Collapse
Transliteration
tablet obverse 1. [x x] szed7-szed7-e szed7! RI [...] 2. ku3 {d}inanna-ke4 u2 bu-bu-re bu-re [...] 3. lu2 zu2-lum de5-de5-ge mu-nim-mar AN [...] 4. ku3 {d}inanna-ra lu2 zu2-lum de5-de5-ge mu-nim-mar# [...] 5. a he2-en-na-tum2 a he2-en-na-tum2 numun ziz2 gi6-ga 6. {d}inanna-ra a-da du6 he2-en-na-tum2 numun ziz2 babbar-ra 7. lu2 na-de6 lu2 na-de6 du6 za pa3-sze3 na-de6 8. ki-sikil {d}inanna lu2 na-de6 du6 za pa3-sze3 na-de6 9. du6-ra gaba-bi-a za-gin3-na bi2-ib-de5-de5-ge 10. {d}inanna-ra du6-ra gaba-bi-a za-gin3-na bi2-ib-de5-de5-ge 11. nunuz dur2-ra in-pa3-de3 dur2-ra-na mu-un-ga2-ga2 12. {d}inanna-ke4 nunuz sag-ga2 in-pa3-de3 sag-ga2-na mu-un-ga2-ga2 13. {na4}lagab za-gin3 dur5-ru in-pa3-de3 gu2-bar-ra-na mu-un-ga2-ga2 14. nig2-gal4-la ku3-sig17 in-pa3-de3 siki sag-ga2-na mu-un-ga2-ga2 15. ku3-sig17 gesztu-gesztu{+gesz-tu3-x} sal-la in-pa3-de3 gesztu-na mu-un-ga2-ga2 16. zabar ag2-su-ub ak-a in-pa3-de3 us2 gesztu2-ga-na mu-un-ga2-ga2 17. nig2 lal3 diri-diri{+x-x}-ga in-pa3-de3 igi#-ni-a mu-un-ga2-ga2 18. nig2 e2-nun bar-ra in-pa3-de3 giri17-ni-a mu-un-ga2-ga2 19. KIN#-gisz-BAD-diri in-pa3-de3 ka-ka?-na mu-un-ga2-ga2 20. tum12-szu-gur4 sa6-ga in-pa3-de3 li-dur-ra-na mu-un-ga2-ga2 21. pu2 lal3 a du10-ga in-pa3-de3 ib2-ib2-a-ni mu-un-ga2-ga2 22. {na4}gisz-nu11-gal zalag-ga in-pa3-de3 hasz4-na mu-un-ga2-ga2 23. {gisz}kim3 siki! gi6-ga in-pa3-de3 gal4-la-na mu-un-ga2-ga2 24. HUB2-HUB2-be2-du7-a in-pa3-de3 me-ri-si-na ru-na-mu-un-ga2-ga2 25. sa-gi7#-da-am3# 26. lu2 du6-ra {na4}za-gin3 de5-de5-ga-ra en gaba-na mu-ri 27. {d}inanna du6-ra {na4}za-gin3 de5-de5-ga-ra {d}dumu-zi-da gaba-na mu-ri reverse 1. [mu6]-sub3 an-na kusz7 den-lil2-la2 en gaba-na mu-ri 2. kusz7 an-na na-gada den-lil2-la2 {d}dumu-zi gaba-na mu#-ri 3. {gisz}ig {na4}za-gin3-na gi6-par4-ra gub-ba en gaba-na mu-ri 4. {gisz}ig-sal-e2-usz-gid-da e2-an-na-ka gub-ba {d}dumu-zi gaba-na mu-ri 5. du6-ra gaba-bi-a im-mi-in-gur-ru-a 6. {d}inanna-ke4 du6-ra gaba-bi-a im-mi-in-gur-ru-a 7. munus-e nig2 i-lu-lam-ma-na ni2 szu tag-ba he2-ku4#?-ku4#? 8. ki-sikil-e [szir3?] du11-ga-ni-a a-a-ni-sze3 lu2 mu-un-gi4 9. {d}inanna ki-e-ne-di-ba su4?-a a-a-ni-sze3 lu2 mu-un-gi4 10. ma-mu ma-mu-a de3-ma-ab-BU-NE 11. ga-sza-an-gen ma-mu ma-mu-a de3-ma-ab-BU-NE 12. ma gi6-par4-ra-mu-a de3-ma-ab-BU-NE 13. gisz-nu2 gi4-rin-na-mu un-na-ab-gub-bu-ne 14. u2 za-gin3 dur5-ru-mu# de3-ma-ab-bara3-ge-ne 15. me-e mu-lu# sza3-ba-mu de3-ma-ni-ib-ku4-ku4-ne 16. {d}ama-uszumgal-an-na-mu de3-ma-ni-ib-ku4-ku4-ne 17. szu-ni szu-mu-ta de3-ga2!-da-ma-ma-ne 18. sza-ba-ni sza3-ab-mu-ta de3-ga2-da-ma-ma-ne 19. szu sag#-sze3# ma#-al-la-na u3 ku-bi ze2-ba an-ga 20. sza3 sza3-ba tab-ba-na hi-li-bi ku7-ku7-da an-ga 21. kun#-gar# {d}inanna#-kam