&P254261 = ARM 01, 060 #version: 0.1 #atf: lang akk @tablet @obverse 1. a-na ia-as2-ma-ah-_{d#}iszkur_ 2. qi2-bi2-ma 3. um#-ma _{d}utu_-szi-[_{d}iszkur_] [a]-bu-ka-a-ma 4. at-la-ak a-na szu-ba-at-_{d}utu_{ki} t,up-pi2 an-ni-im 5. {disz}_{d}suen_-ti-ri {disz}mu-ut-bi-si-ir 6. u3 ma-sza-am _dub-sar mar-tu_ szu-usz-mi 7. a-nu-um-ma s,a-ab ia-ri-im-_{d}iszkur_ 8. it-ti qar-ra-di-im at,-t,a3-ar-da-ak-kum 9. a-na _dumu mesz_-si-ma-al u3 ia-mi-in 10. szu-pu-ur-ma li-in-ha-ri-ru-ni-kum 11. asz-szum s,i2-di-ti-szu-nu u3 s,i2-di-it sza-bi-im 12. sza i-na ma-ah-ri-ka# wa-asz-bu i-na _tug2_ u3 _ninda_ im-si2 13. sza a-na a-la-ki-ia ma-a-tum usz-te-er-su2-u2 14. mu-ut-ta-tam _ninda_ u3 mu-ut-ta-tam _tug2#_ a-na s,a-bi-im wa-ar-hi-sza-am-ma 15. li-it-ta-ad-di-nu-szu-nu-szi-im 16. u3 s,a-ba-ab qa-al-la-[tam] a-na bi-ra-tim 17. szu-ri-ib isz-tu s,a#-[ba-am a-na] bi#-ra-tim 18. tu#-sze-ri-bu# [...] 19. [...] ha#?-na{ki} ku-s,u2-ur 20. [...] na-nu? u3 _lugal_-su2 u2-sze-pi2-[...] 21. [...] u3 _lugal_ pa-nu-szu la i-sa3-al-li-mu-ma 22. s,a-bu#-um# szu-u2 da-ku-u2-am li-ih-sze-eh 23. s,a-ba-am sza-a-ti hu-ub-bi-ir 24. te-re-tim sza an-ni-ke-e-em u2-sze-pi2-szu 25. ma-di-isz sza-al-ma @reverse 1. [szi]-ir# szu-mi-im it-ta-ad-da-a 2. [t,e4]-em# na-ak-ri-im sza-a-ti 3. [la ta]-ha#-at,-t,i3 4. [...] i-id-di-ka-ma 5. [...]-ti#? ta-da-ak 6. [ta-sza]-ak-ka-an 7. s,a-ba-ka [ku-s,u2]-ur 8. i-na sze-eb-qi2-im [la ta]-ta#-al-la-ak 9. sza-ni-tam te-re-ti [szi-na-ti] 10. szu-up-ra-am-ma lu-u2 [ha-di-it] 11. _iti_ a-ia-ri-im 12. _u4 8(disz)-kam ba-zal_-ma 13. t,up-pi2 an-ni-a-am 14. isz-tu ni-nu-wa-a{ki} 15. u2-sza-bi-la-ak-kum
Total 1 record(s)