EA 019 (P270894)

Tablet excavated in Akhetaten (mod. el-Amarna), dated to the Middle Babylonian (ca. 1400-1100 BC) period and now kept in British Museum, London, UK

Open image

Transliteration

tablet
obverse
1. [a-na] {disz}nim#-mu-ri-ia _lugal gal lugal kur_ mi-is,-ri-i _szesz#_-[ia]
2. ha#-ta-ni-ia sza i-ra-a'-am-an-ni u3 sza a-ra-am#-[mu-usz]
3. qi2-bi2-ma um-ma {disz}tu-usz-rat-ta _lugal gal_ e-mi-i-[ka]
4. sza i-ra-a'-a-mu-u2-ka _lugal kur_ mi-it-ta-an-ni _szesz_-ka-ma
5. a-na ia-szi szul-mu a-na ka-a-sza lu-u2 szul-mu a-na _e2_-ka
6. a-na a-ha-ti-ia u3 a-na re-e-he2-ti _dam-mesz_-ka a-na _dumu-mesz_-ka
7. a-na _{gesz}gigir-mesz_-ka a-na _ansze-kur-ra-mesz_-ka a-na _erin2-gal_-ka
8. a-na _kur_-ka u3 a-na mim-mu-ka dan-nisz2 dan-nisz2 lu-u2 szul-mu
  double ruling
9. a-di _ab-ba-mesz_-ka-ma szu-nu it-ti _ab-ba-mesz_-ia dan-nisz2
10. ir-ta-ta-a'-a-mu at-ta ap-pu-na-ma _dir_-ma it-ti a-bi-ia
11. ma-a-ti-isz da-an-ni-isz ta-ar-ta-ta-a'-a-am
12. i-na-an-na at-ta ki-i it-ti-ia a-ha-misz ni-ir-ta-na-a'-a-mu
13. a-na 1(u)-szu el a-bi-ia tu-usz-te-em-'i-id
14. _dingir-mesz_ li-me-esz-sze-ru-szu-nu-ti-ma sza ni-ir-ta-a'-a-mu an-ni-ka# [x]
15. {d}iszkur be-e-li u3 {d}a-ma-nu-um a-na da-ra-a-ti ki-i sza i-na-an#-[na]
16. lu-u2 li-ne2-ep-pi2-[szu]
  double ruling
17. u3 {disz}ma-ne2-e _dumu-kin_-ra-szu _szesz_-ia ki-i isz-pu-ru#
18. um-ma lu-u2 _szesz_-ia-ma _dumu-munus_-ka a-na _dam_-ut-ti-ia bi-lam-me
19. a-na _nin_-et _kur_ mi-is,-ri-i-im-me ul ul-te-em-ri-is, _sza3_-szu
20. sza _szesz_-ia u3 i-na pa-na-tim-ma a-a-an-ni-ma-[a]-ku# aq-ta-bi
21. u3 sza _szesz_-ia i-ri-szu uk-te-el-li-im-szi a-na {disz}ma-ne2-e
22. u3 i-ta-mar-szi ki-i i-mur-szi u3 ut-te-e'-es-si2# dan-nisz2
23. u3 i-na sza-la-a-mi i-na _kur_ sza _szesz_-ia lu-[u2] lu-u2-ru#-szi
24. {d}inanna u3 {d}a-ma-nu-um ki-i _sza3_-szu sza _szesz_-ia li-me-esz-sze-el-szi
  double ruling
25. {disz}gi-li-ia _dumu-kin_-ia a-ma-te-szu sza _szesz_-ia a-na ia-szi it-ta-bal#
26. ki-i esz-mu-u2 u3 ta-a-bu dan-nisz2 u3 ah-da-du ki-i ma-du-ti
27. da-an-nisz2 um-ma lu-u2 a-na-ku-ma an-nu-u2 szu-u2 szu-ur-ru-um-ma
28. sza i-na be-ri-ni sza it-ti a-ha-misz sza ni-ir-ta-na-a'-a-mu
29. a-nu-um-ma i-na am-mu-ti a-ma-a-ti a-na da-ra-tim-ma lu ni-ir-ta-a'-am
