Collapse
Transliteration
tablet obverse 1. [a]-na {disz}lugal _en_-ia qi2-bi-ma 2. um-ma {disz}ARAD2-he-ba _ARAD2_-ka-ma 3. a-na 2(disz) _giri3-mesz en_-ia _lugal_-ri 4. 7(disz)-ta-a-an u3 7(disz)-ta-a-an am-qut-mi 5. ma-an-na ep-sza-ti a-na _lugal en_-ia 6. i-ka-lu ka-ar-s,i-ya :" u2-sza-a-ru 7. i-na pa-ni _lugal en_-ri {disz}ARAD2-he-ba 8. pa-t,a-ar-mi a-na _lugal_-ri _en_-szu 9. a-mur a-na-ku la-a _lu2_ a-bi-ia 10. u3 la-a _munus_ u2-mi-ia :" sza-ak-na-ni 11. i-na asz-ri an-ni-e 12. zu-ru-uh _lugal_-ri _kal-ga_ 13. u2-sze-ri-ba-an-ni a-na _e2 lu2_ a-bi-ia 14. am-mi-nim-mi a-na-<ku> e-pu-usz 15. :" ar-na a-na _lugal en_-ri 16. a-di _lugal en_-ia _ti-la_ 17. a-qa-bi a-na _{lu2}maszkim2 lugal en#_-[ia] 18. am-mi-nim-mi ta-ra-ia-mu# 19. _lu2_ ha-pi2-ri u3 _lu2-mesz_ ha-zi-[ia-nu-ti] 20. ta-za-ia-ru u3 ki-na-an-na 21. u2-sza-a3-ru i-na pa-ni _lugal en_-ia 22. e-nu-ma yi?-qa-bi hal-qa-at-mi 23. _kur-hi-a lugal en_-ia ki-na-an-na 24. u2-sza-wa-ru a-na _lugal en_-ia 25. u3 li-te-mi {disz}lugal _en_-ia 26. e-nu-ma sza-ka-an _lugal en_-ia 27. _lu2#-mesz_ ma-s,ar-ta la-qi2-mi 28. [gab2]-ba#-sza# {disz}e-en-ha-mu 29. [...] x esz 30. [...] x x [...] 31. [...] _kur_ mi#-is,-ri{ki#} reverse 1. x x _lugal#_-[ri] _en_-ri 2. [ia-a]-nu#-mi _lu2-mesz_ ma-s,ar-ta# 3. [u3] li#-is#-ki-en _lugal_ a-na _kur_-szu 4. [li]-is#-kin2# _lugal#_ a-na _kur_-szu pa-t,a-ra-at 5. [_kur]-hi-a# lugal en_ gab2-sza {disz}i-li-mil-ku 6. i-hal-li-iq gab2-bi _kur lugal_-ri 7. u3 li-is-kin2 _lugal en_ a-na _kur_-szu 8. a-na-ku a-qa-bi e-ru-ub-mi 9. it-ti _lugal_-ri _en_-ia u3 la-mur-mi 10. 2(disz) _igi-mesz lugal en_-ia u3 nu-kur-tu2-_mesz_ 11. _kal-ga_ a-na mu-hi-ia u3 la a-la-a'2-e 12. e-ra-ba isz-tu _lugal en_-ia 13. u3 li-it-ru-us, i-na pa-ni _lugal#_ [u3] 14. lu-ma-sze-ra _lu2-mesz_ ma-s,ar-ta 15. u3 le-lu-ub u3 la-mu-ur 2(disz) _igi#-[mesz_] 16. _lugal en_-ia :" e-nu-ma _lugal en#_-[ia] 17. _til-la_ e-nu-ma it-ta-s,u2-u2 _{lu2}maszkim2#-[mesz_] 18. a-qa-bi hal-qa-at-mi _kur-hi-a lugal_-ri# 19. la ta-sza-me2-u2 a-na ia-a-szi 20. hal-qu-mi gab2-bi _lu2-mesz_ ha-zi-a-nu-ti 21. ia-a-nu-mi _lu2_ ha-zi-a-nu a-na _lugal en_ 22. li-din _lugal_ pa-ni-szu a-na _lu2#-mesz_ pi2-t,a-ti 23. u3 lu-s,i-mi _lu2-mesz erin2_ pi2-t,a-ti 24. _lugal en_-ia ia-a-nu-mi _kur-hi-a_ a-na _lugal_ 25. _lu2-mesz_ ha-pi2-ru ha-bat gab2-bi _kur-hi-a lugal_ 26. szum-ma i-ba-asz-szi _{lu2}erin2-mesz_ pi2-t,a-ti 27. i-na _mu_ an-ni-ti i-ba-asz-szi _kur-hi-a_ 28. _lugal en_ u3 szum-ma ia-a-nu-mi _lu2-erin2_ pi2-t,a-ti 29. hal#-qa-at _kur-hi-a lugal en_-ia 30. [a]-na# _dub-sar# lugal# en_-ia um-ma {disz}ARAD2-he-ba 31. _ARAD2#_-ka-ma :" sze-ri-ib a-wa-ta5-_mesz_ 32. ba#-na-ta a-na _lugal en_-ia hal-qa-at 33. gab2#-bi _kur-hi-a lugal en_-ia