Collapse
Transliteration
tablet obverse 1. a-na a-wi-lim sza {d}marduk u2-ba-la-t,u2-szu 2. qi2-bi2-ma 3. um-ma sa3-al-lu-hu-ma 4. {d}utu u3 {d}marduk da-ri-isz _u4_-mi 5. li-ba-al-li-t,u2-ka 6. lu sza-al-ma-ta lu ba-al-t,a-a-ta 7. _dingir_ na-s,i-ir-ka re-esz da-mi-iq-ti-ka 8. li#-ki-il 9. a-na# szu-ul-mi-ka asz-pu-ra-am 10. [szu-lum]-ka# ma-har {d}utu u3 {d}marduk 11. lu# da-ri 12. i-nu-ma sze-am u2-sza-ni-a-ku 13. sze#-am i-na qa2-ti-ka ki-il 14. a-di t,e4-mi-im a-sza-pa-ra-ak-ku 15. i-na-an-na tup-pi2 usz#-ta#-bi-la#-ku# 16. it-ti _aga-us2-mesz_ sza qa2-ti ARAD2-{d}mar#-[tu] reverse 1. _sza3 elam-ma{ki} kar-ra#_ x x x x x x 2. _1(u) 1(asz) sze gur {gesz}ban2_ {d}marduk am-hu-ur 3. _1(u) 1(asz) sze gur {gesz}ban2_ {d}marduk 4. _gu2-KUM_ a-na sze-e s,u2-bi-it-ma 5. u3 <a-na> _aga-us2-mesz_ sza qa2-ti ARAD2-{d}mar-tu 6. i-di-in u3 ka-ni-ki mu-<hu>-ur-ma 7. a-na szi-bu-ti-ia ki-il-la 8. a-na sa-ku-ut-ti _sze_ sza id-di-nu-ni 9. [_gu2]-KUM_ szu-um-hi-ir la tu-sza-ad-ba-ab 10. ki#-ma sze-am tu-usz-te-s,i 11. sza _3(disz) 1/3(disz) gin2 ku3-babbar_ sza ma-ah-ri#-[ka] 12. u3 _4(disz) gin2 ku3-babbar_ ma-har x x [x x] x 13. le-qe2-e-ma se-am ki-ma i-ba#-asz-szu 14. a#-na# _e2_ {d}utu a-na _na4_ {d}utu ub-bi-ka?-ma# 15. u3 szi-ta-at ma-ah-ri-ka i-di-in-ma# 16. babila2{ki} _aga-us2-mesz_ 17. la i-ka-sza-du-ni left 1. qa2-qa2-di la# tu-qa2-la-al szu#-bi-la bi-it-ka# 2. i-na _ku3-babbar_ u3 _sze_ a-pu-ul tup-pa-ka szu-bi-la