Collapse
Transliteration
tablet obverse 1. a-na ia-as2-ma-ah-{d}iszkur 2. qi2-bi2-ma 3. um-ma {d}utu-szi-{d}iszkur 4. a-bu-ka-a-ma 5. su-mu e-bu-uh im-tu-ut 6. u3 ap-pi2-isz i-na tu-ut-tu-ul{ki} wa-asz-ba-ta-ma 7. a-sza-ri-isz qe2-er-bi-it 8. t,up-pi2 an-ne2-e-em zi-im-ra-nam 9. szu-usz-mi a-wa-tim ki-a-am s,a-ba-as-su2 um-ma-a-mi 10. i-na# ni#-ib#-ri-tim u2-ul at#-tu#-nu-ma 11. ta#-asz2-[bi]-a ma-a-tum ka-lu-sza# [a-na] e2-kal2-la-tim{ki} 12. [ik]-szu#-du-ma [i-na a-lim]{ki} 13. [ip]-hu#-ru-nim i-[...] 14. [...]-tim n lines broken 15'. [...] ka [...] 16'. [a-na] e2-kal2-la-tim#{ki} [i-tu-ur-ru-nim] 17'. i-na ha-la-ab{ki} su#-[mu-e-pu-uh] 18'. i-na be-la-nim ik-lu-u2-ma [...] 19'. u2-ul i-na-[a-asz2] 20'. i-na-an-na su-mu-e-bu-uh# [im-tu-ut] 21'. [be]-li2 i-la-kam-ma _ARAD2_-di-_mesz_-szu# [a-na ma-ti-szu-nu] 22'. i-ta-ar-ra-am u3 at-[tu-nu an-na-nu-um] 23'. u2-ul na-as,-ra-ta 24'. [ni-sze20]-ku-nu i-na a-ba#-[at-tim{ki}] 25'. [...] 26'. [...] 27'. [...] reverse 1. [u3] ma#-a-tum t,e4-em-sza la s,a-ab-ta#-[at] 2. qa-at ni-sze20-ku-nu s,a-ab-ta#-[nim] 3. qi2-ih-la-nim a-na li-ib-bi ma-a-tim# 4. at-la-ka-nim i-na a-ba-at#-tim[{ki}] 5. eb-ra-ma i-na na-wi-ku-nu it-ti ah-he-ku#-[nu] 6. su#-uk-na u3 i-na re-qu2-tim la te-be2-ra-[nim] 7. [ap]-pi2#-isz ma-a-tum szi-i s,a-hi-it-ma# 8. [x x] x la s,a#-ab-ta-[tu-nu] 9. [...] x x [...] x x [...] n lines broken 10'. [...]-bu#?-lam sza-a-ti te-[...] 11'. [mi-im-ma be-li2] u3 a-na-ku u2-ul ni-[s,a-ba-at] 12'. [_udu-hi-a_ sza te]-le#-qe2 ku-nu-tu-um-ma# 13'. [u3 a-na be]-li2#-ia tu-da-ma-qa 14'. [at-tu-nu a]-na# be-li2-ia tu-da-ma-qa 15'. [sza ni]-ia#-ti i-szu ni-ih-la-tam i-na-ah-hi-il 16'. [u3 szum]-ma# sza-ha-t,am2 la te-le-e at-tu-nu-ma 17'. [ah-hu-ku]-nu# i-na ki-sza-di-ku-nu hi-di-nim-ma 18'. [ti]-s,e2#-e-ma a-na li-ib-bi ma-a-ti-ku-nu 19'. [al]-ka-nim szum-ma la ki-a-am-ma 20'. _udu hi-a_ la ta-sza-ah-hi-t,a3-ma u3 at-tu-nu la te-bi-ra-nim! 21'. we-di a-wa-tum qa-bi-ku-nu-szi-im wa-ar-ka-nu-um 22'. i-nu-ma qa-at be-li2-ia i-ka-asz-sza-di-ku-nu-ti 23'. ki-a-am la ta-qa-ab-bi um-ma-a-mi 24'. iz-zu-ru-ni-ti un-ni-ne-ku-nu ma-am-ma-an 25'. u2-ul i-le-qe2 an-ne2-e-tim u3 ma-da-tim-ma 26'. du-bu-ub-szu-nu-szi-im szum-ma t,up-pu-um an-nu-um 27'. i-na tu-ut-tu-ul{ki} la ik-szu-ud-ka 28'. 1(disz) utu-illat-su2 t,up-pi2 an-ne2-e-em li-il-qe2-ma 29'. li-il-li-ik-ma zi-im-ra-nam 30'. li-sze-mi-szu sza sze-eh-t,im sza-ha-t,i3-szu-nu 31'. u3 e-bi-ri-szu-nu li-pu-szu