Collapse
Transliteration
tablet obverse 1. ki-ma be-li2 at-ta ti-du-u2 2. i-nu-ma {d}suen-i-qi2-sza-am sza-pi2-ir su-hi{ki} 3. i-na ha-li-is, su-hi{ki} wa-asz-bu 4. {disz}zi-im-ri-e-ed-da _dumu_ da-du-ra-bi 5. a-na ah-hi-szu _dumu-mesz_-szu u3 _dumu-mesz_ ni-szi _dingir_-szu isz-pu-ru-ma 6. ma-tam usz-ba-al-ki-tu ki-ma sza-pa-ri-szu-ma 7. _iti 3(disz)-kam_ la-ma ma-tam!(NA) usz-ba-la-ak-ka-tu 8. {disz}zi-im-ri-ha-am-mu _dumu_ na-ap-su-nu-{d}da-ra pi2-ri-isz-ta-szu 9. u3 pi2-ri-isz-ti _dumu-mesz_-szu sze-mu-u2 10. [i-na] sza-ap-ti-szu ki-a-am isz-sza-ki-in um-ma szu-ma 11. szum#-ma a-hi _i7_ buranun gu-ul-gu-ul-la-tim la u2-ma-al-li 12. u3 ka-bu-ut _ansze-kur-ra_ ma#-la# qa2-ne2#-e la uz-zi-iz 13. da-ba-ab-szu an-ni-a-am sza i-na _u4_-mi-szu id-bu#-bu 14. {disz}ia-di-ri _dumu_ is-si-{d}da-gan u3 6(disz) _erin2 dumu-mesz_ ha-na-at{ki} 15. sza da-ba-ba-am an-ni-a-am i-na sza-ap-ti-szu isz-mu-u2 16. a-na zi-im-ri-ha-na-ta _ugula mar-tu_ iq-bu-u2 17. {disz}zi-im-ri-ha-na-ta _ugula mar-tu_ da-ba-ba-am szu-a-tu 18. a-na {d}suen-i-qi2-sza-am sza-pi2-ir su-hi{ki} ub-lam 19. {disz}{d}suen-i-qi2-sza-am sza-pi2-ir su-hi{ki} isz-pu-ur 20. {disz}zi-im-ri-ha-am-mu szu-a-tu u3 szi-bi-szu il-qu2-nim 21. isz-tu da-ba-bu szu-u2 i-na pu-uh2-ri ub-ti-ir-ru 22. a-na _e2_ {d}ia-ab-li-ia a-na bu-ur2-ri il-qu2-szu-nu-ti 23. isz-tu i-na _e2_ {d}ia-ab-li-ia da-ba-ba an-ni-a u2-ki-in-nu 24. a-wi-lum {d}suen-i-qi2-sza-am a-na ma-as,-s,a-ar-tim ip-qi2-is-su2 25. _u4_-ma-tim _iti 1(disz)-kam_ i-pa-as-su2#-ma# [a]-wa#-tum szi-na 26. be-li2 ka-ta u2-ul# [ik]-szu#-da-nim 27. a-na# te-mi-iq LI# x x x x ni-szi 28. {disz}{d}suen-i-qi2-sza-am i-na ki-li-szu u2-sze-s,i-szu-ma 29. isz-tu _u4_-um u2-s,u2-u2 i-na 5(disz) _u4_-mi la ma-li-i 30. {disz}zi-im-ri-ha-am-mu u3 ia-si-im-ad-da-szu-nu 31. pa-ni _dumu-mesz_ zi-im-ri-e-ed-da _dumu-mesz_ ni-isz _dingir_-szu-nu 32. u3 _erin2_ ah-la-mi-i is,-ba-tu-nim-ma ma-tam usz-ta-ad-du-u2 33. ki-ma da-ba-bu an-nu-u2 i-na babila2{ki} 34. ma-har be-li2-ia ka-ta i-ti-qu2 35. be-li2 at-ta a-na gu-um-mu-ri-szu-nu# 36. tup-pi2 szar-ri tu-sza-bi-lu# [...] reverse 1. ki-ma ik-ke-el-li tup-pi2 szar-ri isz-mu-u2 2. a-na hi-t,i-szu-nu kab-tim sza i-du-u2 3. _iri{ki}_-szu-nu id-du-u2-ma a-na ma-at ma2-ri2{ki} it-ta-bi-tu 4. i-na-an-na gi-isz-pe2-er-rum sza {d}marduk ra-i-mi-ka 5. u2-te-er-ra-asz-szu-nu-ti-ma 6. [i]-na# _dumu#-mesz#?