Collapse
Transliteration
tablet obverse 1. a-na be-le-su-nu qi2-bi2-ma 2. um-ma a-wi-il-_{d}iszkur_-ma 3. be-el-ki u3 be-le-et-ki li-ba-li-t,u2-ki 4. wa-ar-da sza _ku3-babbar_ ta-<sza>-qa2-li-ma ta-sza-mi 5. ki-ma ia-ti u2-ul usz-ta-ma-ra-s,a-ak-ki 6. asz-szum _munus_ si-ip-pi2-<ri>-tim sza ta-asz-pu-ri 7. am-mi-nim a-na be-el-szu-nu ta-aq-bi-a 8. _geme2_ u2-la-a-mi a-na-ad-di-na-ku-nu-szi-[im] 9. a-na-ku-ma-mi a-na a-ha-ti-ia u2-ta-ar#-ra 10. asz-szum {disz}_munus {d}sza-la_-um-mi ak-la#-szi-ma 11. _geme2_ um-mi id#-di-na-asz-szi u2-ul a-na-ad#-di#-isz-szi 12. a-di wa-asz-ba-[ku] i-na ru-ug-bi isz7-[ta]-si#-ma 13. wa-ar-ka-nu-ma ki-ma at-lu-ki isz-mu-u2 14. ur-dam-ma u2 a-na-ku at-ta-ah-la-al-ma 15. _u4 5(disz)-kam e2_ i-di-il-ma u2-ul ip-te 16. {disz}_munus {d}sza-la_-um-mi as,-ba-at-ma 17. ha-ab-ta-ku is3-si um-ma szi-[ma] 18. _geme2#_ sza be-el-szu-nu a-na-[ku x] 19. be-el-ti i-qi2-sza-an-ni [x] reverse 1. u2-ha-ap-pi2-szi-ma at-ta#-[la-ak] 2. na-ah-ra-rum wa-ar-ki-ia il-[li]-ku 3. a-du-uk-szu-nu-ti-ma it-tu-ru 4. a-nu-um-ma _{d}sza-la_-um-mi 5. usz-ta-ri-a-ki-isz-szi ma-asz-ka-na 6. sza 5(disz) _ma-na_ i-di-szi-ma ki-le-e-szi 7. _geme2_ u2-na-sza an-ni-isz#-ma 8. i-ha-al-li-iq-ki ma-asz-ka-nu 9. li-ba-at-ti-iq-szi u2 sza-ni-tam 10. asz-szum {disz}_munus_ si-ip-pi2-ri-tim at-ti 11. u3 {disz}be-el-ta-ni a-ha-at-ki 12. a-na _dumu-munus_ xxxx ki-a-am 13. qi2-bi-a-szi-im a-wi-lum a-hu-ni 14. sza a-sza-ri-<isz> wa-asz-<<ba>>-bu sza-at-ti-sza-ma 15. _5(disz) geme2-mesz_ i-tar-ar-ru-u2 sza-ad-da-aq-di 16. _1(disz) geme2_ a-ha-at-ni ik-la-a-ma 17. pu-ha-am szu-ba-ri-tam a-na# a-hi-ni 18. id-di-in-ma a-hi an-ni-isz ub#-la#-szi-ma 19. <<u2-ul>> a-na-ku szu-ba-ri-tam u2-ul as,-bat 20. um-ma a-na-ku-ma _geme2_-ti-ma-ma-an 21. isz-pu-ra-am-ma um-ma szi-i-ma 22. _geme2_-ti te-ri-im-ma _geme2_-ki tu-ri-ma# left 1. _geme2_-sa3 u2-sza-ri-szi-ma _geme2_-sza3 it-ba-al u3 _geme2_-ti ik-ta-la 2. _dub_-pa-ki li-li-ik-ma _geme2_-ti u3 i-di _geme2_-ti-ia sza-ni-i 3. sza _mu 7(disz)-kam_ li-sza-ad-di-nu-ni#