Collapse
Transliteration
tablet obverse 1. {disz}a-ma-na-nu-um _szagina_ 2. {disz}dingir-szu-ba-ni _di-ku5 lu2_ i-szim-{d}szul-gi 4. {disz}{d}nanna-tum _dumu_ ur-{d}lugal-ban3-da 5. {disz}na-ra-am-sin _dumu_ sin-na-s,ir 6. {disz}di-iq-di-qu3-um _sza3-tam lu2_ hi-ri-tum{ki} 8. {disz}na-bi-i3-li2-szu _maszkim_ 9. {disz}i-pi2-iq-nu-nu _dumu_ na-wi-ru-um-i3-li2 10. an-nu-tum da-ia-nu-ia 11. i-na _e2_ a-ra-ar-ri is,-ba-ta-an-ni-ma 12. u2-sze-ri-ba-an-ni-ma ip-hi-an-ni 13. u3 {disz}li-pi2-it-esz18-dar 14. am-hu-ur-ma um-ma szu-u2-ma 15. a-di a-wa-at na-di-tim 16. ta-na-sa3-hu 17. ma-ma-an u2-ul u2-wa-szar-ka 18. {disz}a-ma-na-nu-um am-hu-ur-ma 19. a-nu-mi-szu-ma 20. um-ma a-ma-na-nu-um-ma 21. u3 da-ia-nu-ia an-nu-tum 22. a-li-ik# szu-ri-ib-szu 23. a-di ku-nu-ka-ka ub-ba-la-kum reverse 1. um-ma a-ma-na-nu-um-ma 2. a-di isz-tu babila2{ki} 3. a-tu-ra-ak-kum 4. a-nu-mi-szu-ma ap-pi2 aq-du-ud 5. {disz}a-ma-na-nu-um am-hu-ur-ma 6. _di-ku5_ da-ia-<nu-ia> u3 a-ma-na-nu-um# 7. u2-sza-hi-zu-ni-in-ni-i-ma 8. u2-sze-ri-ib-szu-u2-ma 9. a-pa-su2 10. u2-ma-am sza-ti-i-ma 11. sza ku-nu-kam u2-sze-zi-ba-an-ni 12. _a-sza3_ u3 sze-a-am la-a ta-na-di-in