Collapse
Transliteration
tablet obverse 1. a-na {disz}lugal-ri _en_-ia single ruling 2. _dingir-mesz_-nu!-ia u3 _{d}utu_-ia 3. um-ma {disz}szu-wa-ar-da-ta _ARAD2_-ka 4. a-na _giri3-mesz_ {disz}lugal-ri _en_-ia am-qut 5. 7(disz) u3 7(disz) mi-la an-na 6. ma-aq-ta-ti a-na _giri3-mesz# lugal#_-ri _en_-ia 7. u3# sza#-ap-ra# _lugal_-ri# _en#_-ia# 8. a-na ia-szi# ur#-ru#-ba# 9. du-gu-la-ni _ki_ {disz}lugal#-ri# _en_-ia 10. mi-ia-mi yu-ma-gi-ir 11. ur-ru-ba it-ti {disz}lugal-ri _en_-ia 12. le-qe2-ma _ku3_ 4(u) u3 _ku3_ 4(u) x 13. {disz}lugal-ri _en_-ia a-nu-ma {disz}ia-an-ha-mu# 14. it#-<ti>-ka u3 qi2-bi2 it-ti-szu 15. szum-ma mi-la an-na i-ia-nu 16. _erin2-mesz_ pi2-t,a2-ti yi-ik-ki-im!(MI)-ni single ruling reverse single ruling 1. {disz}lugal-ri _en_-ia 2. yi-il5-ma-ad {disz}lugal-ri _en_-ia 3. ki-ma 3(u) _iri-didli-mesz_ ip-pu-szu 4. _kur2_-nu a-na ia-szi 5. a-na-ku 1(disz)-en i-ba#-sza-ti 6. da-na-at _kur2_-nu# _ugu#_-ia# 7. nu-di-ni {disz}lugal-ri _en_-ia# 8. isz-tu qa-ti-szu 9. yu-usz-szi-ra {disz}lugal-ri _en_-ia 10. _erin2#-mesz#_ pi2#-t,a2#-ti# yi#-ik#-ki#-<im>-ni# 11. {disz}lugal-ri _en_-ia a-nu-ma 12. {disz}ia-an-ha-mu u3 ra-bi-s,i# 13. {disz}lugal-ri _en_-ia yi-iq-bi# 14. {disz}lugal-ri _en_-ia it#-ti-szu 15. da#-na-at-mi# _kur2_-nu 16. _ugu_ {disz}szu-wa-ar-da-ta 17. u3 i-ia-nu single ruling blank space