Collapse
Transliteration
tablet obverse 1. a-na ia-as2-ma-ah-{d}iszkur# 2. qi2-bi2-ma 3. um-ma {d}utu-szi-{d}iszkur 4. a-bu-ka-a-ma 5. t,up-pa-ti-ka sza tu-sza#-bi#-lam esz-me 6. asz-szum _dumu-mesz_ ia-mi-in ub-bu-bi-im 7. ta-asz-pu-ra-am _dumu-mesz_ ia-mi-in 8. a-na ub-bu-bi-im u2-ul i-re-ed-du-u2 9. tu-ba-ab-szu-nu-ti-ma a-hu-szu-nu _lu2-mesz_ ra-ab-ba-ia 10. sza i-na e-bi-ir-tim i-na ma-a-at ia-am-ha-ad{ki} 11. wa-asz-bu i-sze-em-mu-u2-ma i-ma-ra-s,u2-<szu>-nu-szi-im-ma 12. a-na ma-ti-szu-nu u2-ul i-tu-ur2-ru-nim 13. mi-im-ma la tu-ub-ba-ab-szu-nu-<<szi>>-ti 14. szi-pi2-it,-ka-a-ma du-ni-in-szu-nu-szi-im 15. szi-ip-t,a3-am ki-a-am i-di-in-szu-nu-szi-im 16. um-ma-mi _lugal kaskal_ i-la-ak ka-lu-ma 17. a-di s,e-eh-ri-im li-ig-da-mi-ir 18. su2-qa2-qu3-um sza s,a-bu-szu la gu-mu-ru-ma 19. 1(disz) _lu2#_ i-iz-zi-bu a-sa-ak _lugal_ i-ku-ul 20. ki-a-am szi-ip-t,a3-am i-di-in-szu-nu-szi-im 21. mi-im-ma la tu-ub-ba-ab#-szu#-nu-ti 22. sza-ni-tam asz-szum _a-sza3-hi-a_ 23. sza a-ah {i7}buranun-na# za-zi#-im reverse 1. u3 i-na _a-sza3-hi-a_ sza# s,a-bi-im# s,a-ba-tim# 2. sza asz-pu-ra-ak#-kum ki-a-am ta-asz-[pu]-ra#-am 3. um-ma at-ta-ma ha-na sza na-we-em 4. _a-sza3-hi-a_ i-na a-ah {i7}buranun-na 5. i-s,a-ab-ba-tu-u2 u2-ul i-s,a-ba-tu-u2 6. an-ni-tam ta#-asz-pu-ra-am an-ni-ki-a-am 7. {disz}i-szar-li-im u3 mu-de-e asz2-ta-al-ma 8. _a-sza3-hi-a_ sza a-ah {d}buranun-na a-na za-zi-im 9. u3 a-na su2-nu-qi2-im u2-ul i-re-ed-de-e 10. _a-sza3-hi-a_ szi-na-ti ta-za-az tu-sa3-na-aq-ma 11. ta-zi-im-tum i-me2-ed mi-im-ma _a-sza3-hi-a_ 12. qa-tam sza _u4_-um-szu _lu2_ s,i2-bi-is-su2-ma 13. pa-ne2-em li-ki-il mi-im-ma _a-sza3-hi-a_ la id-da-la-ha 14. _a-sza3_ mi-tim u3 ha-al-qi2-im su2-un-ni-iq-ma 15. a-na sza _a-sza3_ la i-szu-u2 i-di-in i-na te-bi-ib-tim-ma 16. hu#-ti#-it, su2-ni-iq-ma s,a-ba-am szu-li te-bi-ib-tim-ma 17. lu-u2 su2-un-nu-qa-at u3 ha-na sza na-we-em 18. sza i-na a-ah {i7}buranun-na _a-sza3-hi-a_ u2-ki-il-lu 19. [qa]-tam# pa-ni-tam-ma _a-sza3-hi-a_ li-ki-il-lu 20. [u3] asz#-szum _{gesz}ma2-hi-a gal_ ma-da-tim 21. [it]-ti# _{gesz}ma2 tur-hi-a_ szu-pu-szi-im ta-asz-pu-ra-am 22. _[{gesz}]ma2# hi-a gal_ la# im#-ma#-ad-du _1(u)-kam_ 23. u3#-lu-ma 3(u) _{gesz#}ma2#-hi-a gal_ li-pu-szu 24. u3 _{gesz}ma2-hi-a_ szi-na a-ia-isz i-la-ka# 25. ka-at-ta-am-ma left 1. a#-na _sze_-ka# za-ba-lim re-esz-ka-a-ma u2-ka-al#-la