&P254324 = ARM 01, 123 #version: 0.1 #atf: lang akk @tablet @obverse 1. a-na ia-as2-ma-ah-_{d}iszkur_ qi2-bi2-ma 2. um-ma isz-me-{d}da-gan a-hu-ka-a-ma 3. _lu2_ esz3-nun-na{ki} a-na [mu]-ul-ha-nim{ki} 4. e-pe2-szi-im pa-nu-szu 5. sza-ak-nu i-nu-ma szu#-[u2] 6. a-lam i-ip-pe2-[szu] 7. a-na-ku ki-a-am-ma-a 8. a-na-at,-t,a3-al-szu 9. pu-ha-am a-na ma-a-ti-szu 10. a-ma-ah-ha-as, 11. s,a-bu-um sza _sipa-dingir_ 12. i-na re-szi-ka li-zi-iz @reverse 1. u3 i-na s,a-bi-im sza mu-tu-bi-si-ir 2. ta-ak-ri-ba-tam 3. sza it-ti _{d}iszkur_-ra-bi 4. _lu2 ka2-dingir-ra{ki}_ i-la#-ku 5. ki-la-ma sza-pi2-il-ti s,a-bi-im 6. sza mu-tu-bi-si-ir 7. s,a-ab-ta-wi-ia 8. u3 zi-ik-ri-_{d}iszkur_ 9. ar-hi-isz a-na s,e-ri-ia 10. t,u2-ur-dam