  double ruling
30. a-na _szesz_-ia ki-i asz-pu-ru u3 aq-ta-bi um-ma lu-u2 a-na-ku-ma
31. ki-ma ma-a-du-ti ta-an-ni-is lu ni-ir-ta-na-'a-am u3 i-na be-ri-ni
32. lu-u2 ta-a-pa-nu u3 a-na _szesz_-ia aq-ta-bi um-ma-a _szesz_-ia
33. el a-bi-ia 1(u)-szu lu-u2 u2-te-et-te-ra-an-ni
  double ruling
34. u3 a-na _szesz_-ia _ku3-sig17-mesz_ ma-a-at-ta e-te-ri-isz um-ma-a el a-bi-ia
35. lu-u2-sze-em-'i#-id#-an-ni-ma _szesz_-ia lu-u2 u2-sze-bil2-an-ni
36. u3 a-bu-ia _ku3-sig17-mesz_ ma-a-at-ta du-ul-te-bi-la-asz-szu
37. _nam-ha-ra ku3-sig17-mesz gal-mesz_ u3 _{gesz}kiri6 ku3-sig17-mesz gal-mesz_ tul-te-bil2-asz-szu
38. _sig4 ku3-sig17-mesz_ ki-ma sza _uruda_ ma-su2-u2 du-ul-te-bil2#-[asz-szu]
  double ruling
39. un-tu {disz}gi-li-ia a-na _szesz_-ia asz-pu-ru u3 _ku3-[sig17-mesz_]
40. e-te-ri-isz um-ma lu-u2 a-na-ku-ma _szesz_-ia el a-bi-ia [1(u)-szu]
41. lu-u2 u2-te-et-te-ra-an-ni u3 _ku3-sig17-mesz_ ma-a-at#-[ta]
42. sza szi-ip-ra la ep-szu li-sze-e-bi-la#-[an-ni]
  double ruling
reverse
1. _szesz_-ia el a-bi-ia ma-a-ti-isz li-sze-bi-la-an-ni#
2. u3 a-ka-an-na a-na _szesz_-ia aq-ta-bi um-ma-a ka-ra-asz-ka#
3. sza a-ba a-bi-ia e-ep-pu-usz um-ma lu-u2 a-na-ku-ma ki-me-e
4. ki-i-ni a-asz-ni u2-nu-u2-ta e-ep-pu-usz-ma-a-ku
5. u3 a-ka-an-na ap-pu-na aq-ta-bi _ku3-sig17-mesz_ sza _szesz_-ia u2-sze-bi-lu
6. a-na te-er-ha-tim-ma li-sze-e-bi-il
  double ruling
7. i-na-an-na _szesz_-ia _ku3-sig17-mesz_ ul-te-bil2 a-qab2-bi-i um-ma-a
8. mi-i-is,-ma-a-ku u3 la la mi-i-is, ma-a-ad u3 a-na szi-ip-ri
9. ep-sze-et u3 szum-ma ap-pu-na a-na szi-ip-ri-im-ma ep-sze-et
10. u3 asz-szum an-ni-ti ah-ta2-du dan-nisz2-ma u3 mi-nu-um-me-e
11. sza _szesz_-ia u2-sze-bi-lu u3 am-mi-ti dan-nisz2 ha-da-a-ku
  double ruling
12. a-nu-um-ma i-na-an-na a-na _szesz_-ia al-ta-par2 u3 _szesz_-ia
13. el sza a-bi-ia re-'e-mu-u2-ta li-sze-em-'i-id-an-ni a-nu-um-ma
14. _ku3-sig17-mesz_ a-na _szesz_-ia e-te-ri-isz u3 _ku3-sig17-mesz_ sza a-na _szesz_-ia
15. e-ri-szu a-na 2(disz)-szu a-na e-re-szi i-il-la-ak 1(disz)-tu4
16. a-na sza ka-ra-asz-ki u3 i-na sza-nu-ut-ti-szu a-na te-er-ha-ti
  double ruling
17. u3 _szesz_-ia _ku3-sig17-mesz_ ma-'a-ti-isz dan-nisz2 sza a-na szi-ip-ri la ep-szu
18. _szesz_-ia li-sze-bil2-an-ni u3 _szesz_-ia el sza a-bi-ia _ku3-sig17_ li-sze-bi-la
