Collapse
Transliteration
tablet obverse 1. a-na ia-as2-ma-ah#-[_{d}iszkur_] 2. qi2-bi2-[ma] 3. um-ma _{d}utu_-szi-_{d}iszkur_ a-bu-[ka]-a#-ma 4. a-di isz-re-e _iti_ an-ni-im 5. i-na a-ga-de3{ki} wa-asz-ba-ku 6. wa-ar-ka-nu-um a-na a-lim{ki} 7. u2-ma-ah-ha-ar u3 at-ta 8. it-ti-ia-ma la ta-at-ta-la-ak 9. _u4 5(disz)-kam_ i-na ra-pi2-qi2-im[{ki}] 10. wa-ar-ki-ia lu-up-pi2-it# 11. i#-nu#-ma# _u4 5(disz)-kam iti_ an-nu-[um] 12. uh#-hu-ru a-na ma-ri[{ki}] 13. at-la-ak li-ti sza# [mu-ut-bi-si-ir] 14. u3 ab-du#-[a-mi-im pu-hi-ir] 15. u3 ka#-lu-szu-nu [li-it-ta-al-ku] 16. mi-im#-ma a-na# [an-ne2-tim] 17. u2-ul# in-na-zi#*-[ku] 18. wa-asz-ba-ku te-ni#*-[tum] 19. sza# ab#-du-a-mi#-[im li-ib-szi] 20. i#-[na-an]-na sza# [ki-ma] 21. a-pa-at,-t,a3-ru li#-[ti-ma] 22. a-pa-at,-t,a3-ra-am u3# [at-ta]-ma 23. i-nu-ma a-na ma-ri-im#[{ki}] 24. tu-ra-am-mu-u2 reverse 1. u3# ab#-du-a-mi-im it-ti-ka#-ma pu-t,u2#-ur 2. ki-ma i-ka-asz-sza-du-ma 3. u2-ba-bu-szu-nu-ti 4. isz-tu _mu 3(disz)-kam_ s,a-bu szu-nu 5. u2-ul u2-bu-ub asz-szum ki-a-am-ma 6. li-tu ki-la-al-lu-un 7. i-pa-t,a3-ru-nim 8. sza-ni-tam _{gesz}ma2 hi-a_ sza isz#-tu sza-ad-da-aq#-dim# 9. a-na ra-pi2-qi2-im{ki} usz-ki-li-pu-u2 10. asz-ra-nu-um-ma i-na ma-a-ak 11. sza-di-di-im ka-le-e 12. i-nu-ma a-na _u4 5(disz)-kam_ 13. s,a-bu-um sza ab-du-a-mi-im i-pa-t,a3-ru 14. a-na zi-im _{gesz}ma2 hi-a_ sza ka-le#-e 15. s,a-ba-am sza ki-ma la-pa-tim 16. i-na s,a-bi-tim-ma sza ab-du-a-mi-im 17. lu#-pu#-ut-ma _{gesz}ma2 hi-a_ szi-na-ti 18. i-na pa-ni-szu-nu li-ma!-ah-hi-ru 19. ki-ma isz#-ti-ni-isz-ma 20. a-na ma#-ri-im{ki} i-ka-asz-sza-du# 21. u3 _{gesz}ma2 hi-a_ szi-na a-na ma-ri-im{ki} 22. li#-ik-szu-da-ma re-esz hi-sze-eh-tim 23. [sza i]-na# ra-pi2-qi2-im{ki} 24. [a-qa]-ab#-bu-u2 25. [li-ki]-il-la