Collapse
Transliteration
tablet obverse beginning broken 1'. [...] it#-ti-ia _dumu-mesz#_ [szi-ip-ri ...] 2'. [...]-i# ki-i a-[...] 3'. [_dumu-munus]-mesz gal-mesz_ sza i-sza-ap-pa-ru-ni [...] single ruling 4'. [ap-pu-na]-ma at-ta _szesz_-ia ki-i la na-da#-[ni?-im?-ma?] 5'. a#-na _dumu-munus_-ka a-na a-ha-zi ki-i asz2-pu-ra#-[ak-ku tal-ta-ap-ra] 6'. um-ma-a ul-tu4 pa-na _dumu-munus lugal_ sza _kur_ mi-is,-[ri-i] 7'. a-na ma-am-ma ul in-na-ad-di-in am-mi-ni la#? [in-na-ad-di-in?] 8'. _lugal_ at-ta ki-i _sza3_-ka te-ep-[pu-usz?] 9'. szum-ma ta-at-ta-di-in ma-an-nu mi-na-a i#-[qa-ab-bi] 10'. ki-i an-ni-ta a-ma-ta iq-bu-ni a-na-ku a#-[na _szesz_-ia] 11'. a-ka-an-na al-ta-ap#-ra um-ma-a _dumu-munus-mesz gal-mesz#_ [sza ma-am-ma] 12'. _munus-mesz_ ba-na-tu4 i-ba-asz-sza-a 1(disz) _munus_ ba-ni-ta ki-i# [_dumu-munus_]-ka# szi#-i szu-bi-la 13'. ma-an-nu i-qa-ab-bi um-ma-a ul _dumu-munus lugal_ szi#-i# 14'. at-ta ki-i la szu-bu-li-im-ma ul tu-sze-bi-la 15'. at-ta ul ah-hu-ta-a u3 t,a-bu-ta tu-be2-'i-i-ma 16'. ki-i a-na a-ha-mi-isz qe2-re-bi-ni a-na a-hu-za-ti ta-asz-pu-ra 17'. u3 a-na-ku asz-szum an-ni-ti-im-ma a-na ah-hu-ti u3 t,a#-bu-ti 18'. asz-szum a-na a-ha-mi-isz qe2-re-bi-ni a-na a-hu-za-ti asz#-pu-ra-ak-ku 19'. _szesz_-ia 1(disz) _munus_ am-mi-ni la u2-sze-bi-la 20'. mi-in-de at-ta 1(disz) _munus_ ul tu-sze-bi-la 21'. a-na-ku ki-i ka-sza-ma-a _munus_ lu-uk-la-ak-ku-um-ma la#-[a u2-sze-bi-il-szi] 22'. _dumu-munus-mesz_-u2-a i-ba-asz-sza-a ul a-ka-al-la-ak#-[ku-usz-szi] single ruling 23'. mi-in-de-e-ma a-na a-hu-za-ti ki-i asz-[pu-ra-ak-ku u3] 24'. a#-[na] u2#-ma-mi ki-i asz-pu-ra-ak-ku [at-ta ta-aq-ta-bi] 25'. [...] _gal#-mesz_-ka ki#-i ha#-[mu-ut-ta ...] rest broken reverse beginning broken 1'. ir#-[ti _lu2] gal#-mesz_-ka iq-bu-ni x [...] 2'. i-na-an-na sza _dumu-munus_-ia sza u2-sze-[bal-la-ak-ku] 3'. at-ta ze-ra-sza ul ta-s,a-ab#-[ba-at u3] 4'. sza u2-ma-mi mi-nu-um-ma e-ri-isz-ka szu#-[bi-la] single ruling 5'. u3 asz-szum _ku3-sig17_ sza asz-pu-ra-ak-ku _ku3-sig17-diri_-ka# 6'. ma-a'-da la-am _dumu_ szi-ip-ri-ka a-na mu-uh-hi-ia i#?-[la?-kam?] 7'. i-na-an-na ha-mu-ut-ta i-na _sza3 buru14_ an-ni-i 8'. lu-u2 i-na _iti szu-numun-na_ lu-u2 i-na _iti ne-ne-gar_ 9'. szu-bi-la-am-ma du-ul-la sza s,a-ab-ta-ku lu-pu#-usz# 10'. szum-ma i-na _buru14_ an-ni-i i-na _iti szu-numun-na_ u3 _iti#-[ne-ne]-gar_ 11'. _ku3-sig17_ sza asz-pu-ra-ak-ku tu-ul-te-bi-la-am# 12'. _dumu-munus_-ti a-na-di-na-ak-ku u3 at-ta i-na t,u2-bi _ku3-sig17-diri_-ka szu-bi-la 13'. u3 szum-ma i-na _iti szu-numun-na_ u3 _iti ne-[ne-gar_] 14'. _ku3-sig17_ la tu-ul-te-bi-la-am-ma du-ul-la sza s,a-ab-ta-ku la# e-te-pu-usz 15'. u3 i-na t,u-bi a-na mi-ni-i tu-sze-bi-la-am 16'. ul-tu4 du-ul-la sza s,a-ab-ta-ku e-te-ep-szu 17'. _ku3-sig17_ a-na mi-ni-i lu-uh-szi-ih 18'. lu-u2 3(disz) lim _gun_ sza _ku3-sig17_ szu-bi-la ul a-ma-ah-ha-ar# 19'. u2-ta-ar-ra#-ak-ku u3 _dumu-munus_-ti a-na a-hu-za-ti ul a-na-di#-[in] blank space rest broken