19. u3 i-na lib3-bi _kur_ sza _szesz_-ia _ku3-sig17-mesz_ ki-i e-be-ri ma-a-ta-at
20. _dingir-mesz_ li-me-esz-sze-ru-szu-ma ki-i-me-e ki-i sza i-na-an-na i-na _kur_
21. sza _szesz_-ia _ku3-sig17-mesz_ ma-'a-ta-at u3 1(u)-szu el ki-i sza i-na-an-na
22. _ku3-sig17-mesz_ li-sze-em-'i-id u3 _ku3-sig17-mesz_ sza e-ri-szu i-na _sza3 szesz_-ia
23. lu-u2 la-a im-mar-ra-as, u3 ad-du-ia lib3-bi _szesz_-ia lu-u2 la-a
24. u2-sza-am-ra-as, u3 _szesz_-ia _ku3-sig17-mesz_ sza a-na szi-ip-ri la ep-szu
25. ma-a-ti-isz da-an-ni-isz li-sze-e-bi-la-an-ni
26. u3 mi-nu-um-me-e sza _szesz_-ia ha-asz-hu a-na _e2_-szu li-isz-pur-ma
27. li-il-ge u3 a-na-ku 1(u)-_ta-am3_ sza _szesz_-ia i-ri-szu lu-ut-ti-in
28. _kur_ an-ni-tu4 sza _szesz_-ia _kur_-su2 u3 _e2_ an-ni-tu4 sza _szesz_-ia _e2_-su2
  double ruling
29. a-nu-um-ma _dumu-kin_-ia a-na _szesz_-ia al-ta-par {disz}gi-li-ia u3 _szesz_-ia
30. lu-u2 la-a i-gal-la-a-szu ha-mut#-ta li-mesz3-szer3-szu-ma li-il-li-ik
31. ki-me-e sza _szesz_-ia szul-ma#-an#-szu e-sze-em-me ma-a-ti-isz dan-nisz2 lu-he2-et-te
32. a-na da-a-ra-tim-ma sza# _szesz#_-ia szul-ma-an-szu lu-ul-te-em-me
33. u3 a-ma-a-tu4 an-na-a-tu4 sza ni-il-ta-nap-pa-ru {d}iszkur be-e-li
34. u3 {d}a-ma-nu-um li-mesz3-szer3-szu-nu-ti-ma u3 i-na pa-ti-i-szu-nu
35. li-ik-szu-du u3 ki-i sza i-na-an-na a-di-szu-nu-ma lu-u2 ma-asz-lu
36. ki-i-me-e i-na-an-na ni-ir-ta-na-'a-am u3 ki-i sza i-na-an-na
37. a-na da-a-ra-ti-im-ma lu-u2 ni-ir-ta-na-'a-am
  double ruling
38. a-nu-um-ma a-na szul-ma-a-ni-szu sza _szesz_-ia 1(disz) _gal ku3-sig17_ tam-lu-u2 ; _{na4}za-gin3-kur_
39. sza-qar-szi 1(disz) ma-ni-in-nu kab-bu-ut-tu4 2(u) _{na4}za-gin3-kur_ 1(u) 9(disz) _ku3-sig17-mesz_
40. sza _murub2_-szu _{na4}za-gin3-kur ku3-sig17 gar-ra_ 1(disz) ma-ni-in-nu kab-bu-tu4 4(u) 2(disz) _na4_ ; _nir2-kur_
41. 4(u) _ku3-sig17_ sza su2-uh-si2 {d}inanna sza _murub2_-szu _na4 nir2-kur ku3-sig17 gar-ra_
42. 1(u) s,i-mi-it-tu4 _ansze-kur-ra-mesz_ 1(u) _{gesz}gigir-mesz gesz-mesz_ qa-du mim-mu-szu-nu
43. u3 3(u) _munus-us2-mesz_ a-na szul-ma-a-ni sza _szesz_-ia ul-te-bil2
  double ruling
This website uses essential cookies that are necessary for it to work properly. These cookies are enabled by default.