_ ha-na-at{ki} it-tu-ru-nim 7. [{disz}]zi#-im-ri-ha-am-mu# u3 ia-si-im-ad-da-szu-nu 8. [x] ta#-is-su2-nu u2-ul u2-te#-er ta-i-is-su2-nu szi-i-ma 9. a-na# sza i-na pa-ni hi-t,i-szu-nu ih-li-qu2 in-na-bi-tu 10. u2-ul isz-hu-tu u2-ul i-du-ru da-ba-ab-szu-nu-ma 11. i-na da-ba-bi-szu-nu um-ma szu-nu-ma 12. a-na da-ba-bi an-ni-i u2-ul ta-asz-ta-al-la-a 13. i-na babila2{ki} a-na du-um-mu-qi2-ku-nu mi-nu qi2-isz-ta-ku-nu 14. u3 ni-a-ti sza a-na hi-t,i tu-ka-al-la-ni-a-ti 15. ma-an-nu mi-na-ni il-qe2 16. i-na da-ba-bi-szu-nu u3 ma-gal szi-it-mu-ri-szu-nu an-ni-i 17. ma-am-ma-an i-ra-as-su2-nu la tu-ur2#-ri 18. pi2-i-szu-nu a-[szar] isz#-te-en isz-ku-nu-ma 19. ki-ma <<BI.RI>> pi2-ri-isz-ti-szu-nu la sze-me-e 20. qa2-ti _e2_ a-bi-ni i-na pu-uh2-ri it-ta-as2-hu 21. i-na-an-na sza-ad-da-aq-dam i-na esz-sze-tim 22. _bara2_ sza {d}marduk ra-i-mi-ka sza i-na i-te-e su-mu-{d}da-gan 23. u3 i-ta _a-sza3 dumu-mesz_ ba-ah-li-dingir szu-nu-ti 24. a-na ba-aq-ri la ra-sze-e [sza]-ak-nu 25. a-na tu-uk-ku-ul-ti an-nu-u2-tim ha-al-qu2-tim 26. sza isz-tu ma2-ri2{ki} i-tu-ru-nim 27. {disz}gi-mil-{d}marduk a-ha-szu {disz}ia-asz-di-ha-am-mu 28. u2-na-<<NA>>-ah-i-id isz-pu-ur-szu-nu-szi-im 29. pi2-i-szu-nu a-szar isz-te-en isz-ku-nu-ma 30. _bara2_ sza {d}marduk ra-i-mi-ka u2-sza-al-pi2-tu 31. u3 i-ta-a u2-na-ak-ki-ru 32. be-el-ni li-isz-te-sze-ra-an-ni-a-ti 33. ha-al-qu2-tum e-pi2-isz ha-t,i-tim 34. li-ta-am i-na mu-uh2-hi-ni la i-sza-ak-ka-nu-ma 35. [sze-am?] ni#-na-ad-di-na-ma i-na pa-ni-szu-nu la ni-it-ta-la-ak 36. [ki-ma {d}]utu u3 {d}marduk ra-i-mi-ka 37. [uz]-na#-ni a-na be-li-ni ka-ta i-ba-asz-szi-a 38. [szu]-um# be-li-ni ba-ni-a i ni-iz-ku-ur-ma 39. ba-i-szu li-ba-sza-an-ni-a-ti left 1. ma-har {d}utu# u3 {d}marduk a-na be-li-ni ka-ta i ni-ik#-ru#-ub#