lugal_]-ri# [_en_-ia a-na _giri3-mesz] en#_-ia 5. [_{d}utu_]-ia 7(disz)-szu 7(disz)-a-an am#-qu2#-ut 6. [lu-u2] i-de _lugal_-ru _en_-li i-nu-ma 7. [_kal]-ga_ nu-kur2-tu4 sza _ARAD2_-a-szi#-ir-ta 8. [u3] il3-ti-qe2 ka-li _iri{ki#}-mesz_-ia# 9. [a-na] sza-a-szu _iri_ gub-la u3 _iri#_ bat,-ru-[na] 10. [ir]-ti#-ha-<at> a-na ia-szi u3 2(disz) _iri#_ yu#-[ba]-u2 11. [la]-qa#-a u3 iq-bi a-na _lu2-mesz [iri_ bat,-ru]-na# 12. [du]-ku-mi _en_-ku-nu u3 in4-ne2-[ep-szu] 13. [a-na] _lu2-mesz gaz_ ki-ma _iri_ am-mi#-[ia] 14. [u3] in4-ne2-ep-szu ar-<nu> a-na [ia-szi] 15. [iz]-zi#-iz# _lu2-{zabar!}gir2!_ :" pat,#-ra# _ugu_-ia# 16. u3 da#-ka#-ti-szu u3 [_lu2_] szi-ir-da-nu 17. sza#-a i-de pa#-[t,a2-ar a]-na# ma-har 18. [{disz}]ARAD2-a-szi-ir-ta i-na pi2-szu a-pi2-isz3 19. [ip]-szu an-nu-u2 a-na ia-szi a-nu-ma 20. [ki-a]-ma asz-ba-ti u3 qa-la-ti i-na 21. [lib3-bi _iri_]-ia la-a i-le-e a-s,a 22. [a-na _edin-mesz_] asz-ta-par2 a-na _e2-gal_ 23. [u3 la-a tu]-te-ru-na a-wa-tu 24. [a-na ia-szi 9(disz)-ta]-an am-ma-ha-as, 25. [u3 ki-na-an]-na# _zi_-ia pal#-[ha-ti] 26. [u3 asz-ta-pa]-ar# u3 asz-[ta-ni] 27. [a-na _e2-gal_] u2-ul ta#-[qa-al-mi] 28. [a-na mi-nim qa]-la-ta asz-[szum mur-s,i] reverse 1. [_ugu_-ia] szum#-ma 2(disz) _iti_ an-[ni-ta] 2. [ia-nu _erin2]-mesz#_ pi2-t,a2-ti u3 [usz-szi-ra] 3. [...] u2-ul yi-ma-qu2-ta [_ugu_] 4. [_iri_]-ia u3 yi-il3-qa-ni asz#-[ta-par2 a-na] 5. [_e2]-gal_ u3 mi-na a-<qa-bu-na a>-na _lu2-mesz_ hu#-[up-szi-ia] 6. [a]-nu#-ma ki-ma _muszen_ sza i-na lib3-[bi] 7. [hu]-ha-ri :" ki-lu-bi sza-ak-[na-at] 8. [ki]-szu-ma szu-nu i-na lib3-bi _iri#_ [gub]-la# 9. [_a-sza3_]-szu-nu _dam_ sza la mu-ta ma#-szi#-il3 10. [asz]-szum# ba#-li# i-re-szi ga-am-ru 11. [_dumu-mesz_-szu-nu _munus] dumu#-munus#-[mesz] gesz#-mesz e2-mesz_-szu-nu 12. [i-na] na#-da#-ni# [i]-na# _kur#_ [ia]-ri-mu-ta 13. [a-na] ba-la-at, _zi_-szu-nu a-nu-ma# 14. [ki-a]-ma# aq-bi a-na sza-a-szu-nu _dingir_-ia# 15. [yu-szi]-ru# _erin2-mesz_ pi2-t,a2-ti i-nu-ma ti-du#-[u2] 16. [u3] ia-nu u3 an-nu-u2 na-ad-nu pa#-[ni-szu-nu] 17. [a-na] ia-szi!? szum#-ma 2(disz) _iti-mesz_ la-a tu-[s,a-na] 18. [_erin2]-mesz#_ pi2-t,a2-ti u3 i-te9-la-[am!] 19. [{disz}]ARAD2#_-a-szi-ir-ta u3 il3-te9-qe2 2(disz) _iri#_ 20. [pa]-na-nu _iri#_ s,u-mu-ra u3 _lu2-mesz_-[szi] 21. dan#-nu-tu4# [i]-ba-asz-szu u3 _lu2-[mesz_] 22. [ma]-s,a#-ar-tu# it-ti-nu mi-na# 23. [i-pu]-szu-na# [a-na]-ku i-na i-de#-ni#-ia 24. [...]-da#-ga-lu it#-ta-s,i2 25. [...] an [...] 26. [...] 27. [...] _kal#-ga#_ 28. [...] u3 [...] 29. [...] u3 ki-na-na# 30. [...] il3-ti-qu2 31. [...]-ti